تخطيط الوجبات
أهلا يا أصدقاء..
أحكي لكم اليوم تجربتي مع تخطيط الوجبات..
مشكلتي كانت اني اطلع اكثر من مره في الاسبوع للسوبرماركت عشان بعض الاغراض تكون ناقصه واحيانا اكثر من مره اتصل على زوجي يجيب شي وهو راجع،
واحيانا بعض الاشياء خصوصا الي ماتباع الا بكميات كبيره تخرب عندي في الثلاجة مثل علبة السبانخ الطازجة.
لمن بحثت وجدت شي عند الاجانب جدا مشهور بسبب ضيق وقتهم الي هو التخطيط لوجبات الأسبوع..
النظام عباره عن تحديد كل وجبات الاسبوع (فطور-غدا-عشا)
وكتابة قائمة بالمقاضي الي نحتاجها لهالقائمة فقط، وبكميه تناسب اسبوع واحد أو اثنين بس..
وحطي فبالك كل شي يحتاجه الاسبوع/العصيرات وعدد الخبز الي يستهلك والاجبان و الحليب وكل شي من الفطور للعشا وحتى لاوقات السناك او الوجبات الخفيفة بعد.. لانخلين شي..
هالحركة مو بس توفر الاكل، توفر الوقت بعد لانها تحتاج ذكاء في التخطيط واستخدام نفس العنصر لأكثر من طبق بحيث نقدر نقطعه مره وحده في يوم واحد ونستهلكه خلال اسبوع، لكن بشرط عدم تكرار الوجبات..
مثلا، نختار اننا نصلح هالاسبوع فوتيتشيني، معناته راح نحتاج هيفي كريم ، نروح نحاول نفكر بطبق يحتوي على الهفي كريم مثلا شوربة بيضا وهكذا..
مثال ثاني السبانخ ، ممكن يتصلح منها بيض او تنحط مع المكرونة او فطاير السبانخ او يتصلح فيها السموذي الأخضر..
فالشغله تحتاج ترتيب، واكثر شي يساعد عليها:
أولاً
ان الواحد يكتب (منيو) فطور، غدا، عشا..
(هنا تجدون المنيو الخاص بي)
ويكتب فيه كللل شي يعرف يصلحه ويفضل تنكتب جنبها المقادير الي تحتاج تكون طازجة (لان الي مو طازج عادي متوفر طوال السنه مثل السكر والدقيق والرز.. مايحتاج نشتريه كل اسبوع)..
—
الأمر الثاني
نحدد فاكهتين او ثلاثه فقط للاسبوع لان الفاكهه بسرعه تخرب وحتى لو شكلها انها كويسه تكون فقدت كثير من قيمتها الغذائية وهي تنتظر في الثلاجة، فنحاول ناكل الاشياء الي تخرب اسرع اول، يعني الفراوله في بدايه الاسبوع ناكلها والتفاح في اخره وهكذا..
(ملاحظة : اذا وضعنا الأكل في حاويات شفافة راح نستهلكه اسرع لأنه دايم واضح أمامنا فلا تتركون الأغراض في أكياس عشان ماتنسون الي بداخلها)
—
الشي الثالث
نحدد يوم ثابت لطلعة السوبرماركت وهاليوم يكون اجازه من الطبخ، نطلع مطعم قبل المقاضي او نطلب من برا ويكون هاليوم فيه اعداد الاسبوع الجاي،
الاعداد يكون بكتابه المقادير و (تقطيع بعضها)
مثلا نحتاج بصل مقطع هالثلاث ايام الجايه نقطع بصله ونكيسها واي شي يحتاج تقطيع ومايخربه التقطيع نسويه،(ممكن تطلبين زوجك يساعدك في هاليوم
خيار رابع
نحدد يوم في الاسبوع تجربه وصفة جديده او طريقة فطور جديدة وناخذ مقاديرها معنا..
خامس شي
اذا مع كل هالترتيب لقينا اشياء ماخلصت قبل ماتخرب نفرزنها او بسرعه نصلح بها عصير او اي وجبة ونأجل الوجبات الي اغراضها مو مهدده بالخراب..
الشي السادس
لازم نعرف مواعيد فساد الأطعمة وتحصلونها على النت (الفواكه والخضار والاطباق المطبوخة)
وهذي صورة مساعدة :
(ماحصلت شي عربي للأسف لكن بأترجم هالصفحة و أرجع أرفعها لكم بإذن الله)
السابع
من احسن الاشياء انك تسوين زياده في الوجبة وتخلينها سواء حق عشا بكره او تفرزنين الكمية وتستخدمينها يوم ثاني متى ماصار وقتك ضيق..
لكن مو هذا موضوعنا
/ اذا حابين اكتب عن تقصير وقت الطبخ وحلول تخلي فتره المطبخ اقصر خبروني لاني انسانه ما احب اطول وانا اطبخ ودايم اخترع حلول وابحث عنها..
هالنظام في البدايه راح تكون فيه اخطاء مثلا الخبز يخلص اسرع مما توقعت او عدد الطماطم باقي منه ماخلص عادي ادون هالملاحظه واتفاداها المره الجايه..
(حاليا كل شي مكتوب في جوالي بس ان شاء الله راح اطبع خطتي الاسبوعيه مع المقادير والوصفات واصير اشارككم كل اسبوع
ونصير نشتغل شغل جماعي ونستفيد من التجارب لكن انتظر شي يخلص وابدا هالحركة معكم باذن الله)..
أتمنى فادكم الموضوع واذا حابين تضيفون أي شي يتعلق بالمطبخ اكتبوا لي في التعليقات 🙂
...
تواصلوا معي عبر :
انستغرام وتويتر : arwa_alomrani@
يوتيوب : arwa karu
سناب : arwakaru
اخترت لك:
As an Amazon Associate I earn from qualifying purchases
التعليقات ( 73 ) :
اترك تعليقاً
يجب أنت تكون مسجل الدخول لتضيف تعليقاً.
حلوة الفكرة ومفيدة
الله يقويك وع فكرة تصميم المدونة جممممميل جدا ماشالله ومعبر عنك
اكيد بحط المدونة فالfav
جدا عجبتني الله يسعدك لو ترجمتي الصفحه وكمان اذا شاركتينا كيف نقصر الوقت بالمطبخ احبك في الله ياصديقتي الجميله
جزاك الله خير على هذه التدوينة، من قرأتها بالانستقرام وأنا متحمسة لها جدًا..صحيح ما بدأت بتطبيقها بحكم إني مع عائلي وكل شخص يبي وجبة …الخ، لكن حابه الفكرة بشكل كبير خاصة مع رغبتي بتجهييز الوجبات المبكر، عشان ما اتعيجز واضطر اطلب أو اكل شيء ماله قيمة غذائية وبس يشبعني.. شكرًا للتدوينة، وياليت تشاركينا بعض خططك الأسبوعية وخاصة الوجبات ذات المكونات المشتركة.
وفقك الله لكل خير وأسعدك
ماشاءالله الفكره ملهمه بأشياء كثره وتفيد في كل شيء مثل ماقلتي زي الاكل والوقت وحتى تغيير في روتين الوجبات اليوميه وننتظر الخطه الاسبوعه
صار لي مده اطبق كللل اللي تقولينه وياسلاااااام
البنترست صار لي مرجع في كللل شي وانتي قبله
جممميل جدا الموضوع و مفيد .. حبيت المدونه بشكل عام
فكره رااااائعه جدا،،،وتلخيصك ل تجربتك مختصر وبسيط♡
ربي يحميك ويسعدك أروى،،
إنسانه مبدعه بكل ما تحمل الكلمه من معنى♡♡
الله يعطيج العافية ، و جزاك الله كل خير ، و الله جد مشكوررة وماتقصرين على كل هالخير و الحب الي تنشرينه للناس ❤️❤️ و ان شاء الله نبتدي بأسرع وقت نطبق الي قلتي عليه .
وبعد حابه اعرف عن تقصير الوكت في الطبخ
السلام عليكم ..
أفكارك جميلة ومفيدة وأنا شخصيا استفدت كثير
وأحلى مافي الموضوع انك حسستينا بأنا اخوانك وأصدائك اللي نعيش معك بكل مكان تروحينه
وفكرة المدونة رائعة وتصميمها راقي جدا وواضح ومتعوب عليه
So great idea
I really like your organize
Keep going
كلللللك وذوق وتصميم المدونة جدا رايق ماشاء الله
استفدت من موضوعك تخطيط جميل جدا
انبهرت بجمال المدونه والدقه في التفاصيل الصغيره اللطيفه *^* 3>
بالنسبه للفواكه زي الموز مثلاً اذا صار لها فتره عندنا نسوي فيه كيك .. اما التفاح والخوخ والكمثرى ممكن تقطعينهم و تطبخينهم وتقدمينهم مع الفرينتش توست مثلاً .. >> خيارات ثانيه غير السموذي $^$.
يعطيك العافيه شغل عدددل
ما شاء الله تبارك الله اسلوبك جميل وروحك حلوة الله يحميك ويحفظ لك عائلتك الصغيرة
شكرا اروى استفدت منك كثير
يعطيك الف عافية
ماشاء الله يا اروى جمييلة الافكار
انتي مبدعه اهنيك
جداً موضوعك جمييييل وشيق ومحفز بنفس الوقت
الله يعطيك العافية ويسعدك مثل ما أسعدتينا وأفدتينا ❤❤
اي جعلك في عليين يا اروى
الموضوع جدا مفيد و نعم ياليت تكتبيلنا عن تقصير وقت الطبخ لاني انا كمان ما احب اطولل في المطبخ بس المشكلة بابا ما يحب الاكل البايت يعني اللي مو طازج فما اقدر اني اطبخ الوجبة و احط جزء منها في الثلاجة لثاني يوم يقول ان الطعم يتغير عن نفسي ما لحظت شي ههههه حبيت فكرة اننا نتشارك في الخطط الاسبوعية ان شاء الله اشارككم انا كمان
مرحبا اروى كثيرر انبسطت ان صار عندك مدونه
نفس المشكله واجهتني في البدايه اني اروح كل يومين سوبرماركت واشتري الي ابيه والي مابيه فصار عندنا خربطه شوي وقررت اني احدد وجبات الاسبوع وعلي اساسها اعمل شوبينغ ساعدني كثيرر هالموضوع
يعطيك الف عافيه
بصراحه مرره جميلهالمدونه وافكارك الي فيها مرتبه وتساعد الواحد كثيرر الله يعطيك العافيه
مشالله شغلك مرتب ومخطط
انا احاول اسوي كذا كثير بحكم ان الاشياء تخرب عندي بسبب قلة الاشخاص
الفكره مره حلوه في مدرستنا عملنا فكره مشابه بس انو كانت لوحه وفيها جدوال وتحتها قلم اول جدول متلا عن الصلاه التاني عن متلا الترتيب التالت متلا عن الاطلاع وتحطي صح امام كل عمل سوتيه ويصير نهايه الاسبوع تكافي نفسك يعطيك دافع لتنظيم حياتك باسلوب ممتع
جميييل جداً . من فتره طويله و أنا جالسه أرتب لي جدول للوجبات . و أخيرا لقيت حد كاتب عنه ، استفدت من نقاط ما كنت منتبهه عليها قبل بالذات شغلت المكونات المشتركه .
اييي ياريت و الله تحطين عن وقت الطبخ ، و حتى في كمية الأواني اللي استخدمها مرره أحاول إني أستخدم طرق تقلل كميتها و كذا عشان ما أطول في الغسيل فلو عندك حاجات كذا عرضيها بتفيدنا أكثر .
الله يعطيك العافيه .
اتمنى تعمليلنا تدوينه كيف تنظمين ووووقنك
انا بعمل خطة وبحضر اغراض الطبخة من زمان بس بتمر عليي أيام أشعر بالملل وبخرب النظام كلو
ربي يسعدك ع هالمعلومات يالغلا ماقصرتي واسعدني جدا رؤيه مدونتك يالغلا موووفقه أقولها لك من كل قلبي وليت تكتبي المنيو تبعك وتسوي موضوع عن ميزانيه المطبخ من اي مبلغ محدد تبدا كشي طبيعي كل شهر من فردين الا اربع أفراد ومشكورررره
الله يسعدك يارب شكككرا لتعليقك ،، موجود المنيو في قسم مطبخي 🙂
ماشااء الله وش هالتنظيم وابدااع في الافكار ومرتبه وكل شي جمميييل الموقع مرا انبسطت فيه وقضيت وقتي الفراغ فيه واستمتعت وهاول مرا ادخ بحسابك في انستقراام وحبيتتتك وحبيت ابداعك الله يوفقك استتمرري
اروى الجميللة ..
مبسوطة كثير لقيت مدونة عربية تهتم بمجال ادارة المنزل 3>
دايما الاقي البلوقرز الاجنبيات يهتمو ويتكلمو في هذه المواضيع وتلهمني وتفيدني جدا لضيق وقتي وفوضيتي.
مدونتك جدا رااائعة ماشاءالله
اتمنى نشوف الحلول لتقصير الوقت في المطبخ والمنيو الاسبوعي
الله يحميك ويسعدك 3>
اﻻوى انتي مبدعه حرااام توقفين واذا وقفتي تدوين راح تسعدين الناس اللي يتمنون ويسعون للشي هذا انتي مبدعه وناجحه وكل ناجح محارب استمري ولا يهمج كلام البعض لانهم ميتييييين قهر وعاجزين يوصلون ربع ماانتي عليه ماشاءالله تبارك الله عليج موهوبه حرااااام توقفين .
جزاك الله خير موضع جميل ومفيد
جزاك الله خيراً مواضيعك جداً مفيدة وشيقة
حماك الله ووفقك لمايحبه ويرضاه لك كل الاحترام والتقدير
الله يعطيك العافية مدونة رائعة و مفيدة مشكورة
حبيت فكرة أن منتج واحد لأكثر من شغلة زي السبانخ والكريم بصير أحطها بالحسبان ()
شكرا اروى بالبحث طحت على مدونتك ومافكيت منها مرة اندمجت بمواضيعك ():$
ربي يسعدك ياجميلة
الله يسعدك اروى نبا افكار لتقصير وقت الاكل فكرتك جدا رائعه الله يحفظك ويحميكي
من ناحية الحياة المنزليه انتي قدووووتي
احبببببببج
جميييييييييييييييييييييييييييييييييييييل صراحه عندنا باول ثانوي مادة الحاسب ندرس مدونتك من الامثله الليي تخص الموضوع حنا ك=مواضيعنا عن المدونه وكيف تسوينها وكذا المهمم اني جد جد معجبه بتصميمك للصفحه وبسوي نفسك الحصه الجايهه هعع
يازينكم ، شذى قولي لأستاذتك شكرا على اختيارها لمدونتي كمثال ،، الله يوفقكم يارب
جميييل جدا وبالذات للامهات المبتدئات ضايعين في المطبخ يسلموو ياعسل ?
أروى ممكن تعملي جدول للرجيم لأَنِّي جد تعبت وأنا أجرب بس ما نفع ?
ياليت تترجمي لنا صفحة فساد الاطعمة
شكرا مرره اروى على الموضوع ،،،
ا
ماشاءالله تبارك الله افكارك كلها جمممميله ، والله يا أروى لما افتح مدونتك احس الحياة حلوه وانبسطط مررره ماشاءالله تبارك الله ،الله يجزاك خير ياقلبي?
انتي رائعه وملهمه وأفكارك فيها حياه وايجابية وتبعث علي النشاط والحركه والتغير من جد كلك فائده
مبدعه الله يحفظك ويرعاك
ماشاءالله تبارك الله مواضيعك جدا جميله ومميزه ومفيييده ياليت ياروى تنزلين لنا عن المفرزنات وتخزين الاطعمه سواء الخضار او الفواكه وهل اقدر اقطعهم وابردهم وااكلهم بوقت ثاني بدون مايخربون وتروح النكهه وبعد تعليب اللحم والدجاج وتخزينهم عشان مايأخروني واخذ وقت كثير بالمطبخ وحوسه مواعين اكثر اتمنى ينزل موضوع تخزين الاطعمه بطريقتك انتي لاني صراحه مااثق الا فيك وبسرعه اطبق مواضيع واقراهم وارجع لهم كذا مرره اعيد قرائتهم
شكراً ياجميلة
الله يجزاك الجنة أتابعك بإستمرار
ماشاءالله تبارك الله
الله يوفقك ويعطيك ماتتمنين على هالمدونة الرائعهه
ننتظر خطتك الأسبوعية?✨
السلام عليكم أروى كيف حالك جزاك الله خيرا على لمسات الجميله والأفكار الرائعه بس ممكن طلب صغير ازاى بتنظمى وقتك وعندك بيبى وتوفقى بين البيت والدراسة والبيبى والقراءة والمطبخ
جدا أفكارك رائعه ولمساتك جميله ممكن تقوليلنا ازاى بتنظمى وقتك وعندك بيبى صغير ازاى تقدرى تلاقى وقت للطفل وللمطبخ والقراءة والدراسة والتسوق والهوايات
الله يجزيكي الخير
وين بلاقي خططك الاسبوعية؟
حلوة انا اجيت من نماء شام
والله أفكاره رهيب
يعطيكي العافيه اروى الجميلة ??
جميله
الحمدلله إنك دخلتي حياتي
❤️❤️❤️
اهلا يا جميله ً وين طريقة الجارنولا الصحية؟
انتي مبدعه ورائعه ومميزه وملهمه بالمختصر انتي نادره
جميل كجمالك ماشاء الله استمري ونحن معاك
أهلا حبيبتي، حبيت أستأذن لو أقدر أنشر هذا المدونة على الموقع الإلكتروني الخاص بي، بإسمك طبع، أنا أخصائية تغذية و حبيت أشارك أرائك مع البنات،وأشهر مقالات غذائية و أراء مختلفة عن التغذية.
رائعه 💖
اولا الصلاة على النبي
ماشاءالله لا قوة الا بالله
بجد انسانه راقيه
روعه روعه روعه اكيد راح أستفيد
باذن الله 🌹
مااااازلت بشغف أنتظر قائمة الأسبوع للطبخ وطريقة تقصير وقت الطبخ
اعجبتني فكرة الوصفات اللي تختصر الوقت اللي اطبخها واقطعها وافرزنها او بالثلاجه لثلاث ايّام ويكون تجهيزها بيوم واحد ياليت تنزلين لنا طريقتها شفت في بينترست كثير لاكن ماستوعبتها يمكن اللغه صعبت علي مع أني اعرف بعض المفردات
ما شاء الله الله يزيدك ❤️
[…] تخطيط الوجبات – اروى العمراني […]
أنا معجبة فيك أروى وأنت قدوتي بالحياة
والشخصيه الي اتمنى أكونها بيوم من الأيام
استفيد دائما منك واتابعك بكل وسائل التواصل الاجتماعي وافتقد غيابك اذا غبتي 💔
شكرا من القلب لك يا رائعة شكرا لكمية الجمال الي تغرقينا بها ♥️♥️
شكرًا اروى يا رائعة