التطريز اليدوي| تعلم ثلاث غرز أساسية وتنفيذها على باترون
السلام عليكم ورحمة الله وبركاته
مرحباً أصدقاء أروى، أتمنى لكم يوم لطيف
التطريز اليدوي من أقدم الأشغال اليدوية الممتعة واليوم راح أشرح ثلاث غرز أساسية وراح ننفذها على باترون، يلا نبدأ
الأدوات:
- طارة (طوق)
- قطعة قماش
- خيوط تطريز
- أبرة تطريز
- مقص
نقل الباترون على القماش:
مو مهم طريقة نقل الباترون طالما هي تناسبكم وتأدي الغرض ممكن حتى ترسمونه بيدكم ،و طريقتي أني أشف الباترون من الجوال أو الأيباد بقلم الرصاص إذا كان سهل ومافيه تفاصيل كثير وأثبت الشفاف على القماش واعيد على الباترون هالطريقة بتوفر وقت.
كذا بعد مانقلنا الباترون على القماش
أولاً: غرزة الفرع البسيط Backstitch
1.في البداية راح نطلع بالأبرة من بعد بداية الحرف بمسافة صغيرة.
2. نرجع ندخل بالأبرة من بداية الحرف وبكذا تكونت أول غرزة.
3. نطلع الأبرة بعد الغرزة الأولى بمسافة صغيرة (نحاول تكون المسافات متساوية عشان يكون شكل الغرزة مرتب).
4. ندخل الأبرة في بداية الغرزة الأولى ونستمر على هذا النمط لين ننتهي من باقي الحروف.
بيكون شكلها كذا بعد ماننتهي
ملاحظة:
في المنحنيات زي حرف P نحاول نصغر الغرزة عشان تاخذ شكل الإنحناء وماتطلع بزوايا أو شكل مستقيم.
ثانياً: غرزة Wheel/Rose
بالبداية نرسم خمسة خطوط تمتد من نقطة الوسط.
1.نطلع من نقطة الوسط وندخل بالأبرة في نهاية الخط الأول
نكرر نفس الخطوة مع بقية الخطوط وبكذا خلصنا أول خطوة من الغرزة.
2.نطلع الخيط من نقطة الوسط، بعدها ندخل الأبرة من تحت الخط الأول.
بعدها نتجاهل الخط الثاني ونرجع ندخل الأبرة تحت الخط الثاني ، ونستمر هكذا (فوق الخط – تحت الخط ) لين نهاية الخطوط أو الدائرة.
عشان ننهي الغرزة ، ندخل الابرة زي بالصورة ونحاول مانشد الخيط .
راح يكون شكلها كذا بعد ماننتهي ونكمل الدائرتين الباقية بنفس الخطوات .
ثالثاً: غرزة السلسة المنفصلة Lazy daisy stitch
1.أول شيء راح نبدأ بالخط الي في النص وراح نطلع الأبرة من نهايته.
2.نرجع ندخل الأبرة من نفس المكان إلي طلعنا منه ، بيكون شكل الخيط بهذا الشكل.
3.بعدها نطلع الأبرة من بداية الخط المرسوم (يكون الخيط تحت الأبرة) ونبدأ نسحب الخيط شوي شوي لين تتكون الغرزة أو الورقة.
4.نرجع ندخل الأبرة من المكان الي طلعنا منه آخر مرة ، ونكرر الخطوات مع باقي الخطوط بنفس الطريقة.
بعد ما إنتهينا نقص أطراف القماش ونخلي تقريباً 1-2سم
راح نخيط القماش من ورا بالسراجة و نشد الخيط ، بينزم معانا القماش ويصير بهالشكل.
وبكذا انتهينا، ممكن تعلقوها بمكان أو ممكن تكون هدية لشخص عزيز عليكم ، إيش رايكم؟أتمنى يكون شرحي واضح. وإن شاءلله كانت أول تدوينة لي خفيفة عليكم?
راح أكون سعيدة لو شاركتوني تطبيقاتكم هنا
pruple13@
اخترت لك:
As an Amazon Associate I earn from qualifying purchases
التعليقات ( 57 ) :
اترك تعليقاً
يجب أنت تكون مسجل الدخول لتضيف تعليقاً.
مااااااشاااااء الله تجنن سهله وبسيطه كنت محتاره كيف اسوي غرست هالورده
واوو
تسلم يمناك
بصراحه حبيته مررره وشرحك واضح ومبسسط
حببتيني في التطريز مع ان كنت استصعبه
الله يعطيك الف عافيه قمر
👍🏼 صحيح
جمييل جدا ماشاءالله أبدعتي.. وشرحك جدا بسيط ومرتب وواضح❤️
واااووو صدق ما شاءلله تبارك الله شهالشرح الزين الجميل البسيط شككرااً لك بحجم السماء ???
جميل ? أبدعتي يعطيك العافيه
ماشاءالله شرحك بسيط وواضح
استفدت جداً
خصوصاً كان نفسي اطرز زي كذا الله ينور دربك
شكراً لجهدك
ماشاء الله جميله ..يعطيك العافيه?
ماشاء الله شغلك يجنن ???
مرتب ومتقن و شرحك سهل و واضح , الله يوفقك يارب ?
جميل الله يعطيك العافيه احب التطريز
جمييل جدا ماشاءالله وبسيطه من زمان وانا نفسي اتعلَّم أخيط هذي عطتني دفعه اني ابدا بنفس عملك ومتحمسه لتدوينات اخرى لك ?❤️
بصراحة جداً جمييييييلة ومرتبة ،،، عجبتني الفكرة كثير مع إني ماأحب الخياطة اليدوية? ،،، بس بعد ماشفت موضوعك أتغيرت وجهة نظري خاصة إنه علمتينا غرز جديدة ????،،،
الله يعطيك العافية ويجزاك خير
الله شغل مرتب ونظيف ورااائع ماشاءالله بارك الله ???
جميل شغلك ويعطيك العافيه بس حبيت أنبهك ان الغرزة الي أشتغلتي فيها على الكلمة هي سراجه خلفيه
مرا تجنن ??❤️
حبيييتها ، من فترة شريت الأدوات ونفسي اتعلم ، من القلب شكراً لك
ممكن اعرف اذا القماش ينفك او لا??؟؟!
ايه ينفك، تقدرين تخلينه مفرش بعد
الله ..شرحك بسيط وجميل جدا ❤
شرحك مبسط وغير كذا شغلك نظيف ماشاءالله??
دُمتِ بودّ ?
حبيتها تسلم ايديك
حبيتها و نريد أكثر من تنفيذ لهالنوع من الخياطة
من متى وانا ابحث عن ألطريقه واخيرررررا لقيتها الله يسسسعدك
ماشاء الله تجنن ، اناا من محبين التطريز والاشياء وكنت مبدعه وقتها لكن اللحين مرره فقدتهاا من تخرجت من المدرسه
مره اعجبتني وسهله بعد وشرحك سهل ومبسط شكرًا تسلم يدينك
راااااائعة جدا
جالسة اطبق ?
شيء جميييييل وراقي ومفيد بحاول اهدي شخص احبه شيء من هذا الابداع
جميل مرررررررررررررره حبيت الفكره احب التطريز لكن ماامارسها وحمستيني ???
مررا حلوه شكرا الشرح واضح❤️
بجربها
كميه بساطه و حب بالشغل ربي يسعدك ع الشرح
واو ☹️💖💖💖💖 شايفة الناس طابين بالتطريز مره ذي الفتره
تجنن تبارك الرحمن 😭💜💜💜
ماشالله مبدعه مررره وكيوت حبّـيت
good
مره مره استفدت ماشاءالله عليك
حاولي كمان تنزلي تدوينات عن الخياطة😍😍😍
مره شكرا امر بحاله رتيبه جدا واكتئب بحثت عن نفسي بكل المجالات. وماحبيتها وكنت مستصعبه التطريز مره بس شرحك سلس وجميل وشغلك رائع ماشاء الله الله يجزاك الجنه ووالديك ويسعدك دنيا واخره
جميلة ومتقنة وبسيطة شكراً على هذا الجمال 💕💕
مرره جميييل تسلم ايدك …ابغى انستقرامك او اذا عندك قناة باليوتيوب؟
جميل
من زمان نفسي اسوي كذا وولا لقيت شرح سهل زي شرحك شكراا
رائع مرررره،بطبق مثلك وانشاءالله تطلع رهيبه زي حقتك👏🏻💜
رائع جدا
ماشاء الله جممميل
ممتاز
حبيت 😻، شغلج وايد بسيط و انيق صراحة
جميلة مرة والغرز المستخدمة سهلة بس حقت الوردة مافهمت كيف انهيها☹️♥️!
شكرا
شرحك حلو، وشغلك احلى
شجعتيني ادخل ذا المجال
جداً جميل 🌹❤️❤️❤️🌷
جمييييييييييل🌷🍃
شكراً لكي
مره جميل 🌷🍃 وشرحك جداً واضح💐
جميييييلة تبارك الرحمن، بإذن الله بأنفذها
ما شاء الله روعة وشرحك حلو وبسيط
تسلم الايادي تحفه
شكراً لك كنت ما بعرف كيف اسوي وردة حلوة و مرتبة
يعطيك العافية .
حبيت بس يا ليت لو تكتبي أسم الغرز و شكرا 🌹