charging station’s box محطة الشحن اللطيفه~
السلام عليكم ورحمة الله وبركاته
.
اهلا يا اصدقاء?
انا اماني
ونقول الافتتاحيه المعتادة لكل مدونه هنا ?? وهو شكر اروى ع اتاحه الفرصه لنا?
.
.
اول شي بقولكم قصتي الحزينه☺️
سلمكم الله ماعندي الا فيش واحد بجنب السرير والحمدلله مرتاحه شاحني عندي وكل شي زين?
مع الوقت بدت تزيد اجهزتي وتزيد معها الشواحن والاسلاك وحوسه فكان الحل الاول اني احط الشاحن الي فيه عده منافذ
>>شرح بنقالي ادري بس تشوفونه بالصور وتعرفونه .. واشبك فيه الاسلاك وكذا ارتحت من سالفه افصل اشبك افصل اشبك.. لـــكن ! الاسلاك ابتلشت فيهم مدري وين اوديهم فصرت اعلقهم ع طرف السرير و المنظر مزري صراحه??
.
فلذلك قررت الاخت اماني ان تنفض غبار الكسل وتشوف لهم حل يلمهم ..??
>>اعتذر عن جوده الصور .. اشتغل واصور بسرعه اسابق الوقت قبل تغرب الشمس وتروح الاضاءه
.
جمعت كل شي ممكن احتاجه ع مكتبي
علبه كوفي فاضيه .. مشرط ..مقص..قلم..مسطرة
علبه صغيره راح استعملها كقاعده .. ورق للتغليف ..
ويلا نبدا???
.
.
اول شي قعدت اشوف المقاسات عشان افتح لهم فتحات داخل العلبه ونبدا بالسلك الاساسي
.
.
حطيت العلبه الصغيره اول عشان يرتفع ويكون موازي للفتحات الي راح افتحها وتطلع الاسلاك بشكل مستقيم
.
.
نسيت اصور هالخطوه .. بس اني فتحت فتحه صغيره عشان اشبك السلك من برا
.
.
حددت مكان الفتحات ورسمتها بعدين قصيتها بالمشرط
<< الفتحه الكبيره عشان شاحن الايباد القديم هذاك الكبير ?
.
دخلت الاسلاك اجرب الوضع كيف?
.
.
نجي الحين لفقره التغليف .. اخترت وردي منقط ..
وغلفت العلبه باستعمال غرا خشب عشان يثبت اكثر ومايتفكك
.
.
.
ووو ترررااااا ????
.
صور من الجانبين
.
عشان الاسلاك طويله تركت الطول الي يناسبني لبرا والباقي لميتهم بمطاط داخل العلبه
.
ع فكره ترا العلبه مره صغيره تقريبا 15*10 سم بس بالتصوير صايره عملاقه?
شوفوا كيف القلم عنده
.
.
جمعت لكم كم صوره من بنترست الحب ?
ممكن تستفيدون منها في تنظيم شواحنكم
وتسون لكم محطه شحن مرتبه ?
.
.
وبس والله ?
.
للتواصل ع انستقرامي
انتظر تطبيقاتكم?
1993wishes@
اخترت لك:
As an Amazon Associate I earn from qualifying purchases
التعليقات ( 14 ) :
اترك تعليقاً
يجب أنت تكون مسجل الدخول لتضيف تعليقاً.
ياليت تعلمينا من وين ورق التغليف جدا جميل وانيق ?
مدري والله وين يباع لاني اشتريته بثلاثين من بازار بالجامعه
يجيك زي الدفتر الكبير .. موجود بصوره الادوات فوق
تلقينه في امازون
تلقينه في أمازون او جرير،في جرير انواع والوان👌🏻✨.
جميل جدا من زمان نفسي اسوي شي للأسلاك بس موسوسه من ناحية الحراره ماتنكتم الاسلاك
حطيه بعلبه اكبر فيه مجال للتهويه .. او مو لازم علبه سوي ارفف صغيره او اي فكره تلاقينها ببنترست
.. ولا تستعملين اكثر من شاحنين او ثلاثه بنفس الوقت ..
اهم شي استعملي توصيله اصليه مهما غلا سعره .. السلامه اولا
مبدع شغللك انك غلفتي العلبة وكذا مررة مرتب ?✨ انا شفتها ببنترست من قبل زي الصور علب جاهزة وكذا
الفكرة مره جمييلة
جميله الفكرة وتنفيذك لها اجمل …
جاري التطبيق باذن لله .
فكره جميله جدا
فكرة جميله ماشاء الله بدات فكرة التطبيق تدور برأسي ? ان شاء الله اذا طبقتها ارسل لك ?
فكرتك مره جميله وغير كذا المكان مرتب ❤❤
حلوه الفكرة بس أفضل لك لو انتي خليتي مكان مفتوح علشان لو احتماء الشاحن الي فيه منافذ
او أسلاك الشواحن ممكن ينفجر ?✨
حبييتها والتغليف جداً لطيف???❤️