أنوار حالِمة

أهلا يا أصدقاء

كيفكم

طولت عليكم هالمرة بتدوينة الأسبوع ، بعد افتتاح قسم تدوينات الأصدقاء انشغلنا شوي بالفترة التجريبية ، وها أنا أعود لكم من جديد..

مع فصل الخريف وتغير الأجواء، حبيت أجهز بيتي لاستقبال الشتاء حتى أعيش أجواءه بكل مافيها وأحتفظ بذكريات جميلة ..

أشياء كثير تخليني أحب هذا الوقت من السنة، أكواب الحليب الدافئة، بطانيات الفرو،الجوارب والبجامات اللطيفة، المدفأة ،الحطب، قطرات المطر على النوافذ ،الشموع والليالي الطويلة .. 

أنوار حالِمة

لكن الحقيقة أني دائماً أغفل جانب التجهيز المسبق لهذي الأجواء، يروح الوقت بسرعة وما أنتبه إلا ونصف الشتاء مضى واستثقل البدء بالترتيبات الجميلة، ما اعتبر نفسي إنسانه سريعة في القرارات لذلك دائما تمضي المواسم بدون ما ارتب لها..

هذي المرة وبعد قراءة كتاب غريتشن (مشروع السعادة) قررت اني أكون أكثر جرأة وأعزم أمري وأنفذ الخطط أول ماتخطر على بالي، فتحمست جدا انفذ فكرة تجهيز البيت للموسم خصوصاً اني أحب الجلوس في البيت أغلب أيام الأسبوع

جهزت أفكار متنوعة بأطرحها لكم في أوقات متفرقة، لكن في هذي التدوينة بأحكي لكم عن الإضاءات الصغيرة ..

أنوار حالِمة

حديقة منزلي الخارجية مظلمة نوعاً ما ومافيها حياة في المساء، وبما أن الشتاء ليله طويل، أعرف اني بأكون مستيقظة لفترات طويلة بدون إضاءة الشمس،
لذلك حبيت أضيف للبيت أنوار صغيرة في أماكن متفرقة ، على السور، في المطبخ، عند المدفأة ،، الأنوار الصغيرة كانت تلفت نظري كثير في صور البنترست، كثير يستخدمونها الأجانب في الديكور طوال السنة، ويزيد استخدامهم لها في موسم الخريف والشتاء ..

ودائماً في الصور تظهر بشكل جميييل ومتلألئ يشع بالمشاعر الجميلة والسعيدة ..

وبكل حماس رحت لأمازون وقررت أشتري وحده وأجربها

ولكن من كثرة الخيارات تلخبطت ما أعرف أيهم اللي أنا أبيه ..

فيه ألوان من الإضاءة، شي ملون ، شي أبيض ناصع، شي ابيض دافئ، شي ينور ويطفي، شي يسوي حركات بهلوانيه والوان ، فيه اطوال مختلفه شي ثلاث اقدام وشي بالامتار، فيه أشكال مختلفه ، انواع مثل الستاره، انواع مثل الحبل، انواع مثل الحديد والاسلاك، شي يشتغل ببطارية، شي بالكهرب، شي بالطاقة الشمسية، انوار منها داخلي، ومنها خارجي ويتحمل، اللمبه نفسها لها اشكال واحجام ، شي على شكل نجوم واشياء دوائر وورود، والى مالا نهاية….

و أنا من عادتي اذا حطيت براسي شي أشتريه يصير كأنه علي اختبار نهائي?، أجلس أذاكره وأقرا مقالات عنه واختم الريفيوز اللي على المنتج، بس هذي صدمتني، من وين أبدا!

وبعد محاولة القراءة وتصفح المدونات الاجنبية ومقاطع اليوتيوب والكثير من الرفيوز، قررت أشتري مجموعة متنوعة وأجربها بنفسي..

أول نوع 

اخترت شكل ستاري ، يجي سلك طويل ، ونازل منه أسلاك على تحت مثل شكل الستارة وحددت لون السلك شفاف، ولون اللمبة ابيض دافئ، وطول السلك ٣ متر في ٣ متر، هالنوع اخترته للسور الخارجي ،

أنوار حالِمة

المميز جدا في هالنوع ، انه ممكن اشتري مجموعة ثلاث او اربع انوار ستاريه واشبكها في بعضها ، بحيث يكون منفذ كهرب واحد لأكثر من سلك فيكون كأنه ستاره طويييله ممكن تغطي امتداد ومساحات واسعة ..

هالصورة توضح كيف تكون موصلة مع بعض

أنوار حالِمة

ثبتنا مسامير صغيره في ألواح السور الخشبية وثبتنا سلك الإنارة فوقها،

أنوار حالِمة

جدا جدا أعجبني وطلبت منه زياده عشان أكمل باقي السور،

منظره جميييل حتى من داخل البيت صايرة الانوار منظرها انيق من خلال النوافذ خاصة اذا جت رياح خفيفة وصارت الاسلاك تتحرك .. منظر جميل ودافئ

أنوار حالِمة

وفي النهار مايبين أن فيه اي أسلاك لأنها شفافة

الانوار الستارية اللي اخترتها فيها ميزة إضافية ، لها ٨ أوضاع مختلفة .. وضع ينور ويطفي ، ووضع ينور سلك ويطفي سلك ، وشي يأشر ببطء، وفيه يأشر بسرعة ، وشي يجمع بين كل الأوضاع بطريقة عشوائية ، وهكذا ..

أنا ما أحتاج الأوضاع الأخرى ، أحتاج الوضع الأساسي فقط..
لكن أعتقد بيكون جدا جميل في حالة الاحتفالات او المناسبات اننا نستخدم الأوضاع الثانيه لإضافة جو من المرح على السهرة ..

وطبعاً ممكن استخدامها داخليا وخارجياً مقاومة للماء وللأجواء الخارجية ..

تحصلون الإضاءة الستارية بالضغط هنا (خط ١١٠)

أو هنا (خط ٢٢٠)

✨?

النوع الثاني

اخترت نفس النوع الأول بالكهرب، ولكن سلك واحد مثل الحبل، هالنوع له ميزة اضافية عن الإضاءة الستارية، معه ريموت كنترول وايضاً ميزة أني أختار مقدار سطوع الأنوار ، ممكن أخليها ساطعة أو منخفضة حسب الجو..

أنوار حالِمة

حبيت يكون هالنوع حول المدفأة (fire place) ، بأوريكم صور للمدفأة وديكوراتها الجديدة لهذا الموسم في وقت آخر بعد ما تكتمل بإذن الله..

طريقة تثبيتها على المدفأة بواسطة قطع بلاستيكية لاصقة على الجدران او البلاط ، شفافه ماتبين ألصقها على الجدار وتكون مثل المعلاق يتعلق عليه السلك .. 

أنوار حالِمة

نفسها القطع استخدمها في تعليق أي نوع من الإضاءة، اذا ثقيلة شوي نحط عدد اكثر عشان ماتطيح .. حلو انها تتلزق لزق عشان مايحتاج تخرمون الجدار تكون مؤقته متى ماحبينا نشيلها..

لكن ماقدرت اثبتها في المطبخ على مروحة الشفط لأنه ستينلس ستيل واللصق ما صار ينفع معه فثبتها بلصق عادي.. لكن بالأماكن الثانية حلو

أخذتها من هنا

✨?

النوع الثالث

أنوار حالِمة

اخترت اضاءة صغيرة جدا يسمونها Fairy Lights، وطريقة عملها بالبطارية، بحيث ماتحتاج توصيل بالكهرب، وهذا يجعلها ممكن تكون داخل علبة أو معلقة في أماكن مافيها كهرب، اخترت لون السلك نحاسي، ولون الإضاءة أبيض دافئ

أنوار حالِمة

أعجبتني جددددا ، استخدمتها في المطبخ ، وجربت أحطها داخل علبة ميسون جار أو فازة ، جدا جميلة ..

أنوار حالِمة

أعتقد بتكون رائعة كجزء من هدية، تعطيها منظر غريب وجميل..

هذا النوع متوفر بأطوال متعدده ، جربت ٦ أقدام ، و ٣ أقدام .. أعجبني الأطول أكثر، ٣ أحس انه جدا قصير ، لكن ممكن يكون مناسب لبعض الاستخدامات ..

كثير سألوني كيف تشتغل الأنوار وهي داخل العلبة المغلقة ، زي ماذكرت هي بالبطارية في طرفها قطعة تحكم صغيرة للتشغيل والاغلاق

أنوار حالِمة

هذا شكلها

أنوار حالِمة

تحصلونها بالضغط هنا

وإذا تفضلون ألوان سلك مختلفة موجود أو حتى الإضاءة يكون لونها غير أو طول السلك ، الخيارات كثيرة , حتى موجود منها شيء له ريموت كنترول بحيث ماتضطرون تفتحون العلبه اذا بتشغلونها ..

اضغطوا هنا وتفرجوا الخيارات 

✨?

النوع الرابع

string lights

أنوار حالِمة

هذي عندي من مدة معلقتها على المظلة الخشبية ، لكن حسيتها مناسبه اني احكي عنها هنا مادام الموضوع عن الأنوار ..

أنوار حالِمة

مقاسها أكبر يعني تعتبر لمبات مقاربة للمبات العادية لكنها في سلك ، بينما الأنواع الثانية اللي قبلها كلها صغيرة جدا وشكلها مايشبه اللمبه وما تقدرون تفكون اللمبة عن سلكها ، بينما هذي لمبات عاديه تنفك وممكن تتركب في ابجوره او اي شي نفس مقاسها ..

وطبعا لها ألوان للاضاءة نفسها وألوان مختلفة للسلك ، وممكن تاخذون أكثر من وحده وتشبكونها ببعض نفس فكرة الأنوار الستارية..

أخذتها من homedepot محل مثل ساكو عندنا ، لكن تحصلون مثلها هنا :

خط ١١٠

خط ٢٢٠

اللي حطيت لكم رابطهم لونهم اسود لكن لهم الوان ومقاسات تصفحوا الخيارات اللي تطلع تحت او انسخوا الاسم وابحثوا عن اللون اللي تفضلونه..

✨?

النوع الخامس

solar fairy lights

 يعمل بالطاقة الشمسية، ما اشتريته فضلت الكهرب لأني أعتقد أنه ينير المكان أكثر ، لكن في أمازون تقييمه عالي فلو أحد منكم بيجربه يقولنا رأيه وهل فعلاً الفكرة ناجحة أم لا..

?

والآن حان دور استعراض بعض الصور الملهمه جمعتها لكم تعطيكم أفكار عن استخدامات الأنوار الحالمة بطرق مختلفة ،
أما النوع اللي يصلح لكم ، فهذا قراركم أنتم، هل تحبون كهرب، بطاريه، اضاءات صغيرة جدا أو كبيرة ، ستارية او مجرد سلك طويل ، ملونة أو بيضاء، كل حسب ذوقه واحتياجه ..

داخل المنزل

أنوار حالِمةأنوار حالِمة

أنوار حالِمة

أنوار حالِمة

داخل العلب

أنوار حالِمة

أنوار حالِمة

وفيه ناس استخدموها بطريقة عبقرية، حطوا فتحات في لوحة وطلعوا منها اللمبات فصارت اللوحة مضيئة ..

أنوار حالِمة

أنوار حالِمة

خارجية

أنوار حالِمة

أنوار حالِمة

إذا حابين صور زيادة ابحثوا في بنترست باستخدام الكلمات التالية :

fairy lights

string light

starry lights

اللي مايعرف كيف يستخدم موقع بنترست ، يقرأ موضوعي :

من أين أحصل على أفكار جميلة ومميزة؟ (شرح برنامج بنترست)

..

أتمنى لكم شتاء دافئ بقرب الأحبة 

وهذي هدية العدد صورة حسيتها تصلح خلفية ?

أنوار حالِمة

والى اللقاء مع تدوينة الاسبوع القادم بإذن الله

?

...

تواصلوا معي عبر :

انستغرام وتويتر : arwa_alomrani@

يوتيوب : arwa karu

سناب : arwakaru



As an Amazon Associate I earn from qualifying purchases

التعليقات ( 263 ) :

  1. يقول ام راشد:

    ماشاءالله .. مبدعه كالعاده??

  2. يقول Alaa:

    تسلم يدك موضوع دافئ وجميل.. واتمنى لك شتاء ملئ بالذكريات الجميلة

  3. يقول Reem:

    ماشاء الله شغل جميل ومرتب ،،مبدعه كما عودتينا??

  4. يقول غاده:

    ماشاء الله موضوع تحفه تسلم يدك ع الاختيار الحلو والذوق الراقي اتمنى لك ايام جميله مضيئه دائما

  5. يقول Reem:

    أكثر تدوينه حبيتها أنا ماعرف أعبر بس أنتي رائعه وأتابعك بصمت دايماً .. أنتي فعلاً معنى الايجابيه دمتي بحب وسعاده ✨??

  6. يقول ساره العامري:

    انتي مبدعه ??ماشاء الله تبارك الله…دائما تلهمينا بأفكار رائعه تنبض بالسعاده جزاك الله خير الجزاء ?

  7. يقول Jojo:

    والله اني قبل كم يوم كان نفسي اشتري هالانواع من الإضاءة من كثر مااشوفها في اليوتيوب والبنترست …. لكن كان ببالي شي معين ومعرفت اسمه الصحيح ، وكالعادة مدونة أروى طرحت هالموضوع وكفت ووفت ????

  8. يقول حنان:

    بصراحة تامة انا سعيدة بانضمامي لمدونتك.لانك فعلا تقدمي الفائدة لنا.وشي ثاني عجبتني فكرتين بخصوص اللمبات اللي في المطبخ تحت الشفاط.والثانية الصورة .المخرمة ووضع اللمبات خلفها لذلك اتمنى اذا في امكانية تدليني كيف اطبقها

  9. يقول mira Alrawi:

    جميلة التدوينة ، الله يجزيك الخير

  10. يقول lovely_marwa:

    رائعة ماشاء الله ?

  11. يقول Zahraa Ahmed:

    ماشاء الله كالعادة مبدعة اروى ?
    جميلة جداً الأفكار ?
    حبييت الاجواء مع الأنوار فعلاَ أنوار حالِمة ?

  12. يقول Asma\'a:

    I like what you did for your joy! They have pretty nice feelings.. I would love to see your comments on my Instagram account

    Have a worm one,

  13. يقول نجلاء:

    رائعة ،، شكرا لهذه التدوينة الجميلة ??

  14. يقول ذهب صافي:

    فعلا انت انسانه رائعة ماشاء الله اتمنى أن يكون لدي ولو ربع الهامك
    بارك الله لك في جهدك

  15. يقول سعد:

    جميل ورائع كالعاده مبدعه ماشاء الله

  16. يقول إقبال:

    فعلاااا أنوار حلمه ??
    ربي ينور ويحلي ايامك اللهم امين ???

  17. يقول خوخة:

    رائعة وناعمة مثل موضوعك الحالم

  18. يقول جوري:

    شكككرا ع الافكار اللطيفة كلطافتك

  19. يقول غاليه القحطاني:

    ماشاءالله عليك عشت الجو
    سلمت اناملك استفدت كثييير

  20. يقول ليلى العلي:

    مبدددعة كعادتك أروى ،،ماشاء الله?

  21. يقول رحمتك يارب:

    الله يجزاك خير والله اني أحبك في الله ودعائي لك ربي يسعدك ويوفقك يارب أتمنى دعواتك لي التوفيق وصلاح الذريه

  22. يقول Malak Taher:

    كالعادة روووعة انتظر مدونتك دايما عشان اشوف جديدك لان عارفة بيكون شي جميل وخيالي شكرا على التدوينة الجميلة

  23. يقول العنود:

    ماشاءالله موضوع جدا جميييل وافكار ملهمه .. بصراحه حمستيني اجهز لجو الشتاء بهالافكار الجميلة
    ?❤️

  24. يقول Suzana Haj Kheder:

    ما شاء الله مبدعه ومذوقه في كل شيئ

  25. يقول Hooooda:

    جميله وفعلا تعطي المكان روح مختلفة

  26. يقول Aaa:

    ماشاء الله تبارك الله انتِ انسانه جدآ رائعه ??
    عندي طلب منك اكتبي لنا الكتب الي قرأتيها لنستفيد اكثر
    وكمان طريقه دهن الصاله بالابيض ياليت تنزلي تدوينه عنها
    ودمتي سالمه ?

  27. يقول شهد حنيف:

    أستمتع وأنا أقرأ في مدونتك
    ماشاء الله موضوع جميل
    تسلم يدك ,, وجزاك الله خير
    أتمنى لك التوفيق

  28. يقول لبنى علان:

    اجواااء داافئة تحسس بقدوم الشتااء ❤??? تدوينة جمييلة و الصوووور جميلة ?

  29. يقول ام عمر:

    شكرا اروى العمراني على المدونة الرائعة حمستينا لشتاء

  30. يقول ناديا:

    جميله والاجمل إجواءك تترك اثر جميل في النفس هدوئك يعطي النفس الطمأنينة

  31. يقول inssaf:

    اهلا أروى تدوبنة جميلة مضيئة خريفية دافئة.ربي يوفقك

  32. يقول Assar:

    تسلم الانامل على الموضوع ?

    مادري اذا يخصه المضوع اكتبه هني ولا لا .. بس حبيت اضيف شي

    انا ماخذه من ايس شموع بالبطارية وفيها مؤقت⏳.. يعني اشغلها اليوم الساعة ٧ المغرب ? لمدة ٤ ساعات او ٨ ساعات .. بعدين تنطفي بروحها ? .. واليوم الثاني وكل يوم تشتغل في نفس الوقت ?.. حسيت هذا الشي حلو للناس اللي تتكاسل تشغل ? وممكن تنساها شغاله طول الليل او في النهار ???
    احس لو في من هالانوار الصغيرة موقت يكون شي جميل للي حاب يدور ??

  33. يقول بدور الشهري:

    ابدعتي اروى ماشاء الله ??

  34. يقول الهنوف @MissHanoOo:

    جميل جداً من زمان أحب هاللمبات تعطي لمسة لطيفة جداً عند اختي بغرفتها ومعلقتها براس السرير تعطي شكل جميل وببطاريه فما تشيل هم الكهرب ..
    ناوية اشتري لي حتى أنا وأعيش الأجواء خصوصاً احب الشتاء ✨❤️

    شكراً أروى يعطيك العافية
    دائماً متابعه لك ☘️

  35. يقول سمية:

    حبيت الفكرة هلبااااااااااا بارك الله فيك
    تدويناتك حتى لو ما طبقتها بس لما اقراها تخليني نحس بالسعادة?

  36. يقول ساره العصفور:

    روعه ماشاء الله جزاج الله خير ?عطيتيني افكار كنت بحاجه لها شكرا من القلب ?

  37. يقول آمون:

    ما شاء الله مبدعة كالعادة …

  38. يقول Ghada:

    اللله حسيت اعطت جد جمال وكميه مشاعر للمكان ?

  39. يقول وجــــدان:

    حمستيني أجربها .. إلهامك رائع .. ? شكراً لك ?

  40. يقول Huda elhessy:

    ماشاء الله مبدعة ودائماً أفكارك مميزة

  41. يقول غدير محمد:

    ماشاءالله جدا حبيت الفكرة و اكثر شي حبيته اضواء الستائر ??

  42. يقول بيان:

    من اكثر تدويناتكِ جمال النتائج ساحرة وخلابة ماشاء الله عليك?

  43. يقول منال الأسمري:

    من جد حااااالمه ..?

  44. يقول شهد:

    ماشاء الله تبارك الله والله العظيم ودي أجي أعيش عندك أحس بيتك شفاء من كل الامراض والهموم لا قوة الا بالله الله يهنيك ويبارك لك فيه ويجعله منزل عامر بطاعة الله
    بس أروى عندي سؤال من زمااااااااان ببالي وشكل هذا هو الوقت المناسب اللي بسألك عنه ( اشوفك دايما تغيرين في بيتك باستمرار مثل تغيير البويات وصبغ الدواليب وصنعك للمظلة هل انتي حتستقرين في امريكا طوال حياتك ولا كلها سنوات معدودة وترجعين السعودية) معليش على اللقافة بس احيان احزن انك تجلسين فترة طويلة ما تشوفين اهلك وما تشوفين الرياض احس لو بإمكاني أنا أجيك وأونسك لكن باذن الله في القريب العاجل تزورينهم ويفرحون بشوفتك انتي وتالا يارب بس أهم شئ لا تطبين عليهم فجأة بدون ما تعلمينهم نفس حركتك السنة الماضية هههههههه
    الله يحفظك ويسعدك

  45. يقول اﻻء الرمضان:

    اروى عندي سؤال بخصوص اﻻنوار اللي على مدخنه المطبخ ماتخرب من حرارة الفرن وقوة هواء مروحه الشفط يعني امنه؟

  46. يقول أم عبدالملك:

    الله يحفظك ويبارك فيك وفي جهدك وافكارك وينفع بك أمة الأسلام
    من جد كلمة رائعة لاتوفيك حقك الله يحرسك بعينه التي لاتنام ❤️?

  47. يقول سحابة:

    يسعد قلبك، كثير ما اتسائل منوين هالانوار جمييله مره ، شكراً جزيلاً لعطاءك

  48. يقول نون:

    الله يسعدك يا اروى ?

    تكفين نبي تدوينه عن النباتات داخل البيت وانواعها وافضلها ?

  49. يقول jojo:

    مررره حبيتهم ،بسألك عن الانوار اللي تشتغل عالطاقة الشمسية كيف طريقة عملها؟ يعني تحتاج خلايا ولا هي منها وفيها وزي البطارية ما تحتاج تنشبك بشيء؟

  50. يقول dody:

    استمتعت جدا بقراءه هالتدوينه والصووره تحفففه . ياحظنا فيكي يامبدعه

  51. يقول Logain:

    صراحه المدونه هالمرَّه شيء آخر طبعاً لأنها لفصل الشتاء وهو اجمل الفصول???❤️??

  52. يقول Logain:

    حبيت الشتاءمن ذوقك☺️☺️☺️

  53. يقول ميمونة:

    ماشاءالله تهبل الاضاءة ?واكثر يجذبن تصوريك?❤

  54. يقول maram:

    موضوع جميييل جدا وحالم ? ..

  55. يقول فاطمة محمد:

    يا الله من زمممممان انتظر هالتدوينه ?

    حبيت اسال عن حوامل اللمبات ، صمغها قوي ؟ لان احس صبغ شقتي ما اقدر اغيره ، وما احسه قوي ف اخاف يطيره الصمغ

    وحابة فكرة اني اعلق صور عليهم

    وشاكرة لك ?

  56. يقول أم فارس:

    أفكار جميلة جدا مبدعة كعادتك

  57. يقول فوز:

    ماشاء الله ابداع ياليت الاقي زيها بساكو او ايكيا احتاجها للسطح?

  58. يقول Zahra:

    مميزه ام تالا ??
    عقبال تدوينة الجلسه الخارجيه انتظرها كل سبوع ?

  59. يقول الجوهرة:

    مااعرف شو اكتب جمال الموضوع كفى عن كل الحكي❤️الله يحرسك كتلة جمال ❤️

  60. يقول زينب:

    اكثر يتعب بالمدونه اني اشوف الصور و اضغط عليهم مرتين على اساس بيطلع لايك?
    جمييييل جدا الموضوع و التنسيق

  61. يقول شريفه:

    تدوينه رايقه ?تخيلت وين بحطها وانا اقرأ التدوينه???

  62. يقول Atlal:

    جميييييل جميييييل ماشاء الله
    التصوير و المعلومات و الإضافات ولمساتك الفنانة كل شيء أحلى من الثاني تبارك الله
    .
    أنا استخدمت اللي بالطاقة الشمسية ( solar light ) اشتريتها من امازون قبل ٥ شهور تقريبًا
    و عاشت أغلب الظروف الجوية ( هواء قوي- أمطار غزيرة – رطوبة عالية) وللحين تعطي ماشاء الله 🙂
    لكن فعلا لما يكون الجو مغيم طول اليوم اضاءتها بالليل تقل و عدد الساعات مره يصير أقل بشكل واضح.
    لكن بشكل عام مريحة الحمد لله خاصة أنها للأوت دور فمرتاحة عليها.

  63. يقول Lulu Alqusyir:

    صباح الخير أروى ❄️
    تدوينة مميزة زي العادة
    بس ليتك نزلتيها قبل اشتريهم اخترت عشوائي
    وصارت خط 110 :/

    حبيت التدوينة بكل تفاصيلها
    والخلفية اعتمدتها لجوالي

    أحب جوك ?

  64. يقول Hus2013:

    جدا جميله ومفيده.✨.احسن لك تختارينه كأنه اختبار نهائي انا اخذت وحده احسبهم كلهم نفس الشكل وتوهقت طلعت عكس احتياجي??~
    فكرة الصور من زمان معجبتني..>~<!
    + بالامكان نحطهم على الستاير بالذات اذا كانت الستاير شفافه~
    انا افكر احط لمبات بالفراغ اللي بين المكتبات *^* كتجربه بسيطه ~
    يوم شفتك حطيتيهم بالسور قلت طيب لو جاه ماء ما يتكهرب؟ بس بعد ما كملت وقريت انهم مقاومين استانست ..??~

  65. يقول الجوهرة:

    اجواء رائعة ومريحة جدا ماشاء الله لا قوة الا بالله

  66. يقول Besho:

    افكارك تجلب السعاده ?
    ببالي فكرة الانوار بس لسى ماقررت المكام المناسب

  67. يقول الاء:

    تدوينة رائعة جت بوقتها كنت محتاره اي نوع اشتري ? ممتنة لك أروى الله يسعدك ?

  68. يقول ‫مريم H‬‎:

    كنت محتاره اي نوع اخذ شكرا لك
    احين قررت ايش راح اشتري
    الله يسعدك ()

  69. يقول نوال النعمي:

    مبدعه كعادتك دائماً تتألقين في سماء صفيه وتزيدينها جمال ?
    اسعدك الله وبارك الله فيك.. ?

  70. يقول تغريد:

    تبارك الله ….شي يفتح النفس ..للامام

  71. يقول إيمان:

    أعجبني الموضوع مرة وصراحه حسيت هالأنوار تعطي شكل خطير في الشتاء ? استمري يا أروى بإبداعك ?

  72. يقول وضحى القحطاني:

    ماشاء الله تدوينه رائعه جدآ وحسيت من خلال قرائتي لها باالدفء . كعادتك مضيئه أروى . بعث الله لك السعاده تترى .

  73. يقول Mram ahmad:

    تدوينة رائعه
    عطتني حماس كبير اجدد و اغير افكاري لهذا الشتاء
    طفلي يعشق الأنوار
    هالتدوينه فتحت لي باب ” عصف ذهني ” شكرا ً اروى على كل المشاعر الجميله و ربي يرزقج كل خير ?

  74. يقول ام رغد:

    كفيتي ووفيتي صراحة الله يسعدك

  75. يقول العنود فهد:

    ماشاء الله عليك ياقلبي افكارك جدا جميله الله يسعدك يارب ?

  76. يقول ميمونه الأهدل:

    تدوينه رائعه جدا، ذهبت بخيالي إلى عوالم أخرى، عوالم ساحره….? حالمه…رومانسيه…… تتخللها برودة الشتاء ، وأنا بطبعي إنسانه حالمه وشاعريه، تدوينتك هيجت مشاعري •

  77. يقول نجمة الزهراني:

    شكراً لك يااروى تدوينه رائعه احب جداً هذه الاجواء ?
    عجبتني جداً اضاءة الستارة اقدر احصلها بساكو او ايكيا بدون امازون ?

    هذه الاضاءة مو مثل اللي منتشره حالياً في الشوارع يزينون فيها الشجر?

  78. يقول Shahad:

    رائعة أروى ومحفزة للسعادة والإنجاز،،

    ?

  79. يقول shahra:

    ماشاء الله تدوينة رائعة جدا .. انسانة مبدعة وايجابية استمرري

  80. يقول يسرى:

    تسلم يدك اروى موضوع جميل للغاية ،، دمتي مشعة ومتألقة دائما ✨?

  81. يقول هَناء •:

    السلام عليكم ، أهلاً أروى ..
    لا أعلم أين أضع سؤالي ، لكن اسمحِ لي أن أضعهُ هُنا .. ” لدي دولاب خشب أسود ، بأصبغه أبيض
    هل أصنفره قبل ام لا “؟

    أسعدكِ الإله ?

  82. يقول aliaa:

    حبيت الموضوع يعطيك الف عافية اقدر اسرق منك الصورة الاخيرة عجبتني للخلفية جوالي ?

  83. يقول Reem Alshameri:

    ما شاء الله دائما مبدعه يحفظك ربي❤️??

  84. يقول أروى الرشيد:

    أروى الجميلة … شكراً لأنك تملأينني بالسعادة .

  85. يقول Mezo:

    جمممممميل جدا?اروى
    ف منطقنا ناااادر نزين الجدار الخارجي …جاري العمل على التطبيق?

  86. يقول Amani37:

    فعلا في وقتها الله يسعدك كنت حاطه بسلة علي إكسبرس مجموعة إضاءات ومحتاره الحين ان شاء الله اني اعرف اجزم وش ابي ??

  87. يقول h3mamah:

    روووووووعه ماشاء الله تبارك الله ?

  88. يقول الفجر:

    حديقتك ماشاءالله جميييله تجيب العافيه والهدوء والايجابيه.. عطيتيني فكره جميله للوحات كنت افكر في هديه مميزه .. جداً حبيت فكرة اللوحه اللي حطو فيها الليتات

  89. يقول haneen:

    الله يوفقك يارب والله شي يفتح النفس ❤️❤️

  90. يقول jojo55:

    مبدعه.. لكن الصوره الاولى بالموضوع استغربتها منك مررره،،

  91. يقول noonh911:

    الله الله احس اني بكتب شعر بكتب نثر مدري وش بكتب بس صار في تدفق بالمشاعر تدوينه ملهمة رائعه وجميله كجمال روحك اورى

  92. يقول مريم الزهراني:

    جداً رائع الله يعطيك العافيه❤️❤️❤️

  93. يقول أم الحسن:

    جميييلة ماشاء الله
    بارك الله لكم وحفظكم من كل شر

  94. يقول Jae\'s her Algarni:

    ماشاءالله …جميل طرحك للمواضيع إلى الامام
    أنا من الناس إليّ أتابعك بصمت لكن جدا معجبه باافكارك وتدويناتك

  95. يقول nona Alamri:

    مبدعه اروى كعادتك?

  96. يقول ذكرى الخليفه:

    انتي مبدعه بمعنى الكلمه ماشاء الله
    انااول مره ادخل مدونتك والصراحه قلت ماطلع الا وانا قايله لك كلام حلو
    مع اني عارفه انه كثير قالوا نفس كلامي واحلى بعد
    بس مايخالف
    حبيت كل شي فيك
    سواء بيت والا طريقه تفكير او الشخصيه والا اخلاق
    ماقول الا الله يزيدك ويسعدك ويوفقك وين مارحتي

    عندي طلب صغنون اذا مايكلف عليك ممكن تعطينا
    اشياء نسمعها مثلا وحنا نسوي شغل البيت
    نستفيد من الوقت
    اشياء مفيده يعني
    عن اي موضوع مافيه ش معين
    انا عارفه بتقولين اسمعي على حسب اهتماماتك
    بس للاسف مافيه موضوع يجذب اهتمامي
    فقلت نستفيد منك ❤️

  97. يقول ‫اسطورة الفراشة‬‎:

    ايقضتي بداخلي شيء جمييل….
    اتمنى لك شتاء جميل..

  98. يقول نوني:

    رووووووعة وانا اموت عالاضاءات مثل جي

  99. يقول بشرى:

    ماشاء الله موضوع يجني شكرا على مشاركتك لكل هالاشياء الجميلة

  100. يقول أفنان:

    ياحلوك يا اجمل اروى .. لك تاثير كبير علي ماتتخيلين قد ايش انتي في حياتي مميزه .. الله يوفقك ويكثر من امثالك

  101. يقول ريما:

    مااقول الا الله يحميكي
    دمتي طاقة ايجابيه لنا
    ودمتي سعادة لمن تحبين
    وربي يحمي لك حبايب قلبك
    ماتتخيلين قد ايش مهم سنابك لي
    حتى اذا انشغلت وانتهى اليوم بدون ماافتح سناب احد الا انتي ماافوتك ابداً
    تلاقيني قبل مااناام اسرق لي وقت بسيط عشان اتفرج سنابك واخذ جرعة طاقة ايجابية وانام❤️

  102. يقول ديالا عبدالله:

    ربي يسعدك احب ابداعك ?????ماشاءالله تبارك الله

  103. يقول أنوار القحطاني:

    جمييييييله عجبتني الاضاءه وطريقة عرضك لها ماشاءالله وسجلي اول دخول للمدونه ?❤️❤️❤️❤️❤️❤️

  104. يقول سارة:

    جميييلة جدا الله يعطيك العافية ،، استمري ?????

  105. يقول زينب:

    افكار جميلة مثل صااااحبتها … شتاء دافئ أتمنى لك ☁️?☁️

  106. يقول مها البراهيم:

    مبدعه ماشاء الله عليك ❤️ اول مره ادخل مدونتك وشدتني كثييير

  107. يقول Asom:

    تدوينه جممميلة ومعلومات قيمه مشكوره ??
    بعيت اسالك عن معاهد لغه في امريكا وتكون نسائيه هل موجود او لا ؟

  108. يقول wasan alsuhayan:

    كثير تحمسينا للانجاز ،، انتي رائعة ماشاءالله

  109. يقول El3ash:

    من أي كوكب أنتي يا إروى؟؟؟ ياااا إلهي
    ماشاءالله عليك انسانه مبدعة وانيقة وذووق وكل الكلمات اللي تحمل معاني الحب والايجابية والاناقة
    استفدت كثيراً من خبراتك، ومتابعتنك عالانستغرام والسناب وفي المدونه ربي يحفظك ويسعدك ويوفقك يارب مثل ما تسعدينا واتفيدينا
    أتمنى من كل قلبي انه اتنزلين لنا موضوع كامل عن تأثيث البيت وتجهيزه وكيفية تناسق واختيار الوان الاصباغ مع الاثاث والارضيات والديكورات وايضاً الحديقة المنزلية، وغرف الاطفال مع العلم اني اجهز بيتي ومحتااااره جداً واتمنى انه اتساعدينا بأفكاارك الخوراافيه والاكثر من رائعة وبكون شااكرة لك من كل قلبي
    دمتم بحب..

  110. يقول El3ash Aaa:

    من أي كوكب انتي يا أروى؟؟؟؟ ?
    ماشاءالله عليكي ربي يحرسك انسانه أنيقة ومبدعة وذووق وكل الكلمات التي تحمل معاني الحب والإيجابية والأناقة..
    استفدت كثيراً من خبراتك متابعتنك عالانستغرام والسناب وفي المدونة ربي يحفظك ويسعدك ويوفقك ياارب مثل ما تسعدينا واتفيدينا ماشاءالله عليكي..
    عندي طلب صغير أتمنى من كل قلبي إنه اتنزلين لنا موضوع كامل عن تجهيز البيت وتأثيثه ومعايير اختيار الألوان والأصباغ وتناسقها مع الاثاث والأرضيات والديكورات وتناسقها مع بعض وايضاً الحديقة المنزلية وغرف الأطفال والمطبخ، أتمنى أنك تتحفينا بأفكارك الخورافية والأكثر من رائعةوبكون شاكرة لك من كل قلبي.. ودمتم بحب أحبتي?

  111. يقول Hloo:

    ملهمه الف ماشاءالله تبارك الله وسعتي افاقي احب اغير ببيتي كل فتره تحمست اصلح حديقتي

  112. يقول fatoom:

    ما شاء الله كل مواضيعك تفتح النفس وتشوق
    متميزه ماشاء الله

  113. يقول جوزاء:

    ماشاء الله الله يحفظك إنسانه رائعة بحق ?

  114. يقول أم سامي:

    تغطيه جميلة ماشاء الله ابغى اجرب الي بالبطارية شكرا اروى

  115. يقول Angl afndi:

    اروى اعتذر عن سوء التعبير لكن بقول الي بخاطري من زمان XD . انا انسانه خجوله حتى من التعليق ف دائما اتابع بصمت بس في كلام جواتي ماقدر لازم اعبر xD . مهما ماوصفتك مابوفيك حقك جد غيرتي جزء كثير من حياتي بصبرك ب اجتهادك ب عطائك ب ابداعك وفنك وذا الي جذبني لك بالبدايه بعدها اكتشفت انك انسانه مادري شلون اوصف بس ابسط الامور الي تسوينها تسعدني وتفيدني حياتي من سنتين تغيرت واقبلت على حياه جديده وكنت متعقده مره لين ماتابعتك وبديت اطبق اعمالك وتنظيمك شوي شوي اكتشفت اني ممنونه لك ودايما ادعيلك وابتسم لاشفت سنابك احب مصطلحاتك اللطيفه احب طيبتك وعطائك لدرجه اقول ياربي الانسانه هذي مستحيل في احد يكرهها مادري جواتي كلام كثير حزنت وبكيت لحزنك انبسطت وضحكت لانجازاتك واعمالك الفنيه الي سحرتني ومرات اتمنى اكون اكثر قرب منك بس خجلي يمنعني اكتب لين ماقلت بس كفايه ماقدر اكبت xD الله يسعدك دنيا واخره من قلببب ادعي ربي يرزقك سعاده ابديه وراحه وقرب ورحمه الله يسخر لك كل من يحبك ويحفظلك كل من تحبينه ويحفظك شكرا على كل شي سويتيه شكرا لانك قدوتي شكرا لانك انسانه عظيمه ♥

  116. يقول عبير:

    حببييتتها مرة مرة ، دايم مواضيعك ترضي كل الاسئلة والشرح ممتع ومميز ومختصر بعيداً عن البربرة اللي مالها داعي .. دايم اذا ببحث عن شي اتمنى انك كاتبة عنه عشان القى شرح واضح ، احنا عندنا شي اسمه “صندقة” تكون شبه الكوخ . بس حالياً صات باهتة من الهواء والاتربة لان موقعها بالبر ? وبالليل مايكون فيها حياة ولا جمال .. احس فكرة حلوة لو علقنا عليها انوار صفراء زي الستارة بتكون خرافية وبتعجب الكل ان شاء الله ? .. كل الشكر والحب والمشاعر الجميلة لك أروى ?

  117. يقول mariam:

    تدوينة روعه تغير من مفهومك للشتاء وتخليك تحبينه اكثر كرا لك ي اروى اللطيفة??

  118. يقول عبير الزهراني:

    ياحبي لك ياأروى
    توي من قريب عرفت مدونتك ووقعت في غرامها ?? وتبعاً لها تابعت انستقرامك وسنابك وكل أبو شغلاتك وختمتها تقريبا كلها ? وتحسرت على الايام اللي ماعرفتك فيها ???‍♀️ مع إني متأكدة سبق ودخلت لها هالمدونه لما كنت ابحث عن مواضيع لشرح الطلب من أمازون ?
    أحب الاتقان وأحب المتقنين وأحب الابداع والتميز اللي وجدتها في شخصك الكريم
    سأكون هنا دوماً بإذن الله
    دمتي لنا رمزاً للعطااااء ?

  119. يقول Mervat:

    رائع جدا صديقتي اروى.. اهنئك على سردك الجميل للتفاصيل والتصوير الرائع ?.. بارك الله فيك وسدد خطاك?

  120. يقول عفاف:

    مبدعه الله يسعدك على الأفكار الجميلة

  121. يقول مها:

    ماشاءالله على تدوينه يا اروى جعل ربي يسعدك ويحفظك ويحفظ لك تالا?

  122. يقول Hayat:

    عزيزتي اروى ..
    انتي شخصيه رائعة جداً ملهمه و مؤثره ..من افضل الشخصيات اللي حظيت بشرف متابعتهم اذا لم تكوني الافضل ..متابعتي لك اثرت فحياتي بشكل ايجابي في مختلف المجالات ..انسانه خلوقه جداً و محترمه و طرحك مميز جداً جداً ..تبذلين مجهود كبير جداً على الطرح على خلاف الكثير من المشاهير ..استمري الله يوفقك و يارب توصلين لاعلى المراتب لانك فعلاً تستحقين …حاولت التواصل معاك عبر السناب شات ولكن التعليقات مغلقه لكني ما زلت مصممه اني اوصلك مدى اعجابي وانبهاري بشخصيتك المُلهِمه..اتمنى لكِ يوماً ملوناً ?????

  123. يقول Layali:

    ماشا الله تبارك جد تغير من نفسية الواحد
    شي رآئع معنى الكلمة

    اروى انا اسكن بدلاس ودي اشوفك متحمسة جدا اشوفك❤❤❤❤

  124. يقول SanA:

    رغم غيابي الطويييل الا انني اتفاجأ كل مرة و اتحمس لمواضيعك ??تسلمي حبيبتي اروى

  125. يقول منيرة:

    الله يسعدك تجنبي صور الارواح المحرمة و ملحوظة يا غالية احيانا تصوير يدك و المدونة ممكن يشوفونها رجال ..فانتبهي يالغالية.

  126. يقول الشُّروق:

    السَّلام عليكم ورحمة اللهِ وبركاته
    مرحبًا أروى ?
    ما شاء الله، تدوينة مضيئة مفعمة بالحيويَّة والإبداع
    أفكار استخدام الأنوار جميلة وبإذن الله يكون لنا تطبيق باستخدامها ??
    شكرًا لك ولروعة تدويناتك ?

  127. يقول UTOPIA Blog:

    ماشاء الله عليكي بلوقر بمعنى الكلمه تحبين شغلك ومبدعه فيه الله يعطيك العافية دايما تسعدينا

  128. يقول روان العنزي:

    مدونتك جدا جميله?

  129. يقول raghad:

    موضوع جميل مبدعه استمري الله يوفقك

  130. يقول Sara:

    أنسانة مُلهمة ولطيفة ، غمر رب السماء قلبك ب السعادة ، وادام لك عينيك ” تالا”

  131. يقول haneen albaloshi:

    موضوع جميل جدا

  132. يقول sara:

    يسعدك ياروى , تكفين كيف أسوي نفس مدونتك بترتيب المواضيع ؟ اقصد أني كم اخلي الموضوع في مربع بدون ماينسدل كله ! واللي يبي يكمل القراءة يضغط عليه , أنقذيني لو تردين على الآيميل هذا , balckengel33@gmail.com

  133. يقول سلمى:

    روعه حركه اللمبات داخل اللوحه

  134. يقول أماني:

    شكراً كثير على مشاركتنا هذي الأفكار الجميلة جداً?

  135. يقول noura fahad:

    الإضاءات الصغيرة هذه تعطي جو بالفعل .. والإضاءة اللي حجمها كبير علقتيها أمم على مظلتك أعجبني حجمها مرة, الصغيرة موجودة عندي لونها تقريبا اصفر على برتقالي إضاءتها حلوة!

  136. يقول سميرة حاوي:

    ما شاء الله لا حول ولا قوة إلا بالله ❤❤

  137. يقول Golfdan Hanem:

    كل اسبوع تدوينه ؟ مينفعش
    عاوزين كل يوم
    امال احنا حنعمل ايه طول الاسبوع 🙁

  138. يقول مها الشرفي:

    جميييييله????

  139. يقول عهود:

    ماشاءالله مبدعه كالعاده???✨✨

  140. يقول بشاير عبدالرحمن??:

    انســانه ذوق وهذا يدل على ابداعك واناقتك ??☹️✨

  141. يقول ريم:

    بطلةةةةةة ماشاءالله يعطيك العااافية شرح جميييل تحمست أشتغل

  142. يقول حبيبه:

    ماشاء الله يعطيك العافيه وجزاك الله خير على الافكار الرئعه سلمت اناملك

  143. يقول حبيبه?:

    ماشاء الله يعطيك العافيه وجزاك الله خير على الافكار الرئعه سلمت اناملك??

  144. يقول hnd:

    مرررره جميل الموضوع ?

  145. يقول منار شبيلي:

    الله حاجيات تفتح النفس ???

  146. يقول SoMa:

    ماشاءالله تدوينه اكثر من رائعه ???

  147. يقول العنـود:

    ماشاءالله مبدعه الله يسعدك ويزيدك من واسع فضله ✨??

  148. يقول أسماء عبدالعزيز:

    ماشاءالله تبارك الله جوك جميل الله يوفقك ويسهل امرك

  149. يقول ترف:

    تسلم يدينك موضوع جميل ??

  150. يقول نجد:

    حلو الكلم ولكن لو أنا زيه أحسن بس حلو ات من ات شركوني رايي

  151. يقول Mona:

    أروى ????? أنت أجمـل أروى في روحها وتنظيمها وذكائهاا سلمت دوماا لأحبـآبك ??????

  152. يقول غدو.:

    يوم من الايام راح تكونين شيء كبير ومهم في المجتمع ماشاء الله الله يبارك فيك ويكثر من امثالك حبيبتي .. احلى مثال يقتدى به والله

  153. يقول Um_dahooomi:

    جميله انتي ي اروى?

  154. يقول أريج:

    الموضوع جدًا مفيد وجميل
    انتِ انسانة راقية وملهمة جدًا ساعدتيني كثييييرًا وبصمت وخليتيني ألاقي شغلات في نفسي وهوايات واهتمامات ما كنت عارفتها ولا كنت معطيتها اهتمام وحفزتيني اني اركز على ذاتي واعمل واجرب اي شي يستحوذ على حبي واهتمامي وتفكيري
    شكرًا أروى ♥️

  155. يقول صافيه المري:

    مشكوره حبيبتي اروى على البرنامج الخاص بك خليتي لنا مجال نتكلم معك عندي سوال ممكن تردين علي في البريد?

  156. يقول Saron:

    تشرفت بتحميل تدوينتك الجميله -جد انتي جرعة سعاده بعد الله سبحانه ماشاءالله ربي يجزاك خير على فوائدك القيمه ويزيدك ربي من فضله ويحفظك من كل شر❤

  157. يقول نجلاء:

    شكراً لك ي مبدعه ، م يشتغل رابط الاضاءة الستارية خط٢٢٠

  158. يقول Sallha:

    احسها حلوه عطوني نبذه عنها توني احمل واعرفها

  159. يقول جوهرة النفيعي:

    أفكار رقيقه ودافئة كدفئك وجمالك والتقاطات جميلة رائعه ومبدعه دمتي بحفظ الله ورعايته??

  160. يقول وتحلو الحياة:

    ما شاء الله عليك راااائعة ..المكان جداً حالم ودافئ بأفكار زي كذا ربي يسعدك

  161. يقول Saronah:

    ماا ادري امدح على التصوير ولا على هالابداع ولا على الفنن و الجمااال ???❤️❤️??
    استمريي ياا اروى ?✨..

  162. يقول غروودة:

    جميلة جدا ماشاءالله عليك ترتيب وفن وجماااال اعشق تنظيمك وفنك ??????

  163. يقول نوجا:

    الله يسعد قلبك دائما مبدعه تبعثي طاقه إجابيه للي يتابعك ❤️❤️❤️❤️❤️

  164. يقول بدرية سراج:

    راااائعة ودافئة شكرا على اناقتك ياجميلة

  165. يقول deema:

    جمييييييلة جدا من فترة ببالي فكرة الإضاءات هالموضوع ألهمني كثير ?? شكراً يالطيفه

  166. يقول Tahani althekri:

    جميل جداً شكراً جزيلاً من احب التدوينات لي يسعدك ربي بقدر ما تسعدينا وتلهمينا واكثر..

  167. يقول Smiile3:

    جماااال ابدعتي يعطيك العافية ???
    بس اروى الروابط تبع الاضاءة الستاريه كلها ماتفتح

  168. يقول امينة:

    يالزيز يا رايق ? الله ينور ايامج

  169. يقول منى:

    مبدعه عطتيني فكره لرمضان

  170. يقول ريمو:

    عزيزتي أروى أنتي إنسانه رائعه وملهمه

    أشكرك على ابداعك ونتطلع للمزيد خاصة تفاصيل عمل المظله الخشبيه فنحن بشوق لها

    أردت تنبيهك على بعض روابط أمزون تحتاج إلى تحديث

    أسعدك الله

  171. يقول فاطمة درعان:

    أروى الحب ❤️ أنت رائعة

  172. يقول Maisa:

    من جد أروق وأحلى الأفكار منك يا أروى حبيبتي انتي ملهمتي وقدوتي الله يسعدك ويبارك فيك يارب ??

  173. يقول Fajr:

    كعادتك فنانه و مذوقه و آسسسسره ??

  174. يقول Noor:

    رائعة جداً يا اروى ، موضوعك كثير حبيته واستفدت منه لأني مثلك أحب الأنوار الصغيره .. تمنياتي لك بالحب والسعادة?

  175. يقول نوره:

    يعجز الكلام والله في مدح جمال اعمالك وحياتك اللطيفه????

  176. يقول Shosh:

    ينطق جمال تسلم أناملك

  177. يقول Lama ALqhtani:

    اروى تكلمي عن نفسك ف تدوينه بليز.

  178. يقول نورة:

    مبدعه مبدعه مبدعه ، لو في اكثر من هالكلمة قلت ، انيييييييييييييقة ، ماشاء الله لاقوة الا بالله ، الله يزيدك من فضله يارب

  179. يقول Moneerah Abdullah:

    السلام عليكم ورحمة الله وبركاته
    بشريني عنك ؟
    موضوع متميز مبدعه كعادتك 3>
    عندي مشكلة 🙁
    أروى رابط الأنوار الستارية ما يشتغل 🙁
    عندي حفلة واعجبني شكلها ..
    وابي اطلبها وبحثت في امزاون وحصلت وحده بس مدري اذا هي تتوصل مثل الأنوار اللي استخدمتيها.

  180. يقول ايمان خالد:

    ماشاء الله تبارك الرحمن ، التطبيق يجنن وحبيت فكرة اللمبات ورا التلفزيون بما انو رمضان قرب مع الفوانيس وكذا ?

  181. يقول حور:

    أحب إيجابيتك و أفكارك مره تعجبني دايماً افكر ان شفت مكتبة التلفزيون فاضيه اقول وين اروى تجي تعبي المكان بلمساتها ???‍♀️

  182. يقول Zahrh ?\':

    ما شاء الله طاقههه ايجابيه ???، ولا يوجد للكسل والطفش مكانن اهنيككك وان شاء الله اننا نصير مثلك وكلامك لطيففف ويحمسس

  183. يقول فاطمه العيسى:

    والله انك مبدعه يااموله✨?

  184. يقول خلود عبدالله:

    قمة فالروعة اموووت فالاضاءات و افكارج تجنن حبيت كل انواع الاضاءات يونسووون??

  185. يقول فجر:

    حبيبي اروى ممكن اعرف الكام اللي تستخدميه فتصويرك

  186. يقول فجر:

    حبيبي اروى ممكن اعرف الكام اللي تستخدميه فتصويرك

  187. يقول جنى العنزي?✨:

    مررررررة جميل و حلو حتى في وقت النوم هادئ و لطيف و كمان الحلو انه اذا جات صديقة يعطي جو روقاااااااااان❤️❤️❤️????

  188. يقول منآر سلمان✨:

    فككرره حلوهه??✨

  189. يقول Bdor:

    مبدعه وربي ماشاء الله عليك ♥️?

  190. يقول Saronah:

    الي يحبب ابداعات أروى الجمممييله ??❤️❤️❤️❤️ ..
    الي معي يحط لاااايك على تعليقي ??✨??

  191. يقول Parisnjd:

    Very nice lights but how I can order it , where exactelly I can find it please explain it to me with many thanks

  192. يقول سلوى:

    ماشاء الله ابددددداااااااع
    والصدق شفت سناباتك وقت ما كنتي تزينينها
    وقتها كان اختبارات عجزت اذاكر اقول ابي مكان كذا اذاكر فيه?
    انا من نوع اللي اذا جاء بالي شي ما اذاكر الا لما اسويه لاني اعجز ومستحيل اذاكر بمكان مو مرتاحه فيه

  193. يقول منيرة:

    أختي الغالية تذكري انه مدونتك ممكن يطلع عليها رجال فتجنبي تصوري نفسك حتى لو كانت يدك يعني اجزاء .. و تجنبي صور الارواح المحرمة.

  194. يقول Fatimah:

    تدوينة راااائعة جدًا استفدنا كثير ??
    الإضاءة الأولى الرابط مو شغّال كيف أوصل له ؟

  195. يقول Fatimah:

    تدوينة راااائعة جدًا استفدنا كثير ??
    الرابط للإضاءة الأولى مو شغّالة كيف أوصل للمنتج؟

  196. يقول ريما:

    انا استخدمت الاضاءة بغرفتي على الستاير وفيه كورنر حطيت زي الشجرة مضيئة من سنتر بوينت وكنبتي وعلى طاولة القهوة فانوس من ايكيا الوردي ودخلت فيه الاضاءة حسيت احلى من الشموع ✨ هالكلام كان الشتاء اللي فات واللحين وودي اغير وعجبني موضوعك لان انا زيك شريت كل الانواع وابتلشت فيهم ?

  197. يقول ديما:

    اهلين عزيزتي اروى كيف الحال ؟
    سؤالي ماله علاقه بالموضوع اعلاه
    بس حابه اعرف اسماء المنتجعات الي زرتيها في المالديف اذا ممكن

  198. يقول Zahrah:

    رائعه اروى اسعدالله قلبك وانارطريقك بنورالإيمان?

  199. يقول ريما:

    الله الله عليك يا أروى ?✨

  200. يقول Zeezo Life:

    آلُڛلُآمْ عٌلُيُڪمْ وُرﭸمْة آلُلُه وُٻرڪآٺة. اخت أروى ممكن تعطينا فكرة عن مدونتك الهوست حقها ومن وين وكيف حصلت على الدومين الخاص فيك. هذا الموضوع يهمني للغاية أرجو الإفادة ولك جزيل الشكر

  201. يقول ساره التميمي:

    ماشاء الله اهنيك اروى??

  202. يقول طيف:

    اجمل كلام في حياتي ي ربي توفقها وتسعده

  203. يقول صافيه المري:

    الله يسعدك حبيبتي ?

  204. يقول Aya elemam:

    تسلم ايدك جداااااً رائعة

  205. يقول الآر:

    انتي رائعه واتمنى ترجعين لنا بسرعه

  206. يقول ندى:

    أروى فاقدتك أرسلت لك عالسناب من فترة! ??? عسى المانع خير ، أتمني ترحعين لنا بأسرع وقت ✨??

  207. يقول shihana25 naif:

    مشتاقه لك جدا جدا جدا جدا جدا ………

  208. يقول عهود فيصل اليامي:

    الله حلو مره

  209. يقول ميلاف:

    اروى💜 اتمنى تنزلين مواضيع المدونة اشتقنا لإبداعك في الاعمال الخشبية وغيرها 👉 💌اتمنى إنك تردين علي😭

  210. يقول نوال:

    جدا رائعة التدوينة جزاك الله خيى

  211. يقول جوهرة النفاعي:

    الله يسعدك في الدارين طاقة ايجابية جميلة
    الله ييسر أمرك ويسخر لك خلقه💕

  212. يقول NOUF:

    أحب الطاقة الأيجابية اللي تميّزك دائمًا ❤️❤️

  213. يقول ام وريد:

    الله يوفقك احبك فالله واسميك عن خواتي تغذيه بصريه تبارك الرحمن كل شي تمسكينه يصير بين يدينك شي مختلف 💗💐

  214. يقول نوديه:

    الله يوفقك ياروى دائما مبدعه

  215. يقول noor:

    يالله قد ايش انتي انسانه ايجابيه وتجيبين السعاده انتي ملهمتتتتتتتي ، احبك يا اروى 😭♥️♥️♥️♥️

  216. يقول ريم:

    ماشاء الله مبدعة
    من 2009 وأنا فاتحه مدونة لكن للأسف توقفت رغم كتاباتي الشخصية فيها وتلخيصي للكتب فيها
    سأرجع لها بإذن الله … لأنه يسعدني لو فادت شخص واحد فقط
    يسعدني زيارتكم لها
    https://reemmzd.wordpress.com/

  217. يقول حسناء:

    جداً انيقه يا ملهمه 🧡

  218. يقول عزيزه اليمن:

    تدوين يفتح النفس لكل شي 🍃💘

  219. يقول ربى🚀🌷:

    رائع أنوار جميله 👍🏼🌷🍃

  220. يقول مريم:

    مجرد شعور الراحه وانا اقرا هالتدوينه اعتقد يكفي ♥️✨
    ماشاءالله عليك انسانه مجتهده الله لايضرك ..

  221. يقول بيان خالد:

    إنتي مبدعه مو بس مبدعه الي بعدها وإنتي فعلاً إيجابيه وتقدمين الفائدة والله يجعل ايامك كلها سعاده
    احبك يالكيكه 💛

  222. يقول Zain:

    هذه اللي تستحق ان يقال عنها ملهمه، صرت ارتب بيتنا نفسها صار يفتح النفس ❤️ شكرا اروى

  223. يقول wguody:

    تدوينه جمييييله وصاحبتهااا اجملللللل ♥️♥️♥️♥️

  224. يقول اروى:

    جميل جدا مبدعه ماشاء الله

  225. يقول ميمونه 💫:

    استمري 👌🏻🥰

اترك رداً على Nora إلغاء الرد


أضف تعليق عبر الفيسبوك: