أفكار ومنتجات لترتيب المطبخ
السّلام عليكم ورحمة الله وبركاته
أهلا بكم
هُنا تدوينة سريعة أعرض لكم فيها الأدوات اللي استخدمتها في تنظيم أدراج المواد الغذائية بالمطبخ
حتى تكون مرجع مرتب وواضح للي يحب يقتني الأغراض أو يشوف أسماءها ومعلومات عنها..
كل الأغراض الموجودة في هذه التدوينة ظاهرة في مقطعي على اليوتيوب على هذا الرابط:
( اضغطوا هنا : أفكار لترتيب المطبخ )
أولا قبل ما أبدأ بالمنتجات اللي اشتريتها ،
بأبدأ بتعليمات بسيطة تساعدكم على استخدام الأدوات المتوفرة حالياً عندكم في البيت
بحيث لو احتجتوا زيادة تلجأون للمنتجات الأخرى ،
لإعادة تدوير العلب
نحرص على عدة نقاط حتى يصير شكلها مرتب ومايكون شكلها واضح انها إعادة تدوير وتجميع..
أولا : توحيد المقاس وتجميع واستخدام علب من نفس الشركه بنفس الشكل والمقاس..
ثانياً: استخدام العلب الكبيرة جدا فشكلها دائماً يوحي و كأنها مخصصه للتخزين بعكس العلب الصغيرة..
ثالثاً : توحيد لون الأغطية لجميع العلب المعاد تدويرها حتى تبدو من عائلة واحدة..
رابعاً: وضع العلب المتشابهه بجانب بعضها..
خامسا: وهذي نقطة بديهية ، إزالة العلامات التجارية من العلبة وتنظيف بقايا الصمغ منها ..
واخيرا : وضع علامه او اسم على كل العلب بنفس التصميم او اللون حتى يوحي انهم ينتمون لبعض حتى ولو كانت الاشكال مختلفة ..
……
والآن المنتجات اللي اشتريتها :
بالضغط على العبارات أو الصور يطلع لكم من وين أخذتها و السعر واسم المنتج ..
الكونتينرات والعلب
و في هذا الرابط أشكال إضافية من شركات مختلفة
سلال حديد قابله للصف فوق بعضها ولها فتحه من الجنب لتسهيل أخذ الأغراض
………
للكتابة على العلب
قلم طباشير سائل يمسح بالماء
وباقي الأغراض الظاهرة في الفيديو غالبيتها عبارة عن إعادة تدوير لعلب العصير والصلصات
واستخدمت هذا المنتج لإزالة الملصقات اللي ما استطعت ازيلها بالصابون
وأعتقد يمكن استخدام الزيت كبديل للمحلول لإزالة الملصقات من العلب الزجاجية
…..
أتمنى تكون هالتدوينة ذات فائدة لكم وإذا تحبون أعمل مثلها لأجهزة المطبخ
وغيرها من الأغراض اكتبوا لي في التعليقات أي نوع من الأشياء تحبون أدون عنها بهالشكل
حتى تكون مرجع وبإذن الله أنفذ طلباتكم بأسرع وقت ..
أحبكم ودمتم بالقرب ?
……
قناتي على اليوتيوب : arwa karu
...
تواصلوا معي عبر :
انستغرام وتويتر : arwa_alomrani@
يوتيوب : arwa karu
سناب : arwakaru
اخترت لك:
As an Amazon Associate I earn from qualifying purchases
التعليقات ( 82 ) :
اترك تعليقاً
يجب أنت تكون مسجل الدخول لتضيف تعليقاً.
مبدعة كما اعتدناكِ يا اروى
احب ماعلى قلبي تدوينات التنظيم كثري منها ?
فنانه اتعلم منك كثيرا
تدوينة جميلة كالعادة .. بس ما وصلتني هالتدوينة عبر البريد ؟ ?
تججنن التدوينة ، مففيدة كثير ومقطع اليوتيوب راااائع ??
وكثير شوقتيني لموضوع أجهزة المطبخ ?✨
عجبني ترتيبك واعادة تدوير العلب
جدا رائع ومفيد واحلا شي حاطه الروابط شكرا من الاعماق اروى ربي يسعد قلبك3>
جمييل جداً … مفيد جداً .. شكراً لكِ
رائع جداً ياليت تكتبين عن هالمواضيع بتفصيل اكثر ترتيب المطبخ و التنسيق والتنظيم والترتيب عموماً وجزيت خيرا ?
ماشاء الله ❤️الله يوفقك ويرزقك ماتتمنين ويعوضك ربي كل خير جميلة ورائعه???
يا حبي لك يا أروى، أسأل الله أن يجمعني بك وأحبابنا في فردوسه الأعلى من الجنة … تدوينة جممميلة ومفيدة كنت بحاجتها، واصلي الله يزيدك، وننتظر تدوينة الأجهزة يا مبدعة!!
وياليت تعلمينا الاشياء اللي تتخزن خارج الثلاجه والاشياء اللي مايصلح خارجها
نظرا لدرجات الحراره العاليه عندنا كل شي نخزنه بالثلاجه او الفريزر ?
آروى يا ليت تكتبين مدونة عن تعاملك مع الخشب والادوات الي تستخدمينها مع الخشب من ناحية صبغه او طلاءه بطبقة لحمايته وشو افضل الانواع لحمايته << ويعني كل شي ههههه وشكرا مقدما ^،^
احب ترتيبج يحمسني ارتب اكثر واكثر
والله أفكار كتييييييير رائعه
صراحه انتى فنانه اروي
تحياتى لكى
عندي طاولة سرير خشبية شليت الستيكر اللي عليها وبقى صمغ وشكله مره يضايق واساساً يجمع وصخ مع الاستخدام حاولت اشيله ماراح فخليتها ع اساس بشتري البخاخ ونسيت عنه والحين جربت استخدم الزيت وفعلاً راح الصمغ تماماً الله يسعدك ويوفقك
احب شكل الاشياء الطبشورية مره ومستخدمه السبورات الصغيرة في غرفتي باكثر من مكان حتى داخل الادراج وكاتبة عليها كلمات تحفيزية تعطي شكل مرة جميل وتفتح النفس فعلاً
يعطيك العافية افدتيني كثير ربي يسعدك ♥
ماشاء الله لاحول ولاقوة الا بالله
أبدعتي جداًفي هذا الفيديو
بارك الله فيك وزادك من فضله
جات ف وقتها سبحان الله
واستفدت منها كثير ربي يكتب لك الأجر
ياليت لو تسوين لنا مشكوره ڤيديو عن القدور والاواني والادوات اللي استخدمتيها واستفدتي منها لانه فاتتني السنابات اللي تكلمتي فيها عن القدور ومالقيتها ف المدونه
ومشكوره مقدماً
أروى عزيزتي
طرحك جميل جدا, أنتي إلهامي في التنظيم والترتيب في المنزل.
أحبك في الله
اروى احب مدونتك كثير
واتابعك انستغرام وسناب
قبل فترة تكلمتي بالسناب عن النباتات وكذا ابي نبته اطلبها من النت شلون ؟
وبعد تكلمتي عن موقع علمك انجلش وقلتي حطيتي الموضوع بالمدونة
مالقيته بالمدونة 🙁
ايش عنوانه
تكفين ردي احتاجه ضروري
آسفة على التطفل ?? ،، بس حبيت افيدك ان اسم المدونة “كيف تعلمت اللغة من الانترنت”
يا حلوووك انتي شيء ثمممين والله ما ادري كيف كنا قبل ما نعرفك الله يسعد قلبك بس??
يالله ترزقني بنت بابداعك ياريت تذكري لنا الاشياء اللي اثرت في تربيتك و صقلك لمواهبك و مين شجعك و مين قدوتك و ملهمتك
الله يبارك فيك و يبارك لك يارب
ممكن تفهموني كيف انزل مدونات فحسابي المدوني مبتدئة قبل ساعة فتحته فزعتكم
السلام عليكم
اروى الله يعافيك ممكن تحطين تدوينه تشرحين فيها كيف نسوي مدونه ونصممها مثلك
شكرًا يا أجمل أروى
أنثى النور والنقاء ، جعلتي حياتنا أنيقة
شكرًا مداد الكون يا نقيّة
لو سمحتِ تكلمي عن الأرضية الخشبية في حديقتك
تكلمت عنها في تدوينة البلكونة
ياجميلة …
وين نلقى الملصقات الطبششوريه بالرياض ؟
ممكن تلقينها بمحلات الكماليات مثل : (يا سلام) او (الهزاز)
موجودة في ايكيا
ماشاء الله تبارك .. إنسانه ملهمه ومبدعه .. شكرا لك ولجمال تدوينتك ..
ماشاءالله ابدعتي وسلمت افكارك واناملك الجميله … فكره جدا جميله بدل مانرمي الاشياء اللي نعتقد اننا مانحتاجها نعمل لها اعادة تدوير واضافة تعديلات بسيطه …. ابدعتي ابدعتي ابدعتي
بارك الله فيك و رزقكي ما تتمنين
مبدعه كالعاده اروى احب مواضيعك دايما ….احتاج موضوع تخزين وحفظ الاطعمه والمفرزنات وترتيبهم بالثلاجه
أهلاً أروى .. أعجبتني فكرتك وطبقتها لكن ممكن تضيفي هالمعلومه لقُرائك انو مو شرط يستخدمون البخاخ لازالة الستيكر من العلب أنا جربت طريقه مويه مغليه وملح أنقع العلب فيها ربع ساعه وبسهوله تنفك من دون ما أفركها بالاسفنج أو الفرشاة حقت المواعين حبيت أشكرك ، وأضيف لك معلومه جميلة مثل ما أضفيت لنا ??
شكراً جزيلاً على هالأفكار الروعة ?❤️
ماشاء الله عليك دائم مبدعه ومميزه الله يسعدك سعاده الدارين❤️❤️❤️
ماشاءالله عليك تعجبني افكارك وطريقة ترتيبك ✨❤️
ما شاء الله ذووق فالترتيب
ماشاء الله عليك دائم مبدعه ومميزه الله يسعدك سعاده الدارين❤️❤️❤️
مدونتك كلها جممال وطاقه ربي يسسعدك ع قد ماتحبي تفيدي غيرك باجمل الصور ، ياليت تكتبيلنا اقتباسات جميله وملهمه ممكن تتعلق بالبيت او تكون قدامنا بكل وقت تعطينا طاقه و تحت التدوينه يصير الجميلين بالتعليقات كل وحده تكتب اقتباس يلهمها ???
ماشاءالله مبدعه والله اني احبك في الله واحب شغلك وتنسيقك
??
اهلا اروى مدونة جميلة جدا و باذن الله اكون متابعة جيدة مزيد من النجاح
نبغى لو سمحتي ترتيب الغرف والملابس ،كتبتي عن كتاب في الانستقرام دورته بجرير مالقيته ماعرفت اي قسم ،حلو طريقه ترتيبك ماشاء الله ،الله يبارك
?❤️ي ختي الله يسعدكك عل هالاسلوب والطرح الجميل
ما شاءالله عليكي أحب كل أعمالك، و متابعتك في سناب، بحس من خلالها تعطيني طاقة إيجابية.
تابعت هالشرح كم مرة باليوتيوب ولم ولن أمل منه / ما شاء الله عليك ❤️❤️
لإزالة الملصقات تبع العلب ?? احطها في غساله الصحون و اول ما تخلص افتح الغساله وتزلق معي اللزقات زي المويه?? حتى الملصقات المستعصيه نفع معها بس لازم اول ما تخلص عشان تصير فيها بقايا المويه وتصيرلسى مانشفت وبس والله??
ممتاز ???
انت رائعة ماشاء الله
الله يسعدك ويجزاك خير على ما تقدميه من مواضيع قيمة وذو فائدة … وفي انتظار القادم
رآئعه يابنت بلدي ???❤️????
جدا رائع <3
ماشاءالله روعه التنظيم جدا فادتني الله يسعدك?
مرحبًا حبيبتي أروى
ممتنة جدًا لك على كل ما تقدمين وأحبك كثيرًا ?
امم لاحظت أن دواليب مطبخك من جوا فيها زي الخشبة الطويلة بالوسط بين البابين، وأهلي اختاروا مطبخ ناوين يشترونه وفيه نفس الحركة وأمي خايفة من إنها تعيقها في حال إدخال وإخراج بعض الأواني الكبيرة.. وش رايك أنتِ من واقع تجربتك؟
يارب وصفي واضح ?
شااااكرة لك مقدمًا ?
قمممممة الروعه والنظافه والجمال
رائع كالعادة
الفكره مره بطله خصوصاً انو كثير علب تنرمي ??
اتعبت من بعدك يا اروى ? ماشا الله تبارك الله??
أنا من عشاق الترتيب والتنظيم .. وترتيبك أعجبني جداً خصوصاً لما شفنا قبل وبعد .. استمتعت بمشاهدة الفيديو كثيراً وخاصة إنه مصحوب بشرح بصوتك الدافىء ??
مرحباً اروى
أحب طريقة طرحك للمواضيع
ويشدني ترتيبك وتنظيمك للأشياء
وحبيت فيك المامك باهتمامك
ببيتك وأسرتك
وتنمية هوايتك
ماشاءالله تبارك الله
?
اروى وين ممكن القى بالسعوديه الملصقات زي اللي حاطتهم ؟
اذا كنتي ساكنة بالرياض ممكن تلقينها بالمحلات اللي بحي السويلم او المعيقليه
اذ انتي في الرياض تحصلينها عند ريال بركه
ماشاء الله تبارك الله يازين الترتيب وراعيه ????
مبدعه كعادتك اروى ?? اهم شي طريقه ترتيب الثلاجه نبي شي يفتح نفسنا عليها ??
[…] أفكار ومنتجات لترتيب المطبخ […]
قدووتي اروى ?
ماشاء الله توني حملت التطبيق وانبهرت تبارك الله بالموجود جواته ربي يسعدك ويوفقك وسلمت اناملك ❤️?
شكككراً جزيييلاً لك يا أروى …..
وأنا دائماً بإنتظار تدوينات
انتي ملهمة جداً ماشاء الله ?
حبيبتي أروى انتي دائماً متألقه بأفكارك وترتيبك .. الله يسعدج ويحفظج ويبارك لج ربي فيما رزقج ?❤️? تعلمت منج الكثير ❣️✒️
ممكن تنزلين تطبيق للاندرويد ؟؟؟
السلام عليكم
احب تصويرك ومدوناتك ومره حلوه ومبدعه بس ياريت لو سويتي فيديو افضل بكثير من الكتابه ونقدر نطبقها اسهل
اهلا عزيزتي ..مدونتك راااائعه ماشاء الله
الله يسعدك ..حمستيني ارتب الادراج عندي
أفكار رااااااااائعة جدااااااً😍😘
ياحلووك كل ماشفت لك شي دعيت لك تدخلين القلب يارب بنتي تطلع زيك ياحبي لك يااروى الله يفرحك بكل ماتتمنين
جميلة تفاصيلك مبدعة بمعنى الكلمة 🌷
اروى الجميلة الرائعه استفدت كثييييير جددددا من الفيديو و تم التطبيق .. اريد تدوينة في تنظيم و ترتيب الحمام و المنتجات فيه و ترتيب ادوات العناية مثل الشامبو و كريمات الشعر و منتجات العناية بالوجه افكار من افكارك الرائعه و ايضا ترتيب التسريحه و نصائحك بخصوص هذا الموضوع و شكررررا جزيلا
جميله ماشالله
السلام عليكم
ممكن تقولي لي من فين اشتريتي المبرعمات والعلب اللي تبرعمت فيها
مره شوفت لك سناب. بس مالقيت في المدونه
شكرا
جزاك الله خير
حبيييت الطريقه والادوات بيخلي المطبخ يفتح النفس بجربهمها الاسبوع