حديقتي السرية

23 يوليو، 2017  > تدوينات الأصدقاء   الكاتب : maha agh
عدد القراء: 45٬492

السلام عليكم

اسعد الله اوقاتكم بكل خير

هذي ثاني مره اطل عليكم ?.. موضوعي الأول كان :

مكتب لطيف بأقل تكلفة باستخدام إعادة التدوير?

..

هالمره بستعرض معكم حديقتي الصغيره اللي غيرتها تغيير جذري والشي الجميل اني اشتغلت عليها بنفسي وبإمكانات بسيطه ?

هذي صورة الحديقه اول ماسكننا البيت كانت باهته ومُهمله ..

حديقتي السرية

.

.

في الفتره اللي بدأت اصلح حديقتي فيها زرت قرية portmeirion في بريطانيا ولفتتني فيها الألوان الزاهيه والتفاصيل اللي ألهمتني وخلتني أفكر ليش ماتكون حديقتي الصغيره بهالجمال وهالألوان ..

بوريكم بعض الصور اللي التقطتها للقريه :

.

حديقتي السرية حديقتي السرية حديقتي السرية

شفتوا كيف الألوان تفتح النفس.. حسيت ودي أعيش فيها ?

.

.

حديقتي السرية

اول وامتع خطوه رحت اتسوق للمشروع ? .. اشتريت نباتات و ورد وبذور .. بويه للحديقه  .. مسامير وبعض الأشياء والمستلزمات اللي راح احتاجها

.

.

حديقتي السرية

اشتريت بويه مخصصه للحدائق تكون مضاده للماء وللشمس والعوامل البيئيه .. ووقع اختياري على اللون السماوي الفاتح ?

.

.

حديقتي السرية

وأول شي سويته صبغت الباب بعد مااختبرت اللون على بقعه بسيطه وعجبني ?

.

.حديقتي السرية

هنا بعد ماصبغت الباب .. صلحت الفنس (اللي هو الحاجز الخشبي) كان مكسر .. احترت كثير في لون الفنس هل اتركه بني ولا اغير لونه عشان يتناسب اكثر مع الباب .. وعلى بال ما اتخذ قرار بدأت اشتغل على الزرع لانه الموسم الزراعي بدأ في بريطانيا

.

.

حديقتي السرية

شلت جزء من الثيل في زاوية الحديقه بيكون زي الحوض عشان ازرع فيه بعض الخضروات الورقيات .. وحطيت على الأطراف حاجز فاصل بين الثيل والتربه

.

.حديقتي السرية

كان الثيل متمدد على الممر الاسمنتي والحشائش منتشره بين الفتحات وشكلها مو مرتب .. قصيت الثيل الزايد باستخدام السكين ونزعت النباتات وحطيت محلول بين الفتحات يمنع نمو الحشائش مره ثانيه عشان يكون شكل الممر نظيف ومرتب

.

.

حديقتي السرية

زرعت الخضروات في الحوض اللي سويته .. وغرست الهيدرانجيا بلونين مختلفين على الطرف قريب من الباب وحددتها بحصى ابيض

(بالصوره الهيدرانجيا البنفسجيه كانت عطشانه عشان كذا شكلها ذابل .. بس اول ماتنسقي تتفتح وتنتعش سبحان الله) ?

.

.

حديقتي السرية

ركبت على الجهه اليمنى حاجز لزيادة الخصوصيه ..اخترت البامبو لانه يجي زي الرول سهل تركيبه وسهل فكه وأيضا تكلفته حلوه ويأدي الغرض .. ويتضح بالصوره ان نباتاتي كبرت ماشاء الله (زرعت 5 أنواع طماطم وبطاطس وورقيات ).. وزرعت زهره بس اكلتها الحلزونه في ليله ماطره .. بالعافيه عليها ?

وعلقت احواض الزرع على الجهه الأخرى.. الاحواض جبتهم معي من شقتي كنت معلقتهم في بلكونتي .. مااستغني عن منظر الخضره حتى لو كان في بلكونه حجمها مترين في متر ??

ويتضح بالصوره بعد اني اجرب بويه باللون الأبيض على الفنس وقررت اغامر واعتمده ?

.

.

حديقتي السرية

و ترآآآآ صبغت الفنس باللون الأبيض و عتقت الخشب باللون البني عشان يكون شابي شيك ستايل

.

حديقتي السرية

والباب صبغت تفاصيله باللون الذهبي .. ومررت عليه الفرشه فيها شوي لون ابيض عشان يكون فيه تعتيقه كذا ..ويكون متجانس اكثر مع الفِنس

.

حديقتي السرية

وعلقت عليه هذي اللوحه اللطيفه (مكتوب عليها أهلاً بك في حديقتي السريه ) ?

احب اسم “الحديقه السريه” لاني كنت اتابع كرتون جميل جداً بهالاسم وانا صغيره .. واليوم كبرت وصار عندي حديقه سريه ??

.

.

حديقتي السرية

التفاصيل عن قرب

.

.

حديقتي السرية

نجي للشي اللي ماتكمل الحديقه بدونه ..كنت مخططه على طقم جلسه للحديقه بطلبه من امازون بس وانا اتجول يوم في محل للاشياء المستعمله لقيت هالكراسي و الطاوله (طبعا الكراسي مالها علاقه بالطاوله ?) وقلت فررصه امارس هوايتي ✌

.

حديقتي السرية

صبغت الطاوله وخليت سطحها معتق مررت عليه الفرشه باللون الأبيض بسرعه وبدون مااضغط عشان ماتدخل البويه وتكون بس على الأجزاء البارزه ..

وصنفرت الكرسي بشكل سريع باستخدام جهاز الصنفره ..

.

حديقتي السرية

صبغت الكراسي وماحرصت ان الصبغ يكون بيرفكت لاني ابيه يكون معتق وقبل ماتنشف البويه تماما مررت عليها “سكينة ” وسويت خدوش عالكرسي ..

.

.

حديقتي السرية

وهذي الجلسه بعد ماخلصت .. ?

.

.

حديقتي السرية

الحين اقدر أقول ان حديقتي اكتملت ?

.

.

حديقتي السرية

.

تمنيت ان الصور تكون احترافيه اكثر لكن للأسف نسيت كاميرتي في السعوديه بآخر زياره ?

.

.

حديقتي السرية

وهذي طماطتي تسلم عليكم وتستعد للقطف قريباً ان شاء الله ?

أتمنى لكم لحظات جميله .. كجمال ارواحكم ?

انستجرام: meem91

سناب:

حديقتي السرية

??

.



اخترت لك:

As an Amazon Associate I earn from qualifying purchases

التعليقات ( 54 ) :

  1. يقول RFAN:
    23 يوليو، 2017 الساعة 10:22 ص

    ماشاء الله تجنن ??? ،، انا بعد كنت اتابع الحديقه السريه ، كنت احبها مرره ما افوت ولا حلقة >> هههه ??

  2. يقول شادن?:
    23 يوليو، 2017 الساعة 1:29 م

    ما شاء الله تهبل???

  3. يقول يارا:
    23 يوليو، 2017 الساعة 2:26 م

    مااااشااااء الله تفتح النفس مننننجد الله يسعدك على هالمنظر الجميل الي متعتي انظارنا فيه والجمال الي بحديقتك صدقيني وصل لاعماق قلبي??? احب الناس البسيطة والي تنجز وتبتكر وتبدع من ابسط الاشياء الله يوفقك ويسعدك ويحفظك على هالابداع وتاكدي اني انتظر تدويناتك القادمة بفارغ الصبر??

  4. يقول ?ضحى?:
    23 يوليو، 2017 الساعة 4:38 م

    ماشاء الله عليك مبددددعه
    ?????

  5. يقول كادي:
    23 يوليو، 2017 الساعة 6:08 م

    ???مرررة اعجبتني الحديقة

  6. يقول Haya:
    23 يوليو، 2017 الساعة 9:18 م

    مشالله بدعتي تسلم يدينك ????

  7. يقول منال:
    23 يوليو، 2017 الساعة 10:18 م

    ماشاء الله تبارك الله شغل جميييييييل ورايق فتنتي هالألوان ???

    ربي يهنيتس ويبارك لتس فيها?

  8. يقول Hello:
    24 يوليو، 2017 الساعة 12:31 ص

    تغيير جذري ورائع تبارك الرحمن، تتهني في حديقتك يارب.
    حبيت اسلوب التعتيق والكراسي اللي اعطيتها ايحاء انها قديمة ومخدشة جداً رهيب. يعطيك العافية وشكراً على مشاركتك جد استمتعت بالتدوينة كثير..
    صح بالمناسبة يا اصدقاء أروى بدأت مدونة صغيرة حكون سعيدة لو القيتو نظرة (: طبعا سويتها لاني ملهمة من مدونة اروى الرائعة! http://www.myhoy.wordpress.com

  9. يقول يوتوبيا UTOPIA:
    24 يوليو، 2017 الساعة 1:19 ص

    ماشاء الله غيرتيها تماماً … حبيت التفاصيل مره

  10. يقول ميم:
    24 يوليو، 2017 الساعة 1:37 ص

    ماشاء الله ????? جمال جمممممال و اتقان فظيع
    تبارك الله

  11. يقول بلقيس:
    24 يوليو، 2017 الساعة 7:12 ص

    ذوق ما شاء الله اهنيك، حبيت اهتمامك بالتفاصيل البسيطة لان فعلاً شوي اهتمام بمثل هالتفاصيل تغير الشيء الكثير في المكان ??
    + يااهه ذكرتيني “بالحديقة السرية” يا سرع الأيام ? يالله عقبال ما املك حديقتي السرية أنا بعد في القريب العاجل?
    تحية لك♥️

  12. يقول أروى:
    24 يوليو، 2017 الساعة 5:19 م

    تفتح النفس ما شا الله تتهنين يا جميله

  13. يقول أمل القاضي:
    25 يوليو، 2017 الساعة 1:45 ص

    ماشاء الله إبدااااع وجميل جدا جدا

  14. يقول ?Jawaher:
    25 يوليو، 2017 الساعة 10:37 ص

    مبدعة ما شاءالله عليك ????، والحديقة صارت تفتح النفس اهنيك على جمال ذوقك ???.

  15. يقول منار:
    25 يوليو، 2017 الساعة 4:14 م

    وااااو م شاءالله تفتح التفس الوانها رهيبه تسلم الايادي الحلوه ع هيك عمل بطل ?????♥️

  16. يقول Wejdanalrajhi:
    26 يوليو، 2017 الساعة 11:54 م

    ماشاء الله بطللللله?❤❤❤

  17. يقول Hanaa Mh:
    28 يوليو، 2017 الساعة 9:32 م

    جميل جداً ما شاء الله ،، تسلم يدينك .. حمستيني اشتغل عاى بلكونتي

  18. يقول امل:
    29 يوليو، 2017 الساعة 8:11 ص

    جميييييييله حديقتك ماشا الله تفتح النفسسسس????

  19. يقول نجود:
    29 يوليو، 2017 الساعة 1:35 م

    فناااانه فنااانة فنانة?????❤️

  20. يقول asma?:
    29 يوليو، 2017 الساعة 10:00 م

    ماشاءالله تبارك الله .. أنآملك ذهبيه ?? ابدعتي وقلبتيها بلمسآتك الى لوحة فنيّه آسره

  21. يقول حور:
    30 يوليو، 2017 الساعة 5:59 م

    تجججججنن ماشاءالله

  22. يقول غاده:
    30 يوليو، 2017 الساعة 11:58 م

    يا متعت عيوني انتي، استمتع وانا اشوف صورس وسناباتس وكذا ماشاء الله عليس الله يحفظس تسلم الايادي من جد ابدعتي ?❤️

  23. يقول ميرال:
    31 يوليو، 2017 الساعة 10:51 م

    تصيح ?♥️

  24. يقول naba:
    1 أغسطس، 2017 الساعة 4:41 ص

    ماشاءلله تبارك الرحمن صارت اجمل وتفتح النفس واعتقد انه مكان جيد لتأمل والاسترخاء ,تسلم يدك.

  25. يقول Rawan:
    1 أغسطس، 2017 الساعة 5:05 م

    صراحه ابدعتي??

  26. يقول عبير?:
    2 أغسطس، 2017 الساعة 6:53 ص

    رووووعه اللهم بارك ابدعتي ?????????

  27. يقول ام تميم:
    3 أغسطس، 2017 الساعة 2:43 م

    روووعة ماشاءالله انا من المعجبات بأعمالك اروى الله يبارك لك

  28. يقول حنين:
    3 أغسطس، 2017 الساعة 7:16 م

    ماشاءالله حديقتك تفتح النفس اهنيك على عملك المتقن???

  29. يقول فاطمه محمد:
    5 أغسطس، 2017 الساعة 9:59 م

    ماشاءالله ابدعتي مررره رايقة الله يسعدك ?

  30. يقول بيان الزهراني:
    12 أغسطس، 2017 الساعة 11:07 م

    وااااو ايش رايك تجين بيتي تسوين لي حديقه

  31. يقول ام لين:
    15 أغسطس، 2017 الساعة 10:03 م

    شي يفتح النفس. بسم الله ماشاءالله

  32. يقول سما:
    16 أغسطس، 2017 الساعة 12:31 م

    اشياء بسيطه طلعت حديقتك خياليه ?❤️

  33. يقول amanifaheed:
    16 أغسطس، 2017 الساعة 3:43 م

    جدا جدا رائع ولمساتك الناعمه سوت فررررق ماشاءالله ?

  34. يقول Salwa:
    17 أغسطس، 2017 الساعة 12:04 ص

    ماشاءالله عليك حلوووه

  35. يقول ندى:
    20 أغسطس، 2017 الساعة 9:51 ص

    ماشاء الله جميييل

  36. يقول احمد الحربي:
    20 أغسطس، 2017 الساعة 9:31 م

    جدا ماشاءالله جميل الله يعطيك العافيه انا من السعودية وعندي حوش بدون بلاط تنصحيني اسوي،ركن حديقه صغيره ؟

  37. يقول رشا:
    3 سبتمبر، 2017 الساعة 8:20 م

    ماشاء الله لاقوة إلابالله مره تجنن
    وحبيتك لانك سميتيها الحديقه السريه ( انا بعد احب يكون عندي حديقه سريه وقاعده اشتغل على هذا الشي ان شاء الله ربي ييسر اموري واكملها )

  38. يقول نوف بلوق:
    12 سبتمبر، 2017 الساعة 5:42 م

    ماشاءالله تبارك الله كيف احييتي المكان لمساتك فنانه وعظيمه ب افكارك جدا حبيت الحديقه “)

  39. يقول البندري:
    23 سبتمبر، 2017 الساعة 5:43 ص

    تسسسسلم يدكك بججد ابدعتي??????? حولتي الحديقه من مكان اشبه ب فيلم رعب الى مكان كله حياه وبُهجه ??? حبيتت حبيييت حبيييت ?????

  40. يقول توتا:
    25 أكتوبر، 2017 الساعة 9:22 ص

    ماشاء الله …مره جميله حبيتها ??
    تسلم اناملك
    عقبال حديقتي ?

  41. يقول Ms. alhajri406:
    7 مارس، 2018 الساعة 10:32 م

    روووووعه حبيت ❤️❤️❤️

  42. يقول Sara:
    11 أبريل، 2018 الساعة 6:04 ص

    ماشاءالله جمااال ابدعتي

  43. يقول روان:
    11 أبريل، 2018 الساعة 11:02 م

    حبييييييييييتتت مره رايقههه وستايل ريفي انيق

  44. يقول مرام:
    12 مايو، 2018 الساعة 9:26 م

    تجننن ماشاءالله 💕💕🌩🌨🕊

  45. يقول Eth🌸:
    8 يونيو، 2018 الساعة 9:00 م

    ماشاء الله الذ حاجه انك جددتيها بنفسك حبيتها 💛💛

  46. يقول ايمي:
    14 يونيو، 2018 الساعة 1:11 ص

    مرا جميله ❤️❤️❤️❤️

  47. يقول غدير:
    5 يوليو، 2018 الساعة 3:59 ص

    جميييييييله الجلسه عجبني شغلك فيها جداً ما شاء الله فعلاً تغيرت 180 درجه حبيت شغلك عليها و يرفع له القبعه ما شاء الله

  48. يقول غاده:
    15 نوفمبر، 2018 الساعة 8:09 ص

    I’m in love with this garden 😍

  49. يقول هند:
    26 ديسمبر، 2018 الساعة 3:06 م

    جداً جميل

  50. يقول ربى🚀🌷:
    30 يناير، 2019 الساعة 6:40 ص

    حديقهسريه حديقه جميله 🌷🍃🌷

  51. يقول حصوش🔱:
    1 مارس، 2019 الساعة 12:32 م

    ماشاء الله😩♥️

  52. يقول احلام:
    9 مارس، 2019 الساعة 2:59 ص

    جممممميلة جداً اابدعتي😍👌🏽
    بما انك في بريطانيا احتاج بعض التفاصيل لو سمحتي
    ايش نوع التربة المستخدمة للزراعه ؟ وكيف اعرف موسم الزراعه في بريطانيا ؟
    مالي خبرة بالزراعه ابداً ولكن عندي بكونه ابغى احولها لحديقة صغيرة🥰

اترك تعليقاً


أضف تعليق عبر الفيسبوك: