كيف تخطط بنجاح ؟ :)
بسم الله الرحمن الرحيم
السلام عليكم ورحمة الله وبركاته
سلام على تجمع المدونين الجميل ()”
سعيدة جدا بالفرصة إلي أتاحتها أروى الجميلة
صراحة فكرة مميزة ،،
حبيت أشارككم بطرق بسيطة لوضع خطة جميلة لنفسك
بعيد عن التعقيد ، وبعيد عن حوسة بعض الدورات إلي تطلعين منها ويكون تطبيقك لها شبه معدوم
فيه ثلاث نماذج ممتعة حسيتني ترتبت جدا بعد استخدامها وهي إلي بعرضها لكم
.
.
مدونتي ستحتوي على أربع نقاط:
نموذج خطة شهرية
نموذج خطة أسبوعية
نموذج ترتيب المهام
نموذج تطوير الذات
نبدأ تدوينتنا الطيفة إلي بتساعدكم بإذن الله في تنظيم الأهداف وتطوير النفس
.
.
أولا: نموذج خطة شهرية
القائمة العامودية عبارة عن:
“أدوارك في الحياة”
وهذا نموذج للأدوار ممكن تزيد أو تنقص حسب حالك
هل أنت متزوجة ؟ لك إخوان هل أنت موظفة أو طالبة ؟
أهم دور هو دور (عابدة) يعني عبادتك لله تعالى
صلاة ذكر قيام ليل وغيره وهي تحتاج دائما شحذ الهمة والتجديد فحلو كل شهر يكون لك هدف فيها.
القائمة الأفقية تحتوي على:
الهدف
الوسيلة
الزمن
الإنجاز
لكل دور ثلاث أهداف بالكثير ويفضل هدف واحد
حتى ماتكثر عليك بعدين ماتنفذين كلها
وعلى قولتهم”ركز تنجح” و “ركز تبدع“
بعده حددي وسيلة تحقيق الهدف
مثال:هدفي في دور عابدة أن أصبح كثيرة الاستغفار
الوسيلة:وضع ملصقات في المنزل فيها فضل الاستغفار أو البحث عليه مثل لايزال لسانك رطبا بذكر الله
وطبعا حددي عدد الملصقات وإلي بتكتبينه فيها في خانة الوسائل
الزمن: على المثال السابق تحددين زمن تصميم الملصقات وطباعتها
وتحددين أوقات للاستغفار أو عدد معين خلال اليوم طبعا الاستغفار ورد الإكثار منه فما تعتقدين إنه الشرع ألزم بعدد لكن التحديد عشان يساعدك خاصة في البداية بعدين بإذن الله لسانك يتعود
بعده خانة الإنجاز أو التقييم عشان تتابعبن نفسك فيها هل حققتي الهدف خلال الزمن إلي حددتي أو لا
وتشوفين وش الأسباب إلي ماخلتك تنجزين عشان تتجنبينها مثلا عدم التزامك بالوقت إلي حددتي أو الهدف كان كبير ويحتاج تقسيم ..الخ
.
.
ثانيا: نموذج خطة أسبوعية
طبعا النموذج عادي وممكن تبدعين بتصميمك الخاص
لكن ليش نحط خطة أسبوعية ؟!
1⃣عشان تكونين عارفة في بداية كل أسبوع وش عندك ولا تكونين مشتتة
2⃣ متابعة الإنجاز أسهل وممكن لو حسيتي الهدف كبير تقسمينه على باقي الأسابيع
ومن تجربة لو ماحطيتي المتابعة الأسبوعية نسبة كبيرة من الهدف ما راح تتحقق.
.
.
ثالثا: نموذج ترتيب المهام
يمكن كثير منكم يعرفه صراحة شي جميل خاصة إذا جيتي تكتبين الخطة الشهرية و لقيتي نفسك حوسة امسكي النموذج وشوفي وش الأهداف العاجلة وش الهامة ووزعيها في خط تم الشهرية حسب أهميتها أو كونها عاجلة
مثلا:أنا موظفة أو طالبة وعندي تعبئة نماذج أو تصميم معين أوتسليم بحث أو اختبار
وبنفس الوقت أبي أتعلم برنامج الموسم جرافيك وأبي أصمم كم صورة عن فضل الذكر وأنزلها بحسابي
امسكي هذا النموذج وقسمي أهدافك المهم والعاجل أولا بعدين المهم تحددين له وقت بخطتك وفيه أشياء ممكن بتلقينها غير مهمة تحذفينها
يعني هذا النموذج بخليك تفكرين بهدوء وبسرعة وبرتبك
.
.
رابعا: نموذج تطوير الذات
هذا من اختراعاتي ?
مريت بفترة فيه كثير مواضيع ودي أقرها وما عندي وقت
وما أدري من وين أبدأ فجت فكرة هذا الجدول الجميل البسيط
أولا: حددي المجالات إلي حابة تطورين نفسك فيها
ثانياً: العامود الثاني تحددين الموضوعات في كل مجال
ثالثاً: تحديد الكتاب أو المقطع الصوتي إلي بطورك بهذا الموضوع
وهذا العمود يجدد كل أسبوع أو أسبوعين حسب وقتك
رابعاً: عامود تحديد الوقت
خامساً: عامود اختياري إذا ودك تلخصين الكتاب أو المادة الصوتية
وهذا فكرة جميلة عشان تقدرين تنشرين المادة
وتثبت في مخك بعد
إذا لخصتي تكتبين صح في الخانة
.
.
وبس ?
كذا تكون انتهت تدوينتي, أتمنى تكون مفيدة لكم
وأتمنى تكونون استمتعتوا بقراءة المدونة
التنسيق لكم عليه > أم جديدة وأدرس في المعهد ?
لكن أروى الله يسعد قلبها فتحت لي مجال أحبه لكن مالقيت له وقت
بإذن الله ييسر ربي وأكتب لكم مدونة ثانية عن هذي الصورة الجميلة
والسلام عليكم ورحمة الله وبركاته
مساؤكم نفحات رحمة وتيسير
اخترت لك:
As an Amazon Associate I earn from qualifying purchases
التعليقات ( 22 ) :
اترك تعليقاً
يجب أنت تكون مسجل الدخول لتضيف تعليقاً.
جمييل جميييل.. بجد التنظيم والكتابة سبب رئيسي لتحقيق الاهداف اليومية او الاهداف الكبيرة.. وكذلك تسهم كثيراً في الانجاز وأداء المهام.. حبيت طريقتك جدا واختيارك في الالوان والتصاميم.. محفزة جداً.. شكرا على التدوينة اللطيفة
الله يسعد قلبك ملاك سعيدة بمرورك الجميل على تدوينتي ??
جممميلة التدوووينه ?? و مفييدة
للاسف كثير يستهين بالتدوين والتنظيم وان ماله قيمه او حتى اهميه عنده ☹️
بالنسبه لي هو احد اسباب النجاح والابداع ?✨
أهم شي تستفيدون لأنه بالفعل استفدت من أغلبها وودي أفيدكم??
أكيد ماراح تنجزين إذا كنت حوسه
جميلة جدا .. ابدعتي والله وحمستينا ..
الجميل وجودكم وتفاعلكم ??
عشان نتحمس ونزل التدوينه الثانية
تضايقتك وقلت اروح لمدونة روى?
شكرًا لكل الموجودين إنكم موجودين بهالحياة?
وشكرا لجودك هنا ?
أفييياء?
فز قلبي من شفت اسمك وشفت (قارئة)
الله يسعدك وين ماكنتي
هلا والله ?
من الجميلة أعرفك شخصيا ولا عن طريق وسائل التواصل?
آمين وإياك ?
موضوووع مفيييد جداا.. الله يسلم يديييك !!
تدوينة جميلة ربي يوفقك و ييسر امورك
آمين الله يسعدك وإياك ?
ياربي قد أيه الترتيب والتنظيم يضيف على الحياه رونق وطعم خاص للأسف انشغلت في الفتره الاخيره كوني أم جديده ونسيت الجداول وترتيب المهام بس في عقلي ما أدونها لكن بإذن الله بعد مدونتك لسان حالي يقول << عائدووون عائدون??
الله يكتب أجرك ويعطيكِ العافيه مجهود يذكر فيشكر??❤️
هلا برحاب ?
ياملحنا تجمع الأمهات الجدد
الله يصلحهم ??
أحس مهما خططتي براسك تفريغ الورق يرتب ويريح مخك
رائعة
بارك الله فيك افياء
وجزاك الله خيرا اروى على فتح المجال للمشاركة
فعلا الكتابه تنظم لك يومك وتخلصك من زحام الافكار الي تعيشين فيه اذا ما خططتي لنفسك وعني حاليا اعيش حاله من التشتت لاني توقفت عن تخطيط اهدافي فتره معينه وتدوينتك شجعتني اعود من جديد
حبيت افكارك حلووه و بذات وقت العباده شيء جميل انه ما يتغافل عنه الانسان
فهو بالاخير اهم من اي خطه ثانيه ممكن تضيع وقت الانسان
وكذلك الاستغفار ممكن يلزمه الشخص حتى وهو شغال على اي شغل ثاني
مبدعهه تعجبني الأشخاص المنظمة والمحفزة لذلك
جميل جداً ماشالله مبدعة الى الامام دوماً❤️
جميله جداً ماشاء الله عليك …حبيت الفكره ???
منجد منجد شكراً يعني صراحه فناااانه? دايماً ابحث عن دا الشي بس ما يطلع مظبط وفيه كل المعلومات ومفصل تفصيل يعني سهل الفهم و …
جميييييل ??