السلام عليكم ورحمة الله

كل عام وانتوا بخير صديقات أروى 🌸

وتقبل الله صيامنا وقيامنا ..

سبحان الله أجواء رمضان روحانية وشعور جميل جداً

إذا شفنا الناس تجمل منازلها بأركان وأجواء رمضانيه 🌙😍

والحين الأشياء صارت متوفره بكل مكاان والناس صارت تبدع بالأفكار ماشاء الله ♥️♥️♥️

كل سنة أحب أضيف جو رمضاني ببيتي الصغير✨

وهالمرة بشارككم ترتيبي المتواضع

لكن حبيت يكون ستايلي غير عن المعتاد من الفوانيس والانارة

🌸🌸🌸🌸

 كورنر المطبخ عندي مفتوح على الصالة وطاولة الطعام

فكانت هي كورنري الرمضاني لهذه السنه✨🌙

صور بالخطوات :

الورد الموجود داخل الجرّة راح أحط طريقته نهاية التدوينة

أحب الاشياء تكون متلاصقه ببعض اذا كانت متفاوتة الطول

وتجميعها أجمل بكثييير من توزيعها او صفها يم بعض

ولازم ندخل النباتات 😍✨

رتبت صينية خشب فيها المبخر والعود وشمعة ونبتة صغيره 🌿

وحطيت يمها صينية بشكل رخام مع ابريق وبيالات

لأجواء رمضانيه 😍🌿

وبنهاية الكورنر أضفت جرّه وكم شمعة تكملة الستايل :

وعملت قطعة خاصه فيني برمضان بوريكم اياها😍:

 

 

هذي قطعة دارجة كثير .. هي خشب ساده عملت فيها خط عربي بحبر سايل و خطاط ورسمت عليها

والقطعة السفلية صبغتها ببخاخ خاص للخشب باللون الأبيض

وبكذا صارت قطعة جمييله نحط فيها قطع التشوكلت وقت القهوه

.

.

ونجي للصور بالليل كيف صارت ✨🌙

.

.

بخصوص الورد الجميل الموجود بهالقطعه :

طريقتي فيه كالتالي :

أخذت ورق خشن ولونت فيه بشكل متدرج وقصصته قطع مقوسه عشان تكون ورقة الورده

استخدمت شريط لاصق من الجهتين وبديت أثبت الأوراق مع بعض

بعدها أخذت علاق حديد قديم وفتحته

وثبت الورد فيه

وبكذا صار عندي شكل لطيف بسيط :

وكانت هذي مشاركتي أتمنى استمتعتوا

واستفدتوا ♥️♥️

ورفعت فيديو باليوتيوب وأنا أرتب فيه الكورنر للي حاب يشوفه

حساباتي :

insta : @mymyomair