تجربتي في السفر مع رضيعة

تجربتي في السفر مع رضيعة

السلام عليكم و رحمة الله و بركاته 

مرحبًا أصدقاء أروى ⭐ 

أنا منال و موضوعي اليوم للأمهات الخارقات اللي يقررون ياخذون أطفالهم معاهم في السفر ? 

 

في هذا الموضوع بحاول أجمع لكم أهم النقاط اللي تعلمتها من تجربتي المتواضعة في السفر مع بنتي 

 

ندى عمرها سنة و شهر  و خلال هذي السنة سافرت معي رحلات داخلية و دولية مجموعها ١٤ رحلة “ذهاب و عودة” 

يعني أعتقد صرت خبيرة في الموضوع بما فيه الكفاية ? 

و لكن هذا لا يعني اني مصدر تاخذون منه كل المعلومات، انا بس حابة أذكر ما استفدت لعله يفيدكم

 

توكلنا على الله ✈

 

١- و هي أهم أهم أهم نقطة، وسعي صدرك! حتى لو كل شيء صار عكس اللي مخططه له عادي مشّي الموضوع و غيري الخطة لكن لا تتوترين. الطفل يحس بأمه، كل ما توترتي يتوتر معك. توقعي كل شيء و استعدي لكل شيء و تذكري ان هذه الرحلة للاستجمام و خذي كل شيء ببساطة. 

 

٢- حاولوا تحجزون رحلتكم في وقت يناسب طفلكم. مثلًا  ندى أكثر وقت تكون رايقه فيه هو الصباح و الحمدلله رحلاتنا كانت أغلبها في هذا الوقت لكن لو صدف و كانت في وقت غير مناسب أحاول اني اخليها ما تنام قبل الرحلة أقل شيء ٤ ساعات عشان تنام وقت الرحلة.  

 

٣- ابدأي في التجهيز للسفر قبله بوقت كافي و ابحثي عن هذي الأسألة ( كيف بيكون الجو هناك؟ – كم المدة اللي بتقعدونها؟ – بناءًا على المدة كم يحتاج طفلك حليب و حفايظ؟ – طفلك يحتاج ملابس دافئة ولا باردة؟ – هل بيكون عندك غسالة ملابس ولا بتاخذين ملابس احتياط؟) 

بالنسبة لي كنت اخذ لندى ملابس كثير حتى لو زادت مو مشكلة أهم شيء ما تنقص، و أحيانًا الأطفال يتأثرون بتغير الجو، ندى في المناطق الباردة كان يصيبها إسهال ” و انتوا بكرامة” و كثير ما يتسرب للملابس، فكنت اخذ لها ملابسها الداخلية من محلات الهرم سعرها ٥ ريال فقط و اذا توسخت بالسفر أرميها على طول لأن ما عندي مجال أغسل. و على فكرة خامتها جدًا ممتازة.

 

٤- قبل الرحلة خذي كفايتك من النوم عشان تكونين مستعده لكل شيء. 

 

٥- فكري جيدًا كيف بتتنقلين مع طفلك في المطار؟ هل بالعربية ولا بالشيالة؟ 

عن نفسي استخدمت العربية لأني حسيتها أريح لندى بما اننا نروح قبل الرحلة بوقت فأكيد بتحتاج مكان مريح تنام فيه. و غير كذا العربية ساعدتني كثير في حمل الأكياس و شنطة ندى. العربية تدخل معك الين باب الطيارة و من هناك ياخذونها. لكن عيبها الوحيد ان عند كل نقطة تفتيش في المطار لازم تتطبقينها و تدخلينها في الجهاز مع الشنط. نقاط التفتيش أقل شيء تكون ٢ و في المطارات الكبيرة ممكن تكون أكثر. ( نقطة أخرى مهمة في نقاط التفتيش هي “خذي راحتك!” أبدًا لا تضغطين على نفسك و على طفلك و تستعجلين حتى لو لاحظتي ان الناس اللي وراك تضايقوا، هذا دورك و انتِ أم يعني تفتيش عن شخصين من حقك تاخذين راحتك) بالنسبة للشيالة استخدمناها مرة وحدة و ما كان في المطار بس زوجي تعب منها و ما حبها أبدًا. 

 

٦- في أفضل الحالات ممكن يكون جنبك مقعد فاضي. لو ما كان فيه ممكن بعد الإقلاع تسألين المضيفة اذا فيه مقاعد فاضية في الخلف و تقعدين في مقعد و طفلك في مقعد. بترتاحين كثير خصوصًا لو رحلة طويلة. لو ما كان فيه مقعد عادي لا توترين نفسك خذي طفلك في حضنك و ممكن كل شوي تتبادلون انتِ و زوجك. 

 

٧- بعض الأطفال يتأذون من الضغط وقت الإقلاع و الهبوط عشان كذا ينصحون بالرضاعة في هذا الوقت. عن نفسي حرصت على الرضاعة في هذا الوقت لكن احيانًا تكون ندى نايمة و ما اصحيها من نومها و عادي يمر الاقلاع بسلام، و احيانًا هي ترفض ترضع و ما اجبرها. أهم شيء خليك جاهزه للرضاعة في هذا الوقت. و ابدًا لا تخجلين من الرضاعة الطبيعية في الطيارة صدقيني محد ملاحظ. 

 

٨- بالنسبة للأطفال في عمر شهرين ما بيكون لهم حركة كثيرة و غالبًا بينامون أغلب الرحلة. لكن من عمر ٥ شهور بيكونون حركين و يملون من القعده. وحدة من الرحلات كان مقعدي أول مقعد في السياحي عشان كذا كان عندي مساحة قدامي و فرشت لندى و حطيتها في الأرض و انبسطت كثير.ممكن أيضًا تقعدون في المصلى شوي عشان الطفل يلعب و ياخذ راحته. لكن اذا عندكم مقعد للطفل هذا بيكون الحل المثالي. 

 

٩- بالنسبة للفنادق يفضل تعطونهم خبر من وقت الحجز ان معاكم رضيع عشان يجهزون لكم سرير له. بعض الفنادق ما يكون عندهم عشان كذا من الأفضل تعرفون من بدري. 

 

١٠- ابدًا لا تترددين في طلب المساعدة من زوجك. هذه رحلة للعائلة كلها و من حقك تستمتعين. لا تحملين نفسك مسؤولية كل شيء طول الوقت. اي وقت حسيتي انك جدًا مرهقه اطلبي المساعدة من زوجك أو أي شخص مسافر معك.

هذه أهم النقاط اللي تعلمتها 

أتمنى أن التدونية تكون أفادتكم و لو بالقليل 

و شاركوني تجاربكم اذا سبق لكم السفر مع أطفال أقل من عمر سنة! خلونا نتبادل النصائح و التجارب 

 

شكرًآ لكم و شكرًا أروى ❤

 


As an Amazon Associate I earn from qualifying purchases

التعليقات ( 39 ) :

  1. يقول SIM:

    كيف اشارك في تدوينات الاصدقاء بموضوع ؟?

  2. يقول Juhaina:

    موضوع جميل ،، جزاك الله خير والله يسعدك ويخلي لك الحبوبة دانة
    بس كيف بالنسبة لأكل الطفل انا اتورط ماعرف شو اعطي طفلي

    • يقول RAWAN:

      ليش الورطه بالعكس الادعوى سهاله بإذن الله ??
      قبل تطلعين للمطار جهزي وجبته في برطمان وحطيها في شنطة الطفل ?

    • يقول منال:

      بالنسبة للأكل كنت اخذ معي جهاز فيليبس اللي يطبخ على البخار و اسوي لها الخضار في الفندق
      لكن اذا ما كان عندك الجهاز ممكن تطلبين من الروم سيرفس يسلقون لك خضار و خذي معك شيء للهرس و جهزي الوجبات قبل الخروج

      في المطاعم نفس الشيء اطلبهم خضار مسلوق او بطاطس مهروسه بدون اضافات و يسونها لي
      و الفواكه سهلة الهرس دائمًا حل مناسب مثل الموز و الكمثرى و غيرة ❤

    • يقول Manal Alghamdi:

      بالنسبة للأكل كنت اخذ معي جهاز فيليبس اللي يطبخ على البخار و يهرس
      بس اذا ما توفر بإمكانك دائمًا تطلبين من الروم سيرفز يسلقون لك خضار و انتِ يكون معك اداة للهرس و تجهزين الوجبات قبل الخروج
      حتى في المطاعم كنت اطلب خضار مسلوق أو بطاطس مهروسة بدون إضافات

      و كذلك الفواكه سهلة الهرس دائمًا تكون حل سريع و منقذ مثل الموز و الكمثرى و حتى التفاح بإمكانك هرسه بالملعقه المعدنية

    • يقول أم لانــا ??:

      مثلا خوذي موز ،، أو قطع بسكويت صحية او كيك ، عصير خبز واذا بالاشهر خوذي له الاكلات اللي موجودة في الصيدلية

  3. يقول RAWAN:

    اول ما شفت التنبه لموضوع المدونه عطول خشيت بحماس ??
    انا بنتي حاليًا عمرها خمس شهور من وعمرها شهر ونص كانت اول رحله لي معاها كانت اول تجربه وكنت متوتره مره وخايفه اني ما اعرف اتصرف معاها بس جدًا استمتعت الحمدلله وصرت ما اتردد بالسفر ??
    طبعًا الاطفال من سن ١-٤ اغلب الوقت حيكونون نايمين فما راح تنزعجين ابدًا من وجودهم معاك وفعلًا ابدًا ابدًا لا تتوترين واستمتعوا ???

    تدوينه جميله أبدعتِ يا بطله ????

  4. يقول Zozah25:

    من الاشياء المهمة كمان اللي تعلمتها من سفراتي مع طفلي تكون معك ميزان الحرارة و ادوية خافض حرارة والاسهال لان بعض الدول ما تسمح بصرف الادوية الا بوصفة طبيه .
    وبعد كنت اشتري له مجموعة رضاعات بس بلاستيك لان الرحلة او بعد الوصول الخرجات للتماشي تكون طويلة فصعب كل شوي اغسل رضاعاته
    هذي اضافتي البسيطة
    والف شكر ع الموضوع المفيد ❤

  5. يقول مستورة الرفاعي:

    انا على وشك سفر واستفدت منك كثير لكن ابغا اسال العربية اقدر اخذها معي في الطيارة والا تشحن مع الشنط ولا نزلنا يرجعوها لنا

    • يقول Manal Alghamdi:

      أتمنى لك رحلة سعيدة و جميلة
      العربية تدخل معك الين باب الطيارة بعدين ياخذونها
      تقدرين تاخذينها بعد الهبوط بس ممكن احيان كثير يخلونك تنتظرين لين ينزلون الركاب

      عن نفسي انا كنت اسلمها عند الباب و اذا دخلت المطار اخذها مع الشنط

      بس قبل كل شيء لازم لما تشحنون العفش يعطونكم ورقة تحطونها على العربية

    • يقول Dalal:

      في عربية وحده موجوده في mamas & papas هي الوحيده اللي يسمح بدخولها للطياره معروفة عندهم لو سألتيهم عن عربية الطياره.. عن نفسي مااخذتها لانها ممكن تكون مفيده لعمر ٣ سنوات واكثر اللي بدأو يمشون شوي ويركبونها شوي .. بس اقل من كذا حرام جدا متعبه للبيبي ولا فيها خيارات كثير زي مثلا اذا نام الطفل اغير وضعيتها او اذا حب يجلس.. اتمنى اكون افدتك??

    • يقول Amani37:

      تقدرين تكون معك الى باب الطيارة بعدين ياخذونها منك لكن في كل رحلاتي الداخلية والدولية وعلى خطوط مختلفة كلهم قالو تستلمون العربية من سير العفش فبعض المطارات كبيره والمسافة متعبة على بال ماتوصلين لسير العفش وانت معك أغراضك الاساسية وشنطة البيبي والبيبي نفسه فالحل الأمثل هي العربيات اللي تدخل الطيارة والحل الأوفر او الاقتصادي هي الشيالة انا ولدي كان بِسْم الله عليه ثقيل ومتعب وبحثت كثير بالشيالات قبل اشتري وشفت وحده اجنبية ولدها ماشاء الله شكله اكبر من عمره بكثير وحتى هي قالته فتقول أفضل نوع جربته للشيالة الهيب سيت لانه يوزع الثقل عالجسم وتكون تحت البيبي زي الكرسي من فلين بحيث تريحك وايضاً أفضل للطفل صحيا من بعض الشيالات ، المهم اني لقيته بعدة مواقع وأفضلها طبعا بالسعر علي اكسبرس سعرها اظن كان بحدود ال١٠٠ ?? وروووعه ماندمت ابد واستفدت منها وتمنيتها عندي من زمان وريحتني بالمطارات عند الوصول وغير المطارات❤️

    • يقول ام سامي:

      فيه حاليا عربيات تدخل معك بالطيار متوفره عند سنتربوينت ومذركير بس للمعلوميه سعر سنتر ارخص بكثير من مذركير

  6. يقول مريم:

    موضوع جمييييل ، مع اني دايم اقول اعرف هالاشياء بس طلعت ما أطبقها ???

  7. يقول Sara:

    حبيت نصايحك جد انا اطبق اكثرها واهم نقطه واهم شي انك لا تتوترين ابدآ ايش ما صار دائمآ قولي لا حول ولا قوة الا بالله وهو وقت قصير سيء وبيعدي

  8. يقول MGNNHM-506:

    سوليييييييييييييييف *_*
    عمومن شكراً وصلت الرسالة بكرة لما اتزوج انشاء الله بخلي زوجتي عند اهلها وبطلع مع بنتي وجرب ??

  9. يقول Miaad alyousef:

    حبيت النقاط جداً و احب اضيف غالباً انا احجز مقعد لطفلي حتى لو كان تحت السنتين احجزله مقعد من عمر الشهور عشان لو نام او حب يجلس ما اكون طول الوقت انا او ابوه شايلينه بالاضافه الى المسليات المناسبه لعمره من العاب و سناكات موفقه يارب?

  10. يقول Cayos:

    استفدت مره حلو الموضوع .

  11. يقول Hanaa Mh:

    موضوع جميل، دايماً استبعد فكرة السفر مع طفلي واستصعبها، بس حسيت براحة بعد موضوعك، سؤالي هل اقدر اوفر مقعد طفل خاص بالطيارة للطفل .. نفس الكار سيت يعني .. لان رحلة ١٤ ساعة وفوق صعب جداً طول الوقت عندي حتى وهو نايم

    • يقول F2 Alteraiqi:

      حسب معرفتي وتجربتي مع ولدي لما كان تحت عمر السنة،
      وجيتي تحجزين.. يفضل تحجزين مقاعدكم بالصف الامامي اللي يكون واسع شوي
      وبعد ماتقلع الطيارة اطلبي منهم سرير للطفل ويركبونه لك، السرير مناسب لعمر سنة او اقل.. لكن مقعد خاص للطفل مااعتقد يوفرون شي زي كذا..
      الا اذا قررتي تحجزين مقعد زياده ويكون للطفل اذا بيجلس او اذا بتتوسعون

    • يقول Amani37:

      اعتقد ايه فيه كراسي او “بعض “انواع الكارسيت تكون مناسبه ايضا للطيارة لكن لازم تكونين حاجزة مقعد إضافي

  12. يقول غادة:

    شكراً لكِ كلامك يشرح الخاطر? موضوع جداً مهم ومفيد لكل الأمهات في السفر ✨??

  13. يقول ام ريمان٢٠١٢:

    مرة سافرت مع بنتي الصغيرة كانت من سوأ التجارب الحمد الله عدت على خير

  14. يقول ريم:

    وشهوله ذي القروشه ، انا رايحه أتونس والا انغث مع طفلي ، حطيه عند اهلك وانتهينا

    • يقول ام مهند:

      عزيزتي اهلك مو حضانه
      انتي رايحه تتمشين وتنبسطين وهم يسهرون الليل عشان ولدك لا وهذا اعتبره من العقوق بالام تبلشينها بولدك وانتي مستانسه ?
      اذا انتي ماتحملتي طفلك مافيه احد راح يتحمله

    • يقول Amani37:

      مو كل الناس مثلك انا اذا ماكان معي مااقدر انبسط بشي غثاه على قولتك اهون بمليوووون من بعده عني وضحكاته تزيد متعة الرحلة من كان عمره شهر ونص وانا اسافر وأروح واجي الحمد لله وهو معي ولاحسيتها معاناه صحيح بتتغير أشياء بالرحلة عشان وجوده لكن أصلا تغيرت كل حياتي من جبته ووقتي ماعاد هو وقتي لحالي وهذي ضريبة الأمومة ?

    • يقول ملاك:

      بالعكس فكرة غلط انه انا اسافر وانبسط واهلي يبلشون بعيالي انا امهم والمسئوله عنهم وفعلاً مثل ماقالت الأخت هم ملح الرحله اذا ما اخذتهم بفكر فيهم طول الوقت

  15. يقول وفاء:

    صراحه السفر مع اططفال فيه تعب بس والله انهم زينه لحياتي ويومياتي بس مهما تعبوني في السفر احس بالراحه انهم معي وتحت عيني وماتعبوا اهلي او احد تضايق انا حساسه من هذي الناحيه ماحب اطفالي يكونوا ثقيلين ع اي احد انا وابوهم جبناهم الى الحياه اذن باذن الله قادرين نتحملهم ونكيف انفسنا لاسعاد انفسنا واسعادهم وسلامتكم

  16. يقول LU95:

    موضوع مره ممتع يعطيك العافيه ?
    حبيت اضيف شيء من تجربتي كأخت سافرت بر مع توأم وهم بعمر الثلاثه شهور
    كان الأمر مرعب بالنسبه لنا كلنا بس الحمدلله عدت الأمور على خير بس كانت فيه مشكله مواجهتنا اللي هي الرضاعات
    كيف راح نوقف ونغسل الرضاعات الفكرة كانت جدًا مزعجه لنا قبل ابوي ?
    فطلعنا بفكرة انو نلبس الرضاعه من جوا باكياس حفظ اللحمة ونغيرها كل ما خلص الطفل الرضاعه ?
    والحمدلله كانت فكرة مرة مريحه لو ميزانيتك ما تسمح تشترين رضاعات كثير ☔️

  17. يقول وضحى:

    جات بوقتها عندي طفلين وسفره خارجيه والله يعين ??

  18. يقول فاطمه:

    اهلا قريت هالموضوع و احنا بسنه ٢٠٢٣ شكرا فدتيني و اسعدتيني يارب يسهل سفرتي بعد يومين

اترك رداً على Loli إلغاء الرد


أضف تعليق عبر الفيسبوك: