كيف اصنع هدية :)

السلام عليكم ورحمة الله وبركاته..

كيف حالكم؟  بما اني اول مره اكتب هنا راح اعرف عن نفسي ? اسمي مريم ? طالبة جامعية? احب الاشغال اليدويه, التصوير(مانيب محترفه فيه)??, النباتات, الحيونات اللطيفة بس???? ?,  جربت وتعلمت اشياء كثير ماعندي مجال محدد يعني جربت اسوي من قبل كروشيه و اساور الصداقه ? والطباعه على القماش وغيرها كثير ? وطبعا اشياء كانت تضبط معاي و اشياء لا? لكن بالنهايه احب اشتغل وابتكر اشياء جديدة (بالقرابيع ) مثل ما تقول اروى ?? وبس والله … (خلصت فقرة التعريف)??

 

الفكرة اللي جبتها اليوم بسيطة جدا و ماراح تكلفك كثير اكيد لان اغلب الادوات غالباَ ماتكون متوفره بالبيت.

الفكرة هي عباره عن هدية بيسيط وانتي تصنعينها بنفسك. بصراحه انا شفتها بحساب يبيعها ففكرت ليه ما اسويها انا ? طبعاَ بعدها على طول رحت لشيخ القبيلة? بينترست طبعاٌ ? واكيد اخذت منه بعض الأشياء راح احطها لكم عشان تستخدمونها?

نبدأ اول شي مع الادوات :

2 ورق مقوى (راح نطبع عليه)

مقص , شريطة بلون تحبونه او يناسبكم

خرامة اوراق, مسطره , قلم رصاص , اكسسوار (يفضل عقد)

كيف اصنع هدية :)

 

اول خطوة  نشغل على الورق :

  • راح نحتاج لمظروف مربع و تنسفط اطرافة من الجهتين بحيث ينفتح و يتسكر (يارب فهمتوا) اخذته من بينترست جاهز وطبعتة على الورق المقوى.
  • بنفس الورقة اللي طبعت علي المظروف (الظرف) راح اطبع عليها خلفية عشان تعطيني الشكل الخارجي للهدية (هنا يعتمد عليك اختاري الشكل واللون الي يناسبك )
  • مثل ماهو موضح بالصوره طبعت الظرف والخلفيه على نفس الورقة وبعدها قصيت على نفس رسمة الظرف.
  • بالنسبة لشكل الظرف تقدرون تغيرون يعني في حال لقيتي شكل ثاني و اعجبك اكثر من هذا استخدميه لاتقيدين نفسك بهذا الشكل

كيف اصنع هدية :)كيف اصنع هدية :)

 

 

 

 

 

 

 

الخطوة الثانية:

  • بالمسطره نبدأ نثني الظرف كل جهتين مقابلين لبعض في نفس الوقت مثل ماهو موضح بالصورة كيف اصنع هدية :)

كيف اصنع هدية :)

الخطوة الثالثة :

  • بالخرامه راح نسوي فتحه بالجزء الخارجي من الظرف (إن شاءالله يكون واضح لكم )?

كيف اصنع هدية :)

الخطوة الرابعة :

  • تذكرون الورق المقوى الثانيه اللي ماشتغلنا عليه احين جاء وقته راح نصمم الجزء الداخلي من الظرف واللي الكلام والعقد راح يكونون فيه ? ? هنا انا رفعت يدي من الموضع لاني ما اعرف اصمم و استعنت بأختي عشان تصمم لي ?❤اخترت اللون اللي ابيه ,والكلام وهي سوت الباقي وضبطته لي ?

كيف اصنع هدية :)

الخطوة الخامسة:

  • شايفين الخطين المرسومين ببداية الكرت (اللي فوق اقصد) هنا راح اقص عليهم

الخطوة الأخيرة:

  • ثبت العقد بالمكان اللي قصيت ( نفس الصوره) و دخلت الشريطة بالخرم اللي سوت قبل عشان نقفل فيه الظرف ?

كيف اصنع هدية :)

بكذا خلصنا الهدية ? هذا الشكل النهائي لها

كيف اصنع هدية :)

اتمنى اعجبتكم التدوينه او استفدتوا منها ?  من هنا تقدرون تحملون الظرف جاهز ??✨

arwa.cc/…/4-and-3-4-inch-envelope-template-by-mel-stampz.pdf

شكراَ لأروى اللي اعطتنا فرصة نكتب ونطلع الطاقات اللي فينا ?? وشكرا لأختي اللي ساعدتني بتصميم الكرت  ❤وشكراَ لكم انتوا اكيد?✨

اعطوني رايكم بالتعليقات ?اذا اعجبتكم راح يكون فيه غيرها اكيد ?

اخيرا اذا حابين تتواصلون معاي هنا الأنستقرام: ror1415

دمتم في حفظ الله ?✨



As an Amazon Associate I earn from qualifying purchases

التعليقات ( 53 ) :

  1. يقول Alaa:

    ماشاء الله إبداع يعطيكم العافيه انتي وأختك❤️❤️

  2. يقول amom:

    ??????? جمال التدوينه كجمال صاحبتها?ابداع ما شاء الله ???

  3. يقول سعاد:

    مبدعة ماشاءالله .. ??

  4. يقول SARA:

    كككككيووتتت?اسهل واحلى من كذا مافيه

  5. يقول ALAnod:

    روعة الفكرة ، يعطيك العافية ??.

  6. يقول لبنى علان:

    عممل جميييل !! ?

  7. يقول leen blogger:

    تسلم يدك فكرة تجنن ???????

  8. يقول Ola:

    جميله حبيت الفكرة استتمري يـ مبدعه

  9. يقول nasibah:

    فكرة مررررة لطيفه وبسيطه ما شاء الله

  10. يقول أروى العمراني:

    ذكرتيني بهاويه صنع الكروت ، كنت احب اصنعها جدا .. ابدعت مريم جددددا رقيقة الفكرة

  11. يقول شهد:

    ماشاء الله تبارك الله عليك الله يوفقك يارب وواصلي للأمام ولا تحرمينا من إبداعاتك

  12. يقول فرح:

    ما شاء الله تبارك الرحمن حبيت حييييل إنك جربتي وسويتيها بنفسك
    أنا شفتها بمتجر وحبيتها وشريتها رغم إن سعرها حسيته موب مناسبني بس كنت مستعجلة
    بس حالياً بإذن الله أنا بسويها مثل ما أبدعتي وسويتيها
    وشكراً لكيا مُلهمه ?

  13. يقول ام جنان:

    لو سمحتي قياس الورق A4

  14. يقول ام جنان:

    الله يسعدكم احتاج التصميم الداخلي والخارجي اذا ممكن ? جميله جميله ماشاء الله

  15. يقول فرح:

    روووعة رح اسويها للصديقتي

  16. يقول Amal:

    حبيت تطبيقك مررره ????

  17. يقول نورَه ..:

    ماشاءالله جداً جمممميل حبيت الفكره ويمكن اسويها هدايا لصديقاتي لان وقت التخرج قرب شكراً للفكره اللطيفه ???

  18. يقول Fatimah:

    ماشاء لله الفكره جميله?حبيييت

  19. يقول ودالشمري:

    شروحاتك تجننن

  20. يقول ودالشمري:

    عندك قناة باليوتيوب
    تشرحي فيها

  21. يقول R~@:

    ماشالله مبدعة اتمنى لك مستقبل جميل في الاعمال اليدوية❤️

  22. يقول Lila:

    ماشاء الله الفكره روعه وجميلة وبسيطة ??

  23. يقول Remas:

    كيوووت حتى ما تكلف مررره احلى شي???

  24. يقول Remas:

    بس بسألك من جيتي الفكره لأني أدور على افكار?

  25. يقول رامــا العمري.:

    ابددععتتي بسم الله على قلبك? بس لو حابه هذا العمل افتحي لك مشروع وصيري بيعي منه اشوف كثير مررهه تاجرات او حسابات انستقرام يسوون زي كذا??

  26. يقول afnan:

    ماشاء الله تجنن وابدعتي أستمري??

  27. يقول زهـراء:

    جِـــمـيـٌٍُل 💙

  28. يقول ربى🚀🐇🌷:

    ماشتء الله جميله. 🌷🐇🍃

اترك رداً على ‫مريم H‬‎ إلغاء الرد


أضف تعليق عبر الفيسبوك: