كيف تعلمت اللغة من الأنترنت

كيف تعلمت اللغة من الأنترنت

أهلا بكل شخص حماسي داخل يقرا الموضوع عشان يلقى طريقة يتعلم فيها ويطور نفسه .. أرفع لك قبعتي الاحترامية،

بأكتب لكم قصتي وَ بعض المواقع التعليمية وَ مميزات التعلم من الانترنت.

وهذه قصتي ..

كيف تعلمت اللغة الانجليزية في ٦ أشهر من البيت ؟

((أولا)) نبذة عن تاريخي البائس مع اللغة:

أنا ولله الحمد تخرجت من مدارس تحفيظ وهذا يعني أني درست نصف منهج اللغة الانجليزيه بالنسبه للمدارس العادية.

وكنت أكره شي اسمه انجليزي، وكنت يمكن أسوأ وحدة في الفصل بسبب مدرسة كرهتني في اللغة.

بعد ماتخرجت من الثانوي بدا اهتمامي بالانترنت واليوتيوب يكبر و صرت ابغا اتعلم اكثر عن الرسم لكن كلش انجليزي

وكل المقاطع انجليزي، شوي شوي بدت عندي “رغبة” في تعلم اللغة ..

((ثانيا)) جربت اجيب مدرسه في الصيف وجربت اروح اكاديمية الفيصل وباختصار ما استفدت اي شي يمكن كلمتين او ثلاث واقولها بصوت واطي وبدون ثقه انها صح ..واطفش مع الوقت من الدراسه معهم وانسى كل الي قالوه

((ثالثا)) قرأت مره عن عالم افتراضي مثل اللعبه .. دخلته من باب الفضول كان عباره عن شخصيه تمشين بها وتوديك للاماكن وتتكلمين مع ناس ثانين كذا بس لعب.

تركتها ورجعت لها بعد اكثر من سنه صارت تطورت واكتشفت ان في هذي اللعبه يوجد مدرسه لتعلم اللغه رحت كذا من باب التجربه والا انا ماكنت اعرف وش الفرق بين (كيف الحال)و( مين انت) بالانجليزي؟؟

كانوا يتكلمون عن الالوان والاشكال وحاطين عرض باشياء اشوفها قدامي ، حسيت اني استفدت كم كلمه بس كنت على الصامت مستحيه اتكلم عندهم وانا ما اعرف شي..

 قالوا لي اذا تبين تدخلين المدرسه الرسوم ٣٥ دولار يساوي حوالي ١٣٠ ريال في الشهر.. مبلغ مره بسييط بالنسه للاكاديميات.. ومتواجدين على مدار الساعه وهذا شي حلو لاني كنت اسهر وادخل المدرسه الفجر ، والي حمسني ابدأ واتكلم انه محد يشوفني ما انحرج من لغتي قدام احد..

والمدرسات يشجعون على الكلام بشكل كبير يخلونك ماتستحي من لغتك وكل الي حولي او بعضهم من الطلاب جنسيات مختلفه ولغتهم الانجليزيه زيي مايعرفون شي..

 وصرت ادخل يوميا اقضي وقتي ع اللابتوب وادرس معهم كانت غالبا محادثه اكثر من كونها دروس كنت اتجنب حصص القواعد والقراءة لان حصص المحادثه اونس، ادخل المحادثات والالعاب ومع الوقت صرت اول شي افهم وش يقولون واللي اكثر شي فرق معي اني صرت ما اخجل من الكلام باي شي لان اذا تكلمت يصححون لي اما لو اكون ساكته ما اتطور، كنت في نفس الوقت اي شي احب اتفرج عليه احرص ما يكون فيه ترجمه حتى لو مافهمته اعيده ..

..

وعلى هذا الحال ثلاث اشهر تقريبا صرت اتكلم واعبر عن اي شي بخاطري بس لغه مكسره شوي ، بعد شهرين زياده اختبرت وصار مستواي (متقدم) وطلبوا مني اكون جزء من طاقم الاستقبال للمدرسه كمثال على الطلاب الي بدأوا من الصفر عشان يتشجعون الي يدخلون ..

 اقدر اقولكم بعد كذا صرت اتكلم وافهم اغلب المقاطع الي اشوفها او الافلام بدون ترجمه لدرجة اني بعد ماسافرت لامريكا واختبرت في معهد جدا قوي حطوني في المستوى الثالث الي هو باقي لي مستوى واصير انقبل في الجامعه ، وقالوا انه لو بس مستواك الكتابي بنفس مستواك في النطق كان على طول دخلت الجامعه ..

 في امريكا المدرسات يسألوني عن لغتي وكم سنه عشت في امريكا و اذا قلت لهم تعلمت من النت وانها اول شهور لي في امريكا ينبهروون ويستغربون ..

أنا مافيني شي مميز عنكم اذا انا قدرت انتم بعد تقدرون واحسن مني بعد اذا كنتوا ملتزمين بالجداول والحصص والواجبات انا ماكنت مره حريصه كنت ماخذتها لعب..

الموقع التي تعلمت منه ماصار يستقبل افراد عشان كذا تأخرت ادور لكم البدائل

..اسم الموقع الي تعلمت منه

languagelab.com

كان يحتاج سماعات ومايك ، ويحتاج تحميل برنامج اللعبة

 لكن هالموقع بالذات للاسف صار يدرس موظفين الشركات بحيث يتعاقد مع شركة كاملة..

يعني معد يستقبلون طلاب جدد افراد..

لكن هذا كله وتجربتي كلها مجرد مثال وممكن نلقى اساليب مطابقه لطريقة تعليمهم وفكرته وممكن بعضها يكون احسن من الي انا جربته..

في المواقع التالية:

englishtown.com

virtuallanguageschool.com

virtualenglishtraining.com

openenglish.com

هذي المواقع تصفحتها وقرأت اساليبهم وتقريبا نفس فكرة المدرسة الي تعلمت فيها وشكلها مدارس حلوه ومفيده جدا وسهله التسجيل .. (ما جربتها شخصيا )

 ممكن الواحد يستعين بشخص يعرف شوي لغه يضبط له البداية والتسجيل..

المهم اتمنى اتمنى تجربون هالمدارس بتفيدكم كثير في اللغه وتعطيكم دفعه قويه وان شاء الله كم شهر يصير الواحد يقدر يفهم ويتكلم انجليزي بشكل مقبول او ممتاز حسب همته وعزيمته..

اخر شي بالنسبة للناس الي عندهم لغه ، لا تخلونها تضيع بسبب عدم الممارسه حسافه الدراسه والتعب ادخلوا مواقع تواصل وتعرفوا على ناس اجانب مارسوا لغتكم او اقروا كثير في المواقع الاجنبية اهم شي مايمر يوم بدون ممارسة اللغة لو شي بسيط..

تمنيت ان نفس مدرستي تكون فاتحه عشان ادخل من جديد واساعد الي بيسجل لكن ان شاء الله ان البدائل الي حطيتها افضل ومتخصصه اكثر..

—–

مميزات تعلم اللغة عن طريق الانترنت:

١-سهولة ومرونة في أوقات الدروس.

في اي وقت يكون متواجد مدرسين على الموقع ٢٤ ساعه لانهم يراعون ان الطلاب من انحاء العالم.

٢- مدرسين لغتهم الانجليزية هي اللغة الأم (الاساسية)

٣-مافيه توتر أو خجل لأن الاشخاص خلف الشاشات فتكون مرحلة جيدة لكسر الحاجز والانطلاق بالحديث مهما كان مستوى اللغة.

٤-لغة الطلاب الاخرين متنوعة مما يجعل اللغه الوحيده للتواصل هي الانجليزيه بعكس ما لو كان الصف كله عرب.

٥-رسوم قليلة جدا مقارنة بالمعاهد.

٦-لايوجد تكاليف مواصلات للوصول للمعهد.

٧- القدرة على الانتقال للاماكن المختلفه والتطبيق عمليا ، مثال:

اخذنا درس عن السباحة والشاطيء فذهبت بنا المدرسه الى الشاطيء الافتراضي فيكون امامنا كل شيء موضح بالحركات والصور وكأننا فعلا في شاطيء حقيقي الجميع يمكنه السباحه وهكذا.

 بينما المعاهد لاتستطيع تدبير رحلات الى اي مكان ومن الصعوبه ان تعرض المدرسه في المعهد كل كلمة بالصور التوضيحيه..

٨- سهولة تبديل المدرسين او الدروس بحسب الرغبة ولا يحكمك جدول اجباري، مثلا رغبتك ان تتعلم الحديث فقط يمكن تخطي الدروس الخاصه باي شيء اخر بينما في المعهد يجب ان تدرس كل شيء معا..

٩- يمكن حضور الدرس وانت في العمل او اي مكان. كان معنا طلاب صينيين مايتحدثون ابدا طوال وقتهم المايك مغلق ويقولون انهم عملهم مكتبي ولكن يحبون في اثناء العمل الاستماع للدروس والحضور سماعا فقط لانه يطور جوانب كثيره لديهم.

١٠-التعرف على ثقافات جديدة ومعلومات عن البلدان والجنسيات وغيرها بسبب تعدد جنسيات الطلاب. وهذا مكان جيد لنشر الثقافه وتعريفهم بثقافتنا.

..

أعتقد كل هالمميزات كافية لجعل التعلم عن طريق الانترنت افضل واسهل وامتع من التعلم عن طريق مدرسة حقيقية او معهد في دولة عربية..

وأنصح أي أحد يطمح للابتعاث او الدراسة في معهد في امريكا او غيرها ان يبدأ التعلم قبل الذهاب للبلد الاجنبي لأنه من غير الجيد ان الواحد يروح “على وجهه” مايعرف شي ويطيح في مواقف محرجة كثيره ربما تسبب له قلق وخوف وشعور بالفشل..

ايضا يؤهله ثقافيا انه يتعلم بعض عادات البلد ويفهم بعض افكارهم حتى مايرتكب بعض الامور الي تكون غير لائقة عندهم بدون مايشعر..

أتمنى التوفيق للجميع يارب

و أتمنى لكم يوماً ملوناً

...

تواصلوا معي عبر :

انستغرام وتويتر : arwa_alomrani@

يوتيوب : arwa karu

سناب : arwakaru



As an Amazon Associate I earn from qualifying purchases

التعليقات ( 167 ) :

  1. يقول حصه:

    الله يسعدك مرره تحمست للتعلم استفدت كلامك

  2. يقول نورا:

    وايد حمستيني بخاطري ادخل معهد بس ما عندي وقت اذا جربت احد المواقع بدز لج تجربتي عشان الكل يستفيد ، تسلمين وماقصرتي

  3. يقول Arwa samer:

    شكراً كثييير جزاك الله خير وحمستيني الله يسعدك

  4. يقول ساره:

    أنا احتاج لمثل هذي الموقع لأَنِّي درست اللغة كاملة في أمريكا وماودي تضيع حسافة .. الله يجزاك خير على الطرح المفيد.

  5. يقول Nada.M:

    دائمة تحبين تفيدين الغير ماشاءالله ،، باالتوفيق لك دوووم يارب

  6. يقول ريم:

    الله يسعدك ممرره تحمست الله يجزاك خير

  7. يقول AMOSHl:

    السّلام عليكم ورحمة الله و بركاته :””()

  8. يقول ميم:

    الله يسعدك اروى نحببك بالزاف
    والله يبارك لنا بأوقاتنا

  9. يقول آية محمّد:

    أروٓى الجمِيلة ، جزٓاكِ الله خيراً ❤️
    ومبرُووك ع المدوّنة الأكثر مِن جميلة ( أول تعلِيق ليّا :$ ) ،

    أنا سجلت فِ موقع من فترة إسمو دولينجو ،
    الموقع سهل وحلو بس مشكلته إنه يعلم إنجليزي أمرِيكي وإحنٓا ندرس بالمدرسة برِيطاني وكمان البرنامج مو موجود بالعربي ع الجوّال ،
    وطبعاً أكسل أفتح اللاب فٓ ما صرت أفتحُه

    • يقول آية محمّد:

      فِ عدد معين للكلِمات ؟

      المُهم بجرّب المواقع الي كتبتِيها وإن شاء الله تفِيدني ،
      مِن زمان وأنا أستنّى تفتحِي المتجر وجدّاا فرحت بالمُدوّنة ،

      عذراً ع الإطالة :$ ، وبالتّوفيق ❤️

    • يقول F.a:

      وانا سجلت فيه وصار له نسخه عربيه في الجوال
      وانقطعت الحين عنه ولكن لي رجعه بإذن الله

    • يقول نوف:

      فيه نسخة عربية له حبيبتي آية حملته وكل يوم يحطون لك درس او أكثر حسب همتك وأول ماتسجلين فيه يقولون لك تبي تبدأ من الصفر أو إذا عندك معلومات بسيطة يسوون لك اختبار ويحددون فيه مستواك.
      ويرسلون لك ع البريد كل يوم الدرس عشان ماتنسين و مدته خمس إلى عشر دقايق ماياخذ وقت أبد وانت تتصفحين الجوال ادخليه وممكن تعيدين الدرس عشان يرسخ اكثر مره حلو الأبلكيشن تعليمي من السماع والكتابة والنطق
      وكل فترة مؤشرات القوة تضعف لأن مع مرور الوقت تنسين الكلمات إذا مافيه ممارسة فاللي مؤشراته ضعفت تروحين تقوينها وفيه تحت خيار تقوية المهارات الضعيفة الي وأنت تاخدذين الدرس وتجاوبين تكونين مافهمتيها كويس وما انطلقتي معاها
      البرنامج اسمه دولينجو بالأب ستور ولونه أخضر جربوه مره حلو❤️

    • يقول فدوى:

      دحين صار متاح ع الجوال وانا اتعلم فيه واانا ع جوالي?

    • يقول arwa:

      انا عندي دولينجو بالجوال واحسة مرة حلو وفادني كثير

  10. يقول غداء:

    يازينك اروى حمستيني مرره لهالمواقع ، وشكراً على هالمدونه الى موب جميله

  11. يقول Bassam Alshabibi:

    فعلا انا تخصصي لغات وترجمة في جامعة الملك سعود ومدة الدراسة كانت ٥ سنوات … ولكن اكثر ما تعلمته من اللغة من خلال مواقع الانترنت ومن خلال متابعتي للأفلام …
    ازيد ايضا على المواقع اللي ذكرتيها موقع اسمه
    http://livemocha.com/
    موقع تختاري فيه اللغات اللي تحبي تتعلميها وتحتكي بمتحدثين متحرفين باللغه و دروس مباشرة و اختبارات جميله وممتعه

    الموقع اشبه ما يكون بفيس بوك بشكل تعليمي يمكن عمل صداقات ومساعدات من native speakers ..

    حبيت اعلق لأنه شدني الموضوع وفعلا اللغه ممارسه ورغبه واستخدام يومي احدى الطرق اللي كنت احكي عنها هي
    totale emerge يعني الانغماس الكامل باللغه

    اعتذر ع الاطاله 🙂

  12. يقول نوسساا:

    إن شاءالله بجربة الله يسسعدك يارب

  13. يقول فاطمة ~:

    أهلاً اروى ، شكراً لك تحمسسست كثير إني اتقن اللغة اللي انا حبيتها ، الحمدلله انا مستواي كويس مقارنة بـ زميلاتي ف المدرسة ، كنت احتاج احد يشجعني ولقيتك انتي ، شكراً جزيلاً اروى ، الله يسعدك

  14. يقول ود:

    تجريبه جميله جداً بصراحهه حبيتت إصرارك على تعلم اللغه ، تجربتي انا مختلفه شوي تعلمت اللغه الانجليزية من الأفلام الي تنعرض بالقنواتت ومرا استفدتت منها صرتت اتكلم انجليزي بس مشكلتي خجوله

  15. يقول Hanan:

    الله يسعدك ويجزاك كل خير ع المدونة الجميلة
    حمستينا صراحة نجرب هالمواقع .. بإذن الله اجربها ونستفيد كلنا
    كل مواضيعك جميلة مدري اعلق ع شنو ولا شنو

  16. يقول Nahla:

    الله يسعدك اروى مثل ماتقولين تجاربك يختي في كميه طاقة ايجابيه مشالله الله يزيدك يارب والى الامام

  17. يقول ميمونة:

    امنيتي والله اتعلَّم يارب يسر ..وشكرا لك

  18. يقول شهد:

    ياحبيييلك اروى ❤️
    مررره هالتك ايجابيه ياحبي لك :”❤️
    اول مانزلت هذا الموضوع في الانستقرام مرره شدني وانبسططت ورحت
    دخلت المواقع بس للاسف حاولت اسجل فيها ماعرررفت مرره
    وبدت الدراسة ولهيت عاد الحين بما انه وقت اجازة بحاول اعيد تجربتي
    ان شاء الله

  19. يقول مرام:

    الله يسعدك يارب ، خذيت لي فره على مدونتك
    كالعادة مميزة واسلوبك بالكتابة جميل وتصويرك ورسمك وكل شي
    الله يحفظك يااارب ويخلي لك ريان ويخليك له يارب

  20. يقول نوره:

    الله يسعدك اروى موضووعك يحمممس قريته قبل .. وتحمست اتعلم انجلش وفتحت المواقع وماعرفت اسجل ..بس الحين رجعتي حمستيني ابحاول اشوف احد يفهم يسجلني

  21. يقول Nouf:

    تجربة ملهمممة جددداً وفريدة يا أروى!
    الله يجزاك خير يارب ويكتب أجرك .. أنتِ نموذج رائع ومشرّف للفتاة المسلمة العربية والسعودية أيضاً! أتمنى لك المزيييد من الإنجاز والتوفيق في حياتك :””)

  22. يقول The:

    انا جربت موقع كان يعلم الانقليزي للاطفال لما كنت بالابتدائي لان المدارس الحكوميه يبدا بس من سادس ما اذكر اسم الموقع لكن كان جدا ممتع
    بعد ما عرفت الاساسيات صرت اشوف افلام واقرا الترجمه واعيد الكلمه اللي تشدني اكثر من مره ومع كثرة الافلام اللي شفتها اتقنت اللغه بشكل جيد

  23. يقول Ladyloleeyt:

    الله يبارك لك لأَنِّي أقيم في مونتريال كندا ومخلصه لفل ٣ بس معيا أطفال ومفيش وقت اروح علي الجامعة

  24. يقول Ohood:

    يسعدك ربي على هالمدونة ..
    وربي يعلمك ماينفعك وينفعك بما تعلمتيه ويزيدك ..
    شجعتيتي على المدونه بصراحه كانت خطوتي القادمه بعد الكتاب ولما شفتك اتحمست اكثر ..
    وبخصوص اللغة احلى نصيحة افادتني لاتخجل من الحديث بلغة غير لغتك الأم (:
    هالشي شجعني اتكلم مع الموظفات الأجنبيات معي في عملي عندي خلفيه جيده من الكلمات واقدر اتخاطب ، امارس لغتي كمان في موقع english town وقبلها كنت مآخده دوره في english teacher
    طرق التعلم متاحة ومتعدده الأهم الارادة وقوة النيه و الأفكار الايجابية(:

    • يقول منى:

      الله يعافيك حابه اسألك عن انجلش تاون ، استفدتي منه كثييير والا لا ، حسيتي انك انطلقتي باللغه بفضل الله ثم فضلهم يعني ؟! حابه اسجل فيه بس خايفه من اني ما امشي .. والله يسعدك ويوفقك ردي على سؤالي

      • يقول أروى العمراني:

        امين واياك يارب ..مثل ما ذكرت انا جربت موقع ثاني لكنه قفل وانجلش تاون بديل لهم ويستخدم تقنيات ممتازه للتعلم .. عموما سجلي عندهم تجريبي اتوقع شهر تجريبي مجاني ،، واذا ما استفدتي مو خسارة رسومهم بسيطة بس انا متأكده لو تابعتي معهم بتستفيدين كثير .. المهم تستمرين ويكون عندك رغبه وهمه وبتمشين حتى لو مستواك ماكان جيد الكل يمشي ويتعلم ..

  25. يقول أثير:

    من ضمن خططي هالسنة إن شاء الله إني أتعلم اللغه ومرره شجعتيني

    جربت اكثر من طريقة لكن للاسف ما مشت معاي ان شاء الله بجرب المواقع *.*

    بالنسبة ل second Life دخلته وسجلت فيه بالمجاني لكن مافهمت طريقة اللعبة بالضبط وايش فكرتها؟

    إذا ممكن توضحين لي أكون لك شاكرة ()

  26. يقول ميساء:

    الله يسعدك يا أم ريان مره أستفيد من البوستز اللي تنزلينها فالانستقرام ؛؛ والمدونه جميله ومرتتتتبه ,,, حبيت اشارك بهذا الموقع https://www.duolingo.com/ جداً جميل وأستفدت منه كثييييير فاللغه . 🙂

  27. يقول Nihal:

    جزاك الله خير على طرح تجربتك

    وأحب اضيف أكاديمية ENGLISH PLACE

    للأستاذ السعودي ابو عمر

    تابعوا قناته على اليوتيوب

    بارك الله فيكم ياأحبة

  28. يقول Ghaidaa:

    One of the best posts I’ve ever read. I was just like you,I studied in a similar school. I tried really hard to develop my language when I was younger. I failed terribly so many times but I had passion and I wanted to learn no matter what. I’m studying English literature at college now and I was really bad at first since my English was really poor at that time. I failed a lot and that never stopped me to motivate myself and keep trying. I had faith that I’ll be better than I was hoping. I started to watch youtube videos and read lots of english blogs. I read and watch stuff I enjoy like makeup, fashion or anything I like not necessarily books or educational videos( I only do that for college :D) . I had some difficulties at the begging but after a while maybe like a month or so I got better. I thank Allah for giving me the patience to continue although my teachers lost hope in me and some of them were really harsh and rude to me. It hurt me alot but now I’m much better than I thought I would be. Learning a language require two important things in my opinion, patience and motivation. And thats only to be willing to learn without second thoughts. When you start to learn the language you want you need to practice it ( speaking, writing, reading and listening). Do something that you’re passionate about as I said before I like watching makeup and fashion videos that helped me alot and I like to read about certain stuff it doesnt have to be educational. Read or watch things that would help you to learn a language and learning a language could be in so many ways, chose ways that you enjoy. I promise you this way you will learn better than learning in an academy and that from an experience. Sorry for taking so long but your post is really close to my heart I had to share my thoughts and experience with you. Cant wait to read more. Xo

    Please visit my blog it would mean a lot. Thanks ❤️
    http://sparklingcoffee23.blogspot.com/?m=1

  29. يقول ساره:

    أروى أنتي انسانه رائعه … قبل كم شهر اول ماقريت كلامك في الانستقرام غيرتي فكرتي كليا عن تعلم اللغه ! انا اعتبر نفسي جيده في الانقليزي والكتابه والاسبلنق جيد جدا لكن مشكلتي المحادثه يصيبني حرج والخبط مع اني عارفه كيف ارد وافهم واتابع افلام بدون ترجمه … قررت ببداية الشهر القادم اسجل بانقلش تاون والفضل بعد الله لك ياجميلتي .. ربي يسعدك دنيا وآخره :*

  30. يقول الخزامى:

    ادرس حاليا ب معهد لغه في بريطانيا بس مررررره مررره خجولة مم قدرت انطلق بالاسبيكنق وغير كذا متردده حتى لو إجابتي صحيحه

  31. يقول inssaf:

    ااحد اهدافي لهذا العام ان احسن من مستواي في اللغة الانجليزية اعطيتيني دافع قوي بالتوفيق يا اختي

  32. يقول Asmaa mukhtar:

    ما شاء الله عليكِ الله يوفقك..موضوع جدا جميل وملهم ..ان شاء ابدأ اطبق الفكرة هذه..❤️شكراً

  33. يقول خولة:

    السلام عليج أروى ، داً مستمتعة بمدونتج و ما يمر يوم بدون ما أجيك عليها ، بس حبيت تفيديني ، أدور مدونات أجنبية لليوميات و الطبخ و إلخ ، فلو تقدرين تنزلين موضوع في المدونة بكون متشكرة أوي هههه ، دمتِ و دام أميرك الصغير بخير

  34. يقول سلامه:

    السلام عليكم أروي
    الصراحة انا حاسه بتجربتج لاني تقريبا مريت بنفس التجربة ايام المدرسة و كنت نفسج أكره الانجليزي و تعقدت منه من مدرسة بعد ، بس عقب لما درستني مدرسة ثانية و حببتني باللغة و حاولت معاي ، صرت ادرس عمري بس كنت أشوف الأخبار و المسلسلات الانجليزية وأيد و الحين اللغه عندي تتطورت وأيد بس للأسف بعدني ضعيفة من جهه الكتابة بس الحمد الله افضل عن قبل

  35. يقول Suha:

    رائعه اروى ماشاءالله
    أنا اذكر العالم دخلت كذا والمستوى اﻷول وحجزت المقعد وكل شيء تمام الحمدلله بس مشكلتي الصغيره ماكان عندي مايك !!
    تصوري مادخلت معهم وهي شهر ودافعه وككل شيء بس مايك اللي ردني
    يلا أن شاء الله خيره 🙁

  36. يقول leen:

    صراحه اكره الانجليزي مدري ليه دايم احاول اتعلمه بس مقدر! عموما استفدت منك كثير شكرا لك❤

  37. يقول Eiman:

    أروى يا أروى ، نحبك والله ()

  38. يقول يارا:

    شكرا أروى. أنا طول عمري أحب أتعلم لغات بس جتني فترة تكاسلت وصرت أقول ما فيه ممارسة بتضيع اللغة!
    وقريت شخص رد على وحده كتبت له نفس هالحكي قال “مين قال لازم ممارسة؟ هذا احنا نفهم فصحى وما نمارسها” كلامه فعلًا أعطاني دفعة إيجيابية وحاليا مركزة ع الانقلش وحأتنقل للفرنسية قريبا.
    فيه موقع جميل برضو اسمه : engvid وحاولوا تتابعون حسابات بكل مكان اجنبية وبرضوا فيديوهات يوتيوب مو شرط تعليم لغة، ممكن ميك أب! حتستفيدي وسوري طولت بالحكي بس لأن فعلا مهم واللي ما عنده لغة انجليزية هالوقت كأنه أمّي.

  39. يقول ميساء:

    مرحبا أروى
    الموضوع جمييييل الله يجله فموازين حسناتك ويوفقك يا جميله.
    انا امكن اشتغلت ع اكثر من 30 موقع و ما فادتني او بالأصح ما عرفت طريقة التعلم كويس فيها ’’’ دخلت سكند لايف من فتره واليوم رجعتلها بس مني عارفه أسوي شي فيها ولا لقيت مدرسة اللغه بس امشي ,,, اذا تعرفين موضوع أوقناه يوتيوب أو طريقه تعلم اللعبه ياريت تفيديني وتحطلي رابط .
    خالص حبي وتقديري لمجهودك الجميل 3>

  40. يقول Sara:

    شكرًا جزيلًا أروى الله يسعدك

  41. يقول مها العمري:

    ماشاء الله مواضيعك جدا مميزه واسلوبك جدا سلس ياصديقتي

  42. يقول لطيفه:

    ماشاء الله عليك يا أروى مبدعه وهالكلمه قليله بحقك ، طريقه تدوينك وافكارك وتنظيمك وترتيباتك والمجهود الواضح شي يشكرر عليه من اعماق القلب ، للأمام يااختي وعقبال مانشوف لك برامج على الصعيد العالمي بإذن الله

  43. يقول joji:

    انا نفس الشي كانت اككره حصصه عنندي ههي الانجليش حتى دخلت المتوسسطة اعجبت باحدة الفنانات من هوليوود و سرت ادخل الانترنت اسمع اغانيها و انا موفاهمه شي بحثت في كلمات الاغاني و ترجمتهم كلمه كلمه وحفظتهم واغنيه ورى اغنيه فلم ورى فليم حتى صارت مادتي المححبه الانجلليش صرت افلل المادة حتى بالثانوية العامة كانو المدرسات يستغربو من الاكسنت يحسبوني رايحة امريكا لان منهجنه هو بريطاني و اللهجة حقتي امريكيه يعني كان اللكسنت عندي ميه ميه

  44. يقول لمى:

    حبيبتي اروى
    انا رسلت لك عالدايركت ابغااك تساعديني بشيء ممكن تردي علي

  45. يقول yasmyna:

    لازم يا اخت اروى سمعات ومايك طيب لو مش عندى ايه الحل ضرورى هاالسمعات ارجو الرد

    • يقول أروى العمراني:

      السماعات عشان تسمعين الاخرين وهم يتحدثون فبدونها ما تقدرين تستفيدين من تدريسهم ولغتهم .. والمايك حتى تتدربين انت على الكلام وبدونها ما تقدرين تمارسين اللغة بالكلام .. بدون السماعة والمايك بيكون تعلمك من الانترنت مثل تعلمك من الكتب.. لكن الأفضل انك تتعلمين بشكل مباشر من الانترنت من اشخاص حقيقين يسمعونك وتسمعينهم .. اشتري لك سماعات جدا رخيصة وفي اقرب مكتبه او سوبرماركت تحصلينها والمايك يجي معها مو المقصود المايك الكبير .. بالتوفيق

  46. يقول بشرى:

    أهلًا بك أروى

    شكرًا جزيييلًا على الإفادة و أضيفك على كلامك بالتأييد لأني جربت التعلم بنفس هالطريقة في موقع englishplace للأستاذ أبو عمر واستفدت الحمد لله =)

    ^^
    ما شاء الله تدوينتك مفعمة بالفائدة و الجمااااال دايم أزورها أطلع منها مبتسمة..

    هنا بيتي لو حبيتي تزوريني =)

    http://bushraspace.blogspot.com/

  47. يقول Fatima:

    مرحبا اروى شحالج عساج بخير
    انا مشكلتي ماعرفت اشترك فالمواقع اللي تسوي دورات
    وقلت ببدا اشوف ف يوتيوب اشيا بالانجليزي بس ابد ماستفدت وحسيت بملل ووقفت ولاجني سويت شي !!! وفعلا اانا انسانه كسوله ولكن اتمنى من كل قلبي اني اكون بيرفكت فاللغه الانجليزيه وجدا حزينه على حالي مش قادره اوصل للي اتمناه هل فعلا بجيد اللغه اذا عندج اقتراحات ياختي ساعديني وشكرا ،، وسامحيني عالاطاله اسعد الله ايامج

  48. يقول منال:

    السلام عليكم ورحمه الله
    اروى جزاك الله خير جدا جميل بس حبيت استفسر اقدر احدد انه تدرسني معلمه عشان اخذ راحتي من ناحيه الصوت ؟ وشكرا على جهدك المبذول ..

  49. يقول Shymaa:

    انا تعبت نفسياً في الجامعه لان لغتي في الانقلش جداً جداً
    ضعيفه وأفكر الان بترك الجامعه بسبب الشي ذَا
    لان السنه التحضيريه تعتمد على الانقلش ويحتسب لك في المعدل وعلى اساس مستواك يحددون لك تخصصات معينه

  50. يقول loubna allane:

    shukran gazilan arwa.. mawdu3 ra2i3 ..

  51. يقول Loubna Allane:

    حبيبتي أروى … ابشرك .. الحمدلله بفضل الله ثم بفضلك اليوم اشتركت في موقع englishtown و توني رح ابدا اول شهر ان شاء الله .. رح جرب و ا حكيلكم عن تجربتي ان شاء الله .. شكرا جزيلا لك بحجم السماااء ،، دمتي بخير !

  52. يقول Asoomh:

    هذا ماكنت ابحث عنه??? جزاك الله خيرا ?

  53. يقول Eman ??:

    الله يجزاج الخير يا أروى??? ما شاء الله! صراحة ظنيت انك كنتي متعلمة اللغة منذ الصغر???? بالنسبة لي بدأت احب اللغة الانجليزية وخصوصا اللهجة البريطانية بشكل كبير?? خصوصا هذا العام? لعدة اسباب لربما من اهمها اني من سنتين يمكن صرت احب اتابع Top gear UK وبصراحة احب عالم السيارات?? ولاحظت بنفس الوقت اني كنت استمتع واتعلم بنفس الوقت? فكنت اركز على طريقة كلامهم ونطقهم للاحرف و صرت افهم معظم كلامهم واخذت من لهجتهم الكثير? ولكن ما مارستها…، هذا العام معلمة اللغة الإنجليزية تغيرت وجت لنا معلمة جديدة?? اعطتنا مساحة للحديث والحوار و اظهرت اللغة الي كانت محفوظة طول سنتين وطلعت فجأة للسطح??? الحين ما اقول اني وصلت مرحلة الخبرة ١٠٠٪ ولكن عندي لغة قوية لا بأس بها? وصرت احب اتعلم كلمات جديدة كل فترة ? وحتى اني استغل الفرصة لما نكون بمطعم او محل اني اتكلم مع النادل او الشخص الي يشتغل بالمحل?? ويوم بعد يوم صرت اتكلم انجليزي بكل ثقة وسلاسة??. شكرااا جزيلا لك يا اروى على هذا الموضوع????? اعطيتيني دافع اقوى اني استمر في التعلم اكثر واكثر?? و غرستي فيي رسالة جميلة?✉️ ” مو خطأ إن الشخص الي جدامي يعرف اني ما زلت اتعلم ?الخطأ اني انغلق على نفسي وما ابذل اي جهد في التعلم وابقى بذات المستوى دونما رغبة في التطوير” ???

  54. يقول منار عبدالله:

    اروى برنامج the second life الحين كله وصخين يعني دخلت عليه بعد ماقريت موضوعك كله بنات سعوديات مع شباب سعودين والخ قسم شي تمسكين راسك منه الزبده حق سرابيت والله شي يخوف لهدرجه عيالنا انحدرو لهلمستويات امسحي اسمه لايروح له احد وينصدم

  55. يقول مآثر:

    يسعدك ربي أروتنا ..
    قسم توّي أمس مفكرة اسحب من English town
    بس حمستيني إني أواصل وباذن واحد احد راح أكون قادرة على التحدث بطلاقة بأقرب فرصة ..
    مدري وش جاني وحبطني ؛ ولكن لعلها تكون وقفة للبداية النهاية الجميلة ❤️

  56. يقول Moon:

    اغلب التعليقات والناس الي اقابلهم يثنون على الافلام في تعلم اللغة .. الشي اللي عجزت افهمه ايش نوع الافلام اللي تقصدونها؟؟ للأسف انا اكره الافلام جدا لانها ماتخلو من مقاطع خادشة للحياء وبالنسبة لي مضيعة وقت , لكن من كثر المدح قررت اني اطالعها ,, وكنت حريصة اني اختار فيلم مفيد, فكنت ابحث بالانجيزي افلام هادفة ومرة اكتب افلام وثائقية وللاسف ما القى ضالتي او تكون علمية بحته بحيث المفردات صعبة ,, لقيت فيلم وحيد يقولون هادف بعد اقل من ربع ساعة تفاجأت بمقطع لا اخلاقي وعديته وكل بعد دقايق ايضا مر مقطع , وقررت اني ما ارجع اتابع افلام ,, ما ابي اغضب الله عشان اتعلم لغة والعين تزني وزناها النظر .. لكن اللي تعرف افلام خالية من المقاطع الخادشةللحياة ومفيدة يعني نتعلم ونيتمتع ونستفيد,, تفيدنا .. وجزاك ربي الجنة يا أروى المبدعة..

  57. يقول هدى:

    مشكورة جداً حنا اللي نرفع لك قبعة الاحترام والشكر والمحبة لحبك افادة الجميع❤️جميع مواضيعك روعة ألف تحية لك

  58. يقول ام عبدالرحمن:

    رائعة يااروى كعادتك … اللهم بارك … فعلا يااخواتي لازم يكون تعلمنا للغه لهدف والوسيلة تكون ايضا هادفة لان الوسيله اذا طغت على الغايه او الهدف ممكن لا قدر الله تكون سبب انحراف او سوء ادب مع الله تعالى في عدم الحرص على رضاه ….
    نفع الله بكم وحفظكم ?

  59. يقول rahaf:

    ماشاء الله عليك ..انا انجليزيتي كا استماع افهم كويس واطالع واتابع اجانب وبدون ترجمه ولكن التعبير و القواعد و الكتابة سيئة عندي للاسف والنطق كنت كويسه فيه بس احس اللحين فقدتها من قل الممارسة .. المشكلة اني موظفة ولا اقدر اشترك بكورسات لكن باذن الله بحاول اجرب اون لاين واتعلم

  60. يقول reem:

    اشكرك يا اروئ جزيل الشكر
    انا متابعه لك من فتره واستفدت كثير من مواضيعك

  61. يقول توتي:

    بجرب اسجل وبإذن الله اني اتوفق

  62. يقول Alanoud:

    جميلتي اروى ممكن تنزلين تدوينه عن كتب او قصص او روايات انجليزيه قريتيها وحلوه ، عندي مشكله في reading skills وودي اطورها
    وماتحمست اقرا جويدة او مقال ودي بشي ممتع وحلو ومايكون مره صعب ??
    وماشاء الله عليك اشوف تنزلين صور ومعك كتب بالانجليزي ❤️
    تحمست اطلب لي من الامازون كم كتاب واحترت وش اطلب?

    • يقول أروى العمراني:

      اهلا العنود . جربي تقرأين الروايات الي تشتهر عند الاجانب ، مثل the fault in our stars و غيرها من الكتب الي يسوون عليها افلام من شهرتها .. القراءة بتطورك في اللغة بشكل كبير جدا اذا استمريتي عليها وان شاء الله انا بازيد من قراءتي واشارككم الكتب الي اقرأها

  63. يقول JO:

    مرحبا اروى , بستفسر من موضوع المحادثات في مواقع تعلم اللغه , انا سجلت وفيه خاصية تشغيل الفلاش اتوقع يقصدون الكاميرا …
    كيف يتم اكمال المحادثه من غير الكاميرا في المحادثات الجماعيه , لاني عملت رفض وما كمل معايه الخطوات .

  64. يقول Ruwidah:

    جميل ان شاء الله اجربها 🙂

  65. يقول غادة:

    السلام عليكم و رحمة الله و بركاته

    عزيزتي اروى كيف الحال انا زيك ما احب الانجليزي و أكرهه جربت ادخل معهد مجاني عشان اللغة ( مرافقة لأخواتي المبتعثات ) ما اندمجت في المعهد كثير لانه اختلاط و غير كذا اللي يدرس رجال كمان ودي اني افهم و أتكلم مو شرط اني أكون مرره ممتازة بس شي يمشي الحال .. هل المواقع اللي كتبتيهم يحتاج رسوم و روحه لامريكا ولا اقدر اتعلم و انا في البيت ؟! يا ليت تفيديني انتي و الأخوات بشي سهل انتظركم جميعاً

  66. يقول أميرة:

    ماشاء الله عليك ي أروي ربي وفقك وبارك لك بوقتك ، جميل ان يكون للانسان اثر بحيث الكل يستفيد منه ،تخيلي بس كم من دعوة وصلتك !
    صادقة بكلامك كلنا نقدر نتعلم لكن وين الهمة والصبر !
    تجربتي ،،
    لما دخلت الجامعة وهذه الجامعة بعيدة عن بيتننا حوالي ساعة الا ربع كانت محصلتي بالانجلش صفر كنت اكرهههههههه بشكل
    كان لزاماً علي اتقبل واتعلم وامارس واترك الخجل على جنب ، خجلت بما فيه الكفاية الجميل كان طاقم التدريس لغتهم الام انجلش وبالهم طويل
    تعلم كلمات ، ربط الجمل ، ليت ماتعلمت كيف اكتب قطعة ^^
    كله بسنه وحده تحديتها مع نفسي عشان ما اعيد التحضري وفعلا اجتزت التحضيري
    ولما انقبلت حاسب صاروا اغلب اللي يدرسوننا عرب فكنت ما امارس اللغة كثير حتى نسيت كيف اتكلم مع العلم ان دراستي باللغة الانجليزيه
    لكن فقدت المحادثات بالانجلش مع الاساتذة وضعفت لغتي …..

    شكراً أروى ،،
    كنت محتاجة شخص يرشدني للمواقع الفعالة لاني مقتنعة افضل شي التعليم الذاتي
    الله ينفع فيك ويزيدك من علمه .

  67. يقول احلام:

    تحمست وحبدا انشاااله اسجل وباذن الله باذن الله اقولكم تجربتي وبالانجليزي بعد ههههه
    انا فيني حماس اتعلم انجلش وابغا عبري وفارسي نفسي فيهم

  68. يقول أفراح:

    السلام عليكم أروى كيفك ?
    حبيت أسأل اقدر استخدم الجوال بدال اللاب !!?
    ويعطيك العافيه يارب ويكتب اجرك ?

  69. يقول اماني:

    سلام اروى انا متابعه لك من فتره ومعجبه فيك وفي ابداعك وتنظيمك واتمنى لو التقي بك ودايم ادخل السناب علشانك وافرح كثير اذا شفت سنابك الله يسعدك بسالك عن الموقع يعني كيف الساعات والوقت يعني تقدري مثلا تواصلي كل والوقت مع الموقع او بس ساعات انتي تختاريها لان اخر وقت للتسجيل بكره وماعرف كيف نظامهم اسم الموقع الاول English live

  70. يقول غادة:

    اهلًا اروى شيكت الموقع الاول “انجلش تاون” بدولار واحد للفترة التجريبية مدتها ١٤ يوم وبعد الـ ١٤ يوم تدفعين ٦٩ دولار وتدخلين قروبات محادثة ودروس تفاعلية وتهيئة للتوفل
    او تدفعين ٩٩ دولار وتدخلين قروبات محادثة ودروس خاصة وخطة دراسية فردية خاصة فيك وتوفل ولغة البزنس بالانجلش
    ايش رايك اختار الي بـ ٦٩ او ٩٩ ؟

  71. يقول Samar.Khalid:

    أروى دافعك مثل دافعي انا وحده احب الرسم بس اغلب المواضيع والدروس تجي ب كتب انجليزية وانا مرره نفسي اتعلم اكثر واطور من نفسي قلت مب لازم ادور على كتب عربيه اتعلم الانجليزي ووقتها اقرأ اللي ابيه واستفيد اني تعلمت اللغه وطورت من رسمي بنفس الوقت

  72. يقول Abdulrhman:

    صراحه روعه ، رجع الحماس لتعلم اللغة شكرا على هذا المقال الجميل.

  73. يقول هند محمد:

    فنانه يا أروى ❤️
    انتي ذكرتي ان اللي تعلم اللغه لازم يتواصل مع الناس عشن يمارسها بمواقع ، ممكن تذكرين امثله عليها؟

  74. يقول nasser:

    شكرا لك الف شكر على هذه المدونة وعلى الشرح الجميل والحماسي ولكن السؤال عند الاستعداد لاختبار الايلتس هل يوجد مواقع لفصول افتراضية مثل ما ذكرتي هذا من جانب ومن جانب اخر التعود على التعلم اون لاين ككسب نوع جديد من التعليم عن بعد والذي يمكن ان يكون اكثر فائدة من المعاهد في اوروبا مثل استراليا او غيرها او حتى امريكا ,

    ملاحظة عزيزتي الكريمة الروابط للفصول الافتراضية او الذكية لايعمل منها الا اعتقد اثنان فقط وللتنوية احد المواقع لا يدعم اللغة الانجليزية بدراسته والموقع الاخر فقط شركات وباقي الروابط لاتعمل
    virtuallanguageschool.com لا يعمل هذا الرابط

    الرابط الذي بالاسفل خاص بالشركات فقط
    http://virtualenglishtraining.com/our-solutions-2/

    تحياتي ,,,

  75. يقول ازهار الخريف:

    السلام عليكم
    الله يجزاك خير اروى على هالموضوع انا صارلي فترة ابحث عنه و اخيرا لقيته .. واتواصلت مع موقع ( english live ) و لكن قالوا لي مافي اشتراك غير لمدة سنة كاملة بمبلغ ٣٥٠٠ ريال و انا هالمبلغ ما اقدر ادفعه حاليا ف حاولت معهم انوا المدة تكون اقل من سنة على اساس يكون المبلغ اقل و منها كمان علشان اجرب الموقع اذا ناسبني او لا و لكن قالوا لي مافي تجربة و التسجيل كله بنفس المبلغ سواء سنة او اقل .
    ف رفضت التسجيل معهم .

    ف هل فيه موقع آخر بديل عنه تنصحيني اسجل فيه ؟ و يكون عندهم نظام التجربة في البداية او ع الاقل يكون المبلغ معقول و المدة بسيطة تكون ٣ او ٤ اشهر مثلا كبداية فقط .
    و شكرا جزيلا لك على الموضوع الرائع . ???

  76. يقول اوراق الخريف:

    السلام عليكم
    الله يجزاك خير اروى على هالموضوع انا صارلي فترة ابحث عنه و اخيرا لقيته .. واتواصلت مع موقع ( english live ) و لكن قالوا لي مافي اشتراك غير لمدة سنة كاملة بمبلغ ٣٥٠٠ ريال و انا هالمبلغ ما اقدر ادفعه حاليا ف حاولت معهم انوا المدة تكون اقل من سنة على اساس يكون المبلغ اقل و منها كمان علشان اجرب الموقع اذا ناسبني او لا و لكن قالوا لي مافي تجربة و التسجيل كله بنفس المبلغ سواء سنة او اقل .
    ف رفضت التسجيل معهم .

    ف هل فيه موقع آخر بديل عنه تنصحيني اسجل فيه ؟ و يكون عندهم نظام التجربة في البداية او ع الاقل يكون المبلغ معقول و المدة بسيطة تكون ٣ او ٤ اشهر مثلا كبداية فقط .
    و شكرا جزيلا لك على الموضوع الرائع . ??

  77. يقول sarah alghanim:

    الله يسعدك يااروى

  78. يقول ام سوسو:

    اروى انتي انسانه مبدعه بأذن الله ادخل واتعلم انا عندي شغف باللغة الانجليزيه وودي اتعلمها بس مو عارفه كيف اشكرك من كل قلبي على هذي المعلومه الي فرحتني كثير وببداء ان شاء الله قريب جدا

  79. يقول نوره ?:

    الله يوفقك ويسعدك كله طااقه جميله ??

  80. يقول مها بنت عبدالله:

    ماشاء الله عليج أنسانه مفيدة

  81. يقول NJOUD:

    الله يسعدك أروى جداً ملهمه وتحمسين الشخص على التطوير
    انا حابه اتعلم اللغه كثثير خصوصاً انها اصبحت مطلب كبير حتى بالسعوديه
    اغلب الوظائف تتطلبها .
    ما اطول عليك انا اليوم دخلت اول موقع عرضتيه بالصدفه قبل اشوف مدونتك حبيته
    وحسيته جد مفيد ولما رجعت اقرأ مدونتك طلع مشابه تماما للموقع اللي كنتي عليه

    سؤالي ياغاليه كيف اسدد الاشتراك انا ماعندي فيزا بس بطاقة الصراف
    والاشتراك واحد دولار كم يساوي بالسعوديه ؟
    تحياتي..

  82. يقول أبو إحمد:

    جزاك الله الف الف خير

  83. يقول نوره آل عمر:

    تحمسسسست مررره الله يسهلها واتعلم مشكوووورره اروى ❤️

  84. يقول سلمى:

    مساء الخير كلامك جدا جميل وانا نفس الشي درست بتحفيظ القران بالجنوب واحب الانقلش نفسي اتقن مره اللغه وجالسه اقرا كتاب بسيط وعندي برنامج دولنجو وكمان أحاول اسمع في اليوتوب أشياء بسيطه ومع السفر اتعلم كم كلمه بس ماعندي جرءه أتكلم احس نطقي خطا لاكن لازلت مصره اتعلم

  85. يقول Ruaa:

    أروى ممكن الموقع الافتراضي اللي دخلتيه

  86. يقول رزان:

    أهلا أروى
    شكرا مره على المعلومات الي تزودينا فيها
    بس المواقع الي حطيتيها تقريبا كلها تركز على speaking
    وأنا عندي ال writing and grammar كارثي
    ياليت تقترحين لي مواقع تركز على تطوير كل الجوانب في تعلم اللغه لأني الحين أدرس في الجامعه وأبغى أتعلم لغة أكاديمية مو بس محادثه

  87. يقول منال العليان:

    في موقع مشابهه ومررره ممتاز اسمه ef

  88. يقول Ashwaq:

    انا بصراحه مااعرفك كنت ابحث بقوقل عن طريقه لتعلم الانجليزي وطلعت لي مدونتك وشجعتني اسجل بانقلش تاون والان توني باديه معاهم الحمدلله وجدا عجبوني الله يجزاك خير حبيت اشكرك من كل قلبي وممتتتتنه لك ومتفائله كثير بالنتيجه واضفتك يالسناب المهم تبين لي انك مشهوره والصدفه اني ارسم كثييير زيك ههههه

  89. يقول Zaina:

    جداً حمسني موضوعك وسهل علي اللغه رغم اني لسى معلوماتي ولغتي بالبدايه وماقدرت اتجرا اتكلم واسترسل باللغه حبيت طريقة الموقع واللعبه اللي تعلمتي منها ياليت يكون نفسها ابي اتعلم بمتعه لعبه وقروب ممتع اكثر من دروس دسمه وشيء صعب ياليت لو فيه شبيه للعبتك ياروى ???

  90. يقول زينب:

    أروى ياريت لو حطيتي شرح للموقع تبع إنجلش تاون ماعرفت كيف أسجل بليز حطي شرح الله يسعدك ودي أسجل الله يخليك ي رب

  91. يقول Reem:

    انا تخصصي هندسه ولغة الجامعه المعتمدة انجلش لكن المدرسات من الهند وباكستان وماافهم عليهم ولغتي ع قدي الحمدلله اعرف اقرا واكتب مره كويس ، لكن محادثه أبدا ميح والكلمات كثير كثير اللي حافظه الحمدلله لكن وش الفايده ????

    • يقول Maha:

      أهلاً اروى
      شكرا مرهه على مدونتك الجميله??.
      انا ادرس بالجامعه تخصص انقلش وابغى اطور اللغه عندي لان مستوى نازل مرهه مو عارفه حاجه في الانقلش شوي يعني شلون اطورها؟؟
      الله يجزاك خير ويسعدك ??.

  92. يقول Maha:

    اهلاً اروى
    شكرا مرهه على مدونتك الجميلة ??.
    انا تخصصي بالجامعة انقلش ومستواي مره موب كويس ابغى اطور اللغه عندي شلون تعبت مرهه ودكتوراتنا م يفهمون كويس يعني لازم انا الي ابذل الجهد وابغى اطور اللغه عندي ف لوسمحتي ساعدينيً الله يوفقك ويسعدك ??.

  93. يقول Muhrah:

    جميييييل يعطيك ربي العافيه ويوفقك?

  94. يقول A.nana:

    وي ياأروى أنا اخس منك في الانجلش مالي نفس فيه مع اني احس انه ضروري بس تعلمه صعب جدا ان شاء الله يارب استفيد من هالمواقع مثل ماقلتي مع اني ملوله جدا جدا يااااارب تفيد فيني ياااارب

  95. يقول Maya:

    الله يسعدك يا عمري اروى ، وحده تحب الخير للناس مثل ما تحبه لنفسها
    الله يكثر من امثالك ولا يخلينا❤️

  96. يقول بيدو:

    الله يعطيگ العافيه ي قلبي ? جميييييل البرنامج حبييييت ?.

  97. يقول Maha:

    اروى وش رايك تسوين نفس فكره الموقع ابلكيشن على الايفون? وكل يوم يجينا تنبيه كلمات معينه نصمها صم وبكره كلمات غير مثلا ٥ كلمات وفيه

  98. يقول عائشة:

    شكرا لك جميلتي أروى بحجم السماء .. أتمنى تعلم اللغة الإنجليزية وبكلامك ريحتيني وأفدتيني كثير وبإذن الله بطبق تجربتك وأبلغك بالنتائج .. الله يسعدك ويوفقك

  99. يقول Soso:

    جزاك الله خير وزادك فضلا ورفعة في الدارين

  100. يقول Amoly:

    الي جربت من المواقع الي فوق يا ليت تقول تجربتها مع الموقع لاني محتاره اي واحد اختار .. والسعر

  101. يقول ريوف:

    أي عُمر ممكن يسجّل ؟

  102. يقول ريوف:

    أي عُمر ممكن يسجّل ، ولّا فيه أعمار مُحدده ؟

  103. يقول شروق:

    ملهمه دائمًا اروى.

  104. يقول عنود:

    شكرا اروى ع تدوينه ذي وربي كنت محتاجتها مرهه ??وحابه اسأل
    لو سمحتوا ايش من المواقع ذي جربتوها وكانت تمام معاكم ♥️?
    ياليت تفيدوني ♥️

  105. يقول وفاء:

    السلام عليكم ورحمه الله وبركاته
    مبدعه في تدوين تجاربك ،يعطيك العافيه انا لي تجربه في تعليم اللغة ولكن التسويف والمزاجية نقطه سلبيه فيني ماقدرت اكمل انا ميولي فنيه وكثير الكتب باللغة المهم اخذت دروس من يوتيوب اسمه عمر واحس تطورت اكثر معه لكن ماكملت للاسف واخذ كتاب صغير حدا بس مفيد اسمه تعلم اللغه الانجليزيه في اسبوع رهيب بعد لكن ماكملت وتحمست اتعلمه وعجبتمي فكرتك جعلها في ميزان حسناتك

  106. يقول foofa ?:

    ماشاءالله عليكِ اتمنى بجد اكون متمكنه فاللغه الانجليزيه عقبالي يارب

  107. يقول Somaya:

    والله تأثرت منك وقررت اتعلَّم انقليزي أنشالله ??

  108. يقول Mnar Amer:

    حلو جداً المواقع الي جبتيها بديله لهجه امريكيه

  109. يقول flower14:

    هذي المواقع برسوم وشكراًلك

  110. يقول Rfan:

    Englishplace مرررا جميل 👌🏻🙇🏻‍♀️

  111. يقول ruba:

    The way you talk is wonderful and inspirational 👏🏻❤️

  112. يقول تهآني العآرف:

    م شاءالله تبارك الله عليك…أحب إصرارك وتفائلك أنسانه نادره … لك حبي وتقدير ي أستاذه ♥️♥️

  113. يقول سيرين:

    احب لغة الانترنت لكن لا اعرف فيها

اترك رداً على loubna allane إلغاء الرد


أضف تعليق عبر الفيسبوك: