أهلاً بالعَالم

أهلا مدونتي الجديدة

وألف أهلاً لأصدقائي الجدد هنا ..

أبدأ مع بداية السنة الجديدة ٢٠١٥ تدوين ما أحب في هذا العالم ..

قررت انشاء المدونة لتكون بيتي الالكتروني، ومرجعاً لي ولكم لكل ما أنجزته

أو كتبته خلال وجودي على أرض الانترنت الجميلة ..

كانت هذه المدونة فكرة لم تتحقق لفترة طويلة من الزمن ،

والحمدلله قد أتى اليوم الذي استقر فيه وأبني منزلي السعيد بينكم ..

فحلّوا أهلاً 

..

صديقتكم

أروى العمراني

...

تواصلوا معي عبر :

انستغرام وتويتر : arwa_alomrani@

يوتيوب : arwa karu

سناب : arwakaru



As an Amazon Associate I earn from qualifying purchases

التعليقات ( 69 ) :

  1. يقول irhoof3:

    مدوونة لطيفة جدا ♡♥︎

  2. يقول Nawal:

    الله يجعلها شاهدا لك لا عليك ،
    كنت منتظره هذا الخطوه منك وبالتوفيق❤❤

  3. يقول وديعة جواد :

    ماشاء الله عليك مُبدعه في كل شيء انا اتابعك بأستمرار بكل شيء تحطينه وقد مَ تتصورين أنا مُعجبه فيك

  4. يقول zenna:

    من زمان اتمنيت انك تفتحين مدونة كنت مستغربة ليه ماعندك ، مبروك والله من قلب فرحت إن شاء الله تملينها كلها عن بكرة ابيها ، وياليت تكتبين تدوينات عن كيف ننشئها والاختيار هل الورود بريس أو بلوق سبوت وأشياء زي كذا <3 مرررة بتنفعين الأمة ، الله يسعدك <3 <3

  5. يقول غيداء:

    ياحبيلك اروى كنت منتظره مدونتك الجميله واخيراً جاء اليوم اللي نشوف المدونه الجميله فيه

  6. يقول غيـداء:

    ماشاءالله مبارك عليك هذي المدونه
    مبدعه دائماً يا أروى ♥
    ودائماً ننتظر جديدك بفارغ الصبر ♥
    بالتوفيق ∩__∩♥♪

  7. يقول Samaher:

    ماشاء الله اخيرا فتحتي مدونة كمية لطافية بمدونتك مبدعة دايما بالتوفيق ❤❤

  8. يقول maryam:

    مدونه لطيفه وانيقه تمثل صاحبتها
    مره كيوت الديزاين والالوان والمواضيع كل شي حبييت
    ذوقك جميل يا اروى

  9. يقول مريم:

    بداية موفقه لمسيره جميله

  10. يقول noura:

    الله يجزاك خير على كل الوقت الي تقضينه بمساعدة الناس ولو بشي بسيط والله يجعلها سنه سعيده عليك عامره بالانجاز وتكون المدونه باب خير عليك وشي مريح ومناسب لك.

  11. يقول Meera:

    مدوّنتكِ تفتح النفس 🙂

  12. يقول دانه:

    بالتوفيق
    ان شاء الله بدايه موفقه

  13. يقول عايدة العلي:

    مدونة مميزة كصاحبتها ، أسأل الله لك التوفيق والسداد

  14. يقول Shahad :

    مدونتك جميلة زي جمالك واكثر

  15. يقول A_mmg:

    والله صراحة و ما أجامل ما قد حبيت حساب او او حبيت حساب لاني أستفيد منه زي حسابك ما شاء الله شي يجنن و معلومات منجد جميله

  16. يقول NOD:

    اهﻻ اروى سعيده بشوفة المدونه وقص الشريط عنها
    نزلي دروسك عن التصوير ﻻن تصويرك شيء جميل وراقي ومبدع
    الى اﻻمام يا جميله ♥♥♥♥

  17. يقول lamees:

    اهلا اروى واخيييرا شافت مدونتك النور انتظرت اليوم دا كثييير ومتحمسة جدا لتدويناتك بالتوفيق عزيزتي واسفة كان نفسي ازور المدونة في اول يوم لها لكن ماحصل .

  18. يقول غدورة:

    اروى انا مرة معجبه فيكِ وفي أفكارك وتصويرك وكلو ما شاء الله أتمنى ان شاء الله أوصل لذا المستوى من الإبداع في الترتيب في الاناقة في مهارات كثيره أشوفها عندك ان شاء الله اذا تزوجت وصار عندي بيت بطبق أشياء كثيره سويتيها وعجبتني ❤️

  19. يقول zahraa m:

    اهلا
    جدا سعيدة انك فتحتي مدونة
    اتابع بالأنستقرام وتعطيني طاقة إيجابية بشكل وأستفدت منك كثير
    مواضيعك كلها بشكل عام لطيفة واحب اتصفحها

    وماشاء الله ديزاين المدونة جداااا أنيق أبدعتي حبيتها كثير
    أستمرررري

  20. يقول متمنيه الفردوس:

    اهلا بك صديقتنا الغاليه

  21. يقول مزونة:

    مدونة رائعه أروتي
    استمتعت وانا اتجول بين جنباتها
    رائعه حقا بكل مافيك جمالك روحك وتواضعك ❤️

  22. يقول AMJAD:

    مدونه جميله وانيقه مثلك أروى

  23. يقول inssaf:

    احببتك و احببت مدونتك الجميلة ربي يحفظك و يرزقك من حيث لا تحتسبين

  24. يقول Hiba:

    انتي مثلي الأعلى يا شيخة

  25. يقول نور:

    الصرااحة انتي روووعهة ابدااع ،، مدونتك جمييلة كثير م شاء الله ترتيب و تنسيق و ذوق و كواتة و كل شيء.. اهنيك ♡♡♡♡

  26. يقول Aisha.a:

    احببتك واحببت مدونتك ،،

  27. يقول Aisha.a:

    احببتك واحببت مدونتك ،، انتي انسانة في قمة اللطافة

  28. يقول مودة الخالدي:

    الله يسعدك ويوفقك ومبسوطة لك لانك حققتي حلمك

  29. يقول ohoud:

    السلام عليكم اختي اروى بسالك ماشاءالله كيف تنظيمين يومك اسبوعيا وشهريا وسنويا

    انا مشكلتي احيان اسويلي مواعيد لكل شي واطفش واسحب ع بعضها طبعا كلها ع مسلسلات واغاني وبرامج وجوال ._. مقهورة وكل يوم اقول لازم اغير هالشي وارجع ولا كاني امس شحنت نفسي ويومي زي امسي وامسي زي قبل سنة
    والله شي يوجع بس بجد انا حياتي بلا هدف ع البركة ؟؟؟؟؟
    ودي اسوي شي موفيد اتحمس اسوي مدونة بس ماعرف ايش اسوي ميك اب نص الناس ميك اب يوميات ماعندي اصلا شي مختلف هههههه
    بجد ابي اسوي شي موفيد
    اسفة طولت خخخخخ

    واشكرك مقدما ويارب يوفقك ويسهلك كل حياتك

    • يقول أروى العمراني:

      شكرا على ردك حبيبتي عهود.. المهم انك تعرفين انك حابه تتغيرين وعندك الإرادة .. لكن صعب التغيير بدون وجود هدف، اجلسي مع نفسك وجيبي ورقه وقلم وفكري واكتبي كل الأشياء اللي تحبينها ، تخيلي نفسك بعد خمس سنوات ايش حابه تصيرين وكيف تتخيلين حياتك ،، بعد كذا ابدي اكتبي الاهداف اللي خطرت على بالك ،، مثلا لو فكرت انك بعد خمس سنوات حابه تفتحين لك محل تجاري تكتبين هالهدف او مثلا حابه تنحفين او تسمنين او او ،، تكتبين هالاهداف،، بعدين كل وحده تكتبين الوسائل اللي ممكن توصلك لهالهدف، وكل وسيله تشوفين كيف تقدرين تنفذينها ، وحطي لك مواعيد بتسليم المهمات ،، يعني مثلا لو حابه تنحفين اكتبي هدفك الشهري كم واذا ماوصلت لهدفك تنحرمين من اشياء معينه مثلا من الافلام ،، وهكذا تدربين نفسك على الالتزام .. وصدقيني اللي يقتل الحماس هو المسلسلات ،، حاولي ماتتفرجين كل يوم ، انا اليوم اللي اتفرج فيه حلقه وحده بس خلاص يطيح حيلي واصير بس ابي اكمل استرخاء ومشاهده طووول اليوم وحتى لو اضطريت اقوم من مكاني واسوي اشغال منزليه اسويها من غير نفس.. حددي لك كم ساعه في الاسبوع للمشاهده فقط لا تصير كل يوم .. وصادقي ناس يشاركونك اهدافك او ناس طموحين في تحقيق اهدافهم وابعدي عن الناس اللي ماعندهم اي شغله في الحياة لانهم يخلونك تتكاسلين اكثر .. اتمنى من الله ان يحقق امالك كلها .. دعواتك

  30. يقول سندس:

    أروى المُلهمة
    ممتنة لله على وجودك بيننا وبث روحك الملونة الحلوة ..
    عرفتك من فترة قريبة وجدا أحببت طريقة تعاملك مع الحياة ,, التعامل النوعي المميز ..
    اعتبرك نموذج للبنوتة الناجحة بدون ما يكون له وظيفة معينة .. ووقت دوام والحالة ..
    لأن للأسف هذه الفكرة الغالبة .. لازم وظيفة عشان أحقق ذاتي واتشجع واكون عنصر معطاء ومنتج وليس مستهلك !

    اخيرا
    كيف ممكن تنصحي البنت الي تحب تتخذك نموذج ولكن مع التغيير بحسب الظروف والامكانيات طبعا :
    1- الي تقول بس انا ما مبتعثة والوقت الكل يشاركني فيه أهلي وأهل زوجي وأولادي ؟

    2- الي تقول الفلوس هي سبب النجاح والتميز في كل شيء والدليل أغلب الناجحين والمشهورين هم اثرياء أو دخلهم ممتاز؟

    3- الي تقول بيئتي محبطة لأي فكرة مميزة أو مفيدة ولازم استسلم للتيار اللي حولي بس بداخلي ما احس بالرضا عن نفسي .؟

    شكرا لك وممتنة لوجود هذه المدونة وكل صفحاتك الإلكترونية (:

    • يقول أروى العمراني:

      أهلا سندس ، صديقتي الجميلة ..
      شكرا على كلماتك .. أتمنى أكون عند حسن ظنك ..
      تساؤلاتك جدا جميلة وعميقة وتخليني ودي أبدأ أدون عن الحياة .. لكن شوي أتردد و احس في داخلي فوضى تحتاج ترتيب قبل ما اقدر أقدم نصائح للآخرين>
      بعدين أرجع أفكر أنها مو بالضرورة تكون نصائح ، ممكن تكون مجرد أحاسيس وخواطر ممكن تلمس حياة أحد وتغيرها للأحسن..
      ثرثرت كثير بدون إجابات لكن موضوعك عميق ..
      الحقيقة هي أن كثير من الناس وخاصة في هذا الوقت وثورة مواقع التواصل ، يبغون ينجحون بشي، يتمنون يحققون اللي يشوفون غيرهم يحققه وهم بعمرهم أو أصغر منهم ، ومع هالرغبة الشديدة تضيع الحقائق منهم ، ويتخيلون أن النجاح هو أشياء محدده مثل (اني أكون فعاله في المجتمع أو مشهوره أو أحصل مبالغ كثيرة أو أتوظف أو أكمل دراستي) وفي الواقع هذي نظرة خاطئة..
      النجاح من وجهة نظري أنا أنها السعادة ، الإنسان السعيد انسان ناجح.. مو مهم عنده وظيفه أو لا، مو مهم غني أو مبتعث أو لا..
      فيه أسباب تحقق هالسعادة والرضى الذاتي، منها الشعور بالإنجاز أو تحصيل المال ، لكن هذا مايعني ان تحصيل المال أو الإنجازات أو الشهره هي بحد ذاتها السعادة..
      عشان كذا نحصل مبتعثات ونحصل أغنياء ونحصل متزوجين و موظفين يعيشون في تعاسه، لأن هالأشياء مو هي السعادة ولا هي النجاح..
      مشكلتنا في المجتمع وفي أي مجتمع نضغط على اللي حولنا ونقارنهم بالآخرين ونحط الآخرين مقياس للشخص الجيد أو السيئ ، لكن هذا خطأ.. هذا اللي سمته رفاه سحاب الأحلام المعلبة..
      وكأن إرضاء الناس ونظرتهم لي اني ناجح ومشهور هو اللي بيحقق لي السعادة .. الموضوع مو اني أكون منتج أو غير منتج ..
      أما بالنسبة للمجتمع صحيح جدا المجتمع المحبط سبب قوي للإحباط، لكن اللي يحصل السعادة والنجاح في هالبيئة بيفوق كل المبدعين اللي توفر لهم المحيط.
      لكن أرد على اللي يتهم المحيط بأنه هو له قرار في محيطه.. اليوم احنا نعيش في زمن غير عن أول، في الماضي البيئة كانت هي أهلك وأقاربك وجيرانك . مالك تحكم فيهم،، أما الآن وأنت في بيتك تختارين مجتمعك ، تختارين بالضبط مين هم أصدقاءك ..
      البعثه والأموال وغيرها ، ممكن تكون سبب هم لناس وسبب نجاح لآخرين .. مافيه شي سهل ، والسعادة أسبابها كثير وأبسط من كذا ..
      لو كملت كتابه ماراح أخلص لأنها تحتاج كتاب كامل حتى يبدا الواحد يغير قناعاته ولازم يفهم القفل حتى يقدر يحصل على المفتاح المناسب.. قبل مايكون معطاء لازم يفهم نفسه أول ولا يترك الآخرين يتحكمون برغباته وأحلامه ..
      شكرا على هذه الدقائق اللي خليتيني فيها أوصل لنقطة عميقه أحتاجها حاليا لترتيب فوضى عقلي وحياتي..

  31. يقول ☁︎mjod:

    السلام عليكم ورحمة الله … صديقتي أروى بصراحة مواضيعك في كلا الموقعين (انستغرام – المدونة ) جميلة جدا و تفتح للأمل و التفاؤل و أهنئك على هذا الأبداع ما شاء الله و أستمري للأمام …?❤️

  32. يقول لمياء:

    والله دائما لما افتح مدونتك او انستقرامك او سناب أحسك شخص مهم في المجتمع يعني تتركين أثر تسوين انجاز مبدع متقن رائع واضح
    تسوين شيئ الناس مب لاقيه له بديل او موا عارفه تفكر في الحل انا قالت الي صديقتك مريم دائما تحمسنا وتسوي الي تسوينه
    جد الله يسعدك ويوفقك ويكتب لك الخير والاجر وين مارحتي
    كذا انتي اسعدتي الافالاشخاص
    اسعدتينا اروى
    حتى لما تختم القران اني كذا شجعتينا
    وتعطينا أمل وتفاءل
    وتشجعينا على انا احنا نسوي مشروع او انجاز مثلك
    خاصه انك مبتعثه فصعب تتواصلين مع عالم الانترنت وانتي تدرسين
    او في بعضهم مجرد ما يفكرون يحسون ان الفكره فاشله او مافيه دعم او مافيه تطوير لفكرتهم
    انتي حمستيني لفكره كنت مصتصغرتها من يوم وانا في اول ثانوي اعشششق شيء اسمه رسم وكنت ارسم والبنات تعجبهم واشارك في انشطة المواهب بس ما اخرج حدود المدرسه والبيت وفكرت في مشرووووع وان شاء الله لما اتخرج بعد سنه اسويها وان شاء الله تنجح
    جد انتي ماتعرفين اذا يوم القيامه كم غيرتي من حيات ناس وااجد واسعدتي واااجد وخليتي ناس واجد تتفاءل لمستقبلها تعبك ما يروح فاضي اجر ان شاء الله
    الله يوفقك امين
    …..

  33. يقول فاطمه محمد:

    https://www.youtube.com/watch?v=x7mHkVdufvU

    اسمعها أحببت ان تسمعينها معي

  34. يقول فرح:

    كلمة روعة قليلة بحقكك جد تستاهلي الشهرة مواضيعك تصويرك كلامك طبخك اسلوبك ماشاءالله تبارك الله اهنيكي الله يزيدك ويحفظك?????

  35. يقول Latof:

    ختمت مدونتك جميله جداً واتشرف اني اكون مشتركه فيها تدفع الانسان للتفأول والانجاز الله يحققلك احلامك ويسعدك كثر ماوجودك يسعدني وربي انتظر يجي عندكم الصبح عشان تنزلين سنابات ?❤️

  36. يقول Latof:

    ختمت مدونتك جميله جداً واتشرف اني اكون مشتركه فيها تدفع الانسان للتفأول والانجاز الله يحققلك احلامك ويسعدك كثر ماوجودك يسعدني وربي انتظر يجي الصباح عندكم عشان اشوف سناباتك ❤️❤️?

  37. يقول مودة:

    مدونة جميلة كجمالك
    الأن لدي خطة لعمل مدونة
    ممكن أعرف إيش المواقع أو المقاطع
    الي ساعدتك لتعلم عمل المدونة .. أكون لكِ شاكره ♡

  38. يقول Afnan Omar:

    مرحبا بالفنان اللطيف
    أروى يا مبدع ممكن تشرحين لنا بندوينة لطيفة عن كيف نفتح المدونة و نفعلها و كيف نتعامل معها؟
    اكون ممتنة لك و شاكرة

  39. يقول GN EV:

    مدونه جميله كل عاده ?

  40. يقول najla:

    اروى جاني بالبريد رسالة عشان ادخل قائمة الاصدقاء بس طلع انو فيه عطل فني ?

  41. يقول Alyazia:

    هلا اروى ???انا أتو اشوف البرنامج وأيد حلو وفي أشياء مفيد وحلو ?

  42. يقول sono gazwany:

    هلت افراحك يارب .. الله يحفظك من كل شر

  43. يقول سارة:

    البرنامج جمييل?❤️

  44. يقول سوسو:

    اروى كيف انزل ابداعاتي بمدونك

  45. يقول Nada:

    السلام عليكم .. بسألك شفتك مره تستخدمين قلم او شي زي الايباد ترسمين و تلونين فيه الانيميشن .. ممكن تعطيني اسمه او رابط شراءه من الامازون .. مشكوره والله يجزاك خير ..

  46. يقول رغد:

    مدونتك لطيفة نفسك❤️❤️❤️

  47. يقول وجدان:

    اتمنى احد يفيدني. كيف افتح مدونة مثل مدونتك يااروى الجميلة، واللي قرا هذا التعليق. اتمنى تفيدوني، الفراغ كاد ان يقتلني ولدي في جعبتي الكثير لاشاركه العالم، تخدموني خدمة العمر

  48. يقول Rayih:

    صديقه جديده لأروي
    باْذن الله يكون عندي مدونه مثل مدونتك
    دعواتك لي أحقق امنياتي

    تحياتي راويا

  49. يقول حنان:

    مرحبا أروى كيف أنشئ مدونة جميلة كمدونتك وما الموقع الأفضل لاستضافة المدونات؟ باختصار لا أبحث عن رد مفصل ومثالي مجرد إجابة صغيرة تفيدني.

  50. يقول Jana❤️:

    احبك مووووت اروى ❤️

  51. يقول Soz18113:

    اهلااً اهلاً توني احمل تطبيقك انا من متابعاتك من زمان ♥️

  52. يقول Lola_Sos:

    صديقتك الجديدة وعمر مدونتك ٣ سنين !

  53. يقول Soma:

    ربي يسعدك ويرزقك كل خير
    مرا مرا احب كل شي تسويه وكمية طاقه ايجابيه استمده منك
    موفقه يارب ❤️

  54. يقول ربى🚀🌷:

    أهلاً بك يا أروى

  55. يقول نوره:

    غاليتي اروى هل يمكنني اخباري ما هي الانشودة التي كانت في حفل اطلاق تطبيق اروى بالسناب وشكراً 🌸

  56. يقول ليلى:

    مساء الفل أروى اللطيفه 💓
    ممكن اعرف من أي برج انتي!؟

  57. يقول مزون:

    طاقه إجابيه فعلاً♥️♥️♥️♥️♥️

  58. يقول Banoo:

    السلام عليكم
    كيفك اروى
    انا اشوفك ماشاء الله شخصيه ملهمه
    ممكن تعرفينا ع نفسم يعني انتي عايشه في امريكا كم سنه ماشاء الله
    مافكرتي تكملي دراسك
    ما فكرتي تشتغلي

  59. يقول غدي:

    سبحان الله يا أروى..
    سبحان من أودع فيك حب الخير والروح الطيبة الهادئة..
    – جالسة تتأمل المدونة وتقرأ وتستفيد –
    من متابعاتك القديمات أنا وأتابعك أول بأول بكل البرامج ولكن اليوم حملت المدونة كتطبيق بجهازي وسعيدة جدًا لك على هذا الإنجاز ولي على أني أصبحت من أصدقاء المدونة 🤍
    جزاك الله خيرًا

اترك رداً على noura إلغاء الرد


أضف تعليق عبر الفيسبوك: