3 أفكار تصميمية تربوية بسيطة

ولولا خيال في الدجى منك عادني
لذابَ مع الأنفاس قلبٌ بأضلعي .

————–

أهلاً مجدداً بأصدقاء أروى ،، أصدقاء العالم الجميلّ..
كان لي الشرف مسبقاً بنشر مقالتي الأولى عبر مدونة أروى
وكانت بعنوان اطبعي قدم طفلك بطريقة مبتكرة

تجدونها هنا
.
والآن أعود اليكم لأطرح بعض الأفكار اللطيفة
أفكار تصميمية، أو كما يقال ديكورية ،، ليس الهدف منها الجمال فقطّ
لكنّ عملتها أولاً لهدفّ تربويّ لأطفالي..
لأن التربية أحياناً تحتاج تلميحات بصرية ، فالطفل يكتسب الشي البصري أكثر من الأمور السمعية..
.
.
من ناحية أخرى …
التصميم الداخلي مش مجرد الوان وخطوط وشكل حلو..
هو دراسة عميقة وتحليلية لعلاقة الحيز المكاني بالانسان..
واللي منها نعرف كيف نحل مشاكل هذي العلاقة ونوظف الحيز لخدمة المستخدم بشكل مثالي..
.
.
.
.
.
.
.
.
.
.
.
.
.
.
.
الفكرة الأولى

بما اني مؤخراً قربت على حافة الانهيار ?
قررت احط في البيت عبارات تشجيعية لي ولاطفالي..
واخترت هالعبارات التالية …

3 أفكار تصميمية تربوية بسيطة

اشتريت هالستيكر من امازون.
وحطيته بالقرب مباشرة من باب الشقة الخارجي..
عشان لما نطلع او ندخل نشوفها..
عجبتني اكثر شي انها تذكرنا بأننا بشر ..
وعادي نغلط ونسامح..
.
.
تركيبها معقد بعض الشيء..
لكن شرح طريقة التركيب موجود في نفس الملصق
اهم شي بالنسبة لي تكون مستقيمة وابعادها في الجدار مضبوطة..
فاستعنت برسم حدود على الجدار بالقلم الرصاص ومسطرة
او اي شي للقياس عشان يسهل التركيب وماتكون مايلة ..

تلقون هنا الملصق نفسه في موقع أمازون..

هنآ

 

طبعاً تتوفر أشكال كثيرة بخطوط كثيرة وعبارات متعددة
بس عجبتني هذي العبارة أكثر ..
وبإمكانكم ما تلتزمون بنفس طريقة التلصيق،، وتبدعون !!

—————-
.
.
.
.
.
.
.
.
.
.
.
.
.
.
الفكرة الثانية

وهي عبارة عن مجموعة من الأوامر اليومية اللي احياناً الأم تتعب أو تنسى تكررها يومياً
فإذا كانت الأم تنسى،، وش تتوقعون من الطفل !
بعد الاستعانة بموقع بنترست..
جمعت كم فكرة عشان أحط جدول يومي لروتين بنتي قبل النوم وروتين صباحي ..

3 أفكار تصميمية تربوية بسيطة

الروتين كان عبارة عنّ ..
ترتيب الغرفة
غسل الوجه وتنظيف الاسنان
لبس البيجامه
قراءة قصة + جزء من القرآن
بوسة للماما والبابا وأخوها
وأخيراً غمضي عيونك ونامي بسلام …

أما بالنسبة لروتين الصباح
نصحى من النوم نرتب السرير
دخول دورة المياه وغسل الوجه وتنظيف الاسنان
صباح الخيرللماما والبابا واخوها
لبس ملابس الروضة مع الشوز
تسريح الشعر
الافطار
.
.
طبعاً كل وحدة تحط الأوامر باللي يناسبها هي وطفلها..
وعلقتها بغرفتهم بحيث تكون امام اعينهم على طول..
.
.
هالحلّ البسيط .. عمل حماس لطفلتي عشان تطبق الخطوات بنفسها وتتشوق للخطوة اللي بعدها..
ممكن تضيفون جزء بحيث اذا أتمّ الطفل الخطوة توضع الأم ملصق او كلمة (تمّ)

هنا بعض الافكار الملهمة من موقع بنترست لنفس الموضوعّ
هنآ

—————-
.
.
.
.
.
.
.
.
.
.
.
.
.
.
.
.
.
.
.
الفكرة الثالثة

وهي جمالية نوعاً ما
وعملتها كتصميم لبنتي في عيد ميلادها الخامس
فكرتها انها تكون مسكة لها بالرقم خمسة مزين بالورد..
وبعد الحفلة علقتها على باب غرفتها

3 أفكار تصميمية تربوية بسيطة

ادري الحركة مو جديدة ،، بس الجديد اني انا سويتها بنفسي، وحتي الورد سويته بنفسي.
يعني DIY
وراح ابدا معاكم خطوة خطوة..

اول شي اخذت ورق الحفلات ،، اللي يكون ورق لكنه رقيق جداً ومكون من عدة طبقات..
وقصيت مربعات صغيرة من الورق..
وعفطتهم فوق تحت ( يعني بشكل zigzag)

بعدها ربطتهم من النص ويطلعون نفس شكل الفيونكه..
( للأسف ما صورت هذي الخطوات بس اتمنى الشرح وافي )

بعد كذا بديت افتح الورق عن بعض،، بشكل اني افرق كل ورقة لحالها ،، من الجهتين..
لحد ما سويت العدد اللي انا احتاجه ..

3 أفكار تصميمية تربوية بسيطة

الخطوة التالية ،، قصيت رقم خمسة على كرتونة كبيرة،،
وبديت ألصق الوردات على الكرتونة

3 أفكار تصميمية تربوية بسيطة

3 أفكار تصميمية تربوية بسيطة

وبالأخير ثبتّ عصا من ورا ،، وصارت بهالشكلّ..

3 أفكار تصميمية تربوية بسيطة

طبعاً تقدرون تسبحون في خيالكم وتسوون أي شي
ممكن تكون أحرف..
ممكن تكون الالوان مختلفة
ممكن تكون احجام مختلفة
ممكن تسوونها بشكل حلقة وتكون تعليقة باب
اللي يخطر ببالكم المبدع،.

  • وشكراً لكم….

.
.
.
.

تابعوني ع الانستقرام..
@hana.aithan



As an Amazon Associate I earn from qualifying purchases

التعليقات ( 16 ) :

  1. يقول Manaar:

    ماشاء الله تبارك الله عليك افكارك مرره جميله ?✋?

  2. يقول مشاعل ???:

    افكارك مميزه وجميله ??????

  3. يقول dodo:

    جميل ابدعتي?الله يعطيكي العافيه تحمست للفكره مشكورههه??

  4. يقول عهود محمد:

    ماشاءالله جميله ❤️❤️
    بإذن الله بطبقها قريب و لو ان بنتي صغيره عمرها ٣ سنين بس ان شاءالله تستوعب ?❤️

  5. يقول فاتن:

    الصراحة فكرتك إبداااااااع وتشكرين عليها
    بس حبيبتي حبيت أقولك إن “عيد الميلاد”حرام
    ولا هو لنا لوإستبدلتيها بشي غير العيد يكون أحسن
    ❤️❤️❤️لا تحرمينا من إبداعاتك

  6. يقول سارة ?:

    جميلة جدا أفكارك ?
    لكن حبذا لو تنبهتِ لمسألة عيد الميلاد ?✨

  7. يقول امل:

    افكار حلوة وجميلة ?
    ? لكن لايجوز شرعاً الاحتفال بعيد الميلاد او الهدية بهذه المناسبة هذه نصيحة منى لكل مسلمة موحده تشهد ان لا إله إلا الله وان محمد رسول الله وتحكم بكتاب الله وسنة نبيه وعليكم السلام

  8. يقول Nada ⌒_⌒:

    ما شاء الله افكارك جميلة جدا

  9. يقول ?ضحى?:

    بنات تدوينات الاصدقاء لها أسبوع??? ماتشتغل عندي ساعدوني تكفون

  10. يقول dalia kaddaf:

    الله افكاركك مرة جميلة ما شاء الله حبييت سالفة الروتين وكذا موفقه يارب

  11. يقول Rawan:

    حبيت فكرة الاوامر اللي معلقه بالجدار خصوصاً اني احب النظام والترتيب الله يعين عيالي مستقبلاً علي?
    موضوعك جداً جميل ?? كملي نزلي اشياء زي كذا ??❤️

  12. يقول Aryam?:

    مررره روعه قمة في الجمال
    الفكرة إبداعيه????❤️

  13. يقول Sarah ♥️:

    مرره حلوه الافكار وغير اجرب?

  14. يقول ^.^FajR:

    جميلهه افكارك بس عيد الميلااد حرام🖤🖤.
    والله يجزى البنات خير اللي تكلموا عن عيد الميلااد انه حرام🖤🖤.

اترك رداً على فاتن إلغاء الرد


أضف تعليق عبر الفيسبوك: