اطبعي قدم طفلك بطريقة مبتكرة ..

اطبعي قدم طفلك بطريقة مبتكرة ..

نآدِني من آخرِ الدّنيا، أُلبّي
كلّ دربٍ لكَ يُفضِي فهوَ درّبي
يآ حبيبي أنتَ تحيآ لتنآدي
يآ حبيبي .. أنا أحيآ لـِ أُلبّي
———————
السلام عليكم
شكراً جزيلاً أروى الجميلة لوضع مساحة خاصة في مدونتك تتيح الفرصة للمواهب بان تثبت نفسها
.
مدونتك كريمة كما هو شخصك الكريم
.
.
الفخار او عجينة الفخار
او الطين
او عجينة السيراميك
كل المسميات تؤدي لمعنى واحد لذيذ وجميل
.
.
حبي للطين مو شي غريب،، هذا شي راجع لاصل الانسان (خلق الانسان من صلصال كالفخار)
واتوقع كل البشرية تحس بنفس الاستمتاع والروقان والاسترخاء مجرد ان تلامس التراب
فالفرع يحن لاصله

هالفكرة من فترة طويلة في بالي ..
والحين طبّقتهاآ
كثيرّ يسوون بصمات ليدّ أو رجل أطفالهم بالحبرّ أو الألوان على ورق
بس حبيت يكون شيّ مختلف
وبما إني في علاقة عشق مع الطين ..
فكرت أسويها بهذا الشكل ..
هذي الطريقة تسمى التشكيل بالألواح

بعد ما قسمت العجينة بالحجم المطلوب
فردتها بمضراب العجين حق الطبخ لحد ما صارت بالسماكة اللي أبيها
١سم تقريباً
( طبعاً في آلة تفرد الطينة بسهولة بس مو متوفرة عندي )

جبت البيبي وطبعت قدمه على الطينه لحد ما بينت الحدود
بعدها بديت اشتغل بأداة الحفر

اطبعي قدم طفلك بطريقة مبتكرة ..

حفرت شكل القدم عشان توضح أكثر واعطيها عمق
و بعدها رتبتها بفرشاة وماي
طبعاً الماي شي اساسي اثناء الشغل في الطين
ماراح نقدر نكون شي بدونه
وايضاً يستخدم للتفنيش.. يعني بعد الانتهاء من العمل
يتم تنعيم السطح عشان يكون املس ومافيه بصمات يد او اثر شغل
( احياناً تكون الاثار متعمدة من قبل الفنان وجزء من القطعة الفنية )
.
.
بعد كذا

قصيت الطينة بشكل مربع ( ممكن يكون أي شكل ثاني انتوا حابينه)
وآخر شي كتبت الإسم على جنب بطريقة الحفر

اطبعي قدم طفلك بطريقة مبتكرة ..

ورا اللوح موجود عمره وقت طبعة قدمه وكان( ٤ شهور .. حنااانس) ❤
.
.
طبعاً ممكن نعمل لها فريم ونعلقها
أو نحطها على ستاند
او اي طريقة عرض مبتكرة

اطبعي قدم طفلك بطريقة مبتكرة ..
—————-

وشكراً
انستقرام : @hana.aithan



As an Amazon Associate I earn from qualifying purchases

التعليقات ( 25 ) :

  1. يقول سعاد:

    الله يسعدك حبيتها مرة
    سبحان الله اليوم لسا أفكر أقول ليت المستشفى ختموا رجل البيبي واقول شكلي انا بصلحها بس يبغالي اشوف شي طبيعي ألوّن فيه …
    جيتي بوقتك ?❤

  2. يقول منار:

    م شاءالله فكره بطله تسلم يدك العمل جداً متقن ??
    عجينة السيراميك اكثارها جداً جميله وباذن الله يوماً ما بنزل تدوينه هنا عن عجينة السيراميك?

  3. يقول Maryam:

    ماشاء الله ابدعتي ??

  4. يقول Reem:

    حركه جدا جميله ، انا سويتها في اول اسبوع لولدي ،
    الله يسعدك عالطرح

  5. يقول تهاني العايد:

    جددددا جميله الحركه

  6. يقول Golfdan Hanem:

    فكرة جميلة جداا
    تسلمى حبيبتى وتشوفى ادم راجل قد الدنيا
    وربنا يسعدك بيه

  7. يقول أم ديّم:

    مره مبدعه ماشاءالله عليك

  8. يقول Fatimah:

    ياعمري انا والرجل النقوطيه ربي يحميه ويحفظه ، حبيييييت الفكره كثير وتحمست ااسويها ، ماشاءالله عليك جميله جدا

    ????

  9. يقول Roua:

    جميله مره الفكره ..انا حاليا عمري ١٨ سنه وعندي طبعه لرجلي وانا صغيره مره حلو انك تحفظينها لطفلك

  10. يقول Fajr:

    ايش نوع العجين ؟ سمعت ان العجين صعب ياخذ شكل الرجل !
    افيديني ، لانهم عارضينها بأسعار مهوله جداً !!

    • يقول Hanaa Mh:

      اهلاً عزيزتي، انا اخذتها من محل للادوات الفنية بأمريكا، بس لما كنت في السعودية كنت اخذ من جرير ، عندهم عجينة فخار صلصال طبيعي غير اللي تكون موجودة في المكتبات العادية و موجود رصاصي وابيض واحمر ( شخصياً احب الابيض لان تقدرين تلونينه بعدين بالألوان اللي تبينها ) تلقينه في قسم pottery crafts
      وسعره تقريباً ٤٩ ريال والكمية كبيرة جداً
      وبالنسبة لسؤالك الثاني الصلصال الطبيعي كل ما زدتي الماء ازدادت ليونته وصار اسهل في التشكيل

  11. يقول Fajr:

    نسيت اثني على موضوعك ، جاء بوقته الله يسعد روحك ♥️♥️♥️

  12. يقول Raغad:

    جميل جدًا
    والله يحفظ طفلك وتفرحين فيه ?.

  13. يقول Lila:

    حلوه الفكرة مرررره ماشاء الله ?❤️

  14. […] هنا . والآن أعود اليكم لأطرح بعض الأفكار اللطيفة أفكار […]

  15. يقول K??:

    ابداعع ابداع يا مبدعة استمري يا ملهمة❤❤❤.

  16. […] شي يبدا بفكرة . . مقالي الاول للي حاب يطلع عليه تجدونه هنا . والمقال الثاني هنا . . . ——— بالنسبة لمقالي هذي […]

  17. يقول naba:

    سهلة والنتيجة جميلة جدا.

اترك رداً على اصنعي خلفية لركن الحفلات في منزلك بأدوات بسيطة DIY | مدونة أروى إلغاء الرد


أضف تعليق عبر الفيسبوك: