باستا العدس بالخضار ، نباتية وَ خالية من الجلوتين
أهلا يا أصدقاء🌿
خلال فترة التزامي بنظام غذائي خالي من الجلوتين Gluten Free كنت أبحث عن بدائل لباستا القمح ..
وجدت من ضمن خيارات السوبرماركت القريب من منزلي باستا العدس،
مكتوب على الباستا أنها تحتوي على ثلاث مكونات فقط، وهي العدس ، الأرز ، والبازلاء.
اخترت طبخها بالخضار والطماطم بالطريقة التقليدية، ولحسن الحظ كانت تجربة ناجحة ولذيذة جداً بالرغم من سهولتها وسرعة تحضيرها
المقادير
- باستا العدس
- بصل
- فص ثوم
- ٣ طماطم مفرومة
- خضار حسب الرغبة (رغبتي : فلفل رومي ، كوسة ، جزر ، بطاطس)
- ليمون أسود مجفف * اختياري
- ملح (أستخدم ملح الهملايا) وفلفل أسود
الطريقة
في قدر نحمس بصل وثوم
ثم نضيف ٣ طماطم مفرومة ونتركها حتى تتسبك تماما
ثم نضيف الخضار بعد تقطيعها (فلفل رومي وكوسة وجزر وبطاطس)
وبنفس الوقت نضيف باستا العدس مع ملح وفلفل أسود وليمون أسود مجفف
ثم نضيف ماء مغلي يغطي جميع المكونات ونغطي القدر على نار متوسطة حتى تنضج ..
*يرجى مراعاة وقت طبخ الباستا بحسب المكتوب على العلبة مع وقت نضج الخضار حسب حجم تقطيع الخضار ، فلو كان الخضار يأخذ وقت أطول للنضج نتركه ينضج قليلا قبل إضافة الباستا .. في حالتي كانت تحتاج لطبخ ١٥ دقيقة والخضار كذلك بسبب حجم التقطيع فأضفتها بوقت واحد ..
طعم باستا العدس
لذيذة جداً وأعجبت زوجي وطفلتي كذلك..
الطعم قريب من الباستا المعتادة في هذه الوصفة تحديداً لأن الخضار والطماطم طعمها قوي في الطبق ويطغى على نكهة الباستا..
أعتقد ستكون خيار مثالي للسلطات كذلك ..
*هذه الوصفة مناسبة للأطفال من بعد عمر 8 أشهر
أتمنى لكم وجبة دافئة ، صحية وشهية ..
...
تواصلوا معي عبر :
انستغرام وتويتر : arwa_alomrani@
يوتيوب : arwa karu
سناب : arwakaru
اخترت لك:
As an Amazon Associate I earn from qualifying purchases
التعليقات ( 72 ) :
اترك تعليقاً
يجب أنت تكون مسجل الدخول لتضيف تعليقاً.
كم اشتقنالك أروى💖
شكلها مره لذيذة. الله يعطيك العافية. راح اسويها في اقرب وقت😋💖
اروى حبيبتي وينك مختفية زمان عنك لك وحشه مرا ياليت اذا قريتي كلامي تردي 😢💘
أنت صديقاته
شنسوي
أشتقت لك ياأروى
أهلا أروى ،
اشتقنا لك عسى المانع خير يا رب .
وبالنسبه للوصفه حسيت طعمها لذيذ جاري تطبيقها باسرع وقت ان شاء الله ، بالعافيه .
اقتراح مغريّ لازم أجربه😍♥️
شكرًا لك أروى ونفتقدك هالفترة كثيييرًا
حبيت أسألك عن طريقة السالمون المشوي.. هل نزلتيه عالمدونة؟ حابه اسوي طبق هاليومين وناسيه الطريقة بالضبط☹️
Moss you arwa 💔💔
We missed you Arwa , long time no see ..
لك فقده والله اروى عسى غيابك خير وربي يحفظك ويسهل لك امورك😘
ماشاءالله بارك الله بالعافية حبيبتي ..جداً مشتاقين ☺️
ان شاء الله راح يتم تطبيقها .. اتمنى ترجعين للسناب وان شاء الله هالغياب وراه خير
طل القمر
والله افتقدتك وافتقدت طاقتك الإيجابية يا اروى …..يا رب يكون المانع خير
اما النسبة للوصفة فأنا بعمل زيها بالظبط بس مكرونة عادية صغييييرة مع اضافة الكرفس والفاصوليا بطلع شي خراااااافي …..وتسلم ايدك وبانتظارك قريباً ان شاءالله
بالعافية ❤ اشتقنا لك 💔
وحشتينا حبيبتي أروى وينك والله من جد أفتقدناك بس طمنينا عنك عسى المانع خير ♥️♥️
شكلها لذيذه شكرا من القلب اروى حبيبتي 💓 اشتقنا لك كثيييييير 😢
جدا رائعة وسهلة ان شاء الله أجربها
كيفك حبيبتي اشتقت لك بالحيل متى ترجعين لسناب
السلام عليكم اروى،فقدناك كثير عسى المانع خير،اتمنى تكوني انتي وتالا بالف خير 🌹🌹
شكلها شهي يسلموو اروى افتقناك كثير
وين يتواجد هالنوع من المكرونه بالسعوديه اي ماركت
مايجي منك إلا الزين ماشاء الله
لي تجربه بحول الله
أفتقدك كثير ولا أملك إلا الدعاء ❤️
صدقت
افتقدناك يا اروى اتمنى تكوني بخير .
👍🏻👍🏻تسلمي على الوصفه
لاتغيبي كذا اروى. والله نفتقدك مرا😩
افتقدت حسك يا اروى ❤️
اخيراً نزلتي تدوينه فعلاً اشتقنا لك ان شاءالله تكون غيبة خير 💚. وان شاءالله بعد تصيرين تنزلين كل اسبوع 😍💕💕.
اهلاً برجعتك💚
وحشتينا حيل اروى. طمنينا عليك احنا معاك خواتك بالسراء والضراء..
شكلها مشهي جدا
ان شاء الله تتم تجربتها 😍😍
واشتقنالك اروى ان شاء الله تكوني بخير
شكلها لذيييذة يسلمو أروى ..
ننتظر تدوينات جديدة ^_^
ما شاء الله واضح كمية اللذاذه وصحية كذلك 😍❤️وفقدناك يا جميلة ،، وترا ننتظر بكل شوق تقريرك عن المالديف مره متحمسه له ✨💛
ياهلا بأم تالا
وحشتينا يالغلا😘😘😘
افتقدناك جددددا يااروى السناب من دونك ماله طعم للاسف 💔 الله يردك ردًا جميلا ويفرج همك ويسعد هالقلب الطيب قد مااسعدنا واكثر يارب💞
اكثر شي يقهر مره في السوشل ميديا: انه لما تحب شخص وتتعلق فيه.. تعزه كأنه من اهلك ..تتكلم عنه كأنه صاحبك..تدعي له كل مادعيت لنفسك ..تشيل همه وتزعل من زعله وتخاف عليه ..فجاة قرر ينقطع عن الظهور في السوشل ميديا لاسبابه الخاصة ..تنتظر بوستات على الانستقرام ..تحدث السناب لعلى وعسى ..تدور تغريدات ..تتسأل ايش صار وليش صار..فجأة تتذكر انك متابع واحد من بين الآلاف المتابعين ..هنا خيبة أمل تكسرت خاطر 💔😢
احيانا السوشال ميديا وبا اناي تحبينها وانا احبها بس فيه ناس يتصيدون بالماء العكر غيابها احس افضل لها ولبنتها وزوجها والله يفرج همها ومن يعز عليها ويحفظ لها حبابيها
اعتقد التدوينة ناقصة بالعادة تكتبين بشكل مفصل يعني مثلاً ايش هو الجلوتين وايش هي أضراره وكم صار لك يوم مستمره على النظام وهكذا .. لكن طبعاً مو مشكله اهم شيء انك طليتي علينا😭💗
شكراً على هالتدوينة اللي تشهي ماشفتي شكثر صرت أتأمل الصورة وأتخيل الطعم 🤤❤️.. أروى كوني بخير 💗
اروى ليش الناس تبعد عن الجلوتين ايش السبب اتكلم غير عن الي عندهم حساسية ابي اعرف السبب
أهلًا أروى…
اشتقنا لك ولتدويناتك💖
الشكل مغري جدًا قريب ان شاء الله بطبقها😍😋
وحشتينااا والله وين مختفيه اروى يارب تكونين بأفضل حال انتي وكل من يعز عليك 😢💕💕💕💕
طمنينا عنك💔
والطبق راح اسويه ب اقرب وقت ان شاءالله حسيته لذيذ
يارب يسعدك ويفرج همك اشتقنا لك ولإبداعاتك
أحببك
اشتقنااااااااا لك ياااا اروى انا احبك مررره 💖💖💖💖💖💖💖💖💖
ياحي الله اروى💕 افتقدناك واشتقنا لك وادعي الله تكونين بخير بصحة وسعادة، 🌷
وصفة مشهية وان شاء الله ناكلها مشتهينها ومو مضطرين لها واياكم 💖
الله يسعدك يا اروى 💐
اشتقنا لك ولي سناباتك 😢 ان شاء الله تكونين بخير احبك❤❤
وحشتينا يا أروى .. ❤️
اشتقت لج ولسناباتج يا أروى 😭💙
ياهلا ومرحبا ماتتخيلين قد ايش افتقدناكِ والله العظيم لك مكانه خاصه ،، ننتظر رجعتك للسناب ،، الله يكتبلك كل خير ويبعد عنك كل شر ، لك منا الحب والدعاء 💕💕
اشتقنا لك يا أروى ولمواضيعك الشيقة واللطيفة …
وينك يا اروى طال غيابك😢
بس المكرونة شكلها خطييييرة 🔥بجربها✨
اشتقنا لك بالسناب كثييييير لأجوائك الحلوه و ابداعاتك و تصويرك و روئانك أرجو ان تكوني بخير و صحة و سعاده
لذيذه😋
اشتقنالك كثير أروى ، أنتِ و منشوراتك الرائعة ♥
تشششهي يسلموو ايديك💖💖
ياقلبي عليك لايكون اصبت بحساسية القمح 💔💔💔 الله يفرج همك و يسعد قلبك باخبار تسر خاطرك انتبهي لنفسك وصحتك راس مالك دعواتنا وقلوبنا معك والله لك وحشه
مكانك خالي محدن ملاه
اشتقناااجدًا أروى 😢💔 باستا العدس لذييذةً جدًا عن تجربة👌🏻
فقدتك بالسناب مره كنت ما افووت سنابك اختفيتي فجاءه 💜💜عسى المانع خير يارب 😭 ان شاء الله ترجعيين لنا بمفأجات حلوه 😘
الله ييسر امرك ويفرج همك
اهلين اروى ❤️ فاقدتك وفاقده اطلالتك الجميله بسنابي وروحك الحلوه وكل شي فيك ، الله يردك لنا وانتي باحسن حال لان من جد غيابك خساره عظيمه لسنابي✨
جميلة 👌🏻💘متشويقين جداً لتدويناتك الجديدة
السلام عليكم 🍃
أروى كيفك طمنينا عنك؟ إشتقتلك والله ياليت ترجعين للسناب لكِ فقدة مرره ..
فاقدينك
سناب وهنا
فاقدينك ي اروى كثيييير 💔💔
أروى كنت بالنسبة لي مصدر الهامي كنت انت الشخص الي استمد منه طاقة ايجابيه وحب وفرح
لكن الله يوفقك ويفرج همكم ومابعد الضيق الا الفرج
قال تعالى ( إن مع العسر يسرا )
الله يسعدك اكثر من ما اسعدتينا
ويفرحك اكثر من ما نشرتي الفرح بينا
الله يحفظك واستودعتك الله ربي حافظ الودائع
ولا يوريك مكروه انت ومن تحبين يارب العالمين
ويجمعنا بك في الفردوس الاعلى ياكريم
رائع جدددددا
فقدتك اروى والله انتِ اجمل شي بالسوشل ميديا, عسى ربي يردك إلينا ردٌا جميلًا 💔
اروى اشتقنالك :(، متى بترجعين لنا ؟
يارب تكوني بخير..♥️
نبي مدونه عن فطور صحي و سهل للدوام 💛❤️
شكلها يمي جاري التطبيق سلمتِ لنا ولااحبابك❤
هلا بعودتك يا بنتي يا أروى يا حبيبتي❤️
لذيذة بالمرة
اكل كل شي