حفظ النعمه : اعادة تدوير الخبز بجميع انواعه , توست , صامولي …~
السلام عليكم ورحمة الله وبركاته
مرحبا بأروى و أصدقائها في هذه التدوينه
مشاركتي بهذه التدوينه هي اولا حفظ للنعمه و ثانيا توعيه بسيطه عن الخبز لاغلب الناس اللي انا كنت منهم , بالعاده بقايا الخبز مصيرها تتعفن او تتعلق على صندوق المهملات * يكرم القارئ * , بالمقابل احنا نستهلك كميه وفيره من الخبز بأنواعه , ف اليوم قررت اشارككم بكيفية اعادة تدويرها بطريقه جدا بسيطه وممكن تحفظينها لوقت طويل شوي ~
ببدأ بطريقة الاستفاده من اقراص الخبز *بجميع انواعها*
عندك طريقه اللي هي تقطعينها لقطع صغيره وترشين عليها بهارات او خليها كذا وتقلينها بالزيت او تمسحينها بزيت وتدخلينها الفرن تتحمر 8 دقائق تقريبا
بعدها بتصير مقرمشه وهنا عندك حرية الاختيار ممكن تطحنينها وتخلينها بقسماط , او تخلينها على سلطة الفتوش , او تضيفين عليها سكر بودره وتاكلينها ك سناك ,واذا مو من محبين الحلو ممكن تضيفينها مع الزبادي
الطريقه الثانيه هي اصابع التوست ?
قطعتها ورشيت عليها زيت زيتون وحمصتها ع النار
لذيذه مع اي صوص وكثير يحبونها الاطفال ?
اخيرا طريقة الصامولي
قطعته حلقات ومسحتها بمايونيز ورشة بهارات التوابل و ع الفرن
لذيييذه مع الشاهي خصوصا بالصباح ?
بكذا انتهت تدوينتي اتمنى استفتدتو منها , اشوفكم بتدوينات قادمه ?
مدونتي : http://fmgirls9.blogspot.com
انستقرام : https://instagram.com/fmgirls/
وشكرا ~ مدونة FM
اخترت لك:
As an Amazon Associate I earn from qualifying purchases
التعليقات ( 17 ) :
اترك تعليقاً
يجب أنت تكون مسجل الدخول لتضيف تعليقاً.
حبييت التدوينة وجد مرره استفدت من اليوم ورايح بطبقها 🤦🏻♀️💕 واشتقنا لك 💁🏻.
حبيت الفكره الله يحزاك خير
شكراً لك
أفادتني التدوينة
شكرًا جزيلًا! ❤️
حبيييييييتتتت ما شاء الله الافكاار جبارهه الله يجعله بموازيين حسناتكك
الله يجزاك خير فرحت كثير لان والله الخبز الاغلب يعفن وحنا لسى مافتحناه 🙁
يمي اشتهيت القراميش مع زبادي 😍
جزاك الله خير ياعسل من جد كثرت النعمه اللهم لك الحمد والناس مو حاسين بالإسراف وناس كثير ترمي النعمه الله يهدينا وياهم ويديمها علينا وعليكم يارب العالمين
الله يجزاك مرره مفيده التدوينه
ماشاءالله فكره حللوه حبيبت الفكره جزاك الله خير 💜💜💜💜
ماشاء الله عليك صدق شي جميل .. نفس امي الله يطول بعمرها مو بس اعاده تدوير للخبز و بس ! لكل الاكل ماشاء الله و ينوكل 😂♥️
مرررره جميل ان شاء الله بجربها وجزاك الله خير
جزاك الله خير موضوع مميز ..دائما كل فاطمه مبدعه وعندها لمسه فنيه في كل شيء ..🍬💕
او ممكن نحط بدل المايونيز،،جبن سايل او موزاريلا مع زعتر😋💜💜،.
حلوه الفكره طعمهه مرره يجنن استمري الله يسعدك ❤️❤️❤️😍
شكرًا على الفكرة الجميلة والمساهِمة لحفظ النعمة
جزيتي خيراً حبيبتي
جعله الله في ميزان حسناتك 🌹
مشاء الله اشتهيته لذيذ