كيف تحول قطعة عديمة الفائدة إلى فائدة أنيقة؟
السلام عليكم و رحمة الله وبركاته
أسعد الله أوقاتكم بالخير أصدقاء أروى الجميلة ()
أول تدوينة لي و بإذن الله تكون مفيدة و ممتعة للجميع. شكرًا أروى الملهمة دائمًا و أبدًا على إتاحة الفرصة لمشاركة الجمال مع الآخرين ?.
موضوعي اليوم بسيط وخفيف و سريع و أدواته متوفرة حولنا ?.
عمل منظّم لعلب المطبخ بما أن علبي ما أعجبني شكلهم كذا بدون منظم ?.
في البداية شوفوا الصورة هذي!
ايوا كرتون تمر من شفته و حبه واقع في قلبي ?. حجمه حيل عاجبني و ملهم ع طول جت ببالي فكرة المنظم وانتظر متى يخلص التمر و آخذه?.
سلتي المنقذة و أدواتي البسيطة.
احتجت لـ :
- كرتون فاضي
- شرائط خيش
- تغليف ورق بني ( أنا أخذته من بقايا شحنات أمازون حبيب الكُل?) الي بأمريكا فيه بمحلات أبو دولار ?. واظن الحين صار متوفر بسهولة حتى بالسعودية و مب شرط تستخدمين هالنوع اطلقي العنان لأفكارك ببدائل حلوة.
- ورد و اشياء ناعمة تكسر اللون البني
- صمغ مسدس
- ورق مزخرف للتغطية الداخلية
وهنا بعد ما غلفت الكرتون بشكل عشوائي، و حبيت التغليف يكون كذا شكله معفّط شوي ??.
ثبّت الأطراف بس بالصمغ يعني ما يحتاج دقة و شغل احترافي 🙂
تشوفون هنا قاعدة الكرتون وسخة بعد التمر و شكلها ماش ?.
فجهزت الأوراق المزخرفة عشان التغطية.
عندي منها خيارات كثير، وبصراحة هالنوع جميل ومنقذ و استخداماته كثير. أخذته من محلات Michael craft . وأذكر سعر الحبة أقل من دولار.
شكل كرتونّا اللطيف بعد ما تمت التغطية ?.
حُب عظيم لخيوط الخيش ?.
بلفه حول الكرتون بشكل بسيط.
كذا يصير شكله :
الحين جاء دور الألوان الي تعطي حياة ?.
احترت بأشكال كثير :
اللافندر عاجبني و قررت أستخدمه بس بقصه شوي لأنه طويل
بس قبل قلت بجرب آوراق خضراء لحالها :
وهذي النتيجة :
جميل جميل مره حبيته ?.
و هنا باللافندر الصناعي :
بصراحة حبيت النتيجتين بس قررت أعتمد اللافندر لأني حسيت بإنتماء أكثر ?.
وهنا علبنا الحلوة مبسوطة ببيتها الجديد ?:
بس طبعًا مكانهم بالمطبخ، بس المطبخ إضاءته ما تعجبني ?.
لكن بوريكم شكله قبل و بعد بالمطبخ :
قبل ?.
بعد ??.
وهنا قاعدة الكرتون، مره أعطت لمسة حلوة حتى لو شلتي العلب بتستخدمينهم يظل الشكل مرتب:
الحمد لله انبسطت بالشكل و اعطى روح جديدة لطاولة المطبخ ?.
و الأحسن من كذا انه شيء من شغلي، شعور حلو ?.
المنظّم له استخدامات كثير حسب حاجتكم، ممكن في الحمام -تكرمون- أو المكتب و ممكن حتى ع التسريحة ينظم العطورات و الكريمات.
و بس خلصنا شغل ?.
أتمنى انبسطتوا و استفدتوا ()
شكرًا مره ثانية لصاحبة اللُّطف الدائم أروى ?.
أختكم : أطلال ?.
و هذا حسابي في الإنستقرام لمزيد من الأعمال البسيطة و أشياء أخرى جميلة ?.
instagram : @third_world93
?
اخترت لك:
As an Amazon Associate I earn from qualifying purchases
التعليقات ( 21 ) :
اترك تعليقاً
يجب أنت تكون مسجل الدخول لتضيف تعليقاً.
حبيت
شكرًا ?
اخت اطلال حبيت الفكرة مره ..بسيطة وحلوه واعجبوني العلب مره من وين؟
الله يسعدك يارب، من محلات Dillard’s ( أمريكا).
موضوع خفيف لطيف ، قعدت اتلفت يمين شمال ادور شي اعيد له حياته >.< ..
هههههههههه اي والله يا كثر الأشياء حولنا تحتاج حياة?.
فكرة أنيقة تسلم إيدك ?
الله يسلمك يارب?
حبيت الفكرة و خصوصاا انه المنظمات تحل مشاكل كثيرة بالاضافة لشكلها الجميل
اي والله تضيف لمسة حلوة و تعطي انطباع ان المكان مرتب?
فكره بطله وتصوير اتعب وأقول لطيف وجميل ..
مراا جميله غيرت الشكل ١٨٠ درجه عن قبل ???????
جميل ماشاءالله، شغل اليد ممتع ويترك لمسة صاحبه?
حبييييييت ماشالله?
عمل بسيط ولطيف شكرا ام طلال ?
يااه مرة حلو????
[…] صديقتكم أطلال سبق و نزلت تدوينة هنا : ” كيف تحول قطعة عديمة الفائدة إلى فائدة أنيقة “، و لعل هذا المكان المبارك صار يحمس للأفكار […]
ما شاء الله مررره جميل ?احبك و احب اعمل زيك في كل شي ??
ماشاء الله حبيييت??
حبيت اسمك اول شيء ??
وحبيت الفكره البسيطه المٌفعمه بالجمال ?❤️ سلمت أناملك
مبدعه صراحة اهنيك ماشاءالله??❤️❤️