غرفة جديدة !
السلام عليكم ورحمة الله وبركاته
كيف نكتب مقدمات ؟ نسيت والله هههههههه
اول شي شكراً لأروى لأنها فتحت لنا هالزاويه الجميله بمدونتها ?
احترت كثييييير وين احط صوري فشفت انه انسب واجمل مكان مدونة أروى ?
قررت اجدد غرفتي، ولي يمكن سنة ونص ؟ او سنتين ؟ اخطط وافكر ! وكل مره يتغير تفكيري بشي
بالاول كنت مفكره افصل، واخذت قياسات كل شي كل شي، ورحت للنجار وشرحت له بالمتر من الحماس
بس ماربي كتب افصل بوقتها وانشغلت بامور ثانيه وتأجل الموضوع شوي
وكان ببالي يكون اثاث الغرفه ابيض، وسبحان الله كل تأخيره فيها خيره ?
نبدأ بسم الله
بستعرض لكم صور غرفتي القديمه -طبعاً كانت عندي من يوم كنت برابع/خامس ابتدائي-
وانا الحين بالجامعه يعني لها ١٠ سنين فلذلك هي طفوليه شوي
وهذا الي خلاني مره ابي اغيرها بس كنت اقول حرام يعني اثاثها ماخرب
وبعد مده يعني صبغت جدار مخطط فحسيت بالتجديد ومشيتها
هنا كانت آخر زاويه للسرير – انا راعية تغيير ترتيب الاثاث بين فتره وفتره-
زوايا مُفضله ?
كنت احب استخدم البورد حقي كخلفيه للتصوير ??
كانت هذي الصورة بعد يوم التنظيف والروقان ?
يتضح لكم اني مرررررره كنت احب المخطط واستخدمه كخلفيه للتصوير كثيييير ????
هذي كان ترتيب الغرفه الي قبل الاخير
وداع الغرفه ?
جزء صغير مني كان بيشتاق لها وحزين شوي، بس الاكبر الفرحة للأمانه ?
والآآآآآآآآآآآآن نبدأ تحضيرات الغرفة الجديدة !!!!
استخدمت موقع Polyvore
فكرته جداً سهله، يجمع لك الاثاث/الملابس الي تبغين بصورة وحدة
لكن مو كل قطعه واي شي موجود بالموقع، بس برضو فيه حل ! الي هو ؟
اضافة بمتصفح قوقل كروم اسمها Polyvore Clipper
ساعدتني كثير
بحيث اروح لرابط القطعه الي ابيها واضغط عالايقونة وتظهر لي الصور الموجودة بالصفحه كلها واضيفها
واذا رحت للموقع الاساسي Polyvore لقيتها
وبكذا اروح لأي قطعه (اثاث/اكسسوار…) اي شي واضيف الي ابي عن طريق الاضافة
والموقع فعلاً ساعدني لأني كنت محتاره بكذا محل !
+ انا انسانه مره تكره الاثاث الطقم الطقم الي ملياااااانه اشكاله عندنا 🙁 !
احب التجميع بس التجميع المرتب الي مو شاذ وكل شي ماشي مع بعضه بشكل حلو
لذلك فعلاً ساعدني
فقعدت اجمع كم صوره واوري صديقاتي ايش احلى ورتب افكاري كثير
يوم جمعت افكاري منه
رحت شيكت عالمحل الي قررت اشتري اغلب الاثاث منه West Elm
وقعدت اتأكد من الألوان قدام عيني لين تطمنت وتوكلت على الله وشريت
وكان ببالي القطعه حقت الكتب مره ابيها بس للأسف مخلصه 🙁
الحين انتهينا من السرير / التسريحه / الكومدينه / المكتب (لحاله من Pottery Barn )
باقي دولاب الملابس، وكل المحلين ماكانو يبيعون فلذلك احترت من وين اخذه بحيث يكون ماشي مع الاثاث
مو مختلف كثير، وقع الاختيار على …
ايكيا ! لقيت عندهم دولاب واحد نااااسبني جداً وناسب الاثاث !
رتبت الدولاب من الداخل بالموقع بس عيا يكمل معاي وعلق 🙁
واضطريت اروح واعيده من جديد مع موظفه داخل ايكيا
بس اني خلاص حفظت الترتيب فبسرعه خلصت
المكتب كنت ابغى له قطعه مثل هذي
قعدت ادور بالرياض وين تنباع ؟ قلت اكيد عند لوازم المحلات وهالاشياء
ولقيتها بالصناعيه، فصلتها على الطول والعرض الي يناسبوني بس ماقدرت اختار اللون :/ بس اسود او ابيض
بس ماعجبني لونها :/ الابيض المخضر هذاك حق المعدن :/ والاسود مافكرت فيه وقتها ماعرف ليش
مره ماعجبني يوم جاني فصبغته ذهبي
وكنت احتاج مرايا للتسريحه،كنت مره ابي بيضاويه، درت كثير كثير مالقيت مرايا تعجبني !
+ مره مبالغين باسعار المرايات، وقلت خلاص باخذ جاهزه سااااده ومافيه الا مسطيلات او مربعات
بس اخر قرار صار اني فصلتها الحمدلله زي ما ابي …
الان يوم خلصت من شراء الاثاث ولوازمهم الاساسيه !
لازم اصبغ قبل لايوصلون لي الاثاث
وقع الاختيار على … 573 جدار واحد، والباقي اوف وايت
امي مره قالت لاااا بتندمين اللون غامق ! ماينفع بيضيق عليك الغرفه
وكمان بعض صديقاتي نفس الشي قالو عالاقل حطي 5041 افتح شوي
وانا عجزت مره ابي اللون وتوكلت على الله وثبتت على كلامي و صبغته
تراااااااا
صورة ???
والآآآآآآآآآآآن ……
واخيراً انتهت الغرفه بالكامل الحمدلله ??????
تعبت فيها كثير TT____TT ???
يله سمّو بالله وادخلو من الباب ??
البلونات ترحب بكم -كانت باقيه من حفلة تخرج صديقتي- ?
الاباجورة من ايكيا، القطع المثلثه الي فيها النباتات من موقع Umbra
وموجودة اغلب بضاعتهم بامازون ويوصلون مباشر للسعودية بدون بريد امريكي ?
التسريحة وتفاصيلها ✨?
-المرايا الصغيره عندنا من زمان واستخدمها للعطور-
والاشياء الباقيه “القطعه حقت الاكسسوارات + حقت الفُرشه”من موقع Umbra ، وزي ماقلت يعرض اغلب قطعه بامازون
حقت عود الاذان من امازون كمان، علبة الشموع Home Sweet Home من Nice
ياخي اضاءة الشمس ياخي ?☹️
“الستاره من ايكيا” وللحين ادور حل للشمس كيف اغطيها
مابغى بلاك اوت، وشباك الشتر حلو بس يغلونه علي عشاني شباك واحد 🙁
الي عندها حل تعطيني اياه بكون شاكره ??
الدولاب من ايكيا
الحمدلله نتيجة المكتب مرررره ارضتني ?????
الرفوف السوداء من ساكو
الغرفة بالظلام
صور بانوراميه
الغرفة محبوبة حتى بالظلام ???
والحمدلله تممممممت ?????
شكراً شهد?????
شكراً ندو ?????
شكراً هيفاء ?????
مدري وش كنت بسوي لو ماساعدوني، كل شوي انط لوحدة
شرايك بكذا ؟ طيب كذا مع كذا ؟؟؟ شكراً كثيييير ???
وشكراً لكل من ساعدني ?
واخيراً لأي استفسارات : اسئليني
ايضاً تجدوني في :
اخترت لك:
As an Amazon Associate I earn from qualifying purchases
التعليقات ( 102 ) :
اترك تعليقاً
يجب أنت تكون مسجل الدخول لتضيف تعليقاً.
تعبك كان له نتيجة مرررضضيييه !!?
اختيار الالوان وتنسيقها دافىء جداً وفقتي فيها ، اكثر شي حبيته لون الجدار والتسريحة مع المرايا يالله كمية ذوق !:)
بخصوص الشبك او مدري شيسمونه>.< ، انا شريتها من مدينة الرياض بحياة مول الدور الثاني المحل الصيني فيه ابيض وبني بالاحجام ومعاها السلال وكمالياتها ولكن الى الان ماركبتها صراحة محتارة ههههه!!
غرفة مباركة ") ..
شكراً جزيلاً <3
ايوه قالو لي تلقينها بدايسو والمحل الصيني بس رحت ولا لقيتهم وقتها
ليييش ؟ حسافه جميله عاد
الله يبارك فيك <3
جميلة غرفتك تتهنين فيها يارب
سؤال بسيط دامك جربتي شغل النجارين
هل تحسين شغلهم حلو وتنصحين فيهم ؟
واذا ايه عطينا ارقامهم ووصفي لنا مكانهم الله يرضى عليك
لان خاطري بنجار بس ما اعرف واحد شغله زين واخاف أطيح بواحد يروع
ماجربت نجارين :$ !
كنت مفكره اجرب مره، وحالياً افكر اسوي عندهم عشان طاولة للسرير
ويمدحون دائماً صفة النجارين الي بمخرج ١١
والله ييسر لك يارب
ما شاء الله .. الف مبروووك غرفتك الجميلة ? تستعمليها بالصحة و العافية ..❤
الله يبارك فيك وآمين يارب <3
شكككرا كثير عالافكار الحلوه والبرنامج تبع التنسيق مره بططل???حبيت الفاينل
العفو <3
ما شاء الله ?
الغرفه تهبل و جميله ، الصراحه توقعت اللون الغامق راح يخلي الغرفه كئيبه لكن متناسق جدا مع الاثاث الخشبي ?
أحسنتِ الأختيار ?
تسلم يديك ?
حبيلك شكراً <3
ايوه كثير قالو بيصير غامق بس الحمدلله طلعت النتيجة حلوه <3
ما شاء الله النتيجة جدا جدا رائعة!
تعبك في اختيار التفاصيل واضح ?
كان اختيارك للخشب في الأثاث مع الأبيض جميل وممتاز، كسر اللون الأبيض المعتاد،
أكثر زاوية أعجبتني المكتب وإكسسوراته الأنيقة والقطعة اللي صبغتيها ??
(احرصي ما تعلقين عليها صور لأن الملائكة لا تدخل بيتا فيه كلب ولا صورة ?)
والله يبارك لك فيها بشرى ?
شكراً جزيلاً <3
ان شاءالله
امين الله يسعدك
حبيت التغيير الجذري يجنن تبارك الرحمن
والفرق الشاسع بين الغرفتين يوضح كيف أنتِ كبرتِ وتغيرتِ وهذي أحب لحظة تأمل بالنسبة لي عند تغيير الغرف
الله يبارك لك فيها ويهنيك ويجعلها خير عليك، ويطعمك خيرها ويكفيك شرها.
?????
اللهم امين ?
ماهذه اللطافه ؟؟؟جميييييللل مره تتهني فيها وقعت بغرام الغرفه ..
ماشاءالله
شكراً ! ??
تبارك الرحمن..استمتعت جددا بالمشاهدة والقراءة
ذوق وجميلة، واضافة النباتات اعطتها اناااقة اللهم بارك ??
اختيار موفق! والاجمل انك موفرة لنا موقع كل قطعه او مكانها ??
تتهنين بالغرفة الجديدة يارب.. ??
اللهم امين
شكراً جزيلاً لكلامك اللطيف ?
فنانة ماشاءالله مرة انبهر باللي يقلبون الغرف كذا 180 درجة ??? الله يبارك لك فيها??
شكراً الله يسعدك ?
حبيت الاثاث جدا والترتيب ..اختياراتك جميلة..موفقه حبيبتي
شكراً لك ???
ماشاء الله تجننن حبيت النباتات مع لون الجدار
والمكتب يصيح ماشاء الله .. عاد انا من النوع الي يقدر المكتب مره XD
اختيار موفق ..
بس ياخي مرايه التسريحه احس فيه شي مدري ايش .. فكرتي ترفعينها شووي ؟ او عشان حجمها كبير ! مدري احس فيه شي – ـ –
مع لون الجدار اتوقع لو كم مرايه مع بعض بشكل معين .. مثلا ع شكل سداسي الي زي خليه النحل ثلاث مثلا باحجام مختلفه بتطلع حلوة
عاد ماعليك مني الواحد يسوي الي يريحه ههههههه
شكراً لكلامك اللطيف <3
هههههههههههههههه الا هي نازله كانت لسى مابعد تركبت بالجدار، والحين ركبتها خلاص <3
ما شاء الله الغرفة تجنن تجننن ?❤️❤️❤️❤️
ماشاء الله تغيير جميل ?
كنت متخوفه من اللون بس اضافاتك له ماشاء الله حلوه
الشمس ليش تغطيتها خليها اتمنى بيت كله قزاز?
موفقه يارب
مابي اغطيها بشكل يعني دائم !
بس مزعج النور يعني وقت ما اكون سهرانه وما انام الا متأخر / او في وقت القيلوله 🙁
فابغى حل يكون بالوسط، بحيث مايغطيها بشكل دائم واحس مافيه غير شباك الشتر يناسبني بس ماجزمت عليه
شكراً <3
ماشاء الله تبارك الله .. جميل جداً وجهد واضح وشغل مرتب وذووووق بسم الله عليك
الله يعطيك العافيه و يحفظك الاختيارات كانت جداً جميله و الأفضل انك غيرتي عن اللون الأبيض المعتاد في اغلب غرف النوم
حبيت المكتب كثير مساحه للإلهام جباره ..
بالتوفيق لك عزيزتي
اللهم امين
شكراً لكلامك اللطيف ?
جدددااا جميييلة والتفاصيل خرافية???
إختيار موفق???
ماشاء الله تبارك الرحمن تغيير جذري وجميل وفقتي في اختياراتك
كإقتراح للستارة ممكن تحطين تحت الستارة الأساسية الستاير الرول خذي لون اوف وايت وتكون سادة تجيك ثقيلة وتعزل ضوء الشمس وبنفس الوقت ما تخرب شكل الستارة الأساسية
بلاك اوت
ماودي فيها قد جربتها ومادري ماش
شكراً لك ?
ماشاءالله الغرفة جميلة وتفتح النفس التناسق الخشبي مع النباتات ولون الجدار اعطى حياة والمكتب مره بطل وجامد اعجبني مره وعندي لك اقتراح الرف الاسود اللي عليه برج ايفيل اقترح تضعين تحته تلقيات بلون ابيض وتعلقين عليها كوبك المفضل او مفاتيح غرفتك او مفاتيح مكتبك او اي شيء بتعبي الفراغ وبتعطي شكل جمالي اكثر 3>
جممممميل اقتراحك $_$
ان شاءالله بطبقه ?
شكراً ????
جميله ما شاء الله ??
حبيت كثير التغيير ❤
باأختصار ألهمتيني الله يسعدك
وياك ????
مره جميلة ما شاءالله وأكثر شي حبيته هو المكتب وطريقة تنظيمه ???
جميله جداً بذات المكتب مره مره عجبني تبارك الرحمن ?.. Good job ??
Thank you! ?
ماشاءالله تبارك الرحمن جدداًًً جميله ?? ذووقك روعه ماشاءالله فخمه وبسيطه بنفس الوقت يالله ماشاءالله
غرت منك ابي زي غرفتك ? انا برضو ترني اغير غرفتي من سنين طويلة والنتيجة فعلاً مرضية لي لكن في حاجة تحسفت عليها هو اني ماجازفت بالالوان مررررره عجبني لون الجدار اعطى فخامة للمكان وعباه رغم ان الغرفة مافيها كثير حوسة لكن اعطى حجم لها
غرفه حااااالمة بالفعل حبيييييت ?
شكراً لكلامك اللطيف ?
مبدعه ما شاء الله .. اللوح اللي فصلتيه بكم احس لو سويتيه بنفسك أحسن مستعينه بجزء من منشره
ماكان غالي
رحت لمحلات تجهيز المحلات الي بمخرج ١٧
ماشاءالله فكررررره رائعه والترتييييب جميل??.
حبييييت التغيير ماشاء الله اللهم بارك ، خاصة المكتب ?
ابدعتي ماشالله
حبيت ستايل الغرفه مرره ?♥️
حبيت ستايل العرفه كثيير ?♥️
جمييييل جداً ❤❤
حبيت فكرة الحديد مدري ‘الشبك’ ? اللي بالمكتب رايييع رااييييع مره ???❤️❤️❤️
حبيت لونه كذهبي ولونه ك أبيض برضو حلووو ??
تتهنّي
شغل جميل صرااااحه ????????
الصور مو راضيه تفتح ليه?
حدثي الصفحه ?
حبيت ❤ تتهني يارب ❤
ماشاءالله ابدععتتتي جدا ، حبيييييتها ??? الستاره انصحك بستاير هوم سنتر اسعارها رخيصه وماتدخل الشمس
ابغى شي غير البلاك اوت 🙁
شكراً لك ?
ماشاءالله تبارك الله تجنننن $____$ تتهني فيها فعلاً تستاهل التعب✨?،انا ادمية ضد الالوان الغامقة بالبوية بس غيرتِ تفكيري ماشاءالله عليك?✨
الحمدلله ??
مره نايس والصبغه معطيه جمال للغرفه ابدعتي?
تهبل ماشاء الله??????
مشاء الله عليك مرة ذوق
وانا قريب راح ارتب غرفتيوانشاء الله آخذ أفكار منها????
انجاز ماشاءالله.. اتغيرت الغرفه مره ..تتهني فيها ??
احس لو تحطين المرايه بالطول تطلع بطله??
وبس ي قلبي الغرفه خياال ماشاءالله ربي يبارك لك فيها?
ماعرف بس مافكرت احطها بالطول ابداً
شكراً لك ?
احس لو تحطين المرايه بالطول تطلع بطله??
وبس الغرفه خيااال ربي يبارك لك فيها?
الله الله تجججججننن ودي تكون غرفتي كذا :”(
حلوو بس لو تعلقين المرايه بيكون أجمل
علقتها ?
صراحة اختيارك للأثاث مميز فعلاً غير عن الي اعتدناه..
والمكتب مرررره رايق تتهنين فيه?❤
الي لفت انتباهي المرايه حسيتها نازله شوي.. لكن كشكل تجنن?
علقتها ?
شكراً لك ?
حبييييتتتت صارت مرا جميلةة
ماشاءالله تبارك الله ..
حبييييت التغيير الجذري والروح الهادئة اللي صارت بالغرفة
صارت الغرفة أشبه بالجو الريفي المودرن ..
موفقة في اختياراتك “اقول عنها ولااا غلطة” بسم الله عليك
واخيراً احد مثلي يبي يصبغ الجدار لون غامق .. ?
اختيارك للون هذا اقنعني اعيد النظر في لون غرفتي??
الله يسعدك .. وغرفة مباركة ??
شكراً لكلامك اللطييييف ?????
ماشاءالله تبارك الله الغرفه تححححفه ?. افكارجميييله. الله يبارك لك يارب في ماوهبك. ?
ماشاءالللههه ابدعتتييي فالبدايه انصدمت من اللون وانتي تختاريه بس لمن شفت النتيجه حبييييتت الف مبررك حبيبتي تتهنين فيها يارب?????حبيت المكتب من فين؟
بوتري بارن ??
ماقصرتي ، بس لون الجدار غامق فعلاً ، لو اخذتي الوان ترابيه الى زيتيه كان طلع جميل ، عموماً حتى لونك كان دافي وحلو ، واهم شي ذوقك انتي لان بالاخير هي مملكتك الصغيره ، المكتب يصيييح من الجمال ?♥️♥️♥️♥️~ ودي يصير عندي مكتب لاكن للاسف ماضنتي و انا ربك بيت ??~
??
ليش لا ؟ حسافه
حبيييتتت لون الصبغ مرره رااييق مع اللون الذهبي وخضار النبات والخشب البني مرره كان اختيارك للالوان موفق
ما طلعت لي الصور الاخيره لييه?؟
ثلاث ارباع الصور مافتحت معايا ?☹️
مثلي بالضبط ما فتح معي كثيييير ?
صراحه طلعت مره تجنن ذوقك حلو
عاجزة كيف اوصف جمال الغرفة ماشاء الله تباااارك الله من جد فنانة وذووووق
ماشاء الله ذوقك باختيار القطع ?? صح تعبتي لكن النتيجه كانت جددداً جميله الله يهنيك فيها ويبارك لك ❤️❤️
مشااااء الله مره مره كيوت ??☹️
ممكن كيف احدث الصفحه ?؟؟!
الحدايد اللي كانه شبكه في مكتبك كيف نعلقين الاشياء عليها؟ ووش تسمى هالقطعة؟
مره حلوه الغرفه جدا رايقه اهنيك ?? بخصوص الشباك ضلليها بتضليل السيارة من جوا الغرفه بتبعد اضاءه الشمس اذا ماتبينها مره مره تقدري تقصي ورق مقوى وتثبتيها على زجاج الشباك بحيث مايصير واضح مره ❤️ حبيت اعطي رأي وان شاءالله يعجبك ?
ماشاء الله تبارك الله انقلبت ١٨٠ درجة ?
حبيت حبيت جميع التفاصيل و كيف ماشاء الله خططتي و نستقي صراحة ابدعتي
و حببتيني باللون ” الكوحلي” ان شاء الله اذا بغير غرفتي بعتمده
الله يعطيكُ خيرها و يكفيكِ شرها يارب ????.
جميل جداً❤️❤️❤️❤️❤️❤️ ربي يسعدك ويهنيك
ماشاء الله حبييت التغيير جدًا ?✨ من وجهه نظري الغرفه الجديده احلى حييل من الغرفه القديمه ????
ماشاء الله التغير كان جذري?? بس اذا ممكن حبيت اسألك وين اقدر القى مثل البورد الاول حقك؟
نفس طلاء غرفتي?الغرفه تجنن واعجبني مكنبك كثير ماشاء الله ?
اهنيييييك ماشاء الله تبارك الله ع هالتغيير التسريحة جميلة وفكرة المرايا اجمل والمكتب يجننننن ماشاء الله وبخصوص سؤالك عن تغطية الشمس بساكو فيه عوازل للشمس يمكن تعجبك .
جمال ماشاءالله حبيت التغيير والمكتب اكثر شي اعجبني???? بخصوص اضاءة الشمس حطي ستاير الظل المطويه جميله مره ابحثي عنها?
بيشو ?????تغييير جمييييل ويفتح النفس حبيت الغرفة ماشاء الله ??الله يهنيك فيها يا حلوة
بددددعتي ماشاءلله 💛💛اتعب واقول جميل
مررهه ابدعتي واحسنتي الاختيار بكل شيء بالذات اللون الخشبي والاسود والالوان بشكل عام مرهه رايقةة وتفتح النفس😩👌🏻🖤.<احب الالوان هذي🌚
جميلهه مرهه>.<