اهلاً وسهلاً أصدقاء اروى

حبيت أكتب تدوينة بسيطة و ان شاء الله تفيدكم ()

مثل ما هو واضح عندكم في العنوان عن اعادة تدوير الشموع
إذا كان عندك بقايا شموع او شمع صاير عليه حادث مثل اللي عندي متكسر ):
بدل ما يكون مصيره في سلة المهملات أعدت دويره بطريقه بسيطه جداَ

أترككم مع الخطوات

الخطوة الأولى :

جمعت كل من اللوازم اللي راح احتاجها حيث يكون كل شيء قريب عندما ابدأ

الأشياء اللي احتجتها
1- وعاء زجاجي ( تبع نوتيلا نظفتها وأستخدمتها )
2- قلم رصاص او عصا ( اي شيء حولك يشبه القلم الرصاص )
3- فتيل شمع ( انا اخذت اللي بشمعه المنكسره )
4- كيس ثقيل
5- زيت عطري
6- قهوه مطحونه طحن ناعم

الخطوه الثانية:
لفيت الفتيل على القلم الرصاص لإبقاء الفتيل مستقيم داخل الوعاء الزجاجي
عندما أقوم بصب الشمع في الوعاء وتأكدت من وضع الفتيل في وسط الوعاء

الخطوة الثالثة:

دخلت الشموع في الكيس

و وضعتهم في حمام مائي ( انتبهي تحطين الكيس مباشره على الماء المغلي للأسف نسيت أصور هالخطوه )
يوم ذاب الشمع أضفت قطرات من القهوة و زيت عطري اللي يعجبك ( انا هذي المره حطيت من هذا وللأمانه ما اعجبتني رائحته بس قبل حطيت من زيت عطري من زهور الريف كانت الشمعه افضل من هذي)

الخطوه الرابعة:
قطعت رأس الخروج من زاوية الكيس وصبيته بعنايه في الوعاء ما صبيته كله لأن ابي الشمعه تكون طبقات

الخطوة الخامسة:
حطيت شوي قهوه على الشمع وهو حار بعد ما صبيته على طول عشان يختلط مع الشمع ويطلع لي لون غير الأبيض ( اذا حابه تكون شمعتك بيضاء لا تحطين هذي الخطوه )

الخطوة السادسة:
انتظرت كم دقيقة لحد ما يجمد انا كنت برا والجو بارد وما انتظرت كثير على ما طلعت لي طبقه بسيطه متجمده
طبعاَ الحين طبقة القهوه حطيت قهوه وركزت على الجوانب فقط

-الشمع اللي بالكيس ازداد صلابة ورجعته للحمام المائي مرة اخرى-

الخطوة السابعة:
صبيت الشمع فوق القهوة وأعدت الخطوات اللي فوق انتظرت لحد ما يجمد شئ خفيف وحطيت قهوه مرة اخرى
وبعدين صبيت الطبقه الأخيره من الشمع على الجزء العلوي من طبقة القهوة و انتظرت لحد ما تتصلب تماماَ حوالي ساعه

الخطوة قلمت الفتيل إلى ربع بوصة و أنتهت شمعتنا
وصار عندك شمعه شكلها غير ورائحتها مثل ماتحبين

إلى القاء اروى و اصدقائها أن شاء الله ان شرحي كان واضح وما كثرت حكي
ولنا لقاء قريب بأذن الله مع عمل بسيط زي شمعتنا الجميله