جلسة شتوية دافئة ✨
.. بِسْم الله الرحمن الرحيم ..
السلام عليكم ورحمة الله و بركاته …
أسعد الله أوقاتكم بكل خير
و أسعد الله أوقات صديقتنا العزيزة أروى ?
و الحمدلله على سلامة وصولك السعودية ?
اتمنى لكِ طيب الحياة في كل مكان ✨
………………..
نبدأ في موضوعنا الخفيف و البسيط
و أجواءنا الشتوية السعيدة
تلاحظون ليالي الشتاء طوييييله و مملة
مالم تستغلينها بشي مفيد و حلو ..
<<من هذا الملل جاتني فكرة أني أسوي لي ركن دافىء اجلس فيه
و اضبط لي جو ?
تحمست أتقنه بشكل ممتاز بس هذا اللي قدرت عليه ?
في البدايه الفكرة عبارة عن خيمة في البيت ?
<<حب أزلي للخيام في كل مكان و زمان
عندي ستاير قديمة صار لها فترة ما استخدمتها
و جبت علاقات ملابس صنعت بها حلقه
ممكن تستخدمون الحلقة الكبيرة اللي في محلات الرياضة
و لفيت عليها لصق كامل بحيث تعطي شكل انعم بس الصورة
مو متوفرة …
دخلت الحلقة في فتحات الستارة ….
نجي للتعليق ممكن تخرمين في السقف مسمار
و نازل منه خطّاف بحيث انك تعلقين الخيمة فيه
او اذا مو حابه تخرمين حطي المعاليق اللي تجي فيها
لصق قوي جداً …
و لصقيها بالسقف
استخدمت هالطريقة لان المكان مؤقت و أشيل عفشي ?
و أضفت الإضاءة ??
عاد الإضاءات هي اللي تضبط كل شي
و إكتملت الجلسـة ?
خذي كتابك او اَي شي تتسلين فيه و إنعزلي ?
او تقهوي ☕️
و عندي من قبل اضاءة LED بالمتر من محلات الانارة
جتني فكرة احطها تحت الجلسة
و مارسي هواياتك في هالمكان الجميل ?
……………
إنتهى ✨✨
أتمنى تعجبكم التدوينة ?
و دمتم في أحسن حال ….?
صديقتكم منال ….
…………………….
Instagram:
mno0ol_diy
snapchat :
mno0ol_sa
…………………….
اخترت لك:
As an Amazon Associate I earn from qualifying purchases
جددددًا لطططيفة الحرركة وعجبتني النتيجة مرره خصوصًا إن أغلب البيوت متوفر فيها الخامات هاذي!?☕️
جداً أعجبتني , أبدعتي .. إن شاء الله أسويها *قلب*
وعلى فكره شفت الصوف وجا فبالي أتعلم على الصوف هذا الشتا
ماشااااء الله ،راقت لي كثييييييرًا ،مُبدعه عزيزتي
جمييييلة ماشاء الله والتنفيذ متقن مع ان الامكانيات بسيطه اهنيك صراحه?
مبدعة ماشاءالله تذكرت مقولة إصنع جوووووك ???
ماشاء الله تبارك الله جميله الجلسة
خياااال من زمان افكر فيها وما توقت الموضوع بهذي السهوولة .. انتِ مبدددددعة .. جاري التنفيذ
جميييييل جمييييل جميييل .. داافئ و يدعي للاسترخاء ???
مبدعة ماشاء الله راقت لي الفكرة ، بس ممكن اعرف وش اسم الاضاءة اللي علقتيها ووين الاقيها واذا تتذكرين سعرها الله يسعدك
جداا جميله الحركه ماشاء الله ابدعتي
حببييت مرره ابدعتي فيها?
ماشالله فكره جميله ?