كيف نحافظ ونستمتع بالوقت مع زحمة الأعمال المنزلية..
السّلام عليكم ورَحمة الله وبركاته
أهلا يا أصدقاء ..
كيف خميسكم؟
أنا الحمدلله بخير، ومبسوطة من نظام التدوين الجديد 🙂
في هذي التدوينة أحب أشارككم بعض الخطوات والأفكار اللي تسهل عليكم التحكم بأيامكم وحياتكم وترتيبها بطريقة تسعدكم وتجعلكم أكثر راحة وإنجاز..
قد تكون تدوينة اليوم طويلة نسبياً ، فكرت أقسمها لجزئين لكن ماحبيت يتشتت الموضوع✨،
فاقرأوها في وقت راحتكم ?
أولا، أبدا بقول اني أبدا مو مثل ماتتخيلون من انستغرامي ومدونتي كل شي مرتب طول الوقت ورايق وهادئ..
بالرغم من أنكم تشوفون الجانب المشرق فقط من حياتي لأني مصورة والمصور دائما يخرج أي شيء من الزاوية الأجمل وما تصل للآخرين إلا بعد التعديل والتنقيح،
إلا أنه لازم تعرفون اني مو هذي حياتي دائماً، أوقات أسحب على التنظيف والترتيب والنظام وأجلس اتفرج تلفزيون بالساعات،
أوقات أحس بالضغط والطفش من الأعمال المنزلية وأنام والبيت حوسة والصحون المتراكمة تملأ سطح المطبخ.. وهي أيام غير نادرة أبداً..
لكني استفدت في السنوات الي راحت من أخطائي وقررت أشارككم الأشياء الي نفعتني أحافظ على وقتي باعتبار اني عندي طفل وماعندي خدم..
الأشخاص اللي عندهم أكثر من طفل أو وظائف تاخذ أغلب وقتهم قد مايجدون أنفسهم قادرين على تطبيق بعض الخطوات والأفكار اللي ساعدتني أنا بتنظيم وقتي ،
وطبعاً ما أعرف ظروف الجميع، أكيد كل انسان ظروفه تختلف،
البعض ظروفه أسهل والبعض ظروفه أصعب
لكن حبيت أشارككم تجربتي لأنها قد تفيدكم في بعض النواحي أو تلهمكم تخرجون بأفكاركم الخاصة اللي تتناسب مع أسلوب حياتكم ..
من الأشياء المهمة جداً بالنسبة لي اني ما أكون مضغوطة بشغل البيت أو بالأحرى، ما أحب يروح يومي كله في العناية بالبيت،
أحب يكون عندي نوعاً ما وقت فراغ أقضيه براحتي كل يوم..
ولذلك أنا دائمة البحث والقراءة والتجربة في هالمواضيع..
فلسفتي هي باختصار اني جدا أقدرّ الوقت اللي أقضيه مع طفلتي أو أشتغل فيه على المدونة أو بالرسم أو بهواياتي بعيداً عن العمل الروتيني اللي ما أشوف له نتيجة عظيمة في مستقبلي ،
صحيح أن التنظيف والطبخ والغسل أعمال مهمة لحياة مرتبة وهانئة ، لكنها لحظية ،
الأرضيات اللي مسحتها الاسبوع الماضي مازالت بتحتاج مسح الاسبوع هذا ، وهكذا الشغل من هالنوع ما راح ينتهي ومن غير الجميل اني أعطيه وقتي واهتمامي كله..
لازم أستثمر جزء من الوقت للأشغال اللي إذا أنجزتها بأطلع عليها لمستوى أعلى في المستقبل، مثل القراءة ، التربية، تعلم مهارات جديدة وممارستها..
وحتى أحصل على جزء من الوقت الثمين لاستثماره لازم ما أكون مضغوطة أو مرهقة وما أحتاج إلا وقت راحة عشان أحط راسي وآخذ غفوه ،
أحتاج وقت وأنا بكامل نشاطي وطاقتي..
بأكتب لكم كل اللي أؤمن أنه مفيد لإزالة الشعور بالضغط أو ضيق الوقت أو زحمة الأعمال..
طبعاً مايلزم نطبق كل الأفكار بيوم واحد وما أتوقع ممكن أي إنسان يقدر يضبط نفسه بالشكل “المثالي” طوال الوقت، الكلام أسهل من الفعل بكثير،
لكن ممكن يستفاد منها على أوقات متفرقة وخطوة خطوة لحد ماتصير هالممارسات روتينية ماتحتاج جهد أو ضبط نفس بل تصير أشبه بنظام حياة..
عوامل المحافظه على الوقت والانجاز والاستمتاع بالحياة
أولا: الاستيقاظ المبكر..
قال صلى الله عليه وسلم “في البكور بركة”
الصباح فيه بركة سبحان الله،
نشاط الجسم يزيد إذا النوم كان مريح وليلي،
والعقل يعمل بأعلى جودة وبالتالي يعطيك حلول أسرع وقرارات أسلم ونفسية أفضل بكثير بإذن الله.
وأهم نقطة للي وظائفهم من المنزل أو ربات البيوت أن فترة الصباح تقل فيها الملهيات، غالبا الاطفال والازواج والناس في الدوامات.
وهذا أسميه الوقت الذهبي
طبعاً ممكن تستغلينها بزيادة نوم كم ساعة،
لكن إذا أنت تنامين كفايتك بالليل وحابه يكون لك وقت خاص بك في اليوم ،فالأفضل تستغلين هالساعات وتتركين الفراش مع الناس اللي تداوم..
نقطة مهمه : الاستيقاظ ما يبدأ من وقت ماتفتحين عيونك من النوم ، يبدأ من وقت مغادرتك للسرير ، أما فقط الاستيقاظ وبعدها ساعتين على الجوال هذا محسوب مع النومة..
?
ثانياً: الإفطار وبداية اليوم بالطريقة الصحيحة
عندي أهتمام بالصباح و بوجبة الفطور بشكل خاص ..
بالرغم من أن نظامي الغذائي في بقية اليوم وبشكل عام ماراح آخذ عليه ميدالية أفضل نظام صحي في العالم،
لكن وجبة الفطور تحديدا أحرص كثير انها تكون منوعة ومليانة فيتامينات ومتكاملة..
لأن الفطور هو أهم وجبة في اليوم وعليه يترتب نشاط الجسم وقوته لبقية اليوم ويروح الخموول والنوم ،
وهذا يساعد أن يومنا يبدا بسرعه بدل مانجلس كم ساعه خدرانين وبدون طاقة.
?
ثالثاً : تحديد يوم أو أيام للأعمال المتفرقة
إذا فيه يوم محدد لعمل معين، ماتكون المهمه عالقة في الذهن طوال الأسبوع ومشعرتك بالإهمال، لأنك خلاص تتركين التفكير فيها نهائياً إلا بذاك اليوم ..
يعني مو كل يومين رايحه اغسل لبس والا انظف دورات المياه بشكل عشوائي،
يكون فيه يوم كل أسبوع او أسبوعين لهالاشغال، وممكن يوم اسوي شغله والاسبوع الي بعده اسوي شغله ثانيه..
مثلا غسل الملابس وترتيبها كل جمعة ، التنظيف العميق كل سبت ، وهكذا،
مو ضروري الملابس تنغسل بسرعة، ومو ضروري دورة المياه كل يوم تنمسح وتطلع لمعه،
فيه أولويات أكثر من لمعة البيت، وهي لمعتي أنا ✨
إذا كل شي بالبيت على أكمل وجه على حساب اني أنا شاحبه ومتعبة هذي صفقة خاسرة بكل تأكيد ..
فنسترخي شوي ونتقبل واقع أن لنا طاقة وحدود في الشغل ونتعرف على قدراتنا ولأي مدى ممكن نقدم لبيتنا وللآخرين بدون مايكون هذا على حساب صحتنا ومستقبلنا ?..
رابعاً: اختصري وقت الاعمال المعتادة بطريقة (الإعداد المسبق)
بما اني مسؤولة عن وجبات المنزل، كانت تاخذ مني وقت طويل
لكن لاحظت ان إعداد الوجبات يروح اغلب الوقت في التقطيع والتحضير وتغسيل الأدوات اللي أستخدمها كل مره..
فقررت عمل جدول اسبوعي للوجبات بحيث اكون عارفه تقريبا الوجبات اللي عندي مقاديرها خلال الاسبوع كامل وفي يوم واحد أشتري وأقطع الاشياء اللي احتاجها لبقيه الاسبوع أو لثلاث أو ربعة أيام قادمة حسب مدة صلاحية الأغراض،
هالحركة جدا ممتازة وتكلمت عنها كثير في سنابي والانستغرام،
لانها ايضا تقلل من المشتريات وتقلل من خراب الاشياء في الثلاجة وتقلل من الطلعات الكثيره للسوبرماركت خلال الاسبوع.
أمثلة على التحضير المسبق: تقطيع الدجاج واللحوم وفرزنتهم بحيث يكونون جاهزين للطبخ،
جربت أعمل حمسة بصل مع طماطم (مطبوخة) بكمية تكفي أيام وأفرقها بكميات صغيرة لكل وجبه وأفرزنها.. بهالطريقة اختصر على نفسي كثير من وقت التقطيع والتنظيف وحمس البصل والطماط،
والطبخ يكون مريح وممتع أكثر..
فيه ناس مايهمهم يقضون ساعة زيادة في المطبخ يومياً لأنهم يبغون كل شي مقطع بوقته ، هذا خيارهم الشخصي،
بالنسبة لي الأولوية هي حفظ أكبر قدر من الوقت مع القدرة على أكل وجبة طازجة وصحية،
وبعض الخضار أشتريها مفرزنة ومقطعة ،
معلومة : القيمة الغذائية للخضار والفواكه اللي نشتريها مفرزنة أحيانا تفوق القيمة اللي في الخضار والفواكه الطازجة إذا كانت الطازجة موجودة بالثلاجة أو المحل لأكثر من يوم أو ماكانت في موسمها..
لأن المفرزنة تم قطفها وفرزنتها مباشرة ، بينما الخضار الطازجة تقطف وتنقل وتنتظرك في المحل ثم في ثلاجتك وكل يوم يمر من هالأيام تفقد جزء من قيمتها الغذائية..
النقطة الثانية اللي تجعل المفرزن أفضل في بعض الأحيان، أنه يقطف بعد مايكتمل نموه وينضج تماما، وبالتالي تكون قيمته الغذائية في أعلى درجة ،
بينما الطازجة تقطف قبل النضج حتى ماتفسد بسرعة قبل ما تصل للمستهلك، وهذا يجعلها غير مكتملة القيمة..
?
خامساً: أطلبي المساعدة
مافيه مشكله ولا عيب ولا نقص انك تطلبين من اللي عايشه معهم يساعدونك في بعض الاشغال،
يعني مو شرط يوميا لكن مثلا اليوم في الاسبوع اللي تحضرين فيه الوجبات لو ساعدوك فيه هذا يجعلهم في الواقع ساعدوا كل الأيام..
أو تطلبين المساعدة في أمور البيت الثانية بينما انت مشغوله تطبخين أو تشتغلين بشي..
لاتتحملين كل شي بنفسك بصمت لو كان فعلا مرهق وماخذ وقتك كله.. من حقك تعيشين براحة وتحصلين على وقت خاص لنفسك..
بالنسبة للمتزوجات إذا حابه تطلبين من زوجك المساعدة اعرفي كيف تتعاملين معه وكيف تطلبين ..
الأفضل ما تقولين له طلبك بصيغة الشكوى المبهمة مثل (أنا تعبانه من شغل البيت أو كثير علي أو أو)… أغلب الرجال مايفهمون هالتلميحات انها طلب مساعدة ويعتبرونها تذمّر.
أطلبي المساعدة بطريقة مباشرة جدا : (ممكن تصلح (كذا) لأنه كثير علي، ولا تقولين ممكن تساعدني في المطبخ أو شغل البيت وتسكتين، حددي بالضبط المهمه الي تحتاجينه يساعدك فيها مثلا (الله يعافيك أتمنى ترجع الأواني اللي تستخدمها للمطبخ بعد ما تنتهي منها) ( وهكذا .. وطبعا هذا بشكل عام بعض الرجال لهم طريقة خاصة تحفزهم للتعاون أنت أعلم بطريقة التعامل اللي تناسب مع زوجك أو أهل بيتك)..
اذا ماكان وضعهم يسمح بالمساعدة، ممكن توظفين وحده بالسّاعة كل اسبوع تجي تنظف وتساعد في البيت او تاخذين خادمة اهلك يوم واحد إذا عندهم خادمة،
ماكنت أحب أعتمد على أحد يساعدني قبل،
كانت فكرتي انه “شي اقدر اصلحه مايحتاج احد غيري يسويه عني”
وكان هذا نظامي لمدة خمس سنوات حتى لو انضغطت،
لكن بديت أفكر ان وقتي أثمن من انه كله يضيع مابين تنظيف و طبخ وبيت..
احتاج وقت أجلس بهدوء مع طفلي وعائلتي واشتغل على احلامي ومشروعي وهواياتي..
وفعلا قبل شهرين وانا في الشهر التاسع من الحمل ومرحلة النفاس اضطريت وجربت أوظف وحده تجي يوم واحد كل أسبوع أو اسبوعين أو كل ما حسيت اني تعبت وأحتاج مساعدة، تجي كم ساعة تنظف وتغسل الملابس وتنظف دورات المياه وتروح، وماتتخيلون قد ايش مساعدتها ريحتني عن أول الحمدلله..
فلا تتخوفون أو تترددون مثلي بطلب المساعدة لأنها فعلا مفيدة..
?
سادساً: أتركي التسويييف..
التسويف يضيع عليك ايام واسابيع ويبقى هم الشغل فوق راسك لا أنت اللي ارتحت ولا اللي أنجزت،
لذلك اذا عندك شغله تبين تسوينها ومتعيجزه قولي بأعد إلى ثلاثه وأقوم .. خلصيها في وقتها وبعد كذا بترتاحين جدا واشغالك بتكون اقل واحساسك انك انسانه مشغولة ومضغوطة بيختفي.
فيه طريقة تعلمتها وساعدتني جدا من ناحية التسويف ..
اللي هي قاعدة الخمس دقائق
القاعدة تقول ، “أي شيء يستغرق أقل من خمس دقائق لإنجازة إفعله حالاً”
صرت إذا رحت للمطبخ ومعي صينية فيها صحون وكاسات أقول هل يستغرق اني ادخلها لغسالة المواعين أقل من خمس دقائق؟ الجواب يكون غالباً نعم ..
فمباشرة أبدأ أدخلها بدل ما اترك الصينية في المطبخ وأروح أسوي شي ثاني ..
وأحيانا بعد ما أدخلها أشوف شي ما انغسل او شي ما رميته في الزبالة وأسأل نفسي هل يستغرق رميه أقل من خمس دقائق ؟ الجواب نعم ، وارميه ..
ما أدري إلا وأنا منظفه المطبخ كله،
ومع الوقت خلاص مايصير فيه شي يحتاج اني انظفه لأني أعوّد نفسي ان أي شغله ماتاخذ أكثر من خمس دقايق أسويها مباشرة ، فصار مطبخي على طول مرتب طالما أنا ماشية على القاعدة ..
أو ممكن تحطين منبه على الجوال عداد بوقت معين تنجزين فيه الشغلة ..
حفزي نفسك بأي طريقة المهم ما تتأجل ليوم ثاني..
لأن كثير أمور كل ما تاخرت كل ما صعبت العمليه عليك وخذت وقت أطول منك،
مثل غسيل المواعين كل ما تأخر صار التغسيل متعب والاشياء اللي على الصحون ناشفة وتاخذ وقت اطول من لو مباشره سويتيها.
?
سابعاً: تعرفي على أعداء وقتك
بالنسبة للأغلبية،
العدو الأكبر للوقت : مواقع التواصل والجوال
أحياناً إذا سويت حاجة رايقة أو دقيقة تجيني تعليقات على الانستغرام ، مثل ( ماشاء الله عليك فاضية تسوين هالشغلة ) (من وين تجيبين الوقت لهالأمور) (والله من الفضاوة) وغيرها من التعليقات اللي فعلا أتعجب منها لأن صاحبتها في اللحظة الي كتبتها فيها كانت فاضية جداً وعندها وقت تجلس على جوالها وتتصفح بالساعات وتتفرج علي وش جالسة أسوي وتكتب تعليق،
لكن توهم نفسها أنها مشغولة وماعندها وقت للاسترخاء والروقان، لأن أعمالها متراكمة في عقلها ومحسستها بالشغل والضغط لكن الحقيقة ان وقتها بيدها وهي صرفته في أشياء تضيع عليها وقت إنجاز كل الأمور المهمة..
العدو الثاني : الأفلام والمسلسلات والتلفزيون ،
تضيع الوقت جددداً، خذي منها إجازة كم يوم أو حددي لها أوقات معينة تستمتعين بها،
لأن المشاهدة تسبب الإدمان ،
بمجرد ما أتفرج حلقة خلاص انسوا الموضوع اني أقوم وأشتغل بشي، أشغل اللي بعدها واللي بعدها أو اجلس كذا ما أسوي شي..
وأعيش مرحلة كسولة وغير جميلة ولافيها اي ذكريات،
ممكن بدل تأجيل مشاهدة المسلسلات والبرامج تصيرين تتابعينها وأنت تشتغلين بعض الشغلات اللي ماتحتاج تركيز عالي،
بيكون عندك أعمال كثير روتينيه مثل تنظيف الصالة أو التحضير المسبق للوجبات، أو الطبخ، أو الكوي، تابعي وانت تسوين هالأعمال،
لان مو معقول كم ساعة يومياً تروح بس على التلفزيون أو الجوال،
وكل إنسان له ملهيات أخرى مختلفة وأعداء لوقته، تعرفي على أعداء وقتك وتحكمي فيهم ولا تتركينهم يتحكمون في أثمن شيء تملكينه..
?
ثامناً: إدمجي المهام
الأنثى تتفوق على الرجل ببعض نقاط القوّة ، ومنها قدرتها على التركيز بأكثر من شغلة بوقت واحد،
استغلي نقاط قوتك لصالحك واستخدميها بذكاء..
اهتمي كثير بالاعمال الي ممكن تكون في وقت واحد،
حاولي قد ماتقدرين تدرسين محيطك وايش الاشياء الي ممكن تتسوا في لحظه وحده،
مثلا ممكن ترتبين المطبخ بينما الاكل في الفرن بدل ماتجلسين تنتظرينه يجهز وانت على الجوال،
ممكن وانت ترضعين ولدك تستمتعين بمشاهدة شي أو تخلصين الاعمال اللي تحتاج مكالمات او حجز مواعيد،
أشياء كثيره تختلف بحسب الظروف لكن حاولي تنسقين بين الشغلات..
وتوفير دقائق من هنا وهنا بيعطيك نتيجة ساعتين ثلاث باليوم لنفسك بدل ماتكون دقائق مهدرة⌛..
مثلا أغلب تدويناتي أكتبها على النوت في الآيفون وأنا أرضع بنتي، لأني أرضع رضاعة طبيعية فما يحتاج أمسك رضعتها وأركز معها بقوة،
تحتاج بس اني أبدأ بقراءة المعوذات وأخليها تحس اني مركزة معها وأحن عليها كم دقيقة وبعدها خلاص باقي وقت رضاعتها أمسك الجوال وأشتغل،
التدوينات تاخذ ساعات من الكتابة ، ما أكتبها بجلسة وحدة ،
استغل الدقائق اللي مثل كذا واكتبها فيها بدل ما أكون جالسة أتابع أشياء في الجوال ماتنفعني ولا تمتعني..
نفس الشي الرد على تعليقات الانستغرام أو متابعة السناب وغيرها أعملها في وقت الترضيع أو الانتظارات،
ما أخليها تاخذ من وقتي جزء كبير والا ماكان بقي لي أي وقت للأعمال الثانية..
?
تاسعاً: رتبي الأولويات
مهم تكونين واضحة مع نفسك وتحددين أولوياتك في الحياة ، وعلى أساسها تقسمين يومك بطريقة عادلة ومرضية لك ولأهدافك..
كل وحدة فينا لها أهداف وأولويات مختلفة ترتب على أساسها،
لكن لا تنسين ، راحتك وصحتك من الاولويات، فاعتبريها وانت ترتبين اولوياتك ، يعني جزء من اليوم للراحه والعناية بالنفس أو الاسترخاء يعتبر اولويه،
لا تقضين ايامك بس شغل وأعمال وزحمة لأنك بتطفشين وتصيرين تهملين وبالتالي ايام مزدحمه وحياة غير سعيدة..
يفضل ترتبين أولوياتك بطريقة كتابتها على ورقة من الأهم للأقل أهمية
ثم تقسمينها على ساعات اليوم،
طبعا مو الهدف انك كل يوم تتبعين هالجدول بدقة، مش ممتعة الحياة العسكرية
الهدف انه يكون قدامك شي واضح نسبياً بالمهام الي تحتاج انجاز بشكل عام
ومادامت في ورقة أمامك يعني ما تاخذ مساحة في عقلك على الفاضي بدون ماتدرين أنت وش تحتاجين تسوين..
مجرد شعور سيء بالضغوط المنزلية بدون جدوى..
?
عاشراً: استعيني بالأجهزة
اشتري اجهزه تسهل حياتك، مثل غساله المواعين مثلا،
أو إذا كنت موظفة جربي القدر الي يطبخ بالبطيء Slow Cooker
يتم إعداد الاكل فيه بداية الصبح وتفتحينه بعد عدة ساعات يكون جاهز وهذا يخليك تقدرين تحضرين الغدا قبل ماتطلعين للدوام واذا رجعتي يكون الاكل توه جاهز وساخن..
وتكسبين كم ساعة من الظهر للراحة بدل وقفة المطبخ بعد الدوام..
كثير من الطلاب والموظفين في أمريكا والدول الأخرى يتبعون هالطريقة وينصحون بها..
وحسب احتياجك ابحثي إذا فيه شي يسهل عليك واشتريه، اعتبريه استثمار للوقت والجهد.
الحادي عشر: قللي أغراضك
خلي بيتك سهل لك، لا تقربعين كثير وتشترين اشياء صعبه عليك تحافظين على نظافتها،
خليه مناسب لاحتياجاتك، خصصي مكان لكل شي، واتركي تجميع التحف والملابس والشنط والأحذية..
كل ماكانت أغراضك أقل كانت حياتك أسهل وترتيبك أسرع..
أذكر كان عندي ٧ شنط للجامعة، خلال سنتين بس، ليه؟ وش الحاجة لها؟ المفترض شنطة أو شنطتين أو ثلاث بالكثير استخدمها طول السنة وإذا حبيت شي غير أتصدق بالشنطه أو أعطيها أحد يفرح بها وأشتري جديدة..ونفس الشي الأحذية وغيرها وخاصة الكماليات،
قرأت دراسة عجيبة تقول أن نظام التجميع هذا يزيد الحياة توتر بدل زيادتها سعادة بسبب القلق على الأغراض والحيرة في الاختيار،
بالرغم من أن الكثير يعتقدون أنهم إذا حصلوا على أغراض أكثر بيكونون أسعد..
لكن الحقيقة أن السعادة مالها علاقة بالأغراض والماديات،
سواء أغراضك كثيرة أو قليلة،
ومالها علاقة بجمال البيت وأناقته وراحته،
السعادة في العلاقات داخل البيت والنفسية والإنجاز والقناعة.
وأناقة المنزل متعلقة بالذوق .. ولا شي منهم متعلق بالعدد والكمية..
أعرف شعور شراء غرض جديد ، شعور ممتع ، لكنها متعة مؤقته ،
ما أقول لا تشترين شي، أنا نفسي أحب أشتري أشياء مالها داعي أحيانا ومو ضرورية،
بس اللي أقصده نحاول قدر المستطاع ما نجمع حولنا أشياء تزيد تعبنا في الترتيب.
?
الثاني عشر: ضعي قوانين لمنزلك
اذا تعب عليك تجمعين الصحون والكاسات من البيت حددي مكان للاكل وامنعيه من الغرف وغيرها،
وفهمي افراد الاسره ان اي صحن مايرجع للمطبخ ماراح تنظفينه أنت،
إذا يتعبك تجميع ألعاب الاطفال حددي لها مكان أو غرفة ماتطلع منها، وعودي أطفالك يجمعونها بأنفسهم بأساليب تربوية صحيحة،
مهم تحطين قوانين وعقوبات على أي شي تعتبرينه يسبب لك مشكلة وهو سهل تفاديه
مثلا الملابس لا تغسلين الا الموجود في السلة والي يرمون ملابسهم برا السله على الأرض يتحملون بعد اسبوعين ان شاء الله على دورة الغسيل الجاية،
وهذا بمثابة العقاب لهم يتحملون مثلا يروحون بمريول ما انغسل أو ما انكوى ويتفشلون ومعد يتعودونها (صارت لي)?
بيصير صعب عليهم وعليك في البداية انك تمسكين نفسك بس مع الوقت بتفرق حياتك للاسهل والاحسن بإذن الله..
وتذكري جيداً أن الأم وإن كانت ربة منزل هي ماتعمل عمل الخادمة لأفراد المنزل، البيت اللي يختار انه يعيش بدون خدم يجب أن أفراده يتعاونون فيما بينهم ويتعلمون على تحمل المسؤولية..
وتربيتهم على هالمسؤولية تحتاج جهد منك وإصرار، لكن نتيجتها أفراد مسؤولين عن أنفسهم وتبعات تصرفاتهم، فلا تستسلمين لهم وتساهمين في صنع جيل إتكالي..
?
وأخيراً: اهتمي بصحتك..
إذا عندك إرهاق زايد وكل وقتك تحسين بالتعب ممكن يكون عندك نقص فيتامينات أو لخبطة هرمونات،
فاحرصي على تحاليلك السنوية وفيتاميناتك وتغذيتك إذا عندك نقص فيها لأن النقص يسبب الخمول والكسل وحتى يلعب بالنفسية والرغبة في الإنجاز..
الرياضه تساعد من هالناحية ، ممكن مشي سباحه او تمارين خفيفه المهم تكون باستمرار حتى لو قليلة وبسيطة..
*أتمنى ما تقنعين نفسك ان هالخطوات والأفكار مستحيله بالعكس والله جدا ممكنه ومجربه بعد، بس تحتاج عزيمه وصبر أول الامر لانه بيكون شي جديد،
لكن طبعا ممكن تنفذين النقاط على أوقات متفرقه و بالتدريج وبتكون مقدور عليها بإذن الله،
وتذكروا انه فيه غيركم حياتهم أكثر ضغط منكم وعندهم اطفال أكثر وأعمال أكثر وممكن دراسة أو وظيفة ولا عندهم خدم ومع ذلك عايشين بنظام وراحة،
كل الامر في الالتزام والاستمرار وتعاون أفراد الأسرة والتخطيط والمحافظة على الوقت،
وكما تقول الحكمة ” إذا كنت تريد ستجد السبب، وإن كنت لا تريد ستجد العذر “
وأولاً واخيراً ادعوا ربي كثير يسخر لكم ويكون معكم ويعينكم ويسعدكم وربي وعد انه ما يخيب دعوه خرجت بيقين..
?
والآن جاء دوركم،
لو عندكم أي أفكار زيادة لاستغلال الوقت أو تنظيم الحياة أو قواعد جميلة جربتوها ونفعتكم، اكتبوها لنا في التعليقات وأثروا بها الموضوع 🙂
أتمنى لكم حياة ملونة وسعيدة ومشرقة ومن تحبون ?
...
تواصلوا معي عبر :
انستغرام وتويتر : arwa_alomrani@
يوتيوب : arwa karu
سناب : arwakaru
اخترت لك:
As an Amazon Associate I earn from qualifying purchases
التعليقات ( 432 ) :
اترك تعليقاً
يجب أنت تكون مسجل الدخول لتضيف تعليقاً.
و نـجيب السناگس و نقول هلآ بأحلى سهرة??????✨❤️
يا ملحححححك
احبك في الله …
بعد ماخلصت من قراءة تدوينتك احسست بنشاط وطاقه إجابيه
حفظك الله ورعاك
فعلاّ هذي الانسانة كمية ايجابية لا اله الا الله الصور لحالها تفتح النفس اسلوب تنظيمها للامور بطريقة بسيطة بدون تكلف فعلاً مبهرة وبالنسبة لقاعدة الخمس دقائق اكتشفت اني اتبعو من غير م ادري الله يسعدك ويوفقك ويخليلي بنيتك ومن احسن لأحسن
ياشيخة الله يجزاك خير حمستيني باقوم اسوي غدا وانظف الطابق السفلي من البيت عشان انوم اطفالي واتمتع بجلسة استرخاء مع الذات ف الليل
ابدعتي
صباحك جميل اروى عجبتني جداً مدونتك انسانه رائعة بطرحك ماشاءالله?
الله يجزاك خيير
??
أروى ?
أنتِ شخص مفيد جدًا ومُلهِم ❤️
بكل بساطة ، لأنكِ تقدّمين حلول عملية رائعة جدًا ☁️
أتمنى لكِ الّسعادة ☁️
كلّ التقدير والحبّ ?
اروى سوي لك كتااااب . بكون اول وحدة تشتريييييية
بطلة الفكرة ♥️
ربي يسعدك يا اخت اروى موضوع جميل كجمالك وروعتك
شكرا لك رائع وملهم استفدت وحمسيتيني اقوم بكرا وابدأ يوم جميل
أتمنى أن ألتقيك عند باب الجنه 😭 أحبك في الله ♥️
حبيبتي ربي يوفقك ويسعدك تراني كنت سنعة وكرفه ومشهورة بشغل البيت وشغلي الخاص برى البيت اقصد دوامي الغير منتظم لأني كنت من ١٨ سنة اشتغل أعمال حرة وطبعاً كل شي بيرفكت حتى نفسي واهتمامي بأطفالي وديني وعملي وتربية عيالي كلن يمدح يارب لك الحمد مليون بس كنت فاقدة شي واحد ماعمري تابعت مسلسل او حطيت أغنية ورقصت او تقهويت ودلعت نفسي ابد ابد الييييييين تعبت صراخك يعني كنت اهتم بكل شي الا استرخائي ف ضرورررووي الواحد يسترخي
يمكن لانك تبحثين عن سمعتك بين الناس ولم تستمعي لنفسك وهي الاهم ❤️
تدوينه جميلة ومفيدة جدا ( جاري التطبيق )
ختمت مدونتك حتى الي مايعنيني منها،
أنت انسانة ملهمة وحبيت اقول لك هالشي ولو قال لك قبلي الكثير نفس الكلام،
انا وامي واخواتي وخالاتي والبنات نتخابر بكلامك وافكارك،
الله يرفع قدرك ويجمعنا معك والقارئين في جنته
ماشاءالله الله يزيده من فضله ومحبة الناس له
آميييين??❤️✨?
سبحان الله كنت افكر بهالشي وشوي يجيني ايميل عن مدونتك و عنوانها ?انبسطت و صدق استفدت و ان شاء الله بطبق و الله يجزاك الجنه?
أفكار وخطط يوميه راااائعه
انا عندي خمسة أطفال والبيت دور كبير وماعندي خادمه وعندي مواهب وهوايات متعدده
لا انا اللي انجزت في شغل البيت ولا انا أنجزت في هواياتي
حبيبتي السمية منى ??
مواهبك وهوايتك مهمة جداً لايوجد من يعوضها لك
حاولي تأتين بخادمه كل اسبوع
اذا انت في الرياض الحمدلله لدينا شركات عاملات مضمونه ومريحة
واعانك الله ?
الله يسعدك على هالكلام الحلوو صحيح كثيييير مرره وتعبت وانا اقراه لاكن مفييييد وكل كلامه منه استفدت منها وإن شاءالله إذا استقريت بحياتي اول ما ابداء بطريقتك ?
جدا جدا رااااااااااااااااائع.. الله يكتب أجرك وينفع بك يا حبيبة?
اسعدني ايميلك اختي اروى تذوقت طعم كل حرف وكلمه كتبتها في هذه المدونه من اجمل المدونات التي قرأتها بارك الله فيك ولاشي يفوق ماكتبتي رائعه منذ ان تابعتك وفقك الله اختي اروى.
الله يشرح صدرك
المتابعة والقراءة لك ولأمثالك فقط هي من أعظم الأفكار التي تجعلنا نجتهد لننظم حياتنا …
أروى ممكن تخصصين تدوينة
عن قدر الطبخ البطئ إيجابياته وغيرها
وصفات تعملينها فيه
ملاحظاتك عليه
الله يسعدك يا اروى عالكلام اللطيف اللي مليان ايجابية ??
سٌعدت جدًا بالمدونة
مرحبا
انا جديده في المدونه و حبيت كل شي تطرحيه في مدونتك جزاك الله الف خير عزيزتي وبنسبه لي مدونتك و كلماتك واعمالك ملهم لي
موضوعك مررره جميل
ومثل ما قالت اختي في الله (deem) ” جاري التطبيق …” باذن الله
أشكرك على هذه التدوينة الملهمة ???
جمال التدوينه حسستني بعالم أنيق وملهم ⛅️✨
وكل الأفكار والخطوات عمليه وإن شاء الله نقدر ننفذها ونستمتع بأوقاتنا شكراً جزيلاً ، يعطيك العافيه ??
يازينك ويازين تدوينتك وسواليفك تخيلتك قدامي وانتي تسولفين الله يسعدك يارب
الله عليك ماشاءالله .. فعلًا ومرات كثير أطبق بعض الخطوات هذي وأحس يومي يمر خفييييف وفيه إنجاز! بس نحتاج عزيمة ??
وفيه معلومة حبيت أضيفها إنه لما يكون يومك مزحووم شغل وضروري تخلصينه ، ابدأي بالشغل الذهني اللي مايرهق جسدك مثلًا للمعلمات لازم تسوي تحضير أو خطة او او .. الخ تبدأ فيه ، وبعدها تبدأ بالشغلات اللس تحتاج جهد جسدي طبخ وغسيل وتنظيف ؛ لأن المخ يدري كيف أكنس وأغسل مايحتاج أفكر فيخلص بسرعه .. بعكس لما تقول بخلص شغلي الجسدي بعدين تكون مرهقة وتروح تنسدح على اساس تسوي اعمالها الذهنية تلاقي نفسها تعبانه وحيلها مهدود وتفكيرها مقفل 🙂
وبس .. امين لدعواتك اللطيفة ولك بالمثل وربي يجعلنا مباركين وين ماكنا ?
يعطيكي العافية استفدت
الله يسعدك هنوده نبهتيني لشيء مهم… أحيانا يروح يومي كله ما أنجزت شيء مهم
شكرا فعلا كلام منطقي وبطبقه ان شا الله
فكرة تقطيع الخضار وفرزنتها او حتى تنظيف الدجاج وتتبيله كانت في بالي من زمان كنت ارجع من الدوام ويكون وقت تحضير الغدا وطبعاً اكون مرهقة ففكرت بهالفكرة والحمد لله لقيت احد مثلي كنت احسب اني بصير رفله . ?
ياعمررري اروى الله يجزاك الجنه .. مدونه رائعه تناسب الاغلبيه وفعلا مرت سنين علي كنت ماشيه ع التسويف وكنت ساكنه شقه وكنت اتعب… واللحين الحمد لله يارب استقريت في فله وتنظيم الوقت ساعدني اجلس فترات طويله بدون اي شغل ??
ماشالله تبارك الله طاقه ايجابيه كامله الله يزيدك وينفع بك بغيت اعلق ع نقطه ياليت تكون بعض يومياتك بالسناب من الجانب الكسول بيومك مثل تعاجزتي عن غسيل الصحون كيف تحفزين نفسك ونكون معك لايف ع السناب يعني حنا نتحفز معك بشكل مو طبيعي بالاشيا الايجابيه طيب والسلبيه !!!لازم نتحفز نقضي عليها بكذا تساعديننا كثير وشكرا
كان التدوينه صديقتي في اكل العشاء ، قراءتها بكل شغف وخلص العشاظ بدون ما احس ??.. الله يرفع قدرك على هالكلمات?.
قرأتها* العشاء*
بالعااافية يارب
ما شاء الله تبارك الله كمية طاقة إيجابية من بعد قراءتي لمدونتك ..
السلام عليكم
الله يعطيك العافية ويوفقك
ما شاء الله عليك غيرتي من ترتيب بيتي و وقتي بشكل كبير ودايم أدعي لك
ساعدتيني بشكل كبيييير
الله يوفقك ويخلي لك غالينك يا رب
اروى ممكن تخصصين تدوينه عن الباركيه ومحاسنه ومساوؤه
ارجوك اروى
تدوينة جميله وأسلوب بسيط قريب للقلب .. أنتي طاقه إيجابيه في حياتي شكرا لك* أروى*
ماشاء الله تبارك الله
الله ينفع بك ويبارك لك ويزيدك من فضله ?
شكراً على كل كلمة كتبتيها موضوع جا بوقته ??
أحب أضيف بعض النقاط اللي تزيد من بركة الوقت بإذن الله :
– التوكل على الله
– الإكثار من قول “لاحول ولا قوة إلا بالله”
– تخصيص وقت لقراءة القرآن
– نذكر دائماً قبل النوم “سبحان الله ٣٣ والحمدلله ٣٣ والله أكبر ٣٤”
فعلا صادقه اختي ?
جزاك الله خيراً للتذكير? الاستعانه بالله اساس النجاح???
ماشاء الله عليك مبدعه
الصراحه اختي اروى تدوينه جدآ روعه
واختي نوره زياده منك رائعه
وازيد عليها الصلاة في وقتها
واذكار الصباح والمساء♥️
ماشالله تبارك الله طاقه ايجابيه كامله الله يزيدك وينفع بك بغيت اعلق ع نقطه ياليت تكون بعض يومياتك بالسناب من الجانب الكسول بيومك مثل تعاجزتي عن غسيل الصحون كيف تحفزين نفسك ونكون معك لايف ع السناب يعني حنا نتحفز معك بشكل مو طبيعي بالاشيا الايجابيه طيب والسلبيه !!!لازم نتحفز نقضي عليها بكذا تساعديننا كثير وشكرا
ماشالله تبارك الله طاقه ايجابيه كامله الله يزيدك وينفع بك بغيت اعلق ع نقطه ياليت تكون بعض يومياتك بالسناب من الجانب الكسول بيومك مثل تعاجزتي عن غسيل الصحون كيف تحفزين نفسك ونكون معك لايف ع السناب يعني حنا نتحفز معك بشكل مو طبيعي بالاشيا الايجابيه طيب والسلبيه !!!لازم نتحفز نقضي عليها بكذا تساعديننا كثير وشكرا
ماشالله تبارك الله طاقه ايجابيه كامله الله يزيدك وينفع بك بغيت اعلق ع نقطه ياليت تكون بعض يومياتك بالسناب من الجانب الكسول بيومك مثل تعاجزتي عن غسيل الصحون كيف تحفزين نفسك ونكون معك لايف ع السناب يعني حنا نتحفز معك بشكل مو طبيعي بالاشيا الايجابيه طيب والسلبيه !!!لازم نتحفز نقضي عليها بكذا تساعديننا كثير وشكرا
ماشاء الله عليك ،،،انا كانت مشكلتي التسويف اشغل نفسي باي شي ماعدا شغل البيت وبعد قاعدتك ( خمس دقايق ) والله تنظمة حياتي بشكل صرت اطبخ وانظف حتى ازرع ? الحمدلله الف شكر لك ولطاقتك الايجابيه اللي توصلني كل ماشوف سنابك
ربي يبارك فيك اروى صرت انتظر الخميس بفارغ الصبر بس عشان التدوينه الجديده اللي بتنزل
فعلاً صادقه العقل يصدق أي شي تقولينه سواء إيجابي والا سلبي فالواحد يخلي حياته مبنيه على الإيجابية لا على المثالية ومقارنة حياته بحياة غيره ، وتذكروا دائماً إذا مريتي بوقت عصيب تذكري إن هالوقت راح يمضي وينتهي فعليك بالاستغفار والصبر ، واسسستمتعي بحياتك لأنها مرة واحده لا غير ? ?
شككراً أروى على تعبك ووقتك وعلى هالطاقة الإيجابية إللي تبعثينها من خلال تدوينك ، استمري يا ملهمة ?
صرت اشيك دايم اذا نزلت تتدوينه ولا لا ?
كلام جميييل جدددا ✨
ومن بعض الطرق اللي استخدمها لترتيب ساعات يومي
أختار وضع الطيران للجوال واشغل عداد الوقت
مثلا : وضع طيران + وضع عداد الوقت ( ساعه ) مثلا
وأقول لنفسي ماراح امسك جوالي ولا ألهى بأي شيء ثاني غير تنظيف المطبخ بالكامل وكنس أرضيات البيت الى مايدق المنبه !
وبصراحه اكون سباق مع الزمن يا أنا يالمنبه ?⏰
واكثر شعور يسعدني اذا خلص المنبه وانا خلصت من الشغل المحدد ??
وهذي الطريقه كنت استخدمها قبل بالجامعه بطريقة المذاكره ، واستخدمتها الحين بطريقة ترتيب بيتي ?✨
وشششكرا ثاني مره يا أنيقة ?
جميله الفكرة ?
فكرتك مررره جميله و مفيدة نورة??
اروى صراحة استمتعت بكل سطر و كل افكارك جميلة و جاري التطبيق إن شاءالله والله جد متحمسسه???.
لتنظيف المطبخ احط عداد الفرن علشان صوته يحمسني اخلص هههههه..
جميله الفكره
اهلا . ممكن تفيديني بطريقتك للمذاكرة ؟ ، شكرا مقدما
حبيييت طريقتك رح اعتمدها???
ياحلللوك وتدويناتك ياشيخه أحبك في الله وتعجبني فيك العفووية وكأنك تسولفين مع خواتك❤️
شكراً لكِ ياخي احسك تكلمتي بواقعيه بعيداً عن المثالين اللي اتعبتنا شكراً من كل قلبي لك
اسعدك ربي وادامك لنا ياملهمه تسلم يمين من ربتك ❤️❤️❤️
فيني طبع مدري اشوفه ايجابي لما اتضايق او تتعب نفسيتي اقوم انظف تنظيف عميق غالباً يكون شيء مأجلته ? ولما اروق افرح اني انجزت هالشغل ??
هالطبع فيني ?? أعتقد انه حلو لان اخلص أشغالي بدون ما احس واصير ادور شغل ثاني ?
زي وضعي لما اكون معصبه او متضايقه من شيء استلم البيت بالتنظيف
اتوقع شيء ايجابي لاننا انجزنا ووفجرنا عضبنا لشيء مفيد ?
ههههههه انا مثلك،، لان شكلنا تربينا على ( نظفي غرفتك وبتنفتح نفسك ) ?
استمتعت جدا وانا اقرا التدوينة ? تسلمي ع المجهود صراحة قرئتها في السيارة توفيرا للوقت? اتمنى تسدحيلنا موضوع مفصل عن الطريقة الصحيحة لحفظ الاطعمة اقصد مثلا لو قطعت نوع معين من الخضار كيف احافظ عليه اطول فترة ممكنة ايش طريقة الحفظ الصحيحة سواء بالثلاجة او الفريزر اظن الفريزر غالبا حيكون مجرد تفريغ هواء وفرزنة وخلاص اللي يهمني طرق الحفظ بالثلاجة ??
عندي ملاحظة صغيرة ياليت بعد الشرح تكتبيلنا النقاط الرئيسية ورا بعض عشان نقدر نعمل لها كابتشر و يسير سهل نوصلها ?? لاني احيانيا اكتب النقاط اللي تهمني واحطها قدامي عشان ما انساها ??
واخيرا شكرا على كل دقيقة تقضينها في كتابة تدوينات لنا واثراء معرفتنا شكرا لكي حبيبتي??
ملاحظة اخرى احب تدويناتك الطويلة استمتع فيها جدا??
وعليكم السلام ورحمة الله ..
مرحبا اروى
قاعدة الخمس دقائق و دمج المهام
مرات اسويها من غير تخطيط !
لأني مؤمنة أن الـ multitasking جواتنا كأناث
يبقى بس نركز على ايش ننظم ونرتب
ويعطيك العافية اسهبتي في كلامك عن تحديد ألأولويات
شكرًا ?
أروئ شكرا لك عزيزتي
ماتدري قد أيش أستفيد وانبسط من تدويناتك
جزاك الله خير ??
أيضا من الاشياء اللي تساعد هي متابعة ناس ملهمين.. بالذات في مواقع التواصل الاجتماعي زي قنوات اليوتيوب والانستقرام وغيره..
فيه كثير مهتمين بالترتيب والنظافة او الطبخ الصحي أو أي نوع من الهوايات مو شرط اعمال البيت..
يعني الواحد يحاول يخلي محيطه مليان بالناس اللي يحفزونه للأفضل
تعليق مثري جدا ، شكرا
صحيح??
حبيت الموضـوع كثير ، انا ام لِ طفلتين .. ( سنتين ونص ) ( اسبوعين) < يعني تو نفاس?? ، انا ادرس واشتغل ببيتي ( ماعندي خدم) اضافة لدوري كزوجة وام … ايام تمر علي بنفجر من الضغط _ لكن اقوووول كل التعب بيزول لانه اشتغل على حلمي .. كنت اضيع وقت ماانتظر الطبخه ع الجوال بس استغليتها وصرت اغسل الصحون واكنس الصالة وغيرها من حاجات وبنفس الوقت اشغل حاجة اتابعها وانا اشتغل كذا اختصرت علي الكثييييير وحطيت جدول اسبوعي كل يوم لمدة ساعة اسوي حاجة عميقة مثل تنظيف الفرن يوم السبت مسح الابواب+ الافياش يوم الاحد وهكذا وحييييل ارتحت وكدلك بهواياتي كل يوم بالاسبوع اشتغل على حاجة …
حالياً وقتي بين طفلتيني والقراءة ،، وانا ارضع بنتي اشغل الجوال او اتكلم مع الاولى كذا استغل الوقت تلعب الاولى انا اقرا وهكدا
ماراح اطول اكثر بس جججد موضوعك حيل عجبني ومعاكِ بكل اللي قلتيه ( مو شرط الارضيه تلمع وانا طافية? .. )
وبسسسس ربي يجزاكِ خير
فكرة جميلة ⭐️
كل يوم ساعه لعمل عميق
ماشاءالله ياأروى عليك .. صار لي اسبوع اتابعك وجداا حبيت اسلوبك العفوي المريح والي يعطي الانسان تفاؤل .. في اشياء كثير حسيتك تشبهيني فيها خصوصا اني مغتربة وفي اشياء استفدت منها وان شاءالله اطبقها مستقبلا .. الله يوفقك ويسعدك يارب
جزاكِ الله خيرآ أروى، نقاط جميله و أسلوبك أجمل 🙂 أستأذنك بإضافة نقطة مفيده خاصه للمغتربات، هي العنايه بالحياة الاجتماعيه، جميل تحديد وقت للقاء الصديقات، فهذا مما يخفف من شدة الغربه برأيي.
?????
نحتاج هذي القناعه تمر على جميع النساء
انا في صراع مع اللي حولي لمن اقولهم ان التنظيف و الاهتمام المبالغ فيه مجرد هدر ل طاقتي ووقتي اللي تستحقه نفسي و هوايتي والمجتمع اللي حولي يعني شي م يصنع ذكريات و لا يطور مهارات استمتعت بقراءة كل سطر والى الامام اروى كوني قائدة لتغيير بعض الافكار الباليه عن ربات البيوت
محدثتك كتبت التعليق و هي ترضع بنتها ???
ياحلوك وحلو تدويناتك .. مهما طوّلت مانحس من بساطة اسلوبك ولطافتك وسلاستك
انا شخصيتي قرييبه منك واغلب الي كتبتيه اطبقه لكن مشكلتي اني اكبر وحده ببيت عائله, ومختلفين عني مره وكبار صعب اغيّر فيهم ويشوفون مختلفه لان لي ترتيبي واهدافي ونظامي , لكن الحمدلله صبوره فأتجمل لما يقطعون هواياتي او يشغلوني بوقت راحتي
من الاشياء الي تساعد على الانجاز بعد انك قبل تنامين تفضين الي بمخك في ورقه وتصحين تنجزينه , واكثر شي يساعدني وملحوظ لما اصلي بوقته احس يترتب يومي .. وطبعا لازم بريك من السوشل ميديا يوم في الاسبوع عشان ترتيب الافكار وانجاز افضل
اعتذر طوّلت صار مدونه مو تعليق هههههه
وبس ننتظر الخميس الجاي بشغف “
فيه طريقه استخدمتها مؤخرا وساعدتني في عدم التسويف .. أسمها ” لا تفوت الرحله ”
انا انجز الصباح ومن يبدا المغرب وتغيب الشمس ارتاح
فاقول براسي كأن عندك رحله المغرب , لا تأجلين شي نفذي وانجزي والحقي وخلصي شغلك قبل تفوتك الرحله عشان تنعمين برحله جميله خاليه الذهن من التشويش ..
وراحتك رحله تستحق الاستمتاع طبعا
حلوووووووه القاعدة، شكرا اشواق
جميلة القاعدة جدا ❤️❤️
من اعجابي بها صورتها..اشوق
تدوينة جدا رايقة ماحسيت بالملل ابدا وأنا أقراها نحتاج ناس ايجابية مثلك ي أروى
يعني كل اللي حولي يحسسوني أن كل شي صعب ويالله فلانه رايقة وفاضية اكيد ماعندها شي يلهيها بالعكس هي انسانة منجزة وانت مهمتك بس تتفرجين عليها ونفسك تكونين مثلها بس ماتقدرين فتحبطينها ،،
فعلا كلامك صحيح الله يكثر من أمثالك ياأروى 💗
??
بطلللله الفكرة ،مجرد تعليق عقلي بالراحة من بعد المغرب ، أكبر حماس للانجاز
جدا استمعت بقراءة هالتدوينه ?الله يسعدك سعادة الدارين ويحفظ لك غواليك جدا استفدت من قاعده الخمس دقائق وفرت علي وقت ومجهود انا جدا أييد فكره المفرزنات خصوصا الخضار جربتها وعجبتني جدا والله ماياخذ وقت ف الطبخ اول كان يضيع بين التقطيع والغسل والبعض تحتاج سلق لكن المفرزنه اريح ايضا جربت اني أعيش يوم كامل بدون جوال طفى جوالي ولا شحنته والله كان يوم جميل مع اطفالي قضيته سوينا كيكه وسولفنا اكثر من اي وقت سابق ،، استمعت بأمومتي معاهم وطفولتهم رجعت للزمن الجميل وكيف كانت طفولتنا ??
الله يعافيك ويقويك ويبارك في أوقاتنا جميعاً ..
ممكن بس أسأل ، كل شيء فعلا الشخص قادر عليه بالتنظيم والترتيب
ودائما أنا قادرة عليها
لكن مزاجيتي هي عدوي اللدود ، تخرب علي كثير اشياء وتدمر الكثير
المزاجية هي مشكلة :”””
قريتها وانا برضع بنتي?
كلامك فعلا صحيح. انا كنت بفضل انا خمس دقائق زياده ولا اصحى وانظم اموري بالراحه قبل لاطلع للمدرسه. واطلع مستعجله ومضغوطه بدايه غير جميله لليوم، بس كنت افطر لاني ما استغني عنه. الفرق كان اني قبل لاتزوج كانت امي تسوي الفطور فانا بس اجي وافطر واختي الصغيره تسوي لي سندوش المدرسه (بعرف ما بستحي). وانا حامل اكلت الهم كيف دحضر معي شخص في الصباح قبل لامشي ع المدرسه (بشتغل معلمه) وانا نفسي ما بصعوبه كنت احضر. فصرت اصحى بكير وهنا كان السحر. صرت الحق احضر حالي واحمم بنتي الرضيعه وكمان اسوي وجبات فعلب لي ولزوجي مش حتى سندوشات انما وجبه. والفضل لله انه قدرني اصحى بدري (كان هذا جدا صعب علي) وكمان تحضير الاشياء من الليله السابقه فالوجبه جاهزه من الليل الا اذا ظللا شي صغير بحتاح يجهز فالصباح. وصرت اشاهد اليوتيوب وانا اشتغل. مثلا وانا ارتب احط ع ناس ترتب بيتها حسب ماري كوندو واشتغل. تيد توك اشاهده وانا بجلا لانه احتاج اكون مركزه بكلام الانجليزي واحيانا بحتاج اشوف الترجمه (كذي بطور لغتي). وهكذا بيكون عندي كمان وقت لفيديوهات الرسم اشاهد واطبق.النظام ما زال كثير جديد علي بنتي عمرها فوق الاربع اشهر ورجعتي للمدرسه قبل اكثر من نصف الشهر. ان شاء الله نقبت ع الموضوع، تجيني ساعات كسل بس ديما اقرا وادور محفزات فشكرا لك. واحد الاشياء اللي ساعدتني بالتنظيم كمان ومتابعة عاداتي وترتيب مخططاتي هو المنظم او ال bullet journal.
جزاك الله ألف خير يا أروى الله يسعدك ويرزقك من حيث لا تحتسبين ويعافيك ويحفظ لك تالا ويجعلها ابنة بارة مطيعة لك ويجعلها قرة عين لك ولأبوها ، تدوينتك هذه بأطبعها وأعلقها في غرفتي فعلا أحسها حتغير من نظام حياتي ، وأكثر جملة أعجبتني في هذه التدوينة (البيت الذي يختار أن يعيش بدون خدم يجب أن يتعاون أفراده ويتعلمون تحمل المسؤولية ) بإذن الله هالجملة بأصير أكررها لأهلي حتى يجيبون خادمة لأن بيتنا كبير وأنا فقط لحالي أشتغل ولا فيه أي مساعدة لدرجة ان الشغل اذا كثر علي أصير متوترة ولا أقدر حتى أذاكر دروسي وأحل واجباتي وبالتالي ما أخلص من شغل البيت إلا والوقت تأخر وكل البيت ناموا إلا أنا أكون توني متفرغة لدروسي ولا أخلص الا وما يبقى لي الا ساعة او ساعتين انام فيها فقط وبعدها أصحى وأروح للمدرسة تعبانة ومرهقة ولكن هذه السنة باذن الله حأتغير وحتساعدني تدوينتك المفييييييييدة وراح أخلي نفسي تحظى بالإهتمام أكثر من كل شئ زي ما تقولين دائما وكمان فكرة التقليل من الأغراض جدا جدا أعجبتني واستغربت منها وحسيتها بالفعل صحيحة كثير شفت ناس بشكل شهري تروح تشتري لها كم شنطة وجزمة وبلوزة ومكياج لحد ما تصير غرفهم مليانة بهالأشياء وكمان المواعين فيه ناس ما تشبع منها وبس تشتري وأشوف مطابخهم حوسة مرة وغير مريحة للعين من قبل ما تقولين هالنقطة وأنا حاسة ان كثرة الاغراض في البيت تزيد التوتر أنا مثلك ما أحب أشتري لي شئ الا بدراسة واستشارة مع نفسي اذا هي حتفيدني او لا سواء اثاث اوملابس او حتى اغراض البيت ، والله يسعدك وآسفة على الإطالة بس عندي طلب بسيط بما إنك دائما تقولين أنا ما أحب أي شئ يأخذ من وقتي كثي فياليت تقولين لنا وش هالاشياء اللي تسوينها وتختصر عليك الوقت غير الفرزنة والتقطيع لانك تكلمتي عنها بتدوينة خاصة مثل المواعين والأدوات الي تختصر عليك الوقت وبس وجزاك الله ألف خير وبانتظار تدوينة النباتات المنزلية
يوم قلتِ ترا الام مو خدامة حسيتها طلعت من قلب??
تسلمين أروى?
يا زين التدوينات اللي تجي بوقتها
تدرين توني ام جديده وانا من الاشخاص اللي ما تحب تحس انها مضغوطه او مغصوبه تسوي شغل معين زي لازم انظف ولازم اغسل قبل الحمل كنت اقدر اسيطر عالوضع في ان ايام الاوف من الدراسه انظف وايام اغسل الملابس وكذا بس بعد الحمل والولاده تخربط كلشي
الحين نفسيتي بدات تتاثر، لذلك رجعت لحركة كنت اسويها اكتب المهام ع باب الثلاجه سواء اسويها وقتها او بعدين ما يفرق بس مرره تريحني لان نا احتاج تضل بعقلي وافكر فيها طوال الوقت وفعلا انجزها بس حتى هالحركه اتعيجز اسويها احيانا #متلازمة_كسل هههههههه
جميلهه التدوينة..أنا وحدة أحب الترتيب وتنظيم الوقت وايش الخطوة الجايه فاليوم..فمرتاحة نسبيا..
يعطيك العافية?
يعطيك العافية على المدونة الرائعة عجبتني فكرة إنجاز
أعمال الخمس دقائق بجربها إن شاء الله
شكرا لك أروى.. تدوينة جميلة بجمالك وذوقك… ننتظرها بفارغ الصبر.. ويارب تعيننا على أنفسنا وتيسر لنا ولك كل عسير.. وصلى الله وسلم على نبينا محمد.. وآله وصحبه أجمعين… لك حبي وتقديري ????
يسلمو
انا عجبتني ذي العبارة بخليها قاعدتي في الحياة?❤️ “فيه أولويات أكثر من لمعة البيت، وهي لمعتي أنا ✨”
.
مرة جميل اللي كتبتيه ودي لو امي تقراه وتفهم بالذات جزئية العقاب وانه ماتعلم الاتكالية ومن ناحية تسهل حياتها بالاجهزة،، جددا امي ماخذة حياتها تنظيف وذا الشي مأثر عليها جدا جدا ولاتبغا تفهم احاول اساعدها بس مو مرة اقدر بسبب الجامعة وتحفيظ وكذا.
صدق يوم قلتي ترا الام مو خادمة لازم تعاون بس ماحد يفهم كأن الام لما تتزوج خلاص شغلتها عبارة عن تنظيف ترتيب الخ والمشكلة لو هيا متقبلة ذا الشي ومرسخته بعقلها ?
تدوينه جدا جميلة سلمت يداك ??
انا بدأت بتطبيق طريقه الخمس دقايق من فتره جدا استفدت منها وريحتني حييييييل ❤ ..
يسعدك ربي يا أروى على جهدك و مشاركتك المعرفة معنا
تدوينة لطيفة و محفزة فعلاً و أحاول أطبق هالخطوات للمحاولة في موزانة حياتي بين الزواج و الأمومة و الدراسة و نفسي و ما تهوى
و من الأشياء اللي ساعدتني هي تقبل فكرة اني ما أقدر أصير مثالية في كل هالمهام ١٠٠٪
كنت إذا نمت و الصالة عفسة أحس بالذنب ، و إذا طلعت طلعة عائلية و ما ذاكرت أحس بالذنب
لكن بعد استيعاب فكرة إن لازم تصير فيه تنازلات و لازم أحيان أقدم شيء على شيء “نظام الأولوية” شعور الذنب هذا قلّ كثير عندي
و غير كذا الكِتابة و تنظيم المهام ساعدوني كثير
متحمسين للخميس الجاي و للتدوينة الجاية *قلب*
الله يجزاك خير
راااائع ??
تدوينة رائعة كصاحبتها…جزاكي الله كل خير
والله لو تكتبي تدوينة من هنا الى بكرا ما اشبع من قرأتها جدا رائعة.وممتعه وخصوصا بالعرب قليل التدوين الجميل .
شكرا اروى من القلب
تدوينة لازم تكتب وتعلق في كل بيت وبماء الذهب بعد ??❤️❤️❤️
الترتيب والتنظيف شيء يأزمني بعد ما تزوجت ،. في بداية الزواج كان شيء مسلي بالنسبة لي التنظيف والترتيب بعد ما كثرت الاغراض وبديت اطفش من الروتين وبعض اثاث المنزل صار يتعبني ويضغط علي ويسبب لي توتر .. يعني لا انا اللي رتبت ولا انا اللي استرخيت وانبسطت بوقتي
راح اطبق بعض الخطوات اللي كتبتيها بإذن الله وأكون جادة في تطبيقها وراح ارجع بعد شهر بإذن الله واكتب لك رد ثاني وبيكون ايجابي ??
شكرا أروى ملهمتي ??? ربي يحفظك وينور دربك ويحقق لك طموحاتك وأمنياتك ويحفظ لك عائلتك الصغيرة?
عزيزتي اروى يعطيك العافية علي المدونة الرائعة واسلوبك السلس والبسيط وصحيح كلامك التجهيز المسبق يوفر عليك كثير من الجهد والوقت .
شكرا لك وجزاك الله خير
بارك الله فيك وفي وقتك واحنا بعد الله يبارك لنا في اوقاتنا
الله يرزقنا واياكاللي نتماناه ونطمح له ويحفظ لي ولك عائلاتنا الصغيره ?????
شكراً اروى شكراً قد السماء ?
مرره شكرا استفدت من التدوينه ??
تدوينة رائعة ومثرية!
انتهيت من قرائتها وحسيت بطاقة إيجابية ✨
من أهم الأشياء اللي تساعد في الإنجاز والبركة في بقية اليوم : قراءة ورد القرآن ،
يوميًا مهما صار اجعليه من أول المهام اللي يجب عليك أداؤها فعلًا بتلاحظين الفرق ..
الشيء الآخر تدوين المهام بتحديد الساعات ، اذا انتهت الساعة المحددة وأنتِ ما انتهيتِ من المهمة انتقلي للمهمة الثانية وهكذا ، آخر اليوم خصصي ساعة – ٣ لإنجاز ما تبقى ?
وأحسن الله إليك أروى ?
فعلا عن تجربه وانا لدي 4 اطفال واسكن في بيت كبير ولدي عملي الخاص
كثرت ذكرالله تشرح النفس وتعطيك طاقة ايحابيه
والصلاة على النبى تسهل عليك اي امر صعب
والصلاه في اول الوقت ترتيب امورك
والمداومه على قرأة ورد كل مازادت قرأتك كل مازادت البركه
اذكار الصباح والمساء فيها بلسم للقلب ويذهب عنك التعب
قول 33 سبحان الله و33 الحمد و34 الله اكبر بعد كل صلاة وقبل النوم تجعلك تنجزي اعمالك وتمدك بالقوة والصحه
الله يكتب اجرك اروى ويجعل مدونتك علم نافع ياااارب
التسبيح ٣٣ و الحمدلله ٣٣ والله أكبر ٣٣ و تمام ال١٠٠ لا إله إلا الله وحده لا شريك له ، له الملك وله الحمد و هو على كل شيء قدير .. هذي بعد كل صلاة و هو حديث عن الرسول عليه الصلاة والسلام
وأما ما ذكرتيه سبحان الله ٣٣ والحمدلله ٣٣ والله أكبر ٣٤ هذي قبل النوم و فيها حديث عن الرسول عليه الصلاة والسلام أن هذا الذكر خير من خادم …
و يعطيك العافية.
????
كلام جاني في وقته
???
ماشاء الله تبارك الله تدوينة جميلة جدا وتنفع للبنات في بداية حياتهم الزوجية كلماتك مشجعة ومحفزة .
الله يحفظ لك عائلتك الصغيرة .
تدوينة جميله ومفيدة في نفس الوقت ?
اروى كلامك مُلهم ويوصل كأنك تكلميني شخصياً..
اهنيك على فكرة انّ الخميس تنزلين فيه تدوينه، زدتي الخميس جمال ?
الله يسعدك أروى ..
تدوينة ملهمة كثير و محفزة 🙂
انا قرأتها وأنا أرضع طفلي “طبيعي” وضحكت يوم مريت من نقطة استغلال الوقت وأنت ترضيعن .
شيء حسسني بقيمة الوقت في حياتي وخلاني أهتم بكل دقيقة في يومي وألتفت لنفسي : هي من بعد ما جاني طفل ()
وإلا قبلها كنت أسوّف كثير ؛ اللحين بمجرد ما ينام على طول أنجز الأشياء اللي ما أقدر أسويها وهو قايم :$
أخاف يهرب الوقت ويقوم الطفل ولا استفدت .
والقاعدة اللي تعلمناها من أمهاتنا -ربي يحفظهم- (إذا نام طفلك نومي معه)
لأن مفهوم المخالفة لها (إذا قام طفلك بتقومين معه) ، فالقيلولات الصغيرة المشتركة مع طفلك أحياناً وقت الظهر أو المغرب تساعدك وتعطيك نشاط تتحملين باقي يومك وطفلك إلى نهاية اليوم . *إذا كنت بحاجة للنوم*
ايجابية❤️
ايجابية❤️
ايجابية❤️
اروى انتي طاااقة ايجابية الله يباركلك بصحتك ووقتك وبعائلتك
نحبك في الله ❤️❤️❤️
شكرا على التدوينة الرائعة كلامك ما ينمل منه ?
جدا جدا استمتعت بما كتبته اناملك بارك الله فيك وفي وقتك
عشت حياتي كأم لـ ٥ اطفال بدون خادمة الحمدلله ولم افكر بحاجتي لها لأنني استطعت ان اوفر البديل عنها فاقتنيت الاجهزة المساعدة مثل غسالة الصحون و الغسالة الاوتوماتيك والمجفف الحراري اللي بدوره ساعد في توفير كبير للكوي و نشر الغسيل فقط يحتاج الى التطبيق مباشرة الى الدولاب
كذلك كنت استخدم تفريز الخضار لاختصار الوقت وترتيب خطة عمل لكل المهام الضروريه لكل اسبوع
وتعليم الصغار على القيام باحتياجاتهم وتوزيع المهام الصغيرة لهم فهم يرتبون ملابسهم بعد فرزها من المجفف ويتناوبون على افراغ غسالة الصحون بعد انتهائها من التنظيف وترتيب غرفهم كل فترة مع التحفيز لذلك
شكرا لك لاختيار مثل هذا الموضوع لفتح الافاق والهام اخواتنا بالانتاج والعطاء ?
رائعه
جميل جدًا جدًا أروى، مع بداية الدراسة والضغط نحتاج كثيييير مثل هالتدوينات..
* ممكن أيضًا نستغل وقتنا بالجامعة و النقل، بدال ما تتلفتين وتسولفين قبل تجي الدكتورة راجعي المحاضرة السابقة أو أقرئي كتاب والوقت اللي مفروض تراجعين فيه أو تقرئين بالبيت استغليه بشي ثاني ???
من الافكار الي استخدمتها وساعدتني كثير
اني اترك جوالي في الليل في غرفه ثانيه وبدون ما اشحنه فلما اصحى الاقيه طافي واحطه في الشاحن (لاني اخاف اشحنه بعيد عني وانا نايمه ) فاكتشفت اني انجز مرررره كتير الين ينشحن الجهاز
اعمل وجبات شبه جاهزة زي شاورما او صينينه بيتزا يكون بس عشان تجهز احطها نص ساعه في الفرن او بس اشوح الدجاج على النار ودي الوجبات اخليها لحالات الطوارئ الشديده مثلا يوم عندي مجلس امهات حارجع متاخرة ما يمداني اجهز الاكل
ومن النقاط المهمه كمان اني اول ما اصحى اشوف نفسي قبل ما اخرج من الغرفه احط كريماتي وازبط غرفتي وساعات استحم واهتم بنظافتي الشخصيه وبعدين اخرج لاني زمان لما كنت ابدأ في اعمال البيت بدون ما اهتم بذاتي كان وقت الشغل كله يروح وانا في حاله سلبيه ومعصبه وكارهه البيت والي فيه لكن لما عكست الوضع صرت اهتم فيه وانا مروقه وحاسه اني مو مقصرة مع نفسي فاعطي البيت والاطفال حقهم وزياده
اعتذر بشده على الاطاله وشكراااا اروى ❤❤❤
تعليق جميييييل ، حبيت فكرة ترك الجوال ، فعلا لانه ياخذ ساعات ماقبل النوم ،، الله يسعدك يارب شكرا على الإثراء
مره عجبتني فكرتك حقت الجوال
جزاك الله خيراً
صح وربي يأخذ ساعات مني و كمان يطير النوم مني ?
جاري تنفيذ فكرتك
إن شاء الله رح طبقهم بحياتي وخرجت من الموضوع بشغلة رائعة . رح اكتب قائمة لزوجي بالمهام المطلوبة منو بالبيت واعطيه ياها بالتدريج وتصير قوانين ( مثل يرجع الكاسة الي شرب فيها للمطبخ و يشيل سجادة الصلاة من الارض بعد مايصلي لأنو بيتركها مفتوحة عالارض ? وهيك اشياء مستفزة )
ما ايدك تعطينه ورقه مهام احس ماراح يتقبلها وكأنه الزامي عليه لو جت ف وقتها احلا وانتي ابخص بزوجك
صادقه و الرجال ما يتقبلون الأوامر , حلو لو قلتي له بوقتها بدون ورقه :$
يعطيك العافيه ارواتي احلى البناتي ?
انا عندي قاعده اني بعد صلاة العصر ما اسوي اي شغله تخص البيت من تنظيف وترتيب واللذي منه.. خلاص معطيه نفسي من الصباح الساعه ١٠ لاذان العصر هذا للبيت من طبخ ومسح وترتيب وبعد العصر اشطب المطبخ وابخر البيت واصلح القهوه واجلس مع نفسي لما الليل وبكذا اكون عطيت بيتي حقه من التنظيف وعطيت نفسي وعائلتي حقها ?
اسعد الله هذه النفس الطيبة
جزاكي الله خير على كل معلومه مفيدة وكل كلمة تكتبيها وعلى وقتك الي تقضي بانك تفيدي الاشخاص من حولك ♡
قلبك يستحق كل الحب والود
جعل الله ذلك في ميزان حسناتك
هذي التدوينة من أجمل التدوينات اللي كتبتيها جزاك الله كل خير على جم الفوائد اللي فيها ???
الاستيقاظ المبكر والافطار اورع شي لبدء اليوم بنشاط?وللمعلومية فيه ناس مسائيين ما يناسبهم الاستيقاظ المبكر فمو لازم تجبري نفسك على شي ما يناسبك
قرأت فكرة جميلة وهي مرات نحس بقصور لجانب معين مثل الاهتمام بالنفس او بالاطفال او بالبيت فممكن نخصص يوم نركز فيه على العناية بالأولاد واليوم الثاني نركز عالبيت والثالث عالاهتمام بالنفس وهكذا.. بعدها نشعر بالسيطرة وانا اعطينا كل شي حقه?
ولازم نعرف كيف نحدد اسلوب الحياة والعادات اللي تناسب طريقتنا،، اللي ينفع مع شخص مو شرط ينفع معانا،، مثلا اكتشفت لما انظف المطبخ مرة وحدة ياخذ مني وقت كثيير ومجهد جدا فصرت اقسم الشغل كلما دخلت نظفت شي مره الكاونتر ومرة الدواليب ومرة الارضيه وكذا ونفعت معاي جدا هذي الطريقة وما تاخذ اكثر من5 دقائق لتنظيف شي واحد،،!
الوجبات اوقاتها كانت مزعجة فغيرت تنظيمها الصباح وجبه خفيفه شاي وشابورة مثلا وبعد الدوام وجبة افطار والغداء بعد العصر والعشاء شي خفيف مثل الزبادي او سلطة فواكه ،،
نقطة مهمة وهي حبيت أأكد عليها وهي: التخطيط! ارسمي خطة تناسب وضعك انتي! اذا حسيتي فيه مشكله،مو لاقية وقت لنفسك، ضغط رهيب ومو قادرة تلحقين: اجلسي مع نفسك وامسكي ورقة وقلم وحددي ايش اكثر شي ياخذ وقتك؟ اذا كان التنظيف اوجدي حل! مثل: طلب مساعدة،خادمة بالساعة،استعانة بالأجهزة ،تقليل الاغراض والكراكيب وكلها نقاط ذكرتيها في التدوينة?
اذا كان الاطفال: ادمجي المهام مثلا اقرأي كتاب بيننا تتابعينهم او العبي معاهم واغرسي فيهم قيم واستمتعي معاهم وطوري تفكيرهم وشخصياتهم وعوديهم تحمل المسؤولية من يومهم صغار،، وانتبهي من الافكار السلبية بانهم مو تاركين لك وقت لانها وسوسه من الشيطان والوقت هذا ماراح يتعوض ويرجع?،،
اذا كان الجوال: حددي وقت لاستخدامه واحذفي الحسابات الغير مهمة والتي لا تضيف فائدة في وسائل التواصل الاجتماعي
وهكذا،،
من البداية خططي لحياتك وطوعيها بالشكل اللي يناسبك انتي? وطبيعي تمر فترات فيها فتور ونفقد القدرة على التحكم بالوضع والحل قراءة ما يحفز للنشاط ويجدد الهمة مثل هذي التدوينة??
ما عتقد اضفت شي جديد كل الكلام كتبتيه في التدوينة??
اكتشفت فيه احد يكتب موضوع التدوينة في مفكرة الجوال مثلي??? صراحة رهيبة الطريقة تختصر نصف المسافة?،، باقي تنسيق الموضوع نفسه وصور التدوينه لازم القا لهم حل يختصر الوقت??
واعجبتني فكرة الطبخ البطيء اول مرة اسمع عنها وشكلها راح تكون مفيدة لوضعي??
شكرا شكرا شكرا على كل الالهام والفائدة اللي تمديننا بها ???
كلامك جمميل ??
تعليقك ثري ثري ، الله يسعدك يارب شكرا للاضافه الرائعة
فكر وكلام رائع
(فلسفتي هي باختصار اني جدا أقدرّ الوقت اللي أقضيه مع طفلتي أو أشتغل فيه على المدونة أو بالرسم أو بهواياتي بعيداً عن العمل الروتيني اللي ما أشوف له نتيجة عظيمة في مستقبلي ،
صحيح أن التنظيف والطبخ والغسل أعمال مهمة لحياة مرتبة وهانئة ، لكنها لحظية ،
الأرضيات اللي مسحتها الاسبوع الماضي مازالت بتحتاج مسح الاسبوع هذا ، وهكذا الشغل من هالنوع ما راح ينتهي ومن غير الجميل اني أعطيه وقتي واهتمامي كله..
لازم أستثمر جزء من الوقت للأشغال اللي إذا أنجزتها بأطلع عليها لمستوى أعلى في المستقبل، مثل القراءة ، التربية، تعلم مهارات جديدة وممارستها..)
هاذي الكلمات الي حسيتها منجد تعبر عن شخصيتي كثيررر حبيتها ?
استمتعت وانا اقرا كل كلمه في التدوينه يعطيك الف عافيه وجاري التطبيق ??
بغض النظر عن التدوينة
أحب أقول لك الله يبارك لك فيما آتاك
ياترى كم كمية السعادة اللي تشعرين فيها لما تشوفين ردود الناس ودعواتهم
كم مرة في اليوم يجيك نففففس التعليق (طاقة إيجابية) وأيش مشاعرك
يلفتني كثيييير الناس اللي يحبون ينفعون ويقدمون خدمات أحيانا تكون بسيطة في نظرهم لكن تعني كثير للباقين
هنيئاً لك تيسير الله لك إنك تنفعين الناس
دائماً أفكر ياترى أيش الميزة اللي عندي وأقدر أقدمها للناس وأنفعهم فيها
أتمنى فعلاً يسخر الله لي ويجعلني من عباده الصالحين المصلحين وينفع بي ويتقبل مني
شكر الله لك وغفر لك ورضي عنك ياجميلة ?
شكرا غاليتي اروى ع التدوينة سبحان الله جت ف وقتها انا حاليا انزل ف بيت مستقل ومتحمسه جدا للشغل وترتيب الوقت وقضاء ايام جميلة في منزلي الجديد كنت مررره انتظر منك كلام زي هذا وجاء في وقته سبحان الله شكرا مره ثانيه ..
تدويينة جميلة .???? شكرا اروى
اللهم آمين ..
شكرا أروى دائما مبدعه ما شاء الله
بانتظار المزيد
الله يسعدك في الدنيا والآخرة، أنا بعمر صغير وأنتِ من ضمن أكثر الناس اللي يضيفون لي في حياتي أشياء جميلة أكتبسها لحاضري ومستقبلي.. شكراً لبذلك ولمجهودك، الله يطرح البركة في كل لحظة تعيشينها ومن تحبين?
Thanks ?
موضوع جميل ومفيد للي يحتاج يعيد تنظيم حياته ويدير وقته بشكل صحيح
حبيت اعلق على نقطه الخمول وارتباطها بالفيتمينات او الهرمونات
واقول تجربتي
انا شخص نشيط واحب الحركه ومتربته واغلب وقتي كنت سعيده وايجابيه
بس قبل سنه جاني اكتأب وخمول مو طبيعي وكل تعبانه وماخذه الموضوع انه من الملل
لكن قبل كم يوم عملت تحليل ل vitamin D
وكانت النتيجه ١٠ بينما الطبيعي ٣٠-١٠٠
فعرفت ان سبب كل هالخمول التعب الجسمي هوه نقص باليتامين وتاخيري بعمل التحليل خربط لي حياتي
نصيحه لكل شخص حاول تعمل تحليل كل فتره من باب الاطمئنان او بمجرد تحس بتغيرات بنفسيتك او اجسمك او( مزاجك اذا كان دائماً متعكر )
اولا جزاك الله خير
ثانيا اهم نقطة هي الاستيقاظ الباكر ولنا في الشعوب المتقدمة نموذج حي ، الغرب حياتهم تبدأ مع بداية نسمات الفجر الاولى وإنتاجهم جدا عالي
ثالثا صحة البدن من اهم عوامل الانتاج والغرب كمان مطبقينها على اعلى مستوى ونادر ماتلاقون واحد فيهم مايمارس الرياضة
رابعا وأخيرا طلب العون من الله وسؤاله البركة في الوقت والعمر والمال والصحة وهذا جدا مهم لانه اذا غابت البركة ما انتفع الانسان باي شي يملكه او ينجزه
استمتعت كثيرا بما قرات اهنيك على فكرك الراقي والمبدع دائما تمنياتي لك بالتوفيق والسعاده في الدارين .
السلام عليكم
أجمل تدووينة ?
من جد كنت أحتاج هادي التدوينة
الله يسعدك و إن شاء الله حطبق كل النقاط اللي ذكرتيها ??
ياريت تكتري من هادا النوع من التدوينات
تدخل القلب وتعطي طاقة ايجابية ?
تحمس الواحد أنو يقوم ويتحرك .
كمان في طريقة حلوة بالدات الي عندهم اطفال اكيد البيت كل دقيقة حيتوسخ
في طريقة انو كل ماتدخلي غرفة او مطبخ او اي مكان تنظفي او ترفعي 5 اشياء مثلا رحت اشرب مويا اروح اغسل صحن و امسح الطاولة سارت شيئين اكملهم لخمسة او اي اي عدد انتي تحبيه
حتى لو الفكرة دي تسووها لأطفالكم كدا حيتحمسو انا واخواتي لمن كنا صغار والين دحين نسويها نتفق انو كل وحدة ترفع 10 اشياء مثلا قبل ما نتفرج
عندي اقتراح بسيط مدري اذا في من كتبه قبلي او لا .. اسميه ” المكافأة النفسية ” والفكرة منه انك بعد شغل طويل وتعب تكأفين نفسك بنفسك بشيء تحبيه او يعز عليك مثلا ب أكلة تحبينها او ب تحلية لذيذة او انك تطلعي تتنزهي .. عشان يكون لك كـ حافز وهدية لنفسك على شغلك وتعبك ? ?.
تدوينة رائعة واهنيك ع الخطوات والقواعد لانها مفيدة بالفعل ??، عندي فكرة بسيطة مدري اذا فيه احد قبلي كتبها او لا .. اسميها ” المكافأة النفسية ” والهدف منها ان الواحد يكافأ نفسه بنفسه بعد تعب وشغل طويل بشيء يحبه مثل اكلة معينة او تحلية لذيذة او طلعة لمكانه المفضل عشان يكون ك تحفيز للشخص وتكون هدية لتقدير مجهوده ???.
شكرا على هالتدوينه الرائعه ويعطيك العافيه
انا القاعده اللي امشي عليها بشغل البيت
دايما أحط في بالي ان الشي اذا ما نظفته راح ارجع بوقت ثاني وانظفه مافي مهرب عشان كذا اسويه بنفس الوقت افضل ما أكون جالسه والشغل متراكم وتأنيب الضمير ذابحني لان فيه شغل متراكم ولا سويته
من الافكار اللي جدااا فرقت في حياتي اني اكون لي روتين..
كنت مره اكره الروتين واحب آكل ما اشتهي واتروش متى ما ابي وانام لما اتعب وكذا حال اكثر المجتمع..
الحين تعلمت اهمية الروتين في الحياة يسهل كثيير من سير الحياة بشكل مانتصوره.. مو لازم جدول مسطرة بس اوقات الوجبات منتظمة والاستحمام والعمل والراحة..
بعد ما اتبعت نظام صحي في حياتي كنت اشوف اللي يجهزون وجبات الاسبوع وكانت فكرة مره مغرية لي بس كنت دايم اقول لا ماتنفع لي لاني ماحب احد يقولي وش آكل.. كل يوم او كل وقت لي مزاج اكل شي ما احب شي كأنه مفروض علي.. بعدين جربت اسوي طبخة حقت يومين واليوم الثاني الاكل يكون جاهز فالثلاجة.. ومرره حبيت الحركة كأن احد مدلعني وطابخ لي وجبة لذيذة وصحية وجاهزة بسرعه مايحتاج انتظرها اذا رجعت للبيت جوعانة.. فأحيانا بس نحتاج نكسر افكار حدينا فيها نفسنا..
حتى طفلتي بدأت مرحلة المدرسة واول خطوة نصحونا فيها المعلمات اننا نخلق روتين للطفل.. وفعلا اول اسبوع كان مره صعب على بنتي تجلس وتكتب واجباتها وبعدها نقرا قصة مع بعض ووو.. لكن ثاني اسبوع وثالث اسبوع مررره تغيرت زاد صبرها وصارت مبرمجة عالروتين هذا..
كمان وقت الاستحمام كان دايما موضع جدل لا ماما بكرى.. لا الصباح لا قبل ما انام.. الحين صار عندنا موعد ثابت مافيه نقاش..
اتمنى فكرتي وصلت..
وشكرا لك
تدوينه جميله جزاك الله خير ??
أضيف لنقطة ترتيب الأولويات الصلاة من أول وقتها بعد الأذان مباشرة من أحب الأعمال إلى الله و كل شي عادي لو فاتك أو تأخرتي فيه إلا الصلاه والرسول صلى الله عليه وسلم إذا أهمه أمر قال لبلال يؤذن وقال “أرحنا بها يابلال “
كالعادة … كمية ابداع في المدونة واسلوب جذاب جداً يخليني اقرأ كل كلمة.
ّ I think you are going to make a great writer in the future.
نعم اتفق معاك،، كثير من العوامل تختصر لنا الوقت .. أمثلة لعل البقية تستفيد ..
* اذ عندي طبخة تحتاج طماطم معصور عادة ادبل الكمية وافرزن الباقي.
* في بخاخ خاص اخلط فيه صابون وقليل من الكلور والباقي ماي لمسح جميع الاسطح ( المطبخ، الطاولات، الجدران….الخ) + اشتري منديل رول من نوعية عادية استخدمها للمسح السريع.
*طبخ كمية ليومين.
*احرص ان أحمل كتابي الي اقرأه الى مكان، ممكن يكون عندي وقت انتظار فأشغل نفسي بالكتاب بدال الجوال.
* حاليا كنت جالسة اقرأ المدونة وانا استشور شعري D:
شكرا من الاعماق أروي
مشكوره أختي أروى استفدت من طاقتك
الاجابيه
ماشاءالله لاقوة الابالله الله يزيدك من علمه وينفع بك جدا استفدت من افكارك لأني في الفتره الأخيره قررت اني اغير في تنظيمي للوقت لأن زي ماقلتي تجينا اوقات نحس فيها بالكسل فخلاص ما اكون شايله هم الترتيب او الطبخ لأن كل شي جاهز****
وقاعده اقنع زوجي اني افرزن الخضار لانه معترض يقول تروح فوائد الخضار لماتتفرزن!!!!!دعواتك يقتنع وارتاح لان التقطيع يأخذ من وقتي الكثير
وفي الاخير لكي من جزيل الشكر وخالص الود*****
الاتعلمينه وماظنتي بيفرق ف الاكل ??..
الله يجزاك خير على الكلام الجميل ?
انا في صراع دائم ابي كل شي نظيف وأحس إنّو متوترة كل الوقت ، لو عندي شغل لسا ماانجرته ماارتاح ، لكن التسويف عندي موجود بشكل كبير
فقررت :إنّو المواعين اتغسل بعد العشاء مباشرة والمطبخ تتمسح كل الطاولات فيه، كنس الارض يكون مره بالأسبوع ومسحها كذالك ويوم تنظيف عميق للحمامات وباقي الأيام تنظيف خفيف (الله يكرمكم)غسيل الملابس مره بالأسبوع ، الدجاج اذا مالي خلق أقطعه ادخله الفريزر كل صدر لحاله بكيس مغلق بأحكام ، تجهيز الكشنه بكميات كبيره مره ل10ايام او 15(طبعاً تكون الكشنه بدون بهارات او ملح او فلفل فقط الخضار الي متوفر عندي بثلاجه مع البصل وصلصه)وفي اكياس مغلقة بأحكام أوزع حق كل طبخه كمية مناسبة .
بنهاية احتسبو الأجر في اي عمل تقومون فيه ?
انتي ملهمة ي اروى شكرًا لك بجد بعد كلامك حسّيت حالي فريش وندمت اني سهرانة ?✋?
الحمدلله اني شفت سنابك هالوقت وروقت على الموضوع قبل بداية الدوام??
بالنسبة لتجميع شنط الجامعة جاري التفكير بالموضوع?
جانب كمية طاااااقققه ايجابيه ماشاء الله عليك بس ❤️❤️❤️
جاني*
يسعدلي صباحك ماشاء الله عليك اهنيك الصراحه اتمنى اكون مثلك منظمن وعندي اوقات محدده للمذاكره والشغل
عندي سؤال واتمنى تطبقينه بالمدوينه انا تخصصي لغات وترجمه حبيت اخذ عدت طرق منك لتحققين هدفك باللغه كيف تبدين بالمذاكره وايش الاساسيات اللي لازم نسويه في يومنا وضروريه عشان نتقن اللغه
ربي يسعدك اتمنى موضوع مفصل عن اللغه كيف اقوي ذاكرتي وفهمي واركز بدارستي واشد حيلي للمعلوميه انا بنت ومو متزوجه وحابه اخذ نصايح منك اتمنى تشوفين كلامي واحصل رد منك ويكون موضوع بالمدوينن ربي يسعدك ويخلي لك من تحبين
كلام رائع كعادتك ?.. وخاصة نقطة١١ تجميع الاشيا صار يجيب لي هم كل ماامشي في مكان اشوف اغراض وعفسه تعبت وانااصفي واقط واقط وابطللللت اشتري تحف وخرابيط وشموع زايده واي شي للزينه نبتاات وبس تشرح الصدر وعنايتها مره ف الاسبوع???
ياااه يا أروى صار لي يومين احس بخمول و مالي حيل امسك شغله عشاني ضغطت نفسي كم يوم .. المهم و انا جالسه احاول اقسم مهامي بالاسبوع شفت رابط تدوينتك ?
بوقتها بوقتها ?????????
جزاكي الله خير حبيبتي?
اتوقع مافي شي اضيفه م شاء الله البنات م قصروا ، تستحقين والله ،
امممم مدونتك ف المفضله دآئمآ ، الله يسعدك يارب ، ع فكره من بديت اقرا التدوينه اقرها ب صوتكك ، كانك انتي تسولفين علي كيف اشرح لك ??، يعني كاني اسمعك وانتي تسولفين اقصد تكتبين ، المهم م ينمل من تدويناتكك والله يرزقك فوق م تتمنين ❤️❤️
بعد قرأتي للمدونه دعيت لك دعوه خرجت من اقصى اعماقي لن احدثك بها لكن اسأل الله يستجيبها لي فأنتي تستحقين كل خير .. مدوتنك كنت محتاجتها من زمان الله يوفقك ويرزقك الدرجات العلى من الجنه ❤️
تدوينة جميييلة اشكرك عليها
جدولي في الأعمال المنزلية مقسمة على اربعة ايام، من الأحد إلى الإربعاء، يوم الخميس خاص للإهتمام بنفسي،الجمعة والسبت اجازه
استمتع بوقتي بتخصيص وقت المغرب لنفسي احتسي كوب قهوة مع قراءة كتاب او مشاهدة برنامج مهما كان لدي من اعمال
شكرا أروى ?
السلام عليكم ورحمة الله
تدوينه مُلهمه جداً فيها ومضات تنبهك لنقاط صغيره لكن تصنع الفرق فيومك..بارك الله لك في وقتك وعائلتك وعمرك❤️
شكرا أختي أروي على هذي التدوينه
أنا قبل كنت اجد صعوبه كبيره في اعطاء نفسي الحق في الراحه والاسترخاء ولكن الحمدلله بعد ترتيب جدولي وقطع السهر وجد اني كنت مضيعه وقت كثييييير وثمين
لذا قررت بعد صلاة الفجر ما انام اقراء قران وبعدها ابدا يومي بالرياضه لساعه ونص وبعدها اعمل الفطور
بصراحع من زمااااان ما فطرت مع عائلتي كنت اعمل لكل شخص فطوره وياكله فالطريق او البيت بس الحين بعد هذا الترتيب وجدت اني كنت مضيعه احلى الاوقات معهم لانه نفطر وندردش حتى بنتي اللي ما كانت تحب الحضانه الحين بدات تتقبلها وما تبكي لانه قبل كانت تصحى وتجهز وعلى طول ع الحضانه اما الحين في وقت لانها تصحى معي وتلعب لحد ما تتاقلم ع وضع التجهيز لدوام
وباقي اليوم بعد الدوام اكون اخلص الاساسيات والاعمال الشاقه اخلصهم فالويكند بطلب المساعده من زوجي طبعا هههههه
وبنتي من لم هي صغيره علمتها بعد كل استخدام للعب ترجعهم في البوكس مع اغني اخترعتها من راسي لتشجيع هههههههه
وعملت قانون انه لا التلفون ولا ايباد قبل النوم ولا يدخل الغرفه
والحمدلله ضبط وعسى يستمر الوضع
وكل اسبوعين احط لي وقت اروح فيه مع صحباتي او الصالون للاسترخاء
شكرا لك مره ثانيه
مساء \ صباح الورد لك وللقراء جميعا
بصراحه استمتعت بقراءه موضوعك جدا خصوصا اني اقرأ وأبحث بهالخصوص
بالنسبه للاستيقاظ المبكر .. شيء جميل جدا خصوصا للي تعود
أنا موظفه وحامل في الاشهر الاخيره وأقدر وقت النوم في الويك اند لكن اصحى على 9 الصباح وازعل على نفسي في حال صحيت الظهر
وغالبا بهالوقت بعد الفطور انجز اعمال بسيطه مثل وضع الملابس في الغساله
بحيث نهايه اليوم تكون جافه
احب اكتب الاعمال اللي راح اسويها خلال اليوم ب نوتات وستيكرات ملونه ومرحه بحيث يكون مخي صافي وجاهز للانجاز
حبيت كلامك بخصوص دمج المهام خصوصا ان فعلا مثل ماقلتي هالدقائق الضايعه راح تجتمع وتعطيك كم ساعه زياده تستمعين فيها لنفسك
مثل الحين جالسه اقرا مدونتك الجميله وانا بالدوام وقت البريك ^_^
ايضا بخصوص الSLOW COOKER
حبيت كثيييير كثيييير الفكره لكن انا انسانه يمكن اخاف اني اترك الطبخه ع النار وانا خارج البيت
مااحس ان الوضع آمن لبيتي
:
تسلم اناملك اروى على كتابه التدوينه فعلا فيه امور كنت اسويها وامور كنت غافله عنها باذن الله أدخلها بنظام حياتي
بالنهايه ( ولنفسك عليك حق )
الصور جدا رايقه وجميله توحي بالنظافه والترتيب
جهد تشكرين عليه اروى تسلم يدك
ماننحرم منك
الله يسعدك صرت منظمه وتحكمت في وقتي من تابعتك ممتنه كثيرا
دمتي بود ❤️
الحمدلله في احد يفكر نفس تفكيري،
شغل البيت صحيح مهم لكنه يضّيع اليوم بشكل كبييير!
بالنسبة للتنظيم قررت اكتب تدوينة عن الموضوع واشاركم اياها -بإذن الله- ?
شكراً لتدويناتك اللطيفة ?❤️
اهلا يا صديقة?
قبل فتره بسيطه كنت اتناقش مع بعض صديقاتي من ربات البيوت بأني اجد الاعمال المنزليه مضيعه للوقت لانها لاترجع علي بأي تطور وكانت ردود الافعال متباينه شعرت ان فكرتي لم تصل بشكل صحيح وهنا شرحتيها كما يجب ماشاء الله عليك سأشاركهم هذه التدوينه اتمنى لي ولك وللجميع اوقات كافيه لجرعات سعاده مستمره???
مقالة اعطيها خمس نجوم
شكرا على كل المعلومات القيمة
تدوينة جميلة و أسلوب سلس و خفيف كالعادة ? سلمتِ
مما جربته و أجاد معي :
– التبكير [ استغلال فترة من بعد الفجر إلى وقت خروجي ]
– اصنع لك التزام [ في الأهداف الطويلة المدى تحتاج شريك أو مُتابع لك ، كنت أبغى أتعلم شيء ف درّسته صديقاتي ? و رسخ أكثر ]
استفدت ككثير أروى ، اكتشفت ان اغلب وقتي عالجوآل ومنت اعاقد اني مشغولة لدرجة ما القى وقت آكل فيه او اسوي فيه قهوة ، بالرغم اني ثلاث ارباع يومي ع الجوال و والربع الباقي انظف البيت واداوم ، قررت اني اغير من جدولي وانسقه عشان تكون لي فترة راحة اقدر اتصفح كتاب واقرا وامارس هواياتي واستمتع بكوب قهوة ، افدتيني باشياء كثير جزاك الله خير وان شاء الله اني ارجع لك واقول لك ان نظامي تغير وتحسن بإذن الله ، قبلة عَ يدينك الجميلة ??
كييييييييييف اقدر اتخلص من القعده الطويله ع الجوال?
افكار جميلة يا اروى
واكثر فكرة استمتع فيها تنظيف البيت قبل النوم لاني استمتع بالبيت نظيف لوقت اطول مما لو نظفته الصباح
وكذلك فكرة البدء في اعمال اليوم قبل النوم او مع اول الصباح مثلا الغسيل مثله اعزله قبل انام ومن بكرة ابدأ فيه ع طول والافضل ابدأ فيه من اول ما افتح عيوني عشان اكسب وقت واخلص الغسيل في وقت قياسي
بانتظار يوم الخميس?✋?…….
أكيد لما أقول مُلهمة ما راح أجيب شيء جديد، لكن راح أقول غيرتي حياتي، شكراً جزيلاً ?
انا أفخر إني أصبحت صديقتك
❤️
ماشاءلله تبارك الله نص الكلام اللي قلتيه كان يقرقع في قلوبنا نتمنا نقوله وننفع انفسنا او ننصح الناس به ،، وجميل ان كل اللي حولك بالشكل والهمه هذي تشوفين النشاط يوضح عليك ،،،،،،،،،،،،،، استفدت كثير منك والاهم النشاط ،، كويس الواحد يكون حولينه ناس نشيطين ويواكب نشاطهم وإلا العكس صحيح ،، فهذي مهمه في اغلب الأعمال حتى لو ربات البيوت مومعناها ربة بيت يعني تكون كسوله ومااعندها جدول بالعكس ربة المنزل عندها جداول جداول تربية وجداول نظافه وجداول زيارة وجداول طبخ ووووو ياليت نتبادل اشياء مفيده ..مثل بعض اسماء الكتب المحفزة او دورات مفيدة بهالخصوص ..الام تربي اجيال .. تعبنا من الروتين ووضع التلقائية ..
الحمدلله انا كل الي قلتيه مطبقته بحياتي والحمدلله جدا مرتاحة انا موظفة ومتزوجة وارجع من الدوام بعد صلاة العصر وعارفة كيف اجد وقت لحياتي وزوجي واهلي ،، اعتمد غالبا على نظام اكتب كل اسبوع لي مهام ماتتجاوز العشرة مابين اهتمام بالمنزل وعناية بنفسي او زيارة او تواصل واخر الاسبوع ادخل على القائمة اشطب الي خلصته واذا تجاوزت ٥٠٪ اعتبر نفسي منجزة اقوم اكافئها الحمدلله ?
يازينك والله ☹️❤️❤️❤️ ودي أرسله لكل قروبات الحريم ??
وشكراً لمجهودك ?
جاري التطبيق ان شاءالله كلام من ذهب ..الله يسخر لك يارب
سلمت يداك يالسمية ?
أنا جداً أستفدت .. وبدأت حالاً بعدم التسويف
أحضرت كتبي ودفاتري وأجهز لأبداء بالمذاكرة ،
.. وهناك بالأسفل أواني متسخة سأذهب لنجدتها بعد الإنتهاء من مذاكرتي ? ،
( كان الله في عون المسلم أو العبد ماكان العبد في عون أخيه )
جُزيتي خيراً ،
تقبلي ودي وتحياتي أختك أروى ❤️❤️❤️ .
شكرا شكرا شكككككراااااا اروى لهالتدوينة الرااااائعة
انا ماعتبر وقتي عالجوال على مدونتك او حسابك يروح عالفاضي لاني ماطلع منه الا انا مستفيدة اشياء كثيرررة
ولاحظت اني ما اتعب من الشغل الجسدي اتعب من التفكير بالشغل ?
لكن بإذن الله بطبق قاعدة الخمس دقائق من اليوم
وتجميع الاشياء انا عندي شنطتين فقط وحدة للجامعة ووحدة للعزايم وكنت متضايقة تخيلت لو عندي خمس او ست شنط كيف بتكون الزحمة بالدولاب
وبس جزاك الله خير الجزاء ومرررررة مبسوطة انك راح تنتظمين بالتدوينات لان تدويناتك من ذهب ? واشوف كثير حريم يقسمون شغل البيت على ايام بقولك نظامي انا اداوم بالكلية وماطلع الا ثنتين او ثلاث ارجع اسوي غدا وارتاح شوي وباقي اليوم مابين حل واجبات او امتحانات و تنظيف سطحي للبيت
لكن يوم الخميس تنظيف شااامل للشقة
والجمعة اطلع او اتابع مسلسلي يعني اريح فكري وضميري من الالتزامات
والسبت يكون لاهتمامي لنفسي يعني احط على شعري زيت وعلى وجهي ماسك وارتب اظافري واسوي حمام مغربي او اشيل حلاوة او اتصنفر وبس
اروى ، من اجمل التدوينات اللي قرأتها ?
اشكر الله الذي منحنا فرصه التعرف عليك ومتابعتك ✨
مُلهمه قليله في حقك ، انتِ اكثر من ذلك ، شكراً لك والله يحفظك ?
اولا شكرا على جميع الملهمات الايجابيه الصادره منك
مشكلة البعض لما يقرأ أشياء ملهمه يحاول يطبقها حرفيًا، و يكون تركيزه و تفكيره طول اليوم طبق الشي او لا .. فبكذا يبذل مجهود اكثر و يفقد المتعه.
حلو الواحد يفهم نفسه و يقيس مهامه بدون تبسيط زائد او مبالغه
من الأشياء اللي طبقتها بحياتي :
# كنت في صراع بدايه الزواج ، زوجي ما يحب اشتغل وهوا موجود + انو بأنام بوقت نوم العائله + بنفس الوقت ماابغى انام و المطبخ فيه شي !!
لقيت الحل انو بوقت مااطبخ الغدا أحط كل المواعين بالغساله و ابقي مساحه لمواعين الغدا بعد الغدا مباشرة احطها .. بكذا مااخذت وقت و باقي اليوم محا يكون المطبخ وسخ كلها قهوه و صحون العشا خفيفه حطيها بالمجلى عشان ما تزعجك لا شفتيها??
# مثلا الملابس .. انا عندي مشكله مااحب اراكمها احس انو ممكن احتاج شي منها فجاه و اشيل همها
فخليت يوم ملابسي يوم زوجي يوم ولدي .. الكوي بالذات ايام الجامعه كنت اخصص يوم لانو مملل و ياخذ وقت.
ملابس الزوج برضو الثياب افضل تكون ع الاقل اكثر من ايام الاسبوع تتغسل مرا وحده و تنكوي برا.. مرا مريحة نفسيا ?
# طبعا اهم نقططططه تختصر الوقت انو احدد اش ح اطبخ طول الاسبوع و تكوني مشتريه الأغراض لانو قرار اش اطبخ يخليك تبطلي ??
برضو عشان ما أتكاسل و مااطبخ و ادخل بداومة تأنيب الضمير اقوله يجيب او لا.. حددت لنفسي انو بس الويكيند الأكل من برا
لانو أعاني بالويكند من فقرة ماابغى اصحى قبل العايله و هوا يستنى ع بال الطبخ و أشياء مزعجة ??
الزبده انو عشان ترتاحي اختاري الحل اللي يناسبك ، الحلول موجودة و لا منتهيه … كمان لازم كم يوم يكون بلا مهام و أسفه ع الاطاله ‘$$
قريت التدوينه وانا بالجامعه تحمست ومسكت دفتر ورتبت اولوياتي ومتحمسه ارجع للبيت انجزهم
تدوينة مفيدة واسلوب ممتع يعطيك العافية يا جميلة ??
انا احب اقرأ كتب انجليزية واشتركت هذي السنة ب Audible وهالشي جداً
ساعدني لاني صرت اسمع كتبي المفضلة وقت ما انظف ف بكذا صرت احس ان وقتي يروح في سماع كتاب صوتي مو وقتي ضاع وانا اطبق الملابس ?
وخلاص ما استخدم البرنامج الا وقت الاعمال المنزلية والحمدالله خلصت كتب كثيرة بهالطريقة ….بعد انا اكون حاطة timer بالبرنامج او اسمع chapter واحد بحيث ما يخلص الا وانا مخلص شغلي ?
استفدت من هذي المدونة، الله يسعد روحك
استمري
ماشاء الله عليك طاقه إيجابيه الله يسعدك ويزيدك من فضله انسانه يعجبني فيها التنظيم والهوايات الجميله وكل شي منها للأعلى يارب ?☁️?
شكرًا اروى من القلب ..
مدونة رااااائعة
حبيت أضيف كم نقطة حسيتها أفادتني في إيجاد وقت لنفسي ..
Every day half hour for hard working و هي تخصيص نصف ساعة في كل يوم للأعمال المنزلية و تكون نصف ساعة متواصلة و تشتغلين فيها بسرعة و طبقتها و اتفاجأت بالانجاز اللي يصير في هالنصف ساعة و بهذا يكون صار فيه وقت فاضي بدل ما كل شوي اقوم عشان شي و بكذا يصير انجزت كذا شغلة ف نصف ساعة و ريحت كم ساعة
أخذت الفكرة من البلوقر الامريكية الجميلة Amberfillerup
الشي الثاني ..
كل مااخذ شي أرجعه مكانه فورًا فمثلا وقت الطبخ أخذت شي من الثلاجة و استخدمه أرجعه ع طول .. كذلك اذا احتجت شي من المكتب او من الأدراج في اي مكان و بكذا يصير كل شي في مكانه و مااحتاج امضي وقت بس لترتيب هذي الأغراض و حيكون ممل جدًا
الفكرة اخذتها من كتاب سحر الترتيب
و كذلك فكرة انو أعطي نفسي جائزة ..
يعني مثلا أقول ماراح اتقهوى و اكل الحلا الا اذا خلصت الغسيل و الكوي اليوم و هذا الشي يخليني اشتغل بنفس لأنو عارفة فيه وقت رايق ينتظرني وبالفعل بس اخلص شغل اجلس و اتقهوى و احلي و اشيك ع جوالي و بكذا أكون رااايقة اكثر لأَنِّي مخلصة شغلي و مخصصة وقت رايق لنفسي
و بس
شكرًا اروى مرة ثانية
تدوينة رائعة جدًا أروى جزاك الله خير عليها، وأقر الله عينك بحفظ تالا وصلاحها ..
أحببت أن أضيف تحميل الأطفال مسؤولية أغراضهم الشخصية وبعض المسؤوليات المنزلية تدريجيًا وبحسب أعمارهم ??
سلامي للوالدة ?
أنتِ امرأه عظيمه ❤️
شكرا لإلهامك ❤️
تدوينة رااااائعة جدا وملهمه استفدت منك ومن متابعاتك اشياء كثيرة شكرا لكم بحجم السماء شكرا لبياض قلوبكم .. أحبكم ♡
فيه اشياء اسويها ذكرت قبل وبذكر بعض الأشياء فادتني ممكن تفيدكم ..
اكتشفت ايش يضيع وقتي ببرنامج للجوال رهيييب حملته اسمه * Time Tune * يحسب لي الروتين اليومي كامل حتى ساعات النوم ويعطيني تنبيه قبل بداية اي روتين أو عمل بأسويه ..
برنامج ممتاز جدول لطبخات الأسبوع وأغراض البقاله * food planner * ..
برامج أجنده لتنظيم يومي وأعمالي بجدول فيها تنبيه للمهمه وكم باقي وقت لها واختار الوان الأجنده وستيكرات كيوت * Jorte * ..
قراءة ورد من القرآن برنامج ساعدني فيه تنبيه للورد اليومي * ختم القرآن الكريم * ..
الأذكار والأدعية أكثر من دعاء * اللهم أعني ولا تعن علي *
تحديد ساعه باليوم خاصه فيني أكافئ نفسي بأي شي يسعدني على حسب الإنجاز ..
اتابع حسابات بسناب او انستقرام تلهمني وتشجعني لتنظيم وقتي ويومي احذف بإستمرار كل حساب ما فيه فايده او يشغلني ..
التجهيز المسبق مثلا لأطفالي شنطة للطلعات المفاجئة تحتوي لبس غيار و مناديل واكياس ووو ..
تخصيص يوم واحد للغسيل ..
استخدم الحزم مع نفسي واولادي ..
الترتيب أول بأول بشرط ما يآخذ كل وقتي ..
ولازلنا يجينا أيام ننجز وأيام لا .. نكسر الروتين شوي ثم نرجع لحياتنا ونظامنا ..
عزيزتي
بحثت اسم البرنامج لتحميلة ماطلع معي
هل أكيد اسمة time tune ?
وشكرا?
ايوا timetune اكتبي بالشكل دا مشبك يمكن يطلع لك و علامته دائرة برتقاليه فيها TT
الله يسعدك ويجزاك خير ويسخر لك خلقه ،، كلامك ريحني كثير وخفف من شعور تأنيب الضمير القاسي بشغل البيت خصوصا اني اقرأ لناس نظامهم عسكري لكل شغله وقت معين بالدقيقة يوميا ومااقدرت الزم نفسي فيه أبدا أبدا ،، الآن بعد القراءة بانطلق للمطبخ بما اني كنت مبدعه بالطبخ فيه اليومين الماضية بلا ابداع في ترتيب المطبخ ذاته ? ، لعل ترتيبه الان يخفف من الضغط النفسي وبعدها باْذن الله أسوي لي جدول بالأوليات والله ينفع به ، وماانساك من الدعوات ?
ربي يسعد اليد اللي كتبت
بارك الله فيك ام ريان
تدوينة موفقة ومفيدة كعادتك
زادك الله توفيقا وبارك فيك ولك
ماشاء الله عليك اروى ❤️❤️❤️❤️❤️شخصيتك وأسلوبك في الحياة يشبهني كثييييييييير الله يجزاك الجوع على كل ماتقدميه لنا فعلا يعجز اللسان❤️
شكرا جزيلا على التدوينه ,,
الافكار جدا مفيده ومساعده على خلق الوقت .. حاليا احاول اطبق قاعده الخمس دقائق من اول ماتكلمتي عنها فعلا حسيت بنتيجه بس الموضوع يحتاج تذكير وممارسه
أسعد جدا بتدويناتك جزاك الله خيرا ..
كلام جمييييل و ايجابي تحمست ارجع لبيتي و ألمعه الله يسسعد قلبك يا أروى
التدوينة جميلة تعكس جمال روح صاحبتها كالعادة ماشاء الله كالعادة❤️
عندي اضافة بسيطة تكلمتي عن الاهداف اللي يكون لها اثر في المستقبل
كلام جميل لكن فيه ناس هدفها تفضى حتى تتفرج : فيلم او مسلسل
او تتابع كل سناباتها- يعني شي يفقد قيمته لحظتها وماله اثر بالمستقبل.
مهم جدا ان الانسان يحط له هدف يجعل منه انسان افضل..
قراءة الكتب “المفيدة”
سماع محاضرات
حضور دورات اون لاين
تعلم لغة جديدة
والاهم من هذا كله : القران
او اضافة عبادة جديدة? شكرا أروى
جمالك وجمال تدويناتك يا اروى .. ماشاء الله تبارك الله ربي يسعدك ويخلي لك تالا الجميلة ..
بس عندي سؤال بسيط ياليت تفيدينا بالموقع اللي عن طريقة طلبتي وحدة تجي تساعدك ب امور البيت وياليت تعطينا رايك واذا ممكن بالتفصيل .. احيانا احتاج اطلب بس اكون مترددة او اخاف شوي ..
شكرا لك 3>
احبك مرررة ملهمة وبسيطة وام كيووتة
استفدت منك كووثير واصلي والله يوفقك
حبيت بساطتك البعيدة عن التكلف
يا حبي لك ولكلامك وأسلوبك الراقي ورسائلك الإيجابية يا أروى! ما شاء الله عليكي تبارك الرحمن الله يجزيكي كل خير وتسلم لي الأنامل الي كتبت الكلام الجميل هذا 3> فعلاً كل شيء ممكن بالترتيب والتخطيط والإرادة ومافي شيء مستحيل، استمتعت بكل دقيقة وأنا قاعدة أقرأ المدونة، استمري الله يعطيكي العافية والأجر، شكراً لكِ.
حححبيت الكلام و تحمست أطبق، من بكرة ان شاء الله بمسك ورقة و قلم و بررتب اشغالي، و خاصة شغل المطبخ لانه اكثر شي يتعبني:).
ملهمة كالعاده لدرجة وانا اقرا تدوينتك كنت انتظر العشاء يخلص قريت عن دمج كذا شغل ، تركت الجهاز وبديت ارتب المطبخ والنتيجة مطبخ نظيف مش مكركب ✨
على طاري لمعتي اولى من لمعة بيتي كنت أول ما تزوجت شبه مهمله البيت وكنت أقول بموت ويروح عمري كله في التنظيف والترتيب وان شغل البيت ما يخلص ، الحمدلله تداركت نفسي وصرت وسطيه لا نظافه زايده تهد الحيل وتكسر الظهر ولا إهمال مفرط .
الله يسعدك وييسر لك ويرزقك ويجزاك خير على المعلومات اللي تقدمينها ❤️❤️❤️
يحبني لك تصدقين تدوينتك حسستني ايش كثر انا كسول كل يوم اقول بكرا عطيتيني حافز للانجاز هذا وانا مو متزوجه كيف بعدين ><
الله يسعدك ويزيد ربي من فضله
متميزة جداً يا أروى .. أسأل الله أن يحفظك ويبارك لك فيما رزقك ..
فعلا التدوينة محفزة جداً و باعثة للنشاط والحيوية ????
انتي إضافه جميله ف حياتي يااروى الله يسعدك وييسرلك كل امورك ?
حبيت ، لي فترة احس يومي جداً قصير و مليء بالمهام و ضغط مو طبيعي … استفدت كثير من التدوينة ، الله يعطيك العافية ..
الف شكر على التدوينه الجميله
بالنسبه لي كأم حددت ساعتين انظف و ارتب وخلاص باقي اليوم لي وبس يبقى الغداء
“اهتمي كثير بالاعمال الي ممكن تكون في وقت واحد،
حاولي قد ماتقدرين تدرسين محيطك وايش الاشياء الي ممكن تتسوا في لحظه وحده،
مثلا ممكن ترتبين المطبخ بينما الاكل في الفرن بدل ماتجلسين تنتظرينه يجهز وانت على الجوال”
?هالحركه بسميها الحركه الاخطبوطيه ? بتحسي حالك بوقت قصير عملتي 100 شغله وكانو الك اكثر من ايد ??
واحياناً بتفاجئ من حالي اني عملت هالكم الهائل من المهام بوقت قصير .
مدونتك واللوانها الهاديه بتريح الاعصاب ?
بانتظار جديدك أروتي ?
أنتِ أروى من الأشخاص الملهمين ، الله يوفقك ويبارك لك في وقتك وعمرك وعملك وأهلك ،، تلهمنا أفكارك ?
ماششاء الله تدويناتك فتنه
3> 3> .
جدا استمتع بالقرآهه وجمال الصور ,
فعلا فعلا كلامك على الجرح 4 سنوات راحت من عمري وانا احري ورا بناتي جبتهم ورى بعض ودراستي وكنت اربع وعشرين ساعه مهتمه بالنظافه والطبخ ومهملتهن ومهمله نفسي ودايم معصبه وتعبانه لكن الحمد لله عرفت ان هالشي غلط وتداركت الامر صرت اقضي اغلب وقتي معهن واقلل وقت طبخ وعادي جدا يكون البيت حوسه لكن اخر النهار نبجا ميابقهتجميع الاغراض والي يشيل اكثر هو الفايز والحمد لله حسيت بروح المساعده وامنيتي في الحياة يكونون اكفااي مسؤولين عن كل شي يخصهم وكل كلامك اليوم مثل البلسم مريح جدا وجتني فتره اخذت اجازه منمن النت واصبح لدي قت لايستهان به
ماشاء الله تبارك الله
الله ينفع بك ويبارك لك ويزيدك من فضله ?
شكراً على كل كلمة كتبتيها ❤️
جميع تدويناتك مفيدة وومستحيل افوتها ?
الله يسعدك ويوفقك على هالكلام الطيب .. الله يحفظك من كل سوء ؛ كلامك جميل زادك الله من فضله ونعمته
تدوينه جميييلله واتمنى تتكلمين عن ترتيب الوقت للي عندهم مدارس انا ثالث متوسط??
اكثر انسانة تلهمني انتي ?
الله يسعدك دايم
ماشاءالله مدونه ممتعه صراحه استفدت كثير منها كنت اهلك نفسي في الغسيل والتنظيف والكوي اللي ياخذ اكثر وقت ويخلص اليوم بدون انجاز لاني احاول يكون بيتي مثالي
طبعا اتبع جدول التنظيف والاستيقاظ المبكر لانه وقت الصبح يكون اطول وقت للانجاز بس الوجبات ما اكلها ولا اهتم بالتغذيه لانه باقي وقتي لطفلي ومواعيدي بس الحين بحاول اخذ وقت للاسترخاء وممارست هواياتي على الاقل مره في الاسبوع وشكرا اروى على المدونه الاكثر من رائعه
اروى انتي انسان تشعين طاقه ايجابية
بعد ماخلصت من هالموضوع قمممت وغلفت لي هدية مجهزتها ممكن لو مغلفتها برا بتكلفني فوق ال ١٥٠ ريال والصدق اني كنت مستمتتتعه وشاركت اصدقائي بالسناب بخطوات التغليف
والشي الثاني جهزت لي لسته للمقاضي وضبطتها اتمنى انك تشوفين صورتها ??
فعلا وقتنا يضيييع عالاجهزه ونقول ماعندنا وقت
شكرا لك من القلب ❣❣
أتفق معاك بكل كلمة قلتيها .
أذكر برمضان اتفقت أنا و بنات عايلتي كل فجرية نتكلم بمواضيع تفيدنا و نتناقش فيها عالواتس . بيوم ذكرنا تنظيم الوقت و تقريبا ذكرنا نفس النقاط ( ما اصر اني انجز بعض الشغلات العادية بمثالية زايده ، كل شخص بالبيت يعرف دوره و ما احد بيشيله عنه و كذا …
و صار لي سنة تقريبا افكر بغسالة الصحون بس متردده و في رمضان سببت المواعين مسببه لي توتر بالذات انه اول سنه تمر علي و عندي بيبي و كذا من حسيت ان هالتوتر صار يدمر نفسيتي و يخرب علي الشغلات الثانية قلت خلاص الى هنا ستوب ما في تردد بعد الا نزلتي انت التدوينة و اقنعتيني اكثر فيها و شريتها .بعد فتره جت أختي تسألني تقول تنصحيني فيها . قلت لها و بقوة تراها راحة نفسية قبل لا تكون جسدية .
اروى اتمنى ان تكون تدوينتك القادمة عن العنايه بالنباتات المنزلية .. ?
دائما مُلهمة يا أروى ، بارك الله جهدكِ ، مدينون لكِ بتنظيم الفوضى من حولنا .
طريقتي في التنظيم كتابة مهام أسبوعية كل يوم سبت ومهام يومية كل ليلة .
ليس شرطًا أن تكون المهام تنظيمية وأعمال شاقة حتى المطالعة أو حضور الدورات أقوم بتدوينه كمهمة ينبغي إنجازها .
ماشاء الله تبارك الله الله لايضرك ابداع و تميز كلام يبعث على التحفيز والتنظيم جعل ربي يسعدك ويسر أمرك اقترح تدوين كتاب بيكون له بأذن الله صدى واسع الله يحفظك لعين ترجيك ويصلح لك النية والذرية
شفت التغريده و تذكرتك
https://twitter.com/amazlngplc/status/779868305414692864
ممكن يكون مشروعك الفني القادم ?✌?️
ياااه كميّة كلام حلو وأفكار جميلة ??
ربي يرضى عليك يا أروى ويسعدك و يسخّر لك عباده ?
أفكارك جميلة؛ بالنسبة لموضوع تجميع التحف و الأشياء اللي ممكن ما أحافظ على نظافتها لمّا أكون في المحل وأشوف تحفة أو لمبة فيها جماليات كثير أتخيل شكلها بالبيت مغبرة؟ أو بقدر أنظفها بشكل دوري بحيث ما تغبر؟ بعدين أتراجع عنها وأستبدلها بشيء حلو و بسيط في التنظيف ??✨
ربي يسعدك ??
رررررائعة أروى?نقزت ونظفت البيت الله يجزاك الجنة الله يعطيك فوق ماتمنين
ماشاء الله كمية طاقة ايجابيه الله يحفظك ويحفظ لك عروستك الجميله
أحبك في الله ربي يسعدك كفيتي ووفيتي
اروى حبيبه قلبي?
انا متابعه قديييييمه لكن فيني عيب اني مااتفاعل ولا اشارك هذي اول مره اضع لي بصمه هنا بس حسيت اني أدين لك بهذا البوست والشكر والثناء
متابعتي لك غيرت ف حياتي وشخصيتي الكثييير ماتتخيلين ايش قد
كنت وحده دايم بيتي غير منظم وماعندي وقت حق اي شي وتضيع ايامي بدون ماأنجز ولا شي واكتشفت انه تنظيم اشياء بسيطه بالبيت تنظم حياتك بالكامل متابعتي لك غيرت بيتي وحياتي ومعاملتي مع زوجي كله من متابعتي لمقتطفات حياتك
شكرا أروى استمري للأمام الله يحفظك ويحفظ تالا وربي يسوي كل اللي بخاطرك آمين يارب
ابداع ي اروئ ماشاءالله تبارك الله ..
اروى والله بجد كلامك اللي بالمقدمة جداااا واقعي وجميل وفعلاً ع الجرح .. انا من قبل والله ما اقرأ تدوينتك وفعلا هذي قناعتي انو خطأ احط كل وقتي بشغل البيت طيب طفلي يحتاجني اعلمه والعب معاه نفسي تحتاج اني اخليها ترتقي وتتثقف وتتطور وتصير أفضل كل يوم .. اللي حولي كانو يقولوا عني اني ” مهملة في بيتي” فقط لأَنِّي ما أعطيه كل وقتي .. البيت ولله الحمد في اغلب الايام مرتب ونظيف والأماكن اللي تستخدم بكثرة زي غرف النوم والجلسة والحمام وأنتو بكرامة لازم يومياً تتنظف وتترتب ولله الحمد لكن فعلاً ايام نفسيتي تكون سيئه ف ما اقدر اشتغل كل شغل .. ايام ابغى اطور لغتي ابغى اتعلَّم شي جديد ولو التفتت لكل شغل البيت رح أبقى زي ما انا .. حتمر عليا السنين والقى نفسي بنفس المكان .. والبيت برضوا اللي حطيت كل تعبي فيه رح يرجع ويتوسخ ويرجع يحتاج ترتيب .. يا ليت كل الناس تفهم النقطة هذي وتبطل تطلق احكام على باقي البشر
شكرًا لك أروى على هذا الإلهام () ، ياليت تتكلمين عن التدوين وطريقة عمل مدونة بشكل بسيط وسلس كعادتك :$
ماشاءالله تبارك الرحمن .., انا اتعب من التخطيط اقرر اسوي وافعل ولكن انا جالسه ..,والحمدالله لي كم شهر بديت اقرر وانفذ ع السريع
مشكورة أخت أروى على هذه المدونة نحن بالفعل نحتاج لمثل هذه الأفكار التي دونتيها الله يجعلها في موازين حسناتك والله يرزقناالبركة في أوقاتناواعمارنا
?????❤️
افكار راائعه اكو شغلات استخدمها ونافعه جدا وشغلات ملخبطه وقتي وتفكيري وماكنت منتبهة من قرات التدوينة عرفت سببها الله يسعدك يارب
ماشاء الله تبارك الله رائعة أفكارك ??
استمتعت كثيرا بالقراه شكرا جزيلا?????
دائما اذا جتني طاقه سلبيه ادخل على مدونتك فيها طاقه ايجابيها جدا????
❤️❤️
جميلة التدوينة جداً كجمال روحك ياحبيبتي ??
من الأفكار اللتي أحب أعملها لقيام بمهمة ما
قبل خروجي من المنزل وإن كان المشوار قصير
الا إني أحرص على عمله بشكل سريع وحماسي ونشيط ?
كترتيب المنزل ، تنظيف المطبخ ، ترتيب الملابس ، أو اي مهمة ما
وفي قرار نفسي لأحصل على مكافئتين ✌?️?
الخروج بعده لتجديد النشاط ??
السعاده عن عودتي لان المهمة اللتي أريد فعلها أنجزتها ??
تفكيرك سليم ?? أنا مثلك مؤمنة بمقولة زوجك مابيشوف الأرضية قد ايش نضيفه ! يهمه يشوفك إنت كيف جاذبيتك !
أنا قسمت البيت كل يوم غرفه تنظيف ومره مفيد لي هذا التقسيم يبقى البيت نظيف على طول
ياربي، وش هالجمال والاناقه يا أروى! أول مرة ادخل مدونة وانبهرت والله .. اتمنى تتكلمين عن غرف النوم (الديكور واستغلال المساحة والبساطة ..الخ) لان بغير غرفتي قريب ..
شكرا لك ولجمالك
الله يسعد قلبك ،، قريت المدونه بوقت انا مضغوطة داخليا ( شوي واصيح )
ويوم قلتي مدونتي طويلة ماحسيييت خلصتها وكلي طاااقة ايجابية ورواقة
الله يسخر لك تالا وزوجك وكل من احببتِ ()
انا أعلق ومدري يوصل او لا
الله يسعدك كلامك جدا مفيد ان شاء الله اني امشي عليه وراح استفيد بااذن الله
اروى اقرأي كتاب سحر الترتيب للفن الياباني مرة حيعجبك الكتاب وحيغير نظرتك في الترتيب انا متاكدة حتحبيه وحيعجبك ??
الله يسعدك ويرضى عنك
والله يرزقنا جميعا بركة الأوقات والأعمال ?
فيه حديث ذكر في صحيح مسلم
جدا معين لي بعد الله سبحانه ?
“أن فاطمةَ رضي الله عنها أتتِ النبيَّ صلَّى اللهُ عليه وسلَّمَ تسأله خادمًا . وشكتِ العملَ . فقال ” ما أَلفَيتِيه عندنا ” قال ” ألا أدُلُّكِ على ما هو خيرٌ لك من خادمٍ ؟ تسبِّحين ثلاثًا وثلاثينَ . وتحمَدين ثلاثًا وثلاثينَ . وتكبِّرين أربعًا وثلاثينَ . حين تأخذِينَ مضجعَكِ ”
قبل النوم تسبحين وتحمدين وتكبرين لكل واحدة ثلاثا وثلاثين إلا التكبير لها زيادة
سهل جدا على اللسان وتختمين يومك بذكر يعينك في الصباح بإذن الله ?
قال ﷺ ” إن لربِّكَ عليك حقًّا، ولنفسِك عليك حقًّا، ولأهلِك عليك حقًّا، فأَعْطِ كلَّ ذِي حقٍّ حقَّه” رواه البخاري في صحيحه
قال ﷺ:” إن لربِّكَ عليك حقًّا، ولنفسِك عليك حقًّا، ولأهلِك عليك حقًّا، فأَعْطِ كلَّ ذِي حقٍّ حقَّه” ?
رواه البخاري في صحيحه
الله يسعدك ويرضى عنك ويرزقنا جميعا بركة الأوقات والأعمال والأعمار
هذا حديث طبقته ورأيت أثره في حياتي الحمد لله ?
“أنَّ فاطمةَ أتتِ النبيَّ صلَّى اللهُ عليه وسلَّمَ تسأله خادمًا . وشكتِ العملَ . فقال ” ما أَلفَيتِيه عندنا ” قال ” ألا أدُلُّكِ على ما هو خيرٌ لك من خادمٍ ؟ تسبِّحين ثلاثًا وثلاثينَ . وتحمَدين ثلاثًا وثلاثينَ . وتكبِّرين أربعًا وثلاثينَ . حين تأخذِينَ مضجعَكِ ” صحيح مسلم
ما يخذ من وقتك وتختمين يومك بذكر+ تشوفين الأثر في الصباح ?
يختي علييييك ??? الله يوفقك ويسعدك ويبارك لك بكل ماتملكين ?
ماشالله ي اروى كل ماتكيسلت عن تنظيف الاسبوع تذكرتك ماشالله ترتيبك ونظافتك جدا تشجعني ??? ربي يوفقك
الله يسعدج في الدارين الدنيا و الاخره انسانه راقيه بمعنه الكلمه. يعجبني ترتيبج وطموحاتج
نبي كتاب لك☹️??
حبيت أضيف شي قبل لا أوصل المدرسه ٢gاي نعم 2g اذا كان النت ضعيف راح تقولين بنجز كذا لين يخلص والاتصالات ما تقصر ?
الله يكتبلك الخير وين كنتي محفزه دائما يااروى?
حيل حبيت اهتمامك بالتفاصيل ، التنوّع بالأفكار عندك وأفكارك نفسها 3>
نستفيد من كل ما تقدميه عزيزتي أروى ، أيضاً حبّيت التعليقات في الصفحة، عطوني أفكار كثييييير 33>
شاكرة لك أروى ^^
استمري نحو الأفضل
الله يسعدج ويحفظ لج عائلتج
الله يجزاك خير اختي اروي
مدونتك جميله وكلامك جميل
الله يعطيك الف عافيه
منجزه ومحفزه داذما
بالتوفيق داذما يارب
انا عايشه كنت في امريكا زيك وكنت اكره الحياه والعيشه لانه روتينيه ولا كنت اقدر استغل اي شي لاني ادرس بعد ماتابعتك والله وربي يشهد انها تغيرت الله يسعد يارب
ماشاء الله عليك الله يبارك لك في وقتك صراحه كل شوي اشيك اشوف اذا نزلتي شي ولا اتمنى تطبق ذي الاشياء بدال مو كل يوم ذابحه نفسي بالشغل المشكله ان عندي من يساعدني لكن ماارتاح الا بشغلي انا??
استفدت و استمتعت بالقراءة ، شكراً لك ❤️❤️❤️
انسانه راقية منك مايطلع منها الا الكلام المفيد ..جد اني سعيده اني طحت على مدونتك
كا نصيحه عندي سمعته من احدى المشاهير بالسوشيل ميديا لكن ناسيه والله
تبغين تسوين شيء وتنجزين شيء ومتكيسله حطي منبه بس 20 دقيقه وحاولي تسوين هالشيء20 دقيقه وهكذا بتلقين مثلا بيومين الا منجزه هالشيء وما اخذ منك الوقت الكثير 20 دقيقه فقط
حلم تبغين تحققينه لكن متجاهلته ومتكيسله انك تشتغلين عليه عطيه من وقتك 20 دقيقه فقط
وفعلا فادني وفاد اختي حتى انو بترتيب الشقه اليومي البسيط يفيدك اتمنى انو اكون شاركت بهالمعلومه البسيطه
وافيد البنات مثلا ما اهم بتعليقاتهم فادوني واكيد انتي يا اروى فدتيني كثيرررر
كم انتي ملهمه ماشاء الله تبارك الله يعجز الكلام صراحه .. الله يوفقك يارب ويسعدك ويملى حياتك باللي تتمنين ..
وحده من الناس اللي تزيد الهامي وتصبرني اكثر ع الضغوووط
نحبك ي اروى
الله يعطيك العافية صدق أفكار ملهمة وتحفيزيه لحياة افضل
مفيد ورائع
الله يسعدك ياأروى كلام يلامس القلب والله .? فعلا اوقات نحتاج مثل هذي الكلمات تجدد نشاطنا للحياة ( لي يومين بفترة خمول وضغط فضيعه .. بس دحين بعد ماقريت الكام الجميل وبعض التعليقات تغيرت المشاعر وتجددت روح النشاط ?) بالنسبة لشغله اقدر اخلصها بخمس دقايق لي فترة بسويها كل ماتكاسلت عن شي سالت نفسي كم بتاخد 5 دقايق؟ .. وفعلا ارتاح منها وكمان قريت في مدونة اجنبيه انو قبل تنامي حاولي انك ترتبي كل شي وتقولي لزوجك وابنايك نفس الشي مثلا ( غرفة الجلوس .. نرتب المخدات ونشيل اي وسخ فوق الطاولة نرجع الاشياء امكنها مجرد ترتيب .. ) كمان اول مانصحى من النوم نرتب السرير بدال مايجلس طول اليوم مكركب وشكلو يضايق ونحس اننا مشغولين .. وشكرا مرة ثانيه على الكلام الملهم ❤
انا اول مره اقرأ لك عزيزتي ،،، عجبني جدا جدا الواقعية في الحياة ، وعدم الظهور بمظهر الكمال ? لأَنِّي أنا أعيش نفسك بلا خدم الا بنظام الساعة مره بالأسبوع ،، فما تفضلتي فيه من تقسيم للوقت والمهام خلال الاسبوع ناجح ? % وعن تجربه
حبيت ذوقج في انتقاء الأفكار والكلمات ومشاركة الآخرين التجارب الجميله
شكراااا عزيزتي على وقتك وجهدك
وربي يأجرك ويزيدك من فضله ,, اللهم اميييين
جزيتي خيراً على هذه التدوينه الممتعه والمفيده?
أروى?
ابدعت في هذي التدوينه صراحه، موضوع احتاجه من زمان وكان ودي اقترح انج تنزلينه
كان شامل، وكامل ماشاءالله.. رد على تساؤلاتي.. وأكثر?
الله يجعله في ميزان حسناتج، فدتيني جدا ومتأكده كثير كثيييير من البنات راح يستفيدون مثلي، خاصه اللي عندهم اطفال وعايشين بدون خدم، تدبير الوقت أمر متعب، الله يعيننا ويقدرنا ان شاء الله??
كنت اسمع عنك ولي فترة فترة ضايفتك سناب وطحت بغرامك هالايام لدرجة حذفت نص المشاهير حسيت مالهم هدف ولا فايدة بالنسبة لسنابانك واليوم قررت ادخل المدونة
الله يكتب اجرك ع كل حرف تقولينه وتكتبينه ..موفقة والي الامام♡
تم تدوينة اهم النقاط بورقة وقلم عشان اطبقهم
ماشاء الله كلامك جميل أحتاج طاقة إيجابية
انا أنسانه نشيطة عكس زوجي
يكسر مجاديفي ودي اسوي واسوي واسوي
لكن سوا مني أنسانه نايمه تاكل
على الجوال فقط
?
مدونة جميلة لكنها قديمة لا جديد فيها الشغل مايخلص لين تموت صاحبته أنا أشوف أن الخادمة ضرورية في الأسر اللي اعدادها تزيد عن اربعة اشخاص وفي المنازل الكبيرة.. المدونة هاذي تنفع للأسر اللي ماعندها الا طفل او طفلين وساكنين شقة
زوجات النبي كان عندهم خدم.. الاولى بالمسلمة التفرغ للعبادة حتى يأتيها اليقين .. والله ماراح ينفعنا ذا الشغل..
تدوينة مهمة بالنسبة لي ي هذا الوقت…
الله يسعدك اروى حبيبتي ويجزاك الخير
جميل،،،
حبيييييييييت ❤️??
شاكره جداً لك كان عندي نفس مبادئك وافكارك بس محتاجه التحفيز ..
فعلاً امور المنزل تحتاج ذكاء لأدارتها ..
اروى .. ممتنه جدداً لك ..
استفد من كلامك كثير الله يسعدك ..
بس حبيت لو تشاركينا بجدلك الاسبوعي مثلًا : الاحد تمسحي الارضيات , الاثنين تغسلي الملابس الخ..
ممكن نستفيد من جدولك ونعدل عليه حسب الاعمال اللي متعودين ننجزها باليوم الفلاني .
بكذا راح نكسب منك افكار ونتشارك مع بعض ونحمس بعض .
رائعه رائعه رااائعه .. الله يجزيك الخير ياجميله ?
مرحباً أروى اشكرك من كل قلبي كلام خرج من القلب حتى وصل بكل ترحيب لقلوبنا اسعدتني جداً كلماتك ?
بالنسبه لي احب اضع جدول مثلاً ترتيب البيت قسمته لايام الاسبوع كل يوم استلم غرفه او مكان وارتبه واحياناً لما اكون تعبانه استعين بخادمه بالساعه مره بالشهر لان مااحب احد يمسك بيتي غيري لانه مملكتي انا
عجبتني جداًتخصيص وقت الصباح لنفسي لان دائماً اخصصها للبيت واشغاله او للنوم وبالليل لنفسي قررت استفيد منه ان شاء الله واجعله وقتي الخاص ??
شكرااا مرة ع التدوينة المفيدة ?❤️??
اكثر كلام اعجبني لما قلت اني اهتم ب الوقت اللي ينفعني بالمستقبل كتربية طفلي الان اهم من تنظيف البيت تنظيف عمييييق لان التربية مهمة و لها وقت عمر محدد و الوقت يجري اما التنظيف بتعيدينه كل فترة و ممكن تلقين احد ينجزه لك اما تربية عيالك او اي شي مشابه ماراح يعرف لها كثري ادري ما قلتيها بهالطريقة بس فهمت منها هالمعنى و اول مرة احد يتكلم عن هالنقطة و يوضحها ،،،استمري يا بطله
ماشاءالله عليك الله يحفظك ويديم سعادتك مثل مااسعدتينا بكلامك الجميل والمفيد والرائع صراحه يلامس الكثير من حياتنا لاأملك الاان اقول الله يوفقك ويسخر لك ويرزقك كل ماتتمنين دنيا واخره ويجمعنا فيك بالدنيا والاخره يارب ❤️
الله يبارك لك ويجزاك الجنه تعلمت منك الكثير واستفدت منك ياقلبي الله ينفع بك ويوفقك استمري فإنتي طاقه ايجابيه وممتعه ?
جمييل ما ذكرتي اروى….
فعلا التنظيم مهم وايجاد البدائل والجمع بين الامور يسهل علينا في كثير من الاشياء…
بحكم اني موظفه وعندي اطفال …..
ولا عندي خادمه فعندي الغدا والتنظيف والتدريس 🙁
واحيان ماالحق اسوي شي خصوصا فترة الاختبارت ائئطع نفسي ومايجي الليل الا وانا مااشوف فيتراكم الشغل للصبح ….
فقررت الاتي:
*الصبح خصصته لقراءة تدوينتك واشياء نفسي اتزود منها او حابه ابحث عن شي فالنت وقت ما اشوف نفسي فاضيه بالدوام.
* مجرد ما ادخل البيت اقفل الجوال واقتصر على الهاتف الارضي ومتى ما حسيت بالفراغ فتحته .
* قررت اجيب لي مساعده لشغل البيت مرتين او ثلاث ايام فالاسبوع.
* وراح اطبق الفرزنه والتحضير المسبق وهذي طريقة امي وشجعتيني عليها صراحه.
وخلص الدوام وابطلع …..ههههه
لي عوده باذن الله
أروى ..أنت فعلاً طاقة ايجابية ومتابعة مدونتك مكسب واضافة لوقتي
جاري تطبيق فكرة ال12 يوم
ربي يبارك فيك وفي وقتك وجهدك
روووعه يا الله قد ايش دخل كلامك قلبي واسلوبك اقنعني مرررره شكرا
اروى انتي ملهمتي في كثير من امور الحياة .. وكلامك فعلا صحيح.. التذمير والتأجيل سبب فشلنا فيما يتعلق بضبط الوقت برامج التواصل الاجتماعية تعد حاليا اكثر مضيع للوقت اذا ما استخدمت بشكل مبالغ فيه…اشكرك واحبك في الله
ماشا الله تبارك الله .. خطوات مبارك؛ .. شكرا اروى
شكراً أروى على المشاركة فيه أشياء ذكرتيها و أنا مجربتها و فعلاً جيدة جداً في حفظ الوقت وترتيب الأفكار في رأسك
١- جدول الأعمال المنزلية ساعدني كثيرا، كنت قبل أرتب عشوائي أغسل عشوائي ، و لأني أعملها و أنا مستائه لاني لا أجد لنفسي وقت، فكنت أشعر أنها تزيد 🙁 ، بعد الجدول خلاااااص ترتبت جميع الأعمال على الورق و طلعت من أفكاري و صار عندي صفاء ذهني بدون أعمال في رأسي.
٢- التخفيف من المقتنيات . سبق و قريبت أن كل ماكان فيه أغراض مخزنة و غير مستخدمة فأن طاقة المكان تصبح متوترة فعملت على تخفيف مقتنياتي الشخصية و كذلك المنزلية و لله الحمد شعرت براحة لأن كل شئ احتاجة موجود فقط !
ومن الإستراتيجيات اللي إستخدمتها و كانت جيدة جداً بالنسبة لي ( مشاركة بعض الأشغال مع الإبناء )
مثل : ترتيب الملابس، قبل كنت أرتبها لوحدي وهم غير موجودين ، لكن حفظت هذا الوقت لي و صاروا يشاركوني الترتيب و لاحظت إنهم يستمتعون ??
ايضا لكسب الوقت احرص يكون حوض الغسيل مليان مويه وشوي ديتول او كلور يعني انقع المواعين اذاماعندي وقت علشان اقللل جهد وقفة الغسيل الي تكسر الضهر الطريقه هذي بدل مااتوقفي 20دقايق د راح توقفي 5 دقايق ايضا الي معها غساله اطباق تضمن ان يدخلون المواعين بدون بقايا طعام وبذلك تضمن نضافه غساله الاطباق
نقع المواعين لتسريع عمليه الغسل
صدقتي جدا ً كلام مفيد استمتعت وانا اقرا
لدي طفلين وبنتي بعمر بنتك تقريبا مانكر اني بالبدايه تعبت كثير وكل يوم يمر يشكل صراع نفسي وجسدي خاصه انني انتقلت لمنزل جديد مؤخراً
لكن اول ماختلف نظامي كل شي تغييير
صرت استمتع واحمدالله على فضله
اولا الاستيقاظ باكراً احسست بفارق كبير بالوقت سبحان الله
ثانيا لم يعد اهتمامي ان يكون البيت مثاليا ركزت ع الاولويات ووضعت يوم واحد للتنظيف العميق ( من بعد ذلك اصبحت استمتع بامومتي مع اطفالي اكثر واترك لهم مساحتهم في التعلم واللعب حتى مع الفوضى المحتمله )
ثالثا اشتريت غساله ونشافه حتى لاضطر الى نشر الملابس + غساله الصحون اختصرت من الوقت والجهد الكثير
هذه النقاط مجرد تاكيد واطمح لبقيه النقاط
‘قرأت دراسة عجيبة تقول أن نظام التجميع هذا يزيد الحياة توتر بدل زيادتها سعادة بسبب القلق على الأغراض والحيرة في الاختيار،
بالرغم من أن الكثير يعتقدون أنهم إذا حصلوا على أغراض أكثر بيكونون أسعد..’
صدقتي جدا هالكلام شجعني كثير ان اتخلص من باقي الاشياء فعلا مجرد توتر !
شاكره لك عزيزتي
جججججميله المدووونه مرره مفيدة الله يعافيك اروى وكلامك كله حلو ???
أكثر شي لامسني في هالتدوينة انها أعمال روتينية ماتضيف لي شي اللي إنغسل اليوم بكره او بعده بالكثير بعيد عليه وآخر السنة ولاشي وقت مهدر وفكر مشغول وجسد مرهق ومااضاف لي هالعمل اي إضافة فعلية عالمستوى الشخصي كثير أفكر بهالنقطة وأحس سنوات تمر وأنا مو قادرة أسوي الشي اللي أحبه ويعد إنجاز لي لكن اللي يخفف علي كثييييير هو احتساب الأجر لأني أعتبر نفسي في جهاااد أما انتظار الشكر من الخلق ف آخر همي
افكار جميلة جداً ????? من جد خصوصاً اولوياتك بالحياة كأنك تتكلمين عن افكاري
ما احب تروح الأيام على شغل البيت .. مافيه انجاز ابداً
او يمرر عمرري وانا ما استمتعت مع عيالي ..
او انظف فهالبيت وشكلي يعورالقلب ??
انا احق بهالإهتمام ??
وضحكتيني على تعليق اللي يقولون وش هالفضاوه
ههههههههههههه ?
بس حبيت اضيف وصية الرسول عليك الصلاة والسلام لبنته فاطمه لما مانت تحتاج خادم
وهي انها تكبر ٣٤ وتتحمدالله ٣٣ وتسبح ٣٣
خيراً من خادم ..
والله يجزاك عنا كل خيرر ??
الله يجزاك خير أروى?
أنا أم لطفلين و غير موظفه لكن مع هذا يمر علي أيام أحس بضغط مب طبيعي وهالشيء ينعكس ع أطفالي أغلى شيء عندي ،،
لكن سويت تغيرات .. أولها الدعاءأن الله يبارك لي بوقتي
– صرت أصحى بدري وأحاول أروق ع الفطور (سابقاً أفطرهم وأفطر معهم ) وأجهز فطور عيالي وأشوف وش اصلح ع الغداء وأجهز اللي يحتاج تقطيع أو تتبيل وكذا ..
وأصحيهم أغير لهم وأفطرهم وبكذا أكون أنجزت مهمه / غسيل الملابس أخليه بيومين بالأسبوع
وتنظيف البيت الروتيني ( كنس ومسح) يومياً وقت ما تكون الطبخه ع النار?
التنظيف العميق ع حسب كل يوم شيء
أهم شيء أنه بعد المغرب أكون فاضيه ألعب مع أطفالي أو أصلح شيء لنفسي .
وعجبتني كذا فكره منك ومن البنات وإن شاءالله بأطبقها
ما شاء الله لاقوة إلا بالله
أنا معجبة بكل حرف سطرتيه
زادك الله من واسع فضله
الله يسعدك أم تالا??موضوع جدامفيد وتفاصيله أجمل?أنامن درست بنتي صرت صاحبةبكور وأخلص مسؤولياتي بدري?وياجمال الحياةبشعورالصباح??
والله يديم علينانعمه
صديقه جديده هنا ، لكن صديقه ومتابعه قدييييييييمه في الانستقرام ، احبك اروى واحب حبك لافادة الناس ، انت رائعه والله يبارك في وقتك وفي عملك ويحفظلك احبابك ، شكرا من القلب ولا تفي
كلام جميل الله يسعدك ? انا احب انظم البيت الصباح بعد الفجر فية بركة عجيبة سبحان الله وماياخذ وقت كثير ?
مره جميل كلامك:)..
ماشاء الله بارك الله لك في مالك ووقتك وعائلتك ،، فعلا انت المفروض اللي يقول عنها قوقل الاكثر بنت سعوديه مؤثره في السعوديه ،انتي ماشاء الله مبدعه ، نظيفه، موهوبه الله يبارك فيك
ملهمه بجد ماشاء الله تبارك الله ربي يسعدك??
اهلا اروى ، ممكن تحطي طريقه للحفاظ على الوقت اثناء المذاكرة ، بما انه الاختبارات على الابواب ” جامعيه “
أروي أسئل الله ان ينفع بك وان يحفظك لصحتك ولبنتك والأحبابك اتابعك بسناب والانستقرام وهنآ ❤️⭐️ احبك في الله ?
ماشاء الله عليك ملهمه فعلا حبيت مدونتك جدا ?
ارووى ياعسل عندي استفسار عن النباتات الداخلية و ين ممكن اتواصل معاك .. لمن ارسلت عالايميل خبرتني المنسق ة انه تبع الاعلانات فقط ..
رووووعه المقال استففدت كثير أروتي الله يسعدك فعلا كنت محتاجه زي كذاوفعلا اعاني من أعداء الوقت خااااصه الجوال واليونيوب و .. ممكن تحددي لنفسك مكافأه اذا انجزتي هذي الاشغال اللي انتي مدونتها الباقي من الوقت يكون للجوال وكذا .. او تحديد ساعه في اليوم للجوال تقفلي النت في غيرها .. اشكرك فعلا مقالك يكتب بماء الذهب
اكثر انسانة محفزة وملهمة ?? .. جدا استفدت من مدونتك .
انا اعتمد فكرة فرزنة الاكل جدا خصوصا في الفواكه اللي استخدم فيها سموذيز ??? عشان يسهل عليا الموضوع ما اشيل هم غيل وتقطيعها فكل مرة اسوي فيها سموذي .. و احب افرزن الخبز و حبوب الإفطار عشان احافظ عليها لوقت أطول ✨
ماشاء الله عليك دايم تدويناتك تعطيني طاقه ايجابيه فعلا الانسانه لازم تنتبه انها مش اله هي انسان له طاقه لازم يستمتع بالجمال اللي حوله ومايحمل نفسه اكبرمن طاقتها
تدوينة مميزة. أعجبتني القناعات ولمعتي الشخصية 🙂
عن نفسي لا أجد مثل الراحة النفسية وتنظيم اليوم الذي يأتي بعد صلاة مطمئنة ودعوات في السجود، ثم تأتي بعدها الإرشادات وطرائق الحفاظ على الوقت.
إن لم يكن هناك إحراج، فسؤالي: هل تجدين أن حياتك أصبحت أكثر تنظيما بعد الزواج؟ بمعنى أنك صرت تحرصين على الوقت لأنه بدأ يضيق عليك؟
جيت ابغى اعلّق ومكتوب (ضع تعليقك الجميل هنا).
ما أظن في شيء أجمل من إيجابيتك وروحك الحلوة اللي تتمنى الخير للناس.
بس كنت أبغى أقول إنك لك أثر كبير على حياتي وإني أحبك.
عزيزتي اروى
شكراً لج على الوقت والجهد الي خذتيه لكتابة هالموضوع
جداً قيم
وادعوا الله أن يسعدك ويجزيك خير
دائماً تلهميني
شكرا أروى ?،
استفدت و استمتعت بمواضيعك
انتي حقاً ملهمة
تحفزينني دائما للأفضل ،
اسأل الله أن يبارك فيك و يجزاك خير ماجزى محسنا على إحسانه ، شكرا مرة أخرى ???…
بعث فيني طاقة ايجاببة من الصباح.
الله يسعدك.
كلام مفيد جدا ورائع ..راح اتبعه ان شاء الله
انا اذا كان الدور علي بالطبخ وخلصت طبختي اضفت كل المكونات وشيكت على الطعم تمام اوقت المؤقت بجوالي على حسب الدقايق الباقيه لنضج الاكل واقعد على جوالي لحد مايدق المؤقت وبكذا بتضمنين انه مايحترق اكلك وتشوفين اشغالك الثانيه ، يارب انها مو فكرة قديمه ?
أكثر شي عجبني وأستوقفني حيييييييل في كلامك
لما كتبتي التنظيف والتمسيح شي وقتي ماراح يضيف لي مستقبلاً شئ جديد ،،، لابد أشتغل على تطوير مهاراتي وقدراتي ،،، وفعلاً كلامك في الصميم لابد أن نترك في حياتنا ولاخرتنا أثر مثل حفظ القران ،، حضور دروس علميه عبر النت….
وعدم أهلاك النفس والصحة في الأعمال اللي تنهك الجسد بدون مردود مستقبلي….
بصراحه فتحتي لي نافذه جداً كنت أغفل عنها
رائعه رائعه رائعه واصلي ولاتكوني مقله فمثلك مصدر ألهام …ودافع للاخرين
كلاااااام جداََ رااائع
يااه ما أجملك وما اجمل الأحاديث التي تكتبينها , إنسانة مرتبة ماشاءالله!
أتمنى لك التوفيق الدائم و حياة ملونة و دافئة سيدة أروى
الله يسعدك سعاده عظيمه في الدنيا و الاخره ، انا ام جديده و احترت مره كيف انظم وقتي وكنت متضايقه من نفسي لكن بعد ماقرأت كلامم عرفت كيف انظم وقتي ومن وين ابدأ ، الله يسعدك يارب ❤.
بحب تصويرك اووووووووى
بجد انتى فنانة وكلك ذوق
مممبدعه أستمري
موضوع يفتح النفس ماشاالله?
ماشاءالله تبارك الله ?
احب اتابع سناباتك وانستقرامك احب جوك واعمالك وشغلك مررره تشجعين الواحد يشغل نفسه ووقته باشياء يستفيد منه ..
من الاشياء اللي استفدت منه صرت اهتم بالزراعه والاعمال اليدويه من زمان احبها بس كنت مررره متخوفه انه ماتضبط معي او افشل بالتجربه بس من بعد ماصرت اتابعك حسيت انه لازم اجرب حتى لو فشلت التجربه اعيده يوم ويومين وثلاثه لين ما اضبطه ..
الله يحفظ لك ماعطاك ويخليلك كل غالي يارب ?
اسأل الله أن يحفظك ويجزيك خير الجزاء على نفع الناس
( خير الناس أنفعهم للناس)
الله يعطيك العافيه على كل كلمه قلتيها صح لسانك وانا احب اضيف ان الوحده تعوذ من الشيطان وتحاول تبعد عن الوسوسه الزايده في ان البيت لازم يوميا يتنظف والخضار لازم فرش والاكل ينطبخ اول باول هالشي راح يتعبك حيل حلو الاستعانه بالخضار المثلجة او التجهيز المسبق للاكلات والاستعانه بالخدمه الساعات راح تلاحظون ان الحياه بتصير اسهل بكثير وفعلا على قولتج شنو فايده البيت يلمع وانتي وجهج شاحب ونفسيتك تعبانه !!
أروى انتي فعلاً إنسانه ملهمه وأستمتعت بطرحك
أشكرك على الفائدة ودمتي ي جميلة
كلامك جدا جميل ومفيد ?
احبك الله يوفقك ????
كلام رائع ، وجزء كبير منه طبقته خلال السنتين ولاحظت فرق في حياتي
احب اضيف كم نقطة سهلت علي إبقاء المنزل منظم وهي :
1- عدم شراء الكثير من ألعاب الاطفال والإكتفاء بالألعاب ذات القيمة
2- امتنعت عن جمع الجرائد والبروشورات والملصقات والاعلانات والاوراق التي يتم توزيعها .
3- المواعين البلاستيك ما استخدمها ابدا وبكذا تكون حجم سلة المهملات اصغر وما تتعبى بسرعه .
4- تصفية الاغراض أول بأول من ملابس احذيه تحف ألعاب .
الأفكار حمستني جداً ماشاء اللہ
حبيت أضيف أنه من أكثر الملهيات الارتباطات والزيارات المتكررة والغير ضرورية لاهي زيارة مريض ولا زيارة ذات أسباب مقنعة وهذه الزيارة لها تبعات من تجهيز أصناف وحلويات وشغل الوقت واعداد ملابس مناسبة .. هذه من أعظم سارقين الأوقات
كانت من الاشياء اللي تسهل الغداء بعد الدوام ان امي تطبخ الغداء بالليل وتحطه بصحن فرن لمانتعشى وننظف الاواني يكون قد برد ونغطيه بسفره ونحطه بالثلاجه ونداوم وانا كنت بالثانوي ارجع قبل البقيه كنت اطلعه واحطه بالخبازه يسخن وبعده اغير ملابسي واسوي سلطات واجهز لحد مايجون من دواماتهم ونحضر الغداء وماكان يتغير طعمه ابدا كأن توه مطبوخ وكانت الحركة مره تسهل علينا وتغنينا عن المطاعم ?✨
اروى ربي يسعدك من جد كلامك ريحني كثير انا مااحب يضيع يومي بالشغل ومابي اخلي شغلي متراكم عشان كذا يا يضيع وقتي بالتنظيف يا يضيع بالراحه? الجسديه بس فكري مشوش وشايله هم الشغل لكن راح اطبق كلامك من بكره ان شاء الله وراح ارتاح شكراً لك يامبدعه ومبروك البرنامج مره يجنن??????????
يعطيك العافيه حبيبتي على طرح الممتاز أتمنى لك مزيد من التقدم والمتعه في حياتك ?❤️
أنا متابعه جديده للمدونه
رااااااائعه جدااااا جداااا
أفدتيني بقوووه ????????
موضوع رائع جداً و واقعي وكلامك مقنع ???
ماشاء الله عليك موضوعك رائع وشامل وهذا يدل على مدى وعيك وتربيتك جزاك الله خيرًا وجزى من تعب في تربيتك الجنة
كلمات جممممممميله بجمال صاحبها شكراً لك
فعلا النوم المبكر فرق معي كثير وكمان اني اصحى بدري الصباح طويل وفيه بركه وتنجزين كل شغلك وباقي النهار تبقين مرتاحه جدا؛؛وكمان التدوين على ورق المهام حقت اليوم فعليا ارتاح واتخلص منها من عقلي ولما اكتبها تطلع سهله وبسيطه عكس لما كنت شاغله تفكيري فيها??
اول تدوينة اقرأها لك ، شكراً جداً لمعنوياتك العالية اللي ترسلينها لنا ، مُعجبة كثيراً بفكرك وروحك الجميلة ?
ماشاءالله عليك يا اروى صدق استفدت من كل نقطه ذكرتيها وبإذن الله رح احاول اني اطبقها
بالنسبه لتجربتي في تقليل المهام او الانجاز المستمر اني دائما اذا ابغى انجز واجباتي ابدأ بالأصعب فالأقل صعوبه لين اوصل لأسهل مهمه لان غالبا المهمات الصعبه يكون شغلها للتفكير اكبر فكلما خلصت شغل اعتبره صعب اكون ريحت راسي بشكل اكبر ????
شكرًا شكرًا شكرًا أروى الجميلة ?
كلماتك حفرتها بعقلي
انا لي ٥ شهور والده بطفلتي ود
و من بعدها حسّيت مالي وقت تعبت نفسيا مرا
نفس إحساسك لا أني مخلصه اشغالي ولا أني جالسه مبسوطه
ربي يسعدك وينفع بك و يجزى والدينك الجنه ❤️
افكار رائعة جارِ التطبيق إن شاءالله
يازينك اشكرررررك جدا استمعت بالقراءة وعطيتيني حافز قوي للحياة باركك الله اينما كنتِ
الله يسعدك يا أروى ويبارك لك في صحتك ووقتك على هالمدونة الأكثر من رائعة
ياحلوك وتوجيهاتك ربي يحفظك ويحرسك من كل شر وجميع افراد اسرتك.
ربي يحفظك حبيبتي ويحرسك وجميع افراد اسرتك
انتي انسانه وربي ملاك ورائعه…كمية جمال في التدوينات مو طبيعيه ماشالله تبارك الله.. الله يوفقك ويرزقك زي ماتفيدينا بكلامك العظيم .. شكرا جزيلا من اعماق طبيبة حياتهاكرف???
تدوينتك جميلة لكن اتمنى ما تنسي طاعة ربك من روتينك اليومي وهي المفروض تاخد وقت مهم وتكون هي الشغل الشاغل مثل علاقتك بالقران وطلب العلم الشرعي والعبادات والذكر وكل ما يقربك من ربك
كمثال من وسائل استغلال الوقت سماع القران او سماع الدروس الدينية اثناء جلي الصحون والطبخ
موفقة
موضوع جميلل ومفيددد ?يعطيك الف عافيه
صرت بين فترة وفترة اقرأ الموضوع واحاول اطبق كل الي كتبتيه حبة حبة لين ماصار عادة وشىء سهل وقريت الكتاب الي قلتي لنا عنه طريق السعادة ساعدني بتنظيم حياتي جداُ , يعني تقريباً صرت مرتاحة ومتقبلة حياتي أكثر وكل هذا يرجع لتعبك ومجودك اتعب وانا أشكرك , الله يعطيك الصحة والعافية يارب.
مبدعهه وملهمه جداا?شكرا ياجميلة
ماشاء الله الله يبارك لك في وقتك من جد كل وقتك مفيد الله يسعدك ويرزقك ماتتمنين انا توني اعرف تطبيقك وحملته وقاعده استفيد منك الله يعطيكي العافيه من جد انتي انسانه ملهمه ومبدعه ❤️❤️
أحسنتي بإختيار الموضوع، فعلاً يجب أن ينتصر المرء على المُلهيات ويتغلب على كل ما يُضيع وقته ويُفكر جدياً بالإنجاز قبل أن يمضي عُمره بدون فائدة تُذكر؛ رفيقة أروى جزاك الله عنا خيراً ❤️❤️❤️
كلام ملهم والأغلب الحمدلله ماشيه عليه من سنين لأن الضمير اذا كان صاحي ويجبرك تغيرين مسارك الخاطىء فهنا انتِ ماشيه فالسليم الحياه حلوه بس يبغالها نظام متوازن، الله يسخر لي ولكم الوقت والمقدره ع طاعته والعمل ?
ماشاءالله عليك من زمان ودي أشارك بصراحة انا استخدم بعض هذا الحلول وكثير مرتاحة
شدني العنوان وقريت الموضوع بتشوق كبير، فعلاً كنت حابة اقرأ هالكلام لإني بحاجته، ويجي هالكلام منك الله الله ♥️♥️♥️♥️♥️.
اروى جد جد انا معجبه بشخصيتك لدرجة اني حذفت السناب وماقدرت اتحمل اني ماشوف سناباتك ، لانها جد تحسسني بالحماس اني اقوم ارتب بيتي واهتم بنفسي وطفلي??? .. والحمدلله اللحين صار عندي هالابلكيشن ، فبقدر استغني عن السناب ? .. كلامك كله صحيح ويجيب الطاقه الايجابيه للام ?
تدوينة جمييييلة مثل باقي تدويناتك❤
ممكن بعد اثناء القيام بأعمال المنزل نردد الاستغفار والتسبيح ?ومشكورة يااروى على التدوينه الرائعه
انا عني بدايه اياجازه اضع اجتماع مع اولادي و ادون فيه قوانين وتعليمات واوزع عليهم المهام في ترتيب البيت واذا حابه مثلا تنميه بعض المهارات مثل حفظ كلمات بالانجلش وقرأة وجه من القرآن وطبعا كل هذا عليه نقاط ومكافآة اخر يوم مثلا في الاسبوع او نهاية الاجازه اذا كانت قصيرة
صحيح انا مرتبه وقتي انو على الساعه ثلاث العصر اتوقف عن التنظيف والترتيب والطبخ خلاص باقي اليوم لي ولعيالي والعشا ممكن اسوي شي بسيط فارتحت مره الا في حالات طارئه عندي عزيمه مثلا
قد ايش كلامك مريح احس انجزت بس لاني قريت افكارك
جداً جميل تقريباً اسوي كل اللي ذكرتيه واحاول اني انسق فوقتي مابين نفسي وبيتي واولادي الله يعطيكي العافيه على الكلام الجميل
جاري التطبيق باذن الله ?
الله يكتب لك أضعاف مُضاعفة من الأجر على قد مانوّرتي لي عقلي واستفدت منك كثير . الله يرزقك ماتتمنين ويسخرلك خلقه يارب العالمين ???
جميله مواضيعك جداً واستفيد منها ❤??? استمري
مره مدونتك حمستني ع ترتيب وقتي ❤️
مره شي جميل التنظيم والاستمتاع بالوقت
وحبيت فكرة اقضي وقت مع شغلة أسويها بدل ماتجيني أفكار سوداويه استغل وقتي باانجاز ومتابعه ?
مرررره أحب كلامك ونصائحك ومدونتك جزء من يومي لازم أدخل ?
الله يسعدك ❤️
الله يسعدكِ مره استفدت بالمقال وقررت اني اترك الجوال الان!! والمسلسل!! واقوم انظف
اعجبني موضوعگ مررررره وانا من متابعينگ علي السناب والانستقرام ?
حبيبتي استفدت منگ كثيييير ربي لايحرمگ الأجر ?
وربي احسن شي صارلي اني طحت على تطبيقك وش كمية الايجابيه والجمال هذا .. الله يسعدك دنيا واخره
أنا ناااادمة جداًً لعدم متابعتك من زمان
بصراحة اعجبتني كثيرا تنظيمك لحياتك و اشعر براحة بال و بطاقة ايجابية لمجرد رؤية بوستاتك او سناباتك
ماشاء الله عليك و ان شاء الله سوف اعمل بهذه المدونة بدون شك ❤️
الله يوفقك ويباركلنا في اوقاتنا ♥️
الله يوفقك ويبارك لنا في اوقاتنا ♥️.
مرحبا السلام عليكم
كنت أحتاج موضوع مثل كذا مو لأن الكلام جديد ولكن ترتيب الأفكار والتحفيز أو حتى لمن يطلع من أحد مجرب فترة طويلة يقنع
أنا في فترة لخبطة بحياتي الجديدة أحاول أنجز ولكن أفقد السيطرة بعض الأيام. أعتقد الزحمة اللي بمخي لو أترجم ١ بالمية كل يوم منها راح أكون أكثر راحه. أعتقد العدو الأكبر هو التسويف والكسل بالنسبة لي. ولكن أنا جالسة أجتهد وأشتغل 🙂
أضيف حاجة بعد على كلامك الصباح حلو الوحدة تبدأ يومها بأفكار الإستعانه بالله والتوكل علية
ان اسمي لالا من المغرب
اكتشفتك من خلال اليوتيوب وثاني شي بالسناب وانستغرام والحين بالصدفه لقيت هالمدونه
ماشاء الله عليك انتي صرتي قدوتي بكل شي انا باقي ماتزوجت بس الهمتيني بكثير افكار ترتيب ،استغلال الوقت، حتى افكار مابعد الزواج ان شاء الله احتفظت فيهة عشان اطبقها هه ..
بارك الله فيك والله يسعدك ويوفقك بحياتك ويخلي لك تالا وزوجك واهلك .
ما شاء الله مدونتك تفتح النفس ?✨
انتي رائعة اروى جزاك الله خير انا اسعى للمثاليه اكنها متعبه جدا في زمن الفوضى
????جزاك الله خير طويل لكن ابداً مو ممل
وشكراً نوره على الفكره الحلوة بطبقها ان شاءالله
???
يعطيكي الف عافيه وفعلا احتاج اطبق خطواتك عشان يبقى شويه وقت لانفسنا واولادنا لان النفسيه في الغربه ثاني
جميييييييييل الموضوع يزيد حماس؛ وازيد عليه انه لازم اتابع ناس ايجابين هادفين
أفكار رائعه … سأطبق بإذن الله … أحب استثمار وقتي و اكره تضييعه
مقالة رائعة وفي رأيي أن اكثر ما يضيع الوقت هو التشتت وعدم التركيز فيجب تقسيم الوقت كما ذكرتي في المقالة والبدء بالاهم فالمهم
مقـــــالة رائعة وفي رأيي ان اكثــــر ما يضيع الوقت هو التشتت وعدم التركيز
فيجب تقسيم الوقت كما ذكرتي في المقاله والبدء بالاهم ثم المهم.
بتنظيم الوقت و ترتيب الامور المهمه
بتنظيم الوقت
ان الكثير منا مايضيع الوقت
بتنظيم الوقت و الهتمام
كلام جميل وملهم ربي يسعدك اروى ..
الله يسعدك ويفتح عليك .. كلام جميل وراقي برقيك
انا دوبني متزوجه وحياه جديده كنت خايفه كيف ابدأ فيها وشايله هم زي ماقلتي غلط الوحده تخلي كل اهتمامها البيت والترتيب وعجبني الكلام جدا انه فعلا اللي مسحتيه اليوم حيرجع يحتاج مسح بكره فالمفروض مايكون كل همنا …
استفدت من كلامك جدا
وباقي الحين اكتب اولوياتي وكيف المفروض ارتب حياتي
شكرا من القلب 💗💗
فعلاً نقطتك في موضوع تقليل الاغراض وعدم التجميع غيرت فيني اشياء كثير انا من زمان ما احب اراكم حولي اي شي واشتريت كتاب ماري كوندو سحر الترتيب لاني مومنه بمنطقها وابغا انفذه لكن الي صعب علي الموضوع اني مالقيت احد اعطيه الاغراض الزايده الي عندي وما احتاجها فكلها بدت تتراكم بالمخزن 🙁 لسا جالسه افكر بحلول لهذا الموضوع
رائعة يا اروى كم احسست بالراحه وانا اقرأ هذه التدوينه بالذات كنت ابحث عن هذه الكلمات التي تهدئ من روع وتوتر ربة المنزل وخصوصا اني اريد الاستغناء عن الخادمه لانها سلبت خصوصيتي وراحتي
كلام جميل الله يسعدك❤️
بعض الأفكار أطبقها من وقت لوقت وفعلا اذا طبقتها ارتاح كثير بس يبي لي حبتين اصرار عشان أطبقها كلها والتزم فيها💪🏼
الشي الوحيد اللي متعبني الكوي والغسيل اتمنى تعطينا خطه جيده له 😩💔💔
جميل ورائع
انا ايضا وضعت قائمة بالاكل الاسبوعي المتنوع فطور وغداء لكي يسهل علي حين اذهب الى السوبر ماركت معرفة احتياجاتي
ايضا حينما اطبخ لا أتردد كثيرا فأنا محضرة من بداية الاسبوع ماهي الاطباق وهذا يختصر كثير ممن الوقت
ايضا عندي قاعدة النصف ساعه اعمل بها اي عمل ارغب فيه كإطلاع او تعلم لغه أو جلسة تربويه مع احد ابنائي ودردشه
حيث لدي عمل وام ل7أطفال ودراسة وخادمة واحده فقط
حبيبتي أروى استفدت كثيراً من مدونتك فيها أفكار جميلة جداً ومفيدة..
جزاك الله الجنة..
ماشاء الله كمية جمال ولطافة في كلامك واسلوبك💓💓💓 الله يخلي اكسبلور سناب اللي عرفني ع سنابك ومنه على هالمدونة الجميلة💓💓💓
الحين اقوم اخلص شغل البيت مع اني تعبانه
الله يعين 🏃🏻♀️
ربي يحفظك وحبايبك ويجعله بميزان حسناتكم
على الرغم ان التدوينة صار لها تقريبا سنتين .. إلا اني أحس انها انكتبت لي..
كنك تشوفين وضعي الحالي وتكتبين ..
شكرا شكرا على هالنصائح وان شاء الله ببدا أطبقهم حبة حبة
الله يبشرك بما يسرك حبيبتي
من الطرق اللي خلتني انجز اكتر هو (الروتين)
لما يكون عندي روتين لاشغالي اخلص بسرعه ، يعني انا لما ارجع البيت الظهر اتغدا بعدها على طول اغسل الصحون بعدها على طول اسوي عنايتي اليومية و الخلطات و تقريبا تاخد نص ساعه و بعدها على طول رياضة و بعدها على طول حفظ تبع التحفيظ فخلاص صرت بعد ما اخلص كل شغله اعرف اش بعدها مافي مجال للتفكير ابدا بايش اول و اش بعدو ..
و كمان حذفت البرامج اللي تلهيني لفترة الدراسة”خصوصاً السناب” و في الويكند ارجعها و طبعا ما اضيف الا الناس اللي يفيدوني و احب حساباتهم .
و برضو جربت اسوي جدول اسبوعي كل الاعمال المتراكمة عليا اوزعها على ايام الاسبوع و زبطت ما انتهى الاسبوع الا و انا مسوية كل شي كنت ابا اسويه جاني شعور انجاااز جمييل و قررت اعتمدها 😍💘
ربي يسعدك دائما زي ما بتسعدينا بمشاركاتك الجميلة 🙂
هذا الموضوع جدا ملهم! ^^
شكرا لك من القلب
اعترف اني يوم قريت التدوينه قبل تقريباً سبعه شهور ضحكت ..
الان انا بفضل الله ثم بفضل هذه التدوينه افضل..
اقنعت نفسي ان الغبار مو وصخ بل نتيجه البيئه الي احنا عايشينها.
اقنعت نفسي ان السبت غسيل والاحد الصباح تنطيف وباقي الاسبوع يكون لي فقط..
اقنعت نفسي واستثمرت(زي ما يقولون الاجانب لانه فعلاً استثمار) بفريزر وغساله صحون ولا ندمت ابداً خاصه يوم صار عندي طفله تحتاج وقتي وجهدي..
قريت اكثر، صرت اهتم بجمالي وصحتي واسرتي اكثر.. والاهم من كذا، راسي صار مرتاح جداً.
شكراً اروى، شكراً لانك ذكرتينا بأمور مفروض نعتبرها بديهيه.
ماشالله عليك صراحه جداً افدتيني واضفتي لي افكار ، الحمدلله وقتي اليومي ومهامي واضحة واكتبها واخطط لها من قبل ، واحاول استمتع بكل مهمه انفذها واعطيها وقتها خصوصاً القراءة والانشطه المفضله عندي 🌸🙏🏻
شكرا ي جميله 😻💕
أنتِ أم رائعة
ماشاءالله💕🌸
أفضل برنامج وأفضل مدونه وأفضل كاتبه قد رأتها عيناي!! كل كلمه قد كتبتيها بالنسبة لي الهام وايجابيه انتي قدوتي الى الامام ياقميله 😩✨♥️♥️♥️الله يسعدك ياروى على قد ماتسعديني بسناباتك ومدوناتك الأكثر تميز وابداع 😍😘♥️.
جميلة جدا ماشاء الله
فعلا انتِ طاقة ايجابيه ❤️
شكرا لك على كل طرح جميل ومفيد
شكراً اروى جزاك الله خير
أنا من أشد معجبينك صراحه 💕
أتمنى دائماً تبقين كذا والى الأحسن ايضاً ان شاء لله
كل حرف تكتبينه يغيرني للأفضل ✨ شكراً مرة ثانية
الكلام الواقعي الصادق يصل ❤️
الله يجزيك الفردوس يا أروى .. الفردوس الأعلى وعائلتك ووالديك والمسلمين.
بارك الله فيك يا اروى انتي مثال رائع لكل بناتنا 💕
احبك بنيتي ..
قولي امين الله يسخر لك ابو بيتك ويهنيك ويبرد خاطرك ويسعدك ويسدد خطاك ويجعل لك. من كل هم فرج ومن كل ضيق مخرج 😘🙏
جمال التدوينه للمره الثانيه اقراها وكاني اول مره اقراها استمتعت فيها خصوصا اني انجبت طفل الثاني بعد راحة خمس سنوات وتلخبط النظام و احس بضغط في شغل البيت لكن بعد تدوينتك باذن الله يتغير النظام 💖💖