طريقة الوافلز
طريقة الوافلز الي سويتها امس، استخدمت وصفة امريكية كلاسيكية من النت..
الكمية تسوي دائرتين وافلز حسب حجم الجهاز حقي..
استخدم جهاز : presto waffle maker وأعطيه خمس نجمات..
تفضلوا الطريقة:
-كوب دقيق.
-نصف ملعقة صغيرة ملح.
-ملعقتين صغيرة بيكنغ باودر.
-ملعقة كبيرة سكر.
-بيضة.
-ثلاثة ارباع كوب حليب دافئ.
-ملعقتين كبيرة ونصف زبدة ذائبة (مايعادل نصف ال ١/٣ كوب).
-نصف ملعقة صغيرة نكهة فانيليا (سائلة) ..
يخفق البيض ثم يصب عليه الحليب والزبده و الفانيليا وتخلط (بجهاز الخفق)
تخلط جميع المكونات الجافة ثم تصب بالتدريج على الخليط مع الخفق،
الى ان يكون متمازج جيدا،
تدهن الاله بالزيت او الزبده جيدا ثم يصب الخليط حتى يغطي الجزء السفلي تقريبا،
تغلق الاله وتقلب، وتترك حتى تنضج
( الاله تعلمك انها خلصت اذا وقف النور وكل جهاز يختلف بس هذي طريقة جهازي)
تعرفين انها خلصت اذا صار لونها مثل الي في الصورة ..
+ وانا من عندي اضفت ملعقة صغيرة قرفة عشان الرائحة ،
بعد ما جهزت صبيت عليها عسل ورشيت قرفه وقدمتها مع التفاح..
..
طريقة أخرى مختلفة قليلاً
وتعطي نتيجه هشه اكثر من الداخل وتعجبني أكثر..
( الوصفة البلجيكيه) / بالضبط نفس الوصفه مع استبعاد الملح واضافة ١/٣ كوب سكر ،
و البيض نفصل البياض عن الصفار ونخفق البياض لوحده وفي النهايه نمزج الخليطين بخفه حتى لا تقل انتفاشته <متعوب على الشرح)
طبعا اجمل شي في الوافلز انك تاخذين الوصفه الاساسيه وتضيفين عليها من ذوقك
سواء شوكولاته او موز او تخلينها مالحه ومع جبن ، وتتفننين في التقديم مع الفواكه او الموالح او النوتيلا او الايسكريم ..
حتى شفت ناس يسوون بطاطس مهروسه ويحطونها في جهاز الوافلز تتماسك وتاخذ شكل حلو وتقدم مع الجبن
بالعافية حبايبي وقولوا لي رأيكم ^^
...
تواصلوا معي عبر :
انستغرام وتويتر : arwa_alomrani@
يوتيوب : arwa karu
سناب : arwakaru
اخترت لك:
As an Amazon Associate I earn from qualifying purchases
التعليقات ( 59 ) :
اترك تعليقاً
يجب أنت تكون مسجل الدخول لتضيف تعليقاً.
شكله لذيييذ . بجربه ان شاء الله
ان شاء الله بجربها قريب
ان شاءالله بجربه وتسلمي
أن شاء الله أجربها بعد الاختبارات
صباح الخير
حبيت الوصفه وبالتوفيق
جميييييلللههه
يعطيك العافيه
مبدعه حبيبتي وأتمنى تصوير الخطوات بالفيديو تصبح أجمل .. وأتمنى لگِ أياماً ملونه وسنوات سعيده كما عهدناك في إنتظار جديدك دائماً
من زمان وانا ادور وصفة وافلز واخيرًا لقيت أحد اثق اخذ منه ?
بس عندي استفسار الصفار حق البيض ما نحطه والا يكون مع المقادير ؟
وشكرًا حبيبتنا أروى ?
اهلا اسماء الجميلة ، تحطين الصفار بس مع باقي المقادير ، البياض لحاله يخفق عشان ينتفش ويصير زي الرغوه
شكله لذيذ تسلم يدك
بس انا اهم شئ عندي يكون مقرمش من برا كل ما اسويه يصير جددا طري من برا وجوا
تسلم ايدك??
توي مخلصة مسوية وباجلس افطر عليه ،، قد ايش لذيذ طعمه شيء شيء تسلم يدينك على هالوصفة اليمي
ودي أسألك عن نوعية الفانيليا الي تستخدمينها ، أغلب الفانيليا الطبيعية الي بأمريكا أشوف فيها نسبة كحول ، ما أعرف عن حكمها ، لكن لو عندك نوعية معينة يا ليت تفيديني وشكراً ..
تصدقين توني انتبه ، حقتي طلع فيها كحول ما عمري فكرت انه ممكن يكون فيه كحول بالفانيليا .. بادور غيرها ، بس ما اعرف الحكم ان شاء الله انه مو مثل حكم الكحول مادامه ينحط بقطرات .. شكرا على التنبيه
متوفره انواع مكتوب عليها non alcoholic مثل شركة simply organic او ممكن تستخدمين نكهة الفانيلا الصناعية لأنها خالية من الكحول
جربتها بس للأسف ما ضبطت معي
يعني كان لين بزيادة وأحسه من داخل ما استوى
طعمه كان فيه شيء لاذع شوي ما أدري وشو
يمكن عشاني حطيت بيضتين ..
مع العلم أني عمري سويت طريقه ثانيه وضبطت
فما أتوقع المشكله من الجهاز
“جربت الوصفه البلجيكية”
ومساء جميل =)
لين معناته ما تحمى الجهاز بشكل كافي ، اللاذع يمكن كثرتي فانيليا؟ انا استخدم فانيليا سائلة
ممكن جهازك يناسبه وصفات اخرى ، فبما انها ضبطت معك احد الطرق اعتمديها افضل .. وبالعافية عليك
جربت كذا طريقه للوافلز لكن يطّلع لين ?
شكل المشكلة من الآله
ايه ممكن او انك ماتخلينها تحمي قبل و لازم بعد ماتشغلينها تتركينها فتره لحد ما تصير تطلع بخار بعدين تصبين الخليط وتقلبين الآله اذا هي من النوع اللي ينقلب .. وتتركينها لحد ما تصير اطراف الوافلز بني على ذهبي ..
يسعد قلبك يا رائعة طيب اذا ماعندي الآلة اقدر اسويه في شي ثاني ولا ما يزبط
جربتها ماشاءالله تجننن مرررررره مضبوطة جدا .. تسلمين اروى ربي يحفظك ويخليك ويكتب اجرك ياكريم❤️❤️❤️❤️❤️❤️
جزاك الله خير مدونتك وتصويرك وطريقة تقديمك للمعلومات جداً جذابه ورائعه ,, الله يبارك فيك
تسلم اناملك ياجميله توني سجلت بمدونتك شي رااائع ومساحه هادئه ومريحه
أروى بكم طلع عليك شحن آلة الوافل ؟
لأنهم يقولون الأجهزة لاتشترونها اون لاين؛ لأنها ثقيلة وبياخذ كثير بالشحن
انا في امريكا ياقلبي الشحن مجاني وتراها ١١٠
شكراً أروى توي شريت الاله وعلى طول على المدونه اخذ طريقتك بس اللي ما عنده فانيلا سائلة عادي بودرة ?
اهم شي تتأكدين من الفولت ❤️
مره لزيز ماشاء الله جربت الطريقه الاولى
ملعقة الزبدة الكبيرة مقدارها ١٤ غرام فالملعقتين ونص تقريبا ٣٥ غرام 🙂
تسلم الايادي الصراحه صارت ادماااان والكل يطلبها اسويها له او ياخذ الطريقه
توي جربتها لذيذة ??
أحب كل تدويناتك مهما كانت بسيطة.
لدي نصيحة صغيرة تجعل الوافلز مقرمش من الخارج، وهي استبدال ٢-٣ ملاعق من الطحين بالنشاء
جربي وادعي لي ?
الله يسعدك ياذوق انت معنى للجمال تبارك الرحمن
حابه اسالك كيف طريقة الوافلز المالح و شكرا
جربت البلجيكية كلهم عجبتهم وهي سادة بدون الـtoppings كان نفسي اصورلك بس كل ما اسوي حبة تتاكل قبل ما اخلص اسوي الثانية (سويتها في آلة وافل مربعة، جاتني تقريبًا ٧ حبات ؟ ) المهم انها كانت مرة جيدة تسلمي ???✨✨
شكرا. اروى. حبيت الطريقه. وشكله لذيذ مرررره. بجربه إن شاءالله ?
ياليت تسوينها بالفيديو واناابيها تكون منتفشه ومقرمشه وهشه وسويت وصفات كثبر ومانجحت
شكلها لذيذه بجربه ان شاء الله ???
سويت الوافلز البلجيكي
خيااااااااال ما شاء الله
الله يسعدك ياارب ❤️❤️
الله يسعدج❤️✨
ما عندي آلة وافل بس تحمست وشريتها عشان اسويه ❤️❤️
سلام
اروى وش الدقيق اللي تستخدمينه ؟
بالاصح وش افضل نوع ب امريكا
وش افضل نوع دقيق ب أمريكا ؟
لذيذه
شكله 😍😍
جميل بجربه
تسلم الايادي أروى الوصفه جدا جميله ومضبوطه سويتها حلا وقدمتها مع الايسكريم وصوص الشكلاته وجزء اضفت عليه بهارات ماجيك للبيتزا والباستا مع لبنه لذييذ
جربتها من شوي الذ طريقة وكرسبي ونكهتها طيبه كثير 👌🏻👍🏻
شكرراً الله يسعدك ويبارك في وقتك وجهدتك 💕
عملتو طريقتين و ثنيناتهم حلوين بس بلجيكية تموت 😩♥️
حجرب تسلم الايادي
توني جربته اليوم جربت الطريقه الثانيه لذيييييذ مره وهش حبيت طعمه قووه 😭♥️♥️♥️♥️♥️
شكراً على الوصفه اللذيذه 💛💛
يعطيك العافيه مره لذيذ .. ممكن تفيدينا بطريقه بان كيك يكون منتفش فلافي
عزيزتي اروى هل من الممكن عمل الوافل بمقادير الطريقة الامريكيه لكن بتكنيك الطريقه البلجيكيه ؟
جدتً لذيذ جربت الوصفه الاولى وان شاء الله بجرب الثانيه
ما شاء الله مبدعه
اروى اش نوع جهازش ومن وين اطلبه
دبلت المقدار وطلع ثقيل..
هل هو ثقيل؟؟