طريقة غسل الفرو

11 يناير، 2015  > مفكرتي   الكاتب : أروى العمراني
عدد القراء: 113٬795

طريقة غسل الفرو

طريقة غسل الفرو

أهلا يا أصدقاء ..

قبل سنتين اشتريت قطعة فرو من ايكيا. 

ومع مرور الوقت احتجت اغسلها لأنها صارت متسخه جدا و الفرو صار خشن ومتكتل وفقدت نعومتها..

احس فيه كثير عندهم الفرو حق ايكيا ، تمنيت اني صورته امس قبل ما اغسله،

للتوضيح هذا المنتج اللي أقصده :

طريقة غسل الفرو

مكتوب عليه ممنوع الغسل ، ولكن لا مفر

المهم ، بحثت عن افضل طريقة لغسله ولكن استخدمت منظفات متوفرة عندي بدل الأشياء الي لقيتهم كاتبينها ..

وحبيت اشارككم الطريقة بما ان النتيجة تجنن صار كأنه جديد،

طريقة غسل الفرو

اول شي نقعته في البانيو مويه باردة لحد مايصير مره مبلل .. بعدين فرغت المويه،

بعدين جبت شامبو شعر وحطيته عليه وصرت افركه كأني أحمم بسه هههه ، أو مثل مانحمم فروة الراس..

ويصير المكان كله رغوه وبيبدا الوسخ يطلع ، بعدين بماء دافئ نشطفه.

بعدين نشيل المويه ونحط بلسم الشعر عشان يصير ناعم ، ونشطفه مره ثانيه لحد مانتخلص من اكبر كمية مويه فيه ،،

بعدين نطلعه ونفرشه على فوطه كبيره ونلفهم رول فوق بعض ونعصره (انا سويتها مرتين بفوطتين ) عشان اتاكد انه مره راحت المويه..

صورة توضيحية من wikihow :

طريقة غسل الفرو

 بعدين تركته ينشف وكل كم ساعه ارجع عليه وامشطه بالفرشه حقت الشعر (لو فيه فرشه شعر البسس يكون افضل)..

والتمشيط يكون من كل الاتجاهات مررره مهم عشان يصير منفوش..

يعني مثلا نبدا من اليمين لليسار ونمشط للليمين وبعدها على نفس المنطقه نمشط من الجهه المعاكسة (بياخذ وقت بس الشغله تونس ) ..

ومهم نحطها على فوطه ناشفه لاننا نحتاج الجلد الي تحت ينشف ، بعد يوم تقريبا نشف .. 

تحذيرات :

* قد تختلف النتيجة حسب عمر الفرو إن كان قديم جدا ربما تتضرر الطبقة السفلية (الجلد) ولذلك انا لا اضمن الطريقة على كل أنواع الفرو.. فلا تغسلينه الا اذا مره محتاجه تكون نظيفة..

* لا تغسلينه ابدا بغسالة الملابس ولا بمسحوق الغسيل بتاتا البته..

* لا تجففينه بمجفف الشعر ، افضل طريقة عشان يصير ناعم انه يجف ببطء مع التمشيط المستمر..

..

اخر خطوة عطرت الفرو من بعيد حتى تروح ريحته الأصلية الغير محببه..

وكذا نستمتع بفرو ناعم ونظيف وسعيد

طريقة غسل الفرو

أتمنى لكم يوما ملوناً

...

تواصلوا معي عبر :

انستغرام وتويتر : arwa_alomrani@

يوتيوب : arwa karu

سناب : arwakaru



اخترت لك:

As an Amazon Associate I earn from qualifying purchases

التعليقات ( 57 ) :

  1. يقول العوش ❤️':
    12 يناير، 2015 الساعة 12:22 ص

    يعطيج الف عافية حبيبتي أروى
    ماشاء الله عليج فنانة في كل المجالات
    يتني رغبة شديدة انه اسكن معاج لمدة اسبوع

  2. يقول مسلمة جوة وبرة:
    12 يناير، 2015 الساعة 12:48 ص

    تسلم يدك
    عندما ذكرتِ البلسم قلقت لأن ملطف الملابس مكتوب عليه أنه لا يستخدم مع الفرو أو الملابس المنفوشة حتى لا تفقد نفشتها، جيد أن بلسم الشعر لم يفعل هذا

  3. يقول تونا:
    12 يناير، 2015 الساعة 1:26 ص

    ماشاء الله عليكِ بالك طويل
    أنا رميتها في الغسالة وجبت العيد 🙂

  4. يقول غاده:
    12 يناير، 2015 الساعة 3:27 ص

    ججزاك الله خير ♥♥

  5. يقول Hanan:
    12 يناير، 2015 الساعة 8:29 ص

    يازين النظافة وريحة النظافة ✨
    يعطيك العافية

  6. يقول Ghadah:
    13 يناير، 2015 الساعة 12:48 م

    تسلم يدك ع الطريقه الحلو ⭐️⭐️⭐️⭐️⭐️

  7. يقول نسيبة:
    14 يناير، 2015 الساعة 3:47 ص

    اجمل شي انه النتيجه كانت واو
    كثير مدوناتك يا اروى
    سوي مدونه عن كيفية استغلال الاجازه

  8. يقول غاده:
    14 يناير، 2015 الساعة 4:18 ص

    جربتها ضضبطت وطلعت انعم من اول مشششكوره
    انبسطت كل شوي ااحضن الفرو ♥♥♥

  9. يقول الاء:
    14 يناير، 2015 الساعة 6:32 ص

    انا لسه شارياه من أسبوعين وكنت حيرانه أغسلها ازاي لو اتوسخت طلعتيلي انتي بالصدفة. جزاك الله كل خير

  10. يقول ساره:
    16 يناير، 2015 الساعة 11:43 م

    طريقه حلوه وممتعه يااروى… انا والله غسلته بالغساله اكثر من مره وطلع نظيف وجميل الحمد لله ماانخرب ^^

  11. يقول Najlaalgnam:
    17 يناير، 2015 الساعة 2:16 ص

    جاري التطبيق

  12. يقول رغد:
    17 يناير، 2015 الساعة 2:43 ص

    ماشاءالله عليك

  13. يقول وفاء كاظم:
    17 يناير، 2015 الساعة 3:27 ص

    واخيييرا طريقه …. ربي يسعدك انا ابغى اشتري وحدة وكنت متخوفة من طريقة تنظيفها بس دحين مافي عذر

  14. يقول A:
    17 يناير، 2015 الساعة 11:32 م

    حبيت الفرو من كلامك .. قريباً .. راح اشتري واحد – إن شاء الله –

  15. يقول هايدي:
    18 يناير، 2015 الساعة 4:46 م

    ودي اصير مثلك

  16. يقول سحر الماجد:
    23 يناير، 2015 الساعة 4:51 ص

    واااو

  17. يقول عبير:
    24 يناير، 2015 الساعة 1:40 م

    ماشاءالله عليك

  18. يقول حور:
    24 يناير، 2015 الساعة 2:31 م

    شككككككراً اروى و اخيراً عرفت كيف اغسلها و انا كنت ابي اشتري جديده

  19. يقول Tktk:
    25 يناير، 2015 الساعة 12:42 م

    ما شاء الله

  20. يقول أمل:
    27 يناير، 2015 الساعة 9:11 ص

    انا اسوي نفس الشي بس اسيبها تنشف بالمقلوب يعني الجلد لفوق والفرو تحت عشان تنزل الموية بس المشكلة لما امشطه ينزل الشعر واخاف مع الاستمرار يخلص الفرو

  21. يقول توتي:
    2 فبراير، 2015 الساعة 11:35 م

    فكره جميلة بجربهاان شاءالله

  22. يقول أفياء:
    7 فبراير، 2015 الساعة 3:55 م

    هذا فرو طبيعي؟ اتمنى لا

  23. يقول 7ZAM_CHI:
    5 مارس، 2015 الساعة 5:16 ص

    شكراا مرة أروى كنت ناوي أشتريه بس خفت أنه يتوسخ وما اقدر اغسله ويصير قلق .. بس الحمد لله شريت واحد بعد ما قريت مقالتك اللي أبعدت مخاوفي .. الله يسعدك

  24. يقول أريج:
    6 يوليو، 2015 الساعة 12:12 م

    موضوع مره جميل و مفيد ، شكرا اروى .. وعلى فكره مدونتك ملهمه ماساء الله . أسعدك الله اينما كنتِ.

  25. يقول وعدوش:
    8 أغسطس، 2015 الساعة 6:50 ص

    مشكورهه

  26. يقول Jasmin:
    28 أبريل، 2016 الساعة 9:44 م

    شكرا اروى ❤️❤️

  27. يقول اريج:
    29 مايو، 2016 الساعة 7:51 م

    شكرا اروى .. انا اغسله بالغساله خيار غسيل البطانيات ويرجع افضل من اول

  28. يقول meme Ahmed:
    29 يونيو، 2016 الساعة 10:21 م

    الفرو لى عندنا نغسل في الغساله وبعد نشف
    صار مثلا الشعر المجعد وبعدها رجع مثل قبل نظيف ?

  29. يقول Nofa:
    21 سبتمبر، 2016 الساعة 1:16 ص

    انا في كل غرفة عندي فرو وكذا لون دحين مررا قرفت منها بس برضو خايفة اتهور واغسلها بزات حق المجالس?

  30. يقول Jamila:
    3 أكتوبر، 2016 الساعة 4:07 م

    انا غلطت وغسلته ماقدر أرده نفس قبل ?? استوى جانه صوف خروف ??

    • يقول هند عبدالرحمن:
      11 مايو، 2023 الساعة 2:14 م

      نفس وضعي للأسف، كان عندي قبل ويوم غسلته طلع نظيف وجديد بس الثاني طلع كأنه خروف حقيقي ونشفت الطبقة السفلية ودي يرجع مثل قبل 😭 اللي أكتشفته إن الأول صناعي تحمل أما الثاني طبيعي وكان غالي أصلا.
      ياليت أروى ترجع تجدد الموضوع وتحط لنا حل لو عندها أو قرأت عنه بمدونات أجنبية.

  31. يقول امل المستقبل:
    15 ديسمبر، 2016 الساعة 2:19 ص

    حبيبتي الله يحرم وجهك عن النار….فعلا كنت محتارة كيف اغسل الفرو ودخلت اسأل وأفدتيني لك الاجر والمثوبة من المولى

  32. يقول Golfdan Hanem:
    10 أبريل، 2017 الساعة 5:38 ص

    عاوزة انااااااااااااااااام ومش قادرة اسيب موضوعاتك الجميلة
    تسلمى يا حبيبتى وتفيدينا كمان وكمان

  33. يقول Fauo- فيو:
    13 أبريل، 2017 الساعة 8:14 ص

    تحمست اغسل فروي مع انه لسى جديد احس التجربه ممتعه او وصفك الماتع دمتي ودام عطائگ ي جميله يعطيك ربي الف عافيه ?? ?????

  34. يقول Aioosh:
    13 أبريل، 2017 الساعة 7:23 م

    انا عندي فرو ايكيا بس الصناعي مو الطبيعي وبحطه دايما في الغساله واحط معاه شامبو والنتيجه حلوووه دايما
    يمكن عشنه صناعي
    يسعدكم ربي جميعا ويسلم روحكم من كل شر حبيت التطبيق مرررا ?

  35. يقول صافيه المري:
    15 أبريل، 2017 الساعة 10:50 م

    حلو فكره??ماشاءالله?

  36. يقول أسماء الجهيمي:
    16 أبريل، 2017 الساعة 10:36 ص

    انا غسلته قبل اشوف تدوينتك ?? وللاسف صار جزء نظيف رجزء غير نظيف .. والجلد الخلفي صار قاسي جداً ??

  37. يقول ڤيفا:
    16 أبريل، 2017 الساعة 10:47 ص

    الله يسعدك يا قلبي ، مرره استفيد من كل اللي تصلحينه ، وتعطيني طاقه إيجابيه ??

  38. يقول بيشو:
    11 مايو، 2017 الساعة 7:28 م

    قهر انا غسلته بالغساله وتقطع الجلد ورمته ☹️?

  39. يقول العنود:
    15 مايو، 2017 الساعة 4:06 م

    انا للأسف غسلته بالغساله ?

  40. يقول نوودي:
    15 مايو، 2017 الساعة 5:12 م

    مره احوب افكارك يعطيك العافيه يارب??..

  41. يقول سلطان:
    18 مايو، 2017 الساعة 2:21 ص

    في طريقة ممكن تنظفيه اول باول عن طريق مكوة البخار
    بس ما اضمن اذا كان مره وسخ لازم اول باول
    ومنه يتعقم ويروح الغبار المكوة حقتي جات معاها فرشة مخصصة
    للفرو والبلشيز الي هيا العاب القطن عشان تتعقم وتنظف

  42. يقول سلطان:
    18 مايو، 2017 الساعة 2:23 ص

    اهلا وسهلا مره ثانية
    عندي سؤال صراحة انا من محبين الباركيه
    ولكن قريب جدا سويت البيت باركيه
    خشب ايطالي
    بس السؤال كيف طريقة تنظيفة؟
    ادور في النت كله خلطات مافي مثلا منتج معين اشتريه واستخدمه
    للان فقط امسحه بمنشفة جافة وناعمة
    لكن ماحس بشعور النظافة ??

  43. يقول ناديه:
    18 يونيو، 2017 الساعة 7:56 ص

    يا ريت تكوني صحبتي ?

  44. يقول foofa ?:
    23 يوليو، 2017 الساعة 2:35 ص

    انا وديتها المغسله غسلوها بخار ب10 ريال او اقل ورجعت جديد ولا كل دي الحوسه وفي بنات يقولو يغسلوها عادي بالغساله وبعدها تكوي الفرو بس ماحصل جربتها

  45. يقول خلود:
    8 سبتمبر، 2017 الساعة 2:40 ص

    جمييييل اروى

  46. يقول الشمري:
    19 ديسمبر، 2017 الساعة 4:43 ص

    الفرو السميك يمكن ينغسل .اما الفروه السوريه الي جلدها رقيق من تنغسل وتنشف تتكسر وتنعدم احذروووو .لايقربلها الماء.تلبس بالمناسبات فقط وللبر البس فروه ام 200 ريال بالكثير .والطفيليه من الغلط تنام فيها او تغطبها وتنام .فروه للمحترمين الراقين .فقط .مو يتمرغلبها .وبعضهم يشتري فروه رخيصه طفيليه ويقول كني نيم مع غنم…لان الفرو سنيك حق غنم فعلا .مهو طفيلي ..الطفيلي مايلع ربحه ونصح وظعزيت زيتون ع الجلد .وتبخيرها

  47. يقول Aosand:
    11 يناير، 2018 الساعة 10:40 ص

    سلام عليكم، هل اقدر انظف صوف الخروف بهذه الطريقه ولالا وللمعلوم صوف الخروف انذبخ الخروف واخذت صوفه ولكن كيف تغسيل الصوف الخروف؟

  48. يقول Rose Gold:
    7 مارس، 2018 الساعة 7:32 م

    انا عندي فروه حق الجاكيت وكل ما جا الشتا اغسله بالشامبو او بصابون سائل وبعد ما افركه وانظفه احطه بالعصار على شان يطلع الصابون منه وبعدين بالماي وبعدين احطه بالعصار مره ثانيه احسن من اني استخدم الفوطه واسرع واتوقع انه يصلح حق جميع انواع الفرو … اتمنى افدتكم شوي 🌷

  49. يقول عطرة:
    22 يناير، 2019 الساعة 1:54 ص

    الله يسعدك يا أروى شكراااااااا جزيلا

اترك تعليقاً


أضف تعليق عبر الفيسبوك: