خلاط المطبخ والميسون جار

السلام عليكم ورحمة الله وبركاته

أهلا يا أصدقاء

ومع أول تدوينة في تحدي (تدوينة يوميا لمدة أسبوع)

1 .  2  .  3  .  4  .  5  .  6  .  7

الصراحة تحدي كبير شوي علي لأن تدويناتي متعوده أنها تاخذ مني كم يوم وأكتبها بدون حساب للوقت أبدا ..

لكن أحيانا حلو الإنسان يختبر ويكتشف طاقته القصوى وإمكانياته وين ممكن توصل له..

يحط نفسه تحت الضغط ويحاول يلتزم ، أو بعبارة أخرى يجرب يخرج من دائرة الراحة الخاصة به

هذا النوع من اختبار القدرات مهم للتطوير الذاتي والعملي، وإن شاء الله أقدر أكمل التحدي ..

خلاط المطبخ والميسون جار

المهم اخترت أتكلم لكم اليوم عن الـ Mason jar

أكيد كلكم شفتوا هالنوع من العلب المسماه بـ الميسون جار

خلاط المطبخ والميسون جار

اشتهرت كثير على مواقع التواصل وصرت أشوفها في كل مكان في البنترست والانستغرام ، اللي يشرب فيها واللي يستخدمها كعلب تخزين والبعض يستخدمها حتى في تقديم الهدايا وديكور الحفلات ،

خلاط المطبخ والميسون جار

ولاحظت كثير مطاعم تقدم فيها المشروبات .. والـ DIY اللي ممكن تحصلونها للميسون جار والأفكار اللي معها مالها
نهاية ..

خلاط المطبخ والميسون جار

باختصار الميسون جار صارت موضه

عام ٢٠١٣ صرح مسؤول التسويق لجاردن (الشركة المسوقة للميسون جار) انهم باعوا خلال تلك السنة كمية من الميسون جار لو يصفونها جنب بعض بتدور على الكرة الأرضية مثل الحزام بمقدار ٩٠ ٪

خلاط المطبخ والميسون جار

ما أعرف ايش سبب الشهره الفجأة هذي ؟

المهم اللي يهمنا ان صار فيه أفكار كثير باستخدامها

في هالتدوينة بأركز على أكثر ميزتين تعجبني في هالعلب ..

أولاً : التركيب على الخلاط

قبل فترة أكتشفت حركة بالخلاط رهيبة جدا وعملية ،

خلاطي المنزلي من شركة Oster هذا هو :

خلاط المطبخ والميسون جار

لكنه زي أي خلاط طبيعي مافيه شكل مميز أو قطع خاصة ،

العلبة (الجيك) عبارة عن زجاج والقاعدة الحديد (الشفرة) اللي تخلط قابلة للانفصال مثل أغلب أنواع الخلاطات..

كنت حابه نظام الخلاطات اللي يجي معها زي الكاسات أو العلب مثل هذي :

خلاط المطبخ والميسون جار

، لكنها ما تغني عن الخلاط ، والكاس المخصص لها شكله مايشهي للشرب أو التقديم وزيادة على كذا وقت شرائي له ماكنت حابه أجمع قطع وأجهزة كثير وأحوس مطبخي لأنه كان جدا صغير فاخذت خلاط عادي وحرصت يكون تقييمه ممتاز ويكون زجاج لأني أحسه أجمل وأنظف وأقوى ..

بعدها بفتره كنت أتصفح النت وشفت وحده أجنبية بكل سعادة تفك جيك خلاطها وتركب بداله علبة زجاج (ميسون جار)

خلاطها كان مختلف لكن قالت انه ينفع لأغلب أنواع الخلاطات ،

ماصدقت خبر رحت ركض للمطبخ فكيت جيكي وركبت الميسون جار و ضبطت

خلاط المطبخ والميسون جار

فرحت بالاختراع ، هذا يعني إمكانيات ومميزات للخلاط ماكانت متوفرة قبل

جربته مع فواكه مثلجة وثلج وخلطها بسهوله ،

خلاط المطبخ والميسون جار

سويت فيديو بسيط يبين كيفية الفك والتركيب ..

تنبيه مهم : ضروري تستخدمون الميسون جار الأصلية، فيه ماركات كثير تقليد للميسون جار تكون للديكور وأحياناً زجاجها رقيق فممكن ينكسر، استخدموا الميسون الي مكتوب عليها mason ..

من المميزات

أولا : اني أصلح الخلطات بعلبها مباشرة

مثلا الآن بكل بساطه اعبي العلبة طماطم وليمون وأسوي صلصة الطماطم وإذا خلصت أغطي العلبة واحطها في الثلاجة ،

وبعدها مباشره أقدر أعبي علبه ثانيه فواكه واسوي لي عصير على السريع..

بدون تغسيل جيك ولا شي

والأجمل أن علب الميسون جار الزجاجية تجي بأحجام وأشكال يعني بالضبط حسب الغرض وينخلط مباشرة في علبته نفسها ويتسكر ..

خلاط المطبخ والميسون جار

فلو حبيت مشروب لشخص واحد ما اتكاسل مثل لو كنت باستخدم الجيك كامل لكاس واحد

حتى الكمية أكون عارفتها بالضبط

خلاط المطبخ والميسون جار

الميزة الثانية ان الميسون جار نفسها لها غطا

صرت إذا بيجيني ضيوف ممكن أخلط بالعلب واسكرها واصفها في الثلاجة محكمه الإغلاق وجاهزه حتى للتقديم لأن شكلها لطيف ومقبول جدا

خلاط المطبخ والميسون جار

وممكن أصلح لنفسي عده عصيرات وأخليها في الثلاجه لوقت استخدامها او حتى بالفريزر لأن العلبه آمنه للفريزر

خلاط المطبخ والميسون جار

كنت أصلح فيها وجبات مهروسة وأفرزنها عشان وقت الحاجة وضيق الوقت أو الطلعة يكون فيه أكل نظيف وجاهز لطفلي بدل الوجبات الجاهزه من برا أو السيريلاك ..

وحتى للوجبات اليومية كنت أحط المكونات في العلبة وأركب عليها قطعة الخلط وأخلطها بعلبتها والأكل يكون مباشرة من العلبة.. مع انها صغيره بحجم الكف الا أن القطعه تكفيها 🙂

أفضل بكثير من خلط كميات صغيرة في جيك كبير وحوسة..

خلاط المطبخ والميسون جار

فاصل ريفيو سريع عن الخلاط،

كنت أعطيه ٤ من ٥ قبل ما أكتشف حركة الميسون ، فقط لأنه ماتجي معه الأداة اللي تدفع المكونات باتجاه الشفرة فأحيانا إذا بأصلح سموذي ثقيل ممكن احتاج أوقف وأفتح العلبة وأحرك شوي وأرجع أخلط رغم انه فيه ميزة الخلط بعكس الاتجاه وهذا يساعد أن الأشياء ماتعلق، لكن لأني أحب أخلط السموذي ثقيل فيعلق معي لو استخدمت الجيك مو مثل الميسون جار نادر تعلق المكونات حتى لو كانت ثقيلة..

بس بعد الميسون خلاص معد أحتاج هالحركات فصرت أعطيه ٥ من ٥..

لأنه من كل النواحي الثانية القوة والجودة جدا ممتاز ..

عموما اللي تفكر تشتري خلاط ويهمها يكون يركب على هالعلب لا تتعدا شركة oster جدا عملية..

مع الأخذ في الحسبان أن الأجهزة إذا بتطلبونها من أمازون الأمريكي بتكون ١١٠ ، اطلبوها من أمازون البريطاني أو من المحلات ..

نعود لمحور الحديث 🙂

السؤال المهم ، كيف تختارون حجم الميسون جار اللي بيكون نفس مقاس خلاطكم ؟

الميسون جار له مقاسين فقط للغطا (الفتحة العلوية في العلبة)..

حجم عريض – Wide mouth

  مقاس القطر 86mm

وحجم عادي – Regular mouth

مقاس القطر 70mm

بمعنى أن جميع أحجام وأنواع وألوان الميسون جار في الحقيقة تتغطى فقط بحجمين من الأغطية ،

فنحدد حجم الفتحه هل خلاطنا يحتاج مقاس عادي أو عريض .. مافيه خيار آخر ..

بعضكم سألني كم الكمية اللي تسعها هذي العلب ؟ ،

لقيت صورة جميلة واضح فيها المقاسات

خلاط المطبخ والميسون جار

الميزه الثانيه للميسون جار : قطع الاكسسوارات الخاصة بها متنوعة

تعجبني الشركات اللي تواكب الأحداث، تشوف وش الناس تستخدم وتبتكر أفكار مساعده ..

من القطع المفيدة قطعة خاصة بتفريغ الهواء من الميسون جار .. لكن ماراح اتكلم عنها هنا لأني شرحت بالتفصيل كل شي عن تفريغ الهواء مع الميسون جار في التدوينة الخاصة بجهاز تفريغ الهواء ..

خلاط المطبخ والميسون جار

تفريغ الهواء جميل لتخزين المكسرات والحبوب وغيرها يحافظ عليها لفترة أطول بكثير ويحافظ على نكهتها..

عن نفسي استخدم الميسون جار لأغلب أنواع التخزين، يعجبني انها شفافه ومقاساتها نفس اللي أفضله وتعطي شكل مرتب في الدولاب

خلاط المطبخ والميسون جار

قطعة ثانيه : أغطيه فيها فتحه للمصاص

حلوه لوقت الطلعة برا أو في السيارة أو للصغار (أو المطفوقين زي ناس أعرفهم ههههه )

خلاط المطبخ والميسون جار

قطعة ثالثة : غطا صابون

مره حبيت الحركة سهله وعملية ، وأحس بتكون حلوة بالذات في المطبخ لصابون المواعين بدل مايكون في علبته العادية..

وبكل سهوله ممكن نصلحها في البيت مايحتاج نشتري القطعة

ناخذ اللي يضغط من صابون ثاني علبته خلصت ونفتح فتحه فوق وندخل الانبوب ونثبتهم على الغطا ..

موجودة الطريقة بالتفصيل في البنترست اضغطوا هنا

خلاط المطبخ والميسون جار

هذي بالنسبة لي أجمل القطع،  اللي يحب يشوف زيادة من هالحركات تحصلونها هنا تفرجوا الإمكانيات والخيارات،

أو في البنترست تحصلون الأفكار كلها وكيف ممكن تتصلح في البيت بدون ما تشترون الإضافات pinterest

والآن السؤال اللي أنا أطرحه عليكم ،

وين ممكن تحصلونها في السعودية ؟؟

للحين قالوا البنات انها موجودة في ساكو والهزازي ونجم العروبة وأبو ريالين ومحلات الكماليات .. بس يقولون اللي في ساكو هي الأصلية ، وموجوده في ليكلاند بس يبدو اللي عندهم أغلى من ساكو..

وأخيرا ماراح أدخل في موضوع الدي أي واي والابتكارات اللي الناس مسوينها مع الميسون جارز خارج نطاق الأكل

لأن لها أول ولا لها تالي فممكن أخصص لها تدوينة خاصة مع تطبيقي لبعض الأفكار بإذن الله (في البال كم مشروع)..

وإلى اللقاء غدا مع تدوينة جديدة ^ـ^

أتمنى لكم يوماً ملونا

...

تواصلوا معي عبر :

انستغرام وتويتر : arwa_alomrani@

يوتيوب : arwa karu

سناب : arwakaru



As an Amazon Associate I earn from qualifying purchases

التعليقات ( 194 ) :

  1. يقول بشاير:

    ايه صادقه مدري وش سبب شهرتها كذا
    يعطيكك العافيه تدوينه رائععه ❤️❤️
    بانتظار ابداعك بكره ???

  2. يقول Mnoony_dairy:

    ??العلب هذي لقيتهم في ساكو اربع حبات ب٤٢ ريال وفيه مجموعه كثير
    ومن مميزاتها ماتصدي الحين المحلات العاديه صارت تبيع تقليد زيها بس طلعت وزاره التجاره وحذرت منها لان الغطا يصدي

    وصباح الخير اروى??❤️

  3. يقول AseelAziz:

    أهنيك على فكرة التدوين بشكل يومي لمدة أسبوع..قريت من قبل أنه مفيد جدا للشخص انه يضع اهداف قصيرة المدى بحيث تساعده مستقبلا يحقق أهداف على مدى أطول.. غير انه حلو اصلا الواحد يشغل وقته بشي مفيد .. يفيد ويستفيد.. الله يسعدك مرررررره اعجبتني الفكرة مع اني مابعد هبيت فيهم بس ولو ههههه
    ننتظر تدويناتك الله لايحرمنا

  4. يقول وسَن:

    مشكورة على هالتدوينة الرائعة ?? حمستيني اجربها

  5. يقول نور:

    افكار رووووعه يعطيج العافيه بجرب على خلاطي يمكن بعد يضبط هههههه ..في قطر عندنا هالغراش في محل اسمه ليكلاند ..اذا موجود هللمحل فالسعوديه اتوقع بيلقونه هناك ..هو محل بريطاني عنده ادوات مطبخ واواني واجهزه

    • يقول أم أسيل:

      ليكلاند موجود في السعودية الخبر مجمع الظهران وفعلا موجوده هالقلب

    • يقول أم أسيل:

      رائعه التدوينة ودي اجرب انا خلاطي كينود المشكله الشفره بس اللي تنفصل من تحت مو كامل الحزام اللي آخر الخلاط ماادري إذا بضبط >>>مدري ماعرفت كيف اشرح أن شاءالله احد فهم علي

  6. يقول ميسون:

    شي جميل ورائع والاجمل ان الاسم مثل اسمي?

    دمتي مبدعة كما عهدناك ?

  7. يقول نسيبة:

    صايرة من اصحى افتح المدونه و اشوف اذا فيها شي جديد حلوه الفكره اسمري ?

  8. يقول رقيه العزواني:

    تدوينه رائعه أروى
    كعادتك أنيقه..استمري

  9. يقول ام فيصل:

    ربي يوفقك ويسعدك

  10. يقول ريمه:

    مثل ماقالوا في التعليقات احرصوا انكم تشترون الأصلي لأأن المقلد فعلا يصدي (عن تجربه), وشكرا عل التدوينه الرهيبه اشتهيت اسوي اي شي بالخلاط بس عشان أجرب

  11. يقول Khloodnista:

    صراحه هي روعه انا عندي منهم اخذتهم من ساكو ، درزن ١٢ حبه بسعر جدا معقول في الخمسين اكثر او اقل بشوي ، جدا استفدت منها في تحضير الوجبات والعصيرات ناويه اجيب المقاس الصغير منها كمان ، برضو ما استخدمتها استخدامات ثانيه حاليه للمطبخ بس
    ويعطيك العافيه اروى فعلا من اجمل المدونات بالنسبه لي ، الله يسعدك حبيبتي

  12. يقول kadojah:

    العلب موجودة في ساكو وفي ليكلاند
    بس فرق السعر قوي بينهم، من ساكو افضل ??

    وفكرة التدوينه اليومية جميلة ???
    عالقوة يارب ??

  13. يقول ام لين:

    جميل جدا ماشاء الله ياكثرها عندي ولا توقعت منها فايده غير بالتخزين والان بدلع نفسي مع اجمل سموثي ?

  14. يقول هند الحقباني:

    تبارك الرحمن الله يسعدك ياربي تدوينه رائعه بكل تفاصيلها
    والعلب موجوده عندنا في محلات نجم العروبة والهزازي وغيرها من محلات الكماليات
    الله يوفقك ويزيدك من فضله

  15. يقول ام سالم..:

    ما شاء الله عليج يا اروى..

    موضوع رائع ..

    ربي يعطيج العافيه وتسلم الايادي على الشرح الوافي..

    جاري البحث عنه في الامارات فكرته سهله و صحيه ..

    دمتي بود يا غاليه..

  16. يقول Reem:

    جدا جميله اقتبستها منك زمان من سنتين اعتقد لما نزلتي الفيديو بالاسنتقرام .. الله يسعدك اروى ويعطيك العافيه

  17. يقول Haya:

    الميسون جار شفته باكثر من محل
    موجود في ساكو وموجود بهزاز الخبر
    وشفته عند بو ريالين بس ماادري عن جودته

    يعطيك العافيه ع التدوينه الجميله والمفيده
    وبآنتظار تدوينة بكره بآذن الله

  18. يقول مريم:

    جزاك الله خيرا أخية
    أستفيد كثيرا من مواضيعك
    لا حرمك الله الأجر ??

  19. يقول Goodjob99:

    حبيت فكرة الخلاط مشكوره ع موضوع بتوفيق

  20. يقول سعاد:

    سعادتك حين اكتشفتي فائدته مثل سعادتي حين كتبتي عنه منذ مدة ورحت أركض لمطبخي لأرى هل يناسب خلاطي أم لا ..

    ممتنة لك أكثر مما تتخيلين للكثير الذي قدمتيه ومازلتي
    وسعيدة جدا لأسبوع مميز ومثري ينتظرنا بحول الله منك ماشاءالله وبارك

  21. يقول نوره:

    مشاءالله اعجبني طرحك للموضوع والعلب متوفره بااغلب المحلات اشوفها كثير

  22. يقول hope4ever:

    يعطيك العافيه ? حبيت فكرة التدوين كل يوم .. راح يزيد من مواضيع وتنوع المدونه واكيد راح ينعكس عليك بشكل ايجابي ويشعرك بالانجاز ??

    الى الامام ي أروى و بانتظار تدوينة الغد ان شاء الله ??

  23. يقول Melody:

    تدوينة رائعة جدا كعادتك?
    حبيت الافكار المطروحه?.. احلا مافي الميسون جار انها زجاج تعطي شكل جميل في التخزين وآمنة للأطعمه?
    جدا استفدت من المقاسات اللي وضعتيها اعتقد مقاس خلاطي الفتحة العريضة

  24. يقول ريم:

    تدوينه وافكار رائعه
    وليس غريباً عليك.

  25. يقول Atekah:

    ????وش هالزين كل يوم بيصير فيه تدوينه??شيء شيء الميسون جار???بس عاد وين نلقاه?

  26. يقول أسماء:

    من جمال تدوينك تمنيت يكون هالتحدي شهر ?
    ما عرفت فكرة الخلاط إلا منك ??
    الله يزيدك جمالاً على جمالك ويسعد حالك وبالك ❤️

  27. يقول Loubna Allane:

    موضووع لطييف و كيوووت و جمييل جدا ??? الله يعطيك العافية و منتظرييين التدوينات الجاااية ??

  28. يقول Shatha:

    يسعد قلبك على الهدف الرائع (تدوينه يوميا لمدة اسبوع )
    اظن بيكون اسعد اسبوع لي
    وتدوينة اليوم رااااائعه اعجبتني فكره انه يركب في الخلاط انجنيت عليها
    بأنتظاار ابدااعك وتدوينات تاخذ العقل اكثر واكثر

  29. يقول الهنوف:

    الله يسعدك أروى
    بالنسبة لميسون جار شفتها بساكو وكانت الأغطية بألوان بعد الحجم العادي وشريت منها بس لها مسكة زي الكاس اربع حبات وجداً حبيتها❤️❤️ لطيفة بشكل واستخداماتها كثير ومن زمان كنت ادور عليها لما شفت افكارها بالبنتريست .. وبحثت عن الحجم الصغير مالقيته طلبته من أمازون و وصلني وما تتخيلين قد ايش مستفيدة منها كل بداية اسبوع اسوي فيها سلطات لكامل الاسبوع عشان أخذها معي الدوام وحلو ان تسكيرتها قوية وأمنه احط احياناً سموذي فيها يعني جداً ممتازة
    المشكلة ساكو ما لاحظته يوفر كل الأحجام والأنواع يمكن خلصت !! ?

    بس على العموم حلوة وللحين ما جربتها على الخلاط يبي لي أجرب حمستيني ??✨

    ويعطيك العافية ننتظر التدوينة الجاية ?

  30. يقول آلاء الطعيمي:

    موضوع جميل ?
    انا بصراحة ما شريت ولكن جربت قوارير موجودة عندنا بعد ما ننتهي منها مثل قوارير مربى وغيره جربته على الخلاط للأسف ولا قارورة ثبتت بالخلاط فأتوقع خلاطنا مو مناسب، عندي تساؤل احس اخاف استخدم القوارير بالخلاط اخاف ينكسر ?

  31. يقول ياسمين:

    أهلاً أهلاً أروى ?,,
    اولاً ياحظنا بالتدوينات والفكرة الجديدة ?..
    حبيت ثقة الشركة بمنتجها انها تدور ع الارض هههههههه ، جداً جميلة هالعلب انا استخدمتها اكثر من مره بالهدايا وتخزين الحبوب ، ومثل ماقلتي لها العيد من الافكار بالبنترست ، وشكلها جميل مع الورد وحتى العصائر ..

    شكراً اروى و بانتظارك ??

  32. يقول nora:

    شي جميل هالميسون جار

    لان حجمه وسعته تكفي لاشياء كثيره

    و احسه يساعد في تنظيم الوقت لانك تكونين مخلصه شغلك وحاطته بالميسون جار واذا احتجتيه استخدمتيه وبعد زجاج يعني جدا مناسب لحفظ الاطعمه

    شكرا على التدوينه الجميله

  33. يقول ترنيم ❀:

    يسعد قلببك أروى .. كعاادتك تحبي تنفعي االجميع ♥

  34. يقول منى العضياني:

    روووووعه العلب وأنتي أروع يا جمالك ?

  35. يقول أم عبدالله:

    جمال تدويناتك وحساباتك يدل على جمال روحك جزاكِ الله خير على كل شي جميل تقدميه وربي يبلغنا ويجمعنا بكِ في الدنيا والآخرة

  36. يقول ام مجد:

    دائماً أشوفهم ولا عمري فكرت اجربهم، أعطيتني دافع قوي لتجربتهم ???

  37. يقول وعد:

    ما أجمل اني اصحى من النوم وألاقي ايميل باسم أروى العمراني والله شعور كذا يفتح نفس الواحد ولا يوصف لأني دوبني جديده في المدونه ..
    تسلم يدك ع التدوينه الجميله حبيت الفكره وياااارب تضبط على خلاطي ما فيا اروح اشتري خلاط ثاني وتصير حوسه وزحمه عندي ??

    انا سويت بميسون جار كريستالات وطلعت تجنن واللي بقي في الجار “موية الكريستال” كبيتها وكانت فيه حبات كريستال لاصقه في نفس الجار وطلع شكلها يجنننننننن ويخرفن وكل شي وجا في بالي احط جواتها شمعه وبالفعل طلعت مره حلوه بحاول ارسلها لك في سناب وان شاء الله توصلك

    • يقول أروى العمراني:

      واااو تخيلت شكلها ، السناب المشكله تروح التعليقات اذا ماشفتها بوقتها ، شكرا لجمالك وعد

  38. يقول هديل:

    جميل ربي يسعدك??

  39. يقول سوسو:

    ساكو بسعر ممتاز جدا

  40. يقول مها العزيزي:

    موضوع جميييل وقيم بصراحه خاصه للي يهتمون بالترتيب والتنسيق ف المطبخ والبيت بشكل عام .. شكرا للمعلومات حبيبتي?? وشكرا على وقتج اللي تشاركيه معانا ..

  41. يقول منى عبدالله:

    جزاك الله خير مدونة رااااااائعة سؤالي هل الخلاط 220 أو 110 ؟!

    • يقول أروى العمراني:

      ١١٠ من امريكا كل الاجهزة

      • يقول Arwa:

        مافهمت الحين انا طالبه نفس خلاطك بس اش النوع والمقاس الي يناسبه علشان اجيبه عطيني مقاسات وحجم نفس تبعك ? حبيت الافكار ماشاءالله روعه مبدعه دايم ???

  42. يقول أم رفو:

    الله يسعدك فكره جميله جداً وبإذن الله راح أجربها وإن شاء الله تركب ع خلاطي لكِ مني كل الشكر .

  43. يقول Lama:

    اعجبتني فكرة تدوينة كل اسبوع

  44. يقول جولزا:

    مساءك سعاده أروى

    تدوينه جميله كعادة تدويناتك ، فعلاً الميسون جار استعمالاتها كثيره ومفيده في كثير مجالات ، و حبيت الخلاط مررره ??❤️ حلو انه تركب عليه الميسون جار وخاصة اني اوقات اتكاسل لما ابغى اعمل عصير مثلاً لي بس فأفكر بغسل الخلاط ، لكن الان فعلاً شي عملي و حلو انه بعلبة الميسون جار نفسها اهلط المكونات ??

    جولزا

  45. يقول ريم:

    ماشاء الله كعادتك اروى تدويناتك ممتعه وشامله ومفيده يعطيك العافيه الله يبارك لك وفيك ???

  46. يقول اسراء احمد:

    روعة التدوينة اروى ماشاء الله ابدعتي ????❤️?
    تحدي جميل وانتي قدها ????

  47. يقول nada khaled:

    تدوينة جميلة ? استمري اروى ????

  48. يقول Deema:

    بصراحه مره حلوه الفكره واللي عجبني فيها للعصيرات دايم اتورط ابي اسوي شوي وماعرف اضبط الكميه ! وانقهرت اني توني شاريه خلاطه مو نفس الماركه ??

  49. يقول inssaf:

    تدوينة جميلة ما شاء الله.أفكار روعة?.ربي يوفقك

  50. يقول وُجود:

    حبيت مره ❤️ قد تكلمتي عنها من قبل وتحمست أجربها بس للأسف لحد الحين ماجربتها، سمعت إنها موجوده بساكو ..
    إن شاء الله بإذن الله قريبًا أجربها وحبيتها للتخزين في الفريزر أو المخزن، الشكل يكون مرتب ومنظم أكثر ??
    الله يسعد قلبك ? واسبوع سعيد مع تدويناتك ?

  51. يقول أروى الحزيمي:

    مبدعة كعادتك
    وبانتظار إبداعات هالأسبوع الله يسعدك ويحفظك ❤

  52. يقول ضحى:

    تسلم ايدينك تدوينه جميله ومفيده وملمه بكل جوانب الموضوع بإنتظار التدوينات القادمه

  53. يقول دنيا:

    ربي يسعدك قد ماتسعدينا أروى ?
    من لما شفت المقطع اللي قد حطيتيه عنها بالانستقرام وأنا ماخليت محل إلا ودورت فيه وبالنهاية حصلتها عند ليكلاند ..
    بس للأسف طلعت أصغر من مقاس خلاطي ( كينود )
    انبسطت ألحين انو فيه مقاس عريض منها ان شاءالله يضبط ?
    وابتدت رحلة البحث ……

  54. يقول khayriah:

    تدوينه رائعة ومريحة جدا ???
    برسل الرابط لامي عشان تقراه وتشتري منها

    سهل وبسيط وعمل جدا
    ياكر ماشتهيت عصير وكسلت بسبت غسيل الجك حق الخلاط

  55. يقول Pink.1988:

    يعطيكي العافيه أروتي استمتعت بقرائة تدوينه اليوم جاري البحث عن الميسون جار ??????

  56. يقول Snapblogger1:

    ممتاز الميسون جار ❤❤ عرفته واستخدمته وقت سكني بامريكا..
    كنت اخذه من تارقت او وول مارت ، استخدمه لكل شي تقريباً
    سلطات اجهزها لطول الاسبوع بدون الصوص طبعاً
    للقرانولا وللبقوليات وللسموذيز..
    وفعلاً شكلها حلو وعملية ومرتبه.. بالسعودية
    اخذهم من ساكو 12 حبة نفس مقاس حقك الي فيه العصيرات
    ب 55 ريال ? ..
    شكراً أروى وانتي قد التحدي منتظرة تدويناتك ??

  57. يقول Sara:

    يعطيج العافية ع التدوينة المفيده، وشكراً ع المعلومات القيمة ❤️
    عندي ملاحظة لاحظتها ف بعض العلب إن غطائها المعدني مع الأيام يصدأ بسبب الرطوبة ، لكن مش متأكدة إذا يعتمد ع نوع الشركة المصنعة أو ع عوامل ثانيه.

  58. يقول أسماء:

    شكرا ❤️أروى أختك في الله أسماء كثير من شخصيتك وهواياتك تشبهني ?الله يحفظك

  59. يقول عتاب:

    انا اشتريت الخلاط من أمازون والصراحه أمازون رهيبين
    لما طلبت الخلاط من أمريكا ووصل عندي حطيته على فيش كهربا ١١٠ بس ما ادري ليه ضرب
    طلب زوجي واحد جديد
    وراسل امازون بالي صار بالخلاط
    ارسلوا لزوجي اذا تبي نعطيك واحد جديد او نرجعلك فلوسك
    رجعت لهم الخلاط اللي ضرب ورجعوا الفلوس لان كنه طالبين واحد جديد زوجي صمم نطلب الخلاط لان عجبته فكرة الميسون جار
    وطبعا ما كلفني شحن لان كنت اطلبه على بيت صديق زوجي ويجيبه معه العلب طلبتهم بعد من أمريكا
    بس شفتهم من فتره ينباعون ب ساكو
    مشكوره اروى على تعبك وجهدك ومعلوماتك المفيده

  60. يقول أسماء:

    مساء الخير اروى ❤
    تدوينة جميله، والصور تفتح النفس وتشهي?
    اشتهيت اسوي لي سموثي توت مشكل ?
    خلاطي SANYO جميل جدا كاس كبير زجاج ومعه ميسون جار استخدمها لللعصير وصلصلة الكشري واشياء اخرى كثيره اما الكاس جديد نوعا ما استخدمته تقريبا 3 مرات وهو عندي 3 سنوات ونص تقريبا??
    انتظر تدوينة بكرة ?❤

  61. يقول نوره:

    يسعد لي أوقاتك يا عسل ..ماشاءالله من ابداع لإبداع

    دائما أيامي ملونه مع هالتدوينات ماشاءالله استمري عزيزتي

  62. يقول هجير الشمس:

    السلام عليكم ورحمة الله وبركاته
    ماشاءالله تبارك الله افكار رائعه ومفيدة جزاك الله خيراً
    واسعدك ربى سعادة الدارين
    اما عن سؤالك وين نلقاها فى السعودية اكيد فى الأسواق لأنى مااطلع
    من المنزل ولكن البديل النت توجد عند التاجرات وفى مواقع التسوق العربيه

  63. يقول NaDuSh:

    تدوينة مفيده جدا

    الله يعطيك العافية

  64. يقول 3noo:

    كالعادة إبداع
    تعجز الكلمات عن وصفه
    هذه المدونة،،،،
    تجعلك تنظرين للحياة بمنظور مختلف
    تساعدك على الاستمتاع بأدق التفاصيل

    أسعدك الله في الدارين عزيزتي❤️?

  65. يقول سهام:

    جميييلة فكرة المدونه اليومية قرأت مدونتك مرتين ??
    عاجبتني فكرة الكأس من زمان وناوية اشتري خلاط خاص ..
    ان شاء الله بكره اروح لساكو وآخذ راس خلاط العصير واجرب هناك ? يا رب يضبط ..
    جزاك الله خير ..

  66. يقول ولاء:

    أحسنت أحسن الله إليك … رائعة كعادتك بأفكارك وكل ما تقدميه لنا شكرا شكرا أروى

  67. يقول الاء العمراني:

    حبيت المدونة مراااااا ???استفدت منها كثير ياليت تتكلمين عن النباتات المنزليه ?احبها كثير الزرع الي في بيتنايموت بالشتاء ويعيش في الصيف مدري وش سالفته ???

  68. يقول الاء:

    ماشاء الله تبارك الله حلو الموضوع ?? لانو شئ جديد ومو مكرر ، ياليت تكون المدونه الثانية موضوع جديد ماله علاقه بالمدونه الاولى ،، وخلي تطبيق الأفكار للأسابيع القادمه إن شاء الله. ?

  69. يقول نون:

    اهلي خلاص صاروا يعرفونك من أقول أروى.. يفهمون ان اللي بعده انفعالات وحماااس ومدح للسماء??❤️

    ربي يسعدك يا شيخخه??

    منتظره تدويناتك بفارغ الصصبر?❤️❤️

  70. يقول نوال:

    يسعد الله صباحك اومسائك اروى?
    جميل ان تستيقظ على احلا مدونه من اروى بنسبه لي راح تكون مدونتك مساعده لي في القراءة وزيادة في العلومات المفيده زادك الله علماً وتوفيقا،مره مفيده هذا المدونه وعجبتني وعرفة وين احصلها في الرياض…راح اشتاق الى مدونتك يوم تلوى الاخر خلال اسبوع الاجازه ربي لا يحرمك الاجر الى الامام ياصديقتي والى ايام مليئة بالانجازات ان شاء الله…??????

  71. يقول مارو:

    روعه الفكره جربت علب عندي ركبت عالخﻻط هيييه شكرا يامبدعه

  72. يقول ساره:

    ماشاء الله ابداع في الطرح تعجبني مواضيعك بكل تفاصليها وماودي اسكر المدونة من جمالها

  73. يقول مريم:

    ماشاء الله عليج افكارك حلوووه ومرتبة ومبدعة
    يعجبني اسلوبك وتنظيمك وترتيبك
    عجبني خلاطك و ان شاء الله راح ابحث عنه هنا بالبحرين يمكن القى زي الماركة والفكرة جميلة وعملية ومفيده واستفدت كذلك من تعليقات الاخوات والافكار اللي كتبوها ..

  74. يقول Noüf:

    يعطيك الف عايفه عَ التدوينة الجميلة ?
    جداً استفدت بنتظار ابداعك غداً ????

  75. يقول عبير العميره:

    كتلة جمآل تبآرك الرحمن ? طريقة عرضك وأسلوبك تجننن ماشاء الله أقرى الموضوع مره ومرتين وثلاث أحس بمتعه ماشاء الله عليك ♥️ الله يبارك لك في وقتك وجهدك ويزيدك من فضله ??

  76. يقول دلال:

    اروى العمراني تحيلي أنتِ بس من ضمن ٢٨١ شخص اتابعه بانستقرام مسويه لك تنبيه انك نزلتي بوست ?
    أنتِ شخصيه ايجابيه اتمنى فيه منك نسخه بحياتي
    والافضل يا ليت اتعرف عليك واستمتع بايجابيتك وشخصيتك العقلانيه المتزنه المرحه الطفوليه ?
    ربي يحمييك من كل شر ويبارك لك بوقتك وبعملك ووقتك وتحققين ماتتمنين وأكثر ? ربي يبارك بوالديك اللي ربوك بهذا الخُلق ?

    بانتظار باقي تدوينات الاسبوع ✌?️فايتينق ✌?️

    • يقول أروى العمراني:

      شكرا دلال على هذا الكم من تكبير الراس ههههه . اتمنى أكون عند حسن ظنك يارب ويسعدك في حياتك وآخرتك

  77. يقول Esra:

    خلاطي نفس الماركة على طول جدبت وصحيح ينفتح

    بس لاني جدا كسوله احطه في الدش وشر فشكلها الشفرة انفصلت يبي لها تصميغ

    شكرا على هالمدونة اللطيفة

  78. يقول وَهـج:

    يعطيك العافية على الموضوع الجميل ..

    وترا انبسطنا بالتحدي حق كل يوم تدوينة “) ومنتظظظرينك “_”

  79. يقول Haneen:

    من فتره كبيره اتمنى اشتريه ولا لقيت لي فرصه ):
    وبعد هالتدوينه قررت أخذه لان جد تحسين اغراضك مرتبه بالثلاجه وبالدولاب تحسين انك مرتاحه اكثر من الحوسه ?
    شكراً أروى على هالتدوينه وشكرا لاسبوع كامل كمان ????

  80. يقول سارة الحبيب:

    شكرًا جزيلًا أروى على هذه التدوينة وكل تدويناتك السابقة، أستفيد منها وأستمتع فيها جدًا جدًا، بطرحك الجديد والمتنوع، وأفكارك الجذابة! سعيدة بأسبوع التحدي لأنه بنقرأ المزيد منها، الله يوفقك ويزيدك من فضله.

  81. يقول أمجاد:

    ماشاء الله جميلة .. الله يعطيك العافية يا أروى مواضيعك جميلة ومرتبة جداً .. عندي طلب حبيبتي ياليت تتكلمي عن الزراعة والعناية بالنباتات .. وفين القى هينا بأمريكا محل او مشتل يبيع النباتات والورود بس أنا انقلها ع الاحواض .. نفسي احط في البلكونة ورد ونعناع .. وشكراً

  82. يقول Atheer:

    انا شريت مثل حقك طلبته من امازون وللأسف طلع
    110 خطه ?

    ابي اعرف بس اسم الخلاطات اللي تركب عليها هنا بالسعوديه
    شريت مررا امجوي وجاي معاه كاسين تنفك الغطا تبعهم بس الشفرات مو قويه .. والجيك حاولت افكه من تحت لان شفرته اقوى عجزت ?

    اللي يعرف اسم خلاطات تركب على نفس الجار يكتب لي اسمه

  83. يقول حسناء حكمي:

    تدويناتك جميله مثل جمال روحك ماشاء الله أستفدت منها كثير بس مو قادره أدخل على باقي التدوينات تطلع معاي أول سبع تدوينات فقط

  84. يقول ريم الشمري:

    فعلا علب عملية جداً , ملاحظه بسيطه ياليت لو تستخدمين الفيس الضاحك بدال الـ هههههههه لان الفيس له وقع افضل واحس ان اللى يحط الضحكه ي انه ثقيل دم او يسلك.

    اتمنى لك يوماً مشرق ~

  85. يقول تارا الركابي:

    شوقتينيي اشتري منها سبب شهرتها ناس حلوين مثلك يطرحو الموضزع بطريقه ممتعه ههههه

  86. يقول سهام:

    أهلا أروى
    أعجبتني مدونتك
    وهي أول مدونة من هذا النوع اشترك بها.
    بالنسبة للعلب
    فعلا موجود الأصلية عند ساكو
    وسعرها جدا رخيص
    ومتوفر ثلاث احجام
    اللي أتذكر أن الكرتون تقريبا ب39
    الحجم الكبير فيه 6
    الحجم الوسط فيه 9
    الحجم الصغير وهو الأمن للفريزر فيه 12
    بالتوفييييق لك يا عسل

  87. يقول شروق الخريمي:

    حمستيني اشتريييها مره..بس انا خلاطي براون تتوقعين تركب عليها الجار او لا?

  88. يقول مريم:

    شي جميل ويبعث على الحياه
    بس عندي استفسار بسيط اش حجم قطر الجار
    على نفس خلاطك

  89. يقول Jehan:

    شكرا ي جميله على الموضوع الحلو ?
    اللي تعرف ايش الخلاطات اللي تودي نفس الغرض تقولونا ?

  90. يقول Jehan:

    تقولنا **?

  91. يقول sera:

    السلام عليكم اروى ?
    كالمعتاد مواضيعج دائماً مفيده وبسيطة
    الخلاط والميسون جار الي يركبون على بعض كان من اكثر الاشياء الي كنت ابيها يعطيج العافيه على الموضوع
    بس ياريت لو تراعين ان عندج متابعين من الكويت وإذا تعرفين وين تنباع الميسون جار ؟ 🙁

    • يقول أروى العمراني:

      ياحلوك.. شكرا على كلماتك .. والله بالكويت اظن عندكم محل كيركلاند صح ؟ متوفره عندهم

  92. يقول ري:

    متصفحه جديده بالمدونة .. جميييله جميييلله مدونتك
    ياربي يسعدك ..

  93. يقول -:

    Nor Saleh
    أروى بما ان الموضوع له فتره.. ماعرفتي اي شركه خلاط عندنا بالسعودية يركب عليها من البنات جاك احد قالك مثلًا . لاني قريت كل الكومنات هِنا ومافي احد قال انو في شركه خلاط تركب عليه unsure رمز تعبيري مره ودي اجيب لان مو عاجبني الخلاط اللي يجي معه كأس بلاستيك ☹ ياليت تعطينا حساب تاجره توفره من امازون برطانيا … والله يجزاك خير قد ماتعطينا حاجات مفيده وتسعد.

    • يقول أروى العمراني:

      اهلا .. لا والله مو متأكده وش الشركه الي تركب عليها العلب . روحي المحل وجربي اعتقد تحصلين بسرعه

  94. يقول ساره القحطاني:

    ماشاءالله تبارك الله اروى ???
    تدويناتك كلها مفيده ومفصله بكل الاسأله اللي تخطر على البال الله يجزاك الجنه يارب ?
    وفعلاً شكلها جميل يحمس وصدق مررره اشتهرت بكل مكان ??
    ماشاءالله يعجبني ترتيبك وتخزينك يجنن ???
    ربي يسعدك ووفقك يارب حبيبتي ❤️

  95. يقول جنى:

    مرحبا اروى
    طلبت الخلاط من امازون الامريكي وصار ١١٠ وما انتبهت وشبكته وطلع شرار ??شكله خرب علي لاني في اوربا ومافي ١١٠ عندنا
    فهل تتوقعين فيه حل للمشكله ??ولا خلاص راح علي

    • يقول أروى العمراني:

      اهلا ..
      اذا الفيوز احترق لازم يتغير ، بما انك باوروبا المفترض تشترين من امازون الاوربي غاليا عندهم كل شي ..
      جربيه على محول ١١٠ وشوفي يشتغل او لا اذا ما اشتغل لازم يتصلح عند احد يعرف له او ترجعينه لامازون اشرحيلهم المشكله ممكن يوافقون يرجعونه

  96. يقول خوله:

    لأول مرة أدخل مدونتك مع إني متابعتك من فترة ليست بقصيرة أبدا، أذهلني هذا الكم الهائل من حب الناس لك -ماشاء الله-
    يعني اكتشفت اني لست الوحيدة الي أحبك واتشوق أشوف سناباتك، دمت بود، عمر طويل يا رب، بارك الله لكم في الموهوب وشكرتم الواهب ورُزقتم برّه وبلغ أشُدّه ❤

  97. يقول Kayan:

    ماشاء الله .. صراحه مستمتعه وانا اقرا مدونتك ?❤️
    وياليت بما انك عرفتينا ع الماسون جار تعطينا وصفات لعصاير وسموذي نصلحه فيها بما انه يركب ع الخلاط.. جربت اصلح سموذي مره بالخلاط وفشلت فشل ذريع?

  98. يقول ساره الثنيان:

    ماشاء الله تبارك الله
    الله يسعدك ويبارك فيك قد ماتفيدنا
    تدوينه رائعه ومفيده

  99. يقول الهنوف:

    أروى ابشتري زي خلاطك بس وش اختار حجم عريض ولا عادي انتي وش اخترتي ومن وين اشتريني الميسون جار اعرف انها بساكو وهالأشياء بس ماأحسها اصليه من قرايتي للتعليقات انتي من وين شريتيها؟

  100. يقول أسماء:

    السلام عليكم أروى ،
    حابه أسأل : يباع مع هذا الخلاط مطحنة للقهوة(البن)؟
    وجزيتي خيراً ?

  101. يقول Shatha:

    الله يسعدك
    أنا دورك على نفس الخلاط بالرياض ما لقيته
    فقلت بطلبه من أمازون لكن تفاجئت بسعره تقريبا ٢٤٠٠ريال
    هل هذا سعره حقيقة!!!

    • يقول أروى العمراني:

      لا ، سعره من امازون ٢٢٥ ريال

      • يقول رشا:

        اروى ودي احب راسك من الوناسه ياااطعمك ياختي قسم بالله اني احبك وانا ماعمري شفتك واذا شفت نصليهان التركيه احس انكم نفس الشي تذكرني فيك لرقتها وانوثتها ولطافتها وعندي انك افضل منها بعد (( عندي خلاط مولينكس فكيته الان وفررحت مره باقي بكرا ان شاء الله اروح اجيب العلب ويااااارب انها تضبط معي اهم شي الان تأكدت ان خلاطي يمشي معه المايسون جار ) يارب تضبط متحمسه لهم مره خاصة اني ابسوي لي مطبخ تحضيري صغييير مره في الدور الثاني وحابه يكون من ضمن الاشياء اللي ابحطها♥️♥️♥️احبك من هنا لامريكا الله يطول بعمر امك وابوك اللي جابوك انتي مكسب للعالم والله جد اتكلم سعيده جداً اني في يوم من الايام تعرفت على حساباتك (( ?مع انك مسويه لي حظر في حسابك في الانستقرام ماادري حسابي اسمه الثريا في الانستقرام اتمنى تشيلي البلوك ♥️ وشكراً لك من كل قلبي

  102. يقول Shatha:

    ياحبيلك هل بالإمكان تتأكدين هل هذا الخلاط قاعدته مثل اللي عندك يعني ممكن تركب عليه الميسون جار لأني ودي اطلبه من امازون Oster Blender Classic, 1.25 Litre, 600 W, Chrome https://www.amazon.co.uk/dp/B0056A7DTU/ref=cm_sw_r_cp_api_Pz46xb4KN7A5Y

  103. يقول ايمان:

    مررره مفيد الموضوع من جد شكرا…
    عندي سؤال انا عندي نفس خلاطك و احترت اخذ الوايد او الرقيلر و للعصير وش الافضل ال٨ اونس او الكوارتر؟
    شكرا مقدما

  104. يقول الفت:

    ابدعتي اروى والشكر الجزيل لك لافكارك اللي استفدنا منها كثير
    بالنسبة لعلب الميسون جار جربتها في الفريزر حطيت فيها وجبة لبنتي قبل اسبوعين واليوم طلعتها ولما بدأت تفك جمودتها انكسرت الزجاجة
    هل في ملاحظة غفلت عنها افيديني مشكورة

    • يقول أروى العمراني:

      لا الميسون جار تتحمل البروده لكن فيه تفسير واحد .. ممكن تكونين مليتيها لاخر حد ، فتمدد السائل وسوا ضغط على القزاز .. المفترض تتعبا ثلاث ارباعها بس عشان ما تضغط ع الزجاج .. انا دايم افرزن فيها وماقد حصل اي مشكله ،، وكثير مثلي يستخدمونها في الفريزر .. فيه تفسير ثاني ، ان اللي عندك مو اصليه ومصنوعه بطريقه ماتخليها تتحمل البروده الشديدة ..

      • يقول الفت:

        ربما الاحتمال الاول على الارجح لاني اخذتها من ساكو وأكيد بتكون اصلية
        شكرا لردك وملاحظتك عزيزتي

  105. يقول ام ديما:

    الله يسعدك اروشتي ويحقق لك ماتتمنين
    شريت نفس خلاطك بس لون احمر وجدا سعيده فيه
    لاكن الشفره لما افك الخلاط من تحت مو ثابته
    كيف اثبتها عشان استخدمها للميسون جار

  106. يقول Rewa:

    كان نفسي تشوفي موضوع خلاط ال slow juicer اللي تكلمت عنه في حلقة العصير الاخضر ل شرايهاعليا وكنت احسب انك تستخدمي زي الخلاط هذا ولما شفت خلاطك هذا حابه اسالك اذا فيه نظام ال سلو جويسر؟

  107. يقول فاطمة ٩٣:

    الله يقويج أروى ما تقصرين ? بس شو معنى ال110 وال 220 وليش نطلب من امازون البريطاني مش الامريكي مافهمت ?

  108. يقول مشاعل:

    لسؤال المهم ، كيف تختارون حجم الميسون جار اللي بيكون نفس مقاس خلاطكم ؟

    الميسون جار له مقاسين فقط للغطا (الفتحة العلوية في العلبة).
    اروى مافهمت كيف نختار الحجم المناسب تلخبطت شو ي
    هل اشوف خلاطي ومقاسه ولا اجرب واشوف اللي يضبط؟

  109. يقول مشاعل:

    لسؤال المهم ، كيف تختارون حجم الميسون جار اللي بيكون نفس مقاس خلاطكم ؟
    ممكن نشرحين بتفصيل اكثر هل اشوف مقاس خلاطي وعلى اساسه اختار المقاس

  110. يقول أمل:

    اممم أروى الله يسعدك فيه تدوينة عن مظلة الحديقة ؟ يا ليت تزوديني برابطها ?

  111. يقول لطيفه:

    يعطيك العافيه اروى على الموضوع الرائع ودي لو أعرف من خبرتك افضل مكنسة كهربائيه في امريكا للسجاد وللأرضيات الخشبيه .. احتاج هالمعلومات ضروري الله يسعدك ويوفقك

  112. يقول Kokoh madi:

    مبدعه كعاادتك ❤?

  113. يقول يوتوبيا UTOPIA:

    ماشاء الله عليك التدوين تمممميز عندك مبدعه

  114. يقول Mouminah:

    الله يجزيكي خير وانا بدأت اسوي هذه الاعمال وكانت عندي مثلها وكنت بعلقها في لوحه بس فكرة الخلاط عجبتني مرره

  115. يقول Kokoh madi:

    صباح الخير.
    اكتر وحده فتحت دي التدوينه امكن انا ???
    ابشرك انو الخلاط عندي وجداً روعه ماشاءالله الله يعطيكي العافيه وصلتي من امازون شحن مباشر في ١٥ – ٢٠ يوم تقريباً مش فاكره بالزبط
    والمايسوون جار اخذتو من ساكو ١٢ حبه ب٤٤﷼ وسعرو الافضل طبعاً حتى من امازون
    بس حابه اسالك جربتي تطحني فيه الحبووب او هل في قطعه ممكن اخذها للطحن !؟؟؟ علشان لو ينفع ما اكتر اجهزه بالمطبخ ?

  116. يقول نسرين:

    سهلتي علي عناء البحث??

  117. يقول Heba :):

    جميلة التدوينة جداً شكراً لك?

  118. يقول Arwa7j:

    ما شاء الله المدونة جميلة اتمنى ان تصبح مدونتي مثل جمال مدونتك ???

  119. يقول Nouf:

    مبدعه دائماً
    الله يعطيك العافيه ع الافكار الجميله ??

  120. يقول منيرة:

    شكر لا تفيدك حقك
    معلومات مفيدة ومختصرة مركزة
    الله يبارك بوقتك وجهدك يارب

  121. يقول سلام:

    جاري التنفيذ ??

  122. يقول Fajr:

    *كلام مدح كثييييييييييييييير * + * حب لاينتهي * ??‍♀️♥️♥️♥️♥️♥️

  123. يقول Arwa:

    شكرًا لوجبة الإلهام اللذيذة 🙂

  124. يقول عزه:

    الله يسسسسعدددك

  125. يقول Shehanah:

    حلو مررره?

  126. يقول Om shoog:

    مررره استفدت من التدوينة الله يجزاك خير

  127. يقول بهوجه ^_^:

    هل الطحانه اقدر اطحن فيها البهارات والهيل

  128. يقول رشا:

    السلام عليكم
    انا عندي خلاط مولينكس اقدر اشتري الميسون جار واستخدمها معه؟

  129. يقول آمنه:

    مرحبا أروى ..
    هل جربتي تستخدمين المسون جار على هذا الخلاط nutriBullet المرفق بالموضوع نفسه؟

  130. يقول سوسو:

    تسلمييين اروى ممكن اعرف وين احصل الخلاط نفسه بالسعوديه

  131. يقول ساارة:

    وين احصل مثل هالخلاط اي محل ؟؟

  132. يقول فجر:

    اروى انا احبك ، واشتقت لك حيل ، انا اسمع بهم يوم يقولون فانز و اضحك عليهم بس انا صرت فانز لك و الله احبك من قلب قلبي انتي انا المتخبيه جواتي ، احسك شي جميل جميل لابعد مدى ايش الرقه ذي والادب و العقل النظيف الله يبارك لامك فيك و يخيك لنا ، دائماً تلهمين ودائماً مبدعه ودائماً انتظرك ، طال غيابك ي اروى 💔

  133. يقول فجر:

    بالنسبه للميسون جار اجمل استخدام بالخلاط بس للحين ماجبت خلاط و ابي اعرف كم قطر الفوهه حقت الميسون اللي تناسب للخلاط ونبي مكان نطلب منه فير امازون ماعرف له امازون حيل معقد كم اتمنى اصير اعرف اطلب منه

  134. يقول فجر:

    والسعوديه حدهم مبالغين بالاسعار تقول ب 770 اضن والله لو انها بتخلط لي كستنا !! 😩💔. ابيها ولدي توه يصير يشرب و ابي اذوقه كل فواكه للدنيا 😍♥️. المهم احبك مره ثانيه و عاشره بعد

  135. يقول ام مريم:

    بغيت اعرف شو افضل خلاط هالنوع مب معنا بالامارات اذا ممكن ؟؟

  136. يقول شوشو:

    ماشاء الله تدوينه جميله تحوي كثير من التفاصيل
    الرائعه..جزاك الله خيرا.

  137. يقول أم رفيف:

    الله يجزاك خير أروى ويزيدك علم ومنفعة 💜
    حبيت اسألك مدري تعرفين أو لا الميسون جار يركب على خلاط نينجا؟

  138. يقول صالحه:

    هلا عزيزتي اروى
    سؤالي خلاطك يتناسب مع اي مقاس من الاغطية ؟ العريض او الصغير ؟

  139. يقول فاتن:

    الله يسعدك..
    طيب بشتري نفس خلاطك من امازون هل يحتاج اشتري قطع اضافيه معه عشان اقدر اركب الميسون الجار اللي عندي

  140. يقول Aj:

    Such a great one
    May Allah reward you with happiness and success

  141. يقول ام مشاري:

    كم سعرها بالسعودي

  142. يقول سسسو:

    حبيبتي اروى ماقصرتي 💞 بس كل وصفك كان للميسون حار ماوضحتي لنا كم قوة الخلاط وهل هو سلك عادي ولا شحن
    صوته قوي ولا مقبول خلطه تمام ولا يبقى شوائب

    • يقول أروى العمراني:

      شكرا لسؤالك ، خلاط بسلك وصوته عادي مو عالي مره ولا واطي ، خلطه ممتاز مايبقي شي بس مدري عن القوه تلقين كل المعلومات هذي اللي تتعلق بالمنتج في صفحة المنتج

  143. يقول Sars:

    لو سمحتي من فين اشتريتي الات القهوه حقتك

  144. يقول Fatimah Alyousef:

    يعطيك العافيه على هل مدونه الا تهبل مثلك ❤الله يوفقك يارب ويسهل عليك دربك ❤

  145. يقول Zainab:

    مرحبا اروى
    عندي استفسار عن الخلاط ، تقدرين تسوين فيه زبدة المكسرات ؟ الفول السوداني و اللوز ..؟

  146. يقول Sarah alsubaie:

    يعطيك العافيه اروى استفدت كثيييير من مدونتك بس حابه اسال خلاطك هذا هل يغني عن محضرة الطعام ؟ الي تستعملينها؟ وهل المحضرة فيها ميزة مختلفة؟

  147. يقول نجلاء:

    و عليكم السلام و رحمة الله و بركاته

اترك رداً على هند الحقباني إلغاء الرد

لن يتم نشر عنوان بريدك الإلكتروني. الحقول الإلزامية مشار إليها بـ *


أضف تعليق عبر الفيسبوك: