جهاز تفريغ الهواء Foodsaver
السلام عليكم ورحمة الله وبركاته
أهلاً يا أصدقاء
في هالتدوينة بأتكلم عن بعض الأمور المتعلقة بحفظ الأكل مع ريفيو كامل عن جهاز تفريغ الهوا Foodsaver وكل شي متعلق به..
أول ماتزوجت تقريبا قبل اربع سنوات ماكنت أعرف أي شي عن المطبخ ،
باستثناء قائمتي الشهيرة و الفاخره ، بيض ، أندومي ، وشاهي..
تبون حاجه ثانيه، صلحوا لي معكم😬
ولذلك عملت أغلاط شنيعة في البداية وارتكبت بعض الجرائم المطبخية
أشياء خربت عندي ورميتها، وأشياء أكلناها وهي على حافة الانهيار، وفيه أشياء سويت لها حجب عن الذاكره
لكن مع الوقت حسيت الوضع هذا مايصلح يستمر ، فقررت أعلق التاج حقي على جنب و ألبس مريلتي وأحاول أتعلم الطريقة الصحيحة لكل شي متعلق بالأكل والمطبخ..
(وقفة صامته تقدير واحترام لقراري العظيم)
بديت أبحث و أستفيد من المواقع الأجنبية و أقرأ عن المعلومات الصحية للأطعمة وطرق المحافظه على قيمتها الغذائية لأطول فتره ممكنه
ووجدت أن أفكار كثير ممكن نتخذها لتسهل علينا حفظ الطعام لأطول فتره بأفضل قيمة غذائية..
ولأني تمنيت أحد يعلمني هالأشياء من بدري أحب اني أبدأ أدون عنها
خصوصاً بعد ماجتني أسئلة كثيرة في هالمواضيع لأني أعرف أن البعض يمرون حالياً بنفس مرحلتي يوما ما..
(كل شي بأكتبه لكم من معلومات جبته من مصادر موثوقة حطيتها لكم آخر الموضوع)
أولا بأكتب لكم نبذه بسيطة جدا عن سبب فساد الأطعمة كمقدمة للحديث عن الجهاز ،
القاعدة الرئيسية : أغلب المأكولات يفسدها الهواء
وبعض المأكولات تفسدها الرطوبة ،الحرارة، البرودة، الجفاف، وبعضها يفسد بالنور.
فبشكل عام المطلوب نعرف كل نوع متى و كيف يفسد حتى نتوصل لأفضل طريقة لحفظه..
لكن فيه أشياء تزيد من عمر الأكل الطبيعي
مثل التبريد، التجفيف، التمليح والتحليه ، والتخليل ، وأخيرا العزل عن الهواء..
في هالتدوينة بالذات بأركز على أكثر العوامل اللي تفسد أغلب أنواع الأطعمة اللي هو الهواء..
الهواء يعتبر العدو الأول للأطعمة لأنه يحتوي على الأكسجين
كثير من أنواع البكتيريا تحتاج للاكسجين حتى تنمو،
أيضا عملية الأكسدة وتغير اللون تحتاج للأكسجين حتى تتفاعل،
وأشياء أخرى ماله داعي نفتح حصة كيمياء هنا حتى تحمست وقلبت بالفصحى هههه
الزبده انه الاكسجين مش كويس للأطعمة
~
وأنا أبحث عن طريقة أحتفظ فيها بالأكل المطبوخ وقعت على مقطع فيديو فيه جهاز تفريغ الهوا food vacuum sealing system،
حسيت اني لقيت كنز، لقيت السر اللي المصانع يغلفون به أكلهم قبل مايروح للسوبرماركت،
باختصار بعد بعض الضغطات هنا وهناك حسيت اني لازم احصل على هالاختراع الرهيب..
foodsaver 2100
هالجهاز يعزل الأكل عن الهواء بدرجة كبيرة جدا وبالتالي يطيل عمر الأكل خمس مرات عن وقت فسادها الأصلي..
يعني الشي اللي يخرب خلال يوم ممكن يجلس خمس أيام مثل ماهو ،
الأفوكادو والموز اللي يسود بسبب الأكسدة في ساعات، ممكن يجلس أيام بدون مايتغير..
مو بس حلو للأشياء اللي داخل الثلاجة، حتى لبن القهوه أو المكسرات أو البسكوت أو الشيبس اللي يصير لين بعد فتح العلبة أو اللي يكتسب رائحة من الفريزر أو يتجمع حوله ثلج بسبب التفريز،
الجهاز يسحب الهواء بطريقة تخلي هالأشياء تحافظ على قوامها لشهور وسنوات ،
يعني المارشملو مايصير متعرفط وقاسي، والبسكوت و الشيبس مايصير ليّن ، يبقى مقرش كأنه جديد ..
هذا غير أن فرزنة اللحوم والخضار بدون شفط للهواء يعرضها لما يسمى ب (حرق الفريزر)
يعني اللحم يتغير لونه يصير فيه بقع رمادية مثل الحروق،
طبعا يأثر على طعمه ولا يصير قوامه طازج ونفس الشي الخضار..
ما راح أتعمق كثير في حفظ الأنواع المختلفة من الأطعمة بإذن الله أخصص لها تدوينة مستقلة
هنابأركز على الجهاز نفسه وكيف يشتغل والنتائج والأسعار و وين تحصلونه وكل شي عن الجهاز..
جهاز شفط الهواء متوفر من شركات مختلفة لكن أفضلها شركة foodsavor ..
أجهزة الشركة لها خاصيتين مهمات :
الأولى : شفط الهواء من الكيس أو العلب.
الثانية : إحكام إغلاق الأكياس بالحرارة.
الأكياس المستخدمه سواء من نفس الشركه أو من شركات ثانيه ،
المهم يكون مكتوب عليها أنها مخصصه لأجهزة شفط الهواء..
أنا أخذت هذا النوع
رول طويل أقص منه وأستخدم حسب المقاس اللي يعجبني،
اخترته لأن تقييمه عالي وأرخص من أكياس الشركه نفسها تقريبا بنص السعر ..
شريته مره وحده وبيكفيني لأكثر من ١٥٠ كيس بالحجم اللي أستخدمه بالعاده..
~
في الحالة الطبيعية بنحتاج كل الخاصيتين بحيث نثبت طرف الكيس على فتحة الجهاز فيتم شفط الهواء من الكيس وبعدها الجهاز يحكم إغلاق طرف الكيس بالحرارة حتى ما يخرج ولا نقطة هوا..
طبعا بهالطريقة أغلف اللحوم والخضار وأحيانا بعض الفواكه المثلجه حسب الكميات اللي عندي..
أحب أول ما أرجع من السوبرماركت أغسل صدور الدجاج أو اللحم واقطعها صغار
وممكن أتبلها أحيانا واحط في كل كيس مقدار وجبه، وبعدها أخلي الجهاز يعطينا لمسته السحرية ..
بعدين أكتب على الكيس التاريخ بقلم شاربي ماينمسح
أو أقص العلامة اللي على الغلاف وألصقها على الكيس
وممكن بعد ما أسحب الهوا وأسكره اضغط الكيس لحد مايصير مسطح
عشان ماياخذ مساحه في الفريزر و بهالطريقة يذوب بسرعه إذا طلعته ..
سويت فيديو كامل عن طريقتي في تتبيل وحفظ الدجاج بينزل على قناتي في اليوتيوب بإذن الله
ونفس الشي مع أكياس الخضار المفرزن أحيانا الكمية اللي أشتريها تكون كبيره
فآخذ نصها اللي في الكيس واحطها في كيسه ثانيه واسحب منها الهوا والباقي اتركه في علبته للاستخدام في الفترة القريبة ..
بهالطريقة أحافظ على كمية كبيرة من المواد بشكلها وطزاجتها الأصليه
بدون مايجي حولها بلورات ثلج ولا تنشف ولا يتغير لونها أو شكلها وريحتها
ولا تطلع ريحه في الفريزر ويصير الدنيا حوسه وريحه..
وهذي مقارنه لقيتها في هالمدونة
حفظوا بروكلي في أكياس محكمة الغلق (الزبر باق العادية) وخلوها ثلاث شهور في الفريزر ،
وحطوا بروكلي في كيس وسحبوا منه الهوا وتركوه خمس شهور في الفريزر ،
وهذي النتيجة:
طبعا مو بس في أغراض الفريزر نستخدم الجهاز ،
ممكن نغلف فيه كميات التمر أو المكسرات أو البن اللي ماراح نستخدمها بسرعه..
مثلا أنا ما أقدر استخدم كل المرتديلا بفتره بسيطه فأطلع نصف الكميه وأغلفها
عشان إذا خلصت الكميه اللي عندي يصير الباقي طازج أكثر من لو كان مايزال في الكيس اللي كل شوي آخذ منه.،
و أكتب عليه التاريخ واسم المنتج
وأتوقع يدوم أطول بأيام من تاريخ الانتهاء لو ماتم فتحه..
لقيت ناس مايكتفون باستخدام الجهاز للأطعمه ، بعضهم يغلف لصقات الجروح واللواصق حتى ما تخرب المادة اللاصقة مع الزمن..
يعني باختصار أي شي بنحتفظ فيه فتره طويله ومانحب الهوا أو الغبار يخربه نقدر نغلفه بهالطريقة..
~
في بعض الحالات نحتاج فقط للتفريغ الهواء بدون إغلاق حراري.
حالات استخدام هالخاصية على عدة أشكال :
أولا : أكياس الزيبر.. الي نفتحها ونغلقها بواسطة شريط
وهذي مناسبه للمواد اللي نفتح غلافها باستمرار ثم نغلقها مثل شرائح الجبن والمرتديلا والمكسرات وغيرها..
الجهاز حقي نفسه يجي معه قطعه مخصصه لهالنوع من الأكياس ولكن مو أي كيس يصلح،
فقط اللي يكون مكتوب عليها انها تقبل جهاز الشفط يكون فيها فتحه صغيره فوق مخصصه للمكان اللي توضع فيه القطعة .. مثل الصورة اللي فوق ..
المربع اللي على اليمين هو المكان اللي نحط عليه انبوب الشفط ..
القطعة الخاصة بهالنوع من الأكياس، نوصلها بالجهاز ونحطها على الدائرة اللي في الكيس..
وكل مره نفتحها بسهوله زي أي كيس عادي ، ونرجع نسحب منها الهوا في ثواني..
بعض الأجهزة الأصغر حجما من جهازي مايجي معها هالقطعة لازم تشترونها بشكل منفصل إذا حبيتوا هالخاصية ..
هذي القطعة صغيره اصغر من الكف وسعرها رخيص نسبياً وتستخدم بشكل مستقل بدون الجهاز
~
ثانياً : العلب والبرطمانات.
بصراحة ماكنت أتخيل اني بأحصل طريقة لإحكام إغلاق المعلبات بهالسهوله..
يعني بهالجهاز مع العلب كأن في بيتي مصنع احترافي للتعليب ، مثل برطمان المربى أو المخللات الي نفتحها وتطلع صوت ،
تخيلوا كم من الوقت بتحافظ على شكلها وطعمها بدون مايخربها الفتح..
العلب على عدة أشكال :
الأول: علب الميسون جار Mason Jar الزجاجية اللي نشوفها الآن بكل مكان،
يجي لها قطعة صغيرة كإكسسوار للجهاز،
بمجر تركيب هالقطعة نقدر نستخدم الجهاز مع الميسون جار
بواسطة توصيل انبوب من الجهاز للقطعة ، الانبوب يجي مع كل الأجهزة..
إستخدامات الميسون جار :
كثير كتبوا تجاربهم مع هالعلب وتحضير الوجبات فيها،
لدرجة انه فيه كتب تباع في المكتبات متخصصه فقط بكيفية إعداد الوجبات مسبقا وحفظها في العلب،
بعضها يحضرون وجبات مجففة بحيث تجلس لهم سنوات ماتخرب وبس تحتاج اضافة مويه مغليه عليها وتكون جاهزه للأكل
وبعضهم يجهزون فيها سلطات تجلس بالأسبوع ماتخرب ..
مثلا بالنسبه للسلطات، نقطع السلطة ونرتبها في العلبة بترتيب معين السوائل تحت والورقيات فوق ، تجلس اسبوع كامل ما تغير فيها شي!
يعني كثير أجانب أشوفهم يضبطون لهم ٧ علب سلطة في يوم واحد وبجلسه وحده ، وكل يوم تصحى تاخذلها علبه وهي طالعة للدوام ، أو تحطها على الغدا بكل بساطه .. ولا فيه أي طعم (بايت) يعني إذا أكلوها بعد ثلاث ايام كأنهم ماكلين سلطه جلست في الثلاجه ساعات بس لو كانوا مفرغين الهوا من العلبه ..
شي خرافي!!
بالنسبة لي، أحب أقطع بعض الخضار ليومين أو ثلاث أو اسبوع واحتفظ فيها في الثلاجة
واصير استخدمها مع الطبخ حتى تقل مدة تحضيري للوجبة..
وأحيانا أقطع فواكه وأحطها في العلب تكون جاهزة للأكل لأيام
بس الصراحة انها ماتكمل يومين الا واحنا مخلصين عليها بسبب سهولة أكلها متى ما اشتهيناها مو مثل لو كانت تحتاج تغسيل وتقطيع
وهكذا كل شي نحتفظ فيه داخل العلبة ونفرغه من الهوا من أجبان أو مخللات أو صلصات وغيرها نضرب وقت صلاحيتها في ٥ ونستمتع بها على وقت رغبتنا..
*ملاحظه : بالنسبه للجزر اعبي العلبه مويه حتى يحافظ على شكله ومايجف، واستخدم المويه مع الشوربة ما أكبها لأن بعض القيمة الغذائية تتسرب لها من الجزر..
وأما بالنسبه للبصل نشوحه على النار ونحط معه البهارات قبل مانفرزنه عشان مايصير شكله ذايب بعد مانطلعه من الفريزر ..
لكن إذا باحطه في الثلاجه مايحتاج أطبخه قبل..
( كم وحده قالوا لي البصل مايصلح يدخل الثلاجه بعد التقطيع لازم يستخدم مباشره أو بيصير سام و يتبكتر،
بحثت عن صحة المعلومة طلعت غير صحيحة ،طالما قوامه وريحته ولونه ممتازين مافيه مشكله يستخدم
وكاتبين في كثير من المواقع انه يحفظ بعد التقطيع في علبه محكمة الإغلاق لمدة من ٧-١٠ أيام .. للاستزادة هنا)
~
الثاني: علب خاصة مصممه من شركة الجهاز نفسه
تجي على مقاسات مختلفه وتكون بهالشكل:
طبعا ميزة العلب الثابته عن الأكياس انها ممتازه لحفظ المواد القابله (للهرس) يعني اللي ممكن تنضغط وتخرب أو تتكسر مثل الشيبس أو المارشملو ..
لو حطينا شيبس في كيس وفرغنا الهوا، الكيس بيضغط على الشيبس وبيتفتت في لحظات..
فالعلب هي الحل..
البسكويت وأشياء كثير تفقد قوامها بعد فتح العلبه وتكون إما لينه ومو مقرمشه أو تكون قاسيه وفقدت طراوتها اللي كانت محتفظه فيها لأسابيع وهي على أرفف المحلات
والسر كله بسبب الهواء اللي تعرضت له بعد فتح العلبه أو الكيس..
فأعتقد العلب حل جدا مناسب خصوصا بعد أيام الحفلات نكون فتحنا كميات كبيره من هالأشياء وتبقت بدون ما تؤكل وبعد أيام مانشتهيها ونرميها ..
~
الثالث: علبه خاصة بالتتبيل
هالعلبة فكرتها جدا جميلة ،
تستخدم في تتبيل اللحوم أو أي شي نحب نخليه يتشرب المادة السائلة بسرعة..
بدل وضع اللحمه في كيس مع التوابل ونخليها ليله كامله في الثلاجة ، هالعلبة تسوي نفس المفعول خلال ١٠ – ١٥ دقيقة ..
طبعا المطلوب نحط اللحمه بداخل العلبه مع التوابل ونغلق عليها الغطا ثم نشبكها بالجهاز ونشغل الشفط
وبعد ماتنتهي من الشفط نخليها على جنب أو في الثلاجة لمدة ١٥ دقيقة وتصير اللحمه متبله وجاهزة وكأنها جلست يوم كامل ..
ملاحظه : حتى العلب الثانية ممكن تستخدم للتتبيل بنفس الطريقة بدل هالعلبة .. لكن هذي هم منتجينها خصصيصاً للتتبيل ومفعولها أسرع حسب ما قرأت..
..
الأسلوب الثالث
استخدام خاصية الإغلاق الحراري فقط بدون تفريغ الهواء..
التغليف الحراري مجال تبدعون فيه يعني نصمم أكياس بالطريقة اللي نحبها..
مثلا أحد الطرق اننا نسوي خطوط حرارية بالطول ، وبعدين نعبيها سموذي او عصير ونفرزنها وتصير ايس بوبز منزلية ..
شفت ناس يسوون هالحركة مع الزبادي بالفواكه للأطفال،
وبعضهم يعبيها عصير ليمون ومتى ما حب كاس عصير طازج ياخذ وحده ويتركها تذوب ويصبها في الكاس بدون حوسه ..
أنا كنت أحب أصلح ايسكريمات في البيت لكن اذا صلحتها كنت اتورط بعلبه القوالب
لانها كبيره وتاخذ مساحه من الفريزر ولا اقدر اطلعها الا اذا خلصت اخر ايسكريم منها ..
لكن مع التغليف صرت أقدر أغلف كل وحده لحالها مباشره بعد ماتتجمد وبشكل يشهي ونظيف..
طبعا اقدر اشفط الهوا منها لكن مو ضروري، الفكرة هنا اني اصنع أكياس خاصه بمقاساتي اللي أحبها..
طبعا الجهاز منه عدة أنواع وكلهم تقريبا نفس الغرض،
الإصدار اللي عندي أخذته بعد ماقارنت بين الأجهزة ومواصفاتها وأسعارها وهو من الأجهزة الجديدة
فأنصحكم به ، ويجي منه حجمين صغير وكبير ،
الكبير Foodsaver2100 .. الصغير Foodsaver2000
كل الأغراض اللي حطيتها اضغطوا على الصورة أو الاسم ويطلع لكم أسعارها ،
(ماحبيت أكتب السعر مباشره هنا لأن الأسعار تتغير كل فتره)
كل الجهازين يقومون بنفس الوظيفة بالضبط لكن فيه ثلاثة فروق :
الأول : الكبير فيه داخله مساحه للرول حق الأكياس البلاستيكية وشي يقطع الاكياس..
الثاني: الكبير فيه خاصية ال moist-dry وهي اللي نختار هل الأكل فيه سوائل أو جاف بحيث الجهاز يحاول مايسحب السوائل..
الفرق الثالث : الكبير يجي معه اكسسوار حق أكياس الزيبر وممكن يسحب الهوا منها، أما الصغير لازم تشترون القطعه منفصله اللي كتبت عنها فوق..اللي هي هذي
لكن من بعد التجربه تمنيت اني أخذت الصغير أحسن من ناحية مساحة المطبخ،
والمكان اللي بالداخل حق الرول اقدر استغني عنه بالراحه،
وميزة ال moist/dry مو دقيقة ، احط انه رطب مع ذلك يسحب المويه يعني مو لذيك الدرجة الميزة واضحه..
وهالميزه مالها علاقه بالعلب بس مخصصه للأكياس..
يعني باختصار أي نوع من الفود سيفر بيسوي لكم نفس النتائج ..
أنا أخترت حقي لأنه إصدار جديد وحصلته بسعر حلو ومميزاته كامله ومقاسه مناسب مو كبير بزياده..
ملاحظة: الجهاز على خط ١١٠
أجهزة ٢٢٠ تحصلونها في أمازون بريطانيا ،
والأنواع الي في بريطانيا تختلف في الشكل لكنها بالضبط نفس المواصفات ومن نفس الشركة
وفيه مميزات أكثر من اللي عندي واضحة في الفيديو اللي في صفحة المنتج
كل الأغراض اللي في هالتدوينة موجودة في أمازون اضغطوا على الصور أو الكلمات وتوديكم للصفحة
~
وهالمرة عندي لكم مفاجأة لأول مرة على المدونة
.
.
.
تراآاآاآ~
لأني أحب هالجهاز جدا وأحبكم جدا جدا بأهدي وحده من قائمة الأصدقاء جهاز يوصلها لبيتها ..
وبأهدي وحده ثانيه من متابعاتي على اليوتيوب جهاز ثاني يوصلها لبيتها ،
يعني جهازين هدية ،
باختار من أصدقائي اللي مسجلين في قائمة الأصدقاء
أو من أصدقاء اليوتيوب، اسم قناتي في اليوتيوب : arwa karu
بيتم الأختيار بعد ثلاث أيام بإذن الله ..
طبعا بيوصلكم خبر عن أي هدية مباشرة على بريد الصداقة..
( تحديث : الهدايا تكون في وقت نزول التدوينة مباشرة ،
هدية هذه التدوينة تم تسليمها لأصحابها ،
والاختيار كان بشكل مباشر عبر السناب والانستغرام )
المراجع:
للاستزادة في موضوع فساد الأطعمة هذا مقال باللغة الانجليزية واضح ومفصل
وهذي بعض مقاطع الفيديو توضح بعض الأشياء في الجهاز
...
تواصلوا معي عبر :
انستغرام وتويتر : arwa_alomrani@
يوتيوب : arwa karu
سناب : arwakaru
اخترت لك:
As an Amazon Associate I earn from qualifying purchases
التعليقات ( 301 ) :
اترك تعليقاً
يجب أنت تكون مسجل الدخول لتضيف تعليقاً.
جمييييل جددداً التقرير ويحمس صراحة لاقتنااء الجهاز ماشاء الله عليك أروى✨
رب يبارك لك ويبارك فيك ?
أتمننننى أفوز بالجهاااااز ??
واخيرا تدوينة لاروى يس ??❤️️ حمد لله على سلامتك
لو سمحتى ابى الجهاز كيف اتواصل معك
أروى الجميلة ، اشتركت من قبل في بريد الأصدقاء واشتركت هذه المره ولم يصلني ايميل لقبول الاشتراك :/
أهلا عائشة ، يليت تفحصين البريد المهمل (الجنك ميل) قد تكون الرساله هناك 🙂
لم يصل للأسف :”(
انا أيضاً لم يصلني شيء ?
وصلتني رسالة التفعيل بعد ٥ ساعات .. ويمكن انتو كمان حتتأخر عليكم ?
من فضلك اروى هل الاكياس والاضافات يختلف مقاسها بين الجهاز الكبير والصغير؟ اذا اشتريت البريطاني تستخدم معاه نفس الاغراض اللي على امازون يو اس والا مختلفه.مع الشكر لجهدك الجميل.
لا ماتختلف كلها نفسها ، ايه اشياء امريكا مناسبه لحق بريطانيا
يسعد مسائك اروى وين احصل جهاز تفريغ الهواء دورت باكسترا وبساكو كلهم يقولون مانوفره ابي محل مابي اطلب اون لاين انا بالقصيم الله يسعد قلبك
وأخيرا اروى من بعد غياب ?
مواضيعك كالعادة مميزة و مفيدة
سلمت اناملك ??
ماشاءلله تبارك الله نظاافه شغلك وشغله الله يزيدك ??
ان شاءلله اكون مَن مايصادفه الحظ ?❤️❤️
أولا.. نوووورتي مجددا أروى ?
كنت انتظرك بشغف..
التدوييينة راااائعة و مثيرة للاهتمام.. احسنت اختيار الموضوع كالعادة.. شرح وافي و تفاصيل دقيقة
اعانك الله صديقتي ?
فكرة الهدية لططيفة جدا.. ?? شكرا للطفك
?????
فعلاً تحمست للفكرة والتطبيق في القريب العاجل..
انتي انسانة رائعة أروى …
أنا اواجه نفس المشكلة..
انا في قائمة الأصدقاء في المدونة ولا يوصلني شيء ولا حتى في الجنگ ميل..
اشتراكك مفعل عندي يعني قد وصلك بريد وضغطتي على الرابط اللي فيه ..
اذا ما توصلك اخبار التدوينات ولا وصلتك هالمره ، جربي تحطين بريد المدونة في قائمة الموثوقين في بريدك ممكن يضبط وقوليلي عشان اجرب اراسلك بالبريد ..
مرحبا ي عسل تم تفعيل البريد ووصلتي تدوينه عن الرضاعه و بعدها ما عاد يوصلني اي تدوينة تنزلينها ؟؟ يا رب افووز بالجهاز
شكرا اروى
موضوع مهم مفيد ونحتاجه بحياتنا
انا مسجله بالقائمه
هل اسجل مره ثانيه؟
اذا تجيك رسائلي معناته مايحتاج تسجلين 🙂 اذا ماتوصلك لازم تسجلين وتفعلين التسجيل
??خقيت على الجهاز خصوصا جزء الايسكريم?? والفواكهه احسه مرررررة عملي??
يهبل يهبل تقريرك كافي ووافي?ما شاء الله ابدعتي أروى ، فعلا من طول الغيبات جاب الغنايم?اجمل تقرير واجمل الغنايم?
أتمنى لك يوم ملون ?
عاشت يدك اروى ابدعتي والله جنت محتاجه هيجي معلومات لان حرامات الاكل الي ينحط بلفريزر راسا ينذب اكره الريحه الي اصير بيه ان شاء الله اجرب طريقتك وتسلم اناملك ولتكطعين علينه بمواضيعج الحلوه
صراحة موضوع رائع واتحمست للطبخ وللجهاز
لاني صراحة موظفة وارجع البيت متأخر واتورط في المطبخ واضيع وقت وجهد وتعب شديد
الله يجزاكي كل خير ????
مساء الخير أروى
كما عودتينا موضيعك ديم روعه ومتجدده
يعطيج العافيه
صداقتج بنسبه لي اكبر هديه
تقريرك جميل شكراً لك ??لكن حابه اعرف هل يعمل بالبطاريه او الكهرباء؟
?
شكرا لك .. بالكهرب ١١٠
رائعة كا عادتك ربي يجعل كل ما تقدميه لنا في ميزان حسناتك يا مبدعة
حبييت الجهاز .. و الشرحك جميل جدا و متكامل يعطيكي العافيه ?
جمييييلة دايما .. ماشاء الله عليك
اول مره ادخل مدونتك واول تدوينه اقراها
صراحه شي جمييييل تبارك الرحمن استفدت كثير ربي يسعد قلبك
عاد انا جتني فترة رهيبه ف الطبخ بس الحين :)؟ اندومي ويخب بعد ??
مدري سبحان الله كان عندي نفس ف الطبخ الحين راح ! قد صار لك كذا ??؟
*نفس ف الطبخ يعني اللمسه الخاصه لكل شخص هو نفس الشي الي يخليك تفرقي من اكل امك واكل اختك مثلا*
المهم التدوينة جميلة يعطيك
العافية وربي يسعد قلبك الجميل ??
تدوينة مميزة ماشاءالله،
الله يبارك في وقتك وجهدك
ماشاء الله تبارك الرحمن??أفكار جميلة ومعلومات قيمة❤️عوداً حميداً أروى
فعلا جهاز مفيد لازم لازم اشتريه ????
لا مارح اشتريه بشوف حظي اول?
جزاك الله خير يا اروى تقرير رائع ❤️
انضميت لقائمة الاصدقاء
ان شاء الله يكون الجهاز من نصيبي ??
حبيت الشرح والموضوع كثير مفيد والجهاز اكثر من رائع يعطيكي الف عافيه ابدعتي اروتي ❤
مبدعه كعادتك
ماشالله مدونة رائعة ومفيدة
جزاك الله الف خير
لا عاد تغيبي كثير، فعلًا طول الغيبات جاب الغنايم ?
مدونة شيييقة ?
كل الود ??
بجنن الجهاز ولا أروع
مررررة استمتعت وانا اقرأ❤️❤️
وان شاء الله افوز بالجهاز لاني جدا احتاجه مع الدوام والحياة الجديدة الي حاواجهها قريب ان شاءالله ?
مبدعه كعادتك سلمتي وسلمت اناملك?❤️
كنت باشتري الجهاز قبل فترة بس ترددت ? حسيت انه اكسسوار و ليس اساسي …. و لكن بعد ما قرأت تدوينتك حبيته كثير و دخل دماغي ?
شكراً على التدوينة الرائعة ? احب الشرح الطويل و الاهتمام بالتفاصيل …. مجهود رائع عزيزتي ???
روعه ماشاءالله تبارك الله ياعينى علينا كان الأكل يخرب بسرعه بس
فكرتك عجبتنى جداً الله يجزاك خير على مجهودك وتعبك يااحلى اروى
بصراحه احبك فى الله وافرح لما اشوف ايميلك يوصلنى اتمنى من الله العلى القدير ان يرزقك سعادة الدارين تحياتى لكى ولمتابعينك
هجير الشمس
جميل جدا ماتوقعته كذا ،شكرا للشرح الوافي ?وعودا حميد??
عودا حميدا غاليتي أروى ويا هلا وسهلا ..
الموضوع أكثر من رائع والهدية قيمة ومحظوظة اللي راح تحصله .. ونسأل الله من فضله ..
جزاك الله خيرا ع الحماس اللي تحمسينا وتفيدنا ودمت بكل خير
مرحباً موضوع شيق جداً .. بس ياقلبي اشتركت وماوصلني?
حتى بالجنك ميل ماهي موحوده
شكرا لك نورة ، باشوف وش المشكلة وارد لك ان شاء الله
الله يسعدك ويكتب لك أجر كل شي تعمليه لمساعدة الغير والتسهيلات عليهم
والتسهيل *
أروى العمراني أتابعك من قبل سنوااااااااات لدرجة اني لا أذكر كيف عرفتك.. وأنا مش جيدة في التعبير عن مشاعري بالكلام لذلك هاي أول مرة بعلق!
بس حسيت انك لازم تعرفي انك انتي قدوتي في كل الأشياء المتعلقة بإدارة المنزل ولمسة المرأة المميزة ببيتها، بتعلم منك على طول وبحب أتابعك بكل شي بتكتبيه، شكراً لك لإني عمري ما قرأتلك موضوع وحسيت حالي ضيعت وقتي دايماً بستفيد وبستفيد وبستفيد 🙂
السلام عليكم
ماشاء الله شرح وافي
وجهاز يستحق الاقتناء
كانت توصلني ايميلاتك
لكن اخر موضوعين ما يجيني منك ايميل ??
وعليكم السلام ، ان شاء الله باعدل المشكله وارد لكم 🙁
تقرير وافي وكافي
والمقارنة الاخيره جميلة تسهل عملية الاختيار
ان شاء الله اصير من اصدقاء المدونه واربح الجهاز
لان هذي اول مره اعرف فيها مدونتك
ماشاء الله تقرير وافي و كافي ?? يعطيك ربي الف عافيه اروى ~
كنت انتظر هالتدوينه من زمان و سالتك كم مره عن الجهاز لاني املك نفس الماضي العريق لك بالمطبخ ? لكن كانت فعلا تستحق الانتظار ، ?
اهلين اروى مشكوره ع مواضيعك الجميله مسجله معاك من سنه اقريبا ماوصلتي الا ايميلين وبعدها مايرصل شيكت ع الجنك ميل مافي ?
زينك زينك زينك بسسس
وه ربي ما يحرمنا , تدوينة تجننن وتهبل ومفيدة
أنت وشو ؟ ?
كنت أتمنى أقابلك بمبتعات إثراء بس ما كتب ربي
أتمنى ذلك مستقبلا
وشكرا لك
وجزاك ربي كل خير
جميييل الله يسعد قلبك ويزيدك من فضله ❤️❤️
السؤال هل فيه ٢٢٠؟ ? الكهرب الان غالبه ٢٢٠
ماعندي ١١٠
ايه فيه سويت تعديل على التدوينة وحطيت اجهزة ال ٢٢٠ مع الروابط ^^
يازينك اروى من طول الغيبات جاب الغنايم ?
مرره عاجبني الجهاز شرح مفصل ووافي
شكرا
والحمدلله على السلامه ❤️
مبدعه أروى???
كالعاده?
الجهاز بطل ماشاء الله واعجبتني طريقك تفكيرك وتنظيمك -استمري ياجميله
عوداً حميداً أروى?
بانتظار عودتك لليوتيوب?
ربي يبارك لك بوقتك وانجازاتك???
اروى ياجميلة اهلا بعودتك
شكراً ع المواضيع الحلوه
?
مبددددددددعه كفيتي و وفيتي و يارب يكون من نصيبي نفسي فيه من زمان ?❤️❤️?
يسعدك اروى احبك والله??
ابدعتي اروى ? يعطيك الف الف عافيه على هالمعلومات
صراحه معلومات رائعه وشيقه وتحمس الوحده بالتقسيم والتنظيم وكل ماتنظم المكان كل ماتنفتح النفسيه والشهيه اكثر
الله يسعدك دنيا واخره يارب
ها قد عدتي والعود احمدُ… سعدت جدا بقراءة موسوعة المعلومات المرتبة والممتعة في موضوعك المميز كعادتك .
ويارب يكون لي نصيب من هداياك ??نسيت اكتب هذا في تعليقي من فرحتي ولله الحمد برجعتك للمدونة ??
السلام عليكم ورحمة الله وبركاته
أنا بعدني م اعرف اطبخ ?? ودي اتعلَّم ? باْذن الله يوم استقل أستفيد من تجربتج ??? وأطبق
ويزاج الله خير اخيتي ???
احبج ف الله أنا وأهلي كلهم دائماً نذكرج ونحسبج ع خير والله حسيبج ?? ربي يوفقج ف الدارين
صباح الخير اروى
ربنا يسعدك تقرير يجنن ولا مره فكرت اني اجيب الجهاز على اني دايمااً
تصير مشاكل معايا في التفريز او حتى حفظ الخضار والفواكه في الثلاجه والله يساامحني يارب بين فتره وفتره لازم في اشياء لازم ? ??
بس باذن الله اذا مكان من نصيبي الجهاز عديه منك حشتري واحد
ربنا يسعدك ❤️?
كالعاده موضوع جميل وابداع في التصوير والشرح
❤❤❤❤
موفقه أروى وننتظر كل جديد منك ?
جزاك الله كل خير وجعلها في ميزان حسناتك
تسلمين حبيتي اروى من كم يوم افكر بالجهاز ودش مزاجي اكثر من بعد التدوينة
الاجهزة اللي حطيتيها بامازون البريطاني هي اجدد شي ؟ محتارة بين الصغيرة والكبيرة وماني عارفة اذا هي اجدد شي
الله يسعدج ويزيدج من فضله اسعدتينا بالتدوينة ما شاء الله اسلوبج وطريقة الطرح جدا مميزة
ايه الصغير نازل ٢٠١٥، كل الأجهزة اللي حطيتها هي الأحدث 🙂 بالتوفيق يارب وشكرا على كلماتك اللطيفة
جزاج الله الف اروى ?❤️ من بعد البحث اكتشفت ان الاداة الملحقة لتفريغ اكياس الزيبر مو موجودة مع الجهاز البريطاني واذا بشتريه يكلف والامريكي عندي مشكلة الفولت
بسوي بحثي ان شاء الله واختار الجهاز اللي يناسبني وبشتري معاه العلب افضل بديل لاكياس الزيبر ?
كل عادة موضوع جديد ?
من فترة شفته وحسيت انه كماليات بس بعد تقرير لازم يكون عند كل سيدة عاملة لأن نتعب كثير في طبخ ? جهاز احسه بعد بوفر جزء كبير من الإسراف في الأكل بدل لا يرمي وكذا ..
جزاك الله كل خير وارزقك من كرمه يارب
كل عادة موضوع جديد ?
من فترة شفته وحسيت انه كماليات بس بعد تقرير لازم يكون عند كل سيدة عاملة لأن نتعب كثير في طبخ ? جهاز احسه بعد بوفر جزء كبير من الإسراف في الأكل بدل لا يرمي وكذا ..
جزاك الله كل خير ورزقك من كرمه يارب
❤️الله يسعدج
ما شاء الله موضوع مفيد وغني بالتفاصيل
أفادكم الله 🙂
هاي عقوله مدونه أكثر من رائع في الحقيقه
وأعجبت بالمقاله عن كيفية حفظ الطعام فتره أطوووول وهذا موضوع مهم جدآ بالنسبه لكل أنثى وهذا مايجعلها خبيرة في حفاظها على الغذاء السليم ونشكرك على ذالك
تدوينة غنية جداً ???? واضح تعبتي عليها ??
الله يجعله بموازين أعمالك اختصرتي علينا بحث طويييييل
جاري إرسال الصفحة لماما ❤️
ماشاءالله عليك الله يحميك ❤
انا ما وصلتني رسالة التفعيل حتى في البريد المهمل 🙁
الله يسعدك و يوفقك
مرره حبييت الجهاز خصوصاً في الاستعمال للعلب و الخضار و الفواكه لأن بسرعه تخرب عندي ما يمدي أتهنى ?
شرحك جدا جميل ووافي ويشجعنا لاستخدامه، شكرا أروى ❤️
شكرا جزيلاً لكي اروى استفدت منك الكثيييير?? ومتحمسه ابدأ اطبخ حتى لو بقلب المطيخ???
هذا الجهاز مرره عجبني من تكلمتي عنه في الانستقرام وبعد الجهاز اللي يحول الاطعمه اللي ما نبيها الى سماد ياليت اذا ما عليك امر تسوين عنه تدوينه
بصراحه هالجهازين يحلون المشاكل اللي نواجهها في الاطعمه وراح يقلل الاسراف
..
شكرا على التدوينه الجميله مثلك ^^
دايما مواضيعك مفيده ونستفيد منها استمري ???
شكراً اروى على الافاده ?❤️❤️
wow
الصراحة ما اوقعت فيه جهاز كذا ! سحر مو جهاز ???❤️❤️
كلامك عنه حمسني وطريقة تقديمك للموضوع بطلة ما شاء الله ???
الله يعطيكِ العافية ❤️
موضوع جداً جميل وبصراحة اتحمست للجهاز مرررة بحكم اني دايم افرزن
تسلمي اروى الجميلة واستمري ?????
شي عجييب يعطيك الف عافيه فعلا تفيدينا
انا احط انضمام لقائمة الاصدقاء بس ماتجيني رسالة التاكيد ع الايميل حاولت كذا مره وشيكت ع البريد المهمل وغيرت الاجهزه كذا مره والايميل اللي اشترك فيه وماتوصلني
اهلا ياجميلة ، تفضلي هنا حل للمشكلة بإذن الله http://arwa.cc/1691
ما شاء الله الموضوع مره حلو يسلمو اروى على هذا الموضوع??
لوسمحتي اروى ايش بريد المدونه
arwa@arwa.cc
الله يسعدك علئ هالتدوينه مرررره مفيده يعطيك العافيه
يؤ اقصد ايش يعني الاشخاص الموثوقين بالايميل وين احصلها
فقد تدويناتك اروى T^T
الحمدالله ع السلامه , والله انا اعاني بشششككل من الخضار والفواكه بسرعه تعففن عندي وخاصه الورقيات زي الكزبره وغييرها T^T
استفدت من تدوينتك , وي اليت تكتبي طريقه لحفظها للي ماعنده الجهاز :”(
رائع
الجهاز ولا أروع
التقرير جداً مفيد جزاك الله خير
قبل كم يوم كنت اكلم امي على الجهاز و قالت لي ان شاء الله نشتريه و سبحان الله انتي بتتكلمي عنه دحين يا رب يكون من نصيبي واحد من الاجهزة ??
جداً رائع الموضوع ??
يكفي أنو يساعد على حفظ النعمة ✨?
أسعدكِ الباري حبيبتي ♥️♥️
الصراحه الجهاز اول ماشفتو ماحسيتو ضروري بس لمن قريت التدوينة فعلا ضروريي يكون موجود باي بيت وحمستيني عليه منجد محتاجين حاجه زي كدا ??ويعطيكي العافيه ع التدوينة كفيتي ووفيتي ?
رائعة جدا يا اروى الله يعطيك العافية.
ذكرتيني بخاصية شفط الهواء للملابس اللي تبغي تخزنيها .. مثلا الملابس الشتويه بفصل الصيف.
حبيت اساهم بمعلومه :
حفظ الاطعمه مطبوخه بالفريزر حل جميل وجيد للي مايحبوا يطولوا بالطبخ.
انا اتبل صدور الدجاج ببهارات ايطاليه او اي بهارات تحبيها واشوحها على النار مع ثوم لين تستوي واتركها حتى تبرد تماما ومن ثم احفظها باكياس الفريزر بالفريزر ومتى ما اشتهيت طبق فيه دجاج طلعتها واستخدمتها.
كمان احفظ الثوم المطحون بمربعات قصدير صغيرة .. بحيث انه كل مربع يكفي طبخه معينه
كذلك اعمل الصلصة المنزليه ( للبيتزا او المكرونه ) واحفظها بعلب بالفريزر واستخدمها وقت الحاجه.
اشياء بسيطه لكنها تختصر الوقت والجهد علينا 🙂
تسلمي اروى ربي لا يحرمك الاجر على مجهودك الرائع
حلوة فكرتك ماشاء الله ??
بجربها بإذن الله ??
شكرا سجى على هالأفكار ، انا احتاج حل للثوم للان ما تفرغت ادور افكار لحفظه بطريقه سهله .. عجبتني طريقتك شكلي بأجربها .. شكرا على تواجدك الدائم هنا ^^
هذه افضل طريقة لحفظ الثوم ??❤️
http://youtu.be/2jqIPDIxEtA
انا عملت علبة مثله وحطيتها بالفريز
قبل كنت استثقل احط ثوم بالطبخه حتى ما اغسل هراسة الثوم ??
بس اللحين بكل سهوله استخدمي ملعقه وشيلي الكميه المناسبه
وطعمه ابد ماتغير ??❤️
شككككككرا زهرا
يعطييييك الف عافيه شرحك وافي وكافي ?❣❣
–
يا سلام عليكِ يا أروى *
جدًا فخوره فيكِ ربي يسعدك ”
الشرح بطل وسهل ولطيف زيك ??
وعندي استفسار بعد إذنك 🙂
يصير بهالآلة نغلف بها التمر !؟?
وجزاكِ الله ألف خير ..
محبتي : متابعتكِ من ???✨
اهلا ياجميلة ، اكيد ايه يصير تغلفين بها التمر
جمييييييل كنت انتظر هالتدوينة من زماااان كانت مفاجأة حلوة لاني دخلت امازون وتحيرت يعطيك الف عافيه عالشرح والاسبوب الجميييل وانت من خيار الناس لانك تنفعيهم الله يجزيك الف خير
السلام عليكم
سجلت في قائمة الاصدقاء ومن امس احاول ولا جاني شي لا في البريد ولا الجنك ميل
حبيبي اروى
سجلت امس اكتر من مره في قائمة الاصدقاء بس ماجاني شي في الايميل ( البريد والجنك ميل )
اش السبب
الله يسعدك اروى ويجزاك خير حبيت الجهاز افيدتينا كثير
جمممميل جداااااا
شكلي ح افوز ?❤️
تدوينة جداً جميلة ومفيدة الله يعطيك العافية..
شكرا اروى… دائما تعجبني مواضيعك… قريبة لقلبي رغم اني ما اعرفك ^_^
جمالك جمال ي اروى .. ربي يسعدك ربي يسعدك ربي يسعدك 3>
ماشاءالله عليك
ابدعتي في الشرح
الله يعطيك العافيه ماقصرتي
ياحبيبتنا اروى الله يعطيييك كل مافي خاطرك واكثر مشكووورة ع الاحترافيه وكل هالجهد المبذول
برأيي افضل مدونه عربيه وفخوره فيك كثيييير
حبيبتي سارة الأجمل هو وجودك وتشجيعك .. كلماتكم تعني الكثيير
قراءة هذا الموضوع بأهتمام لانه الجهاز فعلاً يهمني و بخاصة للمأكولات الي في العلب و البسكويت و الشبسات الي دائماً تخرب عندي و اضطر ارميه ><"
الله يعطيك العافية على التقرير الدقيق.
إن شاءالله اقتني الجهاز عن قريب..
راااااائع كعادتك أروى
جميل جدا نقلك وطرحك للموضوع …وفرتي علينا عناء البحث والتنقيب
الله يجزاك عنا كل خير
الجهاز رااائع وعملي .. أشعر اني حتى لو ما حالفني الحظ للفوز بالهدية .. راح اجمع له قرشين عشان اشتريه..
أروى بغيت استفسر المره هذي الاعلان عن المدونه وصلني الايميل في spam!
بالعادة يوصلني الايميل في inbox
شاكرة لك كل جهودك بوركت أينما كنت
أهلا نورة ، شكرا على كلماتك الجميلة ،، فعلا يستحق الاقتناء .. بالنسبه للبريد ، حطي صح قبل فتح الرساله على البريد ثم اختاري من الاعلى (ليس بريد مزعج ) وتنحل المشكلة بإذن الله
مشاء الله حبيت الفكره مممره ?
ماالفرق بين ادخال الطعام ( السمك ) مثلا في الثلاجه مباشره بدون تفريغه من الهواء او ادخاله الثلاجه بعد تفريغه من الهواء ؟ باعتقادي لايوجد فرق طالما وان الثلاجه شغاله ع طول
الاكسجين يصنع الفارق .. التبريد فقط يطيل عمر الاطعمه ، ومنع الاكسجين يطيل عمرها اكثر واكثر .. فقط
ربي يسعدك يا شيخة فين ما كنتي ?
مثل معاناتك لي سنه ونص متزوجه والى الان احوس بالمطبخ
شكرا شكرا
موضوع مره مفيد شكرا لك أروى و ماننحرم من ابداعاتك
من زمان افكر في هذي الآله و شرحك لميزاتها حمسني لها أكثر
اتمنى تكون هديتي في 2016 ? نتفاءل ليش لأ
سعيدة بأني من أصدقاءك منذ زمن طويل
http://www.jollza.com
سلام اروى ^^
استمتع وانا اقرأ مدوناتك
دائما انتضر تنزلي مدونه جديده
و انا سجلت بقائمة الاصدقاء وفعلت بس اذا كتبت اسمي بالمسابقه
يطلع ليي كذا (هذا البريد الالكتروني موجود حالياً في قائمتنا البريدية.)
خلاص معناته مفعل ^ـ^
أروى الله يجزاك خير قد ماتفيدينا والله أنك تعتبرين قدوة فهالحياه ماشاء الله عليك ..
ابي اسالك انا نويت اهذ الجهاز بس قارنت بين امازون الامريكي والبريطاني فيه فرق بالسعر كبير وبعد بالنسبه للكهرب نحن ماعندنا 110 او220 موحده يعني ما اعرف شو اللي بيناسب فياليت تفيديني الله يخليك وهل هو من الاحهزه اللي توصلها امازون او احسن اخلي بنت عمي في بريطانيا تاخذه لي وتترسله عن طريق البريد جاوبيني ضروري والله اني جدا محتاجته
انا سجلت في المدونة
يعطيك العافية حبيبتي جداً استفدت منك يسعدك ربنا
اروى جربت حطيتك بقائمة الموثوقين ممكن تجربين ترسلين لي؟
اشتقنا لتدويناتك و صورك الجميلة ما شاء الله موضوع مفيد و قيم ريي يوفقك و ييسر لك امورك
تدوينه جميله الله يسعدك وتتهني استفدت كثير وان شاء الله الجهاز من نصيبي????..
تدوينه جدااااا مفيده وجهاز احس انه ضروووري في كل مطبخ تحمست اني اجربه واذا ماشريته لتفسي فاكيد ان شالله بشتريه لأهلي ?
اول ما تقرا الموضوع يجيك حماس تشتري هذا الجهاز ، من جد جهاز جميل و مفيد ، تسلم اناملك على كل تدوينه كتبتيها ..
استفدت كثير من تجاربك و نصائحك ..
أنتِ إنسانة أكثر من رائعة اروى ❤️
شكرا ولاء اسعدني ردك جدا .. كوني بالقرب
سلمت أروى العزيزة تدوينة مميزة و لذيذة ?
من زمن و أنا أبحث عن الجهاز وطريقة التخزين هذه، شكرًا لكِ.
لكن سؤال هل يمكنني تغليف و تعليب الكريما باستخدامه مثل:كريما الكاسترد موسلين و كريما التثليج الملكي أو الآيسنج incing ؟
و ماذا عن السوائل بالعموم ؟
اهلا ، شكرا لك ، بالنسبه للسوائل والأشياء اللي ممكن تنضغط ، يفضل تستخدمين الميسون جار او العلب ، تسحب الهوا لكن ماتسحب السائل ^^ بالتوفيق يارب
وااااو من جد مادزي وش اعلق بس من الحماس قايمه للمطبخ اجهز قائمة طلباتي لين ترصلني الهدية ???
لازم اكون مستعده يمكن ?? هههههه
الله يعطيك العافية شغل متعوب علية
تدوينة مرة روعة ومفيدة
السلام عليكم من زمان أحاول أسجل بالقائمة البريدية لكن ما يوصلني شي
شيكت على الجنك ميل واضفتك للمرسلين الموثوقين
ورجعت اسجل أكثر من مره لكن ما ضبط
غريبة والله ،، خسارة ، طيب سوي سبسكرايب ع اليوتيوب لأن احد الاجهزة باسحب من متابعين اليوتيوب ، بس لحد ما القى حل لهالمسكلة .. جاري البحث
وتشرفت بوجودك سارا
شكرا اروى الحمد لله ظبط ووصلتني رساله بتدوينه منك
عزيزتي أروى
بعد مااتحمست للجهاز وبحثت عنه مطولا لقيتك كاتبة انه فقط ١١٠ فولت، مدري انا سهيت عن هذه النقطة ولا انتي اضفتي الملحوظة بعد ماكتبتي التقرير،، المهم انا ابغى جهاز ٢٢٠ فبدأت ابحث عن اجهزة ٢٢٠ ولكن حتى من نفس موقع الشركة ماهم جايبين سيرة الفولت نهائياً ??…
يعني ابدا الاجهزة الامريكية ماتجي ب١١٠ فولت؟ وبالنسبة للجهاز البريطاني الصغير لقيته ولقيت جهاز ثاني ffs002 بس بصراحة ماعرفت الفرق بينهم، حسيتهم نفس الشي، واللي مرددني انهم كاتبين
Seal only without the need to vaccum
هل هذا معناته انه جهاز للتغلبف فقط؟
شكرا لكِ
اهلا مي ، ايه انا اضفت ٢٢٠ بعد ماكتبت التدوينه ماكنت منتبهه للنقطه قبل ونبهوني البنات بعد ماشافوا انها ١١٠..
الاجهزة الأمريكية فقط ١١٠ ماعندهم ٢٢٠ .. لذلك في الموقع موجايبين سيره لأني اظن ان الشركة امريكية والله اعلم ..
انصحك تاخذين من امازون البريطاني ..
بالنسبه للثاني يبدو انه فقط تغليف بدون سحب هواء !
العفو .. كوني بالقرب ^^
اختي موجود عليها رفيو فاليوتيوب واعتقد المقصود باللي كتبتيه انه الجهاز تقدرين تفرغين منه الهواء مع الاحكام بالحرارة وفيها خاصية احكام الحرارة بدون الشفط في حالة انك بغيتي تسوين كيس .. في يوتيوب كتبي اسم الجهاز وبيطلع لج
ضبططططت الحمد لله ??
سويت نفس الطريقة اللي قلتي عليها وحطيت ايميلك موثوق وضبط ?? شكررراً أروى ? كذا مره حاولت وأخيراً ضبط ?
الحمممدلله ، والله انك ممتازه ، ما استسلمتي .. اسعدتيني والله
معلومات مفيدة جدًا
بارك الله فيك
الـ Mason Jar موجودة عندنا في السعودية مع قطعتها؟ ولا لازم طلب؟
القطعة ما اظن موجودة ، بس الميسون جار موجوده بس بالضبط ما ادري وين لكن سألت كم مره البنات في السعودية بعضهم قالوا موجوده في محلات الاواني وبعضهم قال في ساكو لكن انا شخصيا ما ادري بالضبط وين متوفره ..
ممتاز
الله يبارك فيك أروى ويجزاك الجنة ?
الحمدلله لقيت الـ Mason Jar في ساكو
هل جربتي تستخدمينها من غير الجهاز؟
والفواكه إذا حطيتيها تخلطينهم ولا كل فاكهة في علبة منفصلة؟
ايه جربت ، الفواكه ما اخلطهم كل واحد منفصل ..
يعطيك العافية… وموضوع اكثر من رائع تحمست اشتري الجهاز..
الجهاز رائع .. وتقريرك اروع? يعطيك العافيه? .. انا عندي جهاز صغير زي الدباسه للتغليف الحراري .. ولاني شفت بوست بالانستقرام من زمان عن هذاالجهاز في حسابك فكنت دايمافكر فيه .. ويوم شفت هالجهازالصغير عجني وشريته يعني احس انه مفيد في اغلاق الاكياس اغلاك محكم خاصة اللحوم وانا احاول افرغ الكيس من اهوا بيدي قبل ما اسكره .. بس جهازك ذا جبار ??
معلومات قيمة جزاك الله خيراً!
مين الي فازت ما شاء الله ؟!
و مبروك لها مقدماً ?????
ما شاء الله تبارك الله …
موضوع غاية في الاهمية ,ونحتاجه كثيرا في حياتنا و يسهل علينا عمل اشياء كثيرة …
فالكثير يفضل تخزين الأطعمة خاصة اللحوم و تجميدها لحين الحاجة دون أن تفسد ..و هذا الموضوع وفر عناء البحث عن حل لهذه المشكلة ..
شكرا لك على هذا الموضوع المفيد جدا ..
جزيتي كل الخير ..
روووعه الجهاااااااااز
الله يعطيك العافيه يا اروى ?
انتي كنزززز والله
الله يوفقك ويبارك لك ويرزقك ماتتمنين دائما?
??????????????????
الله 🙂
يسعدك ربي
السلام عليكم و رحمة الله و بركاته
اهلاً أروى
استفدت من الموضوع جداً تدوينة جميلة ومفيدة الله يعطيك العافية..
بسألك قطعة علب الميسون جار و قطعة اكياس الزبير و الانبوب اشتريها لحالها او تكون مع الجهاز ؟
حابه اشتري الجهاز الحين مع التخفيضات بس مو واضحه القطع الي معاه
و شكراً لك 3>
كل القطع لحالها ماتجي مع الجهاز ماعدا قطعة الزيبر تجي مع الاجهزة الكبيرة فقط
اهلاً اروى .. التدوييينة راااائعة و مثيرة للاهتمام.. احسنت اختيار الموضوع كالعادة.. شرح وافي و تفاصيل دقيقة
يسعدك ربي ❤️❤️❤️
السلام عليكم و رحمة الله و بركاته
اهلاً و سهلاً اروى
تدوينة مفيدة و جميلة جداً الله يعطيك العافيه ❤️
حبيت اسأل هل قطعة الميسون جار و قطعة اكياس الزبير و الانبوب الخاص فيها تجي مع الجهاز او اشتريها بشكل منفصل
لاني حابه اشتري الجهاز الحين مع التخفيضات و مو واضح الي معاه
و شكراً.
كل القطع الي حطيتها ما تجي مع الجهاز .. ماعدا قطعة الزيبر تجي مع بعض الاجهزه وبعضها لا
يعطيك الف عافيه اروى .. كل تدوينه احلى من اللي قبلها .. ممكن اعرف طريقك تصميم مدونتك ! هل هي موقع خاص لك او تابعه لمدونه!!
شكرا حبيبتي ، مدونتي على سيرفر مدفوع مو تابعه لاي مدونه
شكر كتير … رح اشتري هالجهاز لانو جد مفيد. انا عادة ارمي الخضار و الفواكه لان بيخربو بسرعه و انا و زوجي لحالنا … حبيت
الله يعطيك العافيه تقرير كامل ووافي ماقصرتي، بس حابه أسال امازون بريطانيا يشحنون مباشر ع السعوديه اولا والا لازم يكون عندي بريد في بريطانيا
واياك .. حسب المنتج
السلام عليكم اروى ،،،
حبيبتي مرررة استمتع لما اقرا مدونتك جميله .. الله يحفظك يارب
احبك في الله ❤️
حبيبتي اروى وين ممكن القى المسن جار في امريكا ؟؟؟
كل السوبرماركت موجود فيها .. وتارقت ومارشال ، تقريبا كل المحلات تبيعها
الله يوفقك ويسعدك وينفع بك يارب تهبلين بسم الله عليك ومواضيعك حلوه مثل صاحبتها
السلام عليكم أروى
التدوينة مفيدة جدا وفتحت لي آفاق كبيرة للاستفادة من الجهاز..
شكرا من القلب على مشاركتك لنا هذه المعلومات..
عندي سؤال مهم وما وجدت له إجابة واضحة في اليوتيوب ولا ريفيوهات الناس في أمازون مع اني بحثت كثير
االأجهزة الأكبر من جهازك والأغلى بعضها فيها زر pulse وهو للتحكم بشفط الهواء يدويا
سؤالي هو هل جهازك فيه امكانية لإيقاف شفط الهواء يدويا وبدء الاغلاق الحراري.. مثلا لو كنت أريد حفظ حبز صامولي في الأكياس فهل أستطيع إيقاف سحب الهواء عندما أرغب حتى لا يفسد شكل وحجم الصامولي؟؟؟
شكرا اروى الجميله على هذي المعلومه الله يجعلها في موازين حسناتك
ربي يسسسعدك ثم يسعدك ثم يسعدك ()
جدا استمتعت و استفدت من التدوينه ?
يعطيك الف عافيه ، جدا استمتع بتدويناتك ?❤️
ليت كل اسبوع تنزلين تدوينه ?❤️ ، وتعطينا من افكارك اكثر بالمطبخ ?
من جد استفدت من الموضوع ، وان شاء الله بشتري الجهاز
بس سؤال ?
لو بفرزن دجاج متبل ، وقت سحب الهواء ماتنسحب السوائل ؟
وسؤال ثاني !
الاكياس العاديه ماتنفع نستخدمها للجهاز ؟
او ضروري تكون خاصه
اهلا .. شكررا لك .. امم التتبيل الخفيف ماتنسحب ، مثلا عصرة ليمون عادي ، بس سوائل كثير لا ماينفع بالكيس استخدمي العلب
السلام عليكم .. الله يسعدك يا أروى ❤️صراحة الموضوع مرة مفيد وان شاء الله بحاول اطبق الي قلتيه ?❤️❤️❤️❤️
السلام عليكم . الله يسعدك ام أروى مررره عجبني الموضوع ..
السلام عليكم الله يسعدك يااروى بصرحة الموضوع مفيد بس وين احصلة
الله يسعدك يااروى جدا استفدت من هالموضوع وتحمست اشتريه
لاني استغفرالله ثلاث ارباع الورقيات والاكل ينرمي لانه يصير كثير واحنا شخصين بس
انا بكندا وودي اشتريه سعره حلو ب ١٢٥ دولار بس مشكلته ٢٢٠ 🙁
السلام عليكم
استاذة اروى جزاك الله الجنه على مدوناتك الرائعه
عندي سؤال
ان طلبت من امازون قبل مااشوف جهازك فصرت طالبه الصغير وهو الان في طور الاعداد مابعد ارسلوه للشحن هل اقدر استبدله بالكبي وبعد طلبت اكياس الزيبر على بالي رول جو الكرتون وش الحل
سؤال ثاني هل الطلب المباشر ارخص من شركات الشحن وجزاك الله خيرا
وعليكم السلام ، اهلا غالية .. اذا مابعد تم الشحن ومابعد صار مكتوب على البضاعة shipped يعني تقدرين ترجعينه بسهوله تدخلين ع المنتج في صفحه الطلبات حقتك وتضغطين الغاء او كانسل .. اذا تم الشحن خلاص مايترجع الا اذا وصلك تراسلينهم بطلب الترجيع وبعضهم بيطالبك تدفعين قيمة الشحن للترجيع..
بالنسبه للطلب المباشر ما اعرف على حسب البضاعه وحسب شركة الشحن ..
اتمنى افدتك ياجميلة
مرحبا اخت اروى من جد الجهاز رائع
واتمنى ان يكون الجهاز لدي
لكن سعره بالنسبه لي غالي للاسف
اهو مع قيمه الشحن المباشر للسعوديه قريب 500 ريال
طيب اذا ممكن وماعليك كلافه لقيت جهاز مشابه له
ولكن لااعلم هل هو جيد وبكفاءه هذا الجهاز ام لا
هذا هو الرابط
https://www.amazon.com/gp/aw/d/B008HMWC4A/ref=ox_sc_act_image_1?ie=UTF8&psc=1&smid=ATVPDKIKX0DER
هل تنصحيني بشراءه كبديل للجهاز
لانه سعره جدا حلو تقريبا واصلني للسعوديه مع شحنه 250 ريال
أهلا سنا .. اطلعت على الجهاز .. تقييمه غير مشجع ، ٣ ونص نجمات غالبا ليست جيدة في امازون .. ما اقدر انصحك فيه لاني ما جربته ولان التقييمات غير عاليه ..
بالنسبه للسعر ، انا ارى انه يستاهل لأن الجهاز المفترض يعيش لسنوات عندك .. الجهاز الي حطيتيه في الرابط يقول بعضهم انه خرب عليهم بعد فتره قصيرة .. فما اعرف صراحه ما اقدر اقييم شيء ما جربته شخصيا .. تمنيت افيدك اكثر
اولا
انتي اول مدونه اتابعها واتحمس لمشاركتي معاك ..والسبب الاول والاخير عفويتك وصدقك وحبك للغير
ثانيا
جزاك الله خير على مواضيع نحتاج نسمعها ونستفيد منها.❤️
يعطيكِ العافيه حبيت الجهاز ???
حبيت الجهاز يعطيك العافيه ???
الله يجزاك خير مره حلوه التدوينه
لكن عندي سؤال شاطح ☺️ شدّني انك تكتبين التاريخ ع الكيس قبل تفرزنينه ، وأنا لما اشتري الدجاج واللحم من ولمارت يكون مبرّد طبعا وعليه تاريخ انتهاء لكن مااهتم للتاريخ لأَنِّي أفرزنه على طول ومتى مااستخدمته وأحيانا يعني لما أطلع دجاج او لحم أبغى استخدمه يكون منتهي تاريخه لكن فبالي انه مفرزن ما يضر ? الحركه هذي لي شهر طايحه فيها
وش رايك ؟
عزيزتي أروى
أشكرك على هذه التدوينة الرائعه
وفعلاً تحمست وطلبت الجهاز النحاسي من أمازون البريطاني
لكني فوجئت ان الجهاز ما يشتغل الا لما أضغط عليه بيدي
ونظام اغلاق الكيس فاشل لازم اعيد عليه اكثر من مرة علشان يتقفل الكيس
الشي اللي يقهر اني لما افرغ الهواء من الكيس تماما واضغط على زر تقفل الكيس يتسرب الهواء مرة ثانية للكيس وكأنك يازيد ما غزيت ?
جداً محبطة
ياليت تشرحين لي كيف استخدامك له بالتفصيل
يارب يكون الخلل من طريقة استخدامي له
ولا يكون عيب في الجهاز
ولو كان الخلل من الجهاز هل يمكن ان استبدل الجهاز من امازون
انا في السعودية وطلبته من امازون البريطاني
أهلا ياجميلة
الخلل من عندك أكيد لأن ما يحتاج تستمرين بالضغط فقط ضغطه وحده تسحب الهواء وتقفل الكيس مره وحده .. بالنسبه لتسرب الهواء تصير فقط اذا الكيس اصغر من اللازم ، او اذا الكيس غير مخصص لأجهزة ضغط الهواء .. او اذا فيه فتحه في الكيس انت ما انتبهت لها ..
تأكدي ان الكيس كبير وان فيه مساحه كافيه ان طرف الكيس يدخل في الجهاز ويوصل لمكان الخط المستقيم ويتعداه ، لا يكون طرف الكيس على خط الحراره الاسود ، خليه يتعداه ويوصل للمستطيل اللي بعده ، ويكون بين الاكل والجهاز مسافة انش او انشين على الاقل حتى يتسكر الجهاز على الكيس بشكل كامل بدون مايكون مليان للآخر الكيس..
اذا جربت المقاسات واكثر من مره ماضبط ممكن يكون جهازك معطوب راسلي امازون يسترجعونه خدمه الاسترجاع والتبديل عندهم جدا مريحه وسريعه وسهله .. لكن اتمنى تضبط معك
لاحظت بردك انك تسحبين الهوا بعدين تضغطين شي ثاني ، لا تضغطين شي هو بيتقفل من نفسه شكلك ماتتركين له فرصه اول ماتسمعينه وقف شفط تقاطعين عمليه التسكير بضغطك على زر التسكير المنفصل .. لا تضغطين شي اتركيه ينتهي
شكراً شكراً على ردك الجميل
حبيت اشرح لك نقطة
انا لما اشبك الجهاز على الكهرباء ما تولع لمبة الباور الا لما اضغط بيدي على سطح الجهاز وليس على الازرار
اتمنى فهمتي علي
الجهاز وضعته على سطح مستوي و
بالنسبة للأكياس أنا أستخدم الاكياس الملحقة مع الجهاز
من فود سيفر
لكن بإذن الله برجع اجرب طريقتك
واكبر الكيس وانتظر بعد تفريغ الهواء ما اضغط على اي زر لحد ما يتقفل الكيس
شكراً مرة اخرى يا اروى
وجودك في حياتي نعمة ❤️
مرحبا اروى اللطيفه
الحمدلله اليوم وصل جهازي وسعيده جداً باستخدامه
شكراً لك على طروحك للموضوعات المفيده
لك كل الشكر مع خالص دعائي ?
مرحبا اروى
الله يعطيك العافيه على هالتدوينة حسيتني لقييييت كنز
خصوصاً ان باقي الاكل عندي دايم احطه فالثلاجه وتغليف وعلب عشان ومع ذلك يكون فيه نكهة ثلاجه + التمر اذا فتحت الكيس يطول مايخلص واكون مغلفته وبعلبه ومع ذلك يتغير
انا الحين طلبت نفس جهازك والرول خذيت نوع ثاني
بس بسآلك سحب الهوا هل اقدر انا احط له درجة ؟ يعني اخليه يسحب الهوا واوقفه قبل يسبه بقووه مره ؟ لان بغله اشياء فيها سوائل وميزانيتي ماتسمح اني اشتري العلب واللي يسكرها 🙁
+ هل من محتويات الجهاز السلك اللي يشفط من الاكياس الزيبر والا اشتريه منفصل ؟
جزاك الله خير
اهلا .. بالنسبه للاكياس اذا شريتي الجهاز الكبير مثل ماذكرت يجي معه ، الصغير لا .. اما الشفط لا ماتتحكمين به ، افضل شي للسوائل تفرزنينها أول بعدين تشفطين منها الهوا .. مثلا تحطينها في كيس والكيس داخل علبه وبالفريزر شوي لحد ماتجمد وبعدين تشفطين الهوا .. لكن لو ماتبين تفرزنين اتصور لازم تاخذين العلب ..
طيب آخر سؤال
عادي اسكر فيها اي كيس ؟ مثلاً كيس شبس فتحته وخذيت شوي اقدر اسكره فالجهاز بدون ماغير كيسه ؟
السلام عليكم ..
حبيبتي اروى انا ناوية اطلب الجهاز من امازون البريطاني
هل ممكن اشتري الاكسسوارات من الامازون الامريكي لانها ارخص بكثير من البريطاني والجهاز من البريطاني والا ماينفع لازم نفسه عشان
الا ينفع طالما هي نفس الاكسسوار ..
انا ابي أشتريه ودخلت امازون ولسه ما أتممت عمليه الشراء لاني ابي اسئلك الحين القطعة والأنبوب حقت الميسون جار تجي معاه ولا لازم اشتريها لان كمان طلبتها ؟؟؟؟
اهلا ، اذا انت بالسعوديه لا تطلبين الميسون جار من برا ،، ممكن توصلك مكسره .. اما الجهاز ، لا مايجي معه القطعه لازم تشترينها منفصله
مرحبا أروى❤️
أنتي إنسانه ملهمه ورائعه ماشاءالله
معجبه بطريقه طرحك المواضيع وإنتقائها
دمتي مبدعه دائما?
السلام عليكم،
مرحبا اخت اروى مدونه جدا رائْعه سعيده ان اكون ضمن صداقاتك
الله يجزاكِ خير أروى❤️
جداً استفدت من تدوينتك وتحمسة لتدوينات أخرى جديدة استمتع فيها واستفيد منها
ربي يعطيك العافية ?
اهلين اروى
اشتريت الجهاز ونسيت انه يختلف عن كهرباء منطقتنا
الجهاز ١١٠ وحنا ببريده ٢٢٠
ماستلمته من البريد حتى الان اللي تبيه اروح البريد استلمه وارسله لها
كلفني مع الشحن ٤٣٢
اللي تبيه بعد اذنك اروى تراسلني ع الايميل
Thara1430@hotmail.com
مساء الخير. مرحبا اروى انا طلبت الجهاز لكن هل الاكياس متوفره هنا بالسعوديه. في السوبر ماركات الكبيره. والا لازم طلبيه!
اعتقد موجود شبيه لها .. مو متأكده .. عموما لو طلبتيهم مايخلصون بسرعه .. فيه ناس يستخدمون الاكياس العاديه وضبط معهم الوضع .. بس شخصيا ماجربت الا الاكياس الخاصه الي حطيت رابطها في الموضوع
السلام عليكم
موضوع جميل جدا .. أنا اشتريت جهاز تفريغ الهوا بناء على موضوعك هذا، الصراحة ما كنت أعرف إن جهاز مفيد زي كذا موجود بالسوق! شكرا جزيلا على كل إلهام و على كل موضوع مفيد تطرحينه.
سؤالي:
بالنسبة للبصل، ايش البهارات اللي تحطيها معاه و كيف طريقة تغليفك؟ هل تغلفي كل كيس بمقدار طبخة واحدة أم تغلفي كمية البصل كلها اللي قطعتيها و بكل طبخة تاخذي شوية شوية؟
أنا طبيبة متغربة و بصراحة من أهم أسباب إني ماعد آكل غير أكل المطاعم إن ماعندي وقت للطبخ و التقطيع و التشويح.
طريقتك في حفظ الدجاج و إنك تسوي هالشي مرة بالأسبوع جدا رائعة! و خلت عندي أمل إني أقدر أرجع مرة ثانية للطبخ البيتي الصحي دام كل شي جاهز وما يبقى لي غير إني أحط كل شي بالمقلاية وانتهينا.
أتمنى إذا صار عندك وقت ياليت توصفي نموذج لجدول وجبات أسبوع بالنسبة لك عشان أفهم الفكرة لأن بصراحة أفكارك رائعة جداً و أنا انسانة أحب التنظيم و الإبتكار ووجدت فيك ضالتي.
الله يجزاك خير و يرزقك من السعادة أوفرها
يا أهلا داليا ..
بالنسبة للبص شوحيه مع بهاراتك الي متعوده عليها ، انا عندي خليط بهارات عربيه واشوحه وبعدها اخليه يبرد وبعدين اغلف حق كل وجبه لحالها .. لا تغلفين البصل وتفرزنينه بدون طبخ ، مايطلع حلو ..
والدجاج افرزن حق ثلاث اسابيع تقريبا مو بس اسبوع . مره راحه واذا جيت اطبخ تذوب الدجاجه في خمس دقايق واكبها على القدر مباشره بدون تقطيع ولا حوسه ..
وان شاء الله راح اكتب طريقة ترتيب الوجبات في مواضيع قادمة .. اسعدتيني بوجودك ومبسوطة انك استفدت من الجهاز
عادي لو مره تشطحين وتسوين موضوع كيف سويتي مدونتك
وكيف سويتي ميزه انه يطلع لي المنتجات من امازون
وكيف سويتي انه يوصلني رساله تفعيل وغيره
اذا كنتي مستعينة بروابط دروس ياليت تفيديني
وشكرا لان مدونتك ماشاء الله مرتبه
قريت الموضوع مع ان مالي في الطبخ وعجبني
بس اذا بديت اطبخ شريته ان شاء الله ?
وفي النهاية احبك الله يوفقك يارب ويسعدك ?
باذن الله باتكلم عن المدونة في اقرب فرصة .. ربي يحبك وملائكته ويسعد قلبك
من جد انتي شي رائع ومهما تكلمت عنك ماراح اوفيك حقك ربي يسعدك ويحقق لك كل ماتتمنين
مرحبا اروى،
الله يسعدك سعاده مالها حد على حبك وسعك صدرك وتجاوبك مع الاستفسارات ??
بسألك، انا ان شالله بطلب الجهاز
بس مابي اطلب الاكياس الخاصه
ابي استخدم اكياس اللحم مثلا، اقدر استخدمها او لا ؟
وياليت تجربين مادام عندك الجهاز وتبلغيني بالنتيجه
لاني فريت امازون ادور جهاز اقدر اسحب فيه الهواء من اي كيس ولا لقيت ☹️
او يمكن انا ماعرف ابحث زين ?
الوكاد اني حاولت وفكرت اسأل البائع نفسه عن هالشي بس مدري شلون اسأله ولا اعرف شلون اسأل بالانقلش ?
ف ياليت تفيديني بالنقطه اللي قلت لك، ربي يسعدك ??
ممكن تسحبين من اكياس اللحم العاديه بس لازم تسفطين فيها سفطه صغيره ، امل الجهيمي جربت تقول ينفع بس تقول يحوس ومو دايما يضبط فالافضل الاكياس المخصصه له
أروى الله يسعد قلبك ??
بغيت أسألك عن غسالة الأواني اللي عندك ايش ماركتها ! لأن اتوقع سبق و تكلمتي عنها بالسناب
whirlpool
أروى الله يسعد قلبك ??
غسالة الأواني اللي عندك و قبل صورتيها ايش ماركتها !
مفكره فيها من زمان و فرصه نجربها دام رمضان جاي و الشغل بيزيد
whirlpool
تم شراء الجهاز بنجاح ??
واستخدمته لتجميد الاطعمه في رمضان حاليا ??
جهاز جباااار فعلاً ! ?????
وقلبي عليه كأنو واحد من عيالي خايفة يخرب ?
واشكرك يا اروى على المعلومات القيّمة .. واحبك في الله ويشهد الله علي ???
وعندي طلب صوغنن أتمنى ما تهملينه ??
١- انك تنزلي معلومات بالمختصر المفيد عن أصول تجميد المأكولات ..
٢- انك تبقين سنابك لكل شي مفيد ومختصر ولا يتحول لزي بعض المشاهير للأسف كلام كثير واعلانات بأسلوب ممل جدا ????????
شكرا نورة ، بالعافية عليك يارب .. وان شاء الله باستمر بتقديم المفيد هنا وبالسناب والاعلانات تشجعني على الاستمرار وتخصيص جزء لا بأس به من يومي لتقديم التجارب حتى يكون فيه نوعا ما مردود للمجهود .. ربي يسعدك وان شاء الله ادون عن التجميد باذن الله
اروى من فاز بالجهاز ??
فازو ثنتين اخترتهم بشكل مباشر على السناب تشات وارسلنالهم الأجهزة بوقتها
عزيزتي
طلبت جالجهاز لكن ما عرفت كيف يسحب الهواء حطيت الكيس ضغطت الزر ما يسحب هل الكيس له وضع معين؟
وجدت الخلل عزيزتي شكرا لك ?
مرحبا أروى ،
ان شاء الله اقتني هذا الجهاز قريبا , أحب الحاجات اللي تسهل لنا الحياة
عندي استفسار هل اذا حفظت مثلا فيه بعض الأطعمة اللي تسوس بشكل سريع بعلب و فرغت فيها الهواء يمنع التسوس ؟
السلام عليكم ورحمة الله وبركاته
بارك الله فيك
وفي قناتك ومدونتك
استفدنا منها كثيراً
واتمنى اعطائنا افضل موقع عن شراء الجهاز او قيمته او طريقة شراءه من خلالك
الله يسعدك ويرضى عليك كل شي عندك جميل ورائع انتي أنسانة معطاءة بكل ماتحمل هالكلمة من معنى الجهاز أكثر من رائع لكن وين ألقاءه عندنا بالرياض
السلام عليكم
ماشاء الله تبارك الله انسانة ملهمة وحساباتك مممتعة جدا زادك الله من فضله؟
حبيت اسألك عن الجهاز هل بالامكان استخدام الميسون جار اكثر من مرة؟وبالنسبة للغطاء المسطح يجي مع الجهاز او مع الميسون جار؟ واستخدامها مره وحدة او اثر؟؟
كيف اعرف نوع الكهرباء في امازون هل هو ١١٠ او ٢٢٠؟
الميسون جار والغطا الفضي يجون مع بعض ويستخدمون اكثر من مره ، العلبه الزجاجيه ماتخرب ابد ، اما الغطا الفضي ممكن يقدم مع الوقت ، اما القطعه الي توصل الجهاز بالميسون جار تباع بشكل منفصل .. تعرفين نوع الكهرب من خلال الاسئلة على المنتج غالبا يكون فيه شخص سأل . واذا مافيه اطرحي سؤالك يجاوبون بنفس اليوم ..
شكرا لك الله يعطيك العافية
يعطيك العافية يا أروى الجميلة ?، كلامك وشرحك سهل وواضح جدا، ومشجع للطبخ وفرزنة الاكل الصحي..
فيه نقطة بالنسبة للأجهزة الكهربائية لازم نتبه لها، وهي التردد من شركة الكهرباء كل بلد له تردد معين ويرمز له hz، وتنكتب على الاجهزة الكهربائية زي كذا hz60، او كذا hz50-60، امريكا والسعودية التردد حقهم hz60، أما بريطانيا ترددهم hz50.
المشكلة ان استعمال التردد المختلف يسبب تلف الجهاز وقصر لعمره الافتراضي، يعني اللي يشترون أجهزة من بريطانيا لازم يتأكدون من تردد الجهاز يكون مكتوب عليه hz50-60، أما إذا كان مكتوب عليه hz50 فما يصلح الجهاز يستخدم في السعودية. >> استفدتها من تجارب سابقة والحمد لله ماخربت علي أجهزة.
على فكرة التردد يختلف كليا عن كهرباء ١١٠ و٢٢٠، هذا هو الڤولت ويرمز له v ، ويكتب على الاجهزة الكهربائية كذا V110 او V220، وماله علاقة بال hz.
وعذرا على الاطالة. ?
اروى العزيزه ابسالك ينفع استخدم عليه اكياس اللحم العاديه ؟
لا ،، البعض جربوها وضبطت بس يصيرون يحطون سفطه في الكيس، لكن بشكل عام لها اكياس مخصصه
شكراً جزاك الله خيراً بس ياليت تقولين لنا كم سعره
اهلا اضغطي الرابط ويظهر لك السعر
سجلت أروى حبيبتي معك في قائمة الاصدقاء ان شاءالله مافاتت علي المشاركة في المسابقة …
يا هلا ، الله والله شكلك من متابعاتي الجديدات ، انتهت المسابقه من فتره سويت السحب على السناب والانستغرام واخترنا ٢ ووصلتهم اجهزتهم .. ان شاء الله فرص جايه باذن الله
الله يسعد قليك افدتيني كثير?
السلام عليكم .جزاك الله خير عالتدوينه الرااائعه.لكن لي استفسار ذكرتي انه احيانا يسحب السوائل ،وين تصير بعد السحب هل هي داخل الجهاز ؟وهل سهل تنظيفها ؟خاصه لو سحبنا الهواء من تتبيلات اللحوم والدجاج .
داخل الجهاز فيه مثل الممر الصغير يتجمع فيه اي شي، تاخذينه وتغسلينه بيدك او بغساله المواعين ، مره سهل وصغير
صديقتي اروى اكون ممتنه لك اذا ساعدتني بمعرفه طريقه عمل هذا الجهاز بالسناب
اشتريت زي هذا الجهاز والاكياس رول طويله
ولكني فشلت بطريقه استخدام هذي الاكياس
السلام عليكم أروى
كيفك
الله يعطيك العافيه على هذا المجهود
طلبت الجهاز وصار عندي
وانتظرك بفارغ الصبر تنزلين التدوينه عن حفظ الأنواع المختلفة من الأطعمة
والله يوسع عليك دنيا وأخره مثل ماوسعتي علينا بهالجهاز
شكراً لك ❤️
ووواو مرا عجبني وتحمست له … يارب أفوز فيه …ياااااااااااااااااااااااااااارب
اروى الجميله الانيقه ربي يسعدج دنيآ و اخره و الله غيرتي واجد بحياتي الله يجمعنا ب جنته .. متابعتج دايم و اخذ منج افكار و لي شهر مابقى مكان بالكويت مارحتله ادور هالجهاز مالقيته ، جربت اطلبه من امازون البريطاني ما رضا ، اذا عندج فكره شلون اطلبه قوليلي ، كل الحب ?
اروى ان شاء الله ناويه اقتني الجهاز مع الاكياس من امازون بس متخوفه اذا رجعت السعوديه ما القى الاكياس افديني من فضلك !!
هلا اروى
انا شريت هذا الجهاز على انه الجهاز الكبير
https://www.amazon.com/gp/aw/d/B0044XDA3S/ref=psdcmw_1090768_t1_B01D5TMBE0
تفاجات انه غير اللي تكلمتي عنه
هل هذا الجهاز اللي شريته يعتبر مثل الجهاز اللي تكلمتي عنه او غير
انا ما احتاج افرغ الهواء من الاكياس يعني ماله داعي اشتري الجماز هذا بس ابغا افرغ هواء الماسونجار مافيه قطعه خاصه بسحب هواء الماسونجار ؟
الله يسعدك كثر مانبسطت امي يوم عرفت عن هاالجهاز بس حابه اسالك ممكن القاه بسسعر ارخص من هالمواقع ودي اهديه امي بس تكلفته كبيره على شوي فحابه موقع يكون ارخص عشان ابسطها
السلام عليكم ورحمة الله وبركاته …يسعد يومك أروى
حاليا في رحلة البحث عن الجهاز داخل السعودية غير موجود ب ساكو والحياب كشكول مابيردو لهم اكتر من شهر … هل يوجد حيابات اخرى توفره هنا ؟؟؟
يارب تسكن اروى وامها الفردوس ??? ودي احد يعلمني اشياء كذا احسها تفرق من ناحية الوقت والترتيب وتسهل عليك الطبخ شكرا اروى ??
مرحباء ي عسل تم تفعيل الاشتراك
مرحباء ي عسل تم تفعيل الاشتراك ❤
مرحبا..هل ممكن استخدام الاكياس الشفافة تبع اللحم، او لابد نشتريها من الموقع؟ ياليت تفيدوني بتجربة..احس مو عملي كل شوي اشتري اكياس من برا.. وفين الاقي ارخص علب تستخدم مع هالالة لاني لقيتها في هوم سنتر علبة وحده ب٢٠٠ ريال?
جربت الجهاز وكان رائع لكن لدي مشكله عند استخدامه مع علب الميسون جار
المشكله انني عندما انتهي من تفريغ الهواء من العلبه واقوم برفع الاكسسوار الخاصه بتفريغ الهواء من الميسون جار ينفتح غطاء الميسون جار
موضوع اكثر من رائع
شكرا اروى على هالكم من المعلومات
اللي رح توفر علينا عناء طويل
أروى ممكن مواقع أو تطبيقات في أمريكا لبيع الأشياء المستعملة؟
جميل
ان شاء الله اقتنيه اذا مو منك بشتريه جمييييل مرررا
مرحبا اروى
جزاك الله خير عل|ى التقرير الجميل
لكن حبيت استفسر هل الطلب من موقع FoodSaver آمن وثقه
ويتم التوصيل للسعوديه ؟ اتمنى الرد
الله يكتب اجرك يارب وفيتي وكفيتي
مرحبا ..أروى الجميله ..ممكن استخدم الجهاز في تغليف الهدايا وسحب الهواء من الاكياس ؟! وتطلع بشكل جميل ؟
اروى ي اروى ي جمالك وجمال تدويناتك
شريت هالجاز على مدحك يجنن وكل شي
بس عندي مشكلة لما افرزن زهره ( قرنبيط )
لما افتح الكيس بعد ٤ او ٥ شهور يكون له ريحه مو حلوه
مرتين او ثلاث صادفت هالمشكلة ومرات بعد مايتجمد واكون مغلفته كويس يصير كنه داخل هواء ومليان ثلج
ممكن تفيديني او اي احد يفيدني اذا واجهته هالمشكله ?
يسعد قلبك اراوي وش صناعة الجهاز
يسعدك ع المدونه الجميله? حبيت اسألك الجهاز عليه ضمان ووش افضل جهاز تنصحيني فيه خبرك رمضان شي وهذا وقت الجهاز واحترت من كثر الشركات
ينفع مع الورقيات؟ الكزبرة، البقدونس … إلخ؟
اشتريت الجهاز وشبكته على الكهرباء بس مااشتغل 🙁
مااعطاني زر الباور اي اشارة ?
اشتريت الجهاز وما تهنيت فيه يومين وقفل ما ادري من ايش المشكله هل من الخط او من استخدامي ..انفجعت وحرنت الله يخلف علي ???
اهلين حياتي اروى
ابغى استفسر منك بخصوص الاكياس هل ينفع استخدم الاكياس العاديه او لازم اشتري المخصوصه للجهاز
اروى أنا شريت الجهاز لمن حطيته على كهرباء ١١٠ مااشتغل
ماادري شنو المشكلة هل في زر للتشغيل أو في شيء أسويه قبل لا أحطه بالكهرباء
اروى الله يسعدك لقيت في نفس صفحة الجهاز الصغير في امازون البريطاني اقتراح على جهاز اسود من نفس الشركة ممكن تفيديني الفرق بينهم لانه فرق السعر مرة كبير بينهم ومني عارفة اذا في بينهم فرق غير اللون
مرحبا أروي شكرا لك ع جهودك
حبيبتي انا شريت الجهاز من امازون البريطاني وجت معه علبة وسلك التغريغ بس ماعرفت استخدمها لعلب ميسون جار ياريت تفيديني
مرحبا عائشة ~ حابة أسأل مع أي شركة شحن جبتيه وكم تقريباً كلفك ؟ وهل أشتريتِ الأكياس الخاصة فيه من أمازون الأمريكي واللا كل شي من أمازون البريطاني ؟
طيب اذا سمحتِ تعرفين جهاز يسحب الهواء من العلب يعني اي علب مو لازم تصير تبعه العلب لأن عندي علب صغيرة واحط فيها زبدة عضوية و ودي اسحب منها الهواء عشان ما تفسد بسرعة
حبيبتي انا نسخه منج الاهتمامات و كلو .. ماشاء الله عليج
ابي سعر الجهاز واماكن بيع الاكياس الخاصة بالجهاز وسعرهم كمان
ابي سعر الجهاز وسعر الاكياس واماكن بيع الاكياس
حبيبتي اروى عندي استفسار بلنسبة للجهاز اذا استخدمت اكياس الزبر ترجع تفك بعد ساعه ساعتين ? ممكن اعرف السبب وشنو الحل
الله يسعدك يا اروى على المعلومات حبيت الجهاز وحاولت ابحث عنه في امزون بس ماعرفت ودي اعرف كيف اطلبه
غريب ان سعره بالبريطاني اغلى ? بطلب 3 لي والعايلة
اهلا أروى…سؤال الله يعافيك هل الجهاز الي بحجم اليد يغني عن الجهاز الكبير في شفط الهوااء واجيب معه اكياسه طبعا..
مساء الخير حبيبتي اروى اشتقنا لك كثير عسى الغيبه خير
حبيبي انا قررت اشتري جهازالشفط نفس الي عندك بس ابغى اتاكد من شي الي نزلتيها تركي على علب المايسون بجميع فتحاتها الكبير والصغير
العلب الي عندي نفس الي تركب ع الخلاط تبعك لاني برضو اخذتو بعد ماكتبتي عنو ❤️
جميل جداً
يسعد قلبك اروى💓
ابي اعرف الجهاز الصغير قلتي الفرق انو مافيه مكان للرول هل معناته انو ماستخدم له الرول يعني بس الاكياس المربعه ! او عادي اقدر اخذ رول واستخدمها بس مالها مكان جواته؟
شريت نفس المنتجات في المدونه ولساع ماوصلت بس اطلعت على تفقييم وتجارب الناس فيها وواضح انها مثل ماتفضلتي من المنتجات الممتازه
شكرا والله استفدت اكثر من اي موقع اخر
تحياتي
شكرا المعلومه حلوه ومفيده جزاك ألله خيرا
اهلا اروى 🙂
اكياس التغليف
هل فيه امكانية اجدها في السعودية
او لابد من طلبها من المواقع ؟
مرحبا عزيزتي أروى
دخلت على الجهاز في الموقع البريطاني وللأسف غير متوفر .. اذا تعرفي جهاز بمثل مواصفاته ليت تعطيني الرابط ، ويعطيك العافيه
ارووووى انقذيني 🙁 انا اشتريت زي جهازك وعندي من زمان لكن من زمان ماستخدمته ، الحين لما جيت اغلف صاير مايسحب الهوا مدري ليه 💔💔💔
اتمنى احد يعلمني طريقة الطلب من الامازون
الف شكر اروى على المعلومات القيمه
اختي الحبيبه عندي استفسار هل يوجد جهاز تفريغ هواء يتعامل مع جميع أنواع الأكياس العادية ولا يشترط اكياس خاصه بمعني انه يغلف الاكياس العاديه
السلام عليكم أختي ممكن اعرف شنو صناعة الجهاز؟؟
شريت الجهاز من امازون و انحرق من اول استخدام… لان فولت الكهرباء عندنا ٢٢٠ و الجهاز يتحمل فقط ١٢٠ فولت فقط… اذا ابتشتري من امازون فتاكد من الفولت او اشتر محول الكهرب من ٢٢٠ الى ١٢٠ فولت.
ما شاء الله روعه والموضوع كامل ومكمل بكل حاجه بس ابي اطلب كيف مو متواجده هنا بالسعوديه ؟! وكم سعرها !؟