جددت صالة الطعام بنفسي من الألف الى الياء 💖
.
السلام عليكم ورحمة الله وبركاته ..
أسعد الله أوقاتكم بكل خير .. ثالث تدوينه لي في مدونة اروى 💕
قبل سنه ونص تقريباً جددت صالة الطعام في بيتي بنفسي ( اللي كانوا متابعيني في سناب تشات يتذكرون ) صورت بداية الخطوات بعدين اندمجت بالشغل وما كملت تصوير بسناب .. بس صورت بالكاميرا عشان أسويها تدوينه افضل ..
(صوره للصاله قبل)
في البدايه كنت بس بغير ورق الجدران كان مستفزني شكله .. بعدين ما ادري وش صار وغيرت كل شي 😂💕
اول شي سويته فكيت الطاوله ونقلتها للمخزن وفضيت المكان عشان أبدأ اشتغل على الجدران 😌
هنا لما كنت أفك ورق الجدران
استخدمت روله حقت الصبغ كنت أبللها بمويه دافئه تميل للحرارة معها شوي منعم ملابس وأبلل الجدران كأني اصبغ .. بعد دقايق يبدأ الورق ينفك من الجدار بفعل الرطوبة ..
واسخدمت سكين مخصصه عشان اشيل البقايا اللي ما انفكت بسهوله
اخر شي نظفت الجدران بإسفنجه (مع مويه ونقطة صابون ) عشان اشيل بقايا الصمغ
وسويت صنفره على بعض الأماكن اللي حسّيت فيها نتؤات أو بروز ..
وصارت الجدران جاهزه ✨
كنت قبلها بفتره مغطيه جدار المطبخ بورق جدران مخطط من النوع الثقيل القابل للصبغ وبَقى عندي كميه منه قررت استخدمها لصالة الطعام تكون في الجزء الأسفل من الجدار.
واخترت معه ورق جدران كأنه قماشي برضو قابل للصبغ بيكون في الجزء العلوي وبينهم فاصل خشبي ✨
ركبت ورق الجدران في الجزء العلوي بعد ماحددت القياسات اللي ابي على كل الجدران وبدأت أدهنه بالبويه بعد مانشف صمغ ورق الجدران
اخترت لون كريمي اضفت عليه نقط من اللون الأسود وخلطت لحد ماطلعت لي الدرجه اللي أبيها (اللون البيج الفاتح على رمادي )
بعد مانشفت البويه ركبت الفاصل الخشبي
وركبت ديكور فاصل في الزاويه بين السقف والجدار (كأنه جبس ) بس بالواقع يشبه الفلين خفيييف مره وتثبيته وقصه سهل
وآخر شي ركبت الورق المخطط بالجزء السفلي ✌🏻✨
بقى رديتر التدفئة صبغته بهذالبخاخ عشان يكون أبيض يلق مثل الجدار ✨👌🏻
في الوقت اللي كنت اشتغل فيه على الجدران وقعت عيني على هذي الطاوله في محل للأثاث المستعمل أعجبني موديلها وحجمها مناسب.. وخشبها من النوع الممتاز بس كانت مصبوغه بالأسود .. على طول اخذتها ❤️
استخدمت هذي المادة لإزالة البويه السوداء من سطح الطاوله ،
طريقتها تدهن المادة وتترك حوالي نصف ساعه بعدها يكشط السطح بالسكين المخصصة لإزالة البويه
صبغت قاعدة الطاوله و الكراسي باللون البيج الفااتح المائل للرمادي (قريب جداً من لون الجدار)
.
صنفرت سطح الطاوله بجهاز السنفره عشان أزيل بقايا اللون الأسود تماما ..
كنت ناويه اترك الخشب مثل ماهو بس أحط طبقة ورنيش شفافة لكن ماحبيت درجة لون الخشب حسّيته مائل للبرتقالي
.
اخذت بويه مطفيه وسويت على سطح الطاوله خطوط بالفرشه باتجاه واحد بعدين مسحت الطاوله بقطعة قماش عشان تعطي تأثير طبشوري وتكسر اللون البرتقالي
.
وبعد ماوصلت للنتيجه اللي أبي دهنت السطح بطبقتين من الورنيش ،
.
وفِي هذه الأثناء لقيت هذا الكونسول بمحل المستعمل بعد .. لونه بيج نفس لون الطاوله حسيته بيكون مناسب وأخذته
.
بس لون السطح كان مائل على البرتقالي بعد وسويت له مثل ماسويت لطاولة الطعام
سنفرت الخشب وبقطعة قماش مسحته بطبقة لون بيج وآخر شي دهنته بطبقتين من الورنيش
.
حطيت المرايه والأبجوره على الكونسول وبدت تكتمل صالة الطعام.. طلع الأثاث كأنه طقم 😍✌🏻
.
وآخر شي فكيت مقاعد الكراسي ونجدتهم بقماش جديد .. أسهل شي سويته 👌🏻😂
.
تغيروا ١٨٠ درجه 😍❤️
.
ركبت هذا الرف على الجدار المقابل للكونسول
.
رتبت الاكسسوارات وأضفت اللمسات النهائية ✨
.
وخلصت .. ماشاء الله ماتوقعت أني بحب النتيجه لهالدرجه ❤️😍
كانت تجربه رائعه استمتعت بكل تفاصيلها ..
ومثل ماقالت أروى : تعلمت أخيراً ان مافيه أي مبلغ في العالم ممكن يشتري لك حب للمكان كثر عمل يدك فيه ، ولا مدرسة تعلمك كثر تجاربك ❤️
.
اختم التدوينه بصوره لأحد الصباحات السعيده ❤️✨
انستجرام : meem91
سناب تشات : maha_agh
اخترت لك:
As an Amazon Associate I earn from qualifying purchases
التعليقات ( 38 ) :
اترك تعليقاً
يجب أنت تكون مسجل الدخول لتضيف تعليقاً.
ما شاء الله تبارك الله .. الشغل مره مرتب وجميلل .. مشكوره يا جميله على مشاركت تجربتك 😍💕💕💕
😻♥️النتيجه رائعه جججدا اهنيك على ذوقك والشغل اللي اجتهدتي فيه
ماشاءالله حبيت المكان بعد الشغل .. ابدعتي تسلم يدك 🌸🍃
انبهرت بالنتيجه ماشاءالله تبارك الله 😍🌸
إبداااااااااااع تبارك الرحمن
تسلم ايدك على هاللمسة لاتنتظرين تعليق جمال لايوصف الله يبارك لك فيه 😍😍😍😍😍♥️♥️
وعندي طلب ابغى وصفات اللي على السفرة بمدونة ثانيه تكون عن أطباق الفطور 🙈
إبداااع تبارك الرحمن كمية جمال بيدك وشفنا أثرها على المكان ربي يبارك لك ويهنيك فيه ♥️♥️♥️ و عندي طلب بسيط أبغى تكتبين لنا في مدونة وصفات الموجود في السفرة بحيث تكون المدونة وصفات للفطور 😍😍😍😍😍😍😍
💕💕💕✨ ما شاء الله جميييلة جداً
مرة ماشاء الله جمييلة🥰🥰
رائع جدا جدا ❤❤❤❤❤❤❤
جمال تبارك الله 💓
مااااشاء الله حبيت النتيجه واستمتع وانا اقراء التدرينه ♥️♥️✨😍
ماشاءلله تبارك الله أبدااااع وأناقة وذوق يفتح النفس المكان
💕💕
ماشاء الله تبارك الله ، مبدعه وجداً ، تستاهلين كل النجوم على هالاخراج الرائع والذوق الراقي ..!
وتستاهلين مليون تعليق ايجابي على هالشغل البيرفكت🌹
مبدعه ماشاء الله عليك ، حبيت شغلك جدا.
تباااارك الله جمممميلة سلمت يدك فعلا الأماكن الي مصنوعة من أصحابها لها دفء خاص.. تتهني. 💕
البخاخ اللي بخيتِ به الرديتر ينفع للشبابيك الألمنيوم؟
الشغل جدًّا جميييل ماشاء الله، تكلفة بسيطة ونتيجة رائعة ومريحة♥️البخاخ اللي بخيتِ به الرديتر ينفع للشبابيك الألمنيوم؟
وااااو برافو برافو برافو 😍💓💓 ، ماشاء الله تبارك الله
أهنيك على ذوقك الرايق والجميل، ليش حسيت نفسي أزورك واجلس فيها ☹️💔
ماشااءلله شغل جميل جداً وموفق، الله يزيدك من فضله♥️
ماشاء الله تبارك الله انت مبدعة يا مها .. والنتيجة جميلة جداً …💕🌷
ماشاء الله جداً جممميله
ماشاء الله لاقوة الا بالله
حمال واناقة
جمل غير طبيعي 😍🌺
ابدعتي ماشاءالله 😍👏
يالله يالله انااقه ببساطه وجمااال ماشاءالله عليك شغل ودقة 👌👌💜💜💜💜💜💜💜💜!
رووووعه تبارك الله .. بس من وين لقيتي ديكور الجبس ؟
وكيف سعره !
والله لاتعليق جمال ورقي وذوق وابداع ماشاءالله الله يهنيك يارب 💛🌿
جممممييييل التغيير وكانها صاله جديده مختلفه ماشاء الله تبارك الله
جمميله حدا ماشاء الله تتهني بيه مرهه حبيت اححب الالوان الفاتحة ججدداا ععجبتني اححس يفتح النفس 🙂
مو قصة جمال القصه كلها اتقان واحتراف ما شاء الله
اهنيك على النتيجه المبهره
ماشاءالله تبارك الله ،، كأنها من اطنخ محل اثاث ،، سلمت يداك
تبارك الله ☹️💛
ماشاء الله الشغل مرتب وأنيق🌷
ادعي الله انو يوفقك يارب🥰
ماشاءالله تبارك الله ابدعتي تغير ملهم 💘
اخ ياروى ماشالله النتيجه رهييييييييييبه ابدعتي والله حبيييتتتتت والله والله
مشاء الله الشكل النهائي كاان تحفة حمستيني والله اعدل غرفتي بنفسي مثل ماسويتي واشتغل عليها بيدي 😍💗🌾
ماشالله تبارك الله فنانه فنانه حبيت الابداع
يجنننن الشغل مشاء الله 😭❤️❤️❤️