DIY إكسسوارات و كوسترز بالأسم بمادة Resin
السلام عليكم يا رفاق🌿
مرحباً بالجميع أروى الجميلة وأعضاء مدونتها اللطيفين ♥️
سبق ونزلت تدوينه عن طريقة عمل خلفية للتصوير .. وعرفت عن نفسي فيها
هالمرة بعرفكم على جانب آخر من هواياتي المفضلة .. وهو صنع الإكسسوارات
والديكورات الفنية بمادة Resin ،أستخدمتها لصنع كثير من الأشياء الجميلة
مثلاً كوستر او وقاية للأكواب ، تعليقات جذابة، وأساور وغيرها الكثير
اصلح قطع خاصه فيني أتميز بها والحلو فيها تنفع للهدايا🎁
بعرض لكم صور بعض أعمالي بها في اخر التدوينه stay tuned ..🧸
والأن نبدأ شرح الأدوات اللآزمة :
أهم مكون هو مادة الـ ريزين Resin
استخدم للأكسسوارات نوع UV Resin يكون في علبة جاهز مايحتاج خلط
وينشف مع أشعة UVA الي بجهاز تجفيف الأظافر بدقائق ..
بعكس الأنواع الثانية الي استخدمها للقطع الكبيرة .
(لكن فيه شيء مهم) أستخدمو الجهاز بحذر لاتعرضونه للبشره وللعين🚫
وكمان المادة البسو قلفز و كمامات لأنة ينبعث منها غاز وقت التجفيف
قد تكون غازات سامة ❗️
دايماً استخدم الجهاز بالقرب من الشباك .. والبس كماماتي👍🏻
هذا النوع الخاص للأكسسوارات والأشياء الصغيرة
هذا الجهاز لتجفيف طلاء الأظافر ويسرع جفاف مادة الـ Resin
غطيته بقصدير مع الجهتين عشان الأضاءة تكون بالداخل فقط ..
وهذا النوع من الريزين للأحجام الأكبر لازم يخلط بكميات دقيقة جداً
وياخذ وقت طويل حتى يجف..
ونحتاج قوالب للتشكيل .. هذي بعض من مجموعتي المفضلة♥️✨
من اليمين قالب بحجم مناسب للكوسترز (قاعدة الأكواب) والي بعده للتعليقات
والي بعدة للبلورات
وبالاخير فيه قالب أساور والباقي تعليقات بشكل أحجار كريمة 💎.
هالمره استخدمت قالب برواز ذهبي ثبتت عليه من الخلف
شريحة بلاستيك شفافة رقيقة
بغراء الحديد والزجاج، عشان تكون خلفية داعمة للشغل ..
وحطيت ورقة نبات طبيعية بالقالب🌿
المادة هي نفس اللي فوق لكن الباكيجينق مختلف من ماركة مختلفة
و الخطوة الثانية صبيت المادة بوسط القالب .. شاهد الفيديو المرفق👇🏻
الخطوة الرابعه استخدمت زينة اكسسوارات بشكل مفتاح
حجمة تقريباً نصف سم مره صغير ..
أحب شكل المفاتيح من صغري ما ادري ايش السر🗝
اعدل مكانه قبل التنشيف ..
وصلنا لأخر خطوة
شفتو الفقاعات الي تطلع بالمادة .. بسيطه تختفي
لما نمرر عليها نار الولاعة
مثل كذا
والنتيجة بعد ماجف وصار جاهز للأستخدام
يارب عجبكم العمل ويكون شرح خفيف ولطيف عليكم
أترككم مع بعض أعمالي بنفس المواد المذكورة ..
1: Coasters وقايات للأكواب
2: قلادة أضفت لها لون إكريليك أبيض
وسويت تأثير رخامي (marble ) بأعواد خشب
وأضفت لها إكسسوار ذهبي ..
3: قلادات للأطفال
4: هنا طبقت قلادة بشكل شاطئ
اذا عندكم أي سؤال تفضلوا أجاوبكم ..
الى اللقاء في تدوينات آخرى ان شاء الله
هذي حساباتي في مواقع التواصل ، أضغطي للإضافة السريعة
تشرفني متابعتكم 🌿🌸
اخترت لك:
As an Amazon Associate I earn from qualifying purchases
التعليقات ( 51 ) :
اترك تعليقاً
يجب أنت تكون مسجل الدخول لتضيف تعليقاً.
مذهلة وممتعة💕👏🏼👏🏼👏🏼
شكراً لك 💖
جمال ماشاءالله 🍀💚🍃 أعمالك فيها رواقة و بساطة و جمال 😍👍🏻حبيت
تسلمين من ذوقك هبة🌿 ، شكراً لك 💖
الخامات اللي هي السيلكون و و المفتاح و الاطارات من وين شريتيها مرررره جميله حبيتها
تسلمين💕 في علي اكسبريس اشتريتهم من تجار مختلفين
لكن أبحثي بأسم metal slice, resin mould , Resin Accessories
و حتى المواد من فين حبيبتي
المواد بعد من علي اكسبريس و آمازون
قد شفت المادة بجرير .
مررررررررره جميل و انيق و متقن و فنان ابهرني صراحة
شكراً لك💖
تبيعين سلسال؟💙💙
حالياً لا والله بس اسوي شروحات على سنابي 💖
الله لططيييف 🤤❤️
شكرا لك 💖
جممماال🌿💗💗💗💗
شكرا لك 💖
مو طبييعي ماشاءلله تبارك الله 💛🌱
تسلمي والله شكراً لك💖
ماشاء الله مبدعه
ومتقنه 🌷🍃🌱💐
من ذوقك 💕🌿
ماشاء الله جميله ورائعه
رووووعه
شكراً💕
جميل جداً ، مبدعة ورائعة الله يزيدك من فضله .
امين ومن يقول .. تسلمين💕
عنجد ابدعتي ماشالله شغل ذوق عالي جدا 😍 الخامات الذهبية من وين اشتريتيها الله يسعدك وكيف الاسعار
تسلمين الف شكر💕 من علي اكسبريس وكان سعرها بسيط جداً تجي درزن سوا اكتبي
Metal Golden Frame Charm UV Resin Epoxy
هذي العبارات تطلع لك اشكال كثيره 👍🏻
جداً رائع اعجبتني الفكرة ♥️💫
شكراً💕
تجنن ضبطت معاي
ممتاز👏🏻
ابدعتي 💕
شكرا💕
واوو💔💔💔💔.
💕
فيه فقاعات صغييييره جدا في الريزن ماتروح بالنار ، ايش الحل معاها؟
ماشاء الله جميلة وأنيقة ولمسة مميزه مره حبيييت وممكن يكون لك كمصدر دخل تصميم اكسسوارات 👌🏻😍
روعهه ماشاء الله بس للاسف ماعندي ذا الشي يريت تسوي لنا اساور بالخرز والولو او الخيوط ☺️
ايش بديل جهاز التجفيف ؟؟
مبدعة
يعطيك العافية جميل جدا جدا تبارك الرحمن ❤️
التأثير الرخامي بس باللون الأبيض واذا في مجال تشرحيلي كيف؟
منين اشتريتي الريزن حبيبتي
لو م عندي جهاز التجفيف ايش الحل ؟
السلام عليكم أروى حبيت كل عمل تسويه نظيف ومتقن ومرتب تسويه بقلبك وبإحسان . عزمت اني ابدا في ذا الفن لما شفت اعمالك .. فيديني عن خبرتك فيه؟ وهل اقدر اكون طالبه عندك تتعلم الفن ذا ؟
ماشاء الله
مررره يجنن
مررره انيق و فخم ⭐️⭐️
من وين اخذ سلسله السلاسل!
ماشاءالله 😊💖
رائعة وجميلة👏🏻👍🏻👌🏻✔️
شكررا كثيير استفدت من موضوعك 💚💚🙏
شكرا استفدت كثير 💕💕
بس عندي سؤال
كيف اشيل الفوقاعات من القالب الدائري ؟
شكرا مره استفدت منك 🌸🌸
بس كيف اشيل الفوقاعات من القالب الدائري؟؟