بانكيك الماني

بانكيك الماني

 

مرحبا اصدقاء اروى واصدقائي.. مبسوطه بمتابعتكم لي ودعمكم المتواصل، رجعت لكم بموضوع جديد وبعيد شوي عن الديكور . بما انه احسن وجبه عندي هي الفطور، ببدا اشارككم الوصفات الي احبها بالمدونه مو كثير طبعا بس الي احسها ماتتفوت ولازم الكل يجربها

اليوم سويت بان كيك الماني، ذقته تقريبا قبل كم شهر ومن يومها وهو ببالي فقررت اسويه اليوم فطور متاخر، طعمه بين البانكيك والكريب، شكله خيال، تقدرون تاكلونه فطور او حلى، الطريقه و المقادير تحت تقدرون تبدعون بالتزيين اكيد على حسب ذوقكم

بانكيك الماني

المقادير:

٣ بيضات، بدرجة حرارة الغرفة

٢/٣ اكواب حليب كامل الدسم، بدرجة حرارة الغرفة

٢/٣ كوب طحين

١ ملعقة صغيره فانيليا

قشر ليمونه مبشور

رشة ملح

١/٤ كوب زبده غير مملحه

سكر بودرة للزينه

(فواكه طازجة للزينه (فراولة، توت، موز

 

 

الطريقة: 

١- بالخلاط، نخلط البيض، الحليب،، الطحين ، الفانيليا، قشر الليمون، الملح، لحد مايتجانس، نخليه يرتاح بعد الخلط بالخلاط لمده ٢٠ دقيقه

٢-بهذا الوقت نفتح الفرن على ٤٥٠، ونحط المقلايه الحديد جوا (لازم مقلايه حديد، الي يكون لونها اسود وتدخل الفرن عادي، اي نوع ثاني مايصلح)،  ندخل المقلايه وهي فاضيه طبعا

٣- بعد ماتخلص ال٢٠ دقيقه، نطلع المقلايه من الفرن(بتكون حاره انتبهوا) نحط الزبده بالمقلايه و نخليها تذوب ونتاكد انها غطت كل اطراف المقلايه

٤- نصب الخليط بالمقلايه وندخله الفرن

٥- نخليه بالفرن لمده ٢٠ دقيقه(اذا مقلايتكم صغيره يكفيها ١٠ دقيقه) الين تحمر الاطراف، اهم شي لاتفتحون الفرن ابدا

٦- نطلعها من الفرن، نرش السكر البودرة، ونحط قطع زبده والفواكه, اكيد مانقدر نقول لا على النوتيلا طبعا:)

 

اتمنى تحبونه زي ما انا احبه، اذا طبقتوه شاركوني صوركم عبر الانستقرام @houseno.5  او عن طريق المدونه لمتابعه الجديد

www.myhousenumber5.com

اسعد جدا بمتابعتكم



اترك تعليق

5 تعليق على "بانكيك الماني"

avatar
فرز بواسطة:   الأحدث | الأقدم | الأكثر تصويتاً
عضو

ما شاء الله مرةة شكله يشهي والتصوييييييرر يجججنننن استمري يحلوةة

Safa
ضيف

التصوير يجنن ان شاء الله اجربها
بس ملاحظه dutch > هولندي وليس الماني

نوره
ضيف

شكله يشهي 😍
باجربه ان شاء الله 💕

‫wpDiscuz

أضف تعليق عبر الفيسبوك:





حمل