صنع صابون رخامي برائحة اللافندر وورد البيوني

صنع صابون رخامي برائحة اللافندر وورد البيوني

مرحبا، رجعت لكم من جديد، شكرا لكل كلامكم وتعليقاتكم على اخر موضوعين نزلتهم بمدونة اروى، موضوع ركن الشاهي وموضوع البراويز الجداريه، مبسوطه انها عجبتكم

لكل الي يتابعوني بانستقرام، يعرفوني اني احب الرخام، وخصصت هذا الاسبوع للرخام،. بيوم كنت اتصفح بينرستولفت نظري اشكال الصابون الرخامي واشكاله والوانه، الفكره جدا عجبتني وبديت ابحث واجمع احتياجاتي عشان اسوي الصابون الرخامي. بهذا البوست برتب لكم الطريقه بالصور والشرح المفصل، الموضوع جدا سهل وممتع، مكن تنحاسين شوي بس النتيجه النهائيه جدا بتعجبكم، تصلح عيديات او هدايا، او حتى للاستخدام الشخصي ومغاسل الضيوف.

 

لصناعه الصابون الرخامي برائحه البيوني واللافندر، بنتحتاج تقريبا ٨ اشياء، بحط لكم كل شي ممكن تحتاجونه:

١- لتسهيل حياتكم مع صناعه وتشكيل الصابون، بتحتاجون قالب للتشيكل، بلاستيك او خشب، انا الي عندي بلاستيك

٢- قطاعه معدن للصابون او ممكن سكين بس تاكدو تكون حاده.

٣- الوان للصابون، انا استخدمت احمر وازرق واصفر وشوي بني عشان احصل هذا اللون الي على اخضر شوي.

٤- صابون زبده الشيا والجليسورين، اي صابون عندكم لونه ابيض ومو معطر ممكن يمشي حاله.

٥- عشان نعطي مفعول وشكل الرخام، بنحتاج قطع تفصل القالب لاكثر من جزد، تجي قطعتين او ثلاث بلاستيك تركب داخل القالب و مع عود خشبي للتحريك

٦- ورد بيوني طبيعي، ممكن تستخدمون اي ورد طبيعي او مجفف.

٧-زيت عطري، انا استخدمت عطر الافندر

٨- كاسات معياريه زجاجيه

هذا تقريبا كل شي تحتاجونه لصنع الصابون،  والحين بنبدا بالجزء الممتع، بندا بالطريقه

 

صنع صابون رخامي برائحة اللافندر وورد البيوني

اول خطوه، نبدا ندمج الالوان، مافي طريقه معيه انا دمجت الاحمر والاصفر ولالزرق وشوي من البني لحدماطلع اللون الاخصر الي بغيته

صنع صابون رخامي برائحة اللافندر وورد البيوني

الخطوه الثانيه، تقطيع الصابون ووضع بالكاسات المعياريه ، انا ما استخدمت كل القالب تقريبا استخدمت كاس واحد بس، بعد كذا حطوها بالمايكرويف لمده ٣٠ ثانيه، بالخطوه هذي لازم تسرعون شوي لان الصابون يجمد بسرعه، بس اذا جمد مو مشكله ارجعوا حموه بالمايكرويف..طبعا انا الالوان الي خلطتها سوا حطيت معاها مكعبين من الصابون ادخلتها بالمايكرويف ،، بعد كذا يجي وقت الزيوت العطريه، ٣ قطرات على كل كوب

صنع صابون رخامي برائحة اللافندر وورد البيوني

 

صنع صابون رخامي برائحة اللافندر وورد البيوني

ثالت خطوه، ركبو البلاستيك بالقالب وصبو الخليط، الابيض على الاطراف والملون بالوسط

صنع صابون رخامي برائحة اللافندر وورد البيوني

صنع صابون رخامي برائحة اللافندر وورد البيوني

رابع خطوه، شيلو البلاستيك قبل يجمد الصابون وابدو حركوا الصابون شوي عشان تتكون عندكم الاشكال الرخاميه، طبعا لاتحركون كثير ولا بيختلط معاكم بقوه ويروح الشكل

اذا تبغون تضيفون الورد هذا هو الوقت المناسب، على الوجه انثروا قطع الورد وخلوا الصابون يجمد

صنع صابون رخامي برائحة اللافندر وورد البيوني

 

بعد كذا شيلوا القالب وقطعوا الصابون بالشكل والمقاس الي حابين:) وبكذا يكون عندكم صابون رخامي بالورد واللافندر من صنعكم

صنع صابون رخامي برائحة اللافندر وورد البيوني



اترك تعليق

17 تعليق على "صنع صابون رخامي برائحة اللافندر وورد البيوني"

avatar
فرز بواسطة:   الأحدث | الأقدم | الأكثر تصويتاً
?ضحى?
ضيف

فكرة جميله
ويكفي انه من ابداعك❤️

fatoom
عضو

دائماً مبدعه
وآعمالك تفتح النفس..
ماشاء الله
استمري …

سمية محمد
عضو

ماشاءالله جميلة جدًا اشتهيت أسويه ?

منـار ?
عضو

جداً الفكره جميله وكثير حبيتها ?

أم فراس
ضيف

جمييل جدا ..
دائما تفتنني ألواح الصابون المصنوعة يدويا بالأعشاب والروائح العطرية..
سلمت يمينك ..
ملحوظة :لم تضيفي مكان شراء الصابون والقالب عزيزتي؟

Fayooozah
ضيف

حلو لو نسوي شموع رخاميه بعد

Teef Zhrani
عضو

جميله ورائعه وننتضر المزيد

ورد الجوري
ضيف

رائع جدا

Aisha
ضيف

احس الريحه وصلتني يسلمو ابدعتي والله

مها
ضيف

جميل جدا أشكرك احلى شئ التصنيع الذاتي في المنزل

السلمانيه
ضيف

ماشاء الله جميله الفكره ورائعه

Maram
ضيف

حبيت ، بطلل التنفيذ وسهل 💓
بس بعرف من وين الالوان وهل هي أسمها الوان صابون؟

يارا
ضيف

الجميلة صاحبة الفكرة💖
السلام عليكم اولاً 💚

-عندنا بازار (خيري) يعني كل شي راح. ابيعه راح يكون صدقة لي ولك باذن الله
وشفت فكرة الصابون وحبيت اطبقها وابيعها ،، احتاج استأذن منك اذا تسمحين استخدم فكرتك ولا لا ،، الفكرة من ابداعك و من حقك اما توافقين او ترفضين ،،، وتسلم يدينك عالتدوينة اللطيفة 💓

‫wpDiscuz

أضف تعليق عبر الفيسبوك:





حمل