حديقتي السرية

السلام عليكم

اسعد الله اوقاتكم بكل خير

هذي ثاني مره اطل عليكم ?.. موضوعي الأول كان :

مكتب لطيف بأقل تكلفة باستخدام إعادة التدوير?

..

هالمره بستعرض معكم حديقتي الصغيره اللي غيرتها تغيير جذري والشي الجميل اني اشتغلت عليها بنفسي وبإمكانات بسيطه ?

هذي صورة الحديقه اول ماسكننا البيت كانت باهته ومُهمله ..

حديقتي السرية

.

.

في الفتره اللي بدأت اصلح حديقتي فيها زرت قرية portmeirion في بريطانيا ولفتتني فيها الألوان الزاهيه والتفاصيل اللي ألهمتني وخلتني أفكر ليش ماتكون حديقتي الصغيره بهالجمال وهالألوان ..

بوريكم بعض الصور اللي التقطتها للقريه :

.

حديقتي السرية حديقتي السرية حديقتي السرية

شفتوا كيف الألوان تفتح النفس.. حسيت ودي أعيش فيها ?

.

.

حديقتي السرية

اول وامتع خطوه رحت اتسوق للمشروع ? .. اشتريت نباتات و ورد وبذور .. بويه للحديقه  .. مسامير وبعض الأشياء والمستلزمات اللي راح احتاجها

.

.

حديقتي السرية

اشتريت بويه مخصصه للحدائق تكون مضاده للماء وللشمس والعوامل البيئيه .. ووقع اختياري على اللون السماوي الفاتح ?

.

.

حديقتي السرية

وأول شي سويته صبغت الباب بعد مااختبرت اللون على بقعه بسيطه وعجبني ?

.

.حديقتي السرية

هنا بعد ماصبغت الباب .. صلحت الفنس (اللي هو الحاجز الخشبي) كان مكسر .. احترت كثير في لون الفنس هل اتركه بني ولا اغير لونه عشان يتناسب اكثر مع الباب .. وعلى بال ما اتخذ قرار بدأت اشتغل على الزرع لانه الموسم الزراعي بدأ في بريطانيا

.

.

حديقتي السرية

شلت جزء من الثيل في زاوية الحديقه بيكون زي الحوض عشان ازرع فيه بعض الخضروات الورقيات .. وحطيت على الأطراف حاجز فاصل بين الثيل والتربه

.

.حديقتي السرية

كان الثيل متمدد على الممر الاسمنتي والحشائش منتشره بين الفتحات وشكلها مو مرتب .. قصيت الثيل الزايد باستخدام السكين ونزعت النباتات وحطيت محلول بين الفتحات يمنع نمو الحشائش مره ثانيه عشان يكون شكل الممر نظيف ومرتب

.

.

حديقتي السرية

زرعت الخضروات في الحوض اللي سويته .. وغرست الهيدرانجيا بلونين مختلفين على الطرف قريب من الباب وحددتها بحصى ابيض

(بالصوره الهيدرانجيا البنفسجيه كانت عطشانه عشان كذا شكلها ذابل .. بس اول ماتنسقي تتفتح وتنتعش سبحان الله) ?

.

.

حديقتي السرية

ركبت على الجهه اليمنى حاجز لزيادة الخصوصيه ..اخترت البامبو لانه يجي زي الرول سهل تركيبه وسهل فكه وأيضا تكلفته حلوه ويأدي الغرض .. ويتضح بالصوره ان نباتاتي كبرت ماشاء الله (زرعت 5 أنواع طماطم وبطاطس وورقيات ).. وزرعت زهره بس اكلتها الحلزونه في ليله ماطره .. بالعافيه عليها ?

وعلقت احواض الزرع على الجهه الأخرى.. الاحواض جبتهم معي من شقتي كنت معلقتهم في بلكونتي .. مااستغني عن منظر الخضره حتى لو كان في بلكونه حجمها مترين في متر ??

ويتضح بالصوره بعد اني اجرب بويه باللون الأبيض على الفنس وقررت اغامر واعتمده ?

.

.

حديقتي السرية

و ترآآآآ صبغت الفنس باللون الأبيض و عتقت الخشب باللون البني عشان يكون شابي شيك ستايل

.

حديقتي السرية

والباب صبغت تفاصيله باللون الذهبي .. ومررت عليه الفرشه فيها شوي لون ابيض عشان يكون فيه تعتيقه كذا ..ويكون متجانس اكثر مع الفِنس

.

حديقتي السرية

وعلقت عليه هذي اللوحه اللطيفه (مكتوب عليها أهلاً بك في حديقتي السريه ) ?

احب اسم “الحديقه السريه” لاني كنت اتابع كرتون جميل جداً بهالاسم وانا صغيره .. واليوم كبرت وصار عندي حديقه سريه ??

.

.

حديقتي السرية

التفاصيل عن قرب

.

.

حديقتي السرية

نجي للشي اللي ماتكمل الحديقه بدونه ..كنت مخططه على طقم جلسه للحديقه بطلبه من امازون بس وانا اتجول يوم في محل للاشياء المستعمله لقيت هالكراسي و الطاوله (طبعا الكراسي مالها علاقه بالطاوله ?) وقلت فررصه امارس هوايتي ✌

.

حديقتي السرية

صبغت الطاوله وخليت سطحها معتق مررت عليه الفرشه باللون الأبيض بسرعه وبدون مااضغط عشان ماتدخل البويه وتكون بس على الأجزاء البارزه ..

وصنفرت الكرسي بشكل سريع باستخدام جهاز الصنفره ..

.

حديقتي السرية

صبغت الكراسي وماحرصت ان الصبغ يكون بيرفكت لاني ابيه يكون معتق وقبل ماتنشف البويه تماما مررت عليها “سكينة ” وسويت خدوش عالكرسي ..

.

.

حديقتي السرية

وهذي الجلسه بعد ماخلصت .. ?

.

.

حديقتي السرية

الحين اقدر أقول ان حديقتي اكتملت ?

.

.

حديقتي السرية

.

تمنيت ان الصور تكون احترافيه اكثر لكن للأسف نسيت كاميرتي في السعوديه بآخر زياره ?

.

.

حديقتي السرية

وهذي طماطتي تسلم عليكم وتستعد للقطف قريباً ان شاء الله ?

أتمنى لكم لحظات جميله .. كجمال ارواحكم ?

انستجرام: meem91

سناب:

حديقتي السرية

??

.



اترك تعليق

42 تعليق على "حديقتي السرية"

avatar
فرز بواسطة:   الأحدث | الأقدم | الأكثر تصويتاً
RFAN
ضيف

ماشاء الله تجنن ??? ،، انا بعد كنت اتابع الحديقه السريه ، كنت احبها مرره ما افوت ولا حلقة >> هههه ??

يارا
ضيف

مااااشااااء الله تفتح النفس مننننجد الله يسعدك على هالمنظر الجميل الي متعتي انظارنا فيه والجمال الي بحديقتك صدقيني وصل لاعماق قلبي??? احب الناس البسيطة والي تنجز وتبتكر وتبدع من ابسط الاشياء الله يوفقك ويسعدك ويحفظك على هالابداع وتاكدي اني انتظر تدويناتك القادمة بفارغ الصبر??

أروى
ضيف

تفتح النفس ما شا الله تتهنين يا جميله

شادن?
ضيف

ما شاء الله تهبل???

?ضحى?
ضيف

ماشاء الله عليك مبددددعه
?????

حنين
ضيف

ماشاءالله حديقتك تفتح النفس اهنيك على عملك المتقن???

Haya
ضيف

مشالله بدعتي تسلم يدينك ????

بلقيس
ضيف

ذوق ما شاء الله اهنيك، حبيت اهتمامك بالتفاصيل البسيطة لان فعلاً شوي اهتمام بمثل هالتفاصيل تغير الشيء الكثير في المكان ??
+ يااهه ذكرتيني “بالحديقة السرية” يا سرع الأيام ? يالله عقبال ما املك حديقتي السرية أنا بعد في القريب العاجل?
تحية لك♥️

Bsoma
ضيف

ماشاء الله جمال الشيء في بساطته جدا ملهمه حديقتك السرية??

?Jawaher
ضيف

مبدعة ما شاءالله عليك ????، والحديقة صارت تفتح النفس اهنيك على جمال ذوقك ???.

samar
ضيف

♥️

امل
ضيف

جميييييييله حديقتك ماشا الله تفتح النفسسسس????

نجود
ضيف

فناااانه فنااانة فنانة?????❤️

Rawan
ضيف

صراحه ابدعتي??

عبير?
ضيف

رووووعه اللهم بارك ابدعتي ?????????

كادي
ضيف

???مرررة اعجبتني الحديقة

منال
ضيف

ماشاء الله تبارك الله شغل جميييييييل ورايق فتنتي هالألوان ???

ربي يهنيتس ويبارك لتس فيها?

Hello
ضيف

تغيير جذري ورائع تبارك الرحمن، تتهني في حديقتك يارب.
حبيت اسلوب التعتيق والكراسي اللي اعطيتها ايحاء انها قديمة ومخدشة جداً رهيب. يعطيك العافية وشكراً على مشاركتك جد استمتعت بالتدوينة كثير..
صح بالمناسبة يا اصدقاء أروى بدأت مدونة صغيرة حكون سعيدة لو القيتو نظرة (: طبعا سويتها لاني ملهمة من مدونة اروى الرائعة! http://www.myhoy.wordpress.com

يوتوبيا UTOPIA
عضو

ماشاء الله غيرتيها تماماً … حبيت التفاصيل مره

ميم
ضيف

ماشاء الله ????? جمال جمممممال و اتقان فظيع
تبارك الله

أمل القاضي
ضيف

ماشاء الله إبدااااع وجميل جدا جدا

منار
ضيف

وااااو م شاءالله تفتح التفس الوانها رهيبه تسلم الايادي الحلوه ع هيك عمل بطل ?????♥️

Wejdanalrajhi
ضيف

ماشاء الله بطللللله?❤❤❤

Hanaa Mh
عضو

جميل جداً ما شاء الله ،، تسلم يدينك .. حمستيني اشتغل عاى بلكونتي

asma?
ضيف

ماشاءالله تبارك الله .. أنآملك ذهبيه ?? ابدعتي وقلبتيها بلمسآتك الى لوحة فنيّه آسره

حور
ضيف

تجججججنن ماشاءالله

غاده
ضيف

يا متعت عيوني انتي، استمتع وانا اشوف صورس وسناباتس وكذا ماشاء الله عليس الله يحفظس تسلم الايادي من جد ابدعتي ?❤️

ميرال
ضيف

تصيح ?♥️

naba
ضيف

ماشاءلله تبارك الرحمن صارت اجمل وتفتح النفس واعتقد انه مكان جيد لتأمل والاسترخاء ,تسلم يدك.

ام تميم
ضيف

روووعة ماشاءالله انا من المعجبات بأعمالك اروى الله يبارك لك

فاطمه محمد
ضيف

ماشاءالله ابدعتي مررره رايقة الله يسعدك ?

بيان الزهراني
ضيف

وااااو ايش رايك تجين بيتي تسوين لي حديقه

ام لين
ضيف

شي يفتح النفس. بسم الله ماشاءالله

سما
ضيف

اشياء بسيطه طلعت حديقتك خياليه ?❤️

amanifaheed
ضيف

جدا جدا رائع ولمساتك الناعمه سوت فررررق ماشاءالله ?

Salwa
ضيف

ماشاءالله عليك حلوووه

ندى
ضيف

ماشاء الله جميييل

ماجدولين
عضو

جدا ماشاءالله جميل الله يعطيك العافيه انا من السعودية وعندي حوش بدون بلاط تنصحيني اسوي،ركن حديقه صغيره ؟

رشا
ضيف

ماشاء الله لاقوة إلابالله مره تجنن
وحبيتك لانك سميتيها الحديقه السريه ( انا بعد احب يكون عندي حديقه سريه وقاعده اشتغل على هذا الشي ان شاء الله ربي ييسر اموري واكملها )

نوف بلوق
عضو

ماشاءالله تبارك الله كيف احييتي المكان لمساتك فنانه وعظيمه ب افكارك جدا حبيت الحديقه “)

البندري
ضيف

تسسسسلم يدكك بججد ابدعتي??????? حولتي الحديقه من مكان اشبه ب فيلم رعب الى مكان كله حياه وبُهجه ??? حبيتت حبيييت حبيييت ?????

توتا
ضيف

ماشاء الله …مره جميله حبيتها ??
تسلم اناملك
عقبال حديقتي ?

‫wpDiscuz

أضف تعليق عبر الفيسبوك:





حمل