ركن الشاهي
مرحبا.. انا من الاشخاص الي ما اقدر اقرر اذا انا احب القهوه اكثر او الشاي اكثر!! احس اني احب الاثنين، بس وقت ماقررت اسوي كورنر او ركن الشاهي بالبيت عندي حسيت مافي ناس كثير سوته، اغلبيه الناس تفكر وتنفذ ركن للقهوه، ما ادري ليه مو كثير من الناس نفذوا ركن للشاهي، يحتاج شوي يعيش بستايل حلو. وقت ماكنت اسوي هذا المشروع كنت حاطه ببالي ابي شي ناعم و ساده، ماكنت حابه احط المرطبانات الي متعودين عليها للشاهي والسكر ، حبيت ادور شكل انعم و ساده ، واكيد شفاف لاني احب اشوف وش داخل المرطبان واحب اشوف الكميه الباقيه واحسها تعطي احساس بالنظافة، شخصيا احب اشرب شاهي منعنع بالليل، حطيت نبتة نعناع عشان استمتع فيه طازج كل يوم … تكلمت كثير، بخلي الصور تشرح احسن من الكلام.
تقدرون تشوفون نبتة النعناع، سهل جدا تحافظون عليها وقت طويل،ترشونها بشوي مويه كل يوم، اقص من الاوراق بالمقص، اغسها، واحطها بالكوب.
زي مافي سكر بالركن، حبيت يكون في خيار صحي اكثر لتحلية الشاهي والي هو العسل، بامريكا تحصلون العسل كذا ،فكره حلوه وسهله للاستخدام وتحفظ العسل.
لمحبين الشاهي بالحليب، حطيت الحليب هذا، مايحتاج له ثلاجه و كميته مناسبه لكوب واحد
وهذا ملك الجلسه طبعا،
الحبق المجفف، مافي بامريكا حبق طازج ، بس المجفف ممتاز ويؤدي الغرض
بالخلفيه يبان السكر، والعلبه حاطه فيها كم نوع من الشاهي وسكر بني اذا احد يحتاج يضيف للشاهي.
اخترت لوحه مافيها الوان، كان ودي القا لوحه مكتوب عليه كلام يخص الشاهي بس مالقيت، هذي ادت الواجب وزياده
عكست المزاج الي ابغاه، بسيط، وناعم، ونظيف
اكواب raedunn تتصدر المكان، انا شخصيا تعجبني وطبعا بصعوبه تلقونها.
اتمنى عجبكم ، اذا عندكم ركن للقهوه شاركوني الصور، نشوف ابداعاتكم.
مدونتي myhousenumber5.com
انتسقرام houseno.5@
اخترت لك:
As an Amazon Associate I earn from qualifying purchases
التعليقات ( 38 ) :
اترك تعليقاً
يجب أنت تكون مسجل الدخول لتضيف تعليقاً.
حلوه الفكره ?
حتى تعطي منظر مررره حلو للمطبخ أو اي مكان وتعطيك جو حلو?
صادقه، وتصيرين تشتهين تسوين شاهي
فكره روووووعة ابدعتي ياحلوه❤️
شكرا
فكره حلوه وتجنن وكيوت? مشكوره
حبييت
جميلة فكرة ركن الشاي .. اعجبتني فكرة نبتة النعناع .. بس حابه اسأل اناء نبتة النعناع من وين؟
تقدرين تاخذينها من اي مشتل، سعرها بعد مره رخيص يمكن الشتله بريالين او ٣
جميل ومرتب ??❤️
مرره جميل وناعم ورايق ?صار فيه ناس حاطين ركن للقهوه وركن للشاي نبي الحين ركن للمشروبات الطازجه ??
فكره ممتااازه، خلاص بمخمخ عليها واسويها ان شاء الله
حبيت الفكره ?
فكرة خارجة عن المألوف ??????
شجعتيني اسوي ركن نفسه ?❤️❤️
انا من اكبر المشجعين واي مساعده انا جاهزه
ممكن نضيف بسكويت ?❤️
فكره حلوه، وومكن كيك طازج يوميا ينحط بعد
من وين الأكواب الجميلة هذي?
الاكواب منتشره بمحلات امريكا، اسم الماركه readunn بصعوبه تلقونها
فكره رائعة جداً رغم اني ما يستهويني الشاهي كثير لكن هِنا خليتيني اشتهي الشاي ، حبيت النعناع الطازج معطي حياة للمكان ?.
جميل ☕️
ماشاءالله كيوت جداً وفكرتك مرا حلوه ونادر نحصل احد يسوي ركن للشاي ?
ماشاء الله يجنن??
م شاء الله روووووعه ذوق ذوق
روعه
رووعه انا من محبي الشاي ومتردده اعمل ركن للقهوه وبعد ماشفت هالابداع راح اعمل مثلهشكرا لك عزيزتي
شاركيني الصور اذا سويتها 🙂
أهلاً بمحبين الشاي ، أحسنتِ الإختيار ، و أضمن لكِ مزاج رايق و نشيط طول اليوم ?♥️.
ركن جميل إن شاء الله بسويه ?
مرررتب 🙂 – بسألك علب القزاز اللي فيها الليبتون من وين؟ ممكن القاها بإيكيا؟
علب القزاز اخذتها من محل هنا بامريكا اسمه hobby lobby ، ممكن تلقينها بايكيا
حبيت الكورنر جداً جميل ،انا من محبين الشاهي تحمست اسوي كورنر صغير بغرفتي❤️❤️
اشجعك وبقووووه
?
نظافه وروقان ✨
أخيرا لقيت مدمن شاي مثلي ??فكرتك فنانه ??✨
ممكن تتكلمين لنا عن عنايتك بالنعناع خصوصاً وبالناباتات بشكل عام
شريت ورد من المشتل ولا عرفت أعتني فيه للأسف
حبيييت
يا جمال التنسيق والترتيب ، ومدونتك رايقة وحلوة استمري يا مبدعة