ركن الشاهي

مرحبا.. انا من الاشخاص الي ما اقدر اقرر اذا انا احب القهوه اكثر او الشاي اكثر!! احس اني احب الاثنين، بس وقت ماقررت اسوي كورنر او ركن الشاهي بالبيت عندي حسيت مافي ناس كثير سوته، اغلبيه الناس تفكر وتنفذ ركن للقهوه، ما ادري ليه مو كثير من الناس نفذوا ركن للشاهي، يحتاج شوي يعيش بستايل حلو. وقت ماكنت اسوي هذا المشروع كنت حاطه ببالي ابي شي ناعم و ساده، ماكنت حابه احط المرطبانات الي متعودين عليها للشاهي والسكر ، حبيت ادور شكل انعم و ساده ، واكيد شفاف لاني احب اشوف وش داخل المرطبان واحب اشوف الكميه الباقيه واحسها تعطي احساس بالنظافة، شخصيا احب اشرب شاهي منعنع بالليل، حطيت نبتة نعناع عشان استمتع فيه طازج كل يوم …  تكلمت كثير، بخلي الصور تشرح احسن من الكلام.

 

ركن الشاهي

 

ركن الشاهي

 

تقدرون تشوفون نبتة النعناع، سهل جدا تحافظون عليها وقت طويل،ترشونها بشوي مويه كل يوم، اقص من الاوراق بالمقص، اغسها، واحطها بالكوب.

 

ركن الشاهي

 

زي مافي سكر بالركن، حبيت يكون في خيار صحي اكثر لتحلية الشاهي والي هو العسل، بامريكا تحصلون العسل كذا ،فكره حلوه وسهله للاستخدام وتحفظ العسل.

 

ركن الشاهي

 

لمحبين الشاهي بالحليب، حطيت الحليب هذا، مايحتاج له ثلاجه و كميته مناسبه لكوب واحد

 

ركن الشاهي

ركن الشاهي

وهذا ملك الجلسه طبعا،

ركن الشاهي

الحبق المجفف، مافي بامريكا حبق طازج ، بس المجفف ممتاز ويؤدي الغرض

ركن الشاهي

بالخلفيه يبان السكر، والعلبه حاطه فيها كم نوع من الشاهي وسكر بني اذا احد يحتاج يضيف للشاهي.

ركن الشاهي

 

اخترت لوحه مافيها الوان، كان ودي القا لوحه مكتوب عليه كلام يخص الشاهي بس مالقيت، هذي ادت الواجب وزياده

عكست المزاج الي ابغاه، بسيط، وناعم، ونظيف

ركن الشاهي

اكواب raedunn تتصدر المكان، انا شخصيا تعجبني وطبعا بصعوبه تلقونها.

 

 

اتمنى عجبكم ، اذا عندكم ركن للقهوه شاركوني الصور، نشوف ابداعاتكم.

مدونتي myhousenumber5.com 

انتسقرام houseno.5@

 

 



اترك تعليق

35 تعليق على "ركن الشاهي"

avatar
فرز بواسطة:   الأحدث | الأقدم | الأكثر تصويتاً
ريم
ضيف

حلوه الفكره 💕

فاطمة درعان
ضيف

جميل ومرتب 👍🏼❤️

Remas
ضيف

حتى تعطي منظر مررره حلو للمطبخ أو اي مكان وتعطيك جو حلو🌷

💕ضحى💕
ضيف

فكره روووووعة ابدعتي ياحلوه❤️

dodo
ضيف

فكره حلوه وتجنن وكيوت🌸 مشكوره

🌸Remas
ضيف

حبييت

توتة
ضيف

جميلة فكرة ركن الشاي .. اعجبتني فكرة نبتة النعناع .. بس حابه اسأل اناء نبتة النعناع من وين؟

Joojoo _8188
ضيف

مرره جميل وناعم ورايق 😍صار فيه ناس حاطين ركن للقهوه وركن للشاي نبي الحين ركن للمشروبات الطازجه 🍹🍹

عطرة
ضيف

حبيت الفكره 🌹

VENUS
ضيف

فكرة خارجة عن المألوف 😻😻😻👌🏼💓
شجعتيني اسوي ركن نفسه 🙊❤️❤️

Daniah
ضيف

ممكن نضيف بسكويت 😻❤️

لجين
ضيف

من وين الأكواب الجميلة هذي?

ياسمين🌿
ضيف

فكره رائعة جداً رغم اني ما يستهويني الشاهي كثير لكن هِنا خليتيني اشتهي الشاي ، حبيت النعناع الطازج معطي حياة للمكان 💕.

بسمه محمد
ضيف

جميل ☕️

Refan
ضيف

ماشاءالله كيوت جداً وفكرتك مرا حلوه ونادر نحصل احد يسوي ركن للشاي 💓

afnan
ضيف

ماشاء الله يجنن💗😻

منار السندي
ضيف

م شاء الله روووووعه ذوق ذوق

لولوه
ضيف

روعه

Mnayr
ضيف

رووعه انا من محبي الشاي ومتردده اعمل ركن للقهوه وبعد ماشفت هالابداع راح اعمل مثلهشكرا لك عزيزتي

الاء .
ضيف

أهلاً بمحبين الشاي ، أحسنتِ الإختيار ، و أضمن لكِ مزاج رايق و نشيط طول اليوم 😍♥️.
ركن جميل إن شاء الله بسويه 🌿

Nora
ضيف

مرررتب 🙂 – بسألك علب القزاز اللي فيها الليبتون من وين؟ ممكن القاها بإيكيا؟

💕Jawaher
ضيف

حبيت الكورنر جداً جميل ،انا من محبين الشاهي تحمست اسوي كورنر صغير بغرفتي❤️❤️

samar
ضيف

😍

Nora-mo
ضيف

نظافه وروقان ✨

نورة
ضيف

أخيرا لقيت مدمن شاي مثلي 😌💘فكرتك فنانه 👌🏻✨

‫wpDiscuz

أضف تعليق عبر الفيسبوك:





حمل