تعديلات في غرفتي

السلام عليكم ورحمة الله

اهلاً بأروى وصديقات اروى ??

من زمان عن كتابة المواضيع وارفاق الصور

اخر خبري صراحة ايام المنتديات الجميله ?

فراح ادخل بالموضوع على طول

من فتره قررت اغير بعض الاشياء بغرفتي, ومن ضمنها التسريحة

بس قلت ليه ماالعب بالتسريحة اول واذا ضبطت كان بها ?

وكانت تجربة ممتعة بصراحة ?

 

تعديلات في غرفتي

هذي التسريحة قبل التعديل وبعد مافضيتها ..

تعديلات في غرفتي

 

تعديلات في غرفتي

نزلت المراية وبورق السنفرة سنفرت البرواز الخشب .. وبعد السنفرة مسحتها بمسحات طبية

فضلتها صراحة ع المنشفة المبلولة ..

تعديلات في غرفتي

غطيت المراية مضبوط .. بالتيب والجرايد

عشان لاتتوسخ من البخاخ

تعديلات في غرفتي

برايمر اخذته من جرير ب 32 ريال .. ابخه قبل اللون الاساسي اللي راح احطه

تعديلات في غرفتي

بعد مابخيت البرايمر

اذكر خلصت بخاخين او بخاخين ونص!

تعديلات في غرفتي

بعد مانشف البرايمر تماماً بخيت فوقه اللون اللي حابته ?

بخيت طبقه خفيفه وخليته ينشف وبعدها عدت عليه طبقه ثانية ..

تعديلات في غرفتي

هذا هو البخاخ

اخذته من جرير سعره 29 ريال.

تعديلات في غرفتي

ونرجع للطاولة ?

اخذت مقاسات سطح التسريحة ورحت لمحلات الرخام وخليتهم يفصلون لي رخام على المقاس اللي اخذته

الرخام اللي اخترته كان طبيعي ..

تعديلات في غرفتي

هنا الرخام بس ركزته ع الطاوله بدون صمغ ولا اي شيء

لأنه اساساً الرخام ثقييل فيثبت بمكانه مايتحرك ?

المساكات كحل سريع فكيتها وبخيتها وبعد مانشفت رجعتها مكانها ..

نروح نشوف الشكل النهائي

تعديلات في غرفتي

غيرت المقابض او المساكات! ماادري وش يسمونها صراحه ?

اخذتها من زارا هوم ..

وبعض الاضافات السعيدة من مجلات ديكورية وشموع وعطور ?

 

وبس هذي تعديلاتي السريعه لتسريحتي ان شاءالله الخطوات واضحة واعتذر لو التصوير مش ولابد ?

اشوفكم بمواضيع اخرى وتعديلات اخرى لو هالموضوع اعجبكم ☺?

شكراً جزيلاً اروى لإتاحة الفرصة لنا ?

 



As an Amazon Associate I earn from qualifying purchases

التعليقات ( 85 ) :

  1. يقول منال الأسمري:

    ماشاء الله جميييييله .. أجمل الأشياء هي اللي تعدلينها بنفسك ?

  2. يقول Douha:

    جمييل بس حبيت انبه على التحف الي بشكل فيل ،حبيبتي تراها محرمة
    الله ييسر دربك❤️

  3. يقول Amani Ahmed:

    جمممال ماشالله
    حبييت فكرة الرخام عالتسريحة
    ابدعتي مااشالله عليكي❤

  4. يقول أروى العمراني:

    وااااااااااااااااااااو تهببببل لأبعد حد والله قلبي يرقص وانا اقرى التدوينة مررررره احب هالحركات والتصبيغ حسيتني اشوف مدونة اجانب هههههه .. مره رائع شغلك ونظيف ، وحركة سطح الرخام خاااااارج الصندوق رهيبه ابدعتي فيها ، المقابض الذهبيه خرافيه بعد حبيتها وبالصوره احسها اجمل من الثانيه بس مدري على الحقيقه ايش احلى اكيد حقت زارا فخمه ..
    انتظرررررررر مواضيع القادمة ابهرينا بابداعاتك وتصويرك الجميل

  5. يقول Lyma Chi:

    تخرفنت :(?
    ما شاء الله العظيم اشتهيت اروح ادهر بغرفتي ????

  6. يقول ندو:

    جميييل حبيتها ما شاء الله

  7. يقول Yara:

    جممممميييل حبيت الرخام مررره ،، بس ياريتك خليتي المقابض الذهبيه احلى بكثير من حقت زارا هوم ????

  8. يقول samar fahad:

    فاطمه الشريف
    ماقدرت ارد عليك على طول ناسيه حسابي بالفيس بوك حقيقه ههههه
    تصدقين تسريحتي حالياً نفس ماقلتي مافيها غير صحن العطور والشمعادانات الفضيه
    ترتيبي اللي بالصوره ماكان عملي نهائياً
    شكراً على ردك وابداء رأيك ❤️❤️

  9. يقول ام دودي:

    ما شاء الله شغل مرتب وجميل
    والرخااام اعطى المكان فخاااامة لابعد حددددددد
    الله يعطيك العافية
    تسلم ايدينك

  10. يقول sahar al-abdali:

    حبيبييت فكرة الرخام ??? ابدعتي ماشاء الله

  11. يقول جواهر:

    ابداع بارك الله جميله جدا جدا ??????استفدت مره أحب التجديد والتغيير

  12. يقول نجمة الزهراني:

    ماشاء الله جداً جميله ابدعتي????

  13. يقول Lama Alrumi:

    جميله المغامره و خاصه اذا طلعت بنتيجة بطله كذا ?????

  14. يقول أروى:

    حبيت التغيير شجعتيني عندي تسريحه الوانها اكتئاب ماكانت بإختياري لونها بني ورمادي ? لكن المشكلة ان الخشب هذا اللي ملمسه ناعم قشره موب خشب خشب فمازادري وش استخدم لها وش الافضل

  15. يقول إقبال:

    اتشوق ??
    بصراحة تسلم ايديك ،، لوك جديد ورائع ??

  16. يقول روان:

    حبيت صارت جدا فخمة ذكرتني باشياء اشوفها في البيترست ? تتهنين فيها

  17. يقول ساميه:

    ماشاء الله مبدعه جداً

  18. يقول لبنى علان:

    رووووعة ما شاء الله ??? تغغغير شكل التسريحة كليااا ??? يعطيك العافية ??

  19. يقول Noura:

    ماشاءالله روووعه ?? وانا بعد حبيت المقابض الذهبيه اكثر ? فكره جدا رائعه

  20. يقول رؤى:

    ماشاء الله شغل أنيق ونظيف ، حبيت المقابض الذهبية أكثر??

  21. يقول إيمي:

    رووووووووووعة ماشاءالله مبدعة حبيت حركة الرخام تعطي فخامة ??? لو سمحتي البخاخ الذهبي كم كفاك واحد لصبغ التسريحة ؟

  22. يقول FATROFE Blog:

    حبيت مره التعديلات وشغلك مرتب ومضبوط وتمنيتك احتفضتي بالمقابظ الذهبيه احسها جميله لكن كل شخص واللي يريحه ويحبه .. تدوينه جميله والله يعطيك العافية

  23. يقول ريا:

    جمييل مره ، بس المساكات الذهبيه أحلا ?

  24. يقول Nada:

    جميلة جميييلة ماشاء لا قوة الا بالله ? الي يشوفها بالبداية ما يتصور انها بعد التعديل بتطلع بهالروعة! كفو عليك ????

  25. يقول Eman:

    ماشاء الله ع الاناقة والبساطة والروح الحلوة .. الله يبارك لك

  26. يقول Ameera Alharbi:

    جججججججججججججججداا جميلة ماشاءالله ،أبدعتي والله.

  27. يقول Sarah T:

    ج م ي ل ة … ملهمة ومميزه حتى اختيارك للالوان خرافي ماشاءالله اهنيك حولتيها من بسيطة لفخمة..

  28. يقول kholud e:

    حبيت الرخام مع لون اطار المرايه مره عجيب بدعتي?

  29. يقول عنود:

    عفيييه علييييك ي سمر والله بطله ما شاء الله عليييك حمستوووني والله اسوي شغلات ودي فيها بس ي رب تتيسررر لي واكون ضمن الاصدقاء هنا3>

  30. يقول UmButi:

    جميل جدا ?
    بس المقابض الذهبيه كانت احلى وتحف الفيل تراهم يعبدونه ?
    يجنن ماشاءالله عليج ??

  31. يقول Mai MS:

    تغيير جدا جميل ! وراقي

    مبدعة

  32. يقول Mona Al-Mokhayari:

    ماشاء الله .. أبدااااع ، تحمست أروح أصبغ أي شي
    الله يعطيكِ العافية

  33. يقول Amani37:

    مرره أحب هالشغلات تفتني ? ابدعتي ومتشوقه لباقي اشغالك ??

  34. يقول Fatoma Abdullah:

    ما شاء الله تبارك الرحمن .. مرررة جميلة الفكرة و انيقة

  35. يقول اماني:

    جميل جدا ???حبيبت المقابض الذهبيه اجمل من الشكل النهائي

  36. يقول Amal:

    ماشاءالله , اببببببببدعتتتتي
    اعجبتني حركة الرخام غير متوقعه , الشكل اللي صار مو تقليدي ابداً
    وفكرة رائعه اهنيك من قلب …

  37. يقول Biba:

    فادني موضوعك جدا انا تسريحتي منعدمه ? شكرًا لك ولأروى ?? ان شاء الله راح اطبق فكرة الرخامه

  38. […] شيء تدوينتي الاولى هنا للي ماطل عليها ( تعديلات في غرفتي […]

  39. يقول nasibah:

    جميييييييلة مررررة .. الله يهنيك وعجبتني المقابض اللي صبغتيها أكثر من حقت زارا هوم .. ننتظرك ابداعاتك وجديدك القادم

  40. يقول khawla:

    ماشاءالله جميله و هاديه والاضافات البسيطه لها دور كبير بأناقتها

  41. يقول Jude:

    روعة ما شاء الله ، ابسط التفاصيل مبدعة فيها … حركة الرخام مره غيييير حمستيني أغير تسريحتي

  42. يقول آية:

    روعه روعه ماشاء الله ??عندي سؤال غرفتي لونها بني خشب بلوط نفسي أغير لونها اعمل نفس الخطوات حقتك؟؟ وشكراً

  43. يقول rEmshhrani:

    فعلياً حبيت الإنجاز الأنييق ماشاء الله 3>

  44. يقول Atheer:

    ماشاء الله صراحه مره جمييلة ، يسلم ذوقك

  45. يقول ساره:

    ما شاء الله شغل نظيف .. حبيت اسألك هل ضروري نستخدم بخاخ البرايمر قبل بخ اللون الأساسي ؟

  46. يقول sarah95:

    الشكل النهائي جممميل حببببببيت الرخام مع الذهبي ♡
    و الصراحه حبيت المسكات الذهبيه اكثر :؟
    بالتووووفيق ♡

  47. يقول Noura.sa:

    الرخامه معطيه شششكل فخم ?

  48. يقول ‫زبيدة صالح‬‎:

    جمييييييييييييل ماشالله الله يزيدك من فضله ???

  49. يقول خلود:

    حبيييت مره واو افكاررك بيرفكت

  50. يقول Meme:

    مرره حلوه لأكن مسكات الدواليب أو القبضات الي اول الذهبيه اجمممممل

  51. يقول Golfdan Hanem:

    من جمال الموضوع وترتيبه وتصويره افتكرت انى بتفرج وبقرى فى مدونة اروى
    تسلمى حبيبتى

  52. يقول Mzoun:

    مااااشاااء الله جميييله وحبيت المساكات الذهبيه❤️??

  53. يقول Diy:

    حبيت كل شي لكن احس لو المقابض مثل القديمه بتطلع احلا لكن اهنيج على الذوقق الرااااائعع??

  54. يقول Shaden:

    جميل عدلتيها وسارت اجمل حبييت الفكرة ممررررررة ???????

  55. يقول طيف:

    جميل جدا تتهنين فيها يارب?

  56. يقول alhanouf:

    ابدعتي ماشاء الله❤️❤️❤️

  57. يقول ابرار:

    روائعة ماشاء الله

  58. يقول REEM:

    مراااااااااا مرتب شغلك ل درجة تفتح النفس ماشاءالله ❤️?????

  59. يقول nouf:

    جمييلة ماشاء الله ❤️

  60. يقول .Sa:

    شغلك رائع وانيييييق واختيارك للون جدًا جميل اللهم بارك …

    تنبيه :
    احرصي ما تستخدمين الجرايد للعمل عليها لأن فيها ذكر الله ، ولابد اننا ما نعرض شيء فيه ذكر الله سبحانه وتعالى للإهانة

  61. يقول حنان.:

    جدًا حبيت التغيير ما شاء الله??.

  62. يقول Saronita:

    روووعه و الي عجبني اكثر المقابض الذهبيه احسن من الثانيه بكثييير
    اهنييييك على الابدااااع ✨👏🏻👏🏻♥️

  63. يقول Noni:

    جمييييييييلة جداً بس لو خليتيها على المساكات الذهبيه بتكون احلى بس ابدعتي ما شااااء الله

  64. يقول ساره:

    مررررررره تجنن فكرتك

  65. يقول الهنوف:

    حلو ما شاء الله التغيير .. انا عندي غرفة تقريبا ٥*٤ و حابة اعملها جلسة ارضية و مكتب مرتب لي .. أبغى أفكار و ألوان ممكن تفيديني ايش المجلات الي افادتك ؟

  66. يقول RFAN 🐱.:

    ماشاء الله وش هالجمااللل 😻❤️

  67. يقول مرشملوو 💕:

    أبهرتيني ماشاء الله تعديلات بسيطة لكنها سوت تغير وأختلاف جميل عمر كانت عليه ، بس شرايك ترجعين المقابض الذهبية حبيتها اكثر

اترك رداً على ريا إلغاء الرد


أضف تعليق عبر الفيسبوك: