تعديلات في غرفتي

السلام عليكم ورحمة الله

اهلاً بأروى وصديقات اروى 💕💕

من زمان عن كتابة المواضيع وارفاق الصور

اخر خبري صراحة ايام المنتديات الجميله 😁

فراح ادخل بالموضوع على طول

من فتره قررت اغير بعض الاشياء بغرفتي, ومن ضمنها التسريحة

بس قلت ليه ماالعب بالتسريحة اول واذا ضبطت كان بها 😍

وكانت تجربة ممتعة بصراحة 💘

 

تعديلات في غرفتي

هذي التسريحة قبل التعديل وبعد مافضيتها ..

تعديلات في غرفتي

 

تعديلات في غرفتي

نزلت المراية وبورق السنفرة سنفرت البرواز الخشب .. وبعد السنفرة مسحتها بمسحات طبية

فضلتها صراحة ع المنشفة المبلولة ..

تعديلات في غرفتي

غطيت المراية مضبوط .. بالتيب والجرايد

عشان لاتتوسخ من البخاخ

تعديلات في غرفتي

برايمر اخذته من جرير ب 32 ريال .. ابخه قبل اللون الاساسي اللي راح احطه

تعديلات في غرفتي

بعد مابخيت البرايمر

اذكر خلصت بخاخين او بخاخين ونص!

تعديلات في غرفتي

بعد مانشف البرايمر تماماً بخيت فوقه اللون اللي حابته 😍

بخيت طبقه خفيفه وخليته ينشف وبعدها عدت عليه طبقه ثانية ..

تعديلات في غرفتي

هذا هو البخاخ

اخذته من جرير سعره 29 ريال.

تعديلات في غرفتي

ونرجع للطاولة 😚

اخذت مقاسات سطح التسريحة ورحت لمحلات الرخام وخليتهم يفصلون لي رخام على المقاس اللي اخذته

الرخام اللي اخترته كان طبيعي ..

تعديلات في غرفتي

هنا الرخام بس ركزته ع الطاوله بدون صمغ ولا اي شيء

لأنه اساساً الرخام ثقييل فيثبت بمكانه مايتحرك 😁

المساكات كحل سريع فكيتها وبخيتها وبعد مانشفت رجعتها مكانها ..

نروح نشوف الشكل النهائي

تعديلات في غرفتي

غيرت المقابض او المساكات! ماادري وش يسمونها صراحه 😅

اخذتها من زارا هوم ..

وبعض الاضافات السعيدة من مجلات ديكورية وشموع وعطور 💗

 

وبس هذي تعديلاتي السريعه لتسريحتي ان شاءالله الخطوات واضحة واعتذر لو التصوير مش ولابد 💔

اشوفكم بمواضيع اخرى وتعديلات اخرى لو هالموضوع اعجبكم ☺💖

شكراً جزيلاً اروى لإتاحة الفرصة لنا 💐

 



اترك تعليق

77 تعليق على "تعديلات في غرفتي"

avatar
فرز بواسطة:   الأحدث | الأقدم | الأكثر تصويتاً
المدير

وااااااااااااااااااااو تهببببل لأبعد حد والله قلبي يرقص وانا اقرى التدوينة مررررره احب هالحركات والتصبيغ حسيتني اشوف مدونة اجانب هههههه .. مره رائع شغلك ونظيف ، وحركة سطح الرخام خاااااارج الصندوق رهيبه ابدعتي فيها ، المقابض الذهبيه خرافيه بعد حبيتها وبالصوره احسها اجمل من الثانيه بس مدري على الحقيقه ايش احلى اكيد حقت زارا فخمه ..
انتظرررررررر مواضيع القادمة ابهرينا بابداعاتك وتصويرك الجميل

Douha
ضيف

جمييل بس حبيت انبه على التحف الي بشكل فيل ،حبيبتي تراها محرمة
الله ييسر دربك❤️

ندو
ضيف

جميييل حبيتها ما شاء الله

جواهر
ضيف

ابداع بارك الله جميله جدا جدا 😍😍😍😍😍😍استفدت مره أحب التجديد والتغيير

عضو

ماشاء الله جميييييله .. أجمل الأشياء هي اللي تعدلينها بنفسك 😍

عضو

جمممال ماشالله
حبييت فكرة الرخام عالتسريحة
ابدعتي مااشالله عليكي❤

عضو

تخرفنت :(💜
ما شاء الله العظيم اشتهيت اروح ادهر بغرفتي 😂😂🏃💛

Yara
ضيف

جممممميييل حبيت الرخام مررره ،، بس ياريتك خليتي المقابض الذهبيه احلى بكثير من حقت زارا هوم 💖💖💖💖

Um ahmed
ضيف

جميل جدا

ام دودي
ضيف

ما شاء الله شغل مرتب وجميل
والرخااام اعطى المكان فخاااامة لابعد حددددددد
الله يعطيك العافية
تسلم ايدينك

عضو

حبيبييت فكرة الرخام 😍😍😁 ابدعتي ماشاء الله

نجمة الزهراني
ضيف

ماشاء الله جداً جميله ابدعتي👏🏻👏🏻

Suki
ضيف

جمال 😍✨

عضو

جميله المغامره و خاصه اذا طلعت بنتيجة بطله كذا 👏🏻👍🏻😆

هاجر
ضيف

جميييييلة 😍💘

أروى
ضيف

حبيت التغيير شجعتيني عندي تسريحه الوانها اكتئاب ماكانت بإختياري لونها بني ورمادي 😰 لكن المشكلة ان الخشب هذا اللي ملمسه ناعم قشره موب خشب خشب فمازادري وش استخدم لها وش الافضل

عضو

نفس مشكلتي مع تسريحه الوان بس تختلف من فتره ابحثلي عن أفكار حبيت فكره الرخام مرره

عضو

اتشوق 👌😍
بصراحة تسلم ايديك ،، لوك جديد ورائع 👏👏

روان
ضيف

حبيت صارت جدا فخمة ذكرتني باشياء اشوفها في البيترست 💕 تتهنين فيها

ساميه
ضيف

ماشاء الله مبدعه جداً

عضو

رووووعة ما شاء الله 😍😍😍 تغغغير شكل التسريحة كليااا 👏👏👏 يعطيك العافية 💓💓

Noura
ضيف

ماشاءالله روووعه 😍💕 وانا بعد حبيت المقابض الذهبيه اكثر 😍 فكره جدا رائعه

رؤى
ضيف

ماشاء الله شغل أنيق ونظيف ، حبيت المقابض الذهبية أكثر💕💕

إيمي
ضيف

رووووووووووعة ماشاءالله مبدعة حبيت حركة الرخام تعطي فخامة 😍😍😍 لو سمحتي البخاخ الذهبي كم كفاك واحد لصبغ التسريحة ؟

عضو

حبيت مره التعديلات وشغلك مرتب ومضبوط وتمنيتك احتفضتي بالمقابظ الذهبيه احسها جميله لكن كل شخص واللي يريحه ويحبه .. تدوينه جميله والله يعطيك العافية

ريا
ضيف

جمييل مره ، بس المساكات الذهبيه أحلا 😍

Nada
ضيف

جميلة جميييلة ماشاء لا قوة الا بالله 😍 الي يشوفها بالبداية ما يتصور انها بعد التعديل بتطلع بهالروعة! كفو عليك 👏🏾👏🏾

Eman
ضيف

ماشاء الله ع الاناقة والبساطة والروح الحلوة .. الله يبارك لك

عضو

جججججججججججججججداا جميلة ماشاءالله ،أبدعتي والله.

عضو

ج م ي ل ة … ملهمة ومميزه حتى اختيارك للالوان خرافي ماشاءالله اهنيك حولتيها من بسيطة لفخمة..

عضو

حبيت الرخام مع لون اطار المرايه مره عجيب بدعتي🌸

عنود
ضيف

عفيييه علييييك ي سمر والله بطله ما شاء الله عليييك حمستوووني والله اسوي شغلات ودي فيها بس ي رب تتيسررر لي واكون ضمن الاصدقاء هنا3>

UmButi
ضيف

جميل جدا 😍
بس المقابض الذهبيه كانت احلى وتحف الفيل تراهم يعبدونه 😂
يجنن ماشاءالله عليج 👍🏻

عضو

تغيير جدا جميل ! وراقي

مبدعة

عضو

ماشاء الله .. أبدااااع ، تحمست أروح أصبغ أي شي
الله يعطيكِ العافية

عضو

مرره أحب هالشغلات تفتني 😻 ابدعتي ومتشوقه لباقي اشغالك 👏🏻

عضو

ما شاء الله تبارك الرحمن .. مرررة جميلة الفكرة و انيقة

اماني
ضيف

جميل جدا 😍😍😍حبيبت المقابض الذهبيه اجمل من الشكل النهائي

عضو

ماشاءالله , اببببببببدعتتتتي
اعجبتني حركة الرخام غير متوقعه , الشكل اللي صار مو تقليدي ابداً
وفكرة رائعه اهنيك من قلب …

Biba
ضيف

فادني موضوعك جدا انا تسريحتي منعدمه 😅 شكرًا لك ولأروى 🌹🌹 ان شاء الله راح اطبق فكرة الرخامه

trackback

[…] شيء تدوينتي الاولى هنا للي ماطل عليها ( تعديلات في غرفتي […]

عضو

جميييييييلة مررررة .. الله يهنيك وعجبتني المقابض اللي صبغتيها أكثر من حقت زارا هوم .. ننتظرك ابداعاتك وجديدك القادم

khawla
ضيف

ماشاءالله جميله و هاديه والاضافات البسيطه لها دور كبير بأناقتها

Jude
ضيف

روعة ما شاء الله ، ابسط التفاصيل مبدعة فيها … حركة الرخام مره غيييير حمستيني أغير تسريحتي

آية
ضيف

روعه روعه ماشاء الله 💕💕عندي سؤال غرفتي لونها بني خشب بلوط نفسي أغير لونها اعمل نفس الخطوات حقتك؟؟ وشكراً

توفا الحربي
ضيف

حبيت 💓💓💓💓💓💓💓💓💓💓

عضو

فعلياً حبيت الإنجاز الأنييق ماشاء الله 3>

عضو

مبدعة!

Atheer
ضيف

ماشاء الله صراحه مره جمييلة ، يسلم ذوقك

ساره
ضيف

ما شاء الله شغل نظيف .. حبيت اسألك هل ضروري نستخدم بخاخ البرايمر قبل بخ اللون الأساسي ؟

‫wpDiscuz

أضف تعليق عبر الفيسبوك:





حمل