حفلة تخرجي الصفراء ..~
بسم الله الرحمن الرحيم ..?
اهلاَ , كيفكم ؟! رجعت لكم بتدوينه جديده مع أروى ?
احساس التخرج حميييل جداً ?, ما اقدر اوصفه لكم الله يرزقكم هالشعور وفرحه التخرج من (الجامعه ) اربع سنوات ونص من عمري كانت الاجمل من بدايتها بالتحضيري لين يوم البرزنتيشن النهائي طبعا مو مثل تخرج من متوسط ولا ثانوي ?
وراح احكي لكم عن تجهيزات لحفلتي من أ إلى ي , مجرد التجهيز كانت تجربه حلوه وما انسى كل اللي ساعدوني بالتجهيز
ووقفوا معي أولهم زوجي , وحبيبتي وخالتي رجاوي , و بينترست اكيد ?
اولا : اختيار المكان المناسب
انا اخترت اسويه بشاليه يكون فيه غرفه كبيره
ثانياً : بطاقة الدعوه , ممكن مطبوعه بس انا فضلت تكون كصوره اسهل وتنرسل بالجوال
سويت تصميم بسيط وارسلته ,
بعدها بدينا بالديكور والالوان , اخترت اللون الأصفر كتغيير عن المعتاد في طاولة تقديم الحلا والكيكة
و عملنا ركن تصوير (photo booth) ,ممكن تبحثون ب بينترست وتشوفون افكار
ونبدأ مع التجهيزات بالغرفة لطاولة التقديم
1796 002
مثل كذا الستاند حق الملابس اللي استخدمته بالديكور ممكن تستخدمون ستاند التصوير تبع الخلفيات , من الجوانب غطيناه بستاير وبنص العمود غطيناه بورد صناعي الطويل وبالنص حرفي وحوله فازات صغيرة داخلها شمعه ومعلقه بشرايط
الكيكة اللي وقعت بغرامها ??, طلعت مثل ما ابيها واجمل بعد , متخيلين حتى اني رسمتها واللي سوتها فنانه ماشاء الله ضبطتها مثل ما أبي?
كيف رسمي بس ??
وكل طاوله كان عليها فازه ورد مع شمعه ومنديل
^^ كذا كانت فكرة المنديل
ركن التصوير (photo booth) ?
بينترست ساعدني كثير اجمع افكار لل (props) هي الاشكال مثل نظارات او عبارات وتتصورين فيها , جمعت اشكال من النت وفي اشياء صممتها خاصة اللي العبارات بالعربي مافي جاهز فصممته بنفسي
طبعتهم بورق A4 وغلفتها بتغليف حراري وقصيته وثبته ب أعواد الشوي .
مكان ركن التصوير كان بالجزء الخارجي من الشاليه وعملنا خلفيه من الشرايط مع ورد والستاند اذا عندك ستاند التصوير للخلفيات ينفع , انا استخدمت ستاند الملابس اخذته من العويس وممكن تلقونه ب ساكو او اي محل كماليات ,
صوره ليلية , على اليمين كان فيه لوحه علقت فيها صور لي وكان فيه اوراق صغيره يكتبون فيها لي وتتعلق ب اللوحة بس للأسف ماصورتها .
^ هذي اللوحه قبل
وهنا عملت حرفي بالفلين وورد صناعي لصقته ب صمغ الخشب الابيض
وهذا فيديو سريع للشاليه بالجزء الخارجي وطاوله العشاء
وخلصنا التدوينه ,
كان يوم جميل الحمدلله وعقبالكم يارب ??
صديقتكم : هديل
insta: @h_adeel4
اخترت لك:
As an Amazon Associate I earn from qualifying purchases
التعليقات ( 28 ) :
اترك تعليقاً
يجب أنت تكون مسجل الدخول لتضيف تعليقاً.
ماشاء الله تبارك الله .. تدوينه جميله وتنسيق أجمل!
مبارك تخرجك .. الله يجعل ايامك كلها افراح ويبارك لك..
حبيت جداً موضوعك وتنسيقك ???
ماشاء الله الترتيب جميل،الله يسعدك ويوفقك ياجميله??
ماشاء الله رووووعه و اللون الاصفر جماااال?
ما شاء الله تبارك الله .. الحفلة جميلة و التنسيق و الترتيب 100% .. و الفف مبروك التخرج يا هديل
ما شااله الالوان تفتح النفس
مبدددددعة والله العظيم????? مره حبيت تبارك الرحمن .. ومبروك التخرج??
ماشاءالله تبارك الرحمن الحفلة قمة بالأناااقة والجمال وفقتي بالتنسيقات والألوان??? الف مبرووووك التخرج وعقبالنا الي ماتخرجنا ?
?ممكن سؤال الورد الصناعي الي لصقتيه بحرفك من فين اخذتيه ، حبيته جدا?
ماحطيتي تفاصيل كل المدونة صورز كم كانت ميزانيتك وكيف نسقتي الوقت للتجيز ؟
ماشاءالله ؛؛مبروك التخرج
التنسيف جدآ جميييل واللون طلع يجنن غير عن الالوان المعتاد واحلى شي انة اكثر الاشياء افكارك وصنع يدك
الله يسعدك ويهنيكي ومنها للاعلى … ♡♡
مشاءالله مره المكان مرتب ومتعوب عليه الله يوفقك وعقبال الماجستير، ونشوفك بااحسن الاماكن ربي يوفقك يااروى فتحتي للبنات يشاركونك التدوين
سميتي الذوووق ?????
فتني الاصفر جداااا ?
والتنسيق والترتيب وكل شي تبارك الله ينطق جمال
الف مبارك تخرج ✨?
جميل مبروووك التخرج
تدوينة رائعة ماشاء الله تبارك الله ? حفلة جميلة بتفاصيلها الأنيقة ?من الكيك والشموع والستاندات إلى الورود والحرف ⭐️ مبااااارك تخرجك ياهديل ? والله يوفقك ويسعدك
ماشاء الله روعه ابداع هديل وش هالفن جد تحمس هالصور والأفضل انه من ذوقك لو محل بيصمم بيكون بإغلاء الاثمان حفلات تخرج ملكه اي شي ???استمري انتظر جديدك
ماشاءالله ابدااااع والله رهيبة حمستيني اسوي حفلتي من دحين لسا سنتين قدامي ? ه .. والف مبرروك التخرج منها للأعلى ❤️❤️
ما شاء الله تبارك الله جمييييييييلل ☹??????من الان فصاعدا بحب اللون الاصفر
ابداااع ما شاء الله تبارك الله �?� و مبروك التخرج و عقبال الماجستير
رووووووعه
جميلة التغريدة بس لو في تفاصيل اكثر بتكون واضحة اكثر
تججنننن ماشاءالله واللون الأصفر معطي جو للمكان
عقبال الوظيفة يارب
ما شاء الله حفلة أنيقة وألوان مبهجة وابداع بلمساتك ??? ومبروك التخرج
اجمل تدوينه شفتها الى الان اعجبني ان كل شيء سويتيه بنفسك طريقة علاقة الملابس في كونها خلفيه فكره خياليييه ??? ابدعتي فعلاً بطبقها في حفلة تخرجي والعيد بإذن الله ❤️
اللون الاصفر يحلي كل شئ حب عظييم لهاللون??.
[…] الصديقات المدونات في مدونة اروى و هذا رابط التدوينه : هنا والفكره كانت عباره عن ستاند ملابس او علاقة عبايات لفيت […]
عجبتني اافكار ☹️♥️مشاءالله
جميل، أحب الأصفر?.
المقال نقص مافي توضيح كيف صممتي كم تكلفه المالية كم الوقت يحتاج شرح اكثر بس حبيت صور والحركات الجميلة لي مسويتها👌🏻
الألوان مرهه ذوقق،وشكل الكيكةة مرهه حلوو من جد اللي سوتها سوتها من القلب ورسمك مرهه كيوتت،حبيت ركن التصوير والخلفيات،بشكل عام اجمل حفلةة شفتها ماشاءالله😭💛.