كيف تحول جوالك إلى كاميرا احترافية..

السلام عليكم ورحمة الله وبركاته

أهلاً يا أصدقاء

كيفَ أنتم؟

هالتدوينة بتكون خفيفة لطيفة بإذن الله، لأني حسيت تدويناتي من العيار الثقيل مؤخراً ، فحلو نكسر الروتين 🙂

بأحكي لكم عن التصوير بالجوال ، كيف نحصل على لقطات تنافس لقطات الكاميرات الإحترافية بعدسة الجوال الصغيرة وإمكانياته المحدودة ..

كيف تحول جوالك إلى كاميرا احترافية..

تصويري في الانستغرام والسناب تشات بأيفون ٦ بلس ..

في اعتقادي ، جمال اللقطة يعتمد على المصور أكثر من اعتماده على الجهاز ، مانحتاج كاميرا غالية أو أحدث أيفون حتى نطلع بصورة جميلة واحترافية..

لكن قبل كل شي لازم تكون عندكم خلفية عامة عن التصوير ، اختيار الزاوية الصحيحة ، الإضاءة وترتيب مكان التصوير وهالأمور الجميلة ، ما راح أعيدها في هذي التدوينة لأني شرحتها في تدوينة سابقة بعنوان ٨ أسرار لتصوير احترافي اطلعوا عليها لأن هالموضوع مرتبط بشكل كبير بها ومكمل لها..

ولذلك في هالتدوينة بيكون التركيز على الأمور التقنية للحصول على صور جميلة بجودة ووضوح عالي أكثر من التركيز على النقاط الذوقية في التصوير بما أني تحدثت عنها سابقاً..
وفي نهاية التدوينة بأشرح طريقتي في تعديل صور الانستغرام

كيف تحول جوالك إلى كاميرا احترافية..

 أساسيات التصوير بالجوال
(بعض الخطوات صالحة لكل الأجهزة ، وبعضها خاص بالأيفون لأنه هو اللي أستخدمه)

أجمل شي في التصوير بالجوال انه تلقائياً يضبط الإضاءة والإعدادات بما يتناسب مع الجو ..
لكن فيه عدة نقاط نسويها تساعد من تحسين اللقطة بشكل هائل ..

أولا : ثبات اليد

أهم نقطة للقطة ثابته هو ان الجوال يكون ثابت قدر الإمكان ، دائما ابحثوا عن مكان تسندون عليه الجوال بدلا من التقاط الصورة ويدكم في الهوا، تثبيت اليد الممسكه بالجوال على طاولة مثلا يكفي ، لكن الأفضل ان الجوال نفسه يكون مستند على شيء جامد ، وبلمسه خفيفه بيدك على زر التقاط الصورة ، بحيث مايكون فيه ولا نقطة اهتزاز..
هذي الحركة بتعطيك صورة حادة جداً ..

ثانياً: التركيز (الفوكس)

الجوال أول ماتنفتح الكاميرا للإلتقاط يحاول يركز اللقطة على المنتصف ، لكن أحياناً ماينجح ، ويركز على شي ثاني،

بلمسة خفيفة على الشاشة اضغطوا الجزء اللي تحبون ان التركيز يكون عليه ، بيطلع مربع أصفر مكان الضغطة، انتظروا حتى يتم التركيز وبعدها خذوا اللقطة ،

كيف تحول جوالك إلى كاميرا احترافية..

وهذي الحركة جمييلة لتصوير الأشياء القريبة ، أحيانا تقربون الكاميرا من الغرض المراد تصويرة وتصير غير واضحة لأنه يركز على شيء أبعد ، بس لو انتظرتوا شوي ولمستوا الشاشة أكثر من مره بيتم التركيز على الهدف وبيكون واضح بينما تكون الخلفية ضبابية وجميلة جدا ..

استخدام عكسي لميزة الفوكس:

ممكن إذا حبيتوا الصورة تكون كلها غير واضحة تحطون يدكم قريب من كاميرا الجوال وتخلون اللقطة مركزة عليها ، وقبل ماتاخذون اللقطة تبعدون يدكم وتصورون .. بحيث تكون الصورة مو واضحة

ممكن تتساءلون ، وش الهدف من صورة غير واضحه ؟؟
هنا يطلع إبداعكم في استخدام الفكرة لتكوين صور جميلة

مثال :

هذا منظر شارع جميل قبل إبعاد الفوكس

كيف تحول جوالك إلى كاميرا احترافية..

وهنا بتغيير مكان التركيز ، خليت الكاميرا تركز على يدي وبعدين بعدتها فطلعت لي هاللقطة :

كيف تحول جوالك إلى كاميرا احترافية..

الصور الضبابية تطلع لكم أنوار الشارع على شكل دوائر ضوئية وفي أحيان كثيرة يكون المنظر جدا جميل..
خاصة مع وجود مطر أو أنوار شموع وإضاءات الشوارع

ثالثاً: الإضاءة

نفس الخطوة السابقة ، إذا تحبون الإضاءة تكون عالية ، اضغطوا على أي جزء غامق في الشاشة وبسرعة بتنور اللقطة وترتفع إضاءتها ..
لكن إذا المكان الغامق مو هو نفسه المكان اللي تحبون التركيز والحدة تكون عليه ،
فأولاً ، اضغطوا على المكان المطلوب التركيز عليه بنفس الطريقة السابقة ، وبعدها بسرعه اسحبو اصبعكم على الشاشة تحت او فوق ، وبتلاحظون الإضاءة تتغير لكن التركيز ثابت على نفس النقطة المطلوبة ..

كيف تحول جوالك إلى كاميرا احترافية..

ملاحظة: ما أنصح برفع الإضاءة بهالطريقة في معظم الأحيان ، لأننا نقدر نرفع الإضاءة لاحقاً بشكل جميل سواءا بتعديل الأيفون أو بالانستغرام .. لكن إذا رفعناها أثناء الالتقاط، وصار فيه بياض كثير في اللقطة الأصلية، مانقدر نتراجع ونخففها..

معلومة متعلقة بالتركيز والإضاءة:
بعد مانلقط اللقطة بترجع الكاميرا للوضع الطبيعي ونضطر نضغط مرة أخرى على الغرض اللي نحتاج التركيز يكون عليه ..
لكن فيه حركة تسوي قفل على نقطة التركيز بحيث تكون نقطة التركيز اللي اخترناها ثابتة مهما أخذنا من لقطات ،
ببساطة نضغط الشاشة على المكان اللي نحتاج نركز عليه ونبقي اصبعنا ضاغط على الشاشة لمدة ثانيه او ثانيتين وراح تطلع علامة صفرا مكتوب عليها AF/AE LOCK وهذا معناته ان الإضاءة والتركيز تم قفلهم .. طبعاً هذي مفيدة جدا لو بناخذ عدة لقطات متحركه أو حتى لو بنجرب أكثر من لقطة لنفس الغرض بدل مانضيع وقت نعيد التركيز كل مرة .. أثناء القفل نقدر يدوياً نعدل الإضاءة ، لكنها ماراح تتعدل تلقائياً من الأيفون..

رابعاً : خيارات الإلتقاط

زر رفع وتقصير الصوت ياخذ لقطة أو فيديو، يعني مايحتاج تضغطون زر الالتقاط ، ممكن تضغطون اللي يغير الصوت وبيتم التقاط اللقطة ..

هذي المعلومة تكون مفيدة في بعض الحالات اللي أكون مضطره امسك الجوال بزاوية أو طريقة ماتسمح لي أشوف الشاشة وأضغط زر الالتقاط..

أيضاً طريقة أجمل ، ممكن تلتقطون اللقطة عن طريق زر الصوت الموجود في سماعات الأيفون، هذا بيزيد الصورة وضوح ، لأن الجوال حتى لو كان على حامل أو على سطح ثابت ، مجرد لمسة الأصبع لأخذ اللقطة بتحركه بشكل خفيف، بينما لو التقطنا اللقطة عن طريق ضغط زر الصوت في السماعات ماراح نهز الجوال وبالتالي صورة أكثر حدة.. أي إهتزاز لو خفيف جدا بيأثر بدرجة معينة على جودة الصورة..

خامساً: الالتقاط السريع أو ال burst mode

كيف تحول جوالك إلى كاميرا احترافية..

هذي الحركة جميلة جدا إذا بتصورون حاجه سريعة ، مثلا طائر أو شخص يمشي أو رياضة معينة وأي شيء متحرك..

عبارة عن التقاط عدة لقطات سريعة جدا جدا ورا بعض ثم نختار الصور الناجحة منها،

الطريقة : نستمر ضاغطين على زر الالتقاط وراح تستمر الكاميرا في الالتقاط لحد مانرفع اصبعنا عن الشاشة، بعدها نضغط select ونختار اللي أعجبنا من اللقطات ، ونختار keep favorite ، وبتنحذف كل الصور ماعدا اللي أعجبتنا ..

سادساً: ملحقات التصوير

كيف تحول جوالك إلى كاميرا احترافية..

العدسات

مهما أبدعنا في الزاوية والإضاءة وكل شيء ، فيه عدسات تاخذ التصوير بالجوال لمرحلة مايمكن يصل لها بدونها ..

ومنها ، عدسة المايكرو (المكبرة) وعدسة الزوم وعين السمكة وغيرها من العدسات المخصصة للجوال ..

أستخدمت مؤخراً عدسة المايكرو المكبرة ، وكثير أرسلوا لي يستفسرون عن سر الوضوح في التصوير وكيف صورت أشياء صغيرة بزاوايا قريبة جدا، يعني الفرق واضح جداً حتى للعين اللي ما عندها خبرة بالتصوير ..

عدسة المايكرو متخصصة بتصوير الأشياء الصغيرة جداً، مثل الحشرات ، رموش العيون ، طرف القلم ، خيوط الملابس ، وغيرها من الأشياء اللي ماترى تفاصيلها بالعين المجردة .. بينما بدون عدسة مانقدر نقرب كثير من الغرض اللي نحتاج نصوره، لأن إذا اقتربنا ماتطلع الصورة حادة ، تطلع ضبابية ..

والجميل انها تعطي خلفية ضبابية صافية وجميلة جدا تنافس التصوير بالكاميرات الاحترافية..

بعض لقطات عدسة المايكرو (صور بدون أي تعديل) :

كيف تحول جوالك إلى كاميرا احترافية..

كيف تحول جوالك إلى كاميرا احترافية..

أخذتها من أمازون فيه عدة أنواع لكن هذا النوع جودته عالية جدا وتقييماته ممتازة

كيف تحول جوالك إلى كاميرا احترافية..

AUKEY Ora iPhone Lens
10X Macro

(الدائرة الشفافة اللي حول العدسة ممكن تنفصل ، يعني حجم العدسة أصغر بدون هالقطعة)كيف تحول جوالك إلى كاميرا احترافية..

ملاحظة : عدسة المايكرو غير قادرة على الالتقاط عن بعد ، لازم نقرب العدسة جدا لموضوع التصوير وتكون شبه ملاصقه له ، لذلك مانقدر نستخدم العدسة لتصوير الأشياء البعيدة ..

العدسة الثانية اللي جربتها هذي

Ansel Lens BrightGlass II | 60mm 2X 

كيف تحول جوالك إلى كاميرا احترافية..

مافيه فرق كبير بينها وبين عدسة الجوال ، فقط تقرب بمقدار الضعف ، بينما المايكرو تقرب ١٠ أضعاف .. اخترتها لأني كنت أبحث عن عدسة تعطيني نفس نتائج عدستي المفضلة لكاميرتي الاحترافيه وهي عدسة canon 50mm 1.4

صحيح انها تقرب وتخلي الخلفية أقرب فيطلع شكل الصورة أجمل ، إلا انها بعد التجربة حسيت تصلح للتركيز اللي يكون في المنتصف فقط .. لأن باقي الأطراف ماتكون بنفس الوضوح مع العدسة ، يعني تخلي منتصف الصورة واضح فقط والباقي مموج شوي أو بعبارة أخرى (مو بنفس الوضوح)..

صورة لنفس الزاوية بدون العدسة :

كيف تحول جوالك إلى كاميرا احترافية..

مع العدسة :

كيف تحول جوالك إلى كاميرا احترافية..

تلاحظون مع العدسة صارت الخلفية أكبر، وهذا حلو لكثير من اللقطات عشان مايطلع جزء كبير من الخلفية اللي مانرغب فيها، لكن مثل ماقلت لكم ماحبيت انها مموهه في أطراف الصورة ..

الثاني من ملحقات التصوير

الحامل الثلاثي

كيف تحول جوالك إلى كاميرا احترافية..

الحامل ممتاز للتثبيت في مكان معين وتصوير فيديو ، ويخدم أكثر شي اللي يحبون يصورون طبخاتهم أو رسوماتهم فيديو وهم يشتغلون..
اللي عندي جدا ممتاز وقوي ، والأرجل حقت الحامل تتشكل بأي شكل بحيث نقدر نلفها حول شيء ونخليها تتمسك فيه وتتعلق،

أخذته من هنا 

لكن فيه شيء ما أعجبني ، انه مايمسك الجوال بشكل طولي ، فمثلا ما ينفع أصور به سناب ، يمسك الجوال بشكل أفقي فقط ، فلو بغيت أصور بالطول لازم اثبت الأرجل على جنب..

وأخيرا أحد ملحقات الجوال اللي ماله علاقة مباشرة بالتصوير لكنه يساعد على ثبات الجوال في يدي، الدائرة اللي عليها رسمة فضاء ..

كيف تحول جوالك إلى كاميرا احترافية..كيف تحول جوالك إلى كاميرا احترافية..
مجرد اكسسوار يساعدني أمسك الجوال مثل المطاط المنتشر للجوالات ، حبيت أجرب شي جديد بعد ما خربت القطعة المطاطية اللي عندي ..

كيف تحول جوالك إلى كاميرا احترافية..

 أعجبني فيه انه إذا مابغيت أستخدمه ممكن أضغطة على جوا ويصير مسطح ماياخذ مساحة وله شكل جميل ،

كيف تحول جوالك إلى كاميرا احترافية..

 واللي يميزه عن المطاط ، انه ممكن ألف حوله السماعات واضغطه على جوا فيمسك لي السماعة ماتضيع ولا تطيح ..
وايضاً ممكن اثبته على الطاولة واتفرج شي بالجوال كأنه حامل ..

كيف تحول جوالك إلى كاميرا احترافية..

اضغطوا على الصور تطلع لكم أشكال وألوان منه ، أو اضغطوا هنا

سابعاً : تعديل الصور

وأخيراً نقطة مهمة جداً وهي إخراج الصورة النهائي ، تعديل الألوان والإضاءة والحدة ..

كيف تحول جوالك إلى كاميرا احترافية..

التعديل ممكن من خلال الأيفون نفسه ، أو من خلال برامج التعديل ..

أنا أفضل أعدل صوري عن طريق الانستغرام ..

فبأشرح لكم بشكل بسيط تعديلات الانستغرام وغالباً تحصلون نفس الرموز في كل برامج التعديل

الإضاءة brightness (لرفع وخفض الإضاءة)

رمزها :

كيف تحول جوالك إلى كاميرا احترافية..

مثال :

كيف تحول جوالك إلى كاميرا احترافية..

كيف تحول جوالك إلى كاميرا احترافية..

أهم تعديل ممكن نسويه للصور هو رفع الإضاءة ، تقريباً ٩٩٪ من صوري أرفع إضاءتها ، حتى لو كانت إضاءتها من الأساس عالية ، رفع الإضاءة يعطيها اللمسة المشرقة والمنعشة واللي تحسس اللي يشوفها ان المكان مشرق وجميل..

إضاءة الفواتح highlights (ترفع وتخفض إضاءة الألوان الفاتحه في الصورة)

رمزها :

كيف تحول جوالك إلى كاميرا احترافية..

مثال :

كيف تحول جوالك إلى كاميرا احترافية.. كيف تحول جوالك إلى كاميرا احترافية..

هذي مناسبة جدا للصور اللي أغلبها لون أبيض ، زيادة البياض في الجدران أو المفارش وغيرها من العناصر البيضاء يعطي شعور بالنظافة في الصورة والمكان الملتقطة فيه ، لذلك بالرغم من نظافة المفرش في الصورة الأولى إلا إنه مايعطي شعور قوي بالنقاء مثل الصورة المعدلة..

الظلال shadows (تخفض وترفع إضاءة الألوان الغامقة في الصورة)

رمزها :

 كيف تحول جوالك إلى كاميرا احترافية..

ماعندي مثال لأني نادراً أغير في إضاءة الألوان الغامقة أو أغمق الصور..

التباين contrast (يزيد الفواتح نور ويزيد الغوامق سواد بنفس الوقت)

رمزها :

كيف تحول جوالك إلى كاميرا احترافية..

مثال :

كيف تحول جوالك إلى كاميرا احترافية..

كيف تحول جوالك إلى كاميرا احترافية..

(هذي الصورة استخدمت فيها التباين وعدلت الألوان حتى تعطي طابع عتيق)

التشبع اللوني saturation ( يخلي الألوان قوية أو باهته)

رمزه :

 كيف تحول جوالك إلى كاميرا احترافية..

مثال :

كيف تحول جوالك إلى كاميرا احترافية..

كيف تحول جوالك إلى كاميرا احترافية..

في هذي الصورة قللت تشبع الألوان ، فصارت ألوان خفيفة وباهته شوي حتى تعطيني الهدف اللي أبغاه من الصورة ..

لكن غالبا في صوري أختيار زيادة تشبع الألوان ، خاصة في صور السماء ، إذا زدت التشبع تصير السماء زرقاء أكثر ، والطبيعة تزيد خضرة ..

الحدة sharpen (يخلي الحدود حادة وواضحه أكثر)

رمزها :

كيف تحول جوالك إلى كاميرا احترافية..

مثال :

كيف تحول جوالك إلى كاميرا احترافية..

تلاحظون أطراف الورقة كيف حادة ؟ بزيادة خفيفة في الحدة من الانستغرام أو برامج التعديل تصير الحدود جداً واضحة وكأنها بكاميرا احترافية..

الاقتصاص و تعديل الميلان

كيف تحول جوالك إلى كاميرا احترافية..

مثال :

كيف تحول جوالك إلى كاميرا احترافية..

ممكن تاخذون مثل هاللقطة وتحسونها لقطة فاشلة ، فيها أسلاك ونص الصورة فاضي وحالتها صعبة،
لكن في الحقيقة نقدر نطلع منها بلقطة مثل كذا :

كيف تحول جوالك إلى كاميرا احترافية..

مجرد اننا اقتصينا الجزء السيء من الصورة طلعنا بصورة أجمل بكثير مع بعض التعديلات الأخرى..

(طبعاً جميع ماسبق قد أكون استخدمت فيه أكثر من تعديل ، لكن حطيته كمثال على أكثر شيء باين فيه)

وطبعاً فيه خيارات إضافية لكن هذي أهمها وأنتم اكتشفوها بنفسكم ارفعوا واخفضوا ولاحظوا ايش يتغير في صوركم..

المهم تذكروا أن المفتاح لاستخدام التعديلات هو اننا ما نزيدها عن الحد ، يعني نغير شي بسيط ، لأننا إذا عدلنا بزيادة بتفقد الصورة جودتها أو بيصير شكلها غريب وواضح انها مو طبيعية وفيها شيء غلط ..

وآخيرا أختم بالإجابة على السؤال الشهير ،

ممكن البرنامج اللي تستخدمينة للكتابة على الصور؟

استخدم برنامج studio

كيف تحول جوالك إلى كاميرا احترافية..

كيف تحول جوالك إلى كاميرا احترافية..

(كل الصور في هذه التدوينة من عدستي فأتمنى أن تكون الحقوق محفوظة)

وهكذا أكون كتبت لكم خلاصة خبرتي في التصوير بالآيفون 💙📱، أتمنى انكم استمتعتوا بالتدوينة 🙂

في البداية كنت مقرره انها بتكون تدوينة خفيفة لطيفة ومختصرة لكن وأنا أكتب حسيت فيه أشياء كثير تحتاج توضيح وصور وإضافات وما حسيت بنفسي إلا والتدوينة تحولت وصارت مثل تدويناتي المعتادة 😂 وش رايكم في الإخلاص بس 🤓

وبإذن الله أكتب لكم عن التصوير بالسناب وأفكار لتحسين إخراج قصة السناب في تدوينة قادمة 😍👻 (يقولون انها بتكون خفيفة لطيفة👀)..

وإن كان عندكم إضافة أو برنامج جميل للتعديل اذكروه لنا في التعليقات 🌺

لا تنسوني من دعواتكم وإن أعجبكم الموضوع أسعدوني بنشره ومشاركة رابط المدونة مع أصدقائكم 👭👫👬💕

أراكم على خير مع تدوينة الأسبوع القادم ❤

...

تواصلوا معي عبر :

انستغرام وتويتر : arwa_alomrani@

يوتيوب : arwa karu

سناب : arwakaru



اترك تعليق

196 تعليق على "كيف تحول جوالك إلى كاميرا احترافية.."

avatar
فرز بواسطة:   الأحدث | الأقدم | الأكثر تصويتاً
Atekah
ضيف
هذا البرنامج استخدمه للكتابه على الصور والتصميم عليها ، الجميل فيه انه يختار لك ألوان تساعدك على الكتابه فوق الصور ايضًا فيه تصاميم جاهزة مشكلة بالخط العربي ما فيه خيارات مفتوح بس نوع واحد اما بالانجليزي الخيارات كثيرة وجميلة ايضًا الاطارات والتأثير فيه جميل جدًا👌🏻😭😍 اسمه : Spark post . . شكرًا على هالتدوينه الاكثر من رائعة على اني استخدم الانستقرام عشان اعدل الصور الا فيه معلومات فادتني كأني ما كنت استخدمه من قبل😂😂💔 وبالنسبه لمسكة الفضاء خقيت عليها😭💙🌌واهم شيء لها اكثر من وظيفة + حتى العدسات حبيتها خصوصًا الاولى 👍🏻 بس مشكلة الشحن يطول ويكلف على اشياء صغيره مثل… قراءة المزيد ..
سعاد
ضيف

حتى انا اتمنى تدوني عن الماك

dodo
ضيف

🌸انا متحمسه وايد☺️🌸ومستعد اني اصور وبصراحه استفده كثير خاصه (٨اسرار لتصوير احترافي مع هذي المدونه)الله يعطيكي العافيه يا اروى وانا احبك واااايدددد💜💜🌸

Noura
ضيف

It’s me 💜💜💜

رؤى
ضيف

تدوينه لطيفه كعادتك اروى

العدسات اكثر من مره افكر اشتري خصوصا ان اعتمادي على تصوير الجوال لكن اغير رايي
الحامل جمييل جدااا ويفيدني في تصوير الفيديو لاني اثبت عليه الجوال واحيانا استخدم عصى السيلفي واثبت الجوال في علبه محشوه 🙂
…..

باقي تدوينه بطلبها منك طلب لان احس ممكن تفيديني بها كثير
اذا تقدري اكتبي عن الماك المكتبي ونظام ابل ككل والبرامج المهمه وتنظيف الجهاز لو لك خبره

أنفال
ضيف

لازلت أعتقد أنها تدوينة خفيفة لطيفة 😊
وضّحتِ أبرز النقاط المهمة .. وفعلاً هي لمسات تصنع فرق هائل.
ولأول مرة أستوعب أن الجوال قد يوازي الكاميرا الاحترافية -بل وتميّزه خفته – ..
استمري مُوفقة 👍💜

ريم
ضيف

ومن الأشياء المريحة للنظر في التصوير:
كون الخطوط مستقيمة والزوايا قائمة أو ميالانها معتدل خصوصًا للصور الرأسية أو تصوير النوافذ والأبواب، ومن أحسن البرامج الي أستخدمها للتعديل: snapseed، هو متميز في تعديل الصور وبالأخص الميلان. 👌🏻

رهف خالد الزهراني
ضيف

شكراً مره على البرنامج❤️

بلقيس القيسي
ضيف

تدوينه جميييييييله كان ودي تطول اكثر من كذه ❤️استمتعت جدا بقرائتها مشكوره يا اروى الرائعه بالنسبه لبرامج التعديل فيه برنامج السناب سيد مشهور عند العرب والاجانب وتلقين له شروحات في اليوتيوب كثير وهو اصلا بسيط وقووووي جدا

Fadwa
ضيف

اضافه : تنظيف العدسه شي مهم 💯

Fatima El-Ratail
ضيف
انا من رأيي انها تدوينة خفيفة وبسيطة لاكن في نفس الوقت افادت الكثيرين ! فعلا كل الي ذكرتيه يعطي نتايج هائلة , بضيف لك نقطة مهمة الا وهي انه في اجهزة غير الايفون تعطي نتايج حلوة مثل الايباد والايباد ميني , خصوصا اخر ايبادين 4 و 3 انا استخدم ايباد 4 في تصويري ليويماتي في الانستا وعندي صور في الاستديو رهيييبة جداً لدرجة ان اقاربي يشوفونها يقولون يييوه , معقول هذا تصوير ايباد 😂؟ وفعلاً الصور كأنها صور كاميرا احترافية ❤️❤️ حبيت اكتب هالاضافة لأني لاحظت انه عندك ايباد مدري اذا هو 4 او 3 بس انصحك تستخدميه من وقت… قراءة المزيد ..
Dr juju
ضيف

تدوينه مميزه لكن أروى نحن بانتظار وعدك في كتابه تدوينه للرضاعه الطبيعيه وغيرها لان الحوامل بالخارج لهم تجارب ضعيفه النشر
اذا ممكن تدوينتك القادمة عن إكمال موضوع الولاده والرضاعة خصوصا
انا الان في أمريكا باقي ع ولادتي
أسبوعين وهذا حملي الاول وحابه أتواصل معك
شكرًا لك

مريم
ضيف

كتاباتك دائماً رائعه .. حتى اني بدايةً زعلت لما قريت انها بتكون تدوينه قصيره😔
لكن الحمدلله انها طالت🙂🙂
جزاك الله خييير والله ان متابعتك سبب للسعاده في يومي 💗

Hanan
ضيف

مرحباً اروى 🌸

شكراً وجزاك الله خيراً ، جد الله يسعدك 💜 انا هذي الفتره قاعده ابحث عن طرق لتصوير بالايفون بحيث تكون صور رائعه ، وجاني بريدك من حيث لا احتسب 💕 مره انبسطت فيه
ويهمنا مره التفاصيل ، فلا تكون خفيفه وبالحقيقة هي لطيفة 🕊
الله يوفقك ويفتح عليك ويجزاك عنّا خير الجزاء 🌷..

Afnan
ضيف

يعطيك العافيه استفدت من افكارك اللطيفه
بأضيف برنامج snapseed لتعديل الصور بطريقه مميزه

فاطمة العمودي
ضيف

فديتج كفيتي و وفيتي معلومات حلوه وخفيفة
يعطيج العافية

وئام
ضيف

شكرًا من القلب ❤️

بلقيس القيسي
ضيف

ومن الان منتضره تدوينه تصوير السناب لاني افشل انسانه في السناب 🙃 وودي استخدمه بشغلات مفيده وخبرات و اقدم اللي تعلمته

اﻻء الرمضان
ضيف

بعد عمري والله يااروى كان كثير هالسؤال بخاطري كيف اروى تصور بالايقون والتصوير مشرق غير عن تصويري مع انه ايفون كنت مستحيه اسالك وفجاه جاني ايميل بهالتدوينه ♡

عضو

رائعة يا أروى ؛ أنا قرأت إنها بتكون خفيفة فحسيتها خفيفة حتى لما طالت 😄❤

Sahar
ضيف

اروى انا عندي مشكلة مادري هو من الاضاءة ولا كيف مهما حاولت اضبطها ماتزبط، اللي هيا مثلا اصور لاب توب مفتوح او حتى ايباد وجمبه مثلا كوب، فتصير الاضاءة تتركز على الكوب ويكون واضح بس شاشة اللابتوب مايكون واضح اللي فيها مغبش مرة اما لو لمست على جهة الشاشة تصير الاضاءة عليها ويوضح اللي على اللابتوب بس الكوب يظلم! ابغا الاثنين يوضحون بنفس الوقت 😫

سامية
ضيف

تدوينة مُشرقة ^^
حتى برامج التعديل تعتمد على ذوق مستخدمها في النتيجة 🙂
مع ذلك جربن برنامج ” picart ”
شكراً لجهودك المعطاءة أروى 👍⚘

عضو

فادتني كثييييييييييييير هذذ التدوينه
الله يسعدك

فراس السحيباني
ضيف

تدوينة رائعه جدا صراحه ..
ابدعتي اروى وبخصوص العدسه
ماكنت متخيل انها بهذا الفرق الهائل
-مجهود تشكرين علييه 💗

إسراء
ضيف

ما شاء الله عليك
استفدت كثير من تدويناتك
الله يعطيك العافية 😘😘😘

شهد
ضيف

مبدعه كالعاده الله يعطيج العافيه ياجميله😫💙

hano0o4m
ضيف

انت دايما خفيفه ولطيفه يا اروى ربي يسعدك ويحققلك مطلوبك

بدور إبراهيم
ضيف

وعليكم السلام ورحمة الله وبركاته..
كعادتك أروى مبدعة 💜
استفدت منها كثير وبطبق اللي تعلمته أكيد ✅💪🏻
الله يعطيك العافيه وتسلم يمينك 😍✨

Marwa
ضيف

يزاج الله خير معلومات جميلة

اروى الروقي
ضيف

تدوينه مفييده وجميله🍃💗
اكتسبت معلومات عن التصوير كنت اجهلها تماماً
شكرا لكِ 💗💗💗

شذئ
ضيف

جداً روعه يعطيكي الف عافيه

Maha
ضيف

شكرا على كل شي👌🏻

E7sas
ضيف

اضفتي الى محصلتي معلومات قيمة .. مبدعة گ عادتك ، ممتنة لكِ .

بالمناسبة تصويرك يجذبني ✨

منى
ضيف

كعادتك رائعة

سؤال عن برنامج (studio) هل اضفتي عليه خطوط عربية ؟لاني استخدمته للتو .ام انت من وضع الحركات على الكلمات؟.

غاده
ضيف

تسلم يدك ع التدوينه الحلوه

فطامي
ضيف

وقفت التصوير من فترة طويلة لكن الحين تحمست وايد وأريد ارجع نفس قبل وان شاء الله راح ارجع.

Nadya
ضيف

جربي برنامج tadaa, ايقونته خضرا

عضو

في برنامج camera360 كتيير رووعه وخصوصاً اللي كاميرا الجوال مو واضحة

ام بيلا
ضيف

الله يعطيك العافيه مررررره استفدت 💜💜😭

Amal
ضيف

الله يعطيك العافية
تدوينة رائعة وراقية برقيك 💕

maliha
ضيف

خفيفة ولطيفة مثل صاحبتها الجميلة المتألقة

عضو

😍👀مبدعة كالعادة 💋

عائشة العنزي
ضيف

يعطيك العافية مبدعة ماشاءالله

Joory
ضيف

I like using PICSART, LINE CAMERA , VSCO also studio these are the most wonderful editing apps for me , I love you arwa and everything you do 😙💕

ام ريمان٢٠١٢
ضيف

حبيت التدوينه ان شاء الله اجرب مع جوالي سامسونج

اﻻء الرمضان
ضيف

صح وﻻتخلين تدويناتك خفيفه احبها نفس ماهي كل حرف يشع فائده

Tahany
ضيف

موضوع رااااائع يعطيك العافيه

اسماء
ضيف

الله يعطيك العافية اروى جميع تدويناتك اكثر من راااائعة..دائما تفيدينا بخبرتك وافكارك الجميلة..ننتظر التدونة القادمة بفارغ الصبر

حسن
ضيف

مرحبا ..

يعطيكِ العاافيه ..

تقديم حلو وبسيط .. مع معلومات جميله 👌

ريم عبدالله
ضيف

روووووووووووووووعةةةةة
يعطيك العافية
مبدعةةة ماشاء الله
بانتظار جديدك بشوووق

هدى الزهرانى
ضيف

الله يااروى انتى راااائعه قليله فيك انا من اشد معجبينك ودايم ارسلك بسناب والانستا متابعه لك بشغف لان كل موضيعك تعجبنى وتشدنى حييييل التدوينه استفدت منها مره ومتحمسه لتدوينه السناب🙈💃انتظرك بشغف
اختك /هدى الزهرانى💖

هبه الحربي
ضيف

تدوينه خفيفه ولطيفه شبيهه بصاحبتها .. موضوع مميز كالعاده .. بعد ما قرات التدوينه تحمست امسك الكام واصور بعد فتره طويله من تركها .. بالنسبه لي استخدم برنامج المصمم للكتابه على الصور صراحه برنامج مميز جدا وسهل

Brancesh
ضيف

تدوووينه جمييله ورائعه كروعتك شكرا اروى

Samia
ضيف

دائماً تضيفين لي شيئا جميلاً مميزاً لكي جزيل الشكر

جوري
ضيف

ماشاء الله تبارك الله مبدعة وعبارات سهلة
بودي تكتبين مواضيع اجتماعية
عن اتيكيت الصداقة والاخلاق ووو الخ
أحب أن أقرأ لك في شتى المواضيع الحياتية..

أروى
ضيف

ماشاءالله الله لايضرك بصراحه حمستيني اصور اشياء واضبطها
مبدعه والله يبيض وجهك بياض يغار منه الشحاب

‫wpDiscuz

أضف تعليق عبر الفيسبوك:





حمل