ثلاجتي الطباشورية السعيدة

السلام عليكم ورحمة الله وبركاته

أهلا يا أصدقاء

من فتره زبرقت ثلاجتي وصورتها مباشر على السناب، ومن ذاك الوقت تجيني طلبات أكتب تدوينة كاملة عن طريقة تصليحي لها ، وطبعاً ما أرد لكم طلب ..

أول شي بأقولكم قصة حياة ثلاجتي ،

ثلاجتي الطباشورية السعيدة

أول ماسكنا، جا صاحب البيت الباكستاني وقال معليش بالغلط حطينا لكم ثلاجة مقاسها كبير ومو مضبوط ، بنغيرها ونجيب وحده نفس المقاس ، نطيت أنا من اللامكان وقلت لاااا عاادي عادي هذي زينه ، استغرب هو احس في وجهه علامة “وش هالحرمة القنوعة ياحليلها”، والله من اللقافة فيني ، كنت خايفه انه ياخذها ويجيب هذيك الثلاجه اللي الفريزر يكون فوق والثلاجه تحت ، وأنا شخصيا ما أفضلها أحب الثلاجة الطولية أكثر لأنها فيها براده وصانعة الثلج وأحسها أسهل في الترتيب
لكن صارت الحقيقة المرة ان الثلاجات عمقها مقاسين وحده نفس مقاسات الدواليب ووحده أكبر ? ..

المهم ، هذا سبب ان ثلاجتي ناقزه من مكانها مو داخله مره ..

بعدها صلحت في المطبخ بعض الأمور وبديت أحس ان الثلاجة يبدو عليها الحزن والأسى، صاير لونها أبيض ناصع بالمقارنة بلون المطبخ الكريمي ، وصايره فعلا شكلها غلط من جميع النواحي اللونية والحجمية..

فكرت وفكرت كيف أخليها أكثر سعادة ،

من أكثر الأفكار اللي أعجبتني بعد مابحثت عن حلول في البنترست كان تحويل الثلاجة لسبورة طباشير ..

لكن المشكلة الأغلبية صابغينها بصبغة الطباشير و أنا ما ودي أصبغها أو أسوي عليها شيء ثابت ، خاصة إني مو واثقة انه بيطلع حلو عليها الأسود ..

وكملت بحثي ، حصلت ناس مغلفين ثلاجاتهم بورق التجليد ،

وهنا نقزت في بالي فكرة انه ممكن يكون فيه تجليد طباشوري مثل الشريط اللاصق ، وفعلاً بعد كم ضغطة هنا وهناك حصلت في أمازون الحب تجليدة رول كبيرة عبارة عن سبورة طباشير ..

يستخدمونها استخدامات متعدده ، البعض يلزقها على الجدار، أو الباب ، أو أي مكان، الحلو فيها انها تنفك بسهوله وماتترك أثر صمغ ، ممتازة لغرف الأطفال أو لأي مشروع..

نقزت للثلاجة أخذ مقاساتها وأعلمها عن فستانها الجديد وأتوقع انها كانت فرحانه جدا << ممكن أحد يجي يسكن معي شكل حالتي بدت تصير صعبة ?

والحمد لله حصلت مقاس كبير يكفي لباب الثلاجة بالكامل ،

Self-adhesive Chalkboard Contact Paper Roll

ثلاجتي الطباشورية السعيدة

غلفتها بالضبط مثل ما أغلف دفتر ، افتح جزء منها وألصقه ، وبعدين أبدا افك التجليدة شوي شوي وألزقها ..

بس قبل ما أبدأ شلت مقبض الثلاجة عشان مايكون في الطريق ، وبعدين رجعت ركبته بعد التجليد..

(صور من سنابي arwakaru )

ثلاجتي الطباشورية السعيدة

ماقدرت أصور في هالأثناء لأنها كانت تحتاج دقه ماكان ودي يصير فيها عفطات .. لكن شوفوا هالفيديو فيه طريقة التغليف اللي أقصدها بشكل واضح

وماحبيت أغلف كل الثلاجة بالأسود ، حسيتها بتطلع غير جذابة وماراح تنحل مشكلة انها شكلها غريب في المكان ،

وكان خاطري أحط فيها صور لأني مابعد شبعت من مطبخي الانستغرامي إذا تذكرونه ، كتبت عنه تدوينة اضغطوا على الصورة تاخذكم للموضوع 🙂

ثلاجتي الطباشورية السعيدة

كان مره مسوي جو مرح لمطبخي ومغطي الجدار اللي كنت طفشانه من شكله،

فقررت اسوي بالثلاجة نفس الشي وأملأها صور الهامية تعطيني أفكار لطبخات أو معلومات للأكل ، تكون شي مساعد وملهم في المطبخ ويعطي منظر سعيد ومشرق،

فتحت موقع بنترست وبديت أجمع صور في ملف عشان أشارككم الملف للي يحب يطبع نفس الصور ،  وبعدها بديت أطبع بمقاسات مختلفة بشكل عشوائي ،

الطباعة

ثلاجتي الطباشورية السعيدة

طبعتها على ورق لامع ، لأن هالورق ما يتعفط من المويه ، والثلاجة معرضة للرطوبة لأن فيها برادة، المويه ممكن تأثر على الألوان بشكل بسيط ، بس ماتخرب الورق .. هذي النوعية اللي استخدمتها لكن مو مهم تاخذون نفس الشركة أي ورق مكتوب عليه Glossy photo paper أعتقد بيفي بالغرض

ثلاجتي الطباشورية السعيدة

وممكن بدل هالورق تستخدمون ورق عادي وفي النهاية تجلدون الصور بالكامل بتجليد شفاف ، لكن أنا متوفر عندي هالورق المقوى فاستخدمته ..

طبعت بطابعة HP Deskjet 3050 طباعتها للصور ممتازة لكنها قديمة من ٥ سنوات عندي فما أظنهم يبيعونها للآن .. كثير يسألوني ايش أفضل طابعة ؟ بإذن الله بأبحث لكم أكثر في موضوع الطابعات وكيفية اختيارها وأدون عنها ، لكنها تحتاج بحث ودراسة ومابعد صار عندي المعلومات الكافية اني أكتب لكم عنها بشكل دقيق وشامل، في المستقبل القريب بإذن الله..

المهم إعدادات الطباعة تكون مناسبة لنوع الورق .. من خلال صفحة إعدادات الطباعة تختارون الجودة ونوع الورق وتحددون النوع ..

أنا طبعت بجودة متوسطة لأني ماحبيت أخلص الحبر على صورتين ، ومع ذلك نتيجة الطباعة كانت جدا جميلة لأني اخترت من الإعدادات ان نوع الورق لامع ، فانتبهوا لهالنقطة ..

ثلاجتي الطباشورية السعيدة

القص

بعد ما طبعتها قصيتها بأداة القص حتى تكون مستقيمه وأسرع ..

أداة القص كان عندي ثنتين سابقاً وحدة من جرير ووحده من الشرق.. فممكن تحصلونها هناك ، واللي عندي حاليا من مكتبة في أمريكا ، اسم القطاعة حقتي تحديداً “Swingline SmartCut 12

ثلاجتي الطباشورية السعيدة

 موجودة القطاعات أيضاً في أمازون تحصلون هنا أنواع متعدده

المميز في االنوع اللي عندي انها مو بس تقص ، فيها خيارات ثانية مثلا تقص بشكل متعرج أو تحط فتحات صغيرة في الورقه بحيث تصير تنشق بشكل مستقيم مثل الموجود في الكوبونات او الشيكات ، وفيها خيار رابع تعفط الورق ، فيصير موقع العفطه مستقيم وهذا يحتاجونه اللي يصلحون بطاقات ..

شوفوا هالفيديو يوضح طريقة عملها ..

واذا معد صارت حاده القطعة اللي تقص نقدر نشتري قطعه صغيرة جديدة ونبدلها..

تقنية تلزيق الصور في الثلاجة

ثلاجتي الطباشورية السعيدة

أول شي جلست أنسق الصور على الطاولة بحيث تكون الألوان منتشره مايصير فيه جزء كله غامق وجزء كله فاتح،، وزعتها بشكل متساوي ، ونسقت الأحجام أيضا بشكل متساوي ،

ثلاجتي الطباشورية السعيدة

وبعدين بدأت عملية التثبيت

ثلاجتي الطباشورية السعيدة

في البداية بديت ألصقها بلصق عادي ، وطبعا يفي بالغرض، لكن بيكون باين شكله إذا دققتي فيه .. وبعدين قررت أشتري شريط لاصق يلصق من الجهتين وأكمل به ، تمنيت اني بدأت به من الأول جدا جميل ومايبين وقوي ..

ثلاجتي الطباشورية السعيدة

اسمه Double sided tape

حلو لتغليف الهدايا او تعليق الصور على الجدار ..

إذا ماحصلتوه في المكتبات أطلبوه من أمازون من هنا

النتيجة

ثلاجتي الطباشورية السعيدة

ثلاجتي الطباشورية السعيدة ثلاجتي الطباشورية السعيدة

حبييييت النتيجة جداً ، السبورة عطت جو ومتعة في المطبخ ، نكتب فيها ملاحظات ، رسايل ، منيو الأسبوع ، أشخبط فيها حسب الموسم (رمضان، عيد ، نفاس وغيرها)،

ممكن نكتب فيها ألعاب بحيث كل ما أحد راح ياخذ شي من الثلاجة يشخبط ويلعب اللعبة كذا تشجع اللي في البيت يروحون يشربون مويه أو ممكن لأطفالكم تحطون لهم سناك صحي في الثلاجة وكل مره ياخذون منه يحق لهم يلعبون دورهم..

أو حتى ممكن نكتب فيها المقاضي .. الأفكار ماتخلص خاصة للي عندها أطفال بيتونسون عليها..

ثلاجتي الطباشورية السعيدة

الكتابة ممكن بالطباشير العادي أو بالطباشير السايل ، الطباشير السايل ميزته انه واضح وثابت ما ينمسح الا بمنديل مبلل فقط، يعني ماراح ينمسح بالغلط باليد،
ويجي منه ألوان رايقة جدا وناعمة ،
هذي النوعية اللي عندي Chalk Markers by VersaChalk
كل قلم له طرف مشطوف وطرف مدبب..

ثلاجتي الطباشورية السعيدة

ثلاجتي الطباشورية السعيدة

~

ثلاجتي الطباشورية السعيدة

والصور تحمس وتفتح الشهية للطبخ والأكل وتعطي أفكار ممكن تكون غايبة عن البال ، وبعض الصور مفيدة من ناحية الجداول والمعلومات مثل صورة عدد السعرات الحرارية في الأكلات أو صورة مدة حفظ الأطعمة في الثلاجة وغيرها..

طبعاً مو الكل يناسبة نفس الذوق ولا كل المطابخ بتناسبها نفس الألوان ممكن تستخدمون الفكرة بطرق مختلفة ،

مثلا ممكن الصور تكون كلها بالأسود والأبيض ،
ممكن تكون الصور كلها بمقاس واحد ،
أو ممكن ماتتغطى الثلاجة كلها بالصور ،
انا غطيتها بالكامل لأني ما ابي اللون الأبيض يظهر ، لو كان لونها حلو ممكن اكتفي بكم صورة ، أو ممكن احط السبورة داخل برواز واثبته بالمغناطيس بدل التجليد ..

الأفكار ماتخلص وكل واحد يزين بالطريقة اللي يحبها ويستمتع بها ?..

إذا تحبون هالشغلات اللطيفة ادخلوا هالرابط فيه صور لبعض الثلاجات والأفكار ممكن تلهمكم لتجديد ثلاجاتكم أو إخفاء عيوبها 🙂

وممكن تطبقون الأفكار على الفرن أو أدراج المطبخ أو أي عنصر تحسونه يحتاج ترفعون له روحه المعنوية

وأخيرا بعد مازبرقتها من برا حبيت أزيدها أناقه و أرتبها من الداخل ، عشان يصير الجوهر مناسب مع المظهر ?

ثلاجتي الطباشورية السعيدة

استخدمت مجموعة منظمات تحصلونها في هالرابط ، وبعض المتابعات في الانستغرام  قالوا انه موجود مثلها في ساكو ومحلات الكماليات ?

وهكذا انتهت قصة حياة ثلاجتي السعيدة 🙂

 وألقاكم على خير الخميس القادم مع تدوينة جديدة بإذن الله ^_^

أتمنى لكم يوماً ملوناً

ثلاجتي الطباشورية السعيدة

...

تواصلوا معي عبر :

انستغرام وتويتر : arwa_alomrani@

يوتيوب : arwa karu

سناب : arwakaru



As an Amazon Associate I earn from qualifying purchases

التعليقات ( 353 ) :

  1. يقول اثوره:

    الله يجزاك الخير ويجعل ايامك كلها ملونه بالفرح

  2. يقول Lalisa:

    السلام عليكم
    الفكرة تهبللل ماشاء الله ! تحمسين الواحد يشتغل و يبدع بسبب أفكارج ! الله يوفقج و يحفظ تالا يارب ?

  3. يقول Atekah:

    ??ازداد حبي ليوم الخميس مرررره???مره حبيت فكره الطباشير ?

  4. يقول حصة:

    ما شاء الله جدا جميييل ايتها الفتاة الملهمه لما هو جميل

  5. يقول أم رفو:

    ماشاء الله سلمت يداك ,بصراحه صارت تحفه ?

  6. يقول waad fahad:

    يسسعدك ياررب ??
    سرت متحمسة ليوم الخميس مررة على حساب التدوينة ??

  7. يقول Sahar:

    جميل جداً الله يسعد قلبك ❤❤

  8. يقول تهاني:

    دائماً مبدعه ام تالا بالتوفيق??

  9. جميلة تدونتك حبيبتي الله يجزيك الخير ومنك نستفيد بميزان حسناتك ان شاء الله

  10. يقول هديل:

    الله يجزاك خير ?❤️تدويناتك جداً ممتعه وملهمه ❤️

  11. يقول Haya:

    جميييييلة الفكره ??????

  12. يقول نوره:

    جماااااال ماشاءالله …?

  13. يقول noha:

    من جد شغل رايق احيي فيك ??

  14. يقول Reem:

    ماشاء الله شغل يفتح النفس ويحمّس..
    يعطيك العافيه ?

  15. يقول سونا:

    ماشاءالله …بارك الله في جهدك

  16. يقول فاطمه:

    ماشاء الله لاقوةالابالله ابدااااع

  17. يقول حنان:

    مبدعه ومتألقه بأفكارك الله يزيدك من فضله ?

  18. يقول Sara:

    حححبييتتت ماشاء الله عليك ?????

  19. يقول هيفاء ام هاشم:

    رائعه انتِ

  20. يقول بشاير:

    ابدعتي …. استمعت بالقراءة يعطيك العافية

  21. يقول فاطمة:

    ماشاء الله جميلهه..يعطيك العافية?

  22. يقول أمل:

    الله يسعدك ام تالا اضفتي ليوم الخميس اضافه استثنائيه وجميله جداً مستمتعه ومتحمسه كما لو انتظر برنامج تلفزيوني مفضل??الى الامام ابداع دايم ومستمر ???

  23. يقول نورا:

    كنت انتظر هالتدوينه من دهر شكراااااا يا جميله

  24. يقول غادة:

    مو طبيعيه انتي ?❤️❤️❤️❤️ انا مليانه حب و إعجاب لك و لأسلوبك و لكلامك ???

  25. يقول ام مجد:

    تابعت تزيين العروس معاك على سناب والحمد لله طلعت جميلة جدا وربنا يسعدك ويهنيك واحلى شي اسم تالا منور على السبورة ربنا يحفظها ويبارك لكم فيها ?

  26. يقول توكاا:

    الشكل جدا جدا حماس ماشاء الله تبارك الله

    نبهتيني على شغله كانت غايبه عن بالي… وهو عمق تصميم المطبخ مع عمق الثلاجه..? بنتبه لهالموضوع لاني جالسه بصمم مطبخ هالفتره…

    انا ادواتي كلها ستانستيل .. ايش تتوقعو يناسب لون مطبخ( ابيض والا بني والاكريمي)؟ ? محتااااره..

    ساعدوني بردودكم هنا واعطيني رأيك يا اروى اذا ممكن ??

  27. يقول nada_moments:

    ماشالله جمييييل جدا حبيييتها ..
    الله يعطيك العافية ❤❤

  28. يقول غادة:

    عزيزتي أروى.. باختصار، إنتي انسانة رااااااائعة، مبدعة، جميلة الروح… ما شاء الله عليكي و على قدراتك. أتمنى تستثمري طاقتك الإبداعية الجبارة في مشروع يستفيد منه الآخرون مثل شركة تقدم افكارك الجميلة كخدمات للناس الراغبين فيها. شكرًا من القلب لأنك ملهمة الآلاف …

  29. يقول Alreem:

    ماشاء الله ذوق رفيع ومجهود رائع ???

  30. يقول شهد:

    الله يسعدك ويوفقك يا أجمل انسانة تعجز الكلمات عن شكرك مرة الفكرة جميييييييييلة وفعلا الثلاجة صار شكلها يوحي بالالهام والنشاط وحسيت انه لو نسويها ونضبطها من برا بتخلي الواحد يحافظ على نظافتها وترتيبها من الداخل كمان جدا أعجبتني الفكرة وأتمنى إني أسويها لكن أعرف إخواني الصغار ماراح يخلونها في حالها إلا وبيقطعون ويخربون الصور والتجليد لكن أنا فكرت اني اسوي هالحركة مثلا على جدار غرفتي مثلا ألزق تجليد طبشوري في اليمين والصور في اليسار وطبعا مو كل الغرفة يمكن بس جزء بسيط منها وعالعموم نشكرك على كل شئ تسوينه لنا الله يخليك لنا ولا يحرمك مننا ويخلي لك تالا وكل أحبابك وياليت الخميس القادم تكون التدوينة عن النباتات المنزلية وكل شئ يتعلق فيها وجزاك الله كل خير

  31. يقول غدير:

    حبيت الفكرة تجيب السعادة لما تشوفيها احس ???
    ماشاءالله عليك فنانة ????

  32. يقول ليلى الحميدي:

    جميله الفكره مثل صاحبتها حبيت تنظيمك وافكارك وانجازاتك بارك الله فيك ونفع بك لك مني خالص الود ********

  33. يقول Ghadir:

    ماشاء الله عليك أروى ،،،مبدعه دائما ،،

  34. يقول A☘:

    جداً أصبحت جميله الثلاجه وحبيت فكرة الصور مررره أعطتها منظر جميل مع التجليد الطبشوري ??
    شكراً على التدوينه الرائعه ومتشوقه ليوم الخميس القادم ???

  35. يقول لولوه المريسل:

    يعطيك العافيه تدوينه جميييله نفس روحك الجميله ودامت حياتك ملونه يارب?

  36. يقول Huda:

    تبارك الرحمن …مبدعة بالفعل اختي اروى…الله يسعدك

    استمتعت كثير بالقراءة…أحب بإذن الله اطبق الفكرة في القريب العاجل…

  37. يقول N:

    السلام عليكم أروى
    حابه استفسر منك انا انشاء الله طالعه للدراسه في أمريكا الشماليه
    بعد تقريبا ثمانيه شهور من الان لمده سنتين الى ثلاث سنوات
    انا معي في يدي طفل عمره سنتين
    فحابه استفسر متى بالضبط ابدأ اجهز للسفر
    وفي رأيك ايش الاشياء المهمه اللي لازم اخذها من السعوديه
    وهل تعتقدي انه مهم اكون هناك قبل مده طويله من بدايه الدراسه
    لاننا مخططين نسافر قبل اسبوع من بدايه الدراسه هناك
    مع العلم اننا حتى سكن ما قررنا الى الان ايش ناخذ
    ادري الاسئله كثيره بس فعلا ضايعه
    اذا تقدرين تفيديني بهالموضوع اكون شاكره لك?

  38. يقول عائشة العنزي:

    ما شاء الله ?يعطيك العافية فكرة جميلة جدا حبيتها

  39. يقول أشواق:

    مرررره جميله ويسعد لي ايامك

  40. يقول Wadiah:

    ابداع الله يعطيك الف عافيه

  41. يقول جولزا:

    افكارك جميله وابداعيه

    يسعدك ربي و يحفظ لك تالا

    استمتعت بالتدوينة و في انتظار الخميس القادم بإذن الله ?

    في خفظ الرحمن

  42. يقول ام عمر:

    رائع جدا بانتظارك يامبدعة

  43. يقول ام عمر:

    بانتظارك كل خميس بإذن الله تعالى

  44. يقول موني ❤️?:

    استمتع في افكارج الملهمه ماشاءلله ?
    وكنت انتظر هالتدوينه من زمااااان وكانت كافيه و وافيه
    تسسسلم ايدج
    استمري يامبدعه ❤️?

  45. يقول أم إحسان تميم:

    ماشاء الله تبارك الله

    الصمت في حرم الجمال جمالُ

  46. يقول ود:

    راااائع جداً ماشاء الله تبارك الله ، حبيت كلمة ( اي شي يحتاج نعيد له الحياه ) كنت اكتأب من بعض الأشياء القديمة الي عندي وعلى طول أرميها حتى لو لم اجد البديل لكن بعد هذه التدوينه الرائعه سيتغير التعامل مع الأشياء القديمة باْذن الله ، شكراً لك ولأخلاصك ولعرضك المشوق والرائع ، شكراً لكمية الطاقه الايجابيه التي تنشرينيها دااائماً شكراً لروحك النقيه وعطاءك الامنتهي ، اني احبك ف الله وادعوه سبحانه كما جمعنا ف دنيا فانيه ان يجمعنا ثانيه ف جنةٍ عاليه قطوفها دانيه ??✨

  47. يقول hello:

    السلام عليكم ورحمة الله وبركاته هلا وغلا جميله جدا جدا شكرا على التدوينة رائعه

  48. يقول hello:

    السلام عليكم ورحمة الله وبركاته هلا وغلا جميله جدا جدا يعطيك العافية على فكرة

  49. يقول Reem1400:

    جداً جميلة ماشاء الله .. سلمت يداك

  50. يقول هجير الشمس:

    وعليكم السلام ورحمة الله وبركاته
    ماشاءالله تبارك الله ابداع ربى يوفقك

  51. يقول توما:

    جمممميلة الله يعطيك العافية، وننتظر تدوينة الخميس عن النفاس و الامومة ?????

  52. يقول Johara:

    ماشاءلله تبارك الله افكار مميزة ونادرة الله يزيدنا واياك من فضله

  53. يقول فاطمه العمودي:

    طريقتج جداً جميلة من شفتها في السناب وانا خاطري تتكلمين عنها والحمدالله استوي هالشي

    اسمتري ياقلبي ?

  54. يقول ميسون:

    مواضيعك مفيده و مليئه بالحب

    لو مااسوي الي تكتبين بس اقراها لانها تشعرني بالسعاده

    اسعدك الله و ادام ايامك مليئه بالخير والبركات انتي ومن تحبين

  55. يقول عاشقة الجنان:

    ماشاءالله تبارك الله ابداع الله يسعدك ❤️
    والله استفدنا منك الكثير جزاك الله كل خير?

  56. يقول الاء العمراني:

    ماشاءالله فكرهه جميله وجديدة يعطيك العافيه. ?✨
    و متحمسـه لـ تدوينه الجايه ??.

  57. يقول أروى الزبير:

    ماشاءالله تبارك الرحمن جججدا جميلة الفكرة ورائعة
    وجميعا بإنتظار افكارك الجديده والمبدعه
    شكرا اروى????

  58. يقول Elza:

    ثلاجتي طبعت عليه صور من برنامج بينترست وحبيت شكل الثلاجه بعد التغير بس حابه اضيف مكان للكتابه حبيت فكرة التجليد الطبشوري ?✨ بإنتظار الخميس بفارغ الصبر ??❤️

  59. يقول Asmaa B:

    جميلة جدا وتفتح النفس

    دايما بننتظر
    الخميس الونيس مع أروى ✨?

  60. يقول خلود:

    ما شاء الله تبارك الله حبيت الفكرة كثيييير و احلا شيء أني تابعتها مباشر عالسناب و كنت استنى متى تنزليها في المدونة عشان اوريها بنت عمي لأنها مرة تحب الأشياء الي زي كذا ???

  61. يقول Haya:

    مرررره جميله انتي طاقه ايجابيه ربي يسعدك

  62. يقول ايمان:

    جزاك الله خير ويعطيك الف عافيه
    بس ماقلتي لنا اش سويتي بمسكة الباب السودا ؟
    غلفتيها سبوره ولا لونتيها باسود ؟
    لان كني اشوف فيها لمعه
    و شكرا شكرا من القلب❤️

  63. يقول روان:

    مبدعة كعادتك أروى
    استمتعت بكل سطر قريته

  64. يقول Fai aljasser:

    مشكوووره اروى حبيبتي على التدوينه الرائعه احسها كلها حياة ?

    عندي استفسار بسيط بحكم تجربتك للفريزر الطويل هل هو عملي ؟؟ مرره ودي اشتري زيه احسه منظم بس بنفس الوقت احسه ما يشيل مساحة تخزين كبيره نفس الفريزر الي يجي بالعرض
    اتمنى تفيديني بهالنقطه ?

    وجد جد شكرا لك يا اكبر ملهمه لي ??

  65. يقول نوره:

    ماادري شقول صراحه ابداع وذوق ماشاءالله ربي يبارك لك في وقتك ويسعد قلبك?

  66. يقول بسما:

    ماشاء الله مبدعه اروى وشئ جميل يكون لكل وحده لمستها في بيتها ? استمري الله يوفقك ويحفظ لك الصغيره تالا ?

  67. يقول توته:

    سويت مثلك على ثلاجتي صارت روعه شككككرا من القلب اروى

  68. يقول Sara M:

    يسسسسسعد جمالك يا اروى??

  69. يقول منار:

    الله عليييييك لا تعليق??
    وش طريقة آلة الثلج او الآيسكريم اللي بثلاجتك كيف تستخدم
    احنا نبعد عن هاللي فيها اشياء من برا مدري ليه?

  70. يقول حصه:

    ماشاء الله تبارك الله مبدعة الله يوفقك

  71. يقول ساره الزهرانيه:

    الله يحلي ايامك مره حلوه الفكره ?

  72. يقول Sarah:

    ماشاء الله تبارك الله، كفيتي ووفيتي وابدعتي،، التنظيم والترتيب والتنسيق جدا جميل والفائدة عمت فشكرا جزيييلا❤❤

  73. يقول أم لارا:

    ماشاء الله متابعة شغلك عليها بسناب جدًا أعجبتني ?
    ربي يبارك لك حبيبتي ?

    فكرت أسويها بس خطر ببالي سؤال
    كيف فكيتي يد الباب؟ أخاف اتهور واكسرها ?

  74. يقول SoOoMaT:

    جمممممميل ❤️? مبددددددعه يعطيك العافيه
    الهمتيني اسوي جدار طبشوري لغرفة اطفالي لحبهم لشخبطة
    الجدارن?

  75. يقول Ohood:

    ماشاءالله شغلك مرررره متقن ومرتب و جميل

  76. يقول رباب:

    وااااووو اخيرا نزلتي تدوينه للثلاجه..بصراحه احسنتي الاختيار باسم ثلاجه سعيده..
    ننتظرك كل خميس ي مبدعه

  77. اروى انتي انسانه مبدعه لأبعد الحدود
    كل مرا تتحفينا بمواضيعك الجديدة وأفكارك الجذابه
    أشكرك على ماتقدمينه لنا من النفع والفائدة بوركتي ❤️❤️

  78. يقول أم فجر:

    صراحة عجيييييبة مدونتك أستمتع جداً انتي غير متابعتك من سلطنة عمان وادمنت حسابك إدمان ودائماً أنتظر جديدك??

  79. يقول مها:

    الله عليك يا أروى ??مبدعة ماشاءالله تبارك الله ?

  80. يقول Jasmin:

    الله يسعدك انتي طاقة ايجابية ماشاء الله عليك برافوو عليك استمري ??

  81. يقول بشائر المحمدي:

    يا الله يا آروى ما تعرفي قد ايش انتي ملهمة بشكل ما شاء الله

    تخلين الواحدة غصب تشتغل و بحماس كمان .

  82. يقول لين:

    بعيدا عن الإبداع..خاصة اني من متابعينك الدائمين

    قبل أسبوع لقيت الشخصية اللي موجودة بالآخر بويبتون…تذكرتك ?

  83. يقول rose:

    جدا جمييله احب روقانك وافكارك
    تغيرت افكاري كثير من بعد متابعتك وصرت احب التغيير
    واذا ماعرفت اغير بشي الجأ لمدونتك

  84. يقول سناء:

    ما شاء الله تبارك الله دايم ملهمة ، أنا فكرت أكتب بالطباشير تحذير و توعد للأشياء الخاصة بي بالثلاجة لاخواني عشان يخافون و لا ياكلون بدون اذني ?? كلن على همه سرى

  85. يقول عبير:

    ملهمه ?
    ملهمه?
    ملهمه ?
    احبك في الله ????????????????????????????????????

  86. يقول ReemA:

    تبارك الرحمن شخصيه نادره في هذا الوقت تبارك الرحمن
    كيف تقدرين ترتبين وقتك وانتي عندك طفلي تبارك الرحمن وترضعين
    تالا رضاعه طبعيه عندي طفل بعمر تالا ماعندي غيره تعبانه معه مو قادره
    اهتم لا في بيتي ولا في زوجي ولا في عمري بس لما شفتك الله يبارك بك
    حسيت بالحياءه والحيويه وتغير النفسيه انا طلعت من النفاس وانا كنت جدا مكتئبه لان طفلي عنده بعض المشاكل وانا بكر بس الحمد لله شهر عن شهر يفرق واصير احسن

  87. يقول ReemA:

    دعواتكم لي ولابني يارب اكون انسانه سنعه نفسك ????

  88. يقول ReemA:

    مبدعه ملهم الله يسعدك استمري

  89. يقول نجود:

    ماشاء الله تبارك الله
    الله يديم عليكي نعمه يااارب
    انتي تعديتي كونك طاقه إيجابيه
    الله يسعدك زي م انتي شي يجيب السعاده

  90. يقول تفاؤل:

    السلام عليكم… ليس لدي سناب ولا انستغرام.. لكن عن طريق قوقل ادخل حسابك في الانستغرام.. ولا اخفيك سرا انه هو افطاري الذي اتصبح به فلك مني جزيل الشكر والثناء والله ٱسال ان ينبت تالا نباتا حسنا ويقر عينك ببرها وصلاحها ويجعلنا وذاررينا مباركين اين ما كنا… لك سلامي ولوالدتك.. نعم المربي ونعم التربية..

  91. يقول منى:

    ماشالله ابداااع.. حبيت افيدك اني لقيت لاصق احد جهاته لاصق عادي والاخر مغناطيس وعلقت كل صور اولادي على ثلاجتي فيه وبصراحه حلو انه ما يترك اثر.. ربي يسعدك ويوفقك اروى

  92. يقول إيلاف:

    حلوة كثير بس تخيلت تكوني كاتبة عليها اشياء مختصة بالثلاجة اكثر
    يعني مثلا تكتبين عليها
    -قوانينك الخاصة بالمطبخ
    -تحضيرات الغداء
    -المقبلات الرئيسية في كل يوم (مثل السلطات)
    -الطعام الخاص بالاطفال
    – اذا كان احد افراد المنزل يتبع حميه يجب التذكير بها

    بالمختصر اي شي يتعلق بالمطبخ

    و بالنسبة للكلام اللي كتبتيه عن تالا حلو تحطي نفس الزق على صيدلية المنزل
    وتكتبيها

    الله يعطيكي الف عافية و حبيت الفكرة كثير ممكن اعملها بالمستقبل على باب غرفة اولادي

  93. يقول جميلة:

    زينك إنت والثلاجة ماشاء الله?

  94. يقول Skoon:

    ماشاءالله تبارك الرحمن عمل متقن وجميل أهنيك على الروقان والأعمال الملهمه هذي ^^ ,, اتمنى تسويين نفس النظام لتزيين مكتب الرسم او فكرة ديكور للمكتب مع الجدار الي خلفه <3

  95. يقول مريم:

    أروى كبف أطبع نفس الصور اللي طبعتيها للثلاجه حاولت افتح الروابط اللي حطيتيها بس مالقيت الصور …

    ويعطيج العافيه ع الابداع ^^”

  96. يقول Ghaidaa:

    الله يسعدك كم انتي انسانه جمييله جمييله جميييله ويشرفني انشرلك كل جديد لكل الناس اللي اعرفهم لانك مفيدة وملهمة وايجابية ماقدر اوصفلك كمية السعادة والطاقه الايجابيه اللي الاحظها واحسها مع كل بوست تنشريه. الله يزيدك ويحميكي ويرزقك اضعاف ماتتمني من الخير والسعادة والحب. استمري نحتاج لهذي الطاقه كثير في العالم
    احبببك في الله

  97. يقول شعاع:

    ياجمال وجمال افكارك ماشاءالله عليك .. حمستيني اجرب على ثلاجتي ..

  98. يقول نوال:

    ماشاء الله تبارك الله
    ابدعتي يارفيقه سلمت اناملك…
    اسال الله ان يوفقك ويسعدك دنيا واخره ?
    انتي انسانه جميله مبدعه راقيه ملهمه… ?
    زادك الله علماً وتوفيقا وحفظك الله بعينه اللي ما تنام…

  99. يقول سارة السالمي:

    أختي الغالية ماتتخيلي قد اش حساباتك تلهمني …
    من سنة عرفت حسابك وكل يوم أقول اليوم أدخل التدوينة وماجاء هاليوم إلا اليوم .. سعدت جدا فيه وبأفكاره .. أحب النباتات والزرع وكل مابديت خطوة افشل لكني مصرة أنجح بإذن اله بدي بنبات الظل هالفترة صارله اربع شهور ويارب أقدر أعتني فيه وأكبرها وأكثرها …
    شكرا لك ولحساباتك الملهمة ..

  100. يقول مها:

    ماشاءالله عليك افكار جميلة وعمل رائع ???

  101. يقول إسراء فوده:

    ماشاء الله تبارك الرحمن افكار جميلة غير معتادة.. انا ثلاجتي تلاجة وفريزر فوق بعض طلبت نفسك وسويت نفس الفكرة وزينتها بمغناطيسات اشتغلت ورود كروشيه والصقتها عليها وبالفعل اعطت حياة للمطبخ ..شكرا على افكارك الجميلة

  102. يقول Mayaz:

    تهبل ماشاءالله، احسك من الفضاء وحولك هالة لونها برتقالي ايجابي وشكلك زي الصور اللي بأعلى للمدونه ماشاءالله بس ?❤❤❤#الهام

  103. يقول Deena:

    جميلة جداً ماشاءالله مبدعه والله انه اقرأ التدوينه وأتحمس بأن أفعل مثلك حقيقة استمتع بحسابك الله يجزاك بالخير
    فكرت اعمل دي الفكره في دلاب الملابس لطفلي الصغير لانه الدلاب ابيض واريد انه اعمل فيه بعض التغيرات واعجبتني فكرته فهل التجليد حق الطباشير يوجد منه الوان اخرى مثل الازرق وانا شفته في امازون اسود فقط وبحجم معين لو انا ابغى لون تاني وحجم تاني كيف اطلبه ؟ شكراً لك

  104. يقول Jori:

    حبيت ماشششاء الله ، تذكرت ثلاجة شقتي لما كنت ادرس ب امريكا بدعت فيها ❤️❤️❤️

  105. يقول ام حمود:

    الله يجزاك خير أروئ تكفين ادعي لي تصير بنتي النتفه مثلك صالحه وتحب الخير

  106. يقول TooT.alharbi:

    ماشاء الله تبارك الله??
    جميل جداً.. وفعلاً اول ما ابتديتي بالشغل كنت متحمسه معك بالسناب..
    شغل متعوب عليه والنهايه كانت رائعه بكل المقاييس
    يختي أنتي سعاده و وجودك سعاده الله يسعد ايامك مثل ماتسعدينا وتفيدينا يا أحلى اروى?
    أسأل الله ان يحفظك ويزيدك من فضله ويسعدك ويحفظلك تالا وكل أحبابك يا رب .. منتظرين كل جديد منك وبشغف ثقي بذلك ?

  107. يقول سفانة:

    يحفظك الرب أروى بمجرد متابعتك تنساب بداخلي سعاده واريحية للنفس وللعين

    كوني بخير ?

  108. يقول سلمى:

    جميل جدا مبدعة يالبى قلبك

  109. يقول روعه:

    اروى حبيبتي بسويها بثلاجتي اللي الفريزن فوق والثلاجه تحت..ممكن تشوري عليا وين احط اللاصق الطبشوري في الفريزن او وين تكفين حبيبتي تفاعلي معاي تراي متحمسه اسويها مابغا يبرد عندي الحماس

  110. يقول Maya:

    ماشاءالله انتي رروعه?

  111. يقول Noxander41:

    جميله جدا وبطبق هل شي قريب ??

  112. يقول نجمة الزهراني:

    جداجداً جميله ماشاء الله ??

  113. يقول هاجر:

    ماشاء الله،الله يحفظك ويبارك لك ،ملهمة

  114. يقول ياسمين:

    السلام عليكم
    اروى لو سمحتي رول السبورة الطباشيرية مخلص من امازون هل فيه مكان اخر اقدر القاها فيه و تكون بنفس المقاسات لاني اللي احصله مقاس صغير .. شكرا

  115. يقول وجدان:

    ماشالله روووعة الله يديم عليك الافكار الخلاقة

  116. يقول وسن آلمطيري:

    م شاءالله جدآا جميلة و تفتح النفس ?? تسلم يدكك

  117. يقول حنان سيف:

    جمييييله جداااااا

  118. يقول حنان سيف:

    من زماااااان ادور على افكار لثلاجتي حتى مره رسلت لك على الانستقرام ما كنت اعرف انه عندك تدوينه
    دووووبني جديدددده على التدوينات الله يسعدك يارب

  119. يقول ريما:

    تسلم يدينك على هالابداع الله يهنيك يدوم

  120. يقول Faten majestic7:

    فكره جميلة جداً وفي وقتها، لما انفذها راح اشارككم الصور. شكراً اروى .. وسعيده بصداقتك. انا فعلاً فخوره فيك

  121. يقول fatoom:

    جميل ما شاء الله مبدعه
    جد جد مدونتك تحمس ?

  122. يقول fatoom:

    جميل ما شاء الله مبدعه
    جد جد تحمس ?

  123. يقول foof301:

    جميل ماشاء الله حبيت
    جد جد مدونتك تحمس??
    استمري موفقه …

  124. يقول yara:

    وش تكتبين في البحث في البرنامج حق الأفكار او الصور و طلعت لك الصور حقت الثلاجه ؟

  125. يقول Udi:

    ماشاءالله اتعب وانا أقول ابداااااااااااع

  126. يقول Afaf Alasker:

    انت جميلة… و كل ما تفعلينه جميل.. و ملهم ..

  127. يقول lama:

    جمييييييييييييييييييلللللللة

  128. يقول أم ألآء:

    تجننن حمستيني بمانو ثلاجتي بيضة وحبيت اغير دكيورها احسها مملة بالمطبخ يعطيك العافية

  129. يقول Lamia:

    اروى ننتظر موضوع تغيير مطبخك بفارغ الصبر ?

  130. يقول شواقه:

    روووووعه كلمه قليله في حقك صراحه ابدعتي وانا احب الافكار والاشغال اليدويه والحين زدتيني حماس الله يعطيك العافيه عالمجهود والافكار

  131. يقول ام جوري:

    روعه ماشاء الله?

  132. يقول فاطمه محمد:

    جداً مميزة ورايقه يسلم ابداعك ام تالا ❤️

  133. يقول Omlona:

    جمييييييل جدا اروى انتي انسانة مبدعة بكل ماتعنيه الكلمة
    ما شاء الله عليك
    نفسي اوصل نفس ابداعك يا سميتي??

  134. يقول نووره الغامدي:

    ي ربي قد ايش انيقه هالاااروى ??يمه تهبل قسما تحمس من الوصف الى الترتيب الى الذوق ي رب يقويك تبببببارك الرحمن متابعتك في سناب حابه كل تفاصيلك موفقه ?

  135. يقول Ghaida:

    حمستيني لكن امي بتصفقني ادري اذا تزوجت بسويها?

  136. يقول Najat Albarakati:

    ودي أعرف وش اسم ونوع البويه اللي استخدمتيها لدواليب المطبخ؟ افكر اجدد المطبخ 🙂

  137. يقول Haifa:

    مره جميله شكراً لنصائحك?

  138. يقول منال الفايز:

    ابدعتي ماشاء الله

  139. يقول منال الفايز:

    ابدعتي ماشاءالله

  140. يقول snds:

    ربي يسعدك ماشاءالله مببدعه??

  141. يقول mariam:

    فكككره اكثر من رائعة ??? ننتظر جديدك✨

  142. يقول اسماء:

    جميله الثلاجه جدا….تسلم يدينك

  143. يقول نوران:

    جميله يا اروى افكارك رائع?

  144. يقول نوف عبدالعزيز:

    غاليتي اروى
    السلام عليكم ورحمة الله
    لدي سؤال
    هل لو استبدلت طريقتك بالورق
    وطبعته بورق عادي ثم سويت للورق ساكنر ولصقتها على ثلاجتي
    هل تضبط ؟

  145. يقول نوف عبدالعزيز:

    بانتظارك ياحلوه

  146. يقول hyolh_ibrahim:

    ماشاء الله تبارك الله ’ أتكلم عن اسلوبك ولا اخلاقك و لا الاناقه والترتيب , تسلم الايادي و فكرة جميلة محفزة , الله يبارك لك و يسخر لك ..

  147. يقول ام تميم:

    ياربي خقيت ع الفكره *-*
    الحين اقعد احووس بثلااجتي 🙂
    يسلم ابداعك ، من زمان عن اشخاص مبتكرين كذا

  148. يقول rahaf ibrahim:

    عيني عليك بارده مبدعه كعادتك ?❤

  149. يقول المليحة:

    أروى ياأروى الحبيبة , من أكثر النّاس الملهمة لي والشخصيّة المقرّبة من القلب هي أنت , استمرّي في إبداعاتك اللطيفة وغذّي بصرنا بجمالها – حفظك ربي من كلّ سوء –

  150. يقول فضاء:

    بديعة ما شاء الله تبارك الله و تسر النظر.

  151. يقول رناد نعيم:

    مرحباً أروى
    مجهود رائع الله يعطيك العافية، متشوقة لفيديو / تدوينة عن تجديدك لمطبخك (صبغ، تركيب ورق جدران)
    شكراً

  152. يقول أم حسان:

    ربي يسعدك ويجزاك خير ماقصرتي ياجميله ..
    ابي احاكي شغلك بما يتناسب مع ثلاجتي لكن عندي استفسار بخصوص الورق
    1-هل اقدر امسحه يعني مثل ما امسح الثلاجه من برا يتحمل ؟؟
    2-انا ثلاجتي تسخن من الجوانب تصير حاره له تعتقدين انه يتحمل نوعية اللصق اللي استخدمتيه ؟؟
    جزيتي خيرا ياحبيبه .

  153. يقول Renad A.:

    السلام عليكم

    سعيدة جدًا بانضمامي ..

    الفكرة مبتكرة ورائعة إلى أبعد حد، أحببت فكرة تجليد الطباشير لقابليته للمسح وإعادة الاستخدام، كما أن لونه الأسود أضفى رونقًا من الفخامة والجاذبية. أحببت أيضًا فكرة عمل نصف الثلاجة تجليد طباشيري والنصف الآخر بصور الطعام الملونة، لإضفائه تناغمًا بين الألوان وكما نسميه “كسر” للون الأسود.

    ولكن، ألا تعتقدين أن هذا التجليد أو الصور ستتفكك من مكانها، أو أن “تتحكحك”، أو أن تتسخ في يوم ما وعلى مضي السنين؟
    إذا كان ذلك صحيحًا، فأتمنى أن نجد حلًا لهذا.

    شكرًا لجهودك يا جميلة، وأتنمى لك يومًا ملونًا 🙂

  154. يقول اروى:

    مبدعه كالعاده?وعندي استفسار هل يثبت التجليد هذا عالجدار او لازم سطح املس نفس الثلاجه ؟؟

  155. يقول رهف:

    ما شاء الله منظرها يجيب السعاده ?❤️
    ما شاء الله ايش تخصصك؟

  156. يقول fato0omi:

    ماشالله عليج لمساتج ابداع في كل شي تحطين ايدج فيه

  157. يقول Alhoushan:

    الله الله بقوم ازّين ثلاجتنا من الحماس ????

  158. يقول Jana:

    فكره جميله جداً جداً الله يسعدك??

  159. يقول عائشه القرني:

    ماشاء الله

  160. يقول Sumayah:

    جميله جدا تحمست اغير في مطبخنا ?❤️❤️جمالك ياربي

  161. يقول فوفو:

    اوووه يالله لاول مرره قاعده استمتع وانا اقرا تدوينة والافكار جداً ملهمه وتجيب السعاده من اول نظره .. اهنيك على ابداعك اللطيف ??

  162. يقول جواهر:

    مبددددعه الله لايضرك ويكفيك شر الحساد

  163. يقول Sahar:

    روووووووووعه و جميله

  164. يقول Amal Özcelik:

    رااااااائع بكل معنى الكلمة سعيده بتواجدي في عذا تطبيق الجميل

  165. يقول اماني:

    الله يسعدك أروى بسألك قلتي بتجمعي صور اللي جمعتيها بملف مالقيته

  166. يقول Azhar:

    ما شاء الله جميل جداً ورائع وممتع ????

  167. يقول Hanan✨:

    انطلاقه خير وعقبال الgoogle play..

  168. يقول امنـــــة ?.:

    كييييوتتت ماراااهههه ماشاء اللهه ??.

  169. يقول نهـاوي ?:

    مممرا رايقه وجمييله ? شكرا لك ??

  170. يقول Fatimah:

    مبدعة بِسْم الله عليك

  171. يقول Rore ?:

    شكلها ومنظرها جميل جداً ??

  172. يقول صفية عبدالله:

    حلوة عجيب ماشاءالله ??

  173. يقول رغد:

    جميل ما قصرررتي ❤️

  174. يقول منو:

    ماشاءالله روعه وجميله وفعلا احسها صارت سعيده بشكلهاالجميييييل

  175. يقول ربى:

    جججممممييل جدا وافكارك مببدعه بالتوفيق ومنها للاعلى يارب?

  176. يقول لي______ان ? Liyan@??:

    الفكرهه تجننن ?? حبيتها الصراحه? بس الصوره ما يصير لها شىء ولا

  177. يقول Muzna:

    مبدعه بجد ?? استمتعت و انا اشوف الخطوات??

  178. يقول Jojo:

    الحمدلله أني عرفت هالحساب الجميل والاجمل منه صاحبة الحساب اروى

  179. يقول ام نونه:

    جميله ماشاء الله اهنيك على ابداعك ?❤️استمري

  180. يقول ندوش:

    ياسلام عليك بجد مبدعه

  181. يقول مريم:

    تحمست اسوي بثلاجتنا كذا ??

  182. يقول مريم الشمري:

    يا ربي يااااا زيينج???

  183. يقول مريم الشمري:

    يااا ربي ي اروى ياااا زييينج????

  184. يقول Tofe:

    مبدعةة دائما يا جميلة ❤️❤️❤️

  185. يقول Amerah:

    مبدعه ماشاءالله تبارك الرحمن??تحمست اقوم ازبرق ثلاجتي الباهته??

  186. يقول سماسم:

    مبددددعه جاا ماشااء الله عليك

  187. يقول ندى:

    ماشاء الله جدا جميله مبدعه ???☺

  188. يقول Tmsa.:

    مبدعععة ماشاءالله ❤️

  189. يقول مون سعد:

    ابداع ماشاء الله

  190. يقول oh_za:

    مرا جميله ماشاء الله

  191. يقول Manal:

    مبدعه ماشاء الله تبارك الله
    زادت من جمال المكان ❤️

  192. يقول N?:

    ماشاءالله ذووق الله يسعدك يارب

  193. يقول Sarah:

    الله مبدعه يا اروى دائماً تبهرينا ???????

  194. يقول Haneen salem:

    ماشاءالله مره تغيرت وصارت تجنن ?❤️
    ابي اصبغ ثلاجتي سلفر وش تأيدون سبري او بويه ؟!
    انا خايفه السبري يخطط ومايصير مراب مره ودي احد يشاركني برايه ???

  195. يقول هدى:

    السلام عليكم كيفك اروى ..جدا سعيده بهالتطبيق الجميل..ماشاء الله الله يبارك لنا ولك..انا انسانه ماحبيت السناب ولا هضمته والحمدلله وجدت سناباتك هنا ..شكرا أروى على كل شيء جميل قدمتيه لنا…

  196. يقول noen:

    تجنننن .. تسلم يدياتك تحمممست جدآ .. إن شاءالله يوم من الأيام أصور لك ثلاجتي بعد مالبسها فستانها الجميل .

  197. يقول جميله:

    مبدعه للأخر ماشاء الله ❤️❤️❤️❤️❤️❤️❤️

  198. يقول Saronah:

    جميييلة مرره الفكره ?❤️❤️
    ماشاءالله ماشاءالله افكاررك ??
    ففووق الخيااال ?✨?

  199. يقول Danya:

    اروى لو سمحتي كيف حولتي مطبخك طيب اول كان لون رخام المطبخ غامق ع بني ! ما بلقى شي يخص دا الشي !

  200. يقول جيمي?:

    مشششاءالله عليكي الله يسععدكك???

  201. يقول aya:

    الفكرة حلوه واعطت الثلاجه شكل جذاب

  202. يقول Malak:

    مدونتك كنز اللهم بارك
    الله يعطيك العافيه

  203. يقول حسناء:

    ماشاء الله مبدعه

  204. يقول يافعيه:

    حبييييت ?✌? وجاري التجديد يعطيكي العاااافيه ???

  205. يقول Ghada:

    أروى الجميلة حمستيني أزين ثلاجتي ? شكرًا لك ❤

  206. يقول Sara♥️:

    اروى الجميله انا عندي زي ثلاجتك بالضبط بس ما نشرب من المويه اللي فيها لاني صراحةً ما اعرف مصدرها؛) من فين تجي المويه؟ ثاني شي الثلج اللي بالفريزر متجمد و احسه مو نظيف كيف انظفه ؟

  207. يقول اماني:

    السلام عليكم
    اروى كيف طبعتيها حاولت في برنامج بنترست مافي طباعه انقلها لملف وورد

  208. يقول ?wasan:

    المنظمات تلاقونها في جولي شيك وتيجي ملونة انا شريت منها الثلاجة صارت مرتبة وانشاء الله ازين الثلاجة قريب جدا

  209. يقول jiji:

    مره حلوه ومفيدة ❤️❤️

  210. يقول idor2:

    استمتعت وانا اقرا ماشاءالله كل شي يفتح النفس ومرتب ??❤️❤️

  211. يقول angel:

    الصور ما تطلع بهذي التدوينه 🙁

  212. يقول نور:

    مبدعه وهذا شي ماهو غريب عليك ماشاءالله

  213. يقول Bashaer saeed:

    فكره مجنونه وفنانه مشاءالله عليكي ???اعشق فكره تحويل المطبخ لركن مجنون

  214. يقول Bn-roos:

    خرافة انتي خرافة ❤️❤️❤️❤️❤️❤️ماشاء الله تبارك الله

  215. يقول مونيره:

    ابي نوع الطابعه حبيبتي ??

  216. يقول مريم:

    تتوقعون احصل هالتجليدة في مكتبة جرير!

  217. يقول نورا??‍?:

    حبيتتتها من يوم تسوينها وتنزلين خطواتها بسناب ججـــميله
    وانتي انسانه مبدعه ماشاء الله ❤️❤️❤️

  218. يقول زينب:

    جزاج الله خير فعلا مدونه رائعه جدا ومنكم نستفيد الله يوفقج ويحفظج

  219. يقول DEDOO 5001:

    مبدعة جدا اروى ، الهمتني هذي الصور كثير وكنت انتظر متى بس اخلص اختبارات واطبق الفكرة وابشرك اخيرا طبقتها على ركن الكوفي وانتقل من جيل الكآبه الى جيل السعاده

  220. يقول أم رزان ?:

    أهنيك على طولة بالك وسماحة زوجك الله يزيدكم ماقال بلاش حوسه وتخريب للأثاث وانتي ماتحبطمتي وبس بحثتي عن الحل وفعلتي وأحسنتي?

  221. يقول ريم (أم سارهـ):

    ماشاء الله مبدعه يا ام تالا

  222. يقول جوري:

    يسعدك ربي ع الافكار الرااايقه مثلك
    من وين اجيب الصور دي

  223. يقول NOUF:

    مره كيييييوت انتي طاقه ايجابيه ❤️

  224. يقول سـارا:

    روعه روعه كعادتك مبدعه ومميزة

  225. يقول Lila ?:

    ماشاء الله دائماً مبدعه الله يوفقك واستمري ?

  226. يقول May majeed:

    شكرآ انك موجوده في حياتنا

  227. يقول تغريد الرشيدي:

    ماشاءلله مرا جميل ربي يوفقك ويرزقك ، لو سمحتي انتي قلتي راح تتكلمي عن كيف غيرتي المطبخ من اللون البني تلي الابيض وكيف غيريته تغير جذري ?أتمنى تتكلمين عن هذا الموضوع في وقت قريب لاني فعلا محتاجه طريقه في التغير ❤️?

  228. يقول وعد:

    مررررررة جميل ???❤️

  229. يقول LOLO:

    مررررة جميلة يا اروى افكارك رائعة

  230. يقول Budoor:

    حبيت فكره تنظيمك من أ إلى ي وبفكر انو اشتريها لمن اعمل لمشروعي ككروت للبوكسات وبكلمات المناسبه لكن ابغا اسالك بكم الاله

  231. يقول لينا:

    مبددددددددعههههه وقسمممم مبدعهههه ???????اتعب وانا اقولها اخ بس

  232. يقول عبير القحطاني:

    ??❤️مبدعه

  233. يقول منار:

    ماشاءالله عليك انت انسانه مُلهِمه ?❤️❤️❤️

  234. يقول إيلاف:

    مررررررررررررة رهييييبة??????❤️???????????

  235. يقول مريم:

    انتِ باختصار مُلهمة .

  236. يقول Maryam:

    جججمميمل ماشاء الله????

  237. يقول Somy:

    جميلة الجميلات وملهمة الملهمات ?❤️

  238. يقول لوزه:

    انتي انسانة جميله ورائعه ونعمة على الارض ❤️ الله يحفظك ويسعدك دايم ?

  239. يقول Rerepumpkinpie:

    روعه جميل بيرفكت مذهل كل شي حلو ممكن ينقال لم يا مبدعه جاري التطبيق

  240. يقول Meme:

    جميلهه مرهه فكرتك أروى الله يسعدكك يامبدعه ??.

  241. يقول ليلى محمود:

    روعه ياعسسل يسلمو الأيادي

  242. يقول بُثينة:

    مُلهمه دائماً اروى❤️

  243. يقول ليلى:

    ماشاءالله جميله الفكره وموغريب عليكي التجديد ربي يحفظك

  244. يقول Soheer:

    مبدعه وملهمه ربي يباركلك في شبابك

  245. يقول انغام?:

    شغلك جميل ويفتح النفس?

  246. يقول خلودد:

    ماشاء الله جميل مره

  247. يقول رباب:

    من اجمل الأفكار اللي شفتها عن الثلاجات وان شاء الله أبدا انشر السعاده في ثلاجتي ?? حابه تتكلمين عن شغله المكان الفارغ مثلا انا عندي فراغ بسيط بين الفرن و الدولاب و فيه فراغ اكبر بين الثلاجة و الدولاب العلوي ايش تقترحين علي افكار عشان أجملها وأكون شاكره جدا لك يا انيقه ?

  248. يقول ام ريتال:

    ماشاءالله ،،جمميل جداً?

  249. يقول Fedaa:

    اروى متى تنزلين تدوينة موضوع الطابعة تكفين?

  250. يقول هتون:

    السلام عليكم اروى انا من مكة 🇸🇦الفكرة مررررررررررررة حلللوة ❤️🌹💕💕

  251. يقول خدودي الراجحي:

    مبددددعه الله يوفقك ويسعدك ❤❤❤

  252. يقول ام عمر:

    اروى الراااااااائعة ، رزقك الله السعادة في الدارين

  253. يقول Hayamohammed:

    بجد تحمست اسوى كذا يعطيك الف عافيه

  254. يقول ام تركي:

    ابدااااع من التميييز🌼🌼 … اروى انسانه في قمه الابداع والتفوق😍😍🌹🌹🌹

  255. يقول بشاير:

    تجننن خاطري اسويها بس مطبخي مفتوح ع الصاله تتوقعون يخرب مظهرها ؟
    مبدعه دايماً اروى 🌸

  256. يقول Arwa:

    روووعة رووعة حمستيني ازين ثلاجتي 😍😍

  257. يقول كوثر:

    الله يعطيك العافية جمييله الفكرة

  258. يقول سُندس🌼💕.:

    آهخ يا أروى كم أحُبِك و أحُب أبداعك ماشاء الله!🤩✨💕
    جميلة جدًا الثلاجة و كل أفكارك جميلة جدًا مثل صاحبتها ، الله يسعدك و يزيدك إبداع و جمال💕

  259. يقول Heba Ezzat:

    جميله ماشاءالله بس فين الصور ممكن تنزيلها جاهزه على الطباعه

  260. يقول ندى:

    فعلا مبدعة ماشاء الله عليك ..بالتوفيق والسعادة حبيبتي 😘

  261. يقول صباح:

    روووووعه وباذن الله اجربها

  262. يقول Amon0707996:

    مبدعه ماشاءالله

  263. يقول سماح جمال:

    الله يسعدك دنيا و آخرة… انا عندي الفرن لونه ابيض و قديم و دهانه الأبيض متقشر و حاولت اصبغه ابيض يبان مو مرتب ما ادري ليه… هل في فكرة جميلة شوري علي لو سمحتي عزيزتي

  264. يقول تغريد:

    تبارك الرحمن .. معجبه جداً بك .. بروحك وذوقك وفنك وهدوءك وعطائك ..
    بالرغم اني اكبر منك بسنوات الاّ أني اتمنى ان اكون مثلك
    فأنتي مهلمه
    مستمتعه جداً معك بتفاصيل يومك وحياتك 💞
    دمتي بخير

  265. يقول زهراء الهويدي:

    روحك الحلوة وأفكارك الرائعة وجمالك الداخلي منعكس بقوة وبوضوح على كلماتك وأعمالك ،، ربي يحفظك ويسعدك ويوفق لك 💕

  266. يقول Noha:

    انبهر يوم عن يوم ب افكارك اهنيك ما شاء الله

  267. يقول e.f:

    الثلاجة من أي شركة من فضلك ؟

  268. يقول امل:

    فين الاقي ملف الصور نفس الصور اللي طبعتيها ؟

  269. يقول ام يارا:

    ماشاءالله جدآ جميييله الله يعطيك الصحه والعافيه

  270. يقول شمائل:

    انتي رائعه حفظك الله

  271. يقول ربى🚀🌷:

    روعه ماشاء. الله👍🏼كما أقول جميله بجمال الأرنب🐇🌸

  272. يقول رحاب:

    يازينك بس 💕 أنا تأثرت كنها ثلاجتي 💕🌺

  273. يقول Haya mohammed85:

    ساعدتني كثير هالفكره طبقتها بيتي

  274. يقول نينة:

    روعه الفكره السبورة الطبشوريه / من وين اشتريتيه بأمريكا ؟ وايش اسمه الرول الأسود الاصق.

  275. يقول Manal:

    ياجمالها تبارك الله صدق ابتسمت لاارادي يوم شفتها

  276. يقول ساره:

    جميل الإستماع لنصائح أروى 💓 إذا ممكن تتكلمي عن مطابخ ايكيا من خلال تجربتك
    واللي تعرفيه..

  277. يقول فطوم:

    اروى انتي انسانه ملهمة ومبدعه وصاحبه افكار خلابه جذابه اتمنى لو تسوين هالاشياء في مشروع تخدمين مجتمعك فيه استمري بالاباع والتميز

  278. يقول أسماء آل شريم:

    ماشاء الله تبارك الله ❤️

  279. يقول منيرة:

    السلام عليك ورحمة الله و بركاته.
    كيف حالك ؟ .جزاك الله خير .. يا أروى على الإفادة و مساعدة الناس و سبحان الله الإحسان إلى الخلق خالصا لله ليس رياء و سمعة و ليس لأجل كسب ثناءهم عمل جليل.
    أروى الغالية لكن نصيحة بتجنب صور ذوات الأرواح المحرمة . قال رسول الله صلى الله عليه و سلم:”كل مصور في النار”.
    و الحرص على عدم صور يدك ..اتق الله يا غالية ..
    أنت ماشاء الله مشهورة يا أروى .. فهل هي الشهرة لك أم عليك؟ أختي الغالية أترك الإجابة لك.
    و تذكري يا غالية يا اروى.. أن السفر لدول الشرك لا يجوز إلا بشروط.
    نصيحة من أخت تحب لك خير يا أروى الحذر من الدعاية للإقامة بدول الكفر .. من حيث لا تعلمين …. وفقك الله.
    هل ترغبين بجر آلاف السيئات لك أم الحسنات ؟.
    كم واحدة من متابعاتك أحبت لو تقيم في دولة الشرك لأجل صورة صورتيها أو كلام قلتيه و نسيتيه ؟.
    هل هذا الشيء يرضيك ؟.
    {ما يلفظ من قول إلا لديه رقيب عتيد }.
    فاتق الله!!
    وفقك الله.

  280. يقول منيرة:

    كذلك الله يسعدك توحد إعلانات مخالفة تظهر في المدونة.

اترك رداً على Heba Ezzat إلغاء الرد


أضف تعليق عبر الفيسبوك: