التجهيز للبيبي الأول ، شنطة المستشفى، النفاس ،وأشياء أخرى

أهلا  بكل الأمهات اللطيفات

اليوم بأحكي لكم عن احتياجت المواليد اول ثلاثة أشهر..

(تحديث : كتبت موضوع جديد عن احتياجات المواليد أشمل من هذا الموضوع أتمنى زيارته على هذا الرابط)

كثيير جاني سؤال خصوصا من المبتعثات ايش نحتاج وايش اخذتي معك للمستشفى وكيف النفاس بدون أهل وإلى اخره

فقررت اكتب الي جربته ونفعني.(من التجهيز للولاده للنفاس)

قبل كل شي مبروك مقدما وانبسطي بكل اللحظات ولا تشيلين همها بزياده لانها لحظات وتصير ذكرى مرت وانتهت..

التجهيز للبيبي الأول ، شنطة المستشفى، النفاس ،وأشياء أخرى

أولا احتياجات المواليد:

بأكتفي فقط بالأساسيات اما الاشياء الي تعتبر ثانويه باستغني عنها لاني وقت ولادتي كنت على وشك نقل بيت فما اشتريت الا الضروري جدا..

الطفل يحتاج (أكل/نوم/نظافة/دفء) فقط.

١-الأكل/ اشتريت ١-حليب بودره و ٢-مجموعة رضاعات  مقاسين . واخذت للرضاعات منظف الي يكون طويل يدخل فيها..

٣-ومصاصة مركب عليها لعبه (المصاصة اخذت الي معها دميه لانه كان يطلع المصاصه العاديه وتطيح من فمه بينما الي فيها دميه تكون

مستلقيه على صدره ولو طلع المصاصه من فمه ماتطيح يقدر يرجع ياخذها بنفسه..عموما بعد الشهر الرابع معد حب ريان المصاصات الا نادرا جدا..

التجهيز للبيبي الأول ، شنطة المستشفى، النفاس ،وأشياء أخرى

٤-اخذت مخدة الترضيع الي تساعدني اسند البيبي عليها عشان ماتتعب يدي وريحتني. ( وبعد كم شهر صرت اسند ريوني عليها وقت ماكان يتعلم الجلوس) هنا تحصلونها

التجهيز للبيبي الأول ، شنطة المستشفى، النفاس ،وأشياء أخرى

واخذت كريم خاص احطه علي بعد الرضاعة مهم اول شهر. اهم شي يكون من النوع الي مايحتاج مسح بحيث يكون امن للبيبي بعد الاستخدام.. هذا الي استخدمته

٢-النوم/ سرير صغير  واسمه في امريكا bassinet.. اخذت واحد بكفرات بحيث انقله وين ما ابي ..ما اشتريت الكبير crib لانه يستخدم بعد الشهور الاولى وانا كنت بانقل..

التجهيز للبيبي الأول ، شنطة المستشفى، النفاس ،وأشياء أخرى

.. مانحتاج اي نوع من المخدات للاطفال قالوا خطأ مخدات لأنها ممكن تخنق البيبي..

٣-النظافة

التجهيز للبيبي الأول ، شنطة المستشفى، النفاس ،وأشياء أخرى

مهم جدا بانيو صغير مخصص للاطفال اخذت واحد يجي معه قطعة قماش تصلح له اول شهر تمسكه، اذا في احد يمسكه لك مايحتاج القطعه هذي.. وهذا هو

شامبو شعر وجسم وحفاضات اصغر مقاس و مسحات الحفاضات و بودرة وكريم لو جاه احمر من الحفاضة..

نحتاج فوط صغيرة مفيده في كل شي وكل المراحل..(المسحات الطبيه غالبا المستشفى يوفرونها بس اذا ماصار ممكن تشترين مجموعه عشان الحبل السري)

انا حطيت لي طاوله في الحمام وفوقها اسفنجة المخصصة للتغيير الحفاضات وحطيت جنبها سله فيها حفاضات ومسحات و كل شي متعلق بالنظافه

لان بعد الولاده بيكون صعب تروحين كل مكان تجيبين الاغراض وصعبه ع السرير لانه ممكن يوسخه،

بس الي مرتاحين لطريقة ثانيه عادي اهم شي الواحد يكوّن الجو المريح له ويحط في باله انه بيكون في حاله الانسان المريض بعد الولاده..

٤-الدفء/(الملابس)

التجهيز للبيبي الأول ، شنطة المستشفى، النفاس ،وأشياء أخرى

مهم تكون ١٠٠٪ قطن ، ابعدي عن الملابس المزركشه والي اقمشتها تضايق وركزي على الراحة في هالمرحلة..

انصح تاخذون اغلب القطع الداخليه بيضا ساده وانصحكم بالابيض لان الاطفال بعض انواع الحفاضات ماتناسبهم

وبالتالي ممكن تطلع بعض الفضلات برا على الملابس وفيها لون مره قوي مايروح بسهوله فلو كان ابيض نسوي له بليتش ويروح اما باقي الالوان مانقدر

وحصلت لي رميت كم قطعه بعد ماكبر عليها لانd ما ابي احتفظ فيها وهي مبقعه..

وفي البدايه راح يلبس داخلي بس عشان مريح لك وله /ويكون مقاس ٠-٣ مو المقاس الاصغر لان الاصغر كلها كم اسبوع ويكبر عليها وبعض المواليد اصلا ماتقد لهم..

بس ممكن تاخذين موجموعه وحده من المقاس الصغير.. انا خذت قطعتين او ثلاث لبس حلو ومقاسه نيو بورن عشان انبسط فيه اول شهر..

المهم مقاس ٠-٣ يكون التركيز على الملابس الخفيفه العمليه حقت البيت..

-يحتاج قبعة وقفازات والقبعه لازم تكون طويله تغطي الاذن مثل حقت المستشفى.

-اخذت مهادات خفيفة وثقيلة عشان حسب الجو..

_____

انتهت اغراضه المنزلية باقي بس طبعا العربية والكار سيت ..

لاننا نسافر كثير اخذت شي اسمه (نظام السفر) مره مريح الكارسيت ممكن يتركب على العربية مباشرة ،

تكون ثلاث قطع ١-العربية ٢-الكارسيت ٣-حامل الكارسيت..

طبعا العربيه لها استخدامين ممكن نركب فيها مقعد الكارسيت بحيث مانشيل الطفل من السياره للعربيه، نشيل المقعد بكبره وهذا مره مريح مع المواليد ويكون ملموم في العربيه، مثل هالصورة :

التجهيز للبيبي الأول ، شنطة المستشفى، النفاس ،وأشياء أخرى

واذا كبر على هالجلاسه، العربيه معها قطعه عاديه تكون مثل العربيات الطبيعيه للكبار.. بديت استخدمها لمن صار يجلس معد يبي ينسدح في الكار سيت فصرنا ننقله من الكارسيت للعربيه، احس الي ماجرب ماراح يفهم بس هذا اسمها اخذتها من امازون britax travel system

_______

هذي للبيبي ، اما لي انا / اخذت توب مررره مريح (شبيه بهذا) يكون مشبوكه فيه البرا بحيث مايحتاج تلبسين قطعتين

اخذتها من تارقت وموجوده في محلات الحوامل انصح بها جدا ، عشت عليها في اول ما ولدت وممكن ينلبس فوقها تيشيرت لو حابه تغيير عن الالوان..

اخذت لي عموما مجموعه ملابس وبجامات جديده تصلح للترضيع بس مو من قسم الحوامل لانها اشكالها مو حلوه اخذت شورتات عاديه و تيشيرتات فيها ازرار عشان الترضيع

(كان الجو حر هالفتره لو كان برد يفترض بجامات دافيه او الي يريحك) بس مره كانت نفسيتي تصير حلوه اذا تروشت ولبست جديد..

احتجت بعد دوائر قطنيه تحمي الملابس من الحليب المتسرب .. وتعرفون الاغراض الصحيه ماله داعي اتطرق لها المستشفى بيقولون لك كل شي تحتاجينه بعد الولاده..

هذا كله الاحتياجات العامه ..

__________

شنطة المستشفى

التجهيز للبيبي الأول ، شنطة المستشفى، النفاس ،وأشياء أخرى

*بالنسبة للي يسألون ايش ناخذ في المستشفى معنا، اول شي اسألوا المستشفى ايش راح يوفرون

مثلا هل متوفره الحفاضات والمسحات وغيرها والا لازم تاخذين معك، المستشفى الي رحت له يوفر كل شي

بس اخذت لبسين احتياط ولبس واحد مرتب عشان اصوره ثاني يوم اذا طلعنا واخذت مهاد و بطانيه عشان مايبرد برا ،

والباقي اغراض لي انا طبعا الاشياء الصحيه كلها هم موفرينها انا بس اخذت مخدات اضافيه جدا مهم لان مخدات المستشفيات مو دايم حلوه ،

واخذت شرابات لوقت الولاده وشرابات بعد الولاده وشبشب بيت مايخرب لو توسخ من شي و قميصين مرتبات واخذت بجامه قصيره..

شي مهم ناخذ علبة مويه لانهم احيانا يجيبون في كاس مو حلو بالنسبه لي كل شوي اطلبهم مويه فاخذت مطارتي الخاصه..

اما للمرافق بتحتاجين تقولين له ياخذ لبس ثاني لو ابدا ماراح يفارقك واخذت علبة سناكات له عباره عن معمول وتمر وحلويات وشوكولاتات وكذا

لانه ممنوع علي اكل شي بس هو راح يجوع..واخذت كاميرا طبعا عشان نصور اللحظات المميزة وشاحن الجوال والايباد وسماعات لي عشان اسمع قرآن فتره انتظار الولادة..

(الدفتر كتبت فيه الاشياء الي ما اقدر ادخلها الشنطة من بدري لاني باحتاجها مثل الشواحن ماتدخل الا في اللحظة الأخيرة .. فكتبتها عشان ما انساها.

وهذي صورة غرفتي في المستشفى << خشيت جو مع الموضوع

التجهيز للبيبي الأول ، شنطة المستشفى، النفاس ،وأشياء أخرى

_______

فترة النفاس

(انصحك توظفين احد يساعد) لكن اذا ماتوفر مساعده الا من زوجك مثل حالتي انصحك تسوين التالي،

من الناحية النفسية

حلو تهيئين الجو لك انه يكون سعيد وجميل لانه بعد الولاده ممكن يحصل اكتئاب خصوصا مع الوحده وبدون زيارات واول مولود (جالة المبتعثات).. بالنسبة لي غيرت ديكور دوره المياه

جبت فرشات جديده وشموع وحطيت رفوف فوق التويلت تساعد على الحصول على الاشياء بسهوله لأن هالفترة باحتاج علاجات واشياء تساعد على الشفاء بعد الولادة فحلو تكون قريبة..

و حطيت نباتات صناعيه في المكان وطاوله تغيير للبيبي ، وكانت دورة المياه فيها لمبات بيضا مره ما احبها فحطيت ابجوره عشان احس بالهدوء والجمال في المكان الي باقضي فيه وقت لابأس به لي وللبيبي ..

التجهيز للبيبي الأول ، شنطة المستشفى، النفاس ،وأشياء أخرى

كل هالاشياء لدورة المياة ،، بالنسبه للغرفه نقلت بعض اشجار البيت لداخل الغرفه تعطيها شكل جديد وغيرت المفرش ونظفت الغرفه زين..

وباقي البيت صلحت مطبخي وحطيت فيه صور عشان اتذكر الايام الحلوه وانسى التعب (الموضوع في هالرابط)..

التجهيز للبيبي الأول ، شنطة المستشفى، النفاس ،وأشياء أخرى

يعني باختصار شديد خلي محيطك شي يسعدك وشي مريح لنفسيتك

مو لازم تشترين جديد او تغيرين شي بس هذا الي أنا حبيت أسويه ، إذا فيه حركات ثانية تسعدك ولا تحتاج تكلفة خير وبركة..

من ناحية الأكل

طبعا كثير نعتمد على المطاعم الصحيه مثل ان اند اوت / تشيبوتلي/ مطاعم عربية،

لكن قبل الولاده سويت لي كم شي وفرزنتهم مثل شوربة العدس وبعض الاكلات الي تكون صعبه التحضير لكن باشتهيها..((تمنيت اني فرزنت كميات اكبر))

واعتمدنا كثير على الوجبات الي ماتحتاج شغل مجرد تدخل الفرن مثل الدجاج و كرات اللحم الجاهزة وغيرها من قسم الفريزر بس اهم شي تكون اورقانك وصحيه..

واعتمدت بعد على الخضار اشترينا كثير من الاشياء الي ماتحتاج تقطيع يعني بس يغسلها زوجي ويجيبها مثل بيبي جزر وبيبي فلفل رومي والطماطم الصغار والخس وهكذا..

التجهيز للبيبي الأول ، شنطة المستشفى، النفاس ،وأشياء أخرى

وحطيت كرتون زبادي صغار في الثلاجة واشتريت كورنفليكس من النوع المساعد على الهضم عشان نتفادى اي مشاكل هضمية هالفتره..

 واحتجت يكون جنب السرير علبه سناكات او وجبات خفيفة حطيت فيها معمول و علبه تمر وسناك بار عباره عن فايبر وبروتين ومكسرات جدا جميل وتسد الجوع في نص الليل او بين الوجبات..

وطبعا علبه المويه جنبي مليانه طوال الوقت.. بالنسبه لي كنت اصحى نص الليل اكل واصحى الفجر اكل واذا صحى زوجي الساعه ٨ تقريبا يصلح فطور يحتوي على بيض لانه مفيد لهالفتره..

وطبعا لاتنسين فيتاميناتك .. الأكل جددددددا مهم فلا تتساهلين في الموضوع وتهملين نفسك لانه خصوصا اذا كنت بترضعين بتفقدين كثير من طاقتك وتحتاجين تعويض عن الي يروح..

~~~~~~~~

نصائح متفرقة

١-النوم ممكن اول شهرين مايتعدا ٣ ساعات يوميا في الليل فانصح تنامين اذا نام البيبي اي وقت لو تقدرين..

٢-لا تنتظرين حياتك ترجع زي اول من بدايه ولادتك، تخيلي انك متبرعه لهالانسان الجديد بكم شهر من حياتك مخصصه له فقط عشان تعلمينه على هالدنيا،

لازم تحطين فبالك انه يستحق هالتعب وانه كم شهر لا شيء بالنسبه لطفل مولود..

٣-كل انسان يختلف عن غيره وكل مولود غير الثاني فلاتسمعين نصائح من غير طبيبتك او طبيبة طفلك خصوصا اذا كانت تجارب ماتستند على دراسات..

٤-استمتعي بالشهور هذي وتخيلي انها اجازه مع هديتك الي ربي عطاك..

٥-تأكدي ان كل شهر بيكون أحسن من الي قبله بإذن الله حتى لو قالوا لك كل ماكبر زادت المشاكل والتعب لا تسمعين لهم لان الي يقول كذا نسى الي مر فيه..

٦-ارتاحي ولا تلومين نفسك او تجهدينها في اي شي غير هالطفل..

٧-لاتنسين تدعين لك ولطفلك وعائلتك وقت الولادة..

٨-وقت الرضاعه الطبيعية حاولي اول الايام تكتشفين اريح طريقه بحيث يدينك تكون حره ماتشد البيبي لان بعد الولاده اليدين والعضلات مره تعبانه

فانصح ترضعين طفلك وانت مستلقيه على جنب او اي وضعيه تناسبك وفتره الترضيع اقري على طفلك المعوذات وبعدين

استمتعي بوقتك على الجوال او تفرجي شي جميل اعتبري وقت الترضيع وقت الراحه مو وقت الشغل..

(النصائح هذي اشياء تعلمتها من التجربه وكل شخص تجربته تختلف ومع التجربه كل وحده بتكون صورتها الخاصه عن كل شي)

….

وبسس هذا كل الي نحتاجه ان شاء الله ما أكون نسيت شي..

(تحديث : كتبت موضوع جديد عن احتياجات المواليد أشمل وأرتب من هذا الموضوع أتمنى زيارته على هذا الرابط)

 اتمنى فادكم الموضوع لو شي بسيط والله يسهل على الجميع..

أحبكم.❤️

التجهيز للبيبي الأول ، شنطة المستشفى، النفاس ،وأشياء أخرى

...

تواصلوا معي عبر :

انستغرام وتويتر : arwa_alomrani@

يوتيوب : arwa karu

سناب : arwakaru



اترك تعليق

96 تعليق على "التجهيز للبيبي الأول ، شنطة المستشفى، النفاس ،وأشياء أخرى"

avatar
فرز بواسطة:   الأحدث | الأقدم | الأكثر تصويتاً
Shaikha
ضيف

ماشالله ماشالله تباااااارك الله
بصراحه مافي كلام يوصفك يا اروى
ونعم الزوجه ونعم الأم

(الصمت في حرم الجمال جماال)

الله يحفظك من الشر واصلي و حنا متابعين بشوق

نوره
ضيف

ماشاء الله تبارك الرحمن بصراحه تعطين الشخص طاقه إيجابيه من خلال أفكارك وتنظيمك وترتيبك واهتمامك الله يحرسك ويحفظك

hanoon987987
ضيف

ماشالله مدونتك مره جمييله الله يسعدك دنيا واخره

ساره
ضيف

احبكككك جدا يااروى الله يسعدك ويسعد عائلتك
انا كمان مرافقه مع زوجي بامريكا ومريت بنفس اللي مريتي فيه وسبحان الله حتى بعض اغراضك شاريه نفففسهم رغم اني ماعرفت حسابك الا قبل كم شهر وولدي اكبر من ولدك بشهرين

arwa
ضيف

حماك الله جدا جمييله مدونتك الله يسعد قلبك اروش
ا

سارة
ضيف

أنا أيضا مرافقة لزوجي في كندا

متابعتك تعطيني سعادة وإيجابية

استمتعت بقراءة الموضوع لأني توني استعد لتجهيز أغراض البيبي

nouf
ضيف

اروى والمتابعات ..
يا ليت تفيدينا بمواقع او كتب فادتك في العناية بالابناء او التربية
خصوصا للامهات الجدد .. ويا ليت لو تكون باللغة العربية
جزاكم ربي الجنة واسعدكم جميعا

عضو

يوجد كتاب بماذا يقكر طفلي وكتاب اخر علم نفس المراحل العمرية
هذان الكتابان اطلعت عليهما

وايضا مؤسسة المربي تقدم حقيبة الطفل الرضيع ييدوانهاجميلة لكن بالمسبة لي ما حصلت علسها حتى الان

أتمنى أكون أفدتك

زمرده
ضيف

فعلا سعاده لما تجهزي لبيبي جديد.. الله يسعدك ويرزقك جنات النعيم مثل ما ساعدتيني

ديما
ضيف

ماشاء الله تبارك الرحمن ، ترتيب وتنظيم وفعلاً يساعد في مثل هالأوقات الصعبة الله يبارك فيك يا أروى ، ويرزقك بالذرية الصالحة يارب .

دودي1914
ضيف

الله يسعدك سعاده تبكين من جمالها دايما اتمنالك كل الخير سبحان من زرع محبتك بقلبي وقلوب الاف الناس الله يزيد يارب ويحققلك مبتغاكي ويرزقك بر ريان ويحفظلك اهلك وزوجك احبك واتمنالك كل الخير من كل قلبي 💕😍

العنود
ضيف

السلام عليكم اختي اروى ابي تشرحي المفرزنات اللي سويتيها ومتى بالضبط سويتيها باي شهر واذا عندك الوصفات الله يسعدك نزليها بمدونه حتى نقدر نرجع لها والله يكتب اجرك ياقلبي❤️❤️

أم خوخة
ضيف
السلام عليكم أنا وحدة أطل على حسابك و مدونتك بين فترة و فترة جزاك الله خيرا و كتب أجرك فعلا تستحقين الشكر على نشر الفوائد للجميع بالنسبة لأكل النفاس حبيت أضيف شي ممكن يفيد الأخوات اللي ينفسون لوحدهم من ناحية الأكل المفرزن او المجهز مسبقا فيه الحنيني السريع و المحلى و المصابيب و القرص اللي يصلح مثل الكيكة ثم يفرك . كلها تصلح للتفريز تقسم حسب الكمية اللي ترغبين في أكياس مغلقة هذا اللي جربته المشروبات ممكن خلطة أعشاب توزع على أكياس الشاي الفارغة تباع فارغة و انت تعبينها اللي تبين من الأعشاب او البهارات او شاي أعشاب جاهز خاص… قراءة المزيد ..
ساره
ضيف

فعلا كمية سعاااده لاتوصف حتى حسيت ان غربتنا شي حلو وصرت استمتع فيها

غدير
ضيف

حبيت الموضوع وجاء في وقته
حامل ومرافقه لزوجي وخايفة من فكرة النفاس لوحدي
بس يارب تتسهل ….

ربي يعطيك الف عافية

غدو
ضيف

ماشاء الله ،،انتي انسانه مبتكرة ومبدعه ومنظمه احب اتابعك واحب افكارك
المدونه جدددا رائعه
بالتوووووفيق

عبير المجرفي
ضيف

راائع جدا يا اروى .. ما قصرتي سلمت يمناك و الله يوفقك و يسعدك انتي و طفلك

REHAB
ضيف

الله يسعدك بجدد المدونه جمييييله وتعطي طاقه ايجابيه مجرد ماتصفح المدونه اتحمس آغير اشياء كثيييره ،

salam
ضيف

حلووووو كتييييرررر مبتكرة وكلك زوئ وفن …جد انو بتصرفات بسيطة ممكن تريحي نفسيتك ..♥

nouf abdullah
ضيف

جدا جميييل اروى ربي يسعدك … نحتاج طاقات ايجابية مثلك

shoky
ضيف

heart *
love u arwa

Haya
ضيف

اروى انا نفس تجربتك واصعب شوي لما جبت ولدي كان عندي اخته عمره سنه ونص وغربه تخيلتي الوضع وتماما مثلك جهزت الاكل اللي ينفع يتفرز مثلا الخضار غسلتها وجهزتها والدجاج واللحم عشان يسهل عل زوجي يطبخها بدون تعب وحتى الفطور سويت عصيده التمر والفريك وقسمتهاعلب صغار حق كل يوم بس فعلا كانت تجربه حلوه بتعبها وفرحها وفكروا دايم انكم تشاركون اهم لحظات حياتك مع زوجك خليه يحس بتعبك اول الايام

عبير
ضيف

ماشاءالله الله يخليكم لبعض ويكبر ريوني ويبر فيكم❤️

Nujoud
ضيف

بسم الله ، أنا سعيدة بك جدا وفخورة بك اكثر

Om toleen
ضيف

رووووعه اروى ماشاء الله تبارك الرحمن ☁️

ليَـال
ضيف

الله ييسر أمورك ويرزقك بره ان شاء الله ❤️

مرة مفيد الموضوع ، الله يجزاك خير

laylaalramadan
ضيف

أروى بصراحه أنتي أم مدهشه الله يحفظ لك ريون الجميل يااارب
أنا من متابعينك بالأنستقرام حبيتك وصار نفسي أشوفك وأشوف ريوون الحبووب
أتمنى لك كل تووفيق ياارب وتعيشي حياة حلووه وسعيده

Maryom
ضيف

ماشاءالله ربي يهنيك ويرزقكم بره..
موضوعك جميل ومفيد حتى للي مب مغتربه.. تجهيز البيبي كل الوقت افكر فيه ولاادري متى يبدون العالم يجهزون…
تمنيت انك تتكلمين عن اللبس المناسب أثناء الحمل.. لما زواجي كان كل مشترواتي اشياء ضيقه اقصد على مقاسي تماماً مو شي واسع.. والحين لما كبر البطن تورطت مره ماعرف وش البس.. وع ملابس الحمل كلها اشياء كبيره مره ماتناسب للي تصير نحيفه بس كرشه قدامها.. صرت احاول اشتري الي مب حق حمل بس اخذ اكبر من مقاسي مره حلو بس تووني الحين في الخامس كذا ماادري وش بيصير لبسي اذا وصلت الثامن والتاسع

soso
ضيف

انتي جميييييله

Futtaim._
ضيف

حمستيني حبيبتي و حبيت افكارج الراقية … والله يوفقج ان شاءالله بحياتج والله يحفظلج ريوني ❤️

mona
ضيف
ااااااه ياربي قريت المدونه وحسيت ان احد واقف معي .. اسلوبك مره عجبني وارتحت ولاقلقت لامن ولاده ولا من نفاس خاصه ع الكلام الي اسمعه من الحريم … انا في الشهر الخامس ورح ادخل السادس الاسبوع الجاي تعبت كثير افكر متى اشتري اغراضه ومتى اشتري اغراضي الي احتاجها ومتى ومتى خاصه احس اني لوحدي وزوجي مايعرف ف هالشغلات .. مع انه واقف معي .. يا ام ريان شكرا ع كل الكلام الي قلتيه ويارب اتذكر كلامك هذا وقت اروح السوق ووقت اولد ووقت اكون في فتره النفاس .. لان زي ماقلتي هذي هديه من ربي ولازم افرح فيها … خليتي… قراءة المزيد ..
ام عبودي ولمورة
ضيف

كلامك حلو واسلوبك احلا الله يسعدك فين ماتكوني احس في اشياء كتير تشبهيني فيها ، سعيدة اني عرفتك وقرات مدونتك واحب اشوف حسابك دايما دمتي بسعادة

lol
ضيف

منى؟

raneem
ضيف

جممممميييل

بدور
ضيف

الله يسعدك يااروى ويعوضك خير من عنده يارب

ورود
ضيف

بسراحة اعجبت بمدونتك الجميلة والرائعة واللتي تبعث الاطمئنان بنفسي واللتي كل ماأرى تصويرك ورسمك وطريقة ترتيبك للمواضيع افخر بتواجد في هذي المدونة الجميلة واخفر كونكي انت صاحبتها
فــــــمـــــــــــشـــــــــاء الله تبارك الرحمن عليكي
الف من ذكرة عليكي
مشاءالله مشاءالله
الله يحفضك ويحفض زوجك وعائلتك يارب

faiza
ضيف

شكرآ لكي أروى…أستفدت كثير من تجاربك

مرام
ضيف

شكرا تجهيز رائع جدا

رزان بنت عبد الله
ضيف

ماشاء الله تبارك الرحمن قمة الرقي والذوق
انا انتظر جديدك*

فوز
ضيف

حبيبتي اروى الله يرزقني وياك الذريه يا رب

ريما
ضيف

ربي يسعدك يا اروى

عبير العمودي
ضيف

اروى ادا ماعليك امر ممكن تجيبي لي اسم مخدة الرضاعه اللي من امازون لاني اشتريت وطلعت سليب كفر 😭😭 اخاف اطلب تاني وماتطلع المخدة الله يسعدك ساعديني

Sareta
ضيف

اول مرة اسجل بمدونة واول مرة اعلق بس حبيت الموضوع واستفدت لان اني حصير ام اذا الله راد وكلشي مااعرف شكرا وارجو ان تستمري وتفيدينا

راره
ضيف

يارب يا أروى أقرا لك مواضيع ومواضيع زيه
الله يعوضك يارب ويرزقك السعادة ويخفف همك
، حبيبتي الله يقبله شفيع لك ولأبوه 💜💜
يارب يارب يارب يرزقك يارب والله أتمنى أعطيك من سعادتي

أثرت علي في حياتي بشكل كبيير مره ، مع الوقت نسيت شخصي واهتمامي والله ذكرتني بأشياء كثيره
في وقت كنت محتاجه أحد يذكرني في نفسي
والله يعطيك الصلاح في الحال والدين والمال والذرية 💜💜
أحبك اروى

Batool
ضيف

الله يجزيكي الخير .. اول مرة بعلق بس جد كلام رائع ونحنا بخاجته ❤

LAMiA QH
ضيف

الله يجعلك قريرة عين ويعوضك ربِ بكل خير 💕 ادعي لك في هذا الوقت المبارك من كل قلبِ ياعذبة الظن 💕💖

دعاء توفيق
ضيف

ماشاء الله تبارك الله جدا جميل الموضوع وغني بكل المعلومات .. اسأل الله العظيم رب العرش العظيم ان يجبر كسر قلبك ويعوضك وينسيك كل حزن مريتي فيه بلطفه ورحمته .. طبعا قرأت الموضوع متأخر جدا ولا عرفت عن مواضيعك الا بعد ما نبهتي في الانستقرام عن المزيدمن … وانتبهت ورجعت اقلب في مدونتك .. ماشاء الله على ذوقك الرفيع .. الله يبارك فيك وينفع فيك .. ان شاء الله في ولادتي القادمة استفيد من افكارك

بروق نجد
ضيف

ماشاءالله بارك الله اسلوب رائع وقريب للنفس ومفيد اسأل الله العظيم ان يرزقك ماتتمنين ويعوضك خير وابشري الله اذا احب عبداً ابتلاه دمتي بحفظ الرحمن ورعايته 💐

Omneyah
ضيف

حبيت الموضوع جدا مفيد وشامل انا اول حمل ليا بس احس من دحينت بفكر بكل شي وشايله هم وخايفه حسيت كلامك ريحني وحمسني للحياة الجديدة اللي حبدأها والأفكار والتغيرات من جد شي يريح النفسيه ويخليكي متحمسة ومتفائلة ربي يسعدك 💕🙏🏻

أسماء
ضيف

جميل

أسماء
ضيف

جميل وشامل

هناء
ضيف

شكررررررا كثييير يا اروى ، كمية معلومات مفيده وطاقه ايجابيه في كلامك ماتنوصف ، هذا اول حمل ليا وبما اني انسانه اهتم بالتفاصيل كنت شايله هم كل شي من الحين ، استفدت كثير من الي قرأته 🙂

هلا
ضيف

ماشاء الله كلام جميل ومفيد وجزاك الله خير والله يعوضك 💕

خلود
ضيف

صح اني باقي صغيرة و على الزواج و هل الكلام بس و ربي احب ترتيبك و لطفك ما شاء الله كلامك عن أن الطفل هدية من الله و نعمة و افرحي بهديتك أثر فيني مرة صح ما جربت بس و الله يوم قريت الكلام تأثرت أتذكر لما اختي تتنفس عندنا و مع ذلك كانت تتذمر من ابنها و ان تعب مرة الاعتناء بطفل بس و ربي كلامك لو خليتها تقرأه راح تنبسط متأكدة الله يسعدك يارب و يرزقك كل ما تتمنين يارب 💖💖

Tota
ضيف

جميل جداا انا كمان مرافقه مع زوجي انا في لندن وجديده هذا اول حمل لي اول بيبي ومتلخبط كتيير بس بعد ماقرات مدونتك ارتحت شويه وراح الخوف مني

‫wpDiscuz

أضف تعليق عبر الفيسبوك:





حمل