احتياجات وأغراض المولود الجديد .. موضوع شامل
السلام عليكم ورحمة الله وبركاته
أهلا يا أصدقاء
بحمدالله وفضله رزقت بمولودة مع مطلع العيد،
اسميناها تالا،
شكراً لكل من هنأني وأسعدني،
?
سبق كتبت عن احتياجات المواليد في تدوينتي للتجهيز لطفلي الأول،
بأضع لكم رابط التدوينة السابقة في نهاية التدوينة..
وبما أني الآن ومع تكرر التجربة صرت أكثر خبرة في احتياجات الأطفال من المرة الماضية أعتقد أنه من المناسب كتابة تدوينة جديدة ألخص فيها احتياجات الطفل للأربعة أشهر الأولى من حياته ..
الأشياء اللي استخدمتها سابقاً مازلت أعتقد أنها من الأساسيات ، لكن فيه بعض الأغراض أحب أضيفها للقائمة لأنها سهلت علي كثير من الأمور وبعض الأغراض استبدلتها بأفكار أكثر عملية منها..
وايضاً مازلت عند رأيي السابق في الاقتصار على الأمور المهمة فقط ،
أحب أستغني عن الاشياء اللي ما أحتاجها كثير، مثلا ما أشوف له داعي يكون عندي الزبالة الخاصة بالحفاضات اللي تعزل الرائحة او جهاز خاص لتدفئة المسحات الخاصة بالنظافة .. اشياء مثل هذي أعتبرها ثانوية واستخدامها مايتجاوز كم شهر فأفضل استغني عنها ..
بأرتب الأغراض حسب احتياجات المولود الأربعة (النوم، الغذاء، النظافة، الدفء)
أولاً : النوم
سرير البيبي
هذه المرة ما اشتريت السرير الصغير الخاص بمرحلة الأشهر الأولى ،
اكتفيت بنفس سرير ريان الكبير بما انه متوفر ،
أخذت السرير من والمارت ..
(وبالمناسبة، كل كلمة أضع تحتها خط يمكنك الضغط عليها بتوصلك بصفحة المنتج)
لكن أزلت أحد الحواجز الخاصة بالسرير فصار كأنه جزء من سريري ، وجدا جدا ريحني أكثر من السرير الصغير، لأني ما أحتاج أقوم وأنقل طفلتي من سريري لسريرها، أقدر أنقلها وأنا مستلقية على السرير بدون ماتحس بتغير المكان أو البعد عني،
وهذا مفيد للأم اللي ترضع رضاعة طبيعية بالذات لأنه كثير نقوم بنص الليل نرضع البيبي ولازم نرجعه مكانه ومانخليه ينام جنبنا لأنه خطر ينكتم ، طبعاً صعب انك تكونين مصحصحه بنص الليل لكن حاولوا تنتبهون لهالنقطة، والسريرين بهالشكل المفتوح على بعض يساعد كثير من هالناحية..
الأمر الثاني المهم وضعه بالاعتبار انه من الجيد أن الطفل يتعود من البداية على سريره اللي بيكبر فيه لأنه بعد الثلاثة أو الاربعة أشهر بيكون السرير الصغير غير صالح للطفل وبالتالي بنحتاج نعود الطفل ينام في سرير جديد ومرتبه جديده وهالعمر قد ما يتقبل التغيير والمرتبة الجديدة ويتغير عليه الجو فيتعبك في النوم على مايتعود على الوضع الجديد..
ولأني حطيت سرير البيبي ملاصق لسريري ماصار عندي مكان لطاولة جانبية
فحطيت حاويتين كرتونية لبعض الأغراض اللي أستخدمها بشكل يومي وأحتاجها تكون قريبة ، وهذا وضع مؤقت لحد ما يصير البيبي ينقلب، وقتها لازم أشيل كل شي من السرير ..
ممكن أنتم تحطون الأغراض بأي طريقة تفضلونها، المهم إذا بتخلون شي في السرير ضروري يكون مو حاد أو يسبب خطر مثل الاسلاك وغيرها كلها ثبتوها بأي طريقة خلف السرير ..
والبعض يفضل يشتري منظم خاص بالأغراض اللي يحتاجها حوله والمنظمات تتعلق على طرف السرير، حلوه الفكرة خاصة بعد مايكبر الطفل ويصير ممكن يتحرك أو ينقلب ماينفع يكون حوله أي غرض، بعض المنظمات حجمها كبير وبعضها صغير موجود منها أنواع و أشكال في هالرابط
الأشياء اللي أحتاجها شخصياً : أبجورة من النوع الخافت وكاميرا المراقبة، وفي الثانية بعض الأغراض المتفرقة مثل منظف الأنف والمصاصة ودوا الغازات و لي قناع العيون للنوم وكريم مرطب..
الهزازة أو الجلاسة
اخترت الجلاسة أو الـ swing بعد بحث وتفكير لأنها من أهم الأغراض اللي تساعد الطفل على الهدوء والنوم،
خاصة الأطفال اللي يعانون من مغص في البطن صعب عليهم ينامون بسهولة على السرير المسطح بالذات بعد الرضاعة مباشرة، فممكن نستعين بالجلاسة للتهدئة والتنويم وبعدها ننقل الطفل للسرير، أو نستخدمها وقت مايكون الطفل مستيقظ حتى مايتعود على انك طول الوقت شايلته ويتعبك..
لكن ما ينصح انك تشغلين وضع الهز لساعات طويلة ، قرأت مره أنه الأفضل مايتجاوز ساعة لساعتين خلال اليوم كله..
المعايير المهمه عندي باختيار الجلاسة انها تكون :
أولا مريحة وآمنة ، فتخطيت الأنواع اللي يكون قماشها خفيف او شكلها مو قوي ..
الأمر الثاني انها تكون سهلة التنقل،
لأن الجلاسة من الأشياء اللي أحب أنقلها معي مره ابيها في الصالة ومرة بغرفة النوم ومره عند مكتبي وغيرها من الأماكن فمهم تكون سهلة علي اني ارفعها واوديها لأي مكان،
وطبعا صعب أحصل جلاسة سهل أنقلها وبنفس الوقت تكون متينة وقوية..
لقيت هذا النظام من الجلاسات اللي تكون قابلة للانفصال، وحبيت الفكرة ،
احسن شي فيها ان الجلاسة تنفصل عن الحامل اللي فيه الهزاز فيصير سهل علي نقلها من مكان لمكان بدون الحامل اللي فيه خيار الهز والأصوات ..
ميزة اخرى انها فيها خيار التوصيل بالكهرب ، يعني مو معتمده على البطاريات فقط مثل كثير من الجلاسات،
لأن الجلاسة اللي كانت عندي سابقاً كانت معتمده على البطارية وتخلص البطارية أو تضعف بسرعة وتصير ماتهز بالشكل المطلوب وهات البطارية رد البطارية وآخر شي أهز بيدي!
الجلاسة فيها وضعيتين للهز يمين ويسار أو ورا وقدام .. وطبعاً فيها سبيكر اصوات طبيعة ونغمات ، والجلاسة إذا انفصلت عن الحامل الخاص بالتأرجح ، فيها خيار الهز (مو أرجحه بس هز مثل هز الجوال)..
بالنسبة لحجمها ، الجلاسة نفسها مو كبيرة مره ، بس الحامل اللي يمرجحها كبير، يعني تعتبر ككل من الأنواع الكبيرة ، وأعتقد واضح من الصوره الحجم..
الشي اللي ما أعجبني فيها ان المقعد مايجلس بزاوية قائمة يعني وضع منسدح ووضع مرتفع بزاويه مايله مافيه وضع جلوس مستقيم ، وأظن وضعية الجلوس ممتازة للاطفال الاكبر سن حتى يقدرون يجلسون فيها وقت الوجبات غير وقت الرضاعة.. يعني اللي فوق عمر ٦ شهور أتوقع بيطفشون من وضعية شبه الانسداح، لكن ممكن وقتها أكتفي بكرسي الأكل ،مابعد جربتها لهالمرحلة ..
لكن بالنسبة لمرحله الستة أشهر الأولى أرى انها ممتازه وتسكت البيبي ومريحة.. وبعد هالعمر بتكون للتهدئة والتنويم ، الجلاسه هذي تحديداً مناسبة لحد مايصير وزن البيبي ١٢ كيلو ..
وكل شخص يبحث ويشوف ايش المهم عنده في الجلاسة من كل النواحي ويختار على أساسها ..
وعلى فكرة ، الدباديب مايدورون بس كذا معلقين .. وتشتغل خط ١١٠ أو ٢٢٠
كاميرا المراقبة
الكاميرا جدا مهمه، ماكنت مقتنيتها سابقا فكنت أقلق على ريان وهو نايم كل كم دقيقه اروح للغرفة أشيك عليه يتنفس ومرتاح والا لا ، وأحيانا اذا فتحت الباب ودخلت يحس بالحركة ويقوم من النوم، لكن بالكاميرا مررره ارتحت نفسيا صرت اترك تالا تنام واطلع برا الغرفة أشتغل بأي شي وأشغل الكاميرا عليها واكون مراقبة حركتها ومتطمنة لوضعها طول ما أنا برا الغرفة..
اخترت هالكاميرا بالذات لأن تقييمها عالي وفيها ميزات حلوه وسعرها مناسب بالمقارنة مع بعض الكاميرات الأخرى..
باختصار ، فيها إمكانية التحكم عن بعد بتحريك الكاميرا وفيها زوم ومايكروفون وسماعات بحيث اقدر اتكلم مع اللي عند الكاميرا ، وفيها رؤية ليلية واضحة وممتازة وجودة التصوير عالية مقارنة بباقي الكاميرات ومصنفة من أفضل كاميرات المراقبة..
والمراقبة تكون عن طريق الجوال او الكمبيوتر ومجانية، وممكن تدخلين للكاميرا من أي مكان فيه نت سواء قريب أو في مدينة ثانيه..
أيضا فيها خيار الحفظ ، ندخل فيها كرت وتصير تسجل وتحتفظ بالتسجيل أو تسجل وترفعه عن طريق كلاود ، وهالخيار مفيد في حالة وجود خادمات مع الأطفال حتى تكونون متطمنين عليهم لو حبيتو ترجعون تشوفون التسجيل خلال اليوم كامل ..
الشي الوحيد اللي ما اعجبني هو ان الوضع الليلي يشتغل تلقائياً ، فإذا الاضاءة خافته بدرجة معينة احيانا يشتغل ليلي بعدين يقلب عادي وبعدين يتشتغل ليلي كأن الكاميرا مو عارفه تحدد الوضع ليل والا نهار ، وهذا يحدث إذا فتحت أبجوره خافته جدا ..
لكن هل هالكاميرا هي الأفضل أو نيست وغيرها من الكاميرات؟
بما أني ماجربت الا هي ماقدر أقارن ، اللي أقدر أقوله انها تقوم بعملها بالشكل المطلوب وبسعر أفضل من غيرها ومن خلال قراءتي للمميزات الكاميرات الأخرى ماتفرق هذي عنهم..
الكاميرا تشتغل خط ١١٠ أو ٢٢٠ ..
ممكن تشوفون هالرابط فيه مميزات وعيوب هالكاميرا وبعض الكاميرات الأخرى الشهيرة
ثانياً: النظافة
الملابس
أولا : مقاس نيو بورن newborn يلبس من وزن ٢ كيلو لـ ٣ ونصف كيلو .. يعني اسألي دكتورتك لو بتولدين بيبي وزنه ثلاثة ونص أو أكثر لا تاخذين هالمقاس ، روحي لمقاس من ٠-٣ مباشرة ..
اكتفيت بخمس قطع ملابس داخليه مقاس نيو بورن لون ابيض، وثلاث قطع خارجية كامله ،
ما أخذت أي شي يجي قطعتين من هالمقاس لأني أحسه مزعج لبطن البيبي اللي توه مولود انه يكون فيه شي ضاغط عليه..
باقي الملابس كلها مقاس ٠–٣ ، أغلب المواليد بيكون كبير عليهم هالمقاس شوي بس بمجرد يكملون ثلاث اربع اسابيع خلاص يكون النيو بورن ضيق..
فمافيه داعي نشتري ملابس كثيرة مقاس صغير لأننا ماراح نستفيد منها فتره طويلة .. اما مقاس ٠–٣ اشتري على كيفك الوان واشكال بيجلس الطفل كم شهر يلبس فيها..
وخلال هالفترة أنصح تعتمدين على الملابس القطن ١٠٠٪ فقط ، اتركي الكشكشات والماركات اللي بس شكل ومافيها راحة لعمر أكبر أفضل وأريح للطفل وأوفر لك..
وتذكري دائماً راحة الطفل تأتي أولا..
~
أيضاً نحتاج قبعة أو ثنتين للرأس عن البرد خاصة أول الأسابيع بعد الاستحمام ، أغلب القبعات للأسف مقاساتها كبيره على المواليد ومفصله بطريقه ماتوصل للأذن ، فتكون مالها فايده ، فاحرصي تبحثين عن قبعه تكون طويله (عميقة) وضيقه حتى تمسك في راس البيبي وتكون على المقاس ،، بالنسبة لي استخدمت قبعه المستشفى ما حصلت أفضل منها 🙂
المهاد والبطانيات وانواعها:
اخذت مهادات نوعها يسمونه muslin swaddle خفيفة للصيف أو الأماكن الدافئة،
و مهادات دافيه يسمونها flannel Receiving Blankets
وبطانية ثقيلة ووحده خفيفة
يكفيك هالعدد بإذن الله ..
طاولة التغيير
طاولة التغيير من الأشياء اللي أعتقد الكثير يستغنون عنها مع اني أشوفها مهمه جدا ،
حلو يكون فيه مكان مخصص لتغيير الملابس والحفاضات حتى ماتتعبين وانت منحنيه على الأرض أو على السرير ويصير المكان حوسه ،
مو شرط تشترين طاولة تبديل مكلفه و مخصصه لهالغرض، أنا استخدمت طاولة رخيصة موجوده عندي سابقاً من ايكيا،
وحطيت فوقها الاسفنجة الخاصة بمكان التغيير،
وعشان يكون التغيير سهل وسريع حطيت فوق الطاولة سله بداخلها بعض الحفاضات مع كريم الاحمرار وبعض مسحات الكحول وعلبة المناديل الرطبه ..
وتحت الطاولة حطيت درج لتخزين الملابس والأغراض اللي تستخدم بشكل يومي،
اخترت درج بلاستيكي موجود مثله في محلات الكماليات، وعندنا موجود في والمارت وتارقت..
وآخر درج فيه خصصته للملابس اللي تحتاج غسل،
بحيث كل شي يكون في هالمساحة الصغيرة .. وباقي الملابس للطلعات أو الملابس اللي مقاساتها مابعد صارت مناسبة حطيتها في غرفة الملابس لأني ما أحتاجها تكون قريبة..
وفي السلة اللي تحت حطيت باقي الحفاضات والبطانيات والمهادات..
طبعاً هالطاولة عن نفسي استخدمها لحد مايصير البيبي يبدا يحبي ، بعد كذا انقل الاسفنجه على الأرض أحسه آمن أكثر لأنهم يصيرون يحبون يتحركون كثير فخطر يصيرون فمكان مرتفع..
للاستحمام
نحتاج فوطه وشامبو وزيت مرطب فقط، هالمره استغنيت عن البودرة لأني قرأت انها غير آمنه إذا تنفسوها الأطفال..
الشامبو اهم شي تتأكدون انه خالي من المواد الضارة ومصنوع من مواد طبيعية..
هالرابط فيه أفضل أنواع الشامبوات للأطفال ممكن تساعدكم على الاختيار..
وأيضا نحتاج البانيو الصغير الخاص بالبيبيات حلو ومناسب لحد عمر السنه ونص تقريبا
هذا هو النوع اللي استخدمه يجي معه قطعة قماش للمواليد مره يسهل علي المهمه ويخليني أسبح النونو بدون ما أحتاج مساعدة أحد
مقياس الحرارة
اشتريت سابقاً مقياس حرارة الأذن ، في الصورة على اليمين جدا ممتاز ، لكن الدكتور قالي انه من الولادة لعمر ٦ أشهر أحتاج أشتري مقياس الحرارة العادي اللي على اليسار لأن الدرجة الدقيقة لازم ناخذها مثل ماياخذونا المستشفى من تحت ..
لتنظيف الأنف
طيب ، خلوني أقولها على بلاطه ، لأن مافيه طريقة منمقة أشرح فيها هذا الاختراع.. هذا الشي ينحط في انف البيبي ومن الجهه الثانيه ينشفط بالفم ،
صدقوني، هذي كانت اخر جملة في الحياة كنت أتوقع اني أكتبها ?
اعرف شعوركم تجاه هذي الفكرة ، لأني أول ماشفتها قلت على جثماني اشفط خشم،
بعدها في اكثر من مدونه اجنبيه ألاحظ الأمهات ينصحون فيه ويقولون انه مافيه أفضل منه لتنظيف الأنف لدرجة انه في أمازون مقيمه أكثر من ٧ آلاف شخص وهو الأفضل مبيعاً من بين منظفات الأنف، كثير يقولون جربنا كل الأنواع ولاشي ريح أطفالنا وخلاهم يتنفسون براحه وينامون مثل هذا الانبوب ،
غير كذا أنا كنت في مرحلة تجميع الأفضل تقييماً ومتحمسه اجرب أشياء جديدة، فأخذته وأنا مو واثقة تماما اني باستخدمه..
لكن جت له حاجة وصار أفضل مما تصورت، مو مقرف زي ماكنت متخيله، مافيه أي نقطة ممكن تجي للفم لأن فيه فلتر وفيه انبوب صغير مايسمح الا للهواء بالعبور..
الأطباء ينصحون به وطبيب اللي مخترعه، فأنصحكم ماتتعدونه جدا مريح وسريع وسهل وفعّال..
وآخر شي في قائمة النظافة :
فوط متعدده الاستخدام
دائما نحتاج فوط صغيرة لأشياء كثيره للبيبي يعني بتكون متعددة الاستخدام..
وفيه نوع أقمشة مثل المهاد بس أصغر ، أيضا متعدده الاستخدام حلوه تنحط على الكتف إذا بتشيلين البيبي بحيث لو رجع او شي مايوسخ ملابسك ، وغيرها من الاستعمالات
مو ضرورية لكنها جدا عملية تكون بالجوار بدل المناديل..
ثالثا: الغذاء
ولله الحمد أنا أرضع رضاعة طبيعية مع ريان ومع تالا فما اضطريت اتعمق في مواضيع الرضاعات وأفضل أنواعها وملحقاتها،
لكن بحثت بحث بسيط جدا واخترت رضاعات تومي تيبي اللي ماتسبب الغازات،
Tommee Tippee Closer to Nature Anti-Colic Bottles
واستخدمها تقريبا كل يوم او يومين مره وحده حسب الظروف والطلعه او اذا كنت متعبه وحبيت انام زياده واترك احد يهتم بالطفل خلال نومي،
غير كذا الرضاعة الطبيعية هي الأساس ..
لكن حتى لو كنت ترضعين طبيعي أنصحك بشدة تعودين طفلك من الاسبوع الثالث يرضع صناعي لو مره بين الفتره والفتره عشان أوقات الضرورة يكون فيه خيار متوفر ..
وإذا ماتبين الصناعي أبدا ، على الاقل تشفطين من حليبك وتعطينه لطفلك بالرضاعة حتى يتعود يمسك شي ثاني غيرك..
كتبت تدوينة عن تجربتي مع الرضاعة الطبيعية ، بأرفعها لكم قريباً بإذن الله ..
المصاصة
العشق الأول والوحيد، مصاصة الدمية
غير شكلها اللطيف جدا ، فعلا مريحة وعملية ، ماتطيح من فم البيبي لأن الدميه تكون مستلقيه على صدره او بجنبه وتقدرين تثبتينها بأي طريقة ، أحيانا تطلعها تالا من فمها وتصيح بعدين ترجع تمسكها بنفسها وتسكت،
الصراحة فرق عن المصاصة اللي بدون دميه كنت كل شوي أرجع أحطها وتطيح..
قطرات الراحة من الغازات
من الأشياء اللي ما اكتشفتها الامع تالا هي قطرات او شراب الغازات ،
شراب آمن يريح الطفل من الغازات ، مايعتبرونه دواء ، مجرد شراب،
طبعاً استشيري طبيب طفلك قبل ماتعطينه أي شيء غير الحليب مهما نصحك فيه أي أحد لا تاخذين بنصائح غير المتخصصين ، وإذا وافق أو اقترح عليك شي معين خذي بنصيحته .. المهم ان الطبيب ماراح يقولك عنه من نفسه، انت اسأليه وخليه ينصحك بشراب معين..
أنا استخدم هذا النوع mylicon اخذته من والمارت ، آمن من عمر الولادة ، وفعلاً لاحظت الفرق إذا عطيتها تكون مرتاحه وماتصيح كثير ..
أغراض متفرقة
مفرش للسرير واقي من السوائل ، ينحط تحت مفرش السرير ،
هالفتره يتعرض السرير لأشياء كثيره ممكن تخربه ويتبقع مثل ترجيع الطفل او الحليب ينكب أو حليب الأم خلال النوم وغيرها ، فمهم نحمي المرتبه بمفرش عازل ..
والحقيقة ان المفرش العازل المفترض يكون موجود في السرير سواء هالفتره او غيرها أنظف للسرير ولرائحته على المدى البعيد..
عربية البيبي ومقعد السيارة
ما اشتريت عربية جديدة مازلت استخدم العربية اللي ذكرتها في التدوينه السابقة..
جدا عمليه خفيفة وصغيره سهلة علي اني اشيلها بنفسي ، وبنفس الوقت متينه وتتحمل ومريحة وشكلها مرتب..
في بداية الأشهر نستخدم نفس مقعد السيارة على العربية، ،يتركب وينفك بكل سهولة .. وبعد مايكبر الطفل نركب القماش حق العربية وتصير عربية مثل الصورة اللي فوق على اليسار..
الجميل جدا اننا نقدر نركب مظلة العربيه مع مظلة مقعد السيارة وتصير مظلله على البيبي بالكامل مثل القوقعة ،
ومظلة العربية فيها فتحه من فوق مثل الشباك الصغير تتسكر ونتنفح لمراقبة البيبي وهو في العربية..
وفيها سلة تحت تكفي لأشياء كثير حجمها مناسب..
أنصح بها جداً..
اسمها : britax travel system
واخذت معها مراية للسيارة Britax Back Seat Mirror
تنحط أمام البيبي ، بحيث وأنت قدام بسهولة تراقبين طفلك من خلال المراية..
جبت لكم صورة من النت توضح الفكرة
وأخيراً أختم بنصائح متفرقة للأمهات اللطيفات
١- أهتمي بوضع روتين لطفلك يومياً قدر الإمكان، وقت التحميم والترضيع حاولي تخلينها ثابته بحيث يتعود طفلك على نظام يريحك ويريحه..
٢- فترة النهار لا تحاولين تخفضين من صوتك خلي البيت على طبيعته حتى لو البيبي نايم ، وأول مايجي المساء طفي الانوار أو استخدمي إضاءة خافته ولا تتكلمين أو تلعبين طفلك خلال الليل ، حتى لو صحى غيري له رضعيه بهدوء وصمت .. والفكرة من ذلك انه يعرف متى النهار ومتى الليل ومايصير يسهر عليك ويتلخبط نومه لأن الصغار ماعندهم احساس بالنهار والليل مثل الكبار..
٣- لاتنسين يومياً تقرأين المعوذات بصوت مسموع على طفلك في الصباح والمساء ..
٤- طبيعي هالفترة بعض الأمهات يجيهم اكتئاب مابعد الولادة ، اقرأي عنه وعن أعراضه وفي حالة حسيتي بهالشعور، خبري طبيبتك أو أحد أهلك واطلبي المساعدة ، لا تكتمين في نفسك خاصة لو كان الاكتئاب قوي ومكرهك في طفلك.. المشاعر اللي تحسينها بسبب الهرمونات ولا لها علاقة في الغالب بحقيقة حياتك وظروفك..
٥- استمتعي باللحظة ولاتفكرين متى بتعدي ومتى بتتفرغين لنفسك أو تنجزين أشغالك ، كل شهر بيكون أفضل من اللي قبله بإذن الله وكل ماكبر الطفل خف عليك التعب الجسدي، لكن حالياً طفلك هو الأولوية فاستمتعي بهالوقت المخصص له لأنه مره وحده في حياته وكلها كم شهر قليلة وتروح ، وخذي الكثير من الصور 🙂 ..
و لكل أم جديدة : مبروك النونو الجميل الله يحفظه يارب ويرزقك بره ويعينك على رعايته وأهلا بك في حزب الأمومة الخارقة..
وبإذن الله بأدون قريباً عن الأمومة والنفاس وغيرها من المواضيع المهمة فكوني بالقرب..
والحمدلله من قبل ومن بعد ،
أتمنى يكون الموضوع أفادكم وأمتعكم
إن كان كذلك فأسعدوني بنشره في الواتساب أو تويتر أو أي برنامج تحبونه الله يسعدكم ويحقق أمنياتكم الجميلة..
-التدوينة السابقة : التجهيز للبيبي الأول ،شنطة المستشفى، النفاس ،وأشياء أخرى…
...
تواصلوا معي عبر :
انستغرام وتويتر : arwa_alomrani@
يوتيوب : arwa karu
سناب : arwakaru
اخترت لك:
As an Amazon Associate I earn from qualifying purchases
التعليقات ( 346 ) :
اترك رداً على حوراء إلغاء الرد
يجب أنت تكون مسجل الدخول لتضيف تعليقاً.
الله يخليها لك ويقر عينك بصلاحها ?❤️
ماشاء الله مواضيعك دائماً شيقه وقيمه
الله يحفظك لك الاميره تالا ??❤️
الله يحفظلك بنتك ويجعلها قرة عين لكي ولوالدها ويرضى عنك رب العباد ويرضيكي استفدت كتير من تدوينتك علما أني بدأت اجهز للبيبي وياليت حبيبتي تنزللي تدوينة عن اكل النفاس ونصائح للي حتولد في بيتها
ياحبي لك الله يسعدك ويجعل ايامك كلها افراح ??
حبيت اكون اول تعليق واقول اخيييييييراً هالتدوينه
و شكرررراً كبيره للوقت اللي تستقطعينه من يومك لاجل تكتبين لنا تدوينات
رغم اني غير متزوجه لكن احب اقرا تدويناتك دائماً اسلوبك جميل
حبيت اكتب هالتعليق قبل لا اقرا التدوينه واندمج وانسى اكتبه ??
جدا رائع وشامل يعطيك العافيه..ويرزقك برها وتذوقين نفعها
امييين ??
يوم سعيد لك ام تالا ?
اول ماجاني ايميل انك نزلتي الموضوع دخلت على طول ?
موضوع ماشاءالله مفيد جداً للامهات ، بيستفيد منه كثير الله يكتب اجرك ♥️
ماشاءالله ، الله يخليلك تالا ويجعلها قرة عين لكم ومن حفظة كتابه الكريم ?
ماتتخيلين فرحتنا بخبر ولادتك بالسلامة وقدوم تالا للعالم ، كأنك وحده من العائلة ?
والحمدلله على سلامتك ومبروك تالا في حياتكم ♥️??
ام ريان وليس ام تالا مهما كان ومهما صاار امم رياان
اشكرك من الاعمااااق على المعلومات القيّمه
جداً جداً استفـــدت
الله يسعدك ويوفقك ويحفظ لك تالا ويجعلها قرة عين لك ويرزقك برها ❤️
إستمري يا مبدعه….
ياجمالك وجمال إحساسك?
شكراعلى الموضوع القيم جدا..وفعلامن تجربتي فيه أشياءمانستغني عنهاﻷنهاتختصرالجهدوالوقت وتمنحنافرصةالاستمتاع بالعمل?خاصةمع الحبايب?
بارك الله لكم في تالا?وجعلهاقرةعين
ويارب تجي عليك ياأجمل أروى??
صباح الخير تدوووينه جميله وجامعه كل الاشياء الله يعطيك العافيه ويسعدك والله يخليلك تالا ويرزقك برها ?????وانا اول وحده قريت التدوينه واول وحده علقت ع وشكراً لمعلوماتك الثمينه بالنسبه لي ❤️?دمتي بخير
جزاكِ آلـــــلّــــــہْ خير وكتب الله أجرك?
الف مبروك النونو يا أروى ومشكورة عالتدوينة الرائعه
انا سبق وجربت شفاط الانف او مصاصه الانف ? وبنتي جاتها حاله نفسيه منها ولما نزلت لاهلي صاروا يحذروني من استخدامها يقولوا بتفشطي مخ البنت منها ?? لكني استمريت عليها لحد ماجبت ولدي ولله الحمد فادتني كثير وانصح الكل فيها وبشده ??
من وين جبتيها الله يسعدك ؟؟؟
ماشاءالله .. التدوينة جدا مهمة ومفيدة .. جزاك الله خيرا .. والله يخلي لك تالا ويمتعك ببرها وصلاحها .
الف الف مبروووك البنوته ?? الله يحفظها لك و يرزقك برها مره فرحت لك ??
مبروك وعيدنا عيدين مع قدوم الأموره اللطيفه تالا??
الله يقر عينك بصلاحها ويخليها لك
شكرا لك أروى حبيبتي للمجهود الي تبذلينه عشان الجميع يستفيد
والله أن حياتي تغييرت كثيير بعد ما عرفتك وان كل مارفعت يدي بالدعاء لازم لك ولكل عائلتك نصيب من دعائي
أحبك فالله ??
اول مره اقرا لك تدوينه وانا لسى مو متزوجه اصلا ومع ذلك استمتعت
أسلوبك ممتع وبسيط في إيصال المعلومة اعتقد اني بختم المدونه
شكرا لك ولـ لطفك ورقتك ،،
أسال الله العظيم ان يكتب لك الراحه والسعادة والعافية ماحييتِ ?
تدوينة جميلة الله يخلي لك تالا ويحفظها
جميل جميل جميل..ماشالله ..الله يسعدك ويخليلك تالا ويرزقك برها.. مارزقت بأطفال لكني ما أفوت تدويناتك العظيمة..الله يرزقني وأخذ بكل نصيحة وخطوة كتبتيها..
كل الشكر اروى ?
يعطيك العافيه جميلتنا اروى كالعاده تدويناتك مرتبه ومفيده
انا توي بالاشهر الاولى بس حلو اعرف قبل مشكوووره قلبي
والله يجعلها ذخر لكم يارب ويرزقك برها وصلاحها
تدوينة رائعة وتحمس ?
دمتِ أُماً جميلة ومنظمة ??
يا عمري أنا ،الله يسعدك ويسعد تالا وتكون حياتكم ملألأة بالفرح ،طيب والحامل مالها نصيب??
ربي يخلي لك تالا ويقر عيونك بصلاحها يا رب العالمين ..
والف شكراً ع جهودك ، ربي يجزاك كل خير والله وإستفدنا منك الكثيييييير
?????
الله يسعدك اروى باين قد ايش تعبتي فيهاا .. معنى عزباء ولسا حتى طالبه لكن احب اقرا كل شي تكتبينو استفيد منو الله يحفظلك تالا يارب وتكبر وتشوف قد ايش امها كانت مهتمه ب اصغر التفاصيل عشانهاا ????✨?
اهلين ام تالا الله يعطيك العافيه على هالمجهود بجد ماقصرتي كافيه ووفايه وبتفك أزمه للأمهات الجدد ، الله يخلي لك تالا وعقبال ماتنزلين تدوينه احتياجاتها عروس??❤️❤️❤️
تدوينه جمييله وبتستعدنا لا جبنا بيبي بخليها مرجع لي إن شاءلله ❤️❤️❤️
قرَّة عيونك ?
اول ماجاني ايميل انك نزلتي الموضوع دخلت على طول ?
الف مبروك النونو يا أروى
الله يقر عينك بصلاحها ويخليها لك
شكرا لك أروى حبيبتي عالتدوينة الرائعه
وشكرا للمجهود الي تبذلينه موضوع ماشاءالله مفيد جداً للامهات ،
بيستفيد منه كثير الله يكتب اجرك ??
ماشاءالله يعطيك العافيه
بالنسبه للنقطه الثانية بنصائح متفرقه فعلا كلام سليم. انا حاليا افكر اعود ولدي عمره ٤ شهور ونص انه ينوم نفسه بدون هز او رضاعه وشفت فيديوهات كثير باليتيوب ومن ضمن الطرق هي هذي الطريقه، انك ماتتفاعلين معه لما يصحى بالليل يبغى برضع! تكونين مثلك مثل الرضاعه الجماد ماتطالعينه ولا تشغلين النور ولا اي شي بحيث يكون عليه الرجعه للنوم اسهل واسرع. انا ما اقاوم لمن يصيح واقوم بس يشوفني يضحك!! هههههه ف يخرب كل الخطط. والبارح حاولت ما اضحك له ولا المس راسه واهو يرضع مثل العاده ورحمته مررره :'( لكني مصره على تعليمه النوم بس ابي اصير مستعده نفسيا اول.
الله يعطيك العافيه على هذي التدوينه الي حيل استفدت منها
ويارب يخلي لك تالا ويحفظها لك ويحفظك لها ???
الله يخليها لك ?
أروى اللطيفه?
الله يحفظ لك تالا ويبلغك فيها يارب تدوينه جميييله جدًا وشرح كافي ووافي الله يجزاك خير، مو متزوجة ولسى طالبه واستمتعت بالقراءة وكنت متشوقه كثير استمممري ☹️?
شكراً اروى الاه يخليج لج البنووته يارب فعلاً في اشيا ثانويه مالها داعي المفروض نستغنى عنها و نكتفي بالاساسيات احس اني اشتريت ملابس نيوبورن وااايد لازم اشتري من ٠-٣ و كثرت مراضع ماعرف بحتاجها او لا ?
و كنت محتاره بالسرير شكلي باخذ كبير مره وحده احسن واريح و يكون ينفتح من جهه وحده حبيت الفكره
تدوينة جميلة و مفيدة ربي يحفظها لك لك و يعينك على تربيتها و ييسر لك امورك و يرزقك من حيث لا تحتسبين
❤️
ما شاء الله تبارك الرحمن
الله يحفظها لج
جميل جداً واعطاني معلومات قيمه كنت اجلها
يعطيج العافية
تدوينه جميلة ويستفيدوا منها الأمهات ان شاءالله ??
والله يحفظك الأميره تالا ??.
تدوينه مرررره جميله فادتني كثير ..والف مبروك البنوته والله يرزقك برها و صلاحها ..على فكره بنت كبر بنتي وبإذن الله يكونون صديقات ???
الله يجزاك خير اخت اروى تدوينه رائعععه ومجهودك تشكرين عليه نفع الله بك??
اخيراً نزلت التدوينه كنت انتظرها بشغف وفعلا زي ماتوقعت اكثر من رائعه مع اني تمنيت لو انك كاتبتها من قبل لكن من حسن الحظ اني ولدت بعدك بيوم اذا ماخاب ظني ?..
الرضاعات نفس حقت بنتي وواحسها حلوه وكمان العربيه تشبه اللي عندي فكره المقعد يركب في نفس العربيه جدا مريحه واوفر بدال مانشتري عربيتين .
شكراً من الاعماق ..?
ياقلبي من وين شريتي العربية
الله يسعدك متى اركب الطفل في العربيه او كرسي سياره باي عمر حامل اول مره
طاب يومكِ ❤️
تبارك الرحمن أسأل الله أن يحفظ لكِ تالا ويجعلها قرة عين لكِ في الدّنيا والآخرة ?
شكرًا جزيلًا وجزاكِ الرحمن كلّ خير على ماتقدّمين ☁️
الله يحفظ لك تالا ويرزقك برها
ما شاء الله تدوينة مبدعة ومليئة برائحة النظافة والبيبيات?❤❤
جميل انك استغليتي السرير وأزلتي الحاجز ??
اعجبتني فكرة اللهاية جدا اعاني منها لانها كل شوي تطيح ولازم من فم البيبي ولازم ارجعها?
ودواء المغص والغازات حل ممتاز لمشكلة المغص??
الله يبارك لك في جميع امورك ويجعل ابنتك قرة عين لك? وابشري بنشر التدوينه? التدوين يستهلك وقت وجهد كثيير شكرا جدا لحبك لافادتنا دائما?❤
شكرا جزيلا اروى .. كانت الادوينه في وقتها المناسب لاني في شهوري الاخيرة من الحمل .. سعيده بالمعلومات و الروابط للشراء .. اتمنى لك السعاده التي لا تنتهي و التوفيق الذي لا يفارقك حيثما أنت ..
الله يسعدك ويجزاك خير على نفعك الناس
الله يبارك لك في ذريتك و يبارك لكل مسلم
موضوعك رائع
مشكوه اروى مدونه جميله جدااا احب البيبيهات وأحب اغراضهم انا بعد ولدت بعدك بكم يوم وفرحت لك من قلبي الله يصلحهم لنا ويرزقنا يرهم ??
الله يعطيك العافيه اححبك جداً واحب اتابعك فيك تفائل واذا شفتك احس الحياه حلوه الله يحفظك ويحفظ لك احبابك ❤️❤️
وترا نستفيد منك كثثير كثير لاتحرمينا منك ?
شكرا اروى على التدوينه كثير استفدت منها. الله يحفظ تالا ويجعلها قرة عين لوالديها ويجعل ريان شافع نافع لوالديه.
حبيتبي يا أروى الله يسعدك ويسعدها يارب ويخليها لك وتفرحي فيها
يارب في أيامك الفضيلة تستجيب دعواتنا لهالانسانة الرائعة والنادرة
ما أدري وش أقول لك تدوينة رائعة وكل شي عندي تكتبيه أو تقترحيه معتتتتمد مباشرة
الله لا يحرمنا منك
الله يحفظلك تالا..
ام تالا اهديني كاميرا المراقبه اذا تقدري..
ونفسي بمصحف ملون منك
مبروك ما جامكم ويتربى بعزكم والله يرزقكم برها يا رب??
ماجاكم*
جزاك الله خير أروى ❤️ أحسنتِ الله يقر عينك بصلاح تالا
السلام عليكم كيف حالك ام تالا احتاج الموقع الي شريتي منه كرسي الحمام الصغير لتعلم الطفل حمامه ولك جزيل الشكر
شكرا لك أروى فعلا كنت ابحث عن ملخص لطيف وخفيف لتجهيزات المولود ..
جمممميله انتي وراقيه .. وطرحك اكثر من رائع ، اسعدك الله ..
على اني ماني متزوجه اصلا الا اني قريتها كلها ههه ،، جميل رح يستفيدون منها الامهات و ربي يحفظ تالا
شكراً أروى ♡
أنا في الشهر السادس حالياً ومابعد بدأت اجهز وارتب للبيبي الجديد، بما إنه اول بيبي لنا وأول حفيد لعائلتي وعائلة زوجي فما كنت عارفه كيف أبدأ التجهيز وايش احتاج،
تدوينتك سهلت علي الكثير واختصرت علي الوقت والجهد ?
شكراً جزيلاً =)
شكراً أروش القلب?ربي يحفظ لك تالا الجميلة ويرزقك برها ويجعلها قرة عين لك ولوالدها ?.
رائعه ياروئ ربي يبارك لك في تالا الجميله ويقر عينك بصلاحها
مميزة كعادتك
دمتي بود
الله على الجمآل ✨
أول شيء الله يخليلك تآلا ??
ويرزقك برها وصلاحها وتشوفينها عروسة يارب ?
ثاني شيء يكتب أجرك يارب على كل حرف كتبتيه وأكثر
بجد كنت محتاجة لبعض المعلومات مثل أختيار العربية خصوصًا أني في نهاية شهوري وهذا أول حمل لي ☺️
ترتيبك في طرح الموضوع يسهل علي اشياء كثيرة
شكرًا من الأعماق أروى ?
ثالث شيء حابه اسألك بشيء خارج عن التدوينة هذي ?
في مدونات تنصحيني بمتابعتها ؟!
موضوع ممتع و افاده رائعه.. انا خلصت من مرحلة البيبيات و لله الحمد بس قريت الموضوع لان احب تدرينااااتج.. و الله يوفقج و يحفظ لج كل غالي
الله يجزاك خير ويسعد قلبك..اجتهدتي وأبدعتي …
استفدت من نصائحك وجت في وقتها..شكراً لك من الأعماق..ربي يحفظ صغيرتك ويقرّ عينك فيها.
مرحبا اروى
تدوينه جميله و مفيده
اشكرك
ما شاء الله تدوينة رائعة مثل عادتك يا أروى
و ربي يخلّي لك تالا و يرزقك برها
و أكيد متحمسين لكل تدويناتك الجديدة
الله يسعدك ويجزاك خير أنا منصمة جديدة لحزب الأمومة الخارقة ^_* واستفدت كثير من الموضوع خصوصًا الكاميرا والمصاصة عازمة على اقتناءهم ?✨ الله يحفظ تالا ويرزقك برها ويذوقك منفعتها وصلاحها يارب
تدوينة رائعة ومتكاملة يا اروى الله يعطيك العافية ويجزاك خير قد ما انت تحاولين تنفعين الاخرين
عندي ملاحظة بسبطة احب اضيفها : ان الحليب الصناعي له تاريخ صلاحية بعد فتح العلبة لايتجاوز ٣ أسابيع حسب الانواع اللي سبق واستخدمتها ، فإذا كانت الام ماتعطي طفلها الا وجبة وحدة في اليوم او كل يومين فلازم تنتبه لهذي النقطة لانه بتنتهي الصلاحية قبل انتهاء الحليب في العلبة
صحيح صرت اخذ المقاس الصغير ، باكتب هالتنبيه في التدوينه الخاصه بالرضاعة باذن الله:)
الله يقر عينك بتالا يارب وينبتها نباتاً حسناً
استفدت كثير من الموضوع مع إني أنتظر طفلي الثالث إن شاء الله ..الله يرزقنا بر أبناءنا وصلاحهم وحسن معاملتهم وتربيتهم?
شكراً من الأعماق أروى ?
السلام عليكم
اول شي الف مبرووك ع البيبي الجديد ..الله يحفظها يارب لكم من كل شر
حابه اسالك عن الولاده بالخارج انا مرافقه مع زوجي ان شاء الله وح اولد هناك في بريطانيا متخووفه من هالشي جدااا
سمعت انهم مايخيطوا بعد الولاده صحيح هذا الكلام او لا
انتظررر ردك .. او رد اي احد عنده خلفيه عن ذا الموضوع رجاااء..
وشكرا❤️
لا مو صحيح ، يخيطون طبعا
اهلاً الاء،
انا مرافقه مع زوجي في بريطانيا، وقابلت صديقه في المعهد جابت طفلين ببريطانيا..
و بالعكس تمدح الولاده هناك ❤️
بس بتحتاجين وقفه قويه من زوجك خاصه الغربه مع الولاده وكذا ممكن تسبب اكتئاب ?
لذلك حلو تكونين ماخذه احتياطاتك وقاريه عن كل شيء ??
ربي ييسر لك ولادتك ❤️
شكرًا أروى الجمييله
من قلب شكرًا
لكوني مقبلة على الأمومة بإذن الله قريباً
وأفكاري مشوشه مش عارفه ابدأ بإيش وأجهز إيش
لما تكلمتي عن التدوينه تحمست وحسيت بأستفيد بإذن الله
نفسياً وتجهيزيا ?
شكرًا لكمية المعلومات واللطافة والإطمئنان في تدوينتك
دمت بود ?
وحفظ الله لك تالا❤️
الحمد لله لله على سلامتك ياقلبي
الف مبروك ما جاك وتتربى بعزكم
الله يحفظها لكم ويحفظكم لها ويبلغكم فيها ?
مدونه جدا رائعه
جزاك الله خير التدوينه جميله وشامله يعطيك العافيه وربي يحفظ لك تالا ويرزقك برها
الله يسعدك ويخلي لك الصغيرة تالا
رااائعه ماشاءالله كعادتك ام تالا بارك الله في جهدك وحفظ لك تالا ورزقك برها
الله يعطيك العافيه تدوينه رائعه كالعاده
و عقبال ما تسوي تدوينه عن التجهيز لفرح تالا ?❤️
روووعة تسلمين يالغالية وربي يحفظ لك تالا ويرزقك برها
انتِ انسانه رائعه ❤️ الله يسعددك ويخلي لك تالا وينبتها نبات حسن يا رب
كعادتك أروى متألقة وملمة بطرحك وأسلوبك جعله الله في ميزان حسناتك وحفظ لكِ تالا❤️
الله يجزاك كل خير
جت في وقتها هالتدوينه
وانتظر تدوينة النفاس على أحر من جمر ووالله 🙂
يعطيك العافيه ماقصرتي الله يسعدك ??والله يحفظ لك بنوتك ???
الحمد لله ع السلامه ومبارك ماجاك تتربى بعدكم يارب ? التدوينه جمييله مثل صاحبتها يعطيك العافيه ❤️ ونطمع بالمزيد ?
تتربى بعزكم خطاء مطبعي كله من قاموس الايباد ??
شكرا أروى الله يجعلها بموازين حسناتك ياربّ ?
كنت مترقبة للتدوينة ? لك حبي ودعائي ()
عاشت يدك ع التدوينه الجميله ..والله يحفظلك تالا ويجعلها من مواليد السعاده ان شاء الله
الله يجزاك خير الجزاء وينفع فيك ،
ويجعل من ابنتك قرة عين لك ?
الله يخلي لك تالا ويقر عينك بصلاحها
تدوينتك مره جميلة تسلم اناملك والله
جدا يعطيكي العافية موضوع متكامل من جميع النواحي باقيلي شهر على ولادتي وكنت بفكر أخذ حاجات ثانوية ومن كلامك اقتنعت بالأهم والاشياء الأساسية ويارب يخليلك تالا وتتربى بعزكم ودلالكم ويرزقك برها??
على ان ولدي كبر وصار سنه وشهرين الا اني احب اقراء تدويناتك
يعطيك الف عافيه والله يخلي لك تالا ?
الله يخليها لك ويحفظها يارب
و تشوفينها وهي تكبر ان شاءالله ^-^
شكرا شكرا شكرا شكرا شكرا شكرا شكرا شكرا شكرا لك من القلب على كل حرف انتي مبدعه بالكتابه والشرح مستحيل اطلع بدون فائدة
ارجو منك مدونات كثير وخصوصا عن فترة الحمل والعناية شلون
وبعدين فترة النفاس
وارجو كمان تكتبي عن معلومات تفيد وقت الولاده لان شرحك يدخل المخ وممتع جدا جدا جدا جدا وشكرا جزيلا ومبرروووووووك تالا الله يجعلها سبب سعاده لكي
السلام عليكم
تدوينه رائعه .. تشكرين عليها
كنت احتاج معلومات عن هذا الموضوع بما اني بكون ام جديده قريبا ?
شكرا مره ثانيهر?
الله يقر عينك فيها و يبلغك فيها اعلى المراتب في الدنيا و الاخره يارب ❤️❤️❤️
عندي تنبيه بسيط
بالنسبة لوضع السرير وارضاع الطفل وهو مستلقي هو والأم وضع خطير وغير آمن ممكن الله يستر لو تنام الأم يختنق الطفل من صدرها أيضًا الطفل لازم يكون مرفوع شوي عشان مايشرق ويتنفس بشكل طبيعي أو يتعرض لالتهاب في الأذن
ومشكورة عالفوائد اللي تحتاجها كل ام ?
اي اكيد الترضيع مايكون استلقاء تام ، يكون مايل ارفع نفسي والطفل بثلاث مخدات تقريبا 🙂 تنبيه مهم
ما شاء الله التدوينه مررررره تجنن ما قصرتي الله يجزاك خير ويخليلك تالا والله يرزقك باللي تتمنينه
جزاك الله خير
استفدت منك كثير
زادك الله علما ونفعا
الله يعطيك العافيه اروى ويحفظك لك تالا يارب
ماشاءالله جزاك الله خير على المدونه كنت محتاجتها هالفتره بما انه بعد شهر بصير ام جديده باذن لله ❤️ والله يرزقك بر تالا ويخليها لك يارب وتشوفينها عروس ان شاء الله ..
الله يحفظها لك وتفرحين فيها يارب
الله يجزاك خير كفيتي ووفيتي والله يخليلك جميلتك تالا ??
ماشاءالله مبدعه على اني مو ام جديده عندي ولد وبنت توأم كنت في داومه فتحتي عيوني على اشياء كنت غافله عنها لك الشكر والدعاء الله يحفظها لك ويخليها ويرزقك برها ❤️
الله يعطيك ألف عافية على التدوينة الرااااائعة.. والله يباركلك في بنتك ويحفظكم كلكم يارب.
لطيفة أنتِ ولطيفة كلماتُكِ أيضاً
تبعثين الراحه والاستفاده لكُل من يقرأ!?.
أتمنى لكِ أنتِ وتالا أيامً جميله وورديه??.
الله يسعدك ويبارك فيك وشكراً على المعلومات المفيدة.
وحفظ الله لك تالا وأقر عينك بها ورزقك الله برها.
بورك فيك ??
ماشاءالله الف الف مبرووووك تتربى في عزكم ودلالكم ياااارب ❤️❤️
موضوع كامل وشامل الله يوفقك
جميل و مفيد ومتكامل .. شكرا لك الله يبارك لك بتالا و يبارك لك بوقتك …
جميلة كعادتك❤️❤️
شكرا يا أروى أنا مثلك رزقت ببنوتتي الثالثه يوم ٢٦ رمضان يعني بناتنا كبر بعض وتقريبا المكتوب في المدونه طبقته ، وفعلا بعض الاشياء تكون ثانويه وتغرينا بالشراء ??
فيه اشياء اشتريتها ببنتي الثانيه وماااا استخدمتها هالمره كنت منتبهه وانا اجهز ما اخذت الا الضروري الضروري
السلام عليكم حبيت اشكرك من جد تدويناتك ونصايحك مرررة جميلة واستفيد منها من جد مرررة شكرااا وانا اول مولدة جاتني يوم 21 رمضان في البداية كنت تعبانة بس من جد الواحد يستمتع بكل لحظة ويعمل شيء يغير على نفسوا كل فترة وفترة وجزاكي الله خيراا
ماشاءالله عليك تدوينتك جدا جميله الله يحفظ تالا ويقر عينك فيها❤❤❤❤
يعطيك العافيه ومشكوره على وقتك وتعبك
انا أم متغربه في أمريكا والحين حامل والحمدلله استفدت كثير من خبرتك ووجود اللنك سهل علي مررره شكرا
الله يحفظها لك يارب ويحفظكم لها تدوينه مرة جميله استمتعت وانا اقراها?
جميييل الموضوع وفعلا مفيد .. في ميزان حسناتك
الكاميرا اني عندي نفسها .. مفيدة لقيلولة العصر و استخدمها لما اكون بالمطبخ وصغيري بالصالة .. بس عيبها ان لما يقعد الطفل يصيح ما يصدر صوت تنبيه .. صغيري من عمره ست اشهر انقله ينام في حجرته.. فاذا كنت نايمة وهو قعد نص الليل يصيح انا شلون اكتشف .. فكان لازم مع الكاميرا هذي جهاز مناداة
كاتبين انه فيها تنبيهات بس اظن لازم تحملين البرنامج اللي مدفوع مو المجاني
ابدعتي كعادتك أروى .. الله يبارك فيك ويحفظ لك تالا وابو تالا بالرغم ان اولادي ثلاثة ولكن استفيد من معلومااتك كلها للبيت والاولادوالمطبخ ..?
شكراً شكراً شكراً من القلب ()
في أمريكا وعلى وجه ولادة وفعلاً أستفيد من كل معلومة تدونينها ❤️ الله يحفظ لك ماوهبك ويرزقك برّها ❤️❤️
شكرا ي جميله ???
ما شاء الله ، بارك الله لكِ في الموهوب لكِ وبلغ أشده ورزقت برها ، الله يسعدكم ويهنيكم ، الموضوع رائع ?
جمييييل ومفيد جزيتي كل الخير ام توت عندي ثلاث بنات بس لازت استكشف وش الجديد بعالم الاطفال واخذ خبره من التجارب حبييت انك مو متكلفه مثل باقي الامهات وبنتي اثانيه اسمها تالا حبيت اسمها اكثر بعد ماسميتي بنتك
الله يسعدك ويوفقك ويجزاك ربي الف خير ويخلي لك تالا ??????
ما بعد حملت بس مستحيل افوت لك تدوينه ومنها ناخذ خبره قبل ما نتوهق بشيء ما نحتاجه ??
ماشاء الله تبارك الله
كلامك جداً مريح ويحمس ودي ادخل السوق اليوم قبل بكره
وربي من التعب اللي فيني والثقل ما ادري كيف ابدأ
ربي يخليلك تالا ولا يريك مكروه فيها ويهون علي وعلى كل حامل
ماشاءالله تبارك الله وفيتى وكفيتى يارب يستفيدوا منها الأمهات
انا عندى احفاد وحفيدات واصغر وحدة يمكن بعمر بنتك واسمها تالا
عمرها خمسه اشهر او سته تقريباً
ربى يحفظلنا ولك ولايورينا فيهم مكروه وتشوفى بنتك توته عروسه
ويرزقك بااخوان واخوات لها وتتهنوا يارب فيهم ويسعد قلوبكم
امين يارب اسعدنى اكون صديقتك رغم فارق العمر بينى وبينك
بس احسك انك مثل بنتى
ودمتى بخير انتى ومن تحبين بإذن الله
شكرا لك اختي أروى استفدت كثيير من التدوينة ..
و متحمسة اشوف تدوينة الأمومة و النفاس ..
لاني حامل و هذا اول حمل لي ..
سلمت يداك وبارك الله جهدك عزيزتي
التدوينة راااائعة تستحق الترقب والانتظار
ثمينة وقيمة تستحق النشر
استفدت منها الكثير وجعلت لانتظار صغيرتي طعما” لذيذ
ويتجدد الشوق للمدونة القادمة ( الرضاعة الطبيعية ).
أشكرك وارجوا الله لك السعادة والاطمئنان والتوفيق دائما
ولك خالص الاحترام.
ماشاء الله مرررره جميل ترتيبك واهتمامك ???الله يسعدك يارب مدونتك من الأشياء الجميلة بنسبه لي والايجابية أحب ادخله واقراء وكثير أعيد مواضيع وأقراهم مره ثانيه وساعات أتمنى لو فيه تدوينه ما قريته لأَنِّي استمتع بهم جدا …..
انا ماتزوجت ولا شئ اقراء وأروح لامي أقوله اللي قريت حتى أمي تحبك وخواتي نتابعك بسناب وانستقرام ….
الله يحفظ لك بنتك ويسعدك يارب ويحقق لك اللي تتمنين❤️❤️❤️
مبروووك اروى وجعل كل فايده تفيدينا فيها في موازين حسناتك ??جزاكً الله خـيرا والله يخليلك تالآ ويسعدكم ?٠٠
اعجبني الموضوع وكنت انتظره بحماس ❤️❤️الله يسعدك اروى ويحفظ لك تآلآ ❤️
استفدت منه كثير ❤️وب انتظار تدونيتك للنفاس ?
جزيتي خيرا ??
حبيبتي ما اوصف لك قد ايش اختصرتي علي الكثير الله يسعدك و يوفقك و يسهل عليك كل امورك و يرزقك برها بنيتك???????
شاكرة وممنونة على التدوينة الرائعة لتجهيز الطفل ، كنت انتظر متى تنزلين الموضوع لأني على وشك ولادة واحتاج من لديه تجربة سابقة وايش الاغراض المهمه للأم والطفل خصوصا أنني بالغربه ، اعتذر منك عن سؤالي التالي ،؛فترة النفاس هل كان زوجك ينام في نفس الغرفة اللي انتي وتالا تنامون فيها ?أيضا ماكان ينزعج زوجك لما تالا تصحى بالليل ؟ شاكرة لك تعاونك معانا و دمتي دائما عزيزتي
ننتظر عنايتك و الاكل و في النفاس بفارغ الصبر لاني ما اعرف ايش اكل كل الأكل المطروح علي اكل يسمن بدرجة مو طبيعيه وانا اصلا سامنه مع الحمل فوق ال 15 كيلو فما اعرف هل فعلا لازم اكل هذا الأكل
راااائعه تدويناتك دائما ومتكامله ماشاء الله ?
بس غريبه ما جاني ايميل انك نزلتي تدوينه المره ذي ❤️
فرحت لك لما عرفت انك ولدتي
الله يخليها ويحفظها ويقر عيونكم فيها ?
*حبيت انبهك على شغله المناديل المبلله حاولي تقللين استخدامها لمنطقة الحفاظ ، واستبدالها ببخاخ مويه وقطن او مناديل ؛ لان بلغالب تكون فيها نسبة عطور ومواد ممكن تاذي بشرته وتسبب التصلخات ” من واقع تجربه ”
والله يوفقك ويسعدك
افدتيني بهالتدوينه ، و اذا فيه شي عن النفاس والامومه حاول هالفتره ???
فكرة البخاخ روعه ، باجربها باذن الله وبابحث عن بديل للتعقيم لان المويه لحالها ما احس تعقم .. الله يسعدك يارب
فيه مناديل الزيتيه للي يعانون من التصلخات
ومره حل فعال .. سيبا ميد ..
بحكم خبرتي الطويله استخدمت المناديل المبلله والزيتيه ولم تعجبني كلها تسبب تسلخات..استبدلتها بمناديل عاديه مع لوشن نونو او جونسون الزهري وجدا ممتاز للنظافه وللبشره..حبيت افيدكم بتجربتي السابقه
فى مناديل مبلله بدون عطر حلوه مره
فيه مناديل طبية جافة بس عليك تبللينها بمويه وتمسحين عادي جدا آمنه ولا فيها مواد ضارة وتحصلونها بمحلات التجهيزات الطبية
مساء الخير أروى ?..
موضوع اقل ما يقال عنه متكامل ماشاء الله تمنيت نفس هالموضوع قبل م اجيب بنتي لانه بجد تحتاجين احد يحكي لك عن الاحتياجات بالمرحله الجديده اللي بتخوضينها ، بارك لك ربي ب تالا و رزقك برها ?
بنتي عمرها ٧ شهور اتمنى احد يحكي لي عن تغذية البيبي بهالفتره و انواع الوجبات اللي ممكن تاكلها و كيف انظم جدول تغذيتها اليومي احس اني تايهه بهالشيء ?
يعني الشي الوحيد اللي احس نفسي ماضبط معي للان اني اضبط لها روتين معين احس بيكون اريح لها بكثييير انها تنتظم بالنوم والاكل و غيره ، يعني يحصل انو يجي وقت يتحدد موعد نومها وتترتب بس تحصل امور تخرب و على العكس تكون منزعجه جداً ?
الله يحفظها ويخليها لكم ? شكراا لك على جهدك استمتعت جدا واستفدت ?
الله يعطيك العافية ويوفقك ويرزقكم بر أطفالكم ويقر عينكم فيها ..
إستمتع دائماً بقراءة تدويناتك وجديدك .. ربي يعافيك..
بخصوص عربية الأطفال نفس العربية اللي عندك
حصلتها قبل أسبوعين تقريباً في [سنتر بوينت] وفعلاً كانت طقم
عربية + مقعد للسيارة (حجم +0 )
وكان عليها عرض وسعرها معقول بحدود 700 ريال .
اللي حاب يروح وبيحصلها إن شاء الله ..
وبالتوفيق للجميع .
سبحان الله أسلوبك جدا مريح ويحسسني إنه كل شي حيكون سهل .. الله يسعدك يا رب ويريح قلبك ومبروك على ما جاكي الله يخليلك هيا ويعوضك بيها ويجعلها من الباريين والصالحين ❤️❤️❤️
تدوينه اكثر من رائعه.. تسلم ايدك على كتابة هالمعلومات المفيده .. و بانتظار تدوينة مرحلة النفاس
و الف مبروك المولوده الله يجعلها عطاءاً صالحاً و يرزقكم برها و صلاحها يارب
شكراً لك اروى على كل دقيقه اعطيتينا من وقتك ، والله يخلي لك بنتك ويجعل ريان شفيع لك ،، انا بنت مابعد تزوجك وانبسط على مواضيعك خاصه عن الاطفال والامومه وانا اعشق الاطفال واحب اقرا عنهم كثير واتمنى اكون ام واطبق على اطفالي عمري ٢٦ ومابعد تزوجت وحمستيني يكون عندي طفل الله يرزقني ويرزق كل بنت?
مدونة جميلة كجمال صاحبتها
شكرًا لك استمتعت وأنا أقرأ وتستحق تعبك ✨?????
الله يحفظ لك تالا ويقرّ عينك بصلاحها قولي آمين ✨?
اروى انا احبك ودائما اقول لاهلي اني ابغى اشوفك
وانتي اكثر وحده احبه بالسناب والانستا وكل مكان
تخيلي ي اروى لو تردين عليا بنقطه??اتوقع من
الفرحه وقتها لمن تردي عليا يعني باحس نص السعاده
الي بتجيني لا خشيت الجنه الله يدخلنا اياها☻??
المهم انا احبك مرة واحب تالا والله يسعدكم وين ماكنتو
ياحلوك يا رسال .. الله يسعدك يارب ويحبك ويرفع قدرك دنيا واخره ويجمعنا في جنته
ماشاء الله تدوينة رائعة ومتعوب عليها وموضوع جداً مفيد وبسيط في الطرح وشامل يعطيكي الف عافية ياعسل
الله يحفظلك بنتك ويبلغك برها
موضوع جدا جممميل
استمتعت ودخلت كل رابط وشفت مع اني غير متزوجه لكن مواضيعك شيقه ()
فرحني تعليقك ، الله يرزقك اجمل واحلى حياة مستقبلية يارب مع اطفالك
ماشاء الله جدا رائع بارك الله فيكِ وبالمبارك ماجاكِ ربي يحفظها ويرزقك برها وصلاحها ويجعلها من مواليد السعادة معك اختك في الله آية من متابعاتك ومعجبة جدا بكل ماتقدمينه ربي يحفظك ويحفظلك اسرتك ?
❤️❤️❤️❤️❤️
❤️❤️❤️
ياعيني تدوينه عن اجمل شيء بهالحياة الأطفال ?
صحيح في اشياء تحمست وشريتها وماكان لها استخدام كثير وبالنهايه انركنت بالمخزن
افضضل شيء السرير المفتوح ع سرير الام جدا مريح لان تعب رفعها منه وترجيعها ? اذا كبرت ترجعي الحاجز وانتهى الموضوع ??
انا بنتي ما استخدمت لها مناديل التغيير لان بشرتها حساسه تتحسس من العطور
كنت ابلل قطن وامسحها فيه والوضع تماام ??
شكرا عالتدوينه الجميله جدا استمتعت فيها وبانتظار جديدك المثري ?
وعن موضوع زبالة الحفاضات
انا استخدم اكياس الحفاضات من مذركير ريحتها بودره بالبيت وخارج البيت
تفي بالغرض ??
تدوينة رائعة الله يبارك لك بالبنوتة يارب
مانستغنى عن نصائحك
تدوينة رائعة حدا وافادتني وانا بٱول حمل وبالشهور الاخيرة جزاك الله خير ورفع قدرك وكتب اجرك ..
مرحباً ام تالا ،،
خواتي قريباً بيجيبون اطفال وحده صيف وحده شتاء بحول الله تعالى ،،
بغيت أسالك ايش الهدية المناسبة لهم ،،،
يعني فكرت كاميرا للأطفال ..
وايش بعد واللي بالشتاء موظفة يعني تعب بعد ايش أهديها وانا للحين ما ادري هل بنت او ولد ساعديني الله يعافيك ،،، ??
ادري ذَا مو المكان المناسب للسؤال بس هذا الوحيد اللي اقدر عليه بسرّيه بدون ما يعرفون لان اذا قلت لهم بيقولون لا مالها فايده كلام زي كذا وهم ما جربوا ومنها ابيهم يجربون يستخدمون أشياء جديدة ابيهم يحسون انها متعة مو تعب وكل شوي مكشرة وزعلانة ويبكي ما يبكي فهمتي علي ?
على العموم ساعديني الله يوفقك ويصلح لك تالا يارب ?
الله يسعدك أبغاك تحذفين تعليقي 🙂
امممم ، ممكن عربيه اطفال او جلاسه ، وممكن كرسي كبير هزاز للام وقت الترضيع ، اضافه حلوه ومريحه
للمعلومية خواتي جداً جداً جداً تحمسوا لتالا حسيناها فرد جديد أضيف للعائلة الله يصلحها يارب حاستها مثل اولاد اخواني والله ????والله يوفقك ويوفقنا ويعينك ويسهل لك يارب ???
يازينكم الله يسعدكم يارب
الله يعطيك العافيه ويحفظ لك بنوتك اللي فرحت بها كثر فرحتي بعيال خواتي?
ويجعل ريان شفيع لك يارب ..
أروى من الشخصيات الملهمه
حفظك الله أينما كنت ورزقك ماتتمنين ??
امين ياقلبي،لمن شفتك تناديني بإسمي قمت اشاهق??ليتك شفتيني???،من الفرحه يعني❤❤?
الله يسعدك
روعة ماشاء الله
الله يحفظ لك تالا ويخليك لها..
موضوع رائع شكرًا أروى الله يجزاك خير ?
المصاصة على طول دخلت الرابط وطلبتها ? لأن بنتي عمرها شهر وضاع لها ثنتين فحبيت شكل المصاصة هذي ووجود الدمية بيخلي ضياعها صعب لأنها ماراح تدخل تحت السرير أو أو أو.
لكن التغيير حبيت أزيد على تعليق الأخت (jwhr) من واقع تجربتي طفلي الأول كنت دايم أحرص على تنظيفه بالماء مع الصابون أو شامبو الأطفال و في فترة الشتاء بسبب إني اكتفيت بالمناديل عن الماء تحسس جلده بشكل كبير جدًا لدرجة اضطريت استخدم له كريمات فيها كرتزون -بتوجيه من الطبيب طبعًا- لمدة كم يوم والحمدلله تحسن ورجعت للتنظيف بالماء وفعلًا مافيه شيء مثل الماء ?
الف مبارك اروى على قدوم تالا .. ربنا يحفظها ويبارك فيها وشكرا من الأعماق لكل ما تقدمينه ، انت فعلا مميزة جدا ورائعه ، ربي يحفظك ويرعاك .
ما شاء لله موضوع جميييل و شيق ويحوي الفوائد … ومبروك البنوته ربي يحفظها … انا ام جديده صار لي شهر والده . مغتربه بأمريكا مثلك ☺️و جبت بنوته ?…❤️
شكراً جميلتنا ام تالا على التدوينه الخارقه كالعادة ❤️❤️
توني متزوجة ومرافقه لزوجي في بريطانيا وجد استفيد دايم من افكارك والهاماتك لنا ❤️
بدية اتابعك من زمان قبل ماتفتحين المدونة وراح استمر باذن الله ?
من الاشخاص المميزين الي تمشي وتزرع فوائد في كل مكان ❤️
ربي يوفقك ويحفظ لك بنوتتك ويرزقني ببنوته مثلها ❤️❤️
بديت*
مشكلة الي يكتب من الجوال ?
جميييلة يا اروى انسانه معطاءة لابعد حد الله يرزقك من واسع فضله ? يا ليت تضيفي حقيبة الطفل من فين اشتريتيها لاني محتارة ايهم احسن بالجودة وتبقى معايا ع طول، اول بيبي ومحتارة ???
اولا الله يبارك لك في تالا ويحفظها و يجعلها من عباده الصالحين والحمدلله على سلامتك اروى ،، حبيبتي انا حامل حاليا بطفلي او طفلتي الاولى واستفدت كثير من موضوعك اتمنى تكثرين من هالمواضيع سواء نصائح او منتجات معينة .. الله يجزاك الجنة
تدوينه جميله جدا ماشالله احب هدوؤك اروى حتى تدويناتك اشعر فيها بهدؤ وروقان والله يبارك لك في تالا يارب
الله يخليها لك يارب
لي تعليق على المناديل المبلله ماااا انصح بها ابدا كنت استخدم لطفلي مناديل زيتيه ماركه سيبا ميد رااائعه وبعد كل غيار احط له فازلين
و لله الحمد و لا مره جاه التهاب او “مشق”
وبالنسبه لطاولة التغيير مدري كيف البعض يستغني عنها طفلي عمره 3 سنوات ونص وللان استخدمها له
ماشاء الله عليك ى اروى مبدعه موضوع مررره شامل ابدعتي ربي يوفقك ويبلغك في البنوته كل خير ودمتي وبخير?
السلام عليكم
اروى حبيبي يعطيكي العافية عالتدوينة المفيدة والله يجزاكِ خير ويحفظلك تالا
حبيبتي اتكلمتي عن الهز وانك قرأتي ماينفع الخز لاكثر من ساعة/ساعتين في اليوم كله،،، ممكن توصحي الاسباب والموقع اللي جبتي منه المعلومة؟
اكون شاكرة لكِ
أسعد الله أيامك أروى ، اسأل الله ان يكتب أجرك و يرفع ذكرك.
أشكر لطافتك و وضوحك بسرد التدوينة.
عندي استفسار بسيط، سمعت كثير يقولو فيه نوع من اللّهايات( المصاصات) اللي يكون الجزء اللي بداخل الفم كبير فيرفع اللسان و يتعود اللسان على هذا الوضع فيسبب صعوبات في النطق عند الاطفال ، فحبيت اتاكد من صحة المعلومة . و كمان وش المعايير اللي مفروض نراعيها باختيار المصاصه.
و احبك
الله يحبك ويسعدك .
المصاصه البعض يقول استخدمو اللي تجي قطعه وحده لأن اللي تكون قطع كثير ممكن تتفكك ويغص فيها الطفل .. هالمصاصه اللي انا شاريتها نفس المصاصه المعتمده في جميع المستشفيات الأمريكية آمنه بالدرجة الأولى .. الطفل ماراح يخرب فكه من مصاصه الا اذا طول عليها لأكثر من سنه ، بس السنة لأولى بإذن الله ماعليه ضرر من هالناحية ..
عن نفسي ريان كان يمصها الى ان بدا يطلع له اسنان بعدين خلاص صار يعضضها بدل المص فتركها من عمر ٦ شهور ، واعتقد انه افضل انها ماتطول معهم معد يحتاجونها تكون مجرد عادة يفضل ينفطمون منها بدري قبل مايتعلقون فيها زيادة
الله يسعدك يا أروى ويجزاك كل خير
حبيت اسألك عن الكاميرا دخلت الرابط اللي حطيتيه ومالقيت مكتوب شي عن قوة الكهرباء
انتي متأكده انها تشغل ٢٢٠ فولت ؟
لاني شريت من امازون الة شفط الحليب وللاسف لقيتها ١١٠ واخاف من موضوع المحول
ماكرفتها صح علشان هالسبب 🙁
ايه قريت في الصفحه انها ١١٠-٢٢٠ تلقين المعلومه في فقرة الأسئلة عن الجهاز
ماشاءالله تبارك الله. ربي يحفظها لك ويعينك على تربيتها وربي يجعلها من الصالحات. نتطلع للمزيد من التجارب والنصائح ولكِ منّا الدعاء والقلوب الحاضره ??
ماشاء الله تدوينه شاملة انا حاليا استعد لمولودي جزاك الله خير
السلام عليكم أروى اللامعة ..
وصلتني رسالة على إيميلي عشان أشوف التدوينه ههههه مع إني مب متزوجة تحمست أشوفها , نسيت أهنيك بتالا *///* الله يخليها لكم ويقر عيونكم فيها ويجعلها من الصالحين , متونسه فيك في الانستقرام والسناب أحس بالحياه إذا صورتي شي حتى تدويناتك أحس بمشاعر فيها , تستاهل تاخذ وقت الصراحه , أهنيك لأنك إنسانه جميله من جوا ومن برا أشوفك كشخصيه مؤثره ومتجدده ما شاء الله ما نشوف ناس كثير كذا استمري و إحنا معك ونشجعك () .
شكرا لميا الله يسعدك يارب كلماتك رقيقه برقة قلبك ، الله لا يحرمني وجودكم وجمال ارواحكم
ماشاء الله تبارك الله..الصراحة شهادتي فيكي مجروجة.. على اللطافة والسعي لنشر الخير للغير..انتي مثال وقدوة للناس برواقتك..الله يحميكي ويزيدك ويرزقنا واياكي يااروى العسل
ما شاء الله متألقة دائماً أروى
والحمدلله ع سلامتك ومبروك العروسة تالا الله يحميها لكم ويقر عيونكم فيها ويجعلها الله من الصالحين
قرأت الدوينة كاملة مع أني الحمدلله اكتفيت من الاطفال اصغر اطفالي حاليا ١٠ سنوات واستمتعت في قرأتها مبدعة دائما حفظك الله انتي وعائلتك من كل شر
ماشاء الله تدوينتك رائعه ومفيده ?
الله يحفظ لك تاله ويقر عينك بصلاحها
ياليت تنزلي تدوينه عن العنايه والاهتمام اثناء الحمل
وجزاك الله خير أرو ونفع بك ?
يعطيك العافيه أروى
مره شكرا على التدوينات هدي ماتتخيلين قد ايش استفدت وقد ايش هي مرجع لي الله يجزاك خير ويخلي لك تالا يارب .
ماشاءالله عليك اروى اسلوب يفتح النفس و شرح مفصل ودقيق يوصل المعلومه الف شكر لك على الموضوع الجميل يحمس نصير امهات بسرعه هههه… الله يحفظ لك تالا ويقر عيونك فيها يارب
ماا شااء الله ياروى تدوينات تبرد الكبد
اي سؤال يخطر ببالي القاك مجاوبة عليه ربي يسعدك ويوفقك
وو ما شاء الله احس انك الوحيدة اللي مستغلة الانترنت والمواقع صح
لان كل شي تجربينه او تشرينه بناء على اراء ودراسات وروابط
كفيتي ووفيتي بالتدوينة وراح تكون اول مرجع لي ان شاء اذا جيت بجهز لاني ببداية حملي واكثثر فكرة اعجبتني فكررة السرير بس كيف رفعتيه لمستوى سريرك اغلب اللي اشوفهم بالمحلات او الصور يكون نازل مررة ؟؟ وبس شكرا لك ❤️❤️❤️❤️
شكرا وعد، السرير يجي له مقاسات تقدرين ترفعينه وتنزلينه حسب عمر البيبي كل اسرة الاطفال كذا ماتشيلين هم 🙂
تدويييينة لطيييفة جدااا ???? يعطيك العافية .. و الله يحمي تالا من كل شر ❤
يعطيك كل عافية والله يكتب أجرك ويجزاك عنّا خير الجزاء ..
موضوع جاء بوقته ، لأني بأبدا تجهيز الله ييسر لي وييسر لمن هم مثلي ..
ماشاءالله اللهم بارك الله يحفظها ويخليها لكم ويقر عينكم فيها ..
أروى ابي اتواصل معك بخصوص الشركة اللي ساعدتك بإنشاء المدونة 🙂 إذا أمكن .
امين يارب .. هو شخص مو شركة ومايستقبل طلبات للاسف
الكل هنا اخذت من طاقتك وحيويتك اروى ? الله يخلي لكي تالا ?
في وقتي الخاص او وقت الاسترخاء ادخل المدونه اقرأ كم موضوع ?
من متابعينك في كل مكان بس متابعه صامته ?❤️
الف الحمدلله على سلامتك وربي يحفظلك تالا ويجعلها من مواليد السعاده ويرزقكم برها
اروى انتي ملهمه ?
ملهمه?
ملهمه?
احبك في الله ????????????????????????????????????
اروى الله يعافيك وين القى هالمصاصه ??لعل وعسى تنفعني
انا من زمان اتابعك بتويتر والسناب والانستقرام واليوم اول يوم اشوف مدونتك صراحه وانا اقرا حسيت بشي ايجابي لاني ام لاول مره وطفلي عمره شهرين واستفدت كثير كثير من موضوع.. الله يسعدك ويوفقك ويخليلك الاميره تالا❣
حبيبتي الله يخليها ويحفظها لج يارب
ويجعل ريان طير من طيور الجنه وشفيع لج بيوم الدين ,, احب فيج قوه ايمانج وصبرج ورضاج بالقضاء والقدر فلكل انسان عمر معين .. وهو عمره ليس للدنيا ..
استمتعت وانا اقرأ بما اني حامل ..
انا عندي بنت وبتكمل الخمس سنوات قريبا بس تصدقين احس كتجهيز للطفل انا جديده .. مادري يمكن لان المده طويله او يمكن قبل 5 سنين بعض الاشياء كانت غير مهمه او مو متعارفه مثل الحين .. احس روحي ربيتها على طريقه الاوليين يعني على نصايح امي وخواتي وتجاربهم .. بعكس الحين عالم الانستغرام والتدوين والتواصل مع الناس صار اكثر واخبر ..
انا جهزت من 0-3 بس وبكتفي فيهم حالياً
وبشهرها الثالث ان شاء الله اشتري لها لبعدين ,,
استفدت وايد وراجعه للتدوينه مره ثانيه ان شاء الله علشان اخطف كم قرض من امازون ^^
شكرا اروى
تدويناتج ممتعه
جميييل الله يجزاك الجنه ?
جميلة بكل تفاصيلك …
حبيت المدونة و بكل ما فيها .. و الموضوع مفيد جدا بما اني مقبله على ولادة طفلي الاول .. ابغا رايك ف السرير محتاره كثير بين اخذ سرير صغير و عملي للاشهر الاولى بما اني بولد بيت ماما و بجلس شهر معها و بين اشتري سرير كبير و بيكون مفيد للبيبي لكم سنة قدام ! ؟
ف رئيك شو الانسب !؟ افيديني اروتو ?
ممكن سرير صغير ينشبك في سريرك ، هذا افضل حل برأيي ، والله يقومك ويتمم عليك بالسلامه
أسعد الله صباحك ..
فيه شي لي كم يوم ابغى اكتبه لك وماابغى اتأخر عليك لانه جدا مهم
ولو تنبهين الامهات الجديدات عليه فعلا بتكونين سويتي خير فيهم
انا عندي بنت وولد الحمدلله ..
بنتي تقريبا قريبه من عمر بنتك بينهم بس ايام
المهم فيه شي اسمه تطورات نمو يمر فيها الطفل
والتطورات ذي انا قريت عنها في كتاب The wonder weeks
تقريبا تكون من اول الولاده لين عمر سنه ونص
الجميل في الموضوع ان الكتاب هذا مسوين لهم برنامج ع الجوال
تحطين فيه تاريخ ميلاد النونو وراح يطلع لك chart يبين لك بنتك
فين موقعها من التطورات ذي
يعني بعطيك مثال .. بنتي الان تمر بالتطور الثالث ..
هذا التطور مده اسبوع .. خلال هذا الاسبوع المزاج راح يقلب
وتصير تبكي اكثر من العاده وتصير تبغى ترضع اكثر من العاده
والبرنامج مقسم 4 اقسام
اول قسم يعطيك ملخص عن هذا التطور
القسم الثاني القدرات اللي بتتحسن فيها من بعد ذا التطور
القسم الثالث علامات تبين لك انها بدت التطور
القسم الثالث طرق عشان تساعدينها في تطورها هذا
مثلا بنتي الان كاتبين من ضمن المساعده حاطين كم طريقه لعب
زي اني اجيب لعبه واخليها تمسكها بيدها ووو ..
ماادري لو كان شرحي واضح لكن انتي حملي البرنامج وراح تفهمين كلامي
بس انتبهي بما انك ايفون بالاب ستور بتلاقين حاطين الكتاب واظن قيمته
20$ وفيه تلاقين حاطين البرنامج وواضح انه مو كتاب
عموما راح تعرفينه مااظن بتتوهين
مشكورة ع التدوينه الجميله والله يحفظ لك تالا ويقر عينك بصلاحها .. لو عندك خلفيه عن افضل شنط للبيبي للخرجات ياليت تكتبي عنها وشكرا
اروى الجميلة
احتاج اقرأ كتب لتهيئتي للمولود الجديد
بماذا تنصحيني ❤
الله يحفظلك تالا ويرزقك ربي ويسعدك على هالتدوينه مع ان ولدي كبير بس احتاج جهاز الانف واول مره اعرف عن هذا كنت استخدم العادي وماينفع كثير ..شكرا لك ??
جزيتي خيراً معلومات جداً رائعه
جزاك الله خير يارب .. كنت باسال ماهي افضل حبوب فيتامينات بعد الولاده وجربتيها وفادتك في فتره النفاس.
ما شاء الله ، الله يحميها لك ويرزقك برها ..
ياليت تذكري لنا تجربتك مع الحمل والولادة بعيد الأهل .. عشان المغتربات يستفيدون ..
دمتِ بحب ?
سلاامم اروى .. ??
عندي سؤال !!!
كيف انظف لسان طفلي؟
ووتعطين طفلتك ماء او لا
طفلي الان عمره ٣ شهور تقريبا نفس عمر تالا❤️??
ما انظف لسانها ، بس اذا كبرت شوي وبدت مرحله التسنين فيه فرشه صغيره للبيبيات دنحط ع الاصبع ومعجون خاص بهم
يعطيك العافية حبيبتي أروى والله يكتب أجرك أستفدت ودونت بعض النقاط ??
ماشاء الله تدوينه رائعه و مفيده جداً جداً ، انا تقريباً نفس تجهيزاتك للبيبي و معك حق بخصوص الملابس و عدم كثرتها ، عن نفسي ما قدرت استغنى عن حاوية الحفاضات تكرمون .
لك كل الشكر ?
رائعة يا اروى مشاءالله
انا حأنظم لحزب الامومة في الغربة بعد كم شهر ان شءالله .. الله يسهل عليا وعلى كل حامل ياارب..
انتظر مواضيعك القادمة بحمااااس بخصوص الامومة ..
اروى اتمنى تتكلمي عن ايش ممكن تلبس الوحدة في “الغربة” بعد الولادة في المستشفى او فترة النفاس هل بجايم قطنية عادية تنفع ؟؟..
الله يسعدك ، انا عن نفسي البس ملابس بيتي العاديه حسب الجو طالما انت في بيتك مايفرق انت في البلد والا في الغربه ، بالنسبه للمستشفى تطلبين منهم يحطون علامه عن الباب ممنوع دخول الرجال الا بعد الاستئذان ، وتحطين حجابك جنبك في حال كان فيه رجل بيدخل ..
ام تالا ربي يسعدك بخصوص الوسائد لراس الرضيع عندك خلفيها عنها وهل فعلاً تجيب نتيجه ( الجدات الكبار كانو يحطون بلاطه والبعض كيس تراب الي جانب العصبه ) انتي ايش استخدمتي لراس تالا ربي يحفظها .
وشكراً من القلب عالمدونه ?
ام تالا ربي يسعدك بخصوص الوسائد لراس الرضيع عندك خلفيها عنها وهل فعلاً تجيب نتيجه ( الجدات الكبار كانو يحطون بلاطه والبعض كيس تراب الي جانب العصبه ) انتي ايش استخدمتي لراس تالا ربي يحفظها .
وشكراً من القلب عالمدونه ?
منظمة الصحة العالمية ما تنصح باستخدام الوسائد في سرير الرضيع لانها تزيد من نسبة موت الفجأة حفظنا الله واياك منه ، اذا تقصدين لتعديل الرأس ، استشري طبيب طفلك افضل
السلام عليكم أخت أروى,
مُبارك لكم المولودة الجديدة, الله يحفظها يارب.
يعطيك العافية على الموضوع الرائع و المفيد لكثير من الأمهات الجدد.
عندي سؤال بخصوص السرير,
حاليًا أبحث عن سرير لطفلي القادم إن شاء الله, لكن أغلب الي شفتهم في موقع الأمازون أو الولمارت المرتبة (Mattress) تكون نازلة, ماهي مرتفعة مثل الي عندك.
حبيت أسأل من فين شريتي هذي المرتبة؟ هل جات مع السرير أو لوحدها؟
شكرًا جزيلًا.. 🙂
اهلا ، حبيبتي كل اسره الاطفال المرتبه تحطينها على عدة ارتفاعات حسب عمر الطفل ، بس يعرضونها هم وهم حاطينها على مستوى نازل .. بعدين اذا كبر لاطفل لازم ننزل المرتبه عشان ماينقز منها
اشكرك اروى .. دائما متابعة لكل تفاصيلك بكل موضوع تطرحينه! الله يوفقك ويحفظ لك بنتك ويسعدك دنيا واخره ..?
مررره يسلمووو اروى على المدوونه الجميله والمووضوع الجميل انا حامل بطفلي الاول وجدن احس بضياع من ناحية الطفل ايش يحتاج ??? بس مدونتك كفت ووفت
ربي يخليك ويحفظ لك بنتك
ابغى اسال عن العربيه كيفها معك بعد التجربه ؟
بامزون لقيتها حقت 2016 ثلاث كفرات ماغرف هل ثلاث كفرات يعتبر امان للطفل ؟
وفيه كثير يمدحون لي سيكو او ماماز باباز فانا احترت ؟
عطني رايك حبيبتي من جد تراي ضايعه
اللي حاطتها انا جدا ممتازه ، هي اربع كفرات بس الاماميه جنب بعض .. امنه وحلوه انصح بها
الله يحفظها لك ويبلغك فيها اعلى المراتب ياررررررب ❤️❤️❤️❤️
مرحبا اروى ياقلبي بسألك مفرش واقي السرير وش ملمسه ؟؟ من فوق ومن تحت وهل في صوت وقت الحركة عالسرير؟ لان ودي اطلبه بس قلت أتأكد منك قبل .. انتظر ردّك ❤️❤️❤️
ملمسه زي الفوطه ، ومايخرفش 🙂 حلو انصحك به
شكراً جزيلا اروى ، ماتتصورين شكثر ساعدتني المدونة??
اهلين اختي اروى
مشكوووووره جداً على كل اللي تعلمته منك من أفكار ومعلومات
جداً مفيده
الله يجزاك خير يارب على كل كلمه كتبتيها
ياليتك تكتبين تدوينه عن اكل الطفل وكيف نعرف كل عمر ايش يناسب الطفل من اكل
وياليت تدلينا على مواقع وكتب تعلمنا هالشي للطفل
لأني من جد الحين ضايعه مدري ايش اكل اول مولود لي
مرحبا اروى شاكره لك على هالموضوع الجميل . أنا في شهري السابع من الحمل وبلغني الدكتور في الزيارة السابقة انه ولد اما في هذه الزيارة قال الدكتور انه بنت( دكتور اخر) فـ احترت بالتجهيز للبيبي . ابي رأيك بالالوان اللي تنفع للبيبي بنت وولد ? الله يسعدك اول مولود لي ومحتاره .
هلا فيك ، بالنسبه لي سواء مع ولدي او بنتي كنت احب الالوان اللي تناسب الاثنين ، احب الابيض مره والسكري والرمادي ، والاخضر الفاتح والاصفر ، كلهم حلوين ، وما انصح تكثرين اشياء لحد ما تعرفين الجنس 🙂 تولدين بالسلامه يارب
جميله التدوينه واسلوبك شيف و ممتع شكراً لك حبيبتي و الله يرزقكم برها يارب ويحفظها لكم ?
اروى الله يسعدك كاميرا المراقبه من موقع امازون افتح الرابط مايطلع موقع امازون يطلع موقع ثاني اذا فيه بموقع امازون نفسها ابي الرابط الليجزاك خير
اهلا بك ، الا عندي يطلع امازون ، تأكدي حبيبتي
الله يسعدك أروى الجميلة??
اهلا أروى
كيف الحال ؟
استفسار سريع كفر تالا الوردي اللي عليه نجوم كم طوله و من وين خذتيه ؟
جزيت خيرا، وانا حاليا حامل في نهاية الشهر السابع عندي بنت وناويه أسميها ” تاله ” بأذن الله.
الله يسعدك ي اروى ويحفظ لك تالا?❤️
جميييل جمييييل جميييل يا أروى *^*
استمري يا مبدعة ، بجد قاعدين نستفيد ، ما شاء الله عليج .
أسعدك الله ياجميلة على التدوينة الأكثر من رائعة ?
بغيت أسألك إذا كنتي تاخذين ڤيتامين بعد الولادة وش اسمه؟
يعطيكي العافيه اروى فعلا تدوينة رائعة استفدت منها كثير .. بس عندي سؤال بخصوص التراڤل سيستم الكارسيت تبعها يخدم الى اي عمر ؟؟ يعني ينفع لما بعد السنة ولا بس الين سنة و خلاص ؟؟ لأن بنتي عمرها شهرين و الى الان محتارة هل اخذ التراڤل سيستم ولا اخذ عربية و كارسيت منفصلين .. انتظر ردك
الله يحفظ لك تالا يارب
و ترى ننتظر منك تدوينه عن الامومه و النفاس
و جزاك الله كل الخير على كل شيء تقدمينه
ماشاءالله تبارك الله كفيتي ووفيتي ..عندي استفسار كيف طريقتك في تنظيم وقتك وترتيب البيت مع وجود اطفال والتفرغ لنفسك وهواياتك ؟ عندي صعوبه مع طفل واحد :/ ..
السلام عليكم
عزيزتي اروى عندي استفسار بخصوص كاميرا المراقبة
اقدر أراقب بأكثر من جهاز ؟ يعني مثلا يتحمل التطبيق بجهاز الام وجهاز الاب ويقدرون الاثنين يراقبون البيبي بنفس الوقت ؟؟
بسم الله على قلبك أسلوب حياتك وترتيبك جمييييل الله يحفظك من كل شر ويوفقك ..
على فكره عندي بنت كبر بنتك بالضبط مولوده في ٥ شوال وحتى كنت بسميها تالا وعيّا أبوها وسميتها ريما ^_^
والشي الغريب صدق كذا غرض لقيته في سنابك نفس أغراض بنتي وأغلبها أشتريها من ماماز وباباز شكل أذواقنا متقاربه ❤️
ماشاءالله على مدوناتك كتيرحلوه واستفدت جدااا وارجومنك ان تدعيلى بالذريه الصالحه
كفيتي و ووفيت ام تالا الله يرزقني ان شاء الله و راح احتار وش اجهز شكرًا من القلب
السلام عليكم…..
مشكورة اختي أروى على ماتقديمينه لمتابعينك
ومدونتك جدا رائعه ومفيدة
عندي إستفسار بخصوص كاميرا مراقبه الطفل
هل تحتاج نت بسرعه عاليه أم تتوافق مع سرعة النت المتوفرة بالسعوديه????
ياليت اذا في احد جربها يفيدني…
ياحبيلك يارواي وياحبيل اسلوبك جدااا اثق فيك وبكلامك ماشالله عليك وحسن الحظ بناتنا كبر بعص فئهلا بتالا صديقه لرفيف القلب ????
كلام يفتح النفس ومدونه تفتح النفس اكثر ❤
تدوينة رائعة
بسألك عزيزتي بما إنك جلستِ ببيتك بفترة النفاس هل احتجتِ انك تحطين لك سرير خاص بغرفة المعيشة مثلا او الصالة ؟
كلامك لطيف ومريح شكراً للطافتك
رائع طرح ممتع ومفيد
حاليا أجهز لمولودي الأول ودائما أثق بتجربتك واستمتع كثيرا بالقراءة بين أسطر ما دونتيه ❤❤❤ شكرا لك من القلب وحفظ الله تالا وقر عينك بصلاحها وأنبتها نباتا حسنا ?
ماشاء آللہ تبارك الرحمن سردك لطيف خفيف على النفس وفيه من الفائده الكثير آللہ يحفظك بحفظه ويبارك لك في نفسك واطفالك وحياتك ?
السلام عليكم
اروى ، اشتريت الكاميرا لانو عجبتني مميزاتها وكذا
المهم
لماوصلت لي ماعرفت كيف اشبكها بجوالي
ويطلب مني انو سرعه النت تكون ٢.٤٠هرتز !!!ماعرفت كيف اشغلها ?????
اروى ياعسل وين ممكن الاقي نفس سريرك اللي ينفتح من قدام ؟
اروى وين ممكن الاقي نفس السرير … الله يكتب اجرك يارب تشوفين تعليقي
السلام عليكم
كيفك؟
بسألك من ناحيه الكام لي شهر طالبتها ومو عارفه كيف اشغلها تضبط فقط بجوال واحد بس زوجي لا
هل لازم انه بس جوال واحد اللي يشبك عليها؟
صباحك فل
بكل أمانه استمتع واستفيد كثير من مواضيعك
الله يجزيك كل خير
انا متابعه مواضيعك اللي تخص الأطفال واشتريت معظم الاغراض اللي تنصحي فيها بدون تردد
من الاغراض خذت المصاصه تبع الدميه بس ما عرفت كيف اغسلها او أعقمها؟؟؟
السلام عليكم ?✋?
هذي المدونه ساعدتي كثير ?? خاصه انه خبر الحمل كان صادم بالنسبه لي فكنت ادور اي شي يحمسني و ينسيني الصدمه و اسلوب المدونه لطيف و خففها كثير ?????( نفسيه ما عليكم مني ? )
و ذحين رجعت بعد كم شهر من التاقلم و اخيرا قررت ابداء بحث و كنت افكر اشتري بعض الملابس من امزون ? بس خايفه من ناحيه جوده الاقمشه ? خاصه انه عندنا بالعيله في تاريخ مع الحساسيه باشكالها كلها فما ابغى اجازف و تكون الاقمشه تسبب حساسيه للبشره ? بس الباترنز و الرسومات الي الاقيها على النت مره احلى بكثير من الي تنباع عندنا بالمحلات ? و في دبي الاشكال الي تعجبني مره غاليه ?
فبما انك دايما تشترين من امزون هل تنصحين انه نشتري بعض الملابس منه و لا احسن اروح المحلات و اشوف الجوده بنفسي؟؟؟؟؟؟ ??
اروى ممكن توضحين لنا افضل ملابس للبيبي في وقت الصيف
عن جد شكراً لك على هالمعلومات الطيبة .. فعلاً شي مرتب و استفدت منك كثييييير .. الله يجزاك خير
الله يجزاك خير على مواضيعك الجميله ?
حابه أسألك مره نزلتي بالسناب حاجز خفيف يوضع على جوانب السرير لعمر ٦شهور وفوق عشان تدخل اليد او الرجل ..من وين احصله الله يسعدك واذا فيه محلات توفره بالرياض
جميل الله يجزاك الجنه ?
ماشاء الله عليك ربي يحرسك ويحميك فعلًا أنتِ ملهمة لكل أنثى ولكل أم ولكل سيدة بارك الله في وقتك وصحتك
الله يسعدك افدتيني انا بالشهر التاسع ولا عندي اي معلومه الحمدلله ع التسخير ????❤️❤️أتمنى لك التوفيق .
جمالك وجمال اسلوبك ?
اسأل الله ان يكنب لكِ الأجر الكثير ?✨
قرأت الموضوع و انا لسه ماصرت أم لكن أحب تجميع المعلومات وأحرص بدقة اخذ معلوماتي من فين ومن مين خاصة في الاطفال .. وطبعاً اثق في كلامك و اخنياراتك ???✨
يعطيكي العافية على نقل تجربتك لنا كأمهات جدد
الله يسعدك على المعلومات اللطيفه مرة أستمتعت بمدونتك الرائعه استمري بتقديم الافضل ❤️
الله يعطيك العافيه ويسعدك ويجزيك خير الجزاء ?
السلام عليكم ورحمة الله وبركاته
انا مبتعثه في امريكا ورزقت بمولوده الحمدلله ? واستفدت جدا من مدونتك في تجهيز البيبي وشنطة المستشفى
طريقة عرضك للمنتجات بالروابط مره حلوه الله يجزاك خير يارب❤️
ممتاز ??
فعلا مثل ما كنت أجهز لبنتي بالضبط
لكن للأسف داهمني الوقت وما اشتريت كارسيت السيارة
وعانيت لأن مشاويري كثيرة
جزاك الله خير يا ملهمة ?
مدونتك ممتعه جداً?
الله يسعدك ?❤️❤️❤️❤️
السلام عليكم عزيزتي شكراً على ماتقدمين ? حبيبتي انا شريت كميرا المراقبه نفس اللي عندك بس لها عندي 5 شهور ابداً ماعرفت استخدمها ولاتشبك معاي في النت ؟ ممكن تشرحين لنا كيف 🙁 الله يسعدك كتبت اك في الايميل وكل مكان ولامجيب 🙁 ان شاء الله تفيديني هنا ?? ..
جدا رائع❤️
يارب احفظ لنا اروى يارب??
ننتظر باقي المواضيع بحماس ??
اهلاً اروى ، حاولت اقرا كل الردود والاقي اجابه لاستفساري لكن مالقيت ?… دخلت على عربية الاطفال في امازون ؛ لكن مالقيت نفس اللون البيج وبحثت كويس ? ماشاءالله جداً جميل .. فياليت تساعديني باسمه او ممكن يكون انتهى هالصنف .. مو عارفه ..
اروى عيوني وين القى تدوينه عن مكان الالعاب حق تالا الله يحفظها ويبارك فيها??
تجننن التدوينه مره احس فادتني لما شفتها عيوني صارت كذا ? لأني اثق بكلامك أروى ❤️ غساله المواعين اشتريتها من بعد تدوينتك وجهاز الليزر وغيره وغيره مرررره تقنعيني لانك تعطين معلومات كاااافيه عن الشي وبما اني لأول مره بصير ام رح اطبق نصائحك وحده وحده وكتبتها ف نوته صغيره عشان اعرف ايش اشتري .. الله يسعدك ودائماً اكتبي تدوينات من هالنوع تعرفين مامات جديدات وانا خاصه امي متوفيه من وانا صغيره ف اثق في كلامك ونصائحك واعتبرك اختي الكبيره ? اتمنى تكثفين من هالمواضيع بخصوص التربيه لاحقاً والغذاء ووووو .. شكراً لك على جهدك وبالمناسبه اول مره اكتب تعليق بالتدوينه ☺️❤️
ماشاء الله تبارك الله مبروك تتربى بعزكم ??
مرحبا اروى،، شكرا لك استفدت من هالتدوينه كثير
لكن عندي سؤال عن العربية ومقعد السيارة كيف قدرتي تنقلينها لسعودية ؟ شحن او معاك بالطيارة ؟ وخصوصا قاعدة مقعد السيارة !
بنات وين القى مثل العربيه بمحل مب موقع؟؟❣️
ماشاء الله يعطيك العافيه الله بجزاك بالجنه عندي استفسار حبيت اطلب كاميرا المراقبه للطفل بس هل هي تشتغل ٢٢٠على حسب علمي امريكا اغلبها 110
اريد رابط جهاز السماعه اللي ل تالا لو سمحتي
حبيت الزواج والولاده من الترتيب والتنظيم ماشاءالله تبارك الله?❤️الله يحفظك يارب ??
تودينة مفيدة جدا استفدت منها لتجهيزي لطفلتي الأولى ❤️ سؤال .. ايش استخدمتي كبديل للجلاسة بعد عمر 6 شهور ؟
السلام عليكم اروى
لو سمحتي عندي سوال عن كاميرا المراقبة حاولتي تستعملي الكمبيوتر العادي للمراقبة ؟ هل ينفع البراوزر العادي ولا لآزم احمل برنامج ؟
الف شكر اروى ساعدتيني كثير على تجهيزات البيبي الله يحفظك ويحفظ عائلتك ويسعدكم جميعاً
مررره رائعه التدوينه،، وبإذن الله أطبق كل شي بمولودي الأول،، يارب?
شكرا اروى ??
وانا اقراء هالموضوع طفلي اللي فبطني تحرك حركه اول مره احس فيها وجلست ابكي ?❤
افكارك حلوة يا أروى
اقصد أم تالا
انا ابي تساعديني في طلب العربيه مالقيتها ماعرفت
راااااائعة يا أروى
أتمنى لك التوفيق عزيزتي في جميع أمورك وأتمنى من الله أن يرزقك بر أبنائك ?
شكراً من القلب فعلا موضوع تحتاجه كل ام ربي يجزاك خير
الله يحفظها مولودية الجديدة ويسعدها .. مشاء الله مدونة كاملة ومتكاملة يعطيكي العافية ❤️❤️❤️❤️❤️??
متشوقين جدا للموضوع النفاس ومحتاجينة فعلا
أروى حبيبتي ممكن أعرف المحبس حق تالا من فين ؟ بيتي صغير و أحسه مناسب لبيتي
الله يسعدك ???
يعطيك العافية اروى جاية ابحث عن القطعة اللي تركبينها على عربة السوبرماركت لتغنيك عن عربة الطفل
ابغى معلومات وهل هي عملية و من وين اخذتيها
اشكرررررك ع الموضوع اللي فاااادني كثير
كنت ضايعة وماكان عندي من أسأله اختصرتي علي كثير أمور
اشكرك أروى
بالمناسبة اشتقناااا لك وفاقدينك حيل ننتظر عودتك بفارغ الصبر
جزاك الله خير الجزاء تدوينة مفيدة
الله يسعدج يا أروى استفدت من المدونه
ماشاءالله مره استفدت بس مفرش السرير العازل وين احصله
موضوعك جدا جميل واسلوبك اجمل والصراحه افدتيني
انا اشتريت اغلب ملابس البيبي نيو بورن مع اني لسى في الثلث الثاني من الحمل وماعرف وزن البيبي وقت الولاده كم بيكون
فجزاك الله خير ع المعلومه المفيده وجعله الله في ميزان حسناتك
اهلًا أروى الجميلة
ياليت تتحدثين احتياجات الطفل بعد عمر سته شهور ولدي ضوي ويدخل سته شهور ومتوهقه ماعرف احتياجاته
والله يسعدك مثل ماساعدتينا ويسرتي عَلِينا الكثير
شكرا جزيلاً 🌸🍃
تقدرين تقولين انك انقذتيني بنصائح مختصره ومفيده 💗💗
أهلًا أروى
حبيت التدوينة شكرًا جزيلًا استفدت منها واجد
بس حبيت أستفسر، كرسي السيارة لأي عمر يصلح؟
كمية اناقه وجمتل الله يسعدك ويحقق لك ماتمنين وتعجزين عنه
اروى لو سمحت المحبس من وين طالبته
مررررة شكراً لك اروى، صدق كنت ضايعة مدري وش اهم الاغراض. الله يوفقك
الله يسعدك يارب ويوفقك مدونه جميله شكرا لكِ ..
فعلاًً أنسانة معطأة وأكثر من رائعة مجهود تشكرين عليه ..
استفدت كثيراً من الموضوع الله يجزاك الف خير ♥️
شكراً لك 💕
اسلوبك بجنن جد بحبك و اسلوبك كنييير حلو .. اكتبي عن الحمل و الولادة .. متجوزة جديد و كتير خايفة من هاد الموضوع
السلام عليكم اروى
ياليت تحطين لنا رابط القطعه السيلكون اللي تحطينها على كاس تالا وتدخلين المصاص فيها
مرحبا اروى
ياليت تكتبين عن الموقع اللي أخذتي منه محبس اللعب وكيف تجربتك معه
جميل جدا شكرًا 🦋🦋
يعطيك الف عافيه أروى ،، بس حبيت اسألك من وين أخذتي مصاصه الدميه ؟!
العربية شكلها مرا حلو وفخم وسعرها حلو
سؤال تتحمل المشي الكثير والسفر يعني تقعد ل 5 سنين
زي عربيات ماماز اند باباز !!!
اروى الحبيبة بسألك عن العربية والكرسي ، الكرسي يكفي لعمر كم ؟ وهل اقدر اثبه بالسيارة على الجهة الثانية ” يعني يصير وجه البيبي على قدام ” ؟ ياليت تفيديني لو تكرمتي
رائع جدا ننتظر المزيد
وعليكم السلام ورحمة الله وبركاته
يارب بشرني بسلامة البيبي وسلامتي
شكراً على التدوينه
استفدت كثيرا كالعادة
مساء الخير اروى
الله يعافيك بسألك عن كاميرا المراقبه، وش افضل:Amcrest او سامسونج؟ قد تكلمتي عنها جايتك من متجر على ما اذكر…. وشكرررا جزيلا والله يوفقك على كثر ما تفيديننا
حبيبي اش ماركة مقياس الحراره !؟
شكرًا أروى الله يسعدك يا رب انبسطت بهذي النصايح الحلوه و اتوقع بتفيدني كثير الله يجزاك خير💕.
الله يسعدك لقيت انواع كثيره من العربيات نفس ماركة اللي عندك بس ميزات مختلفه رشحيلي وحده منها ماعرفت الفرق لو سمحتي
حبيت التدوينه كثير واستفدت جدا انا قريبا بجرب شعور الأمومه وحريصه اني اتعلم واثقف نفسي من هالجانب كثير وتدوينتك هذي وتدوينة الرضاعة الطبيعية فادتني مره ماتصدقي قد ايه ريحتيني بكلامك واعطيتيني طاقة حلوه لتجربة الامومه .. شكرا لك من قلبي الله يسعدك
تعجبيني في تدبير امورك ماشاء الله .. استفدت منك كثير الله يسعدك ويخلي لك بنتك واحبابك
شكراً للمدونة الرووعه بس يارب يارب تشوفين رسالتي الجلاسه اذا طلبتها بتشتغل على كهربنا ٢٢٠؟ والله يسعدك حامل ومره احتاجها
اهلاً اروى
اعتقد تالا ماشاءالله عمرها الان ست سنوات ، الله يحفظها هي واخوها ويجعلهم قرة عين لكِ ، انا اول حمل لي الله يتمم لي بالصحه والعافيه اثلجت صدري تدوينتك 😩♥️♥️ رتبت افكاري واحتياجاتي ، كل يوم اقول وش اشتري وش احتاج !!
والله بعد كل فقره بالتدوينه ااوقف ادعيلك
عمل زي كذا اعتبره صدقه جاريه ♥️♥️♥️ الله يجزاك الجنه