احتياجات وأغراض المولود الجديد .. موضوع شامل

السلام عليكم ورحمة الله وبركاته 

أهلا يا أصدقاء

بحمدالله وفضله رزقت بمولودة مع مطلع العيد،

اسميناها تالا،

شكراً لكل من هنأني وأسعدني،

?

سبق كتبت عن احتياجات المواليد في تدوينتي للتجهيز لطفلي الأول،

بأضع لكم رابط التدوينة السابقة في نهاية التدوينة..

وبما أني الآن ومع تكرر التجربة صرت أكثر خبرة في احتياجات الأطفال من المرة الماضية أعتقد أنه من المناسب كتابة تدوينة جديدة ألخص فيها احتياجات الطفل للأربعة أشهر الأولى من حياته ..

الأشياء اللي استخدمتها سابقاً مازلت أعتقد أنها من الأساسيات ، لكن فيه بعض الأغراض أحب أضيفها للقائمة لأنها سهلت علي كثير من الأمور وبعض الأغراض استبدلتها بأفكار أكثر عملية منها..

وايضاً مازلت عند رأيي السابق في الاقتصار على الأمور المهمة فقط ،

أحب أستغني عن الاشياء اللي ما أحتاجها كثير، مثلا ما أشوف له داعي يكون عندي الزبالة الخاصة بالحفاضات اللي تعزل الرائحة او جهاز خاص لتدفئة المسحات الخاصة بالنظافة .. اشياء مثل هذي أعتبرها ثانوية واستخدامها مايتجاوز كم شهر فأفضل استغني عنها ..

بأرتب الأغراض حسب احتياجات المولود الأربعة (النوم، الغذاء، النظافة، الدفء)

احتياجات وأغراض المولود الجديد .. موضوع شامل

أولاً : النوم 

سرير البيبي

احتياجات وأغراض المولود الجديد .. موضوع شامل

هذه المرة ما اشتريت السرير الصغير الخاص بمرحلة الأشهر الأولى ،

اكتفيت بنفس سرير ريان الكبير بما انه متوفر ،

أخذت السرير من والمارت ..

(وبالمناسبة، كل كلمة أضع تحتها خط يمكنك الضغط عليها بتوصلك بصفحة المنتج)

لكن أزلت أحد الحواجز الخاصة بالسرير فصار كأنه جزء من سريري ، وجدا جدا ريحني أكثر من السرير الصغير، لأني ما أحتاج أقوم وأنقل طفلتي من سريري لسريرها، أقدر أنقلها وأنا مستلقية على السرير بدون ماتحس بتغير المكان أو البعد عني،

وهذا مفيد للأم اللي ترضع رضاعة طبيعية بالذات لأنه كثير نقوم بنص الليل نرضع البيبي ولازم نرجعه مكانه ومانخليه ينام جنبنا لأنه خطر ينكتم ، طبعاً صعب انك تكونين مصحصحه بنص الليل لكن حاولوا تنتبهون لهالنقطة، والسريرين بهالشكل المفتوح على بعض يساعد كثير من هالناحية..

الأمر الثاني المهم وضعه بالاعتبار انه من الجيد أن الطفل يتعود من البداية على سريره اللي بيكبر فيه لأنه بعد الثلاثة أو الاربعة أشهر بيكون السرير الصغير غير صالح للطفل وبالتالي بنحتاج نعود الطفل ينام في سرير جديد ومرتبه جديده وهالعمر قد ما يتقبل التغيير والمرتبة الجديدة ويتغير عليه الجو فيتعبك في النوم على مايتعود على الوضع الجديد..

ولأني حطيت سرير البيبي ملاصق لسريري ماصار عندي مكان لطاولة جانبية

فحطيت حاويتين كرتونية لبعض الأغراض اللي أستخدمها بشكل يومي وأحتاجها تكون قريبة ، وهذا وضع مؤقت لحد ما يصير البيبي ينقلب، وقتها لازم أشيل كل شي من السرير ..

احتياجات وأغراض المولود الجديد .. موضوع شامل

ممكن أنتم تحطون الأغراض بأي طريقة تفضلونها، المهم إذا بتخلون شي في السرير ضروري يكون مو حاد أو يسبب خطر مثل الاسلاك وغيرها كلها ثبتوها بأي طريقة خلف السرير ..

والبعض يفضل يشتري منظم خاص بالأغراض اللي يحتاجها حوله والمنظمات تتعلق على طرف السرير، حلوه الفكرة خاصة بعد مايكبر الطفل ويصير ممكن يتحرك أو ينقلب ماينفع يكون حوله أي غرض، بعض المنظمات حجمها كبير وبعضها صغير موجود منها أنواع و أشكال في هالرابط

احتياجات وأغراض المولود الجديد .. موضوع شاملاحتياجات وأغراض المولود الجديد .. موضوع شامل

الأشياء اللي أحتاجها شخصياً أبجورة من النوع الخافت وكاميرا المراقبة، وفي الثانية بعض الأغراض المتفرقة مثل منظف الأنف والمصاصة ودوا الغازات و لي قناع العيون للنوم وكريم مرطب..

احتياجات وأغراض المولود الجديد .. موضوع شامل

احتياجات وأغراض المولود الجديد .. موضوع شامل

الهزازة أو الجلاسة 

احتياجات وأغراض المولود الجديد .. موضوع شامل

Graco DuetSoothe Swing

اخترت الجلاسة أو الـ swing بعد بحث وتفكير لأنها من أهم الأغراض اللي تساعد الطفل على الهدوء والنوم،

خاصة الأطفال اللي يعانون من مغص في البطن صعب عليهم ينامون بسهولة على السرير المسطح بالذات بعد الرضاعة مباشرة، فممكن نستعين بالجلاسة للتهدئة والتنويم وبعدها ننقل الطفل للسرير، أو نستخدمها وقت مايكون الطفل مستيقظ حتى مايتعود على انك طول الوقت شايلته ويتعبك..

لكن ما ينصح انك تشغلين وضع الهز لساعات طويلة ، قرأت مره أنه الأفضل مايتجاوز ساعة لساعتين خلال اليوم كله..

المعايير المهمه عندي باختيار الجلاسة انها تكون :

أولا مريحة وآمنة ، فتخطيت الأنواع اللي يكون قماشها خفيف او شكلها مو قوي ..

الأمر الثاني انها تكون سهلة التنقل،

لأن الجلاسة من الأشياء اللي أحب أنقلها معي مره ابيها في الصالة ومرة بغرفة النوم ومره عند مكتبي وغيرها من الأماكن فمهم تكون سهلة علي اني ارفعها واوديها لأي مكان،

وطبعا صعب أحصل جلاسة سهل أنقلها وبنفس الوقت تكون متينة وقوية..

لقيت هذا النظام من الجلاسات اللي تكون قابلة للانفصال، وحبيت الفكرة ،

احسن شي فيها ان الجلاسة تنفصل عن الحامل اللي فيه الهزاز فيصير سهل علي نقلها من مكان لمكان بدون الحامل اللي فيه خيار الهز والأصوات  ..

ميزة اخرى انها فيها خيار التوصيل بالكهرب ، يعني مو معتمده على البطاريات فقط مثل كثير من الجلاسات،

لأن الجلاسة اللي كانت عندي سابقاً كانت معتمده على البطارية وتخلص البطارية أو تضعف بسرعة وتصير ماتهز بالشكل المطلوب وهات البطارية رد البطارية وآخر شي أهز بيدي!

الجلاسة فيها وضعيتين للهز يمين ويسار أو ورا وقدام .. وطبعاً فيها سبيكر اصوات طبيعة ونغمات ، والجلاسة إذا انفصلت عن الحامل الخاص بالتأرجح ، فيها خيار الهز (مو أرجحه بس هز مثل هز الجوال)..

احتياجات وأغراض المولود الجديد .. موضوع شامل

بالنسبة لحجمها ، الجلاسة نفسها مو كبيرة مره ، بس الحامل اللي يمرجحها كبير، يعني تعتبر ككل من الأنواع الكبيرة ، وأعتقد واضح من الصوره الحجم..

الشي اللي ما أعجبني فيها ان المقعد مايجلس بزاوية قائمة يعني وضع منسدح ووضع مرتفع بزاويه مايله مافيه وضع جلوس مستقيم ، وأظن وضعية الجلوس ممتازة للاطفال الاكبر سن حتى يقدرون يجلسون فيها وقت الوجبات غير وقت الرضاعة.. يعني اللي فوق عمر ٦ شهور أتوقع بيطفشون من وضعية شبه الانسداح، لكن ممكن وقتها أكتفي بكرسي الأكل ،مابعد جربتها لهالمرحلة ..

لكن بالنسبة لمرحله الستة أشهر الأولى أرى انها ممتازه وتسكت البيبي ومريحة.. وبعد هالعمر بتكون للتهدئة والتنويم ، الجلاسه هذي تحديداً مناسبة لحد مايصير وزن البيبي ١٢ كيلو ..

وكل شخص يبحث ويشوف ايش المهم عنده في الجلاسة من كل النواحي ويختار على أساسها ..

وعلى فكرة ، الدباديب مايدورون بس كذا معلقين .. وتشتغل خط ١١٠ أو ٢٢٠

احتياجات وأغراض المولود الجديد .. موضوع شامل

كاميرا المراقبة

احتياجات وأغراض المولود الجديد .. موضوع شامل

Amcrest ProHD 1080P

الكاميرا جدا مهمه، ماكنت مقتنيتها سابقا فكنت أقلق على ريان وهو نايم كل كم دقيقه اروح للغرفة أشيك عليه يتنفس ومرتاح والا لا ، وأحيانا اذا فتحت الباب ودخلت يحس بالحركة ويقوم من النوم، لكن بالكاميرا مررره ارتحت نفسيا صرت اترك تالا تنام واطلع برا الغرفة أشتغل بأي شي وأشغل الكاميرا عليها واكون مراقبة حركتها ومتطمنة لوضعها طول ما أنا برا الغرفة..

اخترت هالكاميرا بالذات لأن تقييمها عالي وفيها ميزات حلوه وسعرها مناسب بالمقارنة مع بعض الكاميرات الأخرى..

باختصار ، فيها إمكانية التحكم عن بعد بتحريك الكاميرا وفيها زوم ومايكروفون وسماعات بحيث اقدر اتكلم مع اللي عند الكاميرا ، وفيها رؤية ليلية واضحة وممتازة وجودة التصوير عالية مقارنة بباقي الكاميرات ومصنفة من أفضل كاميرات المراقبة..

والمراقبة تكون عن طريق الجوال او الكمبيوتر ومجانية، وممكن تدخلين للكاميرا من أي مكان فيه نت سواء قريب أو في مدينة ثانيه..

أيضا فيها خيار الحفظ ، ندخل فيها كرت وتصير تسجل وتحتفظ بالتسجيل أو تسجل وترفعه عن طريق كلاود ، وهالخيار مفيد في حالة وجود خادمات مع الأطفال حتى تكونون متطمنين عليهم لو حبيتو ترجعون تشوفون التسجيل خلال اليوم كامل ..

الشي الوحيد اللي ما اعجبني هو ان الوضع الليلي يشتغل تلقائياً ، فإذا الاضاءة خافته بدرجة معينة احيانا يشتغل ليلي بعدين يقلب عادي وبعدين يتشتغل ليلي كأن الكاميرا مو عارفه تحدد الوضع ليل والا نهار ، وهذا يحدث إذا فتحت أبجوره خافته جدا ..

لكن هل هالكاميرا هي الأفضل أو نيست وغيرها من الكاميرات؟

بما أني ماجربت الا هي ماقدر أقارن ، اللي أقدر أقوله انها تقوم بعملها بالشكل المطلوب وبسعر أفضل من غيرها ومن خلال قراءتي للمميزات الكاميرات الأخرى ماتفرق هذي عنهم..

الكاميرا تشتغل خط ١١٠ أو ٢٢٠ ..

ممكن تشوفون هالرابط فيه مميزات وعيوب هالكاميرا وبعض الكاميرات الأخرى الشهيرة

احتياجات وأغراض المولود الجديد .. موضوع شامل

ثانياً: النظافة

الملابس 

احتياجات وأغراض المولود الجديد .. موضوع شامل

أولا : مقاس نيو بورن newborn يلبس من وزن ٢ كيلو لـ ٣ ونصف كيلو .. يعني اسألي دكتورتك لو بتولدين بيبي وزنه ثلاثة ونص أو أكثر لا تاخذين هالمقاس ، روحي لمقاس من ٠-٣ مباشرة ..

اكتفيت بخمس قطع ملابس داخليه مقاس نيو بورن لون ابيض، وثلاث قطع خارجية كامله ،

ما أخذت أي شي يجي قطعتين من هالمقاس لأني أحسه مزعج لبطن البيبي اللي توه مولود انه يكون فيه شي ضاغط عليه..

باقي الملابس كلها مقاس ٠٣ ، أغلب المواليد بيكون كبير عليهم هالمقاس شوي بس بمجرد يكملون ثلاث اربع اسابيع خلاص يكون النيو بورن ضيق..

فمافيه داعي نشتري ملابس كثيرة مقاس صغير لأننا ماراح نستفيد منها فتره طويلة .. اما مقاس ٠٣ اشتري على كيفك الوان واشكال بيجلس الطفل كم شهر يلبس فيها..

وخلال هالفترة أنصح تعتمدين على الملابس القطن ١٠٠٪ فقط ، اتركي الكشكشات والماركات اللي بس شكل ومافيها راحة لعمر أكبر أفضل وأريح للطفل وأوفر لك..

وتذكري دائماً راحة الطفل تأتي أولا..

~

أيضاً نحتاج قبعة أو ثنتين للرأس عن البرد خاصة أول الأسابيع بعد الاستحمام ، أغلب القبعات للأسف مقاساتها كبيره على المواليد ومفصله بطريقه ماتوصل للأذن ، فتكون مالها فايده ، فاحرصي تبحثين عن قبعه تكون طويله (عميقة) وضيقه حتى تمسك في راس البيبي وتكون على المقاس ،، بالنسبة لي استخدمت قبعه المستشفى ما حصلت أفضل منها 🙂

احتياجات وأغراض المولود الجديد .. موضوع شامل

المهاد والبطانيات وانواعها:

اخذت مهادات نوعها يسمونه muslin swaddle خفيفة للصيف أو الأماكن الدافئة،

احتياجات وأغراض المولود الجديد .. موضوع شاملاحتياجات وأغراض المولود الجديد .. موضوع شامل

و مهادات دافيه يسمونها flannel Receiving Blankets

احتياجات وأغراض المولود الجديد .. موضوع شاملاحتياجات وأغراض المولود الجديد .. موضوع شامل

وبطانية ثقيلة ووحده خفيفة

يكفيك هالعدد بإذن الله ..

احتياجات وأغراض المولود الجديد .. موضوع شامل

طاولة التغيير

احتياجات وأغراض المولود الجديد .. موضوع شامل

طاولة التغيير من الأشياء اللي أعتقد الكثير يستغنون عنها مع اني أشوفها مهمه جدا ،

حلو يكون فيه مكان مخصص لتغيير الملابس والحفاضات حتى ماتتعبين وانت منحنيه على الأرض أو على السرير ويصير المكان حوسه ،

مو شرط تشترين طاولة تبديل مكلفه و مخصصه لهالغرض، أنا استخدمت طاولة رخيصة موجوده عندي سابقاً من ايكيا،

احتياجات وأغراض المولود الجديد .. موضوع شامل

وحطيت فوقها الاسفنجة الخاصة بمكان التغيير،

وعشان يكون التغيير سهل وسريع حطيت فوق الطاولة سله بداخلها بعض الحفاضات مع كريم الاحمرار وبعض مسحات الكحول وعلبة المناديل الرطبه ..

احتياجات وأغراض المولود الجديد .. موضوع شامل

احتياجات وأغراض المولود الجديد .. موضوع شامل

وتحت الطاولة حطيت درج لتخزين الملابس والأغراض اللي تستخدم بشكل يومي،

اخترت درج بلاستيكي موجود مثله في محلات الكماليات، وعندنا موجود في والمارت وتارقت..

احتياجات وأغراض المولود الجديد .. موضوع شامل

وآخر درج فيه خصصته للملابس اللي تحتاج غسل،

بحيث كل شي يكون في هالمساحة الصغيرة .. وباقي الملابس للطلعات أو الملابس اللي مقاساتها مابعد صارت مناسبة حطيتها في غرفة الملابس لأني ما أحتاجها تكون قريبة..

وفي السلة اللي تحت حطيت باقي الحفاضات والبطانيات والمهادات..

احتياجات وأغراض المولود الجديد .. موضوع شامل

طبعاً هالطاولة عن نفسي استخدمها لحد مايصير البيبي يبدا يحبي ، بعد كذا انقل الاسفنجه على الأرض أحسه آمن أكثر لأنهم يصيرون يحبون يتحركون كثير فخطر يصيرون فمكان مرتفع..

احتياجات وأغراض المولود الجديد .. موضوع شامل

للاستحمام

احتياجات وأغراض المولود الجديد .. موضوع شامل

نحتاج فوطه وشامبو وزيت مرطب فقط، هالمره استغنيت عن البودرة لأني قرأت انها غير آمنه إذا تنفسوها الأطفال..

الشامبو اهم شي تتأكدون انه خالي من المواد الضارة ومصنوع من مواد طبيعية..

 هالرابط فيه أفضل أنواع الشامبوات للأطفال ممكن تساعدكم على الاختيار..

وأيضا نحتاج البانيو الصغير الخاص بالبيبيات حلو ومناسب لحد عمر السنه ونص تقريبا

هذا هو النوع اللي استخدمه يجي معه قطعة قماش للمواليد مره يسهل علي المهمه ويخليني أسبح النونو بدون ما أحتاج مساعدة أحد

احتياجات وأغراض المولود الجديد .. موضوع شامل احتياجات وأغراض المولود الجديد .. موضوع شامل

احتياجات وأغراض المولود الجديد .. موضوع شامل

مقياس الحرارة

احتياجات وأغراض المولود الجديد .. موضوع شامل

اشتريت سابقاً مقياس حرارة الأذن ، في الصورة على اليمين جدا ممتاز ، لكن الدكتور قالي انه من الولادة لعمر ٦ أشهر أحتاج أشتري مقياس الحرارة العادي اللي على اليسار لأن الدرجة الدقيقة لازم ناخذها مثل ماياخذونا المستشفى من تحت ..

احتياجات وأغراض المولود الجديد .. موضوع شامل

لتنظيف الأنف

احتياجات وأغراض المولود الجديد .. موضوع شامل

NoseFrida

طيب ، خلوني أقولها على بلاطه ، لأن مافيه طريقة منمقة أشرح فيها هذا الاختراع.. هذا الشي ينحط في انف البيبي ومن الجهه الثانيه ينشفط بالفم ،

صدقوني، هذي كانت اخر جملة في الحياة كنت أتوقع اني أكتبها ?

اعرف شعوركم تجاه هذي الفكرة ، لأني أول ماشفتها قلت على جثماني اشفط خشم،

بعدها في اكثر من مدونه اجنبيه ألاحظ الأمهات ينصحون فيه ويقولون انه مافيه أفضل منه لتنظيف الأنف لدرجة انه في أمازون مقيمه أكثر من ٧ آلاف شخص وهو الأفضل مبيعاً من بين منظفات الأنف، كثير يقولون جربنا كل الأنواع ولاشي ريح أطفالنا وخلاهم يتنفسون براحه وينامون مثل هذا الانبوب ،

غير كذا أنا كنت في مرحلة تجميع الأفضل تقييماً ومتحمسه اجرب أشياء جديدة، فأخذته وأنا مو واثقة تماما اني باستخدمه..

لكن جت له حاجة وصار أفضل مما تصورت، مو مقرف زي ماكنت متخيله، مافيه أي نقطة ممكن تجي للفم لأن فيه فلتر وفيه انبوب صغير مايسمح الا للهواء بالعبور..

الأطباء ينصحون به وطبيب اللي مخترعه، فأنصحكم ماتتعدونه جدا مريح وسريع وسهل وفعّال..

احتياجات وأغراض المولود الجديد .. موضوع شامل

وآخر شي في قائمة النظافة :

فوط متعدده الاستخدام

دائما نحتاج فوط صغيرة لأشياء كثيره للبيبي يعني بتكون متعددة الاستخدام..

وفيه نوع أقمشة مثل المهاد بس أصغر ، أيضا متعدده الاستخدام حلوه تنحط على الكتف إذا بتشيلين البيبي بحيث لو رجع او شي مايوسخ ملابسك ، وغيرها من الاستعمالات

مو ضرورية لكنها جدا عملية تكون بالجوار بدل المناديل..

احتياجات وأغراض المولود الجديد .. موضوع شامل

ثالثا: الغذاء

ولله الحمد أنا أرضع رضاعة طبيعية مع ريان ومع تالا فما اضطريت اتعمق في مواضيع الرضاعات وأفضل أنواعها وملحقاتها،

لكن بحثت بحث بسيط جدا واخترت رضاعات تومي تيبي اللي ماتسبب الغازات، 

Tommee Tippee Closer to Nature Anti-Colic Bottles

احتياجات وأغراض المولود الجديد .. موضوع شاملاحتياجات وأغراض المولود الجديد .. موضوع شامل

واستخدمها تقريبا كل يوم او يومين مره وحده حسب الظروف والطلعه او اذا كنت متعبه وحبيت انام زياده واترك احد يهتم بالطفل خلال نومي،

غير كذا الرضاعة الطبيعية هي الأساس ..

لكن حتى لو كنت ترضعين طبيعي أنصحك بشدة تعودين طفلك من الاسبوع الثالث يرضع صناعي لو مره بين الفتره والفتره عشان أوقات الضرورة يكون فيه خيار متوفر ..

وإذا ماتبين الصناعي أبدا ، على الاقل تشفطين من حليبك وتعطينه لطفلك بالرضاعة حتى يتعود يمسك شي ثاني غيرك..

كتبت تدوينة عن تجربتي مع الرضاعة الطبيعية ، بأرفعها لكم قريباً بإذن الله ..

المصاصة

العشق الأول والوحيد، مصاصة الدمية

احتياجات وأغراض المولود الجديد .. موضوع شامل

غير شكلها اللطيف جدا ، فعلا مريحة وعملية ، ماتطيح من فم البيبي لأن الدميه تكون مستلقيه على صدره او بجنبه وتقدرين تثبتينها بأي طريقة ، أحيانا تطلعها تالا من فمها وتصيح بعدين ترجع تمسكها بنفسها وتسكت،

الصراحة فرق عن المصاصة اللي بدون دميه كنت كل شوي أرجع أحطها وتطيح..

احتياجات وأغراض المولود الجديد .. موضوع شامل

قطرات الراحة من الغازات

احتياجات وأغراض المولود الجديد .. موضوع شامل

من الأشياء اللي ما اكتشفتها الامع تالا هي قطرات او شراب الغازات ،

شراب آمن يريح الطفل من الغازات ، مايعتبرونه دواء ، مجرد شراب،

 طبعاً استشيري طبيب طفلك قبل ماتعطينه أي شيء غير الحليب مهما نصحك فيه أي أحد لا تاخذين بنصائح غير المتخصصين ، وإذا وافق أو اقترح عليك شي معين خذي بنصيحته .. المهم ان الطبيب ماراح يقولك عنه من نفسه، انت اسأليه وخليه ينصحك بشراب معين..

أنا استخدم هذا النوع mylicon اخذته من والمارت ، آمن من عمر الولادة ، وفعلاً لاحظت الفرق إذا عطيتها تكون مرتاحه وماتصيح كثير ..

أغراض متفرقة

مفرش للسرير واقي من السوائل ، ينحط تحت مفرش السرير ،

هالفتره يتعرض السرير لأشياء كثيره ممكن تخربه ويتبقع مثل ترجيع الطفل او الحليب ينكب أو حليب الأم خلال النوم وغيرها ، فمهم نحمي المرتبه بمفرش عازل ..

والحقيقة ان المفرش العازل المفترض يكون موجود في السرير سواء هالفتره او غيرها أنظف للسرير ولرائحته على المدى البعيد..

احتياجات وأغراض المولود الجديد .. موضوع شامل

عربية البيبي ومقعد السيارة

احتياجات وأغراض المولود الجديد .. موضوع شامل

ما اشتريت عربية جديدة مازلت استخدم العربية اللي ذكرتها في التدوينه السابقة..

جدا عمليه خفيفة وصغيره سهلة علي اني اشيلها بنفسي ، وبنفس الوقت متينه وتتحمل ومريحة وشكلها مرتب..

في بداية الأشهر نستخدم نفس مقعد السيارة على العربية، ،يتركب وينفك بكل سهولة .. وبعد مايكبر الطفل نركب القماش حق العربية وتصير عربية مثل الصورة اللي فوق على اليسار..

الجميل جدا اننا نقدر نركب مظلة العربيه مع مظلة مقعد السيارة وتصير مظلله على البيبي بالكامل مثل القوقعة ،

احتياجات وأغراض المولود الجديد .. موضوع شامل

ومظلة العربية فيها فتحه من فوق مثل الشباك الصغير تتسكر ونتنفح لمراقبة البيبي وهو في العربية..

وفيها سلة تحت تكفي لأشياء كثير حجمها مناسب..

أنصح بها جداً..

اسمها : britax travel system

واخذت معها مراية للسيارة Britax Back Seat Mirror

تنحط أمام البيبي ، بحيث وأنت قدام بسهولة تراقبين طفلك من خلال المراية..

جبت لكم صورة من النت توضح الفكرة

احتياجات وأغراض المولود الجديد .. موضوع شامل

احتياجات وأغراض المولود الجديد .. موضوع شامل

وأخيراً أختم بنصائح متفرقة للأمهات اللطيفات

١- أهتمي بوضع روتين لطفلك يومياً قدر الإمكان، وقت التحميم والترضيع حاولي تخلينها ثابته بحيث يتعود طفلك على نظام يريحك ويريحه..

٢- فترة النهار لا تحاولين تخفضين من صوتك خلي البيت على طبيعته حتى لو البيبي نايم ، وأول مايجي المساء طفي الانوار أو استخدمي إضاءة خافته ولا تتكلمين أو تلعبين طفلك خلال الليل ، حتى لو صحى غيري له رضعيه بهدوء وصمت .. والفكرة من ذلك انه يعرف متى النهار ومتى الليل ومايصير يسهر عليك ويتلخبط نومه لأن الصغار ماعندهم احساس بالنهار والليل مثل الكبار..

٣- لاتنسين يومياً تقرأين المعوذات بصوت مسموع على طفلك في الصباح والمساء ..

٤- طبيعي هالفترة بعض الأمهات يجيهم اكتئاب مابعد الولادة ، اقرأي عنه وعن أعراضه وفي حالة حسيتي بهالشعور، خبري طبيبتك أو أحد أهلك واطلبي المساعدة ، لا تكتمين في نفسك خاصة لو كان الاكتئاب قوي ومكرهك في طفلك.. المشاعر اللي تحسينها بسبب الهرمونات ولا لها علاقة في الغالب بحقيقة حياتك وظروفك..

٥- استمتعي باللحظة ولاتفكرين متى بتعدي ومتى بتتفرغين لنفسك أو تنجزين أشغالك ، كل شهر بيكون أفضل من اللي قبله بإذن الله وكل ماكبر الطفل خف عليك التعب الجسدي، لكن حالياً طفلك هو الأولوية فاستمتعي بهالوقت المخصص له لأنه مره وحده في حياته وكلها كم شهر قليلة وتروح ، وخذي الكثير من الصور 🙂 ..

 و لكل أم جديدة : مبروك النونو الجميل الله يحفظه يارب ويرزقك بره ويعينك على رعايته وأهلا بك في حزب الأمومة الخارقة..

وبإذن الله بأدون قريباً عن الأمومة والنفاس وغيرها من المواضيع المهمة فكوني بالقرب..

والحمدلله من قبل ومن بعد ،

أتمنى يكون الموضوع أفادكم وأمتعكم

إن كان كذلك فأسعدوني بنشره في الواتساب أو تويتر أو أي برنامج تحبونه الله يسعدكم ويحقق أمنياتكم الجميلة..

-التدوينة السابقة : التجهيز للبيبي الأول ،شنطة المستشفى، النفاس ،وأشياء أخرى…

احتياجات وأغراض المولود الجديد .. موضوع شامل

...

تواصلوا معي عبر :

انستغرام وتويتر : arwa_alomrani@

يوتيوب : arwa karu

سناب : arwakaru



As an Amazon Associate I earn from qualifying purchases

التعليقات ( 346 ) :

  1. يقول -:

    الله يخليها لك ويقر عينك بصلاحها ?❤️

  2. يقول منور:

    حبيت اكون اول تعليق واقول اخيييييييراً هالتدوينه
    و شكرررراً كبيره للوقت اللي تستقطعينه من يومك لاجل تكتبين لنا تدوينات
    رغم اني غير متزوجه لكن احب اقرا تدويناتك دائماً اسلوبك جميل
    حبيت اكتب هالتعليق قبل لا اقرا التدوينه واندمج وانسى اكتبه ??

  3. يقول Umbader:

    جدا رائع وشامل يعطيك العافيه..ويرزقك برها وتذوقين نفعها
    امييين ??

  4. يقول وجدان فيصل:

    يوم سعيد لك ام تالا ?
    اول ماجاني ايميل انك نزلتي الموضوع دخلت على طول ?
    موضوع ماشاءالله مفيد جداً للامهات ، بيستفيد منه كثير الله يكتب اجرك ♥️
    ماشاءالله ، الله يخليلك تالا ويجعلها قرة عين لكم ومن حفظة كتابه الكريم ?
    ماتتخيلين فرحتنا بخبر ولادتك بالسلامة وقدوم تالا للعالم ، كأنك وحده من العائلة ?
    والحمدلله على سلامتك ومبروك تالا في حياتكم ♥️??

  5. يقول Hadeel:

    اشكرك من الاعمااااق على المعلومات القيّمه
    جداً جداً استفـــدت
    الله يسعدك ويوفقك ويحفظ لك تالا ويجعلها قرة عين لك ويرزقك برها ❤️

    إستمري يا مبدعه….

    • يقول منيره:

      ياجمالك وجمال إحساسك?
      شكراعلى الموضوع القيم جدا..وفعلامن تجربتي فيه أشياءمانستغني عنهاﻷنهاتختصرالجهدوالوقت وتمنحنافرصةالاستمتاع بالعمل?خاصةمع الحبايب?
      بارك الله لكم في تالا?وجعلهاقرةعين
      ويارب تجي عليك ياأجمل أروى??

  6. يقول Latof:

    صباح الخير تدوووينه جميله وجامعه كل الاشياء الله يعطيك العافيه ويسعدك والله يخليلك تالا ويرزقك برها ?????وانا اول وحده قريت التدوينه واول وحده علقت ع وشكراً لمعلوماتك الثمينه بالنسبه لي ❤️?دمتي بخير

  7. يقول أم عبدالله:

    جزاكِ آلـــــلّــــــہْ خير وكتب الله أجرك?

  8. يقول Tahani:

    الف مبروك النونو يا أروى ومشكورة عالتدوينة الرائعه
    انا سبق وجربت شفاط الانف او مصاصه الانف ? وبنتي جاتها حاله نفسيه منها ولما نزلت لاهلي صاروا يحذروني من استخدامها يقولوا بتفشطي مخ البنت منها ?? لكني استمريت عليها لحد ماجبت ولدي ولله الحمد فادتني كثير وانصح الكل فيها وبشده ??

  9. يقول Walaa:

    ماشاءالله .. التدوينة جدا مهمة ومفيدة .. جزاك الله خيرا .. والله يخلي لك تالا ويمتعك ببرها وصلاحها .

  10. يقول Khawlaa:

    الف الف مبروووك البنوته ?? الله يحفظها لك و يرزقك برها مره فرحت لك ??

  11. يقول Fai aljasser:

    مبروك وعيدنا عيدين مع قدوم الأموره اللطيفه تالا??
    الله يقر عينك بصلاحها ويخليها لك

    شكرا لك أروى حبيبتي للمجهود الي تبذلينه عشان الجميع يستفيد
    والله أن حياتي تغييرت كثيير بعد ما عرفتك وان كل مارفعت يدي بالدعاء لازم لك ولكل عائلتك نصيب من دعائي
    أحبك فالله ??

  12. يقول دودي:

    اول مره اقرا لك تدوينه وانا لسى مو متزوجه اصلا ومع ذلك استمتعت
    أسلوبك ممتع وبسيط في إيصال المعلومة اعتقد اني بختم المدونه
    شكرا لك ولـ لطفك ورقتك ،،
    أسال الله العظيم ان يكتب لك الراحه والسعادة والعافية ماحييتِ ?

  13. يقول بشرى:

    تدوينة جميلة الله يخلي لك تالا ويحفظها

  14. يقول Zmrrd:

    جميل جميل جميل..ماشالله ..الله يسعدك ويخليلك تالا ويرزقك برها.. مارزقت بأطفال لكني ما أفوت تدويناتك العظيمة..الله يرزقني وأخذ بكل نصيحة وخطوة كتبتيها..
    كل الشكر اروى ?

  15. يقول فاطمة:

    يعطيك العافيه جميلتنا اروى كالعاده تدويناتك مرتبه ومفيده
    انا توي بالاشهر الاولى بس حلو اعرف قبل مشكوووره قلبي
    والله يجعلها ذخر لكم يارب ويرزقك برها وصلاحها

  16. يقول هند:

    تدوينة رائعة وتحمس ?
    دمتِ أُماً جميلة ومنظمة ??

  17. يقول علا:

    يا عمري أنا ،الله يسعدك ويسعد تالا وتكون حياتكم ملألأة بالفرح ،طيب والحامل مالها نصيب??

  18. يقول ___:

    ربي يخلي لك تالا ويقر عيونك بصلاحها يا رب العالمين ..

    والف شكراً ع جهودك ، ربي يجزاك كل خير والله وإستفدنا منك الكثيييييير
    ?????

  19. يقول Yara Almehmadi:

    الله يسعدك اروى باين قد ايش تعبتي فيهاا .. معنى عزباء ولسا حتى طالبه لكن احب اقرا كل شي تكتبينو استفيد منو الله يحفظلك تالا يارب وتكبر وتشوف قد ايش امها كانت مهتمه ب اصغر التفاصيل عشانهاا ????✨?

  20. يقول سارة:

    اهلين ام تالا الله يعطيك العافيه على هالمجهود بجد ماقصرتي كافيه ووفايه وبتفك أزمه للأمهات الجدد ، الله يخلي لك تالا وعقبال ماتنزلين تدوينه احتياجاتها عروس??❤️❤️❤️

  21. يقول نونه:

    تدوينه جمييله وبتستعدنا لا جبنا بيبي بخليها مرجع لي إن شاءلله ❤️❤️❤️

  22. يقول فاطِمَة الوهيبي:

    قرَّة عيونك ?

  23. يقول المناير:

    اول ماجاني ايميل انك نزلتي الموضوع دخلت على طول ?

    الف مبروك النونو يا أروى
    الله يقر عينك بصلاحها ويخليها لك

    شكرا لك أروى حبيبتي عالتدوينة الرائعه
    وشكرا للمجهود الي تبذلينه موضوع ماشاءالله مفيد جداً للامهات ،
    بيستفيد منه كثير الله يكتب اجرك ??

  24. يقول خولة المطوع:

    ماشاءالله يعطيك العافيه
    بالنسبه للنقطه الثانية بنصائح متفرقه فعلا كلام سليم. انا حاليا افكر اعود ولدي عمره ٤ شهور ونص انه ينوم نفسه بدون هز او رضاعه وشفت فيديوهات كثير باليتيوب ومن ضمن الطرق هي هذي الطريقه، انك ماتتفاعلين معه لما يصحى بالليل يبغى برضع! تكونين مثلك مثل الرضاعه الجماد ماتطالعينه ولا تشغلين النور ولا اي شي بحيث يكون عليه الرجعه للنوم اسهل واسرع. انا ما اقاوم لمن يصيح واقوم بس يشوفني يضحك!! هههههه ف يخرب كل الخطط. والبارح حاولت ما اضحك له ولا المس راسه واهو يرضع مثل العاده ورحمته مررره :'( لكني مصره على تعليمه النوم بس ابي اصير مستعده نفسيا اول.

  25. يقول لوسي:

    الله يعطيك العافيه على هذي التدوينه الي حيل استفدت منها
    ويارب يخلي لك تالا ويحفظها لك ويحفظك لها ???

  26. يقول فاطمة:

    أروى اللطيفه?
    الله يحفظ لك تالا ويبلغك فيها يارب تدوينه جميييله جدًا وشرح كافي ووافي الله يجزاك خير، مو متزوجة ولسى طالبه واستمتعت بالقراءة وكنت متشوقه كثير استمممري ☹️?

  27. يقول ام امووون:

    شكراً اروى الاه يخليج لج البنووته يارب فعلاً في اشيا ثانويه مالها داعي المفروض نستغنى عنها و نكتفي بالاساسيات احس اني اشتريت ملابس نيوبورن وااايد لازم اشتري من ٠-٣ و كثرت مراضع ماعرف بحتاجها او لا ?

  28. يقول ام امووون:

    و كنت محتاره بالسرير شكلي باخذ كبير مره وحده احسن واريح و يكون ينفتح من جهه وحده حبيت الفكره

  29. يقول Inssaf:

    تدوينة جميلة و مفيدة ربي يحفظها لك لك و يعينك على تربيتها و ييسر لك امورك و يرزقك من حيث لا تحتسبين

  30. يقول فاطمة العمودي:

    ما شاء الله تبارك الرحمن
    الله يحفظها لج
    جميل جداً واعطاني معلومات قيمه كنت اجلها

    يعطيج العافية

  31. يقول الاء العمراني:

    تدوينه جميلة ويستفيدوا منها الأمهات ان شاءالله ??
    والله يحفظك الأميره تالا ??.

  32. يقول حصة:

    تدوينه مرررره جميله فادتني كثير ..والف مبروك البنوته والله يرزقك برها و صلاحها ..على فكره بنت كبر بنتي وبإذن الله يكونون صديقات ???

  33. يقول ساره:

    الله يجزاك خير اخت اروى تدوينه رائعععه ومجهودك تشكرين عليه نفع الله بك??

  34. يقول هدى ?:

    اخيراً نزلت التدوينه كنت انتظرها بشغف وفعلا زي ماتوقعت اكثر من رائعه مع اني تمنيت لو انك كاتبتها من قبل لكن من حسن الحظ اني ولدت بعدك بيوم اذا ماخاب ظني ?..
    الرضاعات نفس حقت بنتي وواحسها حلوه وكمان العربيه تشبه اللي عندي فكره المقعد يركب في نفس العربيه جدا مريحه واوفر بدال مانشتري عربيتين .
    شكراً من الاعماق ..?

  35. يقول Mrwa?:

    طاب يومكِ ❤️
    تبارك الرحمن أسأل الله أن يحفظ لكِ تالا ويجعلها قرة عين لكِ في الدّنيا والآخرة ?
    شكرًا جزيلًا وجزاكِ الرحمن كلّ خير على ماتقدّمين ☁️

  36. يقول ريم:

    الله يحفظ لك تالا ويرزقك برها

  37. يقول Melodyofmiracles:

    ما شاء الله تدوينة مبدعة ومليئة برائحة النظافة والبيبيات?❤❤
    جميل انك استغليتي السرير وأزلتي الحاجز ??
    اعجبتني فكرة اللهاية جدا اعاني منها لانها كل شوي تطيح ولازم من فم البيبي ولازم ارجعها?
    ودواء المغص والغازات حل ممتاز لمشكلة المغص??
    الله يبارك لك في جميع امورك ويجعل ابنتك قرة عين لك? وابشري بنشر التدوينه? التدوين يستهلك وقت وجهد كثيير شكرا جدا لحبك لافادتنا دائما?❤

  38. يقول Mimi:

    شكرا جزيلا اروى .. كانت الادوينه في وقتها المناسب لاني في شهوري الاخيرة من الحمل .. سعيده بالمعلومات و الروابط للشراء .. اتمنى لك السعاده التي لا تنتهي و التوفيق الذي لا يفارقك حيثما أنت ..

  39. يقول مي:

    الله يسعدك ويجزاك خير على نفعك الناس
    الله يبارك لك في ذريتك و يبارك لكل مسلم
    موضوعك رائع

  40. يقول Rere:

    مشكوه اروى مدونه جميله جدااا احب البيبيهات وأحب اغراضهم انا بعد ولدت بعدك بكم يوم وفرحت لك من قلبي الله يصلحهم لنا ويرزقنا يرهم ??

  41. يقول هلا:

    الله يعطيك العافيه اححبك جداً واحب اتابعك فيك تفائل واذا شفتك احس الحياه حلوه الله يحفظك ويحفظ لك احبابك ❤️❤️

  42. يقول هلا:

    وترا نستفيد منك كثثير كثير لاتحرمينا منك ?

  43. يقول Alanood:

    شكرا اروى على التدوينه كثير استفدت منها. الله يحفظ تالا ويجعلها قرة عين لوالديها ويجعل ريان شافع نافع لوالديه.

  44. يقول ولاء فاضل:

    حبيتبي يا أروى الله يسعدك ويسعدها يارب ويخليها لك وتفرحي فيها

  45. يقول سعاد:

    يارب في أيامك الفضيلة تستجيب دعواتنا لهالانسانة الرائعة والنادرة
    ما أدري وش أقول لك تدوينة رائعة وكل شي عندي تكتبيه أو تقترحيه معتتتتمد مباشرة
    الله لا يحرمنا منك

  46. يقول Atekah:

    مبروك ما جامكم ويتربى بعزكم والله يرزقكم برها يا رب??

  47. يقول ريم:

    جزاك الله خير أروى ❤️ أحسنتِ الله يقر عينك بصلاح تالا

  48. يقول فيروز:

    شكرا لك أروى فعلا كنت ابحث عن ملخص لطيف وخفيف لتجهيزات المولود ..

  49. يقول Ayat:

    جمممميله انتي وراقيه .. وطرحك اكثر من رائع ، اسعدك الله ..

  50. يقول haya:

    على اني ماني متزوجه اصلا الا اني قريتها كلها ههه ،، جميل رح يستفيدون منها الامهات و ربي يحفظ تالا

  51. يقول هيفاء:

    شكراً أروى ♡
    أنا في الشهر السادس حالياً ومابعد بدأت اجهز وارتب للبيبي الجديد، بما إنه اول بيبي لنا وأول حفيد لعائلتي وعائلة زوجي فما كنت عارفه كيف أبدأ التجهيز وايش احتاج،
    تدوينتك سهلت علي الكثير واختصرت علي الوقت والجهد ?
    شكراً جزيلاً =)

  52. يقول مها:

    شكراً أروش القلب?ربي يحفظ لك تالا الجميلة ويرزقك برها ويجعلها قرة عين لك ولوالدها ?.

  53. يقول امل:

    رائعه ياروئ ربي يبارك لك في تالا الجميله ويقر عينك بصلاحها
    مميزة كعادتك
    دمتي بود

  54. يقول أمل:

    الله على الجمآل ✨
    أول شيء الله يخليلك تآلا ??
    ويرزقك برها وصلاحها وتشوفينها عروسة يارب ?
    ثاني شيء يكتب أجرك يارب على كل حرف كتبتيه وأكثر
    بجد كنت محتاجة لبعض المعلومات مثل أختيار العربية خصوصًا أني في نهاية شهوري وهذا أول حمل لي ☺️
    ترتيبك في طرح الموضوع يسهل علي اشياء كثيرة
    شكرًا من الأعماق أروى ?

    ثالث شيء حابه اسألك بشيء خارج عن التدوينة هذي ?
    في مدونات تنصحيني بمتابعتها ؟!

  55. يقول فاطمه:

    موضوع ممتع و افاده رائعه.. انا خلصت من مرحلة البيبيات و لله الحمد بس قريت الموضوع لان احب تدرينااااتج.. و الله يوفقج و يحفظ لج كل غالي

  56. يقول منال:

    الله يجزاك خير ويسعد قلبك..اجتهدتي وأبدعتي …
    استفدت من نصائحك وجت في وقتها..شكراً لك من الأعماق..ربي يحفظ صغيرتك ويقرّ عينك فيها.

  57. يقول جولزا:

    مرحبا اروى

    تدوينه جميله و مفيده

    اشكرك

  58. يقول زينب:

    ما شاء الله تدوينة رائعة مثل عادتك يا أروى
    و ربي يخلّي لك تالا و يرزقك برها
    و أكيد متحمسين لكل تدويناتك الجديدة

  59. يقول أثير:

    الله يسعدك ويجزاك خير أنا منصمة جديدة لحزب الأمومة الخارقة ^_* واستفدت كثير من الموضوع خصوصًا الكاميرا والمصاصة عازمة على اقتناءهم ?✨ الله يحفظ تالا ويرزقك برها ويذوقك منفعتها وصلاحها يارب

  60. يقول أم غادة:

    تدوينة رائعة ومتكاملة يا اروى الله يعطيك العافية ويجزاك خير قد ما انت تحاولين تنفعين الاخرين

    عندي ملاحظة بسبطة احب اضيفها : ان الحليب الصناعي له تاريخ صلاحية بعد فتح العلبة لايتجاوز ٣ أسابيع حسب الانواع اللي سبق واستخدمتها ، فإذا كانت الام ماتعطي طفلها الا وجبة وحدة في اليوم او كل يومين فلازم تنتبه لهذي النقطة لانه بتنتهي الصلاحية قبل انتهاء الحليب في العلبة

  61. يقول هيفاء:

    الله يقر عينك بتالا يارب وينبتها نباتاً حسناً
    استفدت كثير من الموضوع مع إني أنتظر طفلي الثالث إن شاء الله ..الله يرزقنا بر أبناءنا وصلاحهم وحسن معاملتهم وتربيتهم?
    شكراً من الأعماق أروى ?

  62. يقول Alaa:

    السلام عليكم
    اول شي الف مبرووك ع البيبي الجديد ..الله يحفظها يارب لكم من كل شر
    حابه اسالك عن الولاده بالخارج انا مرافقه مع زوجي ان شاء الله وح اولد هناك في بريطانيا متخووفه من هالشي جدااا
    سمعت انهم مايخيطوا بعد الولاده صحيح هذا الكلام او لا
    انتظررر ردك .. او رد اي احد عنده خلفيه عن ذا الموضوع رجاااء..
    وشكرا❤️

  63. يقول دارين:

    شكرًا أروى الجمييله
    من قلب شكرًا
    لكوني مقبلة على الأمومة بإذن الله قريباً
    وأفكاري مشوشه مش عارفه ابدأ بإيش وأجهز إيش
    لما تكلمتي عن التدوينه تحمست وحسيت بأستفيد بإذن الله
    نفسياً وتجهيزيا ?
    شكرًا لكمية المعلومات واللطافة والإطمئنان في تدوينتك

    دمت بود ?
    وحفظ الله لك تالا❤️

  64. يقول عاتkة:

    الحمد لله لله على سلامتك ياقلبي

    الف مبروك ما جاك وتتربى بعزكم

    الله يحفظها لكم ويحفظكم لها ويبلغكم فيها ?
    مدونه جدا رائعه

  65. يقول Sahar:

    جزاك الله خير التدوينه جميله وشامله يعطيك العافيه وربي يحفظ لك تالا ويرزقك برها

  66. يقول Lama:

    الله يسعدك ويخلي لك الصغيرة تالا

  67. يقول سونا:

    رااائعه ماشاءالله كعادتك ام تالا بارك الله في جهدك وحفظ لك تالا ورزقك برها

  68. يقول Rufaida:

    الله يعطيك العافيه تدوينه رائعه كالعاده
    و عقبال ما تسوي تدوينه عن التجهيز لفرح تالا ?❤️

  69. يقول ام معاذ:

    روووعة تسلمين يالغالية وربي يحفظ لك تالا ويرزقك برها

  70. يقول فيونا:

    انتِ انسانه رائعه ❤️ الله يسعددك ويخلي لك تالا وينبتها نبات حسن يا رب

  71. يقول ليلى:

    كعادتك أروى متألقة وملمة بطرحك وأسلوبك جعله الله في ميزان حسناتك وحفظ لكِ تالا❤️

  72. يقول نوره:

    الله يجزاك كل خير
    جت في وقتها هالتدوينه
    وانتظر تدوينة النفاس على أحر من جمر ووالله 🙂

  73. يقول مريم الحزيم:

    يعطيك العافيه ماقصرتي الله يسعدك ??والله يحفظ لك بنوتك ???

  74. يقول أروى:

    الحمد لله ع السلامه ومبارك ماجاك تتربى بعدكم يارب ? التدوينه جمييله مثل صاحبتها يعطيك العافيه ❤️ ونطمع بالمزيد ?

  75. يقول أروى:

    تتربى بعزكم خطاء مطبعي كله من قاموس الايباد ??

  76. يقول هديل:

    شكرا أروى الله يجعلها بموازين حسناتك ياربّ ?

    كنت مترقبة للتدوينة ? لك حبي ودعائي ()

  77. يقول Ghadah:

    عاشت يدك ع التدوينه الجميله ..والله يحفظلك تالا ويجعلها من مواليد السعاده ان شاء الله

  78. يقول Najla:

    الله يجزاك خير الجزاء وينفع فيك ،
    ويجعل من ابنتك قرة عين لك ?

  79. يقول أم ميار:

    الله يخلي لك تالا ويقر عينك بصلاحها
    تدوينتك مره جميلة تسلم اناملك والله

  80. يقول Omneyah:

    جدا يعطيكي العافية موضوع متكامل من جميع النواحي باقيلي شهر على ولادتي وكنت بفكر أخذ حاجات ثانوية ومن كلامك اقتنعت بالأهم والاشياء الأساسية ويارب يخليلك تالا وتتربى بعزكم ودلالكم ويرزقك برها??

  81. يقول Wadiah:

    على ان ولدي كبر وصار سنه وشهرين الا اني احب اقراء تدويناتك
    يعطيك الف عافيه والله يخلي لك تالا ?

  82. يقول غدير:

    الله يخليها لك ويحفظها يارب
    و تشوفينها وهي تكبر ان شاءالله ^-^

  83. يقول ام عمر:

    شكرا شكرا شكرا شكرا شكرا شكرا شكرا شكرا شكرا لك من القلب على كل حرف انتي مبدعه بالكتابه والشرح مستحيل اطلع بدون فائدة
    ارجو منك مدونات كثير وخصوصا عن فترة الحمل والعناية شلون
    وبعدين فترة النفاس
    وارجو كمان تكتبي عن معلومات تفيد وقت الولاده لان شرحك يدخل المخ وممتع جدا جدا جدا جدا وشكرا جزيلا ومبرروووووووك تالا الله يجعلها سبب سعاده لكي

  84. يقول Hanoof:

    السلام عليكم

    تدوينه رائعه .. تشكرين عليها
    كنت احتاج معلومات عن هذا الموضوع بما اني بكون ام جديده قريبا ?
    شكرا مره ثانيهر?

  85. يقول وعد:

    الله يقر عينك فيها و يبلغك فيها اعلى المراتب في الدنيا و الاخره يارب ❤️❤️❤️

    • يقول نجلاء:

      عندي تنبيه بسيط
      بالنسبة لوضع السرير وارضاع الطفل وهو مستلقي هو والأم وضع خطير وغير آمن ممكن الله يستر لو تنام الأم يختنق الطفل من صدرها أيضًا الطفل لازم يكون مرفوع شوي عشان مايشرق ويتنفس بشكل طبيعي أو يتعرض لالتهاب في الأذن

      ومشكورة عالفوائد اللي تحتاجها كل ام ?

  86. يقول عتاب:

    ما شاء الله التدوينه مررررره تجنن ما قصرتي الله يجزاك خير ويخليلك تالا والله يرزقك باللي تتمنينه

  87. يقول ام رند:

    جزاك الله خير
    استفدت منك كثير
    زادك الله علما ونفعا

  88. يقول ام فيصل:

    الله يعطيك العافيه اروى ويحفظك لك تالا يارب

  89. يقول Deema:

    ماشاءالله جزاك الله خير على المدونه كنت محتاجتها هالفتره بما انه بعد شهر بصير ام جديده باذن لله ❤️ والله يرزقك بر تالا ويخليها لك يارب وتشوفينها عروس ان شاء الله ..

  90. يقول Tot:

    الله يحفظها لك وتفرحين فيها يارب

  91. يقول ريم:

    الله يجزاك خير كفيتي ووفيتي والله يخليلك جميلتك تالا ??

  92. يقول ام سعود:

    ماشاءالله مبدعه على اني مو ام جديده عندي ولد وبنت توأم كنت في داومه فتحتي عيوني على اشياء كنت غافله عنها لك الشكر والدعاء الله يحفظها لك ويخليها ويرزقك برها ❤️

  93. يقول اباء:

    الله يعطيك ألف عافية على التدوينة الرااااائعة.. والله يباركلك في بنتك ويحفظكم كلكم يارب.

  94. يقول أثير?.:

    لطيفة أنتِ ولطيفة كلماتُكِ أيضاً
    تبعثين الراحه والاستفاده لكُل من يقرأ!?.

    أتمنى لكِ أنتِ وتالا أيامً جميله وورديه??.

  95. يقول Hano Asiri:

    الله يسعدك ويبارك فيك وشكراً على المعلومات المفيدة.
    وحفظ الله لك تالا وأقر عينك بها ورزقك الله برها.
    بورك فيك ??

  96. يقول Nado:

    ماشاءالله الف الف مبرووووك تتربى في عزكم ودلالكم ياااارب ❤️❤️
    موضوع كامل وشامل الله يوفقك

  97. يقول هيله:

    جميل و مفيد ومتكامل .. شكرا لك الله يبارك لك بتالا و يبارك لك بوقتك …

  98. يقول فاطمه:

    جميلة كعادتك❤️❤️

  99. يقول 3noo:

    شكرا يا أروى أنا مثلك رزقت ببنوتتي الثالثه يوم ٢٦ رمضان يعني بناتنا كبر بعض وتقريبا المكتوب في المدونه طبقته ، وفعلا بعض الاشياء تكون ثانويه وتغرينا بالشراء ??
    فيه اشياء اشتريتها ببنتي الثانيه وماااا استخدمتها هالمره كنت منتبهه وانا اجهز ما اخذت الا الضروري الضروري

  100. يقول جمانه:

    السلام عليكم حبيت اشكرك من جد تدويناتك ونصايحك مرررة جميلة واستفيد منها من جد مرررة شكرااا وانا اول مولدة جاتني يوم 21 رمضان في البداية كنت تعبانة بس من جد الواحد يستمتع بكل لحظة ويعمل شيء يغير على نفسوا كل فترة وفترة وجزاكي الله خيراا

  101. يقول خلود خالد:

    ماشاءالله عليك تدوينتك جدا جميله الله يحفظ تالا ويقر عينك فيها❤❤❤❤

  102. يقول حوراء:

    يعطيك العافيه ومشكوره على وقتك وتعبك
    انا أم متغربه في أمريكا والحين حامل والحمدلله استفدت كثير من خبرتك ووجود اللنك سهل علي مررره شكرا

  103. يقول هيلا:

    الله يحفظها لك يارب ويحفظكم لها تدوينه مرة جميله استمتعت وانا اقراها?

  104. يقول سوسن:

    جميييل الموضوع وفعلا مفيد .. في ميزان حسناتك
    الكاميرا اني عندي نفسها .. مفيدة لقيلولة العصر و استخدمها لما اكون بالمطبخ وصغيري بالصالة .. بس عيبها ان لما يقعد الطفل يصيح ما يصدر صوت تنبيه .. صغيري من عمره ست اشهر انقله ينام في حجرته.. فاذا كنت نايمة وهو قعد نص الليل يصيح انا شلون اكتشف .. فكان لازم مع الكاميرا هذي جهاز مناداة

  105. يقول Hind:

    ابدعتي كعادتك أروى .. الله يبارك فيك ويحفظ لك تالا وابو تالا بالرغم ان اولادي ثلاثة ولكن استفيد من معلومااتك كلها للبيت والاولادوالمطبخ ..?

  106. يقول Ss:

    شكراً شكراً شكراً من القلب ()
    في أمريكا وعلى وجه ولادة وفعلاً أستفيد من كل معلومة تدونينها ❤️ الله يحفظ لك ماوهبك ويرزقك برّها ❤️❤️

  107. يقول ثريا:

    ما شاء الله ، بارك الله لكِ في الموهوب لكِ وبلغ أشده ورزقت برها ، الله يسعدكم ويهنيكم ، الموضوع رائع ?

  108. يقول ابتهال:

    جمييييل ومفيد جزيتي كل الخير ام توت عندي ثلاث بنات بس لازت استكشف وش الجديد بعالم الاطفال واخذ خبره من التجارب حبييت انك مو متكلفه مثل باقي الامهات وبنتي اثانيه اسمها تالا حبيت اسمها اكثر بعد ماسميتي بنتك

  109. يقول Ndo_fz:

    الله يسعدك ويوفقك ويجزاك ربي الف خير ويخلي لك تالا ??????
    ما بعد حملت بس مستحيل افوت لك تدوينه ومنها ناخذ خبره قبل ما نتوهق بشيء ما نحتاجه ??

  110. يقول نوره:

    ماشاء الله تبارك الله
    كلامك جداً مريح ويحمس ودي ادخل السوق اليوم قبل بكره
    وربي من التعب اللي فيني والثقل ما ادري كيف ابدأ
    ربي يخليلك تالا ولا يريك مكروه فيها ويهون علي وعلى كل حامل

  111. يقول هجير الشمس:

    ماشاءالله تبارك الله وفيتى وكفيتى يارب يستفيدوا منها الأمهات
    انا عندى احفاد وحفيدات واصغر وحدة يمكن بعمر بنتك واسمها تالا
    عمرها خمسه اشهر او سته تقريباً
    ربى يحفظلنا ولك ولايورينا فيهم مكروه وتشوفى بنتك توته عروسه
    ويرزقك بااخوان واخوات لها وتتهنوا يارب فيهم ويسعد قلوبكم
    امين يارب اسعدنى اكون صديقتك رغم فارق العمر بينى وبينك
    بس احسك انك مثل بنتى
    ودمتى بخير انتى ومن تحبين بإذن الله

  112. يقول سارة:

    شكرا لك اختي أروى استفدت كثيير من التدوينة ..
    و متحمسة اشوف تدوينة الأمومة و النفاس ..
    لاني حامل و هذا اول حمل لي ..

  113. يقول لما حمود:

    سلمت يداك وبارك الله جهدك عزيزتي
    التدوينة راااائعة تستحق الترقب والانتظار
    ثمينة وقيمة تستحق النشر
    استفدت منها الكثير وجعلت لانتظار صغيرتي طعما” لذيذ
    ويتجدد الشوق للمدونة القادمة ( الرضاعة الطبيعية ).
    أشكرك وارجوا الله لك السعادة والاطمئنان والتوفيق دائما
    ولك خالص الاحترام.

  114. يقول ريما:

    ماشاء الله مرررره جميل ترتيبك واهتمامك ???الله يسعدك يارب مدونتك من الأشياء الجميلة بنسبه لي والايجابية أحب ادخله واقراء وكثير أعيد مواضيع وأقراهم مره ثانيه وساعات أتمنى لو فيه تدوينه ما قريته لأَنِّي استمتع بهم جدا …..
    انا ماتزوجت ولا شئ اقراء وأروح لامي أقوله اللي قريت حتى أمي تحبك وخواتي نتابعك بسناب وانستقرام ….
    الله يحفظ لك بنتك ويسعدك يارب ويحقق لك اللي تتمنين❤️❤️❤️

  115. يقول Mooly1418:

    مبروووك اروى وجعل كل فايده تفيدينا فيها في موازين حسناتك ??جزاكً الله خـيرا والله يخليلك تالآ ويسعدكم ?٠٠

  116. يقول نوون ?:

    اعجبني الموضوع وكنت انتظره بحماس ❤️❤️الله يسعدك اروى ويحفظ لك تآلآ ❤️
    استفدت منه كثير ❤️وب انتظار تدونيتك للنفاس ?
    جزيتي خيرا ??

  117. يقول Sama:

    حبيبتي ما اوصف لك قد ايش اختصرتي علي الكثير الله يسعدك و يوفقك و يسهل عليك كل امورك و يرزقك برها بنيتك???????

  118. يقول منو:

    شاكرة وممنونة على التدوينة الرائعة لتجهيز الطفل ، كنت انتظر متى تنزلين الموضوع لأني على وشك ولادة واحتاج من لديه تجربة سابقة وايش الاغراض المهمه للأم والطفل خصوصا أنني بالغربه ، اعتذر منك عن سؤالي التالي ،؛فترة النفاس هل كان زوجك ينام في نفس الغرفة اللي انتي وتالا تنامون فيها ?أيضا ماكان ينزعج زوجك لما تالا تصحى بالليل ؟ شاكرة لك تعاونك معانا و دمتي دائما عزيزتي

  119. يقول Sama:

    ننتظر عنايتك و الاكل و في النفاس بفارغ الصبر لاني ما اعرف ايش اكل كل الأكل المطروح علي اكل يسمن بدرجة مو طبيعيه وانا اصلا سامنه مع الحمل فوق ال 15 كيلو فما اعرف هل فعلا لازم اكل هذا الأكل

  120. يقول منى العضياني:

    راااائعه تدويناتك دائما ومتكامله ماشاء الله ?
    بس غريبه ما جاني ايميل انك نزلتي تدوينه المره ذي ❤️

  121. يقول Jwhr:

    فرحت لك لما عرفت انك ولدتي
    الله يخليها ويحفظها ويقر عيونكم فيها ?
    *حبيت انبهك على شغله المناديل المبلله حاولي تقللين استخدامها لمنطقة الحفاظ ، واستبدالها ببخاخ مويه وقطن او مناديل ؛ لان بلغالب تكون فيها نسبة عطور ومواد ممكن تاذي بشرته وتسبب التصلخات ” من واقع تجربه ”
    والله يوفقك ويسعدك
    افدتيني بهالتدوينه ، و اذا فيه شي عن النفاس والامومه حاول هالفتره ???

  122. يقول Sara:

    مساء الخير أروى ?..
    موضوع اقل ما يقال عنه متكامل ماشاء الله تمنيت نفس هالموضوع قبل م اجيب بنتي لانه بجد تحتاجين احد يحكي لك عن الاحتياجات بالمرحله الجديده اللي بتخوضينها ، بارك لك ربي ب تالا و رزقك برها ?
    بنتي عمرها ٧ شهور اتمنى احد يحكي لي عن تغذية البيبي بهالفتره و انواع الوجبات اللي ممكن تاكلها و كيف انظم جدول تغذيتها اليومي احس اني تايهه بهالشيء ?
    يعني الشي الوحيد اللي احس نفسي ماضبط معي للان اني اضبط لها روتين معين احس بيكون اريح لها بكثييير انها تنتظم بالنوم والاكل و غيره ، يعني يحصل انو يجي وقت يتحدد موعد نومها وتترتب بس تحصل امور تخرب و على العكس تكون منزعجه جداً ?

  123. يقول دودي1914:

    الله يحفظها ويخليها لكم ? شكراا لك على جهدك استمتعت جدا واستفدت ?

  124. يقول ديما:

    الله يعطيك العافية ويوفقك ويرزقكم بر أطفالكم ويقر عينكم فيها ..
    إستمتع دائماً بقراءة تدويناتك وجديدك .. ربي يعافيك..

    بخصوص عربية الأطفال نفس العربية اللي عندك
    حصلتها قبل أسبوعين تقريباً في [سنتر بوينت] وفعلاً كانت طقم
    عربية + مقعد للسيارة (حجم +0 )

    وكان عليها عرض وسعرها معقول بحدود 700 ريال .
    اللي حاب يروح وبيحصلها إن شاء الله ..

    وبالتوفيق للجميع .

  125. يقول جمانة:

    سبحان الله أسلوبك جدا مريح ويحسسني إنه كل شي حيكون سهل .. الله يسعدك يا رب ويريح قلبك ومبروك على ما جاكي الله يخليلك هيا ويعوضك بيها ويجعلها من الباريين والصالحين ❤️❤️❤️

  126. يقول نجود:

    تدوينه اكثر من رائعه.. تسلم ايدك على كتابة هالمعلومات المفيده .. و بانتظار تدوينة مرحلة النفاس

  127. يقول نجود:

    و الف مبروك المولوده الله يجعلها عطاءاً صالحاً و يرزقكم برها و صلاحها يارب

  128. يقول zooz:

    شكراً لك اروى على كل دقيقه اعطيتينا من وقتك ، والله يخلي لك بنتك ويجعل ريان شفيع لك ،، انا بنت مابعد تزوجك وانبسط على مواضيعك خاصه عن الاطفال والامومه وانا اعشق الاطفال واحب اقرا عنهم كثير واتمنى اكون ام واطبق على اطفالي عمري ٢٦ ومابعد تزوجت وحمستيني يكون عندي طفل الله يرزقني ويرزق كل بنت?

  129. يقول روان:

    مدونة جميلة كجمال صاحبتها
    شكرًا لك استمتعت وأنا أقرأ وتستحق تعبك ✨?????

    الله يحفظ لك تالا ويقرّ عينك بصلاحها قولي آمين ✨?

  130. يقول رسال سالم:

    اروى انا احبك ودائما اقول لاهلي اني ابغى اشوفك
    وانتي اكثر وحده احبه بالسناب والانستا وكل مكان
    تخيلي ي اروى لو تردين عليا بنقطه??اتوقع من
    الفرحه وقتها لمن تردي عليا يعني باحس نص السعاده
    الي بتجيني لا خشيت الجنه الله يدخلنا اياها☻??
    المهم انا احبك مرة واحب تالا والله يسعدكم وين ماكنتو

  131. يقول احلام:

    ماشاء الله تدوينة رائعة ومتعوب عليها وموضوع جداً مفيد وبسيط في الطرح وشامل يعطيكي الف عافية ياعسل
    الله يحفظلك بنتك ويبلغك برها

  132. يقول منال:

    موضوع جدا جممميل
    استمتعت ودخلت كل رابط وشفت مع اني غير متزوجه لكن مواضيعك شيقه ()

  133. يقول Ayah Saleh:

    ماشاء الله جدا رائع بارك الله فيكِ وبالمبارك ماجاكِ ربي يحفظها ويرزقك برها وصلاحها ويجعلها من مواليد السعادة معك اختك في الله آية من متابعاتك ومعجبة جدا بكل ماتقدمينه ربي يحفظك ويحفظلك اسرتك ?

  134. يقول Ro7a:

    ياعيني تدوينه عن اجمل شيء بهالحياة الأطفال ?
    صحيح في اشياء تحمست وشريتها وماكان لها استخدام كثير وبالنهايه انركنت بالمخزن
    افضضل شيء السرير المفتوح ع سرير الام جدا مريح لان تعب رفعها منه وترجيعها ? اذا كبرت ترجعي الحاجز وانتهى الموضوع ??
    انا بنتي ما استخدمت لها مناديل التغيير لان بشرتها حساسه تتحسس من العطور
    كنت ابلل قطن وامسحها فيه والوضع تماام ??

    شكرا عالتدوينه الجميله جدا استمتعت فيها وبانتظار جديدك المثري ?

  135. يقول سامية:

    تدوينة رائعة الله يبارك لك بالبنوتة يارب
    مانستغنى عن نصائحك

  136. يقول joory:

    تدوينة رائعة حدا وافادتني وانا بٱول حمل وبالشهور الاخيرة جزاك الله خير ورفع قدرك وكتب اجرك ..

  137. يقول فنووو:

    مرحباً ام تالا ،،
    خواتي قريباً بيجيبون اطفال وحده صيف وحده شتاء بحول الله تعالى ،،
    بغيت أسالك ايش الهدية المناسبة لهم ،،،
    يعني فكرت كاميرا للأطفال ..
    وايش بعد واللي بالشتاء موظفة يعني تعب بعد ايش أهديها وانا للحين ما ادري هل بنت او ولد ساعديني الله يعافيك ،،، ??

  138. يقول فنووو:

    للمعلومية خواتي جداً جداً جداً تحمسوا لتالا حسيناها فرد جديد أضيف للعائلة الله يصلحها يارب حاستها مثل اولاد اخواني والله ????والله يوفقك ويوفقنا ويعينك ويسهل لك يارب ???

  139. يقول توفي:

    الله يعطيك العافيه ويحفظ لك بنوتك اللي فرحت بها كثر فرحتي بعيال خواتي?
    ويجعل ريان شفيع لك يارب ..
    أروى من الشخصيات الملهمه
    حفظك الله أينما كنت ورزقك ماتتمنين ??

  140. يقول رسال سالم:

    امين ياقلبي،لمن شفتك تناديني بإسمي قمت اشاهق??ليتك شفتيني???،من الفرحه يعني❤❤?
    الله يسعدك

  141. يقول دودي:

    روعة ماشاء الله
    الله يحفظ لك تالا ويخليك لها..

  142. يقول أم نوني:

    موضوع رائع شكرًا أروى الله يجزاك خير ?
    المصاصة على طول دخلت الرابط وطلبتها ? لأن بنتي عمرها شهر وضاع لها ثنتين فحبيت شكل المصاصة هذي ووجود الدمية بيخلي ضياعها صعب لأنها ماراح تدخل تحت السرير أو أو أو.
    لكن التغيير حبيت أزيد على تعليق الأخت (jwhr) من واقع تجربتي طفلي الأول كنت دايم أحرص على تنظيفه بالماء مع الصابون أو شامبو الأطفال و في فترة الشتاء بسبب إني اكتفيت بالمناديل عن الماء تحسس جلده بشكل كبير جدًا لدرجة اضطريت استخدم له كريمات فيها كرتزون -بتوجيه من الطبيب طبعًا- لمدة كم يوم والحمدلله تحسن ورجعت للتنظيف بالماء وفعلًا مافيه شيء مثل الماء ?

  143. يقول ام مجد:

    الف مبارك اروى على قدوم تالا .. ربنا يحفظها ويبارك فيها وشكرا من الأعماق لكل ما تقدمينه ، انت فعلا مميزة جدا ورائعه ، ربي يحفظك ويرعاك .

  144. يقول هيونه:

    ما شاء لله موضوع جميييل و شيق ويحوي الفوائد … ومبروك البنوته ربي يحفظها … انا ام جديده صار لي شهر والده . مغتربه بأمريكا مثلك ☺️و جبت بنوته ?…❤️

  145. يقول Alanoud:

    شكراً جميلتنا ام تالا على التدوينه الخارقه كالعادة ❤️❤️
    توني متزوجة ومرافقه لزوجي في بريطانيا وجد استفيد دايم من افكارك والهاماتك لنا ❤️

    بدية اتابعك من زمان قبل ماتفتحين المدونة وراح استمر باذن الله ?
    من الاشخاص المميزين الي تمشي وتزرع فوائد في كل مكان ❤️

    ربي يوفقك ويحفظ لك بنوتتك ويرزقني ببنوته مثلها ❤️❤️

  146. يقول توما:

    جميييلة يا اروى انسانه معطاءة لابعد حد الله يرزقك من واسع فضله ? يا ليت تضيفي حقيبة الطفل من فين اشتريتيها لاني محتارة ايهم احسن بالجودة وتبقى معايا ع طول، اول بيبي ومحتارة ???

  147. يقول -:

    اولا الله يبارك لك في تالا ويحفظها و يجعلها من عباده الصالحين والحمدلله على سلامتك اروى ،، حبيبتي انا حامل حاليا بطفلي او طفلتي الاولى واستفدت كثير من موضوعك اتمنى تكثرين من هالمواضيع سواء نصائح او منتجات معينة .. الله يجزاك الجنة

  148. يقول وعد عبدالغزيز:

    تدوينه جميله جدا ماشالله احب هدوؤك اروى حتى تدويناتك اشعر فيها بهدؤ وروقان والله يبارك لك في تالا يارب

  149. يقول noha:

    الله يخليها لك يارب

    لي تعليق على المناديل المبلله ماااا انصح بها ابدا كنت استخدم لطفلي مناديل زيتيه ماركه سيبا ميد رااائعه وبعد كل غيار احط له فازلين
    و لله الحمد و لا مره جاه التهاب او “مشق”

    وبالنسبه لطاولة التغيير مدري كيف البعض يستغني عنها طفلي عمره 3 سنوات ونص وللان استخدمها له

  150. يقول Nawal:

    ماشاء الله عليك ى اروى مبدعه موضوع مررره شامل ابدعتي ربي يوفقك ويبلغك في البنوته كل خير ودمتي وبخير?

  151. يقول مي:

    السلام عليكم
    اروى حبيبي يعطيكي العافية عالتدوينة المفيدة والله يجزاكِ خير ويحفظلك تالا

    حبيبتي اتكلمتي عن الهز وانك قرأتي ماينفع الخز لاكثر من ساعة/ساعتين في اليوم كله،،، ممكن توصحي الاسباب والموقع اللي جبتي منه المعلومة؟

    اكون شاكرة لكِ

  152. يقول مرام:

    أسعد الله أيامك أروى ، اسأل الله ان يكتب أجرك و يرفع ذكرك.
    أشكر لطافتك و وضوحك بسرد التدوينة.
    عندي استفسار بسيط، سمعت كثير يقولو فيه نوع من اللّهايات( المصاصات) اللي يكون الجزء اللي بداخل الفم كبير فيرفع اللسان و يتعود اللسان على هذا الوضع فيسبب صعوبات في النطق عند الاطفال ، فحبيت اتاكد من صحة المعلومة . و كمان وش المعايير اللي مفروض نراعيها باختيار المصاصه.
    و احبك

    • يقول أروى العمراني:

      الله يحبك ويسعدك .
      المصاصه البعض يقول استخدمو اللي تجي قطعه وحده لأن اللي تكون قطع كثير ممكن تتفكك ويغص فيها الطفل .. هالمصاصه اللي انا شاريتها نفس المصاصه المعتمده في جميع المستشفيات الأمريكية آمنه بالدرجة الأولى .. الطفل ماراح يخرب فكه من مصاصه الا اذا طول عليها لأكثر من سنه ، بس السنة لأولى بإذن الله ماعليه ضرر من هالناحية ..
      عن نفسي ريان كان يمصها الى ان بدا يطلع له اسنان بعدين خلاص صار يعضضها بدل المص فتركها من عمر ٦ شهور ، واعتقد انه افضل انها ماتطول معهم معد يحتاجونها تكون مجرد عادة يفضل ينفطمون منها بدري قبل مايتعلقون فيها زيادة

  153. يقول وجدان:

    الله يسعدك يا أروى ويجزاك كل خير
    حبيت اسألك عن الكاميرا دخلت الرابط اللي حطيتيه ومالقيت مكتوب شي عن قوة الكهرباء
    انتي متأكده انها تشغل ٢٢٠ فولت ؟
    لاني شريت من امازون الة شفط الحليب وللاسف لقيتها ١١٠ واخاف من موضوع المحول
    ماكرفتها صح علشان هالسبب 🙁

  154. يقول شاديه:

    ماشاءالله تبارك الله. ربي يحفظها لك ويعينك على تربيتها وربي يجعلها من الصالحات. نتطلع للمزيد من التجارب والنصائح ولكِ منّا الدعاء والقلوب الحاضره ??

  155. يقول ام ريمان:

    ماشاء الله تدوينه شاملة انا حاليا استعد لمولودي جزاك الله خير

  156. يقول لمياء جابر:

    السلام عليكم أروى اللامعة ..
    وصلتني رسالة على إيميلي عشان أشوف التدوينه ههههه مع إني مب متزوجة تحمست أشوفها , نسيت أهنيك بتالا *///* الله يخليها لكم ويقر عيونكم فيها ويجعلها من الصالحين , متونسه فيك في الانستقرام والسناب أحس بالحياه إذا صورتي شي حتى تدويناتك أحس بمشاعر فيها , تستاهل تاخذ وقت الصراحه , أهنيك لأنك إنسانه جميله من جوا ومن برا أشوفك كشخصيه مؤثره ومتجدده ما شاء الله ما نشوف ناس كثير كذا استمري و إحنا معك ونشجعك () .

  157. يقول أريج بن محفوظ:

    ماشاء الله تبارك الله..الصراحة شهادتي فيكي مجروجة.. على اللطافة والسعي لنشر الخير للغير..انتي مثال وقدوة للناس برواقتك..الله يحميكي ويزيدك ويرزقنا واياكي يااروى العسل

  158. يقول عائشة العنزي:

    ما شاء الله متألقة دائماً أروى
    والحمدلله ع سلامتك ومبروك العروسة تالا الله يحميها لكم ويقر عيونكم فيها ويجعلها الله من الصالحين
    قرأت الدوينة كاملة مع أني الحمدلله اكتفيت من الاطفال اصغر اطفالي حاليا ١٠ سنوات واستمتعت في قرأتها مبدعة دائما حفظك الله انتي وعائلتك من كل شر

  159. يقول ربا:

    ماشاء الله تدوينتك رائعه ومفيده ?
    الله يحفظ لك تاله ويقر عينك بصلاحها
    ياليت تنزلي تدوينه عن العنايه والاهتمام اثناء الحمل
    وجزاك الله خير أرو ونفع بك ?

  160. يقول AlHANOUF:

    يعطيك العافيه أروى

    مره شكرا على التدوينات هدي ماتتخيلين قد ايش استفدت وقد ايش هي مرجع لي الله يجزاك خير ويخلي لك تالا يارب .

  161. يقول elza:

    ماشاءالله عليك اروى اسلوب يفتح النفس و شرح مفصل ودقيق يوصل المعلومه الف شكر لك على الموضوع الجميل يحمس نصير امهات بسرعه هههه… الله يحفظ لك تالا ويقر عيونك فيها يارب

  162. يقول وعد:

    ماا شااء الله ياروى تدوينات تبرد الكبد
    اي سؤال يخطر ببالي القاك مجاوبة عليه ربي يسعدك ويوفقك
    وو ما شاء الله احس انك الوحيدة اللي مستغلة الانترنت والمواقع صح
    لان كل شي تجربينه او تشرينه بناء على اراء ودراسات وروابط
    كفيتي ووفيتي بالتدوينة وراح تكون اول مرجع لي ان شاء اذا جيت بجهز لاني ببداية حملي واكثثر فكرة اعجبتني فكررة السرير بس كيف رفعتيه لمستوى سريرك اغلب اللي اشوفهم بالمحلات او الصور يكون نازل مررة ؟؟ وبس شكرا لك ❤️❤️❤️❤️

  163. يقول Loubna Allane:

    تدويييينة لطيييفة جدااا ???? يعطيك العافية .. و الله يحمي تالا من كل شر ❤

  164. يقول ابتهال القحطاني:

    يعطيك كل عافية والله يكتب أجرك ويجزاك عنّا خير الجزاء ..
    موضوع جاء بوقته ، لأني بأبدا تجهيز الله ييسر لي وييسر لمن هم مثلي ..

  165. يقول -:

    ماشاءالله اللهم بارك الله يحفظها ويخليها لكم ويقر عينكم فيها ..

    أروى ابي اتواصل معك بخصوص الشركة اللي ساعدتك بإنشاء المدونة 🙂 إذا أمكن .

  166. يقول رغد:

    الكل هنا اخذت من طاقتك وحيويتك اروى ? الله يخلي لكي تالا ?
    في وقتي الخاص او وقت الاسترخاء ادخل المدونه اقرأ كم موضوع ?
    من متابعينك في كل مكان بس متابعه صامته ?❤️

  167. يقول عبير:

    الف الحمدلله على سلامتك وربي يحفظلك تالا ويجعلها من مواليد السعاده ويرزقكم برها
    اروى انتي ملهمه ?
    ملهمه?
    ملهمه?
    احبك في الله ????????????????????????????????????

  168. يقول ريما:

    اروى الله يعافيك وين القى هالمصاصه ??لعل وعسى تنفعني

  169. يقول ميعاد:

    انا من زمان اتابعك بتويتر والسناب والانستقرام واليوم اول يوم اشوف مدونتك صراحه وانا اقرا حسيت بشي ايجابي لاني ام لاول مره وطفلي عمره شهرين واستفدت كثير كثير من موضوع.. الله يسعدك ويوفقك ويخليلك الاميره تالا❣

  170. يقول mariam:

    حبيبتي الله يخليها ويحفظها لج يارب
    ويجعل ريان طير من طيور الجنه وشفيع لج بيوم الدين ,, احب فيج قوه ايمانج وصبرج ورضاج بالقضاء والقدر فلكل انسان عمر معين .. وهو عمره ليس للدنيا ..

    استمتعت وانا اقرأ بما اني حامل ..
    انا عندي بنت وبتكمل الخمس سنوات قريبا بس تصدقين احس كتجهيز للطفل انا جديده .. مادري يمكن لان المده طويله او يمكن قبل 5 سنين بعض الاشياء كانت غير مهمه او مو متعارفه مثل الحين .. احس روحي ربيتها على طريقه الاوليين يعني على نصايح امي وخواتي وتجاربهم .. بعكس الحين عالم الانستغرام والتدوين والتواصل مع الناس صار اكثر واخبر ..

    انا جهزت من 0-3 بس وبكتفي فيهم حالياً
    وبشهرها الثالث ان شاء الله اشتري لها لبعدين ,,

    استفدت وايد وراجعه للتدوينه مره ثانيه ان شاء الله علشان اخطف كم قرض من امازون ^^

    شكرا اروى
    تدويناتج ممتعه

  171. يقول Fawziah:

    جميييل الله يجزاك الجنه ?

  172. يقول نجلاء:

    جميلة بكل تفاصيلك …

    حبيت المدونة و بكل ما فيها .. و الموضوع مفيد جدا بما اني مقبله على ولادة طفلي الاول .. ابغا رايك ف السرير محتاره كثير بين اخذ سرير صغير و عملي للاشهر الاولى بما اني بولد بيت ماما و بجلس شهر معها و بين اشتري سرير كبير و بيكون مفيد للبيبي لكم سنة قدام ! ؟
    ف رئيك شو الانسب !؟ افيديني اروتو ?

  173. يقول ريم المطيري:

    أسعد الله صباحك ..
    فيه شي لي كم يوم ابغى اكتبه لك وماابغى اتأخر عليك لانه جدا مهم
    ولو تنبهين الامهات الجديدات عليه فعلا بتكونين سويتي خير فيهم

    انا عندي بنت وولد الحمدلله ..
    بنتي تقريبا قريبه من عمر بنتك بينهم بس ايام
    المهم فيه شي اسمه تطورات نمو يمر فيها الطفل
    والتطورات ذي انا قريت عنها في كتاب The wonder weeks
    تقريبا تكون من اول الولاده لين عمر سنه ونص

    الجميل في الموضوع ان الكتاب هذا مسوين لهم برنامج ع الجوال
    تحطين فيه تاريخ ميلاد النونو وراح يطلع لك chart يبين لك بنتك
    فين موقعها من التطورات ذي

    يعني بعطيك مثال .. بنتي الان تمر بالتطور الثالث ..
    هذا التطور مده اسبوع .. خلال هذا الاسبوع المزاج راح يقلب
    وتصير تبكي اكثر من العاده وتصير تبغى ترضع اكثر من العاده

    والبرنامج مقسم 4 اقسام
    اول قسم يعطيك ملخص عن هذا التطور
    القسم الثاني القدرات اللي بتتحسن فيها من بعد ذا التطور
    القسم الثالث علامات تبين لك انها بدت التطور
    القسم الثالث طرق عشان تساعدينها في تطورها هذا
    مثلا بنتي الان كاتبين من ضمن المساعده حاطين كم طريقه لعب
    زي اني اجيب لعبه واخليها تمسكها بيدها ووو ..

    ماادري لو كان شرحي واضح لكن انتي حملي البرنامج وراح تفهمين كلامي
    بس انتبهي بما انك ايفون بالاب ستور بتلاقين حاطين الكتاب واظن قيمته
    20$ وفيه تلاقين حاطين البرنامج وواضح انه مو كتاب

    عموما راح تعرفينه مااظن بتتوهين

  174. يقول Nany:

    مشكورة ع التدوينه الجميله والله يحفظ لك تالا ويقر عينك بصلاحها .. لو عندك خلفيه عن افضل شنط للبيبي للخرجات ياليت تكتبي عنها وشكرا

  175. يقول أثيرة:

    اروى الجميلة
    احتاج اقرأ كتب لتهيئتي للمولود الجديد
    بماذا تنصحيني ❤

  176. يقول هياء:

    الله يحفظلك تالا ويرزقك ربي ويسعدك على هالتدوينه مع ان ولدي كبير بس احتاج جهاز الانف واول مره اعرف عن هذا كنت استخدم العادي وماينفع كثير ..شكرا لك ??

  177. يقول أم عبدالله:

    جزيتي خيراً معلومات جداً رائعه

  178. يقول Bebe:

    جزاك الله خير يارب .. كنت باسال ماهي افضل حبوب فيتامينات بعد الولاده وجربتيها وفادتك في فتره النفاس.

  179. يقول سميره الجهني:

    ما شاء الله ، الله يحميها لك ويرزقك برها ..
    ياليت تذكري لنا تجربتك مع الحمل والولادة بعيد الأهل .. عشان المغتربات يستفيدون ..
    دمتِ بحب ?

  180. يقول Shamos:

    سلاامم اروى .. ??

    عندي سؤال !!!

    كيف انظف لسان طفلي؟

    ووتعطين طفلتك ماء او لا

    طفلي الان عمره ٣ شهور تقريبا نفس عمر تالا❤️??

  181. يقول روز:

    يعطيك العافية حبيبتي أروى والله يكتب أجرك أستفدت ودونت بعض النقاط ??

  182. يقول Mona:

    ماشاء الله تدوينه رائعه و مفيده جداً جداً ، انا تقريباً نفس تجهيزاتك للبيبي و معك حق بخصوص الملابس و عدم كثرتها ، عن نفسي ما قدرت استغنى عن حاوية الحفاضات تكرمون .
    لك كل الشكر ?

  183. يقول امنة:

    رائعة يا اروى مشاءالله
    انا حأنظم لحزب الامومة في الغربة بعد كم شهر ان شءالله .. الله يسهل عليا وعلى كل حامل ياارب..
    انتظر مواضيعك القادمة بحمااااس بخصوص الامومة ..
    اروى اتمنى تتكلمي عن ايش ممكن تلبس الوحدة في “الغربة” بعد الولادة في المستشفى او فترة النفاس هل بجايم قطنية عادية تنفع ؟؟..

    • يقول أروى العمراني:

      الله يسعدك ، انا عن نفسي البس ملابس بيتي العاديه حسب الجو طالما انت في بيتك مايفرق انت في البلد والا في الغربه ، بالنسبه للمستشفى تطلبين منهم يحطون علامه عن الباب ممنوع دخول الرجال الا بعد الاستئذان ، وتحطين حجابك جنبك في حال كان فيه رجل بيدخل ..

  184. يقول بنآن:

    ام تالا ربي يسعدك بخصوص الوسائد لراس الرضيع عندك خلفيها عنها وهل فعلاً تجيب نتيجه ( الجدات الكبار كانو يحطون بلاطه والبعض كيس تراب الي جانب العصبه ) انتي ايش استخدمتي لراس تالا ربي يحفظها .

    وشكراً من القلب عالمدونه ?

  185. يقول بنآن:

    ام تالا ربي يسعدك بخصوص الوسائد لراس الرضيع عندك خلفيها عنها وهل فعلاً تجيب نتيجه ( الجدات الكبار كانو يحطون بلاطه والبعض كيس تراب الي جانب العصبه ) انتي ايش استخدمتي لراس تالا ربي يحفظها .

    وشكراً من القلب عالمدونه ?

  186. يقول فاطمه:

    السلام عليكم أخت أروى,

    مُبارك لكم المولودة الجديدة, الله يحفظها يارب.
    يعطيك العافية على الموضوع الرائع و المفيد لكثير من الأمهات الجدد.

    عندي سؤال بخصوص السرير,
    حاليًا أبحث عن سرير لطفلي القادم إن شاء الله, لكن أغلب الي شفتهم في موقع الأمازون أو الولمارت المرتبة (Mattress) تكون نازلة, ماهي مرتفعة مثل الي عندك.
    حبيت أسأل من فين شريتي هذي المرتبة؟ هل جات مع السرير أو لوحدها؟

    شكرًا جزيلًا.. 🙂

    • يقول أروى العمراني:

      اهلا ، حبيبتي كل اسره الاطفال المرتبه تحطينها على عدة ارتفاعات حسب عمر الطفل ، بس يعرضونها هم وهم حاطينها على مستوى نازل .. بعدين اذا كبر لاطفل لازم ننزل المرتبه عشان ماينقز منها

  187. يقول Shahad aljoufi:

    اشكرك اروى .. دائما متابعة لكل تفاصيلك بكل موضوع تطرحينه! الله يوفقك ويحفظ لك بنتك ويسعدك دنيا واخره ..?

  188. يقول Razan:

    مررره يسلمووو اروى على المدوونه الجميله والمووضوع الجميل انا حامل بطفلي الاول وجدن احس بضياع من ناحية الطفل ايش يحتاج ??? بس مدونتك كفت ووفت
    ربي يخليك ويحفظ لك بنتك
    ابغى اسال عن العربيه كيفها معك بعد التجربه ؟
    بامزون لقيتها حقت 2016 ثلاث كفرات ماغرف هل ثلاث كفرات يعتبر امان للطفل ؟
    وفيه كثير يمدحون لي سيكو او ماماز باباز فانا احترت ؟
    عطني رايك حبيبتي من جد تراي ضايعه

  189. يقول ام فهد:

    الله يحفظها لك ويبلغك فيها اعلى المراتب ياررررررب ❤️❤️❤️❤️

  190. يقول Amani:

    مرحبا اروى ياقلبي بسألك مفرش واقي السرير وش ملمسه ؟؟ من فوق ومن تحت وهل في صوت وقت الحركة عالسرير؟ لان ودي اطلبه بس قلت أتأكد منك قبل .. انتظر ردّك ❤️❤️❤️

  191. يقول Salma Alshahnawi:

    شكراً جزيلا اروى ، ماتتصورين شكثر ساعدتني المدونة??

  192. يقول لولي:

    اهلين اختي اروى
    مشكوووووره جداً على كل اللي تعلمته منك من أفكار ومعلومات
    جداً مفيده
    الله يجزاك خير يارب على كل كلمه كتبتيها
    ياليتك تكتبين تدوينه عن اكل الطفل وكيف نعرف كل عمر ايش يناسب الطفل من اكل
    وياليت تدلينا على مواقع وكتب تعلمنا هالشي للطفل
    لأني من جد الحين ضايعه مدري ايش اكل اول مولود لي

  193. يقول جوج:

    مرحبا اروى شاكره لك على هالموضوع الجميل . أنا في شهري السابع من الحمل وبلغني الدكتور في الزيارة السابقة انه ولد اما في هذه الزيارة قال الدكتور انه بنت( دكتور اخر) فـ احترت بالتجهيز للبيبي . ابي رأيك بالالوان اللي تنفع للبيبي بنت وولد ? الله يسعدك اول مولود لي ومحتاره .

    • يقول أروى العمراني:

      هلا فيك ، بالنسبه لي سواء مع ولدي او بنتي كنت احب الالوان اللي تناسب الاثنين ، احب الابيض مره والسكري والرمادي ، والاخضر الفاتح والاصفر ، كلهم حلوين ، وما انصح تكثرين اشياء لحد ما تعرفين الجنس 🙂 تولدين بالسلامه يارب

  194. يقول إيناس:

    جميله التدوينه واسلوبك شيف و ممتع شكراً لك حبيبتي و الله يرزقكم برها يارب ويحفظها لكم ?

  195. يقول Elza:

    اروى الله يسعدك كاميرا المراقبه من موقع امازون افتح الرابط مايطلع موقع امازون يطلع موقع ثاني اذا فيه بموقع امازون نفسها ابي الرابط الليجزاك خير

  196. يقول أروى:

    الله يسعدك أروى الجميلة??

  197. يقول عايشة:

    اهلا أروى
    كيف الحال ؟
    استفسار سريع كفر تالا الوردي اللي عليه نجوم كم طوله و من وين خذتيه ؟

  198. يقول ميمونه الأهدل:

    جزيت خيرا، وانا حاليا حامل في نهاية الشهر السابع عندي بنت وناويه أسميها ” تاله ” بأذن الله.

  199. يقول ندى:

    الله يسعدك ي اروى ويحفظ لك تالا?❤️

  200. يقول Cherry Blossom:

    جميييل جمييييل جميييل يا أروى *^*
    استمري يا مبدعة ، بجد قاعدين نستفيد ، ما شاء الله عليج .

  201. يقول Arwa Alhamed:

    أسعدك الله ياجميلة على التدوينة الأكثر من رائعة ?
    بغيت أسألك إذا كنتي تاخذين ڤيتامين بعد الولادة وش اسمه؟

  202. يقول ندى:

    يعطيكي العافيه اروى فعلا تدوينة رائعة استفدت منها كثير .. بس عندي سؤال بخصوص التراڤل سيستم الكارسيت تبعها يخدم الى اي عمر ؟؟ يعني ينفع لما بعد السنة ولا بس الين سنة و خلاص ؟؟ لأن بنتي عمرها شهرين و الى الان محتارة هل اخذ التراڤل سيستم ولا اخذ عربية و كارسيت منفصلين .. انتظر ردك

  203. يقول رهف:

    الله يحفظ لك تالا يارب
    و ترى ننتظر منك تدوينه عن الامومه و النفاس
    و جزاك الله كل الخير على كل شيء تقدمينه

  204. يقول ميمي:

    ماشاءالله تبارك الله كفيتي ووفيتي ..عندي استفسار كيف طريقتك في تنظيم وقتك وترتيب البيت مع وجود اطفال والتفرغ لنفسك وهواياتك ؟ عندي صعوبه مع طفل واحد :/ ..

  205. يقول أفنان:

    السلام عليكم
    عزيزتي اروى عندي استفسار بخصوص كاميرا المراقبة
    اقدر أراقب بأكثر من جهاز ؟ يعني مثلا يتحمل التطبيق بجهاز الام وجهاز الاب ويقدرون الاثنين يراقبون البيبي بنفس الوقت ؟؟

  206. يقول لمياء:

    بسم الله على قلبك أسلوب حياتك وترتيبك جمييييل الله يحفظك من كل شر ويوفقك ..

  207. يقول لمياء:

    على فكره عندي بنت كبر بنتك بالضبط مولوده في ٥ شوال وحتى كنت بسميها تالا وعيّا أبوها وسميتها ريما ^_^
    والشي الغريب صدق كذا غرض لقيته في سنابك نفس أغراض بنتي وأغلبها أشتريها من ماماز وباباز شكل أذواقنا متقاربه ❤️

  208. يقول Aya:

    ماشاءالله على مدوناتك كتيرحلوه واستفدت جدااا وارجومنك ان تدعيلى بالذريه الصالحه

  209. يقول فايزة:

    كفيتي و ووفيت ام تالا الله يرزقني ان شاء الله و راح احتار وش اجهز شكرًا من القلب

  210. يقول ghadir:

    السلام عليكم…..
    مشكورة اختي أروى على ماتقديمينه لمتابعينك
    ومدونتك جدا رائعه ومفيدة

    عندي إستفسار بخصوص كاميرا مراقبه الطفل
    هل تحتاج نت بسرعه عاليه أم تتوافق مع سرعة النت المتوفرة بالسعوديه????
    ياليت اذا في احد جربها يفيدني…

  211. يقول هتاف القصيم:

    ياحبيلك يارواي وياحبيل اسلوبك جدااا اثق فيك وبكلامك ماشالله عليك وحسن الحظ بناتنا كبر بعص فئهلا بتالا صديقه لرفيف القلب ????

  212. يقول BshowrAS:

    كلام يفتح النفس ومدونه تفتح النفس اكثر ❤

  213. يقول منيرة:

    تدوينة رائعة
    بسألك عزيزتي بما إنك جلستِ ببيتك بفترة النفاس هل احتجتِ انك تحطين لك سرير خاص بغرفة المعيشة مثلا او الصالة ؟

  214. يقول منار:

    كلامك لطيف ومريح شكراً للطافتك

  215. يقول Rowida:

    رائع طرح ممتع ومفيد

  216. يقول زمرد:

    حاليا أجهز لمولودي الأول ودائما أثق بتجربتك واستمتع كثيرا بالقراءة بين أسطر ما دونتيه ❤❤❤ شكرا لك من القلب وحفظ الله تالا وقر عينك بصلاحها وأنبتها نباتا حسنا ?

  217. يقول نصره:

    ماشاء آللہ تبارك الرحمن سردك لطيف خفيف على النفس وفيه من الفائده الكثير آللہ يحفظك بحفظه ويبارك لك في نفسك واطفالك وحياتك ?

  218. يقول Asmaa:

    السلام عليكم
    اروى ، اشتريت الكاميرا لانو عجبتني مميزاتها وكذا
    المهم
    لماوصلت لي ماعرفت كيف اشبكها بجوالي
    ويطلب مني انو سرعه النت تكون ٢.٤٠هرتز !!!ماعرفت كيف اشغلها ?????

  219. يقول مشمشة:

    اروى ياعسل وين ممكن الاقي نفس سريرك اللي ينفتح من قدام ؟

  220. يقول مشمشة:

    اروى وين ممكن الاقي نفس السرير … الله يكتب اجرك يارب تشوفين تعليقي

  221. يقول Arwa:

    السلام عليكم
    كيفك؟
    بسألك من ناحيه الكام لي شهر طالبتها ومو عارفه كيف اشغلها تضبط فقط بجوال واحد بس زوجي لا
    هل لازم انه بس جوال واحد اللي يشبك عليها؟

  222. يقول ام جود:

    صباحك فل
    بكل أمانه استمتع واستفيد كثير من مواضيعك
    الله يجزيك كل خير
    انا متابعه مواضيعك اللي تخص الأطفال واشتريت معظم الاغراض اللي تنصحي فيها بدون تردد
    من الاغراض خذت المصاصه تبع الدميه بس ما عرفت كيف اغسلها او أعقمها؟؟؟

  223. يقول •______•:

    السلام عليكم ?✋?
    هذي المدونه ساعدتي كثير ?? خاصه انه خبر الحمل كان صادم بالنسبه لي فكنت ادور اي شي يحمسني و ينسيني الصدمه و اسلوب المدونه لطيف و خففها كثير ?????( نفسيه ما عليكم مني ? )

    و ذحين رجعت بعد كم شهر من التاقلم و اخيرا قررت ابداء بحث و كنت افكر اشتري بعض الملابس من امزون ? بس خايفه من ناحيه جوده الاقمشه ? خاصه انه عندنا بالعيله في تاريخ مع الحساسيه باشكالها كلها فما ابغى اجازف و تكون الاقمشه تسبب حساسيه للبشره ? بس الباترنز و الرسومات الي الاقيها على النت مره احلى بكثير من الي تنباع عندنا بالمحلات ? و في دبي الاشكال الي تعجبني مره غاليه ?

    فبما انك دايما تشترين من امزون هل تنصحين انه نشتري بعض الملابس منه و لا احسن اروح المحلات و اشوف الجوده بنفسي؟؟؟؟؟؟ ??

  224. يقول احتاج مساعدتكم:

    اروى ممكن توضحين لنا افضل ملابس للبيبي في وقت الصيف

  225. يقول مريم:

    عن جد شكراً لك على هالمعلومات الطيبة .. فعلاً شي مرتب و استفدت منك كثييييير .. الله يجزاك خير

  226. يقول مُــزن:

    الله يجزاك خير على مواضيعك الجميله ?
    حابه أسألك مره نزلتي بالسناب حاجز خفيف يوضع على جوانب السرير لعمر ٦شهور وفوق عشان تدخل اليد او الرجل ..من وين احصله الله يسعدك واذا فيه محلات توفره بالرياض

  227. يقول مرام:

    جميل الله يجزاك الجنه ?

  228. يقول Towwoofi:

    ماشاء الله عليك ربي يحرسك ويحميك فعلًا أنتِ ملهمة لكل أنثى ولكل أم ولكل سيدة بارك الله في وقتك وصحتك

  229. يقول بنان:

    الله يسعدك افدتيني انا بالشهر التاسع ولا عندي اي معلومه الحمدلله ع التسخير ????❤️❤️أتمنى لك التوفيق .

  230. يقول نٓرجس:

    جمالك وجمال اسلوبك ?

  231. يقول ronaabdullah:

    اسأل الله ان يكنب لكِ الأجر الكثير ?✨
    قرأت الموضوع و انا لسه ماصرت أم لكن أحب تجميع المعلومات وأحرص بدقة اخذ معلوماتي من فين ومن مين خاصة في الاطفال .. وطبعاً اثق في كلامك و اخنياراتك ???✨

  232. يقول لمى:

    يعطيكي العافية على نقل تجربتك لنا كأمهات جدد

  233. يقول ضوء القمر:

    الله يسعدك على المعلومات اللطيفه مرة أستمتعت بمدونتك الرائعه استمري بتقديم الافضل ❤️

  234. يقول سحر:

    الله يعطيك العافيه ويسعدك ويجزيك خير الجزاء ?

  235. يقول Eman:

    السلام عليكم ورحمة الله وبركاته
    انا مبتعثه في امريكا ورزقت بمولوده الحمدلله ? واستفدت جدا من مدونتك في تجهيز البيبي وشنطة المستشفى
    طريقة عرضك للمنتجات بالروابط مره حلوه الله يجزاك خير يارب❤️

  236. يقول أمل نايف (أم بيلسان):

    ممتاز ??
    فعلا مثل ما كنت أجهز لبنتي بالضبط
    لكن للأسف داهمني الوقت وما اشتريت كارسيت السيارة
    وعانيت لأن مشاويري كثيرة

    جزاك الله خير يا ملهمة ?

  237. يقول Um_dahooomi:

    مدونتك ممتعه جداً?

  238. يقول Saronah:

    الله يسعدك ?❤️❤️❤️❤️

  239. يقول نوره ?:

    السلام عليكم عزيزتي شكراً على ماتقدمين ? حبيبتي انا شريت كميرا المراقبه نفس اللي عندك بس لها عندي 5 شهور ابداً ماعرفت استخدمها ولاتشبك معاي في النت ؟ ممكن تشرحين لنا كيف 🙁 الله يسعدك كتبت اك في الايميل وكل مكان ولامجيب 🙁 ان شاء الله تفيديني هنا ?? ..

  240. يقول خلود محمد:

    يارب احفظ لنا اروى يارب??

  241. يقول سعادهه:

    ننتظر باقي المواضيع بحماس ??

  242. يقول Beno S:

    اهلاً اروى ، حاولت اقرا كل الردود والاقي اجابه لاستفساري لكن مالقيت ?… دخلت على عربية الاطفال في امازون ؛ لكن مالقيت نفس اللون البيج وبحثت كويس ? ماشاءالله جداً جميل .. فياليت تساعديني باسمه او ممكن يكون انتهى هالصنف .. مو عارفه ..

  243. يقول جمانه??:

    اروى عيوني وين القى تدوينه عن مكان الالعاب حق تالا الله يحفظها ويبارك فيها??

  244. يقول amna?:

    تجننن التدوينه مره احس فادتني لما شفتها عيوني صارت كذا ? لأني اثق بكلامك أروى ❤️ غساله المواعين اشتريتها من بعد تدوينتك وجهاز الليزر وغيره وغيره مرررره تقنعيني لانك تعطين معلومات كاااافيه عن الشي وبما اني لأول مره بصير ام رح اطبق نصائحك وحده وحده وكتبتها ف نوته صغيره عشان اعرف ايش اشتري .. الله يسعدك ودائماً اكتبي تدوينات من هالنوع تعرفين مامات جديدات وانا خاصه امي متوفيه من وانا صغيره ف اثق في كلامك ونصائحك واعتبرك اختي الكبيره ? اتمنى تكثفين من هالمواضيع بخصوص التربيه لاحقاً والغذاء ووووو .. شكراً لك على جهدك وبالمناسبه اول مره اكتب تعليق بالتدوينه ☺️❤️

  245. يقول Norah:

    ماشاء الله تبارك الله مبروك تتربى بعزكم ??

  246. يقول LFi:

    مرحبا اروى،، شكرا لك استفدت من هالتدوينه كثير

    لكن عندي سؤال عن العربية ومقعد السيارة كيف قدرتي تنقلينها لسعودية ؟ شحن او معاك بالطيارة ؟ وخصوصا قاعدة مقعد السيارة !

  247. يقول بيان:

    بنات وين القى مثل العربيه بمحل مب موقع؟؟❣️

  248. يقول Hadeel:

    ماشاء الله يعطيك العافيه الله بجزاك بالجنه عندي استفسار حبيت اطلب كاميرا المراقبه للطفل بس هل هي تشتغل ٢٢٠على حسب علمي امريكا اغلبها 110

  249. يقول amal:

    اريد رابط جهاز السماعه اللي ل تالا لو سمحتي

  250. يقول رزان القحطاني:

    حبيت الزواج والولاده من الترتيب والتنظيم ماشاءالله تبارك الله?❤️الله يحفظك يارب ??

  251. يقول Haneen:

    تودينة مفيدة جدا استفدت منها لتجهيزي لطفلتي الأولى ❤️ سؤال .. ايش استخدمتي كبديل للجلاسة بعد عمر 6 شهور ؟

  252. يقول حمدة:

    السلام عليكم اروى
    لو سمحتي عندي سوال عن كاميرا المراقبة حاولتي تستعملي الكمبيوتر العادي للمراقبة ؟ هل ينفع البراوزر العادي ولا لآزم احمل برنامج ؟

  253. يقول تغريد:

    الف شكر اروى ساعدتيني كثير على تجهيزات البيبي الله يحفظك ويحفظ عائلتك ويسعدكم جميعاً

  254. يقول Hno:

    مررره رائعه التدوينه،، وبإذن الله أطبق كل شي بمولودي الأول،، يارب?

  255. يقول نور:

    وانا اقراء هالموضوع طفلي اللي فبطني تحرك حركه اول مره احس فيها وجلست ابكي ?❤

  256. يقول Maitha:

    افكارك حلوة يا أروى

  257. يقول اموله:

    انا ابي تساعديني في طلب العربيه مالقيتها ماعرفت

  258. يقول Lama:

    راااااائعة يا أروى
    أتمنى لك التوفيق عزيزتي في جميع أمورك وأتمنى من الله أن يرزقك بر أبنائك ?

  259. يقول Ghaida:

    شكراً من القلب فعلا موضوع تحتاجه كل ام ربي يجزاك خير

  260. يقول Noor:

    الله يحفظها مولودية الجديدة ويسعدها .. مشاء الله مدونة كاملة ومتكاملة يعطيكي العافية ❤️❤️❤️❤️❤️??

  261. يقول Asma:

    متشوقين جدا للموضوع النفاس ومحتاجينة فعلا

  262. يقول رنيم:

    أروى حبيبتي ممكن أعرف المحبس حق تالا من فين ؟ بيتي صغير و أحسه مناسب لبيتي

  263. يقول Fatma:

    يعطيك العافية اروى جاية ابحث عن القطعة اللي تركبينها على عربة السوبرماركت لتغنيك عن عربة الطفل
    ابغى معلومات وهل هي عملية و من وين اخذتيها

  264. يقول رشا:

    اشكرررررك ع الموضوع اللي فاااادني كثير
    كنت ضايعة وماكان عندي من أسأله اختصرتي علي كثير أمور
    اشكرك أروى
    بالمناسبة اشتقناااا لك وفاقدينك حيل ننتظر عودتك بفارغ الصبر

  265. يقول آسية:

    جزاك الله خير الجزاء تدوينة مفيدة

  266. يقول أفنان:

    الله يسعدج يا أروى استفدت من المدونه

  267. يقول Fatima:

    ماشاءالله مره استفدت بس مفرش السرير العازل وين احصله

  268. يقول Meme:

    موضوعك جدا جميل واسلوبك اجمل والصراحه افدتيني
    انا اشتريت اغلب ملابس البيبي نيو بورن مع اني لسى في الثلث الثاني من الحمل وماعرف وزن البيبي وقت الولاده كم بيكون
    فجزاك الله خير ع المعلومه المفيده وجعله الله في ميزان حسناتك

  269. يقول نورا:

    اهلًا أروى الجميلة
    ياليت تتحدثين احتياجات الطفل بعد عمر سته شهور ولدي ضوي ويدخل سته شهور ومتوهقه ماعرف احتياجاته
    والله يسعدك مثل ماساعدتينا ويسرتي عَلِينا الكثير

  270. يقول Dana:

    شكرا جزيلاً 🌸🍃
    تقدرين تقولين انك انقذتيني بنصائح مختصره ومفيده 💗💗

  271. يقول فاطم:

    أهلًا أروى
    حبيت التدوينة شكرًا جزيلًا استفدت منها واجد
    بس حبيت أستفسر، كرسي السيارة لأي عمر يصلح؟

  272. يقول Rehab:

    كمية اناقه وجمتل الله يسعدك ويحقق لك ماتمنين وتعجزين عنه
    اروى لو سمحت المحبس من وين طالبته

  273. يقول سارة:

    مررررة شكراً لك اروى، صدق كنت ضايعة مدري وش اهم الاغراض. الله يوفقك

  274. يقول سمر:

    الله يسعدك يارب ويوفقك مدونه جميله شكرا لكِ ..
    فعلاًً أنسانة معطأة وأكثر من رائعة مجهود تشكرين عليه ..
    استفدت كثيراً من الموضوع الله يجزاك الف خير ♥️

  275. يقول Sarah:

    اسلوبك بجنن جد بحبك و اسلوبك كنييير حلو .. اكتبي عن الحمل و الولادة .. متجوزة جديد و كتير خايفة من هاد الموضوع

  276. يقول حصه عبدالله:

    السلام عليكم اروى
    ياليت تحطين لنا رابط القطعه السيلكون اللي تحطينها على كاس تالا وتدخلين المصاص فيها

  277. يقول Haya:

    مرحبا اروى
    ياليت تكتبين عن الموقع اللي أخذتي منه محبس اللعب وكيف تجربتك معه

  278. يقول Rasha:

    جميل جدا شكرًا 🦋🦋

  279. يقول بشرى:

    يعطيك الف عافيه أروى ،، بس حبيت اسألك من وين أخذتي مصاصه الدميه ؟!

  280. يقول Somaya:

    العربية شكلها مرا حلو وفخم وسعرها حلو
    سؤال تتحمل المشي الكثير والسفر يعني تقعد ل 5 سنين
    زي عربيات ماماز اند باباز !!!

  281. يقول سارة:

    اروى الحبيبة بسألك عن العربية والكرسي ، الكرسي يكفي لعمر كم ؟ وهل اقدر اثبه بالسيارة على الجهة الثانية ” يعني يصير وجه البيبي على قدام ” ؟ ياليت تفيديني لو تكرمتي

  282. يقول Fatimah:

    رائع جدا ننتظر المزيد

  283. يقول Samiah:

    وعليكم السلام ورحمة الله وبركاته

  284. يقول انا:

    يارب بشرني بسلامة البيبي وسلامتي
    شكراً على التدوينه
    استفدت كثيرا كالعادة

  285. يقول نونه:

    مساء الخير اروى
    الله يعافيك بسألك عن كاميرا المراقبه، وش افضل:Amcrest او سامسونج؟ قد تكلمتي عنها جايتك من متجر على ما اذكر…. وشكرررا جزيلا والله يوفقك على كثر ما تفيديننا

  286. يقول KokohMadi:

    حبيبي اش ماركة مقياس الحراره !؟

  287. يقول أماني:

    شكرًا أروى الله يسعدك يا رب انبسطت بهذي النصايح الحلوه و اتوقع بتفيدني كثير الله يجزاك خير💕.

  288. يقول خلود:

    الله يسعدك لقيت انواع كثيره من العربيات نفس ماركة اللي عندك بس ميزات مختلفه رشحيلي وحده منها ماعرفت الفرق لو سمحتي

  289. يقول بشاير:

    حبيت التدوينه كثير واستفدت جدا انا قريبا بجرب شعور الأمومه وحريصه اني اتعلم واثقف نفسي من هالجانب كثير وتدوينتك هذي وتدوينة الرضاعة الطبيعية فادتني مره ماتصدقي قد ايه ريحتيني بكلامك واعطيتيني طاقة حلوه لتجربة الامومه .. شكرا لك من قلبي الله يسعدك

  290. يقول Sarah alsubaie:

    تعجبيني في تدبير امورك ماشاء الله .. استفدت منك كثير الله يسعدك ويخلي لك بنتك واحبابك

  291. يقول toqa:

    شكراً للمدونة الرووعه بس يارب يارب تشوفين رسالتي الجلاسه اذا طلبتها بتشتغل على كهربنا ٢٢٠؟ والله يسعدك حامل ومره احتاجها

  292. يقول نوره أحمد:

    اهلاً اروى
    اعتقد تالا ماشاءالله عمرها الان ست سنوات ، الله يحفظها هي واخوها ويجعلهم قرة عين لكِ ، انا اول حمل لي الله يتمم لي بالصحه والعافيه اثلجت صدري تدوينتك 😩♥️♥️ رتبت افكاري واحتياجاتي ، كل يوم اقول وش اشتري وش احتاج !!
    والله بعد كل فقره بالتدوينه ااوقف ادعيلك
    عمل زي كذا اعتبره صدقه جاريه ♥️♥️♥️ الله يجزاك الجنه

اترك رداً على مجهووله إلغاء الرد


أضف تعليق عبر الفيسبوك: