طريقة الوافلز

طريقة الوافلز الي سويتها امس، استخدمت وصفة امريكية كلاسيكية من النت..

الكمية تسوي دائرتين وافلز حسب حجم الجهاز حقي..

استخدم جهاز : presto waffle maker وأعطيه خمس نجمات..

تفضلوا الطريقة:

-كوب دقيق.

-نصف ملعقة صغيرة ملح.

-ملعقتين صغيرة بيكنغ باودر.

-ملعقة كبيرة سكر.

-بيضة.

-ثلاثة ارباع كوب حليب دافئ.

-ملعقتين كبيرة ونصف زبدة ذائبة (مايعادل نصف ال ١/٣ كوب).

-نصف ملعقة صغيرة نكهة فانيليا (سائلة) ..

يخفق البيض ثم يصب عليه الحليب والزبده و الفانيليا وتخلط (بجهاز الخفق)

تخلط جميع المكونات الجافة ثم تصب بالتدريج على الخليط مع الخفق،

الى ان يكون متمازج جيدا،

تدهن الاله بالزيت او الزبده جيدا ثم يصب الخليط حتى يغطي الجزء السفلي تقريبا،

تغلق الاله وتقلب، وتترك حتى تنضج

( الاله تعلمك انها خلصت اذا وقف النور وكل جهاز يختلف بس هذي طريقة جهازي)

تعرفين انها خلصت اذا صار لونها مثل الي في الصورة ..

 + وانا من عندي اضفت ملعقة صغيرة قرفة عشان الرائحة ،

بعد ما جهزت صبيت عليها عسل ورشيت قرفه وقدمتها مع التفاح..طريقة الوافلز ..

طريقة الوافلز

طريقة أخرى مختلفة قليلاً

وتعطي نتيجه هشه اكثر من الداخل وتعجبني أكثر..

( الوصفة البلجيكيه) / بالضبط نفس الوصفه مع استبعاد الملح واضافة ١/٣ كوب سكر ،

و البيض نفصل البياض عن الصفار ونخفق البياض لوحده وفي النهايه نمزج الخليطين بخفه حتى لا تقل انتفاشته <متعوب على الشرح)

طبعا اجمل شي في الوافلز انك تاخذين الوصفه الاساسيه وتضيفين عليها من ذوقك

سواء شوكولاته او موز او تخلينها مالحه ومع جبن ، وتتفننين في التقديم مع الفواكه او الموالح او النوتيلا او الايسكريم ..

حتى شفت ناس يسوون بطاطس مهروسه ويحطونها في جهاز الوافلز تتماسك وتاخذ شكل حلو وتقدم مع الجبنطريقة الوافلز

بالعافية حبايبي وقولوا لي رأيكم ^^

...

تواصلوا معي عبر :

انستغرام وتويتر : arwa_alomrani@

يوتيوب : arwa karu

سناب : arwakaru



As an Amazon Associate I earn from qualifying purchases

التعليقات ( 59 ) :

  1. يقول irhoof3:

    شكله لذيييذ . بجربه ان شاء الله

  2. يقول فهدة:

    ان شاء الله بجربها قريب

  3. يقول losha:

    ان شاءالله بجربه وتسلمي

  4. يقول شذى:

    أن شاء الله أجربها بعد الاختبارات

  5. يقول أثير:

    صباح الخير

  6. يقول متمنيه الفردوس:

    حبيت الوصفه وبالتوفيق

  7. يقول فهدة:

    جميييييلللههه

  8. يقول فاطمه:

    يعطيك العافيه

  9. يقول منار:

    مبدعه حبيبتي وأتمنى تصوير الخطوات بالفيديو تصبح أجمل .. وأتمنى لگِ أياماً ملونه وسنوات سعيده كما عهدناك في إنتظار جديدك دائماً

  10. يقول أسماء ':

    من زمان وانا ادور وصفة وافلز واخيرًا لقيت أحد اثق اخذ منه ?
    بس عندي استفسار الصفار حق البيض ما نحطه والا يكون مع المقادير ؟
    وشكرًا حبيبتنا أروى ?

    • يقول أروى العمراني:

      اهلا اسماء الجميلة ، تحطين الصفار بس مع باقي المقادير ، البياض لحاله يخفق عشان ينتفش ويصير زي الرغوه

  11. يقول فاتن:

    شكله لذيذ تسلم يدك
    بس انا اهم شئ عندي يكون مقرمش من برا كل ما اسويه يصير جددا طري من برا وجوا

  12. يقول نورة الشهري:

    تسلم ايدك??

  13. يقول atekah:

    توي مخلصة مسوية وباجلس افطر عليه ،، قد ايش لذيذ طعمه شيء شيء تسلم يدينك على هالوصفة اليمي

  14. يقول أمل:

    ودي أسألك عن نوعية الفانيليا الي تستخدمينها ، أغلب الفانيليا الطبيعية الي بأمريكا أشوف فيها نسبة كحول ، ما أعرف عن حكمها ، لكن لو عندك نوعية معينة يا ليت تفيديني وشكراً ..

    • يقول أروى العمراني:

      تصدقين توني انتبه ، حقتي طلع فيها كحول ما عمري فكرت انه ممكن يكون فيه كحول بالفانيليا .. بادور غيرها ، بس ما اعرف الحكم ان شاء الله انه مو مثل حكم الكحول مادامه ينحط بقطرات .. شكرا على التنبيه

      • يقول Atheer:

        متوفره انواع مكتوب عليها non alcoholic مثل شركة simply organic او ممكن تستخدمين نكهة الفانيلا الصناعية لأنها خالية من الكحول

  15. يقول Ruba:

    جربتها بس للأسف ما ضبطت معي
    يعني كان لين بزيادة وأحسه من داخل ما استوى
    طعمه كان فيه شيء لاذع شوي ما أدري وشو
    يمكن عشاني حطيت بيضتين ..
    مع العلم أني عمري سويت طريقه ثانيه وضبطت
    فما أتوقع المشكله من الجهاز
    “جربت الوصفه البلجيكية”
    ومساء جميل =)

    • يقول أروى العمراني:

      لين معناته ما تحمى الجهاز بشكل كافي ، اللاذع يمكن كثرتي فانيليا؟ انا استخدم فانيليا سائلة
      ممكن جهازك يناسبه وصفات اخرى ، فبما انها ضبطت معك احد الطرق اعتمديها افضل .. وبالعافية عليك

  16. يقول نورا:

    جربت كذا طريقه للوافلز لكن يطّلع لين ?
    شكل المشكلة من الآله

    • يقول أروى العمراني:

      ايه ممكن او انك ماتخلينها تحمي قبل و لازم بعد ماتشغلينها تتركينها فتره لحد ما تصير تطلع بخار بعدين تصبين الخليط وتقلبين الآله اذا هي من النوع اللي ينقلب .. وتتركينها لحد ما تصير اطراف الوافلز بني على ذهبي ..

  17. يقول Sara:

    جربتها ماشاءالله تجننن مرررررره مضبوطة جدا .. تسلمين اروى ربي يحفظك ويخليك ويكتب اجرك ياكريم❤️❤️❤️❤️❤️❤️

  18. يقول شهد حنيف:

    جزاك الله خير مدونتك وتصويرك وطريقة تقديمك للمعلومات جداً جذابه ورائعه ,, الله يبارك فيك

  19. يقول Asma:

    تسلم اناملك ياجميله توني سجلت بمدونتك شي رااائع ومساحه هادئه ومريحه

  20. يقول عبير:

    أروى بكم طلع عليك شحن آلة الوافل ؟
    لأنهم يقولون الأجهزة لاتشترونها اون لاين؛ لأنها ثقيلة وبياخذ كثير بالشحن

  21. يقول أروى:

    شكراً أروى توي شريت الاله وعلى طول على المدونه اخذ طريقتك بس اللي ما عنده فانيلا سائلة عادي بودرة ?

  22. يقول سويره الدميله:

    مره لزيز ماشاء الله جربت الطريقه الاولى

  23. يقول شفاء:

    ملعقة الزبدة الكبيرة مقدارها ١٤ غرام فالملعقتين ونص تقريبا ٣٥ غرام 🙂

  24. يقول manal7737:

    تسلم الايادي الصراحه صارت ادماااان والكل يطلبها اسويها له او ياخذ الطريقه

  25. يقول روان:

    توي جربتها لذيذة ??

  26. يقول سيرين:

    أحب كل تدويناتك مهما كانت بسيطة.
    لدي نصيحة صغيرة تجعل الوافلز مقرمش من الخارج، وهي استبدال ٢-٣ ملاعق من الطحين بالنشاء
    جربي وادعي لي ?

  27. يقول حنان:

    الله يسعدك ياذوق انت معنى للجمال تبارك الرحمن
    حابه اسالك كيف طريقة الوافلز المالح و شكرا

  28. يقول شوق:

    جربت البلجيكية كلهم عجبتهم وهي سادة بدون الـtoppings كان نفسي اصورلك بس كل ما اسوي حبة تتاكل قبل ما اخلص اسوي الثانية (سويتها في آلة وافل مربعة، جاتني تقريبًا ٧ حبات ؟ ) المهم انها كانت مرة جيدة تسلمي ???✨✨

  29. يقول مطيعه الحربي:

    شكرا. اروى. حبيت الطريقه. وشكله لذيذ مرررره. بجربه إن شاءالله ?

  30. يقول Asma:

    ياليت تسوينها بالفيديو واناابيها تكون منتفشه ومقرمشه وهشه وسويت وصفات كثبر ومانجحت

  31. يقول شذو:

    شكلها لذيذه بجربه ان شاء الله ???

  32. يقول Fay:

    سويت الوافلز البلجيكي
    خيااااااااال ما شاء الله
    الله يسعدك ياارب ❤️❤️

  33. يقول مها:

    الله يسعدج❤️✨

  34. يقول Rand:

    ما عندي آلة وافل بس تحمست وشريتها عشان اسويه ❤️❤️

  35. يقول eman:

    سلام
    اروى وش الدقيق اللي تستخدمينه ؟
    بالاصح وش افضل نوع ب امريكا

  36. يقول eman:

    وش افضل نوع دقيق ب أمريكا ؟

  37. يقول سكينه:

    لذيذه

  38. يقول شهد الشمري:

    شكله 😍😍

  39. يقول Marilin:

    جميل بجربه

  40. يقول أماني أحمد:

    تسلم الايادي أروى الوصفه جدا جميله ومضبوطه سويتها حلا وقدمتها مع الايسكريم وصوص الشكلاته وجزء اضفت عليه بهارات ماجيك للبيتزا والباستا مع لبنه لذييذ

  41. يقول سميرة:

    جربتها من شوي الذ طريقة وكرسبي ونكهتها طيبه كثير 👌🏻👍🏻

  42. يقول مها:

    شكرراً الله يسعدك ويبارك في وقتك وجهدتك 💕

  43. يقول Emmyx93:

    عملتو طريقتين و ثنيناتهم حلوين بس بلجيكية تموت 😩♥️

  44. يقول huda:

    حجرب تسلم الايادي

  45. يقول Mejo:

    توني جربته اليوم جربت الطريقه الثانيه لذيييييذ مره وهش حبيت طعمه قووه 😭♥️♥️♥️♥️♥️

    شكراً على الوصفه اللذيذه 💛💛

  46. يقول ملاك:

    يعطيك العافيه مره لذيذ .. ممكن تفيدينا بطريقه بان كيك يكون منتفش فلافي

  47. يقول منال:

    عزيزتي اروى هل من الممكن عمل الوافل بمقادير الطريقة الامريكيه لكن بتكنيك الطريقه البلجيكيه ؟

  48. يقول حنان:

    جدتً لذيذ جربت الوصفه الاولى وان شاء الله بجرب الثانيه

  49. يقول mahmood:

    ما شاء الله مبدعه

  50. يقول نهى:

    اروى اش نوع جهازش ومن وين اطلبه

  51. يقول لطيفه:

    دبلت المقدار وطلع ثقيل..
    هل هو ثقيل؟؟

اترك رداً على أروى العمراني إلغاء الرد

لن يتم نشر عنوان بريدك الإلكتروني. الحقول الإلزامية مشار إليها بـ *


أضف تعليق عبر الفيسبوك: