تجربتي مع غسّالة الصحون ، وكل مايتعلق بها ..

بسم الله الرحمن الرحيم

أهلاً يا أصدقاء 💖

بأحكي لكم في هالتدوينة بإذن الله عن تجربتي مع غسالة الصحون وكيف نختار أفضل نوع وطريقة استخدامها والعناية بها ..

تجربتي مع غسّالة الصحون ، وكل مايتعلق بها ..

غسالة الصحون في أمريكا من الأمور المسلم بها والموجودة غالبا في كل منزل أو شقة، لكني ألاحظ في السعودية مازال فيه ناس متردده انها تشتريها..

وأعتقد السبب يرجع للإشاعات اللي تحاصر غسالة المواعين انها ماتنظف زين أو مالها فايدة أو الغسل باليد أسرع وأنظف وغيرها من الإشاعات السلبية اللي في أغلب الأحيان لاحظت أنها تصدر من أشخاص ماسبق جربوا الغسالة أو اعتمدوا على تجارب أشخاص إما ماعرفوا كيف يستحدمونها أو أجهزتهم فيها مشاكل..

وبالرغم من اني في كل جهاز أتكلم عنه أقول انه يناسب ناس وممكن البعض مايناسبهم أو عادي يستغنون عنه إلا إني هنا اليوم عشان أقنعكم أنه غسالة المواعين حاجة ضرورية من أساسيات البيت،

سواء كان عندك خادمة أو ماعندك وسواء كنت توك متزوجة وماعندك مواعين كثير أو كانت اسرتكم كبيرة ، في كل الحالات ، غسالة المواعين لازم تكون موجودة في البيت ..

بالنسبة للي ماعندهم خادمة ، أتمنى تدركين أن وجود غسالة مواعين بمثابة خادمة تعمل عدة ساعات باليوم في بيتك،

لا تقولين كلها صحنين وكوبين وقدر باليوم ، لا أبدا ، أنا أعرف انك تقضين وقت لابأس به تغسلين مواعين بالمطبخ وباقي الوقت أقدر أتخيل شكل المطبخ إما صحون متراكمة في المجلى تتنقع أو انك من النوع اللي معتمد على صحون وكاسات البلاستك بالبيت ..

أو انك فعلاً تتعبين لإبقاء مطبخك نظيف ومافيه مواعين متراكمة..

كيف أعرف؟

لأني جربت تخرب غسالتي كم شهر وماقدرت أتحمل الوضع

كان عندي خيارين فقط إما أتعب وينهد حيلي من شغل المطبخ أو ان المطبخ يكون حوسة..

لكن مع غسالة المواعين أقدر أقلل المجهود بشكل هائل وأحصل على مطبخ مرتب أغلب الوقت..

أما بالنسبة للي عندهم خادمة أنا أشوف ان الغسالة أنظف من كثير من الخادمات هذا غير انك بتوفرين لها عدد ساعات عمل إضافية بدل الوقفة في المطبخ..وغير كذا احتسبي الأجر تخففين عنها بعض الأعباء اللي ترهقها ما دام فيه البديل ..

الأمر الثاني المهم وضعه في الاعتبار أنه مثبت بالدراسات أن غسالة المواعين أكثر توفير من الغسل باليد ، لأنها تستهلك فقط سدس كمية الماء اللي يستهلكها الشخص لغسل نفس الكمية من الصحون ، وتستهلك نصف الطاقة اللي تستخدم لتسخين الماء وكمية أقل بكثير من الصابون .. فهي تعتبر أيضا استثمار في هالجوانب لتقليل استهلاك الماء والطاقة ..

والآن نجي لأكثر الأسئلة شيوعاً..

💦

هل غسالة المواعين تنظف فعلاً؟

نعم غسالة المواعين في كثير من الأحيان أنظف من التغسيل باليد وباسفنجة استخدمتيها كم اسبوع ..

خاصة للكاسات والصحون الزجاج تطلعها تلمع وجافه وجاهزة تنحط مباشرة بالدرج بدل ما نرجع نمسحها بفوط ما تنغسل يوميا وماندري إذا معقمة بشكل جيد أو لا..

يقال أنه لازم أنظف الصحون قبل ما أدخلها بالغسالة ، وش الفايدة مادام بأنظفها أغسلها مرة وحدة؟

لا أبدا مو صحيح انك لازم تنظفينها أو تغسلينها، بس المقصد انك ما تحطين الصحن وفيه بقايا الأكل، لازم تكبين بقايا الأكل قبل ما تدخل للغسالة..

أنا بعد ما أخلص أكل لو كان فيه مثلا رزتين أو قطعة بصل وهكذا امسحهم بمنديل أو اشيلهم بالملعقة وأحط الصحن مباشرة بالغسالة بدون ما أشطف الصحن بالموية ، يعني مثلا لو فيه بقايا دهون أو بقايا صوص السلطة او الزبادي أو الحروق اللي بالقدور كلها عادي تدخل بدون مسح ولا تنظيف مسبق .. بس بقايا الأكل أمشي على كل الاطباق بمنديل واحد مسحه خفيفه وأدخلهم مباشرة..

💦

إيش ممكن أدخل بغسالة المواعين؟

كل شي يدخل بالغسالة، صحون قدور كاسات ملاعق، بلاستك او صين أو زجاج، ماعدا أشياء محدده ويمكن الاستغناء عن أغلبها وهي :

  • أي شي خشبي مايدخل للغسالة ، ملاعق خشب قطاعات خشب وماشابهها ماتدخل ..
  • بعض أنواع القدور ماينفع يدخل مثل الحديد و الالمنيوم غير المعالج والنحاس، لكن أساسا الالمنيوم غير المعالج والنحاس غير صحي للطبخ فنستغني عنه بالمرة أفضل..
  • ترامس الشاي والقهوة والحوافظ ، فيه ناس يدخلونها ويقولون عادي ماتخرب وتنغسل زين ، بس هالاشياء يكون مكتوب عليها انها ماتدخل الغسالة فالأفضل نتجنب تدخيلها ..
  • بعض أنواع الصحون الفخمة اللي فيها (ذهبي) ، الحرارة الشديدة والصابون ممكن تبهت الذهبي ومع الوقت يروح
  • البيالات او الكاسات الكرستال الرقيقة جدا اللي تنكسر من الحرارة إذا صبيتوا فيها الشاي ، داخل الغساله بيكون حار وقت الغسل فنتجنب نحطهم عشان ماينكسرون.
  •  الأدوات البلاستك الخفيفه اللي نستخدمها استخدام واحد..

عن نفسي ما أشتري أي غرض للمطبخ بغرض الاستخدام اليومي الا وهو يقبل الدخول بالغسالة يعني ما اشتري أطباق خشبية ، قطاعاتي الخشبية استعملها فقط للخبز والامور الخفيفه وعندي قطاعات ثانية بلاستك جدا ممتازة أستخدمها بشكل يومي تدخل الغسالة وطبعا مصنوعة من مواد آمنة ..

ما اشتري ملاعق تحريك خشب ولا اشياء فيها مقبض خشبي ..

وطبعا البلاستك حق الاستعمال الواحد مايحتاج نغسله نستخدمه ونرميه..

وما أشتري قدور نحاس أو ألمنيوم مو معالج ولا حديد لأنها كلها إما غير صحية أو صعبة جدا للاستخدام فحتى لو ماعندي غسالة ما استخدم هالنوع من القدور..

استخدم القدور الكورية المصنوعة من الالمنيوم المعالج ، وقدور الستيل والنون-ستك تدخل للغسالة..

وبالتالي الآن ماعندي ولا غرض استخدمه بشكل يومي مايدخل الغسالة ماعدا ترمس القهوة فقط ..

(ممكن اشتري حاجة نفسي فيها أو للضيوف أو التصوير حتى لو ماتدخل الغسالة ما أحرم نفسي تماما لكن لأني ما استخدمها دائماً ماتتعبني كثير)

وأي شي جديد أشتريه أقرأ المكتوب عليه اذا يدخل أولا ونادر جدا أصادف شي مايدخل الغسالة..

ولذلك قدوري وصحوني وقطاعاتي وسكاكيني كل شي ادخله ..

يعني الاسفنجة اللي بالمجلى ممكن تجلس كم يوم ما استخدمها،

كل شي يروح مباشرة على غسالة المواعين ..

أفضل نظام اني آخر اليوم أدخل كل شي استخدمته بالمطبخ في الغسالة وأمسح طاولات المطبخ وإذا صحيت الصبح أول شي أسويه أفرغ الغسالة مباشرة على الأدراج وأستمتع بمطبخ نظيف بدون تعب يذكر ولله الحمد..

بينما الأيام اللي ماكان عندي غسالة، أحيانا أكون تعبانة بالليل وأترك الصحون والمواعين ما انغسلت وأقوم بكرة بأطبخ وأضطر أبدأ أغسل، ما أخلص إالا وأنا تعبت ومعد لي نفس أطبخ ويادوب انتهي من الطبخ مستحيل أرجع أغسل من جديد فتتراكم علي..

هذا غير أن أغلب الوقت كان مطبخي شكلة حوسة إما أطباق متراكمة ما انغسلت أو أطباق متراكمة مغسولة وأنتظرها تجف ..

فمن هذا المنطلق أنصح بشدة أنك تفكرين جدياً بغسالة الصحون ..

إذا فيه مساحة بمطبخك جنب المجلى جيبي شخص يشيل واحد من الأدراج ويهيئ مكان للغسالة..

إذا ماعندك مكان بالمطبخ،

 فيه نوعية مناسبة للي ماعندهم مكان مخصص لغسالة المواعين ولا يقدرون يركبون وتجي أصغر من الحجم الطبيعي وتنحط على كاونتر المطبخ أو فوق الثلاجة بالقرب من المجلى..

اسمها countertop dishwasher .. اضغطوا على الاسم ويطلع عدة خيارات منها ..

تجربتي مع غسّالة الصحون ، وكل مايتعلق بها ..

قد مايبدو شكلها الأكثر جاذبية في المطبخ لكن مثلها مثل المايكرويف ..

هذي الغسالة تقييمها عالي وناس كثير مجربينها اضغطوا على الصورة يطلع لكم تفاصيل أكثر عنها:

تجربتي مع غسّالة الصحون ، وكل مايتعلق بها ..

صديقتي لمى السليمان صار لها عدة أشهر تستخدم الغسالة الصغيرة من هالنوع وقلت لها تحكي لي تجربتها وترفق لي بعض الصور والفيديو لكم لأن اللي يتكلم عن تجربة مو مثل اللي ماجرب..

سألتها الأسئلة التالية :

هل تكفي لأغراضك كامله والا تضطرين تشغلينها أكثر من مرة باليوم؟؟

اشغلها مرة وحده يوميا وتكفي كل شي نستخدمه لأننا شخصين بس بالبيت

لكن إذا تركت مواعيني تتراكم أكثر من يوم ممكن أحتاج أغسل على دفعتين.

وتكفي لكل أغراضي حتى صينية الفرن الكبيرة تدخل وأكبر صحن عندي تكفيه المساحة ، و بعد ما اشتريتها صرت احرص ان الأغراض الجديدة اللي أقتنيها ماتكون عملاقة بحيث تدخل بسهولة..

هل هي عملية وتنظف زين فعلا؟

جدددا عملية حتى الحرق اللي يجي بطرف صينية الباشميل تسحقها ماشاء الله ويطلع كل شي يلقلق ..

كيف شكلها بالمطبخ؟

أنا حاطتها جنب المغسلة ، بالبداية حسيتها ناطة ومالها مكان لكن صار لها مكانة بقلبي وحبيتها وصرت أستملح شكلها أحيانا..

هل تنصحين بها؟

والله إني كل يوم أشغل فيه الغسالة أحمد ربي انه وفقني أشتريها وأرتاح، والحين أنا جدا مستغربة من اللي مانصحوني بغسالة الصحون ماأقدر أستوعب كيف عايشين بدونها، أنصح بها بشدة أشد شي في الحياة..

وأرفقت لي صور غسالتها وفيديو كانت مرسلته لصديقاتها تشجعهم يشترون الغسالة ويرتاحون ، مصورة قبل وبعد التنظيف ..

تجربتي مع غسّالة الصحون ، وكل مايتعلق بها ..

وهذا المقطع تشرح لكم فيه طريقة عمل الغسالة بشكل سريع

وهذي هي الغسالة اللي تستخدمها هي اضغطوا عليها لباقي التفاصيل

تجربتي مع غسّالة الصحون ، وكل مايتعلق بها ..

شكراً لمى الجميلة على وقتك و على مداخلتك القيّمة جدا?

كيف نستخدم الغسالة ؟

تجربتي مع غسّالة الصحون ، وكل مايتعلق بها ..

جاني هالسؤال كثير ، الغسالة جدا بسيطة ، طبعا ما أقدر أعطي تعليمات دقيقة لأن كل شركة تسوي الغسالة بتصميم مختلف مثل الأفران، تحصلون شي فيه أزرار متعلقه بالوقت وبعضها مافيها وبعضها فيها خيارات أكثر أو أقل حسب نوع الشركة وكلها واضحه ومشروحة في الكتيب اللي يجي مع كل غسالة ..

بس بشكل عام ، فيه بعض الخطوات المشتركة في كل الغسالات وهي كالتالي:

وضع الأواني :

تجربتي مع غسّالة الصحون ، وكل مايتعلق بها ..

نحط الصحون والأواني بشكل طولي والجهه المتسخه فيها متوجهه لنصف المغسلة مثل الصورة اللي فوق..

 الملاعق والسكاكين نصفها بمكانها المخصص.

والكاسات والأكواب بشكل مقلوب.

نحاول ما نراكم المواعين أو نزاحمها يعني نراعي ان الماء لازم يدور و يمر على كل المناطق فمانلزق صحنين ببعض مثلا لأن كذا الموية ماراح تقدر تدخل بينهم وتنظفهم..

بعد ما نصف الأواني بالشكل الصحيح

نحط الصابون بمكانه المخصص ونسكر الغسالة ونضغط زر التشغيل ..

أنواع الصابون للغسالة:

لاحظت أحيانا ناس تشتكي ان صحونها يجي عليها طبقة أملاح أو تبهت أو الصابون مايغسل بشكل جيد ..

الغسالة تحتاج ثلاث أشياء فقط : صابون ، ملح ، محلول الشطف rinse aid

الصابون :

أنا جربت عدة أنواع منها سائل ومنها بودرة ..

أفضل نوع جربته هو المكعبات اللي تجي بودرة مع سائل وأستخدم اللي من شركة cascade

تجربتي مع غسّالة الصحون ، وكل مايتعلق بها ..

البعض يفضل مكعبات فينيش ، من رأيي تجربون أكثر من نوع حتى تحصلون على النوع الأنسب لغسالاتكم ومواعينكم ونوع المياه اللي في المنطقة لأن كل هالأمور تأثر على أداء الصابون..

محلول الشطف (الملمع) :

تجربتي مع غسّالة الصحون ، وكل مايتعلق بها ..

فيه محلول يجي من عدة شركات اسمه Rinse Aid .. هالمحلول يساعد انه الصحون تنشطف بالشكل الصحيح وماتكون باهته وعليها بقع ماء، يعني يخليها تلمع أو تلقلق على قولة لمى 🙂

ينحط هالمحلول في مكانه المخصص داخل الغسالة ويختلف مكانه حسب الشركة ..

هالمحلول ما نحطه كل مره ، يجلس أسابيع داخل الغسالة فيه علامه توضح إذا يحتاج زياده أو لا..

ملح الغسالة :

تجربتي مع غسّالة الصحون ، وكل مايتعلق بها ..

الملح مخصص انه يوازن نسبة المعادن بالموية ، يعني الملح هذا مايجي على الأطباق ، بس يساعد الغسالة انها مايكون فيها تكلسات بالماء وبالتالي يطيل بعمرها وتصير تشتغل بأفضل مستوى.

البعض يستغني عن محلول الشطف وعن الملح ويكتفي بالصابون،

في الواقع، صحيح أنه الصحون راح تنغسل بشكل جيد حتى لو ما استخدمنا الملح والمحلول ، لكن بيكون فيه خطر ان الغسالة تخرب ويضعف أداءها مع الوقت بسبب التكلسات .. فالأفضل نستخدم الجهاز بالطريقة الصحيحة ..

ملاحظة : المقصود بالملح هو ملح مخصص للغسالة وليس ملح الطعام..

💦

تنظيف الغسالة :

تجربتي مع غسّالة الصحون ، وكل مايتعلق بها ..

الغسالة نفسها تحتاج تنظيف من الداخل حتى تتعقم وتصير ريحتها منعشة ..

ثلاث خطوات لو نكررها مره بالشهر بتكون كافيه بإذن الله

أولا: ننظف السلة اللي تمسك بقايا الأكل داخل الغسالة ، كل الغسالات فيها هالسلة قابله للفك نفكها ونغسلها يدوياً..

ثانياً: نحط مقدار كوب خل داخل صحن أو كأس ونتركه في الرف العلوي للغساله ، لا تحطونه مقلوب خلوه مستقيم مانحتاج نكب الخل نبيه يكون داخل الكوب ..

ونسكر عليه الغسالة بدون أي أطباق ثانيه ونشغلها دورة غسيل كامله طبيعية..

ثالثاً: نرش مقدار كوب بيكنغ سودا (بيكربونات الصوديوم) على أرضية الغسالة ونشغلها دورة قصيرة مايحتاج دورة كاملة..

بعد هالثلاث خطوات المفترض تكون ريحة الغسالة نظيفة ومنعشة ومافيها أي روائح أو بكتيريا..

وممكن نختصر الخطوتين الأخيرة ونستخدم محلول مخصص لتنظيف الغسالة اسمه dishwasher cleaner نحطه فيها ونشغلها وتصير نظيفة ..

🌿

كيف نختار الغسالة المناسبة ؟

تجربتي مع غسّالة الصحون ، وكل مايتعلق بها ..

أنا ما جربت إلا نوعية Whirlpool وجدا ممتازة عندي لكن ما أقدر أقول أنها أفضل الموجود لأني ماجربت غيرها ..

بحثت كثير عن أفضل ماركة وكثير يمدحون GE و LG

فاللي أقدر أفيدكم فيه من ناحية الاختيار إني أحرصكم تشيكون على التقيممات في المواقع اللي تبيع الغسالة واقرأوا رأي الناس عنها، غالبا اللي أربع نجمات وفوق تكون ممتازة ، وتجنبوا أي غسالة أقل من ثلاث نجمات ..

خذوا اسم الغسالة واكتبوه في جوجل وتصفحوا المواقع الأجنبية اللي تبيع أغلبها يكون عليها تقييمات توضح لكم رأي الناس عنها وتجاربهم.

الشي الثاني حلو لو تختارون غسالة يكون فيها خيار التعقيم ( sanitazing )

وهذي صفحة فيها بعض المقارنات لأفضل الغسالات لعام ٢٠١٦ ممكن تفيدكم

ملاحظة : جميع أجهزة أمريكا خط ١١٠ ، فخلوها ببالكم إذا بتتطلبون من أمازون الأمريكي..

هذي صفحة أمازون البريطاني فيها جميع الأجهزة ٢٢٠ (اضغطوا هنا)

🌧

وهكذا نكون وصلنا لنهاية التدوينة، إن شاء الله أكون غطيت جوانب الموضوع بشكل كامل وواضح لكم ،

أتمنى يفيدكم الموضوع وتدعون لي بظهر الغيب..

ويليت تشاركون الموضوع بالقروبات لعل أحد يستفيد منه 🌿💕

ولو عندكم أي اقتراحات أو اسئلة بأكون سعيدة بالإجابة عنها

أتمنى لكم يوماً لامعاً ✨

...

تواصلوا معي عبر :

انستغرام وتويتر : arwa_alomrani@

يوتيوب : arwa karu

سناب : arwakaru



As an Amazon Associate I earn from qualifying purchases

التعليقات ( 361 ) :

  1. يقول فاتن:

    مستحييييييييييييييييييييييييييييييل !!

    الموضوع من جد جاء بوقته T^T
    يعطيك ربي العافية

    لي عودة D=

    • يقول فاتن:

      يعطيك ربي العافية من جد كان الموضوع شاغل بالي طول شهرين !
      لاني كنت احاول اقنع امي اننا نشتريها بس كان لازم تكون عندي فكرة عنها اخذت فكره بسيطة جداً عنها والحمد لله امي اقتنعت xD
      إلي كنا شايلين همه وين نحطها وتمديد الموية ووين نصرفها

      الغسالة الي تنحط على الرف جداً حلوه اول مره ادري عنها بس احنا عائلة ما تكفي o_o !
      نرجع للغسالة العادية أجل xD

      قريت بعد انها تغسل وتعقم ادوات المكياج مثل الفرش والعاب الاطفال . . قد جربتي تحطين شيء غير المواعين ؟

      بعض الصحون البلاستيك لها انواع يعني القوي والي عادي . . فيه علامة معينه اعرف اذا تنفع للغسالة ولا لا .. إذا عندك فكرة 3: ؟
      يعني مثل الرموز او كلام مكتوب 0=

      ربي يوفقك
      برسل رابط الموضوع عشان يتحمسون معي xD

    • يقول لميس:

      انا عندي وحده من ARISTON كلامك صحيح توفر وقت ومجهود ومره وقفت علي وانقلب المطبخ فوق تحت ?? بس الصابون انا استخدم فانش المكعبات الي زي القوالب وأحياناً سائل فانش بس المكعبات اشوفه أفضل للصحون بس يبقي اثر في الكاسات والسائل يبقي في الصحىون عجزت يعني ما تكون جافه لما أمسكها يبقى فيها والله وكيلك صرتي اغسلهم بيدي ففكرت مره أعيد عليها ٨ دقايق مويه والحمد لله شكراً كثييييير يالطيفه بسيييطه وأحب بساطتك هاذي مرررره ????

  2. يقول امل:

    موضوع رائع، كنت بحاجه لهذا الموضوع من شخص اثق فيه تماما، شككرر من القلب اروى ♥

  3. يقول Sano:

    فكرة حلوة
    للمقبلات ع الزواج?

  4. يقول Loubna Allane:

    يعطيك العافية جميلتي أروى .. شكرا

  5. يقول Umlara:

    شكرا ارو الجميلة على الافادة

  6. يقول Assar:

    شكرااااا عالموضوع ???
    صراحة انا كنت اتشاور اجيب غسالة صحون خاصة انه الخادمة يوم تنظف ما احس اني اكون راضية و اتم أوسوس الاسفنجة نظيفة ولا لا .. وممكن تروح عنها بعض الاماكن وما تغسلها و يتم دهن شوي او وصخ
    بس كنت دايما اقول ما عندي مساحة .. بس اول مرة اعرف عن الغسالة الصغيرة ?
    جاري البحث ??

  7. يقول ساره:

    يعطيك العافيه اروى جداً استفدت انا عندي غساله صحون الكبيره لكنها عطلانه ولاني مستاجره البيت فمابفكر اجددها على حسابي ، من خلال تدوينتك قررت اني اشتري الغساله الصغيره ماكنت اعرف ان في هذا الخيار✨

  8. يقول wrda:

    يعطيك العافيه موضوع جدا قّيم وكثير يجهلون اهميتها كنت دائما اسمع كلام سلبي عنها، الين ماضاقت فيني من هالمواعين وقلت لازم اجيبها والحمدلله جدا مريحتني استخدم غساله بيكو ٥ انظمه عمليه وسهله ?

  9. يقول غاليه:

    ماشاء الله عليك رائع بالطرح مواضيييع رائع جدا ..وانا من المؤيددين للغساله ومااستغني عنها ابد لو تخرب يوم نفسيتي تصير تعبانه مشكككوره على الموضوع الجميل اللي استفددت منه الكثير

  10. يقول خلود اللهيبي:

    ياعمري يا أروى والله كل شي تقوليه ما اجادلك فيه .. ماشاء الله
    احسك ملمه بكل النواحي … الله يزيدك من فضله
    الموضوع جججججاء بوقته..

    عزيزتي اروئ اتمنى لك حيااااه ملونه ??

  11. يقول ريم:

    الموضوع مفيد??
    ورائع.
    جزيتي خيراً على بذل المجهود.

  12. يقول إبتسـام:

    تسلمين اروى عن جد انا احس احتاجها بس الناس ما تمدحها و ماكنت مقتنعه بكلامهم و الحين تاكدت انها ضروريه شكرررررا من القلب ???

  13. يقول نور:

    انا عندي الغساله لاكن ماتجفف دائما يمكن بس مرتين مادري ايش فيها مع انها دائما نظيفه وأيضا الملح والملمع والصابون موجود ?

  14. يقول هناء الوليعي:

    الموضوع جا بوقته توي خلصت تغسيل مواعين وظهري يوجعني ? لي يومين اقنع زوجي فيها ومو مقتنع ? يارب يوافق

  15. يقول نوره:

    لازم أرسل موضوعك لأمي عشان تقتنع ???
    شكرًا جزيلًا ?

  16. يقول khawla:

    الله يسعدك أروى الموضوع جاء بوقته تمامًا ❤️
    أنا تو اشتريت غسالة واستعجلت بشراء المنظفات حقتها والحين توهقت ب وين وكيف أستخدمهم ?
    اذا تعرفين أو أي أحد عنده خلفية عن منظف finish بس مكتوب عليه انه جل. ماعرف هل يعتبر زي الصابون أو الزيت الملمع؟
    ويعطيك العافية ?

  17. يقول روابي:

    الله يعطيك العافية أروى…تقرير ممتاز جداً?

  18. يقول Snoopy8woody:

    انا من اشد المعجبين بغساله المواعين..لسى ماعندي لين اسكن البيت الجديد بس اقول الغساله تدخل قبلي ..وامشي وانصح العرايس واللي اعرفهم يشترونها ..ايدي اليمين في المطبخ بتكون ?شكرا وضحتي لي ايش اللي اقدر اغسله وايش لا..قريت عنها كل شي الا هالنقطه غفلت عنها…شكرا اميرتي❤

  19. يقول اسماء:

    يعطيك العافيه ويجزاك الجنه
    معلومات التعقيم زادت رصيد الخبره عندي
    تقديمك للمعلومات جميل وبسيط

  20. يقول وجدان:

    تدوينة رائعة قاعدة افكر بمطبخي الجديد وما فكرت بغسالة صحون
    بس دحين بالفعل ان شاء الله رح تكون من الالويات شكرا لك اروع على الشرح الواضح مرة شكرا

  21. يقول انسام ربيعيه:

    الله يعافيك أروى
    وجعل ماتكتبين في موازيين حسانتك يوم القيامه ?
    انا عندي غسالة اريستون المشكلة اول ماركبوها تشتغل بعدها ماتقعد دقيقتين الا المويه تطلع من الغساله بدون ماتدخل على المواعين اللي داخل الغساله ?
    وجبنا كم واحد ولا عرفوا السبب ?

  22. يقول ربى:

    كنت قبل أقول ماأحتاجها ماعندي احتياج كثير.. لكن بعد ماصار عندي طفلة وطفل أفكر جديا بشراءها. ..يعطيك العافية على الطرح الجميل..

  23. يقول Zahra:

    شكراً
    الموضوع جا بوقته لي سبوع اقراء عن الدشوشر واقارن بالمواقع

    الله يقويك

  24. يقول Ndo_fz:

    انا لو اقدر ابوس الغساله بستها بس فيها شبه التماس مخوفني ?
    مثلك استغرب من الناس اللي تقول ما يحتاج غساله
    الوقفة لحالها وطرطشة المويه بالشتاء تخليك تقتنعين غصب فيها ?❤️❤️
    عن نفسي تزوجت وجلست سنه وشوي بدونها بغيت انهبل واقنع في زوجي ويقول شلون ذي بتكسر مواعينا ???
    لين صار شيء بحياتنا واستغليت الموقف وطلبتها ?? والحمدلله هذا ثاني رمضان معها راحة نفسية وجسدية وبدون تعب وقلق المواعين
    طبعا اقول راحة نفسية لإني انسانه تراكم المواعين وينحاس مطبخها لدرجة امر عالمطبخ وتجيني الصيحة واكش عليه واطلع واخليه ?? بعدين ارجع ارتبه اذا هدت النفسيه
    ولو يصممون لنا جهاز نحط فيه المقادير ويطبخ الاكل يسوون فينا خير بعد ?
    تدوينة رائعة ولطيفة ونظيفة ?❤️❤️

  25. يقول mayaablog:

    كنت افكر بالغساله من اول ماتزوجت وقررت اجيبها بس اللي صار ان بنقل بعد كم شهر وصراحه خفت تنكسر مع النقل خصوصا من مدينه لمدينه ..
    جد استفدت من الموضوع يعطيك العافيه ❤️??

  26. يقول وجدان:

    الله يسعدك توني شريتها موضوعك جاء بالوقت المناسب ، لكن ما ادري وين احط الملح والصابون لو تشرحين لنا بالسناب نكون لك شاكرين ❤️❤️
    الله يجزاك الجنة يا اروى

  27. يقول Rueim ?:

    والله اول يوم رمضان داخله مدونتتك ادور موضوع عن الغساله لان عندي وماقد استخدمتهاا
    بس بديت استخدمها يالله فررررق ?❤️
    احسها احسن من تنظيفي على اني دقيييقه بالتنظيف بس هي تخليهم كانهم جدد ?

  28. يقول وجدان:

    اروى بسألك هل عادي ادخل فيها الصحون المزخرفة مثل اطقم السفرة الثمينة؟؟
    طبعا غسالتيً فيها خيار الاشعة الفوق بنفسجية للتنظيف العميق ماادري خايفة ما يناسب اطقم السفررة ؟؟
    الله يسعدك ساعديني لو بمعلومة

  29. يقول مريم:

    يعطيك العافيه
    انا ماكنت مقتنعه فيها وختى جبتها وﻻ استخدمتها اﻻ الان
    غسالتي ماجيك كورية صغييرة
    حطيت بدل الملمع سائل التنظيف بريل كيف احل المشكله ومافيها نور يبين اذا الملمع خلص ولا باقي
    هذا اللي طفشني

    وبالنسبة لسائل التنظيف كيف اوازن الكميه حسب اختيار نوع الغسل

  30. يقول ام تومي:

    اروى انا سكنت بيت جديد وكنت مخططه ع الغساله .. بس بعدين لخبطوني المحلات .. لاني كنت ابي غساله بلت ان ( اللي تكون داخل الدرج ) وكنت ابيها من ولربول او اريستون وقالو لي م تجججي ☹ .. والحين انا محتاره واصلا من فصلت الدرج حطيت لها مكان وللحين فاضي ☹ ف وش تنصحيني ؟

  31. يقول Amal:

    مساء الخير اروى
    فعلا الغسالة روعة من تجربتي من ثلاث سنوات مريحة جدا وانا من النوع الا عندي سوسة نظافة لكن مع الغساله ارتحت نفسيا الصحون والكاسات معقمة ونظيفة ومطبخي ماشاء الله دائما نظيف بالرغم احنا شخصين في البيت لكن مريحة نفسيا واقدر استغل باقي الوقت في اشياء مفيدة
    فالاجهزة الكهربائية نعمة اغسالة الملابس المجفف وغسالة الصحون واي جهاز كهربائي مريح اشتريها من غير تردد .
    شكرا لك أروى اتمنى لك يوما جميلا كجمال روحك ?

  32. يقول منى بدر الوعلان:

    أفضل اختراع بالنسبة لي هو اختراع غسالة المواعين.
    أنا صراحة حتى ملاعق البلاستيك القوية أوقات أكون مزنوقه فاضطر أغسلها وأستخدمها مره ثانيه كاستخدام خفيف مثل فقط تحريك أو غرف, بس أخذ نوع الملاعق اللي تتغسل مرة وحدة مو الملاعق العادية الخفيفة.
    مرة استغرب من الناس اللي تذمها, لأنها جداً اختراع مفيد.
    جربت أنا ماركتين من الغسالات, النوع الأول كان جداً سيء وهي ماركه مو مشهورة فما أتذكرها صراحة, كانت تأذيني من ناحية الصابون يطلع برا الغساله وما تنظف مهما سويت, وبلغت السكن بالمشكلة وللاسف ماحلوها.
    والحمدلله جاني نقل, ونقلت لمدينه ثانيه حبيت الماركة حقت الغساله تنظف من قلب, ومافيها مشاكل.
    بالنسبه لي أشغل الغساله كل يومين مره, لأن المواعين مو كثيرة, كلنا شخصين فالحمدلله ما حسيت بتعب حتى, والمطبخ دايم نظيف والمواعين معقمه ونظيفه.
    جداً أتمنى أمي وخواتي يشترونها, دايم أنصحهم بها, ويارب عقب تدوينتك يتشجعون ويشترونها.

    على فكرة: ايكيا عندهم نفس ماركة غسالتك, شفتها بايكيا سينسيناتي ولايه أوهايو, وبعد شفتها في بالو التو ولايه كاليفورنيا. فأتوقع حتى بالسعودية ممكن تبيعها ايكيا.

  33. يقول آم تكي?:

    أروى انتي الانسانه الوحيده الي تجزئلي الموضوع وتشرحه لي من الي زي مايقولون ??غسالة المواعين كنت ماافكر فيها ابدا ومازلت متردده بسبب اني ساكنه برياض والمويا تجيب الهم ترسبات ملحيه مقرفه واستخسر اشتري غاسلة للملابس او للمواعين بسبب الترسبات
    لكن اليوم بدات اقتنع ?بس سوالي فين احصل الغساله الصغيره لان حسيت تناسبني لانا شخصين وطفل صغير واعجبتني فكرتها وعندي مساحه لها? مسرع ماخططت وين احطها ههههه وهل لو اطلبها من امازون بتتاثر من الشحن والا موجوده برياض اروح اشتريها ؟؟؟ وشكرا شكرا شكرا على مدونتك الرائعه ?? دمتي بخير وبركة ??

    • يقول أروى العمراني:

      اهلا يا جميله ، لا تطلبينها من امازون وانت بالسعوديه لانها خط ١١٠ ، ممكن تطلبينها من امازون بريطانيا اضفت الرابط نهايه الموضوع ..
      في الرياض ممكن تطلبينها من المحلات اللي تبيع الأجهزة خاصه الحسابات اللي بالانستغرام يصيرون ممكن يوفرون لك اشياء مو موجوده بالسوق

  34. يقول ابتهال:

    بالنسبه لمكان الغسالة ممكن يجي تحت المجلى ؟ وهل لها تمديدات من اسلاك او مواصير للماء معقدة ؟ انا مطبخي صغير جدا و فيه مكان بعيد عن المجلى لكن مدري هو هو مناسب ام لا لان زوجي يقول لها تمديدات و كذا

  35. يقول شفاء:

    اروى احنا فالبيت امي تشتري منتج من فانش يجي فيه سائل اللي لتنظيف الغسالة تفتحينه وتحطينه فيها وهو موجه للاستفل وتشغلين الجلاية
    وبس تصير نظيفة كنك شاريتيها من يومين

  36. يقول Layla:

    السلام عليكم بحثت عن غسالة لمى و سعرها مناسب جدا لكن ماادري عن تكلفة الشحن على كل كيلو او كيف ياليت لو عند خبر تفيديني

    • يقول Maimonh:

      على حسب شركة الشحن..
      تقريبا ارخص شركة هي ارامكس واسعار شحن طرد من امريكا للسعودية:
      100 ريال لأول نص كيلو بعد كذا تدفعين 35 ريال لكل نصف كيلو زيادة..
      ^
      ^
      ^
      هذا اسمه الوزن الفعلي..
      (الطول بالسم * العرض بالسم * الارتفاع بالسم) مقسوما على ٥٠٠٠

      الناتج من هاذي العملية يسمى الوزن الحجمي
      وبالغالب تاخذ الشركة السعر الاكبر

      والأفضل لك اذا كنتي تقدرين انك تاخذين الغسالة من محل بمدينتك..
      أكثر أمان من ناحية انهم راح يعطوك ضمان ويركبونها لك وينقلونها ..
      ويمكن ما تعجيك او مايناسبك حجمها فتضطرين ترجعينها ..

      أتمنى أكون أفدتك..

  37. يقول ديمه:

    ماشاء الله الله يسعدك على هذي التدوينه ?

  38. يقول المها:

    أستخدم سامسونق
    صراحة بططططططلة ????

    ودي إذا تزوجت آخذه لبيتي ??????

  39. يقول وفاء:

    الله يعطيك العافية ياروي مدونتك جت بوقتها توني مشتريه غسالة وتعبت ودخلت المستشفى وانا ما استخدمتها وبنتي ما تعرف لها ارسلتها موضوعك على الواتس عشان تتعرف عليها
    الله يجزاك خير ?

  40. شكرًا على الموضوع الجميل. المعلومات اللي كتبتيها مفيدة لكن لأَنِّي عارفتها دخلت عشان أعلق لأن عندي خبرة لابأس بها عن غسالات الصحون وأنا من المؤيدين لها بشدة. أصلا مدري كيف الناس عايشة بدونها!

    جربت ٣ غسالات مواعين بأمريكا في كل شقة نروح لها وكانوا ممتازين. نظافة وراحة صراحة. لكن بالسعودية لما جيت أخذت الغسالة الصغيرة بشقتي ماركة Magic والمكينة حقتها من LG ب ٢٤٠٠ ريال (نفس قيمة الغسالة الكبيرة لكن لأن مافي مكان بمطبخ الشقة) لكن لايقارن الأداء مع غسالات أمريكا. أحيانا تبقى بقع الدهن و البيض بالصحن ماتروح. فقرت إني أنقع الصحون بعد الاستخدام مباشرة عشان البقع الصعبة قبل أدخلها الغسالة ونفع الوضع. بس أتحسر على غسالات أمريكا اللي حتى بقع القدر تشيلها وهذه بقع بيض قعد من الصبح الى الليل ماتشيلها. المهم اللي أبي أقوله إن غسالة المواعين ضرورية جدا جدا حتى لو هي مو فعالة كثير لأنها توفر وقت وجهد و وقفه في المطبخ. جارتي عندها نفس الغسالة بس ريحتها شينة بقول لها عن التنظيف اللي كتبتيه.
    ان طلعنا من الشقة لبيت إن شاء الله أول شيء بشتريه غسالة مواعين أمريكية!
    وارد جدا عندنا عسر الماء عالي جدا وممكن يأثر على النتيجة بعد، الله أعلم

    • يقول أروى العمراني:

      شكرا جدا على هالاضافة القيمة الله يسعدك يارب..
      اتوقع الفرق بين الاداء بامريكا والسعوديه هو حرارة الماء وطريقة التوصيل بالماء ،، لكن الله اعلم..
      شكرا على الافاده

      • يقول اريج:

        السلام عليكم اروى ومشكور عالمعلومات المفيده

        بما انك عشتي في كاليفورنبا…هل لاحظتي وجود طبقه كلسيه بيضاء على الصحون والكاسات؟ هل السبب في مياه الولاية أو المواد المستخدمه؟

        لأن واجهت هذه المشكله في شقتين في كاليفورنيا

        وقبل كنت في ميتشغن ماكانت هذه المشكله؟؟؟؟؟

        وقبل لا أجي أمريكا كان عندي وحده نخلي الاواني تلمع.

        أرجو الإفادة لاني صرت اغسل على أيدي بسبب هذي المشكله.

        وجزاك الله كل خير

    • يقول Aioosh:

      بما ان عندك خبره ياليت لو تكونين عارفه مشكله غسالتي اول ماشغلها يطلع صوت تك تك تك كنه شي يشتغل فيها ويروح الصوت وبعدين يرجع بنص الغسيل جاء بعد ماتركتها شهر كنت مسافره ولا ادري وش قصتها الحين ????

    • يقول دره:

      يسعد مساك شكرا ع المعلومات الجميله ولكن حابه اسألك عن غسالتك الحجم الصغير ياليت تفيديني بمعلومات اكثر حابه احط بركن الكوفي ياليت تخبريني تجربتك ومن وين أخذني الشغاله.. وشكرا

  41. يقول هجير الشمس:

    السلام عليكم ورحمة الله وبركاته
    موضوع رائع جداً جزاك الله خيراًياقمر ربى يسعدك
    فعلاً سمعنا كثير اشاعات عنها لكن الحمدلله وضحتى
    الموضوع وبإذن الله راح افكر اشتريها

  42. يقول Sora:

    يعطيك العاافيه أروى الجميله ?
    و الله إني مقتنعه فيها و احتاجها في الحياه .. بس انتظر زوجي يقتنع ?

  43. يقول شهد القرشي:

    انا من الناس اللي تحب تسوي كلشي بنفسها > يعنني بطله ?
    وتمر اوقات مالي حيل اغسل المواعين واتركها وتمر ايام اندب اللحظه اللي فكرت اتركها فيها وطوال هالمده المواعين بالمغسله ?

    صح ما يروح وقت كثير بحياتي اليوميه بس وقت يكون عندي ضيوف ولا بسوي طبخ وباخذه معاي يستهلك جهد، والحين ع وشك ولاده واتوقع ان بعدين ما بيصير في وقت زي قبل لذلك قررت اشتريها بعد ما ارجع ???

    >> حيزدهر سوق الغسالات بالسعوديه بسببك ? ?
    جزاك الله خير،

  44. يقول سماح:

    حببييييت ؛ بصراحة اقتنعت كثير ??✨

  45. يقول شهد:

    الله يسعد قلبك يا أروى وجزاك الله كل خير?? ما كانت في بالي هالغسالة ابدا بس لما شفتك مدحتيها بشدة انتي ولمى استغربت مرة كنت ما احسبها لهالدرجة مهمة بس شكلي بأقول لأهلي نشتريها والله اني احيانا لما اشوف المواعين متراكمة اجلس اغسلها وانا ابكي من كثرتها ووساختها لكن عندي امل كبير ان هالغسالة حتفيدني وبتخليني ادعي لك بظهر الغيب لكن عندي حاجة خايفة منها وهو ان مطبخنا صغير وانا ابغى غسالة كبيرة مثل اللي عندك مو مثل اللي عند لمى (( حقتها حلوة لكن زي ما قلت ان مطبخنا صغير شوي وما يصلح نشتري صغيرة ونحطها فوق الدولاب لانه عندنا مايكرويف وفرن كهربائي على الدولاب فمالها مكان بالمرة )) وسؤالي انه كيف تتركب الغسالة مثل اللي عندك مع العلم ان مطبخنا مافيه مكان فاضي في الدواليب السفلية نحط فيه الغسالة لان كله دواليب وهل كنتي مثلي وقدرت تتركب ؟؟؟
    ان شاء الله انك فهمتيني ?
    واعذريني على كثرة الأسئلة وأدري اني طفشتك واشغلتك معي بس والله اني ما سألتك الا محبة مني لك وثقة فيك ياعمري
    وجزاك الله كل خير وباذن الله ما انساك من دعائي كل يوم قبل الفطور . وكمان يا قلبي عندي لك طلب بسيط ياليت تسوينه واللي هو انك تسوين لنا تدوينات عن :
    *النباتات المنزلية وفوائدها وكيفية الاهتمام بها واثرها النفسي في البيت
    *الكاميرا الفورية وايجابياتها وسلبياتها وكيف أفادتك لاني ودي اشتريها لكن اتمنى تتكلمين عنها وهل تستاهل اني اشتريها
    *كيفية تنظيم ادراج المطبخ لان هذا الشئ معقدني جددددا
    *نصائح عن تنظيف وترتيب المنزل بشكل عام وكيف نخليه مرتب على طول حتى مع وجود الأطفال
    وأنا عارفة انك مو بس حتفيديني أنا لوحدي بتفيدين الكل كما عهدناك
    وجزاك الله كل خير مقدما ومبارك عليك الشهر وعلى كل أهلك وأحبابك
    وفي حفظ الله يا عسل???

    • يقول منال:

      انا زي حالتك مطبخي م فيه مكان
      و شلت من الادراج السفليه و دخلت الغساله مكانه
      اخترت الدرج اللي جنب المغسله عشان سهوله التصريف و المويا

    • يقول ندى:

      مره شفت وحده مطبخها صغير واشترت غساله فككوا الباب حق الدولاب اللي جنب المغسله وكسروا الرف اللي فالنص ودخلوا الغساله صح بقى شوية فراغ جنب الغساله بس مو مهم اهم شي تدخل ??

    • يقول joho:

      بالنسبه لمكان الغساله حبيت افيدك بما اني مجربه
      ماكان لها مكان فالمطبخ فجبنا حقين المطابخ اللي تفصلين عندهم دولاب المطبخ وفرغ المكان : قص الدولاب اللي كان جنب المجلى وترك الرخام اللي فوق ،وصار لها مكان تدخل فيه جوا الدولاب وبعده جبنا السباك عشان يسبك لها ويركبها .
      هذا حل اللي ماجهز لها مكان اتمنى افدتك

    • يقول عبير:

      انا مثلك ماعندي مكان بالمطبخ وحطيتها بالمخزن اللي مفتوح ع المطبخ صدق مشوار بس مثل العسل ع قلبي?❤️

    • يقول أروى العمراني:

      شكرا شهد على اقتراحاتك ماتصدقين كيف انبسط بهالاقتراحات لانها تعطيني افكار للتدوينات وتشجعني انجز ..
      بالنسبه للغساله عادي حتى لو ادراج بس جيبوا شخص حق مطابخ يشيل احد الابواب ويفرغ مكان خاص بالغساله بدون مايشيل السطح العلوي ، وبعدها اشتروا الغساله وجيبوا سباك يركبها .. كذا كل الناس مايحتاج يكون لها مكان مخصص من البدايه

  46. يقول Anfal:

    ربي لك الحمد كل شي متسهل هالايام

  47. يقول هديل:

    فعلا تعتبر غسالة الصحون شيء مهم .. جربنا غسالة الصحون بأمريكا و فعلا فعلا ريحتنا .. لما رجعنا السعودية كان اهم شيء بمخطط المطبخ هو مكان لغسالة الصحون .. عندنا ماركة ال جي و ممتازة .. بس شغله لاحظتها وهي اننا تقريبا كل شهرين ثلاث تخرب الغسالة و نضطر نتصل بالشركة .. كل مرة يطلع سبب مختلف و مشكلة .. وهذا الشيء ماعانينا منه في امريكا طوال ٤ سنوات ماقد خربت الغسالة .. بحكم طبيعة الماء و ايضا معايير الأجهزة المستوردة فماانصح ابدا احد يحط بيكربونات الصوديوم او بيكنج صودا للتعقيم .. كنت في غسالة امريكا أحط و ممتازة جدا لكن غسالة السعودية خربت علي علطول .. و جربت مرة ثانية وبرضو خربت .. الموية اذا مالحة ف ماانصح بغسالة الصحون لأنها مارح تتحمل الملوحة نهائيا و بتتعبون صيانةً اما اذا الموية تحلية او حلوة او تعبئة وانيت (اهل الشرقية يعرفون المعاناه) فممتاااااز .. باختصار غسالة الصحون في السعودية تحتاج عنااااااية جدا خاصة مع اننا نهتم بنظافتها و تعبئتها بالملمع و الملح ….الخ .. اذا استخدمناها بشكل يومي لاااازم وصار شيء معروف عندنا ? انها بعد فترة تطفى علينا بدون سابق إنذار ..

    • يقول Shatha:

      مرحبا هديل ..
      انا من اهل الدمام والمويه مالحه مو تحليه ، ونحتاج غسالة المواعين مررره ، مدري برايك في حل لهالمشكلة ؟؟ او اي احد مر بنفس الوضع يقدر يفيدينا !

      وشكراً لصاحبة التدوينه الرائعه اروى ?

  48. يقول الاء العمراني:

    الحمدلله شرينا غسالة صحون بعد ماراحت الشغالة?? و الحين صار لنا اكثر من سنه من غير شغاله✌?مراااا مريحة خصوصا في رمضان. شركة الغسالة LG و صارت شي أساسي في البيت ??⭐️⭐️??.

  49. يقول بتول:

    تدوينة راااااااائعة رائعة

  50. يقول ندى احمد:

    اخت اروى جدا مشكورة على الطرح افدتينا كثييير ❤️❤️❤️

    طيب وين اماكن تواجد هالغسالات الصغيرة ?

  51. يقول هلا:

    ممكن تصورين تنظيف الغسالة بسناب .
    وشكرا مررررة فكيتي أزمة ❤

  52. يقول Non:

    يهالغساله حلمي القديم? من زمان احاول اقنع امي وامي عندها قناعه تامه انها شي مزعج وعدمه افضل من وجوده بمراحل، امي مشكلتها انها من زمان مررره يعني يوم هي صغيره كان عندهم غساله بس شكلها اول اصدار وعلى كلام امي انها سيئه جداً تستنزف الجهد والوقت وبالنهايه نتائج غير مرضيه ولما قدرت اقنعها انها تطورت وطلعت اصدارات حلوه عرفت انو مايصير ندخل الصحون المزخرفه وحنا كل سفره مطبخنا مزخرفه بالذهبي ورجعنا على طاري اللي ?

  53. يقول إيمان:

    الله يا أروى ليه اسبوع بابحث في المواقع وفي المدونات عن غسالات الصحون ، وفعلا استقريت على ويرلبول لانها الافضل بعد الاستقراء وحسب نصيحه موظف اكسترا، انا ما عندي مكان وحاحتاج الغي دولاب عشانها، عجبتني الصغيره ومالقيتها في السوق عندنا
    سؤالي لو اشتريت من امزون كيف بالنسبه للصيانه وقطع الغيار!؟

  54. يقول Haya:

    يختي انتي كذاا قسم بالله? روحي ياشيخه الله يسعدك

  55. يقول Ebtehal:

    والله انها اختراع جميل ومريح جداً ..?❤️❤️
    دايم مطبخي نظيف ومرتب يفتح النفس ?
    حتى انك تطبخين اللي نفسك فيه من غير ماتشيلي هم كثرة المواعين
    قبل لا اشتريها احاول ما اطبخ الا الشيء الاساسي اما الحين لا الحمد لله

    غسالتي اريستون جداً جميله ومرتاحه معاها

    اروى
    شكراً من القلب على هالتدوينه نبهتيني على اشياء ماكنت منتبهه لها
    الله يوفقك ويسعدك ومبارك عليك الشهر ❤️❤️

  56. يقول Hanan:

    الله يعطيك العافيه ويجزاك خير على هالشرح الوافي

  57. يقول يمامه الشمري:

    اروى تعليقي ماراح يكون عن الغساله ??
    انتِ انسانه لطيفففففه ??
    واحبك جداً واتمنى لك حياه سعيده مثل ماتتمنين واكثر
    ????

  58. يقول فاطمه:

    شكرا من القلب يا أروى والله ييسر اموري واشتريها يارب

  59. يقول Asmaa:

    فعلاً هالأختراع بطططل لدرجة اني ممكن وبكل رحابة صدر اجلس اطالع بغسالتي وهيا تشتغل وتنظف وتعقم وانا مبسوووطه ??
    بس ممكن احد يفيدني للي عندهم صحون ميلامين جربتو تحطوها بالغساله ؟

  60. يقول Athoor:

    يعطيك العافيه اروى الله يوفقك ويسعدك كل مدونتك مفيده وممتعه??
    وفعلا ما شفت الراحه الا بعد ما استخدمتها حتى سبحان الله تستمتعي وانتي تطبخين ما تزملين للغسيل هههههه?
    بس بسأل الملح مع كل غسله احطه ؟
    انا مع كل غسله املى المكان المخصص له واضيف شوي مويه بس عشان يذوب
    ماادري اذا طريقتي صحيحه او لا ؟!

    • يقول أروى العمراني:

      يختلف حسب الغساله بعضها لها كونتينر تحطين فيه الملح وماتعبينه الا كل شهر مثلا وبعضها تطلع لك لمبه تعلمك اذا تحتاج ملح زياده ، اقري الكتيب تبع غسالتك وتعرفين كم لازم تحطين

  61. يقول نسيم:

    صااااادقة انا لي سنة وشوي شاريتها وكل مافتحتها والمواعين نظيفة قلت راحت حياتي وانا افرك بيديني??حتى صرت اشتهي اطبخ واسوي اشكال حلى واشارك بأطباق للتحفيظ يعني حبيت المطبخ من محبوبتي الغسالة?? ومن كم يوم اقنع صديقتي واختي يشترونها ويقولون لا مستحيل ماحبيناها …وانا اقول لهم اللي مايطول العنب يقول حامض???? شكرا اروى ياعسل صرت اذا شفت اي شي كيوت ورقيق اقول يذكرني بأروى ??

  62. يقول أمواج العُمري:

    مررا جميل الموضوع وجاء بوقته كنت دائماً أفكر اشتري بس طبعاً كلهم خالفوني بنفس الاسباب الي فوق بس انا قلت بشتريها وما عليه وبإذن الله تجي بالوقت المناسب .. شكراً لك جميلتي اروى ?

  63. يقول نونه:

    جربت غسالة جنرال الكتريك مريحه وعجبني انها مالها صوت قوي
    ودي اعرف هل كل الغسالات مالهم صوت قوي لاني راجعه للسعودية وبشتري غسالة لو ما لقيت نفس الماركة مدري وش اخذ

  64. يقول فاطمة:

    هذا الإختراع رهيب جدًا، كنا نستعمله في منزلنا ولفترة طويلة الحمدلله
    لكن كنا نسمي الجهاز “جلاية” لأنه يقوم بالجلي وعلى وزن اسم الآلة “فعالة” صارت جلاية.

    أحس أن غالب الناس يشترون أجهزة أساسيةمع زيادات في الأسعار على مميزات لن يستخدموها أو سيهملونها مع الوقت،كغسالة ملابس تنشف الملابس وتستمر ربة المنزل بنشر غسيلها على منشر الغسيل.
    سيكون من اللطيف لو أنتبهنا لهذه النقطة في ظني لجميع الأجهزة.

  65. يقول ندى:

    اروى انتي تقولين اشغلها نهاية اليوم طيب مواعين الفطور والغدا عادي تخلينها فالغساله وانتي ماشطفتيها حتى وماتشغلينها الا بعد العشا ؟ هل راح تنظف المواعين؟

    يارب اشتريها ?

  66. يقول بشرى:

    شكرا من القلب أروى ع هالمعلومات انا عندي فسأله مواعين اسمها frigd◇ire

    كانت شغاله تمام بس فجأه صارت ماتعرف زين تكون المويه ع الأواني ولا تنشفها

    وف نفس الوقت تشتغل برا أزرار مع بعض اللي هي wash and rinse

  67. يقول سهام:

    موضوع جاء بوقته الحمد لله شريت غسالة كنت محتاره بين كذا نوع واستقريت على ويرل بول 10 أنظمة حبيتها قالت اختاريني انا فيني كل المواصفات اللي تبينها والحين بإنتظار تركيبها .. وعقبال اللي ما عنده
    شكرا أروى ❤

  68. يقول ✨دهن العود ✨:

    باوك الله فيك وجزاك الله خير اقنعتيني

  69. يقول جوهره✨:

    شُكراً اروى ع تدوينتك الجميله ? ..
    انا عندي الغساله الصغيره ماركة ماجيك .. لها عندي سنتين مراا بطله و عمليه الحمد لله.. ما ارتب فيها المواعين نفس كتيب التعليمات?شقلبت الاماكن و نزلت رف خاص بالسكاكين الكبيره وصارت تاخذ مواعين كثيره اكثر من حجمها بس اهم شي ننتبه ان المواعين ما تحتك بالمراوح و لا يمنعون المويا عن بعضهم .. و كمان المراوح نفس الشبك اللي عند فتحة التصريف تنفك بشكل دوري و تنظف?

  70. يقول أبرار:

    الله يجزاك الجنة آروى
    الغسالة جداً جداً مفيدة وصدق أنصح كل وحدة تشتريها وهي مغمضة
    بس انا دايم اشطف المواعين بالمويه قبل واشيل بقايا اللازقة في القدور والصحون 🙁 ما قد تهورت وحطيتها ولو بصراحة

  71. يقول ahlam:

    الله الله ريحة نظافة وتعقيم..موضوع جمييييل وجاء بوقته ?يعطيك العافيه ي آلطف أنسانه بالكون?

  72. يقول غدير:

    شششكككراً أروى ❤
    من جد كنت أبي أحد يتكلم عنها ويكون ثقة عشان أضمنها ، فكييت لي أزمة الله يسعدك ❤❤❤

    استمرّي .

  73. يقول عبير:

    حقتي ويرلبول تهبل ❤️❤️❤️❤️ ومرات اجمع بها المواعين يومين او ثلاثه واشغلها مره وحده ، وشريت قبلها جهاز التعقيم لافنت للرضاعات واغراض البيبي وتحسف يوم شريت الغساله لان فيها خيار تعقيم ،، واذا سافرت برا اشتري مكعبات فنش لانها دايم ارخص بربع السعر الموجود عندنا خاصه بتركيا

  74. يقول امينه:

    الله يعافيك كم تحطين درجة الحراره انتي ؟؟ لاني نفس الشركه انا وبصراحه اشطفهم قبل

  75. يقول رزان:

    الله يجزاك الف خير ياعسل فعلا موضوع مهم والله انا اخذتها قبل رمضان بشهر ومااستخدمتها الا اول يوم رمضان كنت خايفه مرره منها .. بس لين دحين مو عارفه كميه الجل والملح قد ايه احطهم !! وكمان الصابون المكعبات افتحته المكعب وادخل الصابون بمكانه ولا المكعب بكبره ادخله المكان ادري سوال مره غبي بس محيرني الازرق اللي مثل الجل في المكعب كمان

  76. يقول سارة:

    جزاك الله خير يا استاذة اروى ,
    الموضوع جدا جدا مفيد ..
    بالرغم من انني لا امتلك هذه الغسالة لكنني أظن انه يجب التفكير جديا بشراؤها ..

    شكرا جزيلا لتدوينك الرائعة !!

  77. يقول ميسو:

    احنا تو اشترينا قبل رمضان باسبوع مريحه بس شكلو مافيها تجفيف.. لانو تطفي على المواعين مويا من فين القى خيار التجفيف؟

  78. يقول ...:

    السلام عليكم
    شكرأ اروى على التدوينه …
    عندي مشكله ب غسالتي اذا خلصت تمام من كل شي وفتحته يكوون فيها بخار
    مع اني حاطه مساعد الشطف والمسحوق
    ايش السبب تتوقعو ؟

  79. يقول nora:

    يعطيك العافيه

    من سكنا بيتنا الجديد صار لنا اكثر من 5 سنين و موجوده هذي الغساله ولا استخدمناها ابدا لان امي مو مقتنعه انها تنظف

    شكلي بوريها تدوينتك عشان تقتنع
    هي تقتنع بكل شي تسوينه

    شكرا

  80. يقول رنا:

    الموضوع راااائع
    انا من الرياض عندي غسالة الصحون من 5سنوات نوعها ( AEG )
    راااائعة وكثير من اللي أعرفهم من قريباتي والصديقات نصحتهم بها وأشتروها عملية وسهلة الإستخدام وتنظيفها معجبني

  81. يقول ebtisam:

    انا غسالتي BOSCH … حجمها كبير، نفس الي عندج وممتاااازة!!! مستحيل اتخيل اعيش بدونها الصراحة! تتازم حالتي النفسية لما اروح بيت اهلي وماعندهم الدش واشر!!! ^ـ^”
    احنا شخصين وطفل فلبيت والغسالة الكبيرة وايد تنفع، حتى احط الجدور مع نفس الدفعة

  82. يقول July:

    الله يعطيك العافية أروى، تدوينة مفيدة.
    أنا عندي نفس غسالتك بالضبط، و ساحبة عليها استخدمتها مرتين ثلاث و انتبهت بعد تدوينتك اني كنت احط الصابون في مكان rines aid ?
    عاد قمت شغلتها بعد قراءة التدوينة و حطيت الصابون في المكان الصحيح و اللي حصل انها صارت تنزل مويه برا و هي تشتغل و صابون كثير.. تقدرين تفيديني وين المشكلة ؟ و مشكورة .

  83. يقول Asho:

    عندي نفس حقتك اروى بس تعقدني احس لازم انظف الصحون تماما من الاكل لو دخلت صحن فيه نتفه اكل تنثره على كل الصحون الباقي والمشكله الثانيه ان الصابون احطه بالمكان المخصص ولايذوب وتخلص الغسله وهو ف مكانه !
    ويعطيك الف عافيه افدتينا كثير ❤️

  84. يقول نواري:

    الله يسعد قلبك على هذي المعلومات اللي جات في وقتها ..مدوناتك كلها مميزة ..استمري

  85. يقول غيداء:

    موضوع جمييييل جدا”واشتريتها بعد ماتزوجت ب٥شهور فعلا فررررق وفرت الوقت والمجهود مرررره وخصوصا اذا فيه ضيوف الحمدلله
    غسالتي اريستون مررره ممتازة والصابون فيه اللي احلى وأروع واوفر كمان من المكعبات عن تجربه شخصيه
    اللي هو البودر من فينش مرررره حلو مايبقى في المواعين مثل المكعبات
    شكرًا اروى ع التدوينه ومن أجمل وأروع الحسابات اللي اتابعها ❤️❤️?

  86. يقول ruchi:

    الموضوع مفيد جدأ يا ريت لو الوالدة تقرأه و تقتنع TT_TT
    مع انه طويل و مفصل ما شاء الله الا انه ممتع بحد ذاته !
    استمري !

  87. يقول 3noo:

    شكراً أروى
    صراحة اقنعتيني??
    وقريباً اركبها إن لقيت لها محل في المطبخ?
    مطبخي صغير جداً
    الله بجزاك خير وينفع بك وبمدونتك الجميلة?
    ونحن نتمنى لك يوماً ملوناً ? ولامعاً✨

  88. يقول Nada:

    الله يسعدك أروى مميزة دائما بطرحك

    أنا ناوية أشتريها بس المشكلة إن دفع الماء في المطبخ ضعيف جدا
    هل هالمشكلة بتأثر على عمل الغسالة؟

  89. يقول ايمان:

    انا اتابعك بالسناب فقط وكنت ابحث عن معلومات عن غسالة الصحون ويرال بول لان انا اعرف بس ال جي وماعمري سمعت بويرال بول. الا لمن رحت اشتري الغساله مدحوها لي وميزاته افضل من الجي الجديده وارخص منه اقنعوني و اشتريته وكنت ابي معلومات عن استخدامه وكفائته مالقيت شي يقنعني …فكرت فيك دامك بأمريكا اكيد تستخدمينه وخاصه انه صناعه امريكيه فما جا ببالي احد عنده زيه الا انتي .. كنت برسلك وسبحان الله تفاجأت انك تكلمتي عنه بالسناب قبل اسألك ??????
    شكراً اروى كلامك مره مقنع وملم بكل شي جزاك الله خير ?

  90. يقول أم رزان:

    ماشاء الله عليك ي أروى? مبدعه بما تعنيه الكلمه
    أشكرك على مدوناتك الأكثر من رائع
    بصراحه ما في مدونه ما استفدت منها
    الله يسعدك في الدارين ويخليك لأحبابك يارب?

  91. يقول حنان:

    الله يسعد قلبك اروى
    انا أستخدم مكعبات فينيش اللي تجي ٣ في ١
    اللي فهمته انها تغني عن الملمع والملح
    بس لما قريت موضوعك خفت انه انا فاهمه غلط من زمان ويتأثر اداء الغسالة مع الوقت لاني ما قد استخدمت ملح ولا جل فقط المكعبات
    هل فعلا هذا النوع من المكعبات يكفي؟؟ انتظر ردّك الله يوفقك

    • يقول أروى العمراني:

      انا قرأت انها ماتكفي ، صح أفضل من غيرها بس ماتكفي تماما ..

      • يقول حنان:

        بس يا اروى انا مستغربة لانه عندي خيار اسمه tablet detergent اللي فهمته انه لما يكون نوع الصابون عندي مكعبات اختار هذا الخيار
        وطبعا لما اختاره تطفي الاشاره اللي تبين انه فيه نقص للملح او المحلول وما عاد تطلع
        مع اني ماقد حطيت ملح أبدا لاني دايما استخدم مكعبات فينيش
        فاتوقعت انه المكعبات كفاية ولا المفروض يعني أحط ملح حتى لو ما تطلع إشارة انه ناقص !؟؟

  92. يقول أسماء:

    أروى أبي حساب لمى السليمان انستقرام او سناب اي شي

  93. يقول سهاري:

    الله يسعدك على هذي التدوينه ما شاء الله لا قوة الا بالله شامله وبالتفصيل الغير ممل صراحه الله يعطيك العافيه يارب ?

  94. يقول ج. م:

    أول مرة أعرف انها استخدامها للماء أوفر من الطريقة التقليدية، عموماً أنا ابي اكتب تجربتي.. حنا عائلة وعندنا غسالة بالبيت من أول ماسكنّا فيه وهي موجودة، يعني اكثر من ١٠ -ماشاء الله- وما اذكر قد صار معانا مشكلة معها إلا على قد الاصابع الحمدلله.. لكن غالباً نستخدمها لو كان في صحون كثيرة وعزيمة وحوسة ? تفك ازمة ..
    بالأيام العادية نادراً مانستخدمها ?
    حلوة بصراحة ?? بس اللي مايعجبني انها تاخذ وقت إلى ماتخلص ? لو يطورونها شوي وتصير اسرع..
    بالنسبة لحجمها أشوفها تشيل خير اذا رتبتي القطع وصفيتيهم بذكاء..
    اسم الماركة والمنتج kenmore ultra wash II
    فيها رف علوي ( للأكواب + صحون الشوربة ) ورف سفلي ( للقدور + الصحون + الصواني ) وفي قطعة اظافية نقدر نحطها بالجنب للملاعق والشوك والسكاكين

    صحيح ان الغسالة مو اي شيء تقدرين تحطين فيها ، لكنها تختصر عليك الوقت والجهد بنسبة ٩٥٪‏

    ??
    * في معلومة أروى :
    بعض المناطق الماء فيها مايكون مُحلى، فأتوقع الغسالة يمكن تتأثر بنسبة الملوحة الموجودة بالماء ويعرضها للمشاكل ..

  95. يقول هند:

    صادقة صارت مهمة اكثر من افراد العائلة نفسهم :/
    لكن صراحة فكرة انها تنحط للخادمة !
    فيه احد ابدًا ما يهمه الشي الي مو له ولايعتني فيه ويراعيه باخلاص ،
    خوذي مثال اختي بالثانوي
    تعبت افهمها ماينفع الخشب والمعدن يدخلون
    واذا صار دورها تدخله ولا كأن احد كلمها اهم شي تخلص 🙂
    ..
    وصراحة احس كل ما صغرت العائلة كل ما استفادت صاحبة المطبخ من الغسالة اكثر
    …..
    ملاحظة*
    اروى انت تنحبّين =)

    • يقول أروى العمراني:

      ياحلوك الله يحبك ويسعدك .. ممكن تنحط للخادمه ويتم الاستغناء عن الاغراض اللي ماتقبل الدخول بالغساله او تحديد ادوات تستخدمها الخادمه غير عن ادواتكم .. عاد انا مدري ماسبق جربت اتعامل مع الخدم .. اتمنى لك نهار جميل يارب

  96. يقول بدرية:

    ضحكت لمّا شفتك كاتبة بالانستقرام انّ مدري شسالفه كل الناس تسأل عن الغسالة بالضبط الوضع حايس مع رمضان ?
    شغالتنا مسافره واليوم اختي تقول ابي ازيَن غسالة مواعين وجاء موضوعك بوقته شامل جداً، شكراً ??
    صح عندي معلومة عندنا بالجبيل الصناعية بناء بيوت الهيئة الملكية والشركات يسلمونك البيت فيه غسالة مواعين لازم بس للاسف ماكنا نستخدمها ابداً وصارت مشاكل بالتصريف وشلناها.

  97. يقول وعد:

    السلام عليكم , اروى اشكرك على هذا الموضوع و كالعادة انتي مبدعة دائما وابدا ().
    اما عن غسالة المواعين فانا اراها من اولويات المطبخ و اهميتها كاهمية الفرن , اول ما تزوجت كانت موجودة وكنت حريصة على وجودها و بعد استخدامها بفترة احببتها , نصحت امي باستخدمها و من بعدها استخدمتها وارتاحت كثيراً , قبل فترة تعطل زر التشغيل ( power button ) , جن جنوني ما قدرت اقرب للمطبخ حتى زوجي توتر وضاق صدره معي , واتصلنا على الشركة احس دبت الحياة في جسدي من جديد , انا غسالتي من شركة ELBA الايطالية ممتازة جدا , ومرتاحه معها () ولله الحمد ..

  98. يقول ندى:

    أروى أنا كنت ناويه اشتريها بس قريت موضوع في جريدة الرياض بعنوان ( غسالة الصحون سبب لكثير من الأمراض ) وأنو في دارسه عنها وكذا وبعدها غضيت الطرف عنها صراحه
    وش رايك في هالدراسه

  99. يقول آلاء:

    سلام عليكم
    أهلاً أروى

    من جمال الصدف أو من توفيق الله انه غسالتي نفس غسالتك أقصد نقس الشركة ونفس اللون
    وقدوري الملونة نفس قدورك

    الشيء اللي فاجأني اني لاحظت انه أطراف القدور بدا يروح اللون لما أحطهم بالغسالة، فخفت عليها وصرت ما أحطهم للأسف واغسلها بيدي، حاولت أجرب أغير نوع الصابون وأغير درجة الغسيل، لكن ماجربت كثير خفت اللون يتقشر أكثر وأكثر مع التجارب، فما أدري اذا سبق عانيتِ من نفس المشكلة؟ أو لو عندك خلفية ممكن تفيديني؟ أو انه هالقدور ما تتحمل الا درجة معينة ما أدري، حبيت أسأل قبل تتقشر ألوان قدوري من التجارب ?

  100. الله يسعدك على هالتدوينه من زمان افكر فيها واهون عنها متخوفه اني اجيبها ومااستفيد منها لكن بعد تدوبنتك تشجعت
    سؤالي هل تخدش الملاعق الحديد يعني تسوي فيها خطوط وكرمشه يعني
    والذهبات جربتيها فيها لان اغلب مواعين الضيوف عندي فيها ذهبيات
    سؤالي الثانيأنا ماابغى الغي المغسله العاديه كيف تصرفتي في موضوع الماء ؟؟؟
    يعني لو سلكت لغسالك المواعين حيكون ماعندي ماء في الغساله العاديه ان شاء الله فهمتي قصدي
    وسامحيني على الاطاله

  101. يقول Maimonh:

    أنا عندي غسالة اريستون ماشاء الله كبيرة وتاخذ كل شي بس ما قد جربت احط فيها اواني ستيل او استناليس ستيل حتى القدور اللي معدن (قدر ابو عراوي لى قولة اهلي ) ..؟
    فحبيت أسأل ينفع احط هاذي الأشياء بالغسالة؟
    ^
    ^
    احس اللي يقرا يقول وش تحطين اجل ..

  102. يقول ابتهال القحطاني:

    الله يسعدك سعادة الدارين يارب و يكتب اجرك فعلا الموضوع جاء بوقته لاني احوس و ادور ابي اشتري غساله للمواعين .

    دمتي بكل ود ..

  103. يقول Ashwag:

    انا احط الملاعق الخشبيه ولا جاها شي الحمد لله اضافه بسيطه قبل التشغيل اضيفي نص غطاء الديتول ورشيه جوا الغساله تضيف ريحه حلوه عالصحون

  104. يقول زهراء:

    موضوع اكثر من رائع اروى
    بس حبيت اسأل بالنسبة لصابون الغسل هل الصابون لازم يكون مخصص لغسالة الاواني او ان اي نوع من صابون غسل الاواني ممكن استخدمه

  105. يقول walaa:

    شكرا اختي علی هالموضوع المفيد

    بس سؤال شنو حجم غسالتك و جم رقم الموديل ؟

  106. يقول ياسمين:

    الله يسعدك اروى ؛ دخلت مخصوص عشان الغسالة ؛ عندي غسالتين من ويرلبول واريستون وشغالة كويس معي لكن المشكلة فيها إلتماس ؛ غسالة اريستون إلتماس اذا كان فيه بقايا موية او نقط يعني شيء خفيف اما ويرلبول إلتماس دائما سواء فيه موسة او لا واضطر افصلها قبل ما استخدمها ؛ وش الحل ؟

  107. يقول مي:

    اروى الله يسعدك اذا عندك خبره انا عندي غسالة والامور تماام لين صارت تطفي بنص الغسله وتطلع A10 او A8!! والمويه مفتوحه وكلشي تمام بس ماعرفت شفيها ?

  108. يقول ام جنى:

    شكرا لك ع الموضوع جدا مفيد .. سؤالي كم مدة الغسلة الكاملة الطبيعية للصحون .. كم تاخذ قت ؟

  109. يقول فاطمة:

    اروى شو رايج؟ اذا انا بستخدم الصحون والقدور اكثر من مرة فاليوم فلازم اغسلها فالغسالة اكثر من مرة.. معناته استهلاك ماء وكهربا اكثر .. او يكون عندي صحون وقدور وادوات اكثر .. صح ولا ؟!

  110. يقول نجلاء:

    جالسه ابحث عن الغسالة موضوعك حمسني زيادة شكرا يا عسل بس محتارة ااشتري اريستون ولا من شركة بول؟
    أيهم أفضل؟؟؟؟؟؟؟؟؟؟؟؟؟

  111. يقول ضحئ:

    الله يجزاك خير ❤️أحبك في الله❤️

  112. يقول المها:

    يعطيك ألف عافيه أختي أروى والله ماقصرتي أفدتينا كثييير كثييير حبي وامتناني لك..

  113. يقول عائشة الحمادي:

    الصراحه بعد قرائتي للتدوينه قررت اشتري الغساله .. مدري كيف كنت عايشة بدونها .. خف علي الشغل و ما اشيل هم المواعين

  114. يقول هديل:

    جزاك الله خير أروى ? ويرضى عليك دنيا وآخره ويسهل لك طريق الجنة يارب ??

  115. يقول Jood aqeel:

    ممكن سؤال بخصوص الغساله
    انا غسالتي فيها نظام التجفيف
    بس ماتجفف تطلع لي مبلله بس مو كثير

    قلتي في بعض الردود انو لازم نفعل نظام التجفيف كيف افعله

  116. يقول اي هيرب:

    موضوع به كل شيء بالتفصيل ومشروح بأسلوب راقي جدا.. اشكرك على مجهودك الكبير وعلى الإفادة التي قدمتنا لنا

  117. يقول أسماء:

    تقرير جميل وشامل وحبيت اضيف نقطه ان الغساله لها منظف خاص فيها يستخدم كل شهر مره اسمه منظف غسالة الصحون يرجعها جديده ورائحتها منعشه ماشفت الا شركة ڤانش اللي انتجته ممكن عندكم اكثر من شركه منتجه له شي جميل ورائع (أحب أقلك انو تقريبا اربع او ثلاث صديقات اقنعتهم يشترون الغساله واشتروها )

  118. يقول Orchid:

    لو سمحتي اروى افيديني او اي وحده من الاخوات ولكم الشكر. (( هل قدر الضغط يدخل غسالة المواعين عادي او لأ ؟؟ ?

  119. يقول S:

    سلام

    احد لقى الغساله الصغيرة بالسعودية ؟ ووين ؟ لاني جربت امازون البريطاني والالماني والايطالي ماتوصل

  120. يقول Koki:

    استفدت جدددا .. وشجعتيني اكثر
    شكرا من القلب

  121. يقول ام أسامه:

    الله يرزقني واشتريها هي وغساله الملابس والمجفف اعيش معااناه

  122. يقول احمد الحبي:

    يعطيك العافية انا جدا اعجبني طريقة طرحك للموضوع وترتيبك للافكار وصياغتك للتقرير ابدعتي صراحة

  123. يقول ريم:

    اروى اكتشفت اني احط الدش ووشر كلينر في الفتحه الخاصه لسائل وقت غسيل المواعين طبعا غير الصابون وش الحل
    الفتحه الخاصه لسائل وقت غسيل المواعين وش ينحط بها?

  124. يقول ام رنووودي:

    يعطيك العافيه اروى عندي نفس غسالتك (ويرلبول) وتمام التمام استخدمت مسحوق ومكعبات فانِش المكعبات افضل بكثيييير لكن صار عندي بالفتره الاخيره مشكلة ماتستهلك الصابون احياناً كثيره
    رغم ان كل شي يطلع نظيييف وصار نادراً ماتخلص المكعب في الدوره الواحده (وللمعلومه عمر الغساله عندي سنتين ونصف )
    ياليت اذا عندك خلفيه عن المشكله تفيدني ولك جزيييل الشكر ?

  125. يقول Shosho:

    انا عندي نفس نوعيه غسالتك بس تطلع الاكواب الزجاجيه باهته او مشهبه مع اني احط الملمع

  126. يقول رنا العيسى:

    السلام عليكم ، اختي اروى انا غسالتي ويرلبول أول مااشتريتها كانت تغسل بموية ساخنة وتطلع الأواني نظيفة وجافة لما افتح الباب يخرج بخار من حرارة الماء لكن بعد فترة صارت ماتغسل بماء ساخن وبكذا ماتنظف الأواني عندك معرفة عن السبب?؟

  127. يقول Haifaa:

    الله يسعدك ماقصرتي
    كفيتي ووفيتي
    ماشالله عليك مبدعه في كل شي
    الله يباركلك يارب
    ويحقق لك كل امنياتك
    حبيبتي ياليت كمان لو تسويلنا تدوينة عن غسالة الملابس الاتوماتيك والمجفف كمان واش تنصحين غساله مع مجفف ولا مجفف منفصل
    ناوية عليهم كلهم ان شالله…
    شكرا ياملهمة?

  128. يقول Grdenia podcast:

    قررت اشتري غسالة صحون

  129. يقول نورة:

    جزاك الله خير
    جهد يذكر فيشكر??

  130. يقول إقبال:

    روعة معلومات جدا جدا قيمة مشكوووره يا أروى… أنا شخصيا اعشق غسالة الصحون وأعتبرها صديقتي. أنا أصلا ما عندى شغاله، فكل أفراد البيت متعلمين كل واحد يأكل يحط صحونة اللي إستخدمها وآخر واحد بالليل يفتحها،، والحياة حلوة وبسيطة الحمد الله.

  131. يقول ام الياس:

    جزاك الله خير عالمعلومات القيمة صراحه عطيتيني المفيد واقنعتيني

  132. يقول ملاك:

    الله يسعدك ع ذا المدونه الجميله ❤️❤️❤️ انا غسالتي من LG و كانت تمام كم شهر اول ماجبتها بس بعدها صارت ماتنظف والاشياء القزاز يكون فيها صابون لسا و الاكل ماطلع منها مررررره تعبتني اتصلت ع الشركه واخذوها اكثر من ثلاث مرات ونفس الشي ياليت اللي عندها خبره تقول لي ايش المشكله ? مع العلم انه اغير الملح والصابون مااخذ الا فنش و كمان اتسعمل سائل فنش يعني كل شي تمام ! والمويا كمان كويسه مو مالحه !

  133. يقول نجمة الزهراني:

    مرحباً أروى
    شكراً على هذه المعلومات الرائعه لما نقلت لشقتي الجديده كان اهم شيء عندي غسالة المواعين بس الله يسامح اللي فصل لنا دولاب المطبخ اقنع زوجي انها مالها فائده وراح تاخذ مكان بالمطبخ خاصه ان المطبخ صغير ورغم ان مسوين لها تسبيك بعد ماقرأت مدونتك رجعت الفكره برأسي وبإذن الله اشتريها والغي بعض الادراج بس عندي مشكله ان ماعندي سخان بالمطبخ مادري شكل العمال لغوه لما رممنا الشقه لان انا عايشه بجده ومايحتاج سخانه ☹️️فسؤالي هل الغساله تسخن الماء والا لازم وجود سخان للماء بالمطبخ
    شكرا ًلك من كل قلبي واتمنى لك ايامً جميله ملونه??

  134. يقول منال الجابر ?:

    وأنا أزيد أجمل هدية ممكن تهدى للعروسين هي غسالة المواعين ?
    والحين صار فيه عرض كبير ومتنوع بالسوق وخيارات ممتازة في الأسعار توصل لأقل من ألف ريال.

    بس بالنسبة للحجم! حتى لو كنتوا عائلة صغيرة لا تشترون الحجم الصغير لأن أنتم عائلة صغيرة حالياً فقط والمفترض أن الغسالة بتعيش معكم طويل بإذن الله ، وثانياً وقت العزيمة أو اذا سويتي أكثر من طبق في اليوم بالراحة تتعبى الغسالة ، فالحجم الكبير أفضل بالنسبة لي ??

    وبالنسبة للي ماعندهم مكان
    لو يشيلون الدولاب اللي تحت المجلى ويحطونها فيه ، أو أقرب فراغ ومكان فاضي من المجلى حطيها والسباك يمد من تحت من جوا الدواليب تصريف ??

    والحمد لله على هالنعمة وهالتساهيل ?
    شكراً أروى للتدوينة القيّمة ?

  135. يقول منال الجابر ?:

    وصح بالنسبة للترامس
    أصلاً هي أمرها سهل ماتتعب بالتنظيف لكن لو حبيت تدخلينها بالغسالة فكيها ، يعني فكي الغلاف البلاستيكي والربل اللي فوق والقاعدة البلاستيكية الدائرية ويطلع لك جوا الترمس الستيل ، هو اللي تدخلينه الغسالة وتشيل لك الريحة والتصبغات ?? حتى تقدرين تستعملين ترمس الشاي للقهوة والعكس لأن الريحة راحت ، لكن لو كانت تجربتك الأولى لوضع الترامس بالغسالة يمكن تحتاجين كم مرة غسيل عشان يتنظف زين عقب مرات ومرات من تنقع المشروبات فيه وبس ?

  136. يقول منال الجابر ?:

    تذكرت آخر إضافة ✋??
    واضح أني أعشق شيء اسمه غسّالة مواعين ?

    وحدة قالت لي من تجربتها ان صابون غسالة المواعين السايل مايخرب القدور المعدن ولا ملاعق الخشب ولا مواعين التقديم المذهبة والمزخرفة!

    مابعد جربت لكن بجرب إن شاء الله ??

  137. يقول روان:

    جزاك الله خيراً ي أروى باذن الله باشتريها ????

  138. يقول مطبخ جوليا العرب:

    في الحقيقة التدوينة شجعتني جدا لشراء غسالة أطباق وانا كنت من اشد المعادين لها.. السبب ان والدة زوجي لديها واحدة لابد ان تشطف الاطباق قبل وضعها بها.. هي موديل قديم نوعا ما.. وإذا لم تشطف جيدا يمك أن يخرج الطبق يلمع لكن مثلا به بواقي صلصة ملتصقة بالطبق جزء صغدغير لكن بالنسبة لي غير مقبول.. سؤالي إذا الأطباق بها بواقي صوص او صلصة ومن وقت العصر مثلا وانتظرت لحين نهاية اليوم لاضع اطباق العشاء.. تصبح اطباق الغداء قد التصق بها كل شوائب الوصو وما شابه.. هل يتم غسلها جيدا دون حاجة لمسحها قبل وضعها بالغسالة؟؟؟

  139. يقول جواهر:

    اروى الله يسعدك اشرحي لنا بالتفصيل عن غسالتك وكيف طريقتها واسمها وكل شي ابغى اشتري وحده ومحتاره بين ال جي و ويرلبول والتدوييينه جدا ممتازه ربي يعطيك الصحه والعااااافيه ❤️❤️❤️❤️

  140. يقول وهاد:

    اروى انا احبك هذا اولاً ☹️❤️ ثانياً غسالتي زيك ويرلبول وصحوني تخرج مو نظيفه ومبقعه مع انه فيه ملح وفيه ملمع وريحتها خياس لازم اغسلها كل يوم بديتول والسله الي تجي فيها بقايا اكل اشوفها وانظفها بس مافيها شي ايش اسوي ??? جاوبي سناب عادي

  141. يقول Thekra Al qasem:

    انا اخذت غسالة بوش ٦برامج ولاكن تخيلو تضرب ماس من الباب حقها وكل مرا منا عارفه اش المشكله لان التسليك تمام ومافي شيء من ناحيه الأسلاك او الكهرباء منازله اش اعمل احد سارلها كدا ؟

  142. يقول Nadosh:

    وفيتي وكفيتي ماشاءالله تبارك الله اسلوبك في التدوين راااائع شامل وممتع في نفس الوقت الله يكتب أجرك جد استفدت ❤️

  143. يقول هيا الله يسعدها:

    الله يسعد أيامك كنت ناوية اريستون على كلام اختي واتذكر اختي تغسل بيدها كلش وما تستخدمها شفت موضوعك وجزمت وحدة من الثنين Lg/Eg الله يسعدك ويجزاك عني كل خير

  144. يقول لطيفة ابراهيم:

    ماشاء الله اروى انسانه انيقة ومرتبه وذوووق في كل شي ماشاء الله تبارك الله
    حبيبتي اروى وش رايك بغسالة البا فصلت دولاب مطبخ وعندهم بنفس المحل غسالة البا ايطالي بس ما عندي فكرة ابدا عن الغسالات هذي اول مرة ابركبها في المطبخ ياليت اذا فيه نوع تنصحيني فيه اكون شاكرة لك

  145. يقول ام ضيووونة:

    ماشاء الله انت يا اروى انسانه رايقة وراقية وذووق وانيقة بسم الله عليك وموضوعك عن الغسالة جدا رائع ومهم لذلك حبيت اسألك عن افضل نوعية في غسالات الاواني لاني افصل الحين مطبخ جديد وبركب فيه غسالة ولا عندي اي معلومة عنها وصاحب محل المطبخ يقول عنده ماركة البا صيني تجميع ونوع ثاني ايطالي كامل وهذي الماركة ابدا مالقيتها في السوق واخاف اتورط ..
    والامر الثاني شوايتك ماشاء الله شكلها ممتازة بس صعب علي اوفرها من امازون اذا فيه طريقة تقدرين تساعدينا بتوصيلها مثل الفواحة وصلها لي المندوب لباب البيت او اذا هي موجودة في السعودية تدليني على المحل الي يوفرها بنفس الجودة الايطالية

  146. يقول هنو:

    شكرا عالموضوع الجميل،، غسالتي لها ٦ شهور وكانت رائعة جدا لكن من شهر تقريبا اصبحت الاكواب الزجاجية تخرج غير نظيفة وغير ملمعة بينما الاطباق نظيفة ولا اعرف ما المشكلة!! قمت بتنظيف الجلاية باستخدام منظف فينيش ولم يتغير الوضع مع العلم اني لم اغير مسحوق الغسيل فما السبب ا؟اذا ممكن تفيديني لو سمحت

  147. يقول Hibaahmed:

    السلام عليكم عندي سؤال عندي مشكلة بغسالت الصحون انو نظامها خربان كيف بعمل رستارت للنظام للعلم غسالتي نفس الغسالة بلصورة دي الي موحودة فوق نوع spt

  148. يقول نوره:

    السلام عليكم
    يعطيك العافية أروى على الموضوع المفيد ?
    عندي استفسار وأتمنى أحد يساعدني وين ممكن أحصل الغسالة اللي تكون countertop في الرياض ؟ بحثت في اكسترا ماحصلت الا الاحجام الكبيره اللي تحتاج تمديدات 🙁

  149. يقول مشاعل:

    الله يسعد صاحبة الحساب .. وبعد اذنها ياليت اللي يعرف فين تنباع الغساله الصغيره تبع الصحون في جدة تعبت وانا ادور ومالقيت احتاجها مرا .. افيدوني الله يسعدكم

    • يقول Dalal:

      لقيتها بسوق الصواريخ بس ناسية اسم المحل، هناك مليان محلات أجهزة بس الغسالة الصغيرة لقيتها بمحل واحد بس وشركتها صينية، إذا رحتي هناك ابحثي عن جهة محلات الأجهزة وراح تلقينها ان شاءالله

  150. يقول تقى:

    مساء الخير لاروى ومتابعاتها الجميلات ✋? شكرررا من القلب لوقتك الثمين وجمال طرحك! سؤالي للجميله اللي ذكرت ان فيه نوع من الغسالات فيها امكانيه لوضع الصحون وفيها بقايا طعام ، ف ابغى اعرف ايش ماركتها؟؟

  151. يقول غاده:

    ذُكر الي ان نفس نوع غسالتك تخدش البيالات و تسود الملاعق
    و هل صحيح ان فينيش مضر للصحة ؟
    وهل تعرفين نوع اخر من الصابون

  152. يقول Ghadah:

    ذُكر الي ان نفس نوع غسالتك تخدش البيالات و تسود الملاعق
    و هل صحيح ان فينيش مضر للصحة ؟
    وهل تعرفين نوع اخر من الصابون

  153. يقول Rowida:

    بعد موضوعك حبيت شيء اسمو غسالة صحون

  154. يقول روان:

    شكراً من القلب يا جميله?جدا استفدت و ساعدتني أقرر و اشتريت الغساله الحمدلله ( ويرلبول) ، سؤالي بعد إذنك /: هل صحيح ان تيار الكهربا المنبعث من الغساله قوي لدرجة انو من الخطر استخدامها و اليد مبلوله مثلا ؟

  155. يقول ام وليد:

    انا محتارة بين غسالة وايت وستنج هاوس من عبداللطيف جميل
    واريستون وسامسونج من إكسترا
    اي منهم تايدين

  156. يقول Ghadeer ali:

    شكراًعلى الموضوع انا أصلاً عندي غساله اواني بس فيها ريحه موحلوه للاسف محد فادني شكراً من القلب على المعلومات القيمه???

  157. يقول NONA:

    يومك جميل انتي والمتابعين،،
    حبيت استفسر لو عندك خبره او اي وحده عن غسالة الصحون من شركة HAAM
    هل هي جيده وايش مميزاتها وايش عيوبها ؟ وشكرا مقدما

  158. يقول shiningdawn1991:

    السلام عليكم
    شكرا حبيبتي أروى على الموضوع القيم
    انا اشتريت غسالة ماركة بوش والحمدلله مبسوطة عليها ومرة مريحتني خصوصا اني طالبة وعملية غسل الصحون تاخذ وقت وجهد كبير..
    المهم
    سؤالي أن الغسالة من أول ما اشتريتها إلى الآن تقريبا من 6 أشهر .. مافي ولا مرة شغلتها وجففت الصحون دائما تكون مبلولة الماء يقطر منها.
    يعني بعد كل غسلة لازم افتح باب الغسالة عشان تجف الصحون على الهواء الطلق ما أدري ايش السبب
    علما بأني غالبا استخدم البرنامج التلقائي أو برنامج القدور .. أرجوا أن تفيدني وجزاكم الله خيرا

  159. يقول ساث القحطاني:

    شكراً من القلب على مجهودك اروى..
    غسالة المواعين شريتها من سنه لكن ما ركبناها الا قبل كم يووم بعد جهد جهيد اطلب اخواني يسبكون لها وكذا .. اول غسله احطها فيها اليوم بعد ماقريت تدوينتك الي مراحمستني وشجعتني لها.. شكرا ياخي 3>

  160. يقول ولاء:

    فعلا ارتحت واصبح الطبخ اكثر متعه

  161. يقول امون:

    انا عندي LG جدا جميله ومريحتني الحمدلله اجمل شي في الحياه هالاختراع عساني ماانحرم منها حبيبتي?
    وشكرا اروى على مدوناتك الأكثر من رائعه

  162. يقول ندى الورد:

    تسلم اناملك شرح واضح ووافي تسلمي

  163. يقول Amjad Alghamdi:

    موضوع شامل وجميل عندي ارستون وجدا جميله ومريحه كنت اقعد في المطبخ اقل شي نص ساعه بعد الوجبه الحين بالكثير عشر دقايق راحه وفرت لي وقت كثير

  164. يقول Ahlam:

    أروى حبيبتي اثناء الطبخ وش نوع الملاعق اللي تستخدميها لاني استخدم خشب وابي بديل لها يدخل بالغسالة واللي يعافيك ردي?

  165. يقول Walaa:

    انا من ٣ سنين وانا مقتنعه تماماً وبحثت وأخترت بس المشكلة زوجي رافض تماماً الله يهديه ..الان بشوفها بكل البيوت إلا بيتي ???

  166. يقول سارة:

    الله يجعل ماتقدمين في ميزان حسناتك
    جزاك الله خير
    موضوع مفيد

  167. يقول نوره:

    مساء الخير اروى
    اتمنى تكوني بخير ،
    بطلب الغساله دور واحد نفس زميلتك ما لقيتها بالسعوديه
    عندك فكره عن لو اطلبها من الامازون الامريكي خطها وش يكون ?

  168. يقول شوش:

    انا مويتي مالحه اللي يقولون انها تخرب الغساله هل صحيح الكلام هذا

  169. يقول جمان:

    هل الصحون البورسلان تنفع نغسلها بغسالة المواعين؟
    وش أفضل يكون في الغسالة بخار أو بدون بخار؟

  170. يقول أسمى:

    يعطيك العافية على الموضوع المفيد
    بعد قرائتي لموضوعك واستشارة الأقارب الي عندهم غسالة مواعين قررت أشتري وحدة وأخذت نفس ماركتك Whirlpool بعشرة برامج وفيها الحاسة السادسة.

    لكن واجهتني مشكلة هي أن بعد ما تخلص الدورة وتنتهي الغسالة أفتحها ألقى المواعين مبلولة خاصة فوق الكاسات المقلوبة في موية متجمع
    حاولت أقرأ كثير بس ما لقيت حل، وقريت الكاتالوج الي معها لو فيه خيار تجفيف أو أقدر أتحكم بدرجة التجفيف بس ما لقيت شي !
    صرت أفتح الغسالة بعد ما تخلص لمدة ساعة إلى ساعة ونص تقريباً وأخلي المواعين تجف، بس بعدها يترك أثر على بعض المواعين (أثر قطرات الموية بعد ما تجف)

    الصراحة محد قالي أبد عن هذي المشكلة قبل لا أشتريها، وبعد ما سألت الي استشرتهم قالو حنا بعد نتركها مفتوحة عشان تجف
    والغسالة مو رخيصة حول ٣٠٠٠ ريال أنقهرت صراحة لأنها مو الشي الي توقعته يعني صدق ساعدتني كثيير بغسل المواعين وتوفير الوقت والجهد بس انقهرت من هذي النقطة اضطر بعض المرات أجفف أنا المواعين لأني أحتاجها على الفطور أو غيره.

    هل فيه أحد واجه نفس المشكلة ؟ وعنده حل ؟

  171. يقول فوفو:

    يا قمرات
    انا غسالتي ويربول تغسل وكل شي وفيها 8 انضمه بس ماني عارفه ليش تطلع الاواني مبلله مو جافه?

  172. يقول مريم:

    المنطقة اللي اسكن فيها الماء جدًا جدًا مااااالح ، دائمًا ادوات الحمامات أكركم الله تخرب من شدة الملوحة، لذلك انا متردده في شرائها أخاف تخرب الغسالة لهذا السبب، اللي عنده علم هل ملوحة الماء تأثر على استعمال الغساله أو لا يفيدني مشكورين

  173. يقول وجدان:

    كم تستغرق من الوقت للانتهاء من التنظيف؟

  174. يقول فاطمة:

    السلام عليكم
    تقرير أكثر من رائع يعطيك العافية
    انا عندي ببيتي نفس شركة غسالتك بس لسى ماسكنت واستخدمتها.
    عندي سؤالين
    الأول: هل تنصحيني اعقمها قبل ابدأ الاستخدام ؟
    الثاني: اذا كنت بسافر فترة كيف مفروض اترك غسالتي؟ يعني لو كان فيها ملح وملمع عادي والا لازم افرغها؟
    ..
    شكراً

  175. يقول ام الجوري:

    جزاك الله الف خيير استفدت كثير كان شرحك كافي ومقنع

  176. يقول Fatima:

    يعطيج الف عافيه
    كنت صدق محتاجه هالموضوع

  177. يقول ميمي:

    نسيت ادعي لك انتي قلتوا ادعوا لي ? الله يوفقك يا اروى القلب ???

  178. يقول سميه البقور:

    معلش الي عنده فكره يجاوبني
    جلايتي شارب اليوم طلعلي الرمزH24 شومعناتو

  179. يقول لولو:

    غسالة صحون شارب وبيكو واريستون ايهم افضل لو سمحتم فيدوني

  180. يقول Raig73:

    أروى بصراحة لها مجهود غير طبيعي بالتوعية والفن مانعرف كيف نجازيها عن خدمتها لنا سواء بتقاريرها المميزة أو فنونها وانتقاءياتها

    كل الشكر أروى

  181. يقول الجوهرة:

    كم برنامج غسالتك

  182. يقول Sereen:

    ينفع ادخل فيها قدور التيفال وقدر الضغط تيفال بعد ينع ادخلهم او لا

  183. يقول ريم:

    مبدعه دايما الله يبارك لك بوقتك وعلمك وحياتك

  184. يقول فاطمه القحطاني:

    شكرا لك اروى
    انا معجبه بك
    الله يسعدك وين ما رحتي
    ويجعل ماتقومين به في ميزان حسناتك

  185. يقول نوره:

    انا جربت غساله ارستون صراااحه راااحه راااحه يعني تخلصين من شي حطيه فيها ونهايه اليوم شغليها وبس

  186. يقول خديجة:

    السلام عليكم ، حبيت اسألكم ي بنات انا في الدمام والمويه مالحه جداً !!! وودي اخذ غساله لكن خايفه تبهت بعد الغسيل وتصير فيها بقع بيضاء …

    خبروني ايش افضل نوع استخدمه في المنطقه الشرقيه وكم سعرها ؟؟؟
    شاكرة لكم??

  187. يقول هيلة?:

    افدتي ماما كثييير?

  188. يقول ريم:

    السلام عليكم ، اروى هل مكان الملح يكون فيه دايم ماء؟ ولا ؟

  189. يقول Sarah:

    شكررراً من القلب أروى ?❤️❤️❤️❤️❤️

  190. يقول مرام:

    السلام عليكم ، يعطيك العافيه اروى
    انا مُخيره بين غسالتين اوتوماتيك (مواعين – ملابس) وش الأهم برأيك ؟

  191. يقول Yossraduman:

    طيب ممكن اتفسار انا الملح مو راضي يروح حطيتوا مره ودحين تقريبا سادس مره اشغل الغساله والاقي مو جود عادي ولا في مشكله واتبعت التعليمات مره كويس

  192. يقول حرم ال مازن:

    موضوع جميل وشيق ???

  193. يقول منيرة:

    طيب تستهلك كهرب كثير ؟؟
    لانو ابوي مو مقتنع فيها من ناحية انها تصرف كهرب كثير

  194. يقول فاطمه الفايز:

    اجل انسانه ?

  195. يقول فاطمه الفايز:

    اروى كيف بيكون التصريف للغساله اللي مدحتها صديقتك لمى ؟؟

  196. يقول Ezz deen:

    غسالتي اوسكر تشتغل عادي وفجاه تعطي f9وتقفل ماهو السبب ارير حلا لوسمحت

  197. يقول سها:

    شكرررررررررا جزيلا..

  198. يقول تهاني:

    السلام عليكم
    انا ودي اشتري غساله صحون صغيره وابي محل معتمد وتكون رخيصه اتمنى تعطوني اسماء محلات

  199. يقول Kowthar:

    مساء الخير اروى
    انا خذت غسالة ويرلبول نفس ماركة حقتك
    هل يمكن استخدم قدور جرانيت وسراميك

    وابي اعرف طريقة تشغيلها وتحديد البرنامج

  200. يقول عيوش:

    الحمدلله اتبعت نصيحتك واشتريت غسالة الصحون ويربول آخر موديل ب١٠ برامج
    بس في مشكلة بتواجهني انو ما تخرج الأشياء نااااااشفة تماما انو مباشرة أقدر أدخلها
    لا
    تكون رطبة تحتاج أفتح الغسالة وأخليها تنشف تماما عشان أقدر أدخلها

    يارب ألاقي حل عندك

  201. يقول Sara:

    ما شاء الله تبارك الله
    الله يسعدك يا رب جاوبتي عن كل اللي في بالي واسلوبك جداً رائع وبسيط..

  202. يقول srraa:

    الله يسعدك يا سمية بنتي / السؤال كيف استهلاكها في الماء والكهرباء ؟ و على فكرة تاخط صغير وفوق صغره اللون باهت

  203. يقول ربى:

    مرحبا ..فيه أحد منكم جرب غسالة الصحون من سامسونج؟

  204. يقول تهاني:

    اتفق معك الغسااااله اريح شي واساسيه صارت
    بس انا عندي مشكله من فتره صارت غسالتي ماتنظف المواعين ابداً *غسالتي LG*مع ان ملحها كامل واستخدم ملمع فنش وصابون مكعبات فنش ونظيفه من داخل وجبتلها فني من نفس الشركه قال مافيها شي بس للان ماتنظف ابي حل لها ؟😭💔

  205. يقول هند:

    شكراً أروى ساعدتني المدونة كثيراً 3>

  206. يقول ساره:

    مشكوره على جهودك اخت اروى وانا انسانه احبك كثير ووجودك في حياتي غيرني للافضل اتمنى لك كل السعاده

  207. يقول هبة:

    شنو يعني خط ١١٠ ؟ و خط ٢٢٠ ؟ ما فهمت يا ليت احد يفهمني

  208. يقول ام فوفو:

    ممطيب ايش علاج التماس الغسالة

  209. يقول ام فوفو:

    ماسبب التماس الغساله

  210. يقول Lama:

    عزيزتي اروى انا من متابعاتك ما ادري يلحق تشوفين سؤالي قبل ما اشتري الجلاي نحن هيك منسميها بالسوري. المهم البائع حيرني و طلعت من غير ما اشتري. قال حامل مكعب الفينيش لازم يكون حديدي ومش بلاستيكي و احترت. و بنفس الوقت ما بدّي اشتري جلاي غاليه الاختيارات كانت بين بوش و ميديا و ممكن سيمينس. و قال أفضل وحده الي تستهلك من ست لتر ماء و اقل. و تحياتي لك. و لمتابعاتك

  211. يقول هيفاء:

    كم برنامج فيها الله يسعدك ؟

  212. يقول nour:

    والله انا تحمست اشتريها بس للاسف سمعة عنها اشاعات وبعد هالشي بشتريها فعلا

  213. يقول توتو:

    لي فترة بفكر في اني اشتري غسالة اطباق والان مع رمضان خلاص الوضع اصبح فظيع..اتوقع ح تفيدني خصوصا مع الدوام بيكون حلو لو ارتاح من شي اسمه غسل المواعين…
    عايزة رايكم ايش احسن شركة وهل الموية المالحة من الحنفية ممكن تخرب الغسالة؟؟

  214. يقول Shyoo5:

    السلام عليكم كيفك اروى
    الله يسعدك دائماا 💕

    حبيت اسألك اذا عندك خلفيه عن الانواع الثانيه من غسالات الصحون مثل بيكو و هوفر هل هي جيده لان اسعارها مناسبه
    وشكرا 💗

  215. يقول حورية:

    حل امثل وأنظف للصحون ومختصرة للوقت ورائعة👌🏻🧚🏻‍♀️

  216. يقول تقوى الغانم:

    وين نلقى في السعوديه هالمقاس الصغير انا اشوف مقاس كبير ؟

  217. يقول Nora:

    ماشاءالله موضوع كلمل وجميل ♥️
    عندي سؤال انا المنطقه اللي ساكنه فيها مويتها مالحه ينفع اشغل غسالتي ولا هتخرب مع الملح ؟؟

  218. يقول مشاعل:

    السلام عليكم لو سمحتي اروى كم نظام موجود بغسالاتك ، لاني تصفحت كثير انواع فيه شي ٨ و ١١ ومدري وش المقصود بالانظمة ياليت تفيدينا

  219. يقول نادية:

    مااستغنى عنها قبل انها تنظف وكل شيء ماننسى التعقيم،بالنسبة للنوع الي انا جربته هو LG و BOSCH وأفضل النوع الثاني. أتمنى من كل قلبي ان تتوفر غسالة في كل بيت

  220. يقول Kholod:

    الله يسعدكم
    الا يعرف يرد عليه وأكون شاكرة لكم
    هب نسبة التنشيف في كل غسالات الغسيل وحدة
    لان اصحاب المحلات بعض الغسلات تطلع الصحون ناشفة ١٠٠٪؜
    والبعض خاصية التنشيف (التجفيف) مافيها

    وشو رأيكم بغسالات الصحون من جنيرال

  221. يقول Nnona11:

    عندي مشكله ف الغساله مكان المخصص ل الملح يكون مليان ماء حتى بعد انتهاء الغسيل مايفضى

  222. يقول نوال:

    والله اقنعتيني اجيبها فعلا كان عندي اعتقاد انها ممكن ماتنظف زين بس اثق باختيارك 🌹 ان شاء الله بتكون من مهام هذا الشهر 👍🏻

  223. يقول شروق:

    الله يسعدك اروى والله مدونتي كنز

  224. يقول Zenab khair:

    الله يجزاك خير حبيبتي …..لو سمحتي انا غسالتي اول ما اشغله تعطي صوت انذارF3 ايش يعني? كل شي فيها صابون وملح

  225. يقول ديمه:

    مرحبا..شكرا عالموضوع الجميل..انا عندي خدامه والان راح انتقل ان شاءالله لبيتي ٣ ادوار ووحابه اجيب الغساله لكن زوجي غير مقتنع بوجودها مع وجود الخدامه والسبب: كثرة اعطالها وغلاء صابونها و استهلاكها في الماء! هل فعلا غير ضرورية ومتعبه مع الخدامات خصوصا ان سوء استخدامهم للاجهزه سبق خرب لي اشياء كثير:(
    الشيء الثاني: هل تغني عن التعقيم يعني مواعين تقطيع اللحوم والدجاج و مواعين الاطفال هل تعقمها لي بالحراره؟ ام لازم اختار شيء بخاصية التعقيم

  226. يقول نصرة:

    السلام عليكم قبل سنتين كنت مفكره اشتري غسالة صحون وادور معلومات عنها وقريت مدونتك وتشجعت واشتريت وحده ماركة ويرلبول وارتحت فعلا من منظر تراكم الصحون على المجلى
    كما ان تنظيفها قوي وما تستهلك ماي كثير عكس الغسيل اليدوي
    اشجع كل ربة بيت تشتريها لان منظر المطبخ يصبح افضل ويوفر وقت غسيل الصحون الذي يستهلك كثير من الوقت

    لكن لان الصابون اللي يجي معها كيماوي لكنها في النهاية تغسل الصحون وتعقمها فما يبقى أثر للصابون على الصحون
    اهم شي عندي صحة اولادي من الكيماويات اللي تسبب امراض منها الالتهابات التنفسية والربو

  227. يقول أروى حسّان:

    أهلاً أروى
    حابة أقولك إنه بعد مرور أربع سنوات عالموضوع أنا قرأته اليوم لما قررت اشتري غسالة صحون، وبعد بحث هنا وهناك قررت اشتري نفس ماركة غسالتك😍، الله يكتب أجرك🌹

  228. يقول Reem:

    صباح الخير اروى وادري الموضوع قديم بس فعلاً كنت محتاجه اقرا عنه ، عادي لو م احط الغساله بدرج المطبخ تكون جنب الدرج لأن عندي مساحه فاضيه بدون درج

  229. يقول عائشه:

    يااا رب حد ياخذها لييتنا ما شاء الله واضح انها مفييده الله يعطيچ العافيه اروى💗💗

اترك تعليقاً


أضف تعليق عبر الفيسبوك: