DIY صينية خشبية متعدده الاستخدامات

بسم الله الرحمن الرحيم

🌿🌼

 سابع تدوينة في تحدي ( تدوينة يومياً لمدة اسبوع )

1  .  2  .  3  .  4  .  5  .  6  .  7

وأخيراً وصلنا لنهاية التحدي

وإن شاء الله ماراح تكون نهاية النشاط والحماس في المدونة

كان صعب علي أدون يوميا وتأخرت في رفع بعض التدوينات لكن المهم اني أنجزت قدر ماكنت أتصور اني أقدر أنجزه خلال فتره بسيطة..

ولذلك قررت أعتمد نظام ثابت لمدونتي بحيث تنزل التدوينات بشكل مستمر وأسبوعي، خاصة بعد ما شفت التفاعل وطلباتكم لمواضيع مختلفة تستاهلون أقدم لكم المزيد وأجتهد أكثر في العمل ..

فشكراً لكم 

 🌿🌺

هالتدوينة شرح لمشروع DIY عملته سابقا في السناب لكن ماوضحت خطواته بالتفصيل..

ونهاية التدوينة أفكار لاستخدام هذا النوع من الأعمال بطرق مختلفة و جميلة ..

أولا كلمة DIY هي اختصار لجملة Do It Yourself يعني بالعربي ، اصنعها بنفسك ، وصارت تطلق على أي مشروع مصنوع يدويا ، حتى انه صار معروف مصطلح الـ DIYers يعني الذين يصنعون بأنفسهم ، بس الترجمة مشوار نحتاج أحد يطلع لنا اختصار لو سمحتوا اللي عنده اقتراح يكتبه 😀

المهم ، نعود لمحور الحديث

كان عندي قطعة خشب في القراج من مشروع سابق وحبيت أستغلها..

قررت أسوي فيها صينية خشبية ..

قبل ما أشرح الطريقة حطوا فبالكم أن هذي التدوينة ممكن تستخدمون خطواتها لأي مشروع يعتمد على الخشب ، سواء كان الخشب نفس اللي استخدمته أو أي نوع خشب..

تقريبا مثل تدوينة من ايكيا إلى بوتري بارن نفس الخطوات ممكن تتنفذ على مشاريعكم،

ممكن بدل الصينية تسوون حامل للأقلام أو أصيص خشبي للنباتات وغيرها بمجرد تغيير المقاسات..

🌺🔨

الطريقة 

هذا مقطع العمل في السناب حتى يكون الشرح المكتوب أوضح لكم :

حسابي في السناب : arwakaru

DIY صينية خشبية متعدده الاستخدامات

قطعت خشبة بطول ١٥ ونص انش وعرض ٩ ونص انش

وأربع خشبات

٢ منهم بطول ١٥ انش وعرض ١ ونص انش

و٢ بطول ٩ ونص انش  وعرض ١ ونص انش

 للقص استخدمت منشار كهربائي اسمه Circular Saw

، ميزته انه يقص مستقيم بدون جهد

لكن عندي منشار ثاني أسهل وأخف اسمه jig saw

هذا النوع الثاني من المناشير الكهربائية سهل جدا وكثير يستخدمونه أصحاب الأعمال اليدوية البسيطة لأنه خفيف وسهل التحكم به ويقص بأشكال وزخارف مو مثل بعض المناشير اللي بس تمشي مستقيم ..

وأيضا يقص خشب وحديد وغيرها من الأدوات

فأنصح به للي حابين يقتنون منشار للأعمال البسيطة

DIY صينية خشبية متعدده الاستخدامات

بعد ما تقطعت الخشبات بالمقاسات المطلوبة صنفرت الخشب حتى يكون ناعم وأطرافة ناعمة ..

ويكون باستخدام ورقة صنفرة ناعمه من ٢٠٠ إلى ٤٠٠

تحصلون ورق الصنفرة في ساكو ومحلات البناء وأعتقد موجودة في محلات الأعمال الفنية ..

استخدمت ورقة رقمها ٢٢٠ ، ويفضل ماتتعدون رقم ٣٠٠ لأن رقم ٤٠٠ وفوق بيخلي الخشبه ناعمه جدا وكذا ماتمسك فيها الصبغات بسهوله،

بعدين مسحت الخشب بفوطه مبلله حتى أزيل أي فتافيت خشبيه من بعد الصنفرة ..

ولأن الخشب اللي استخدمه جدا نحيف كنت أقدر أركبه مع بعض باستخدام صمغ الخشب ، لكن ماكان متوفر عندي فاستخدمت المسامير ..

لو الخشب عريض يكون أحسن نستخدم المسامير ، ولو نحيف احسن صمغ الخشب ..

المسامير ممكن تتثبت بالمطرقة ، لكن أنا استخدمت مسدس المسامير لأنه متوفر عندي من مشروع سابق فحبيت اختصر الوقت ..

الصبغة

بعد ما ثبت القطع في مكانها صبغت الصينية من الأطراف والخلف بأساس أبيض primer

DIY صينية خشبية متعدده الاستخدامات

هذا النوع من الصبغة للخشب ضروري قبل أي لون ، لأنه يعمل بمثابة المثبت اللي يثبت اللون بالخشب ..

لأن الصبغه ممكن تتقشر مع الوقت ، لكن البرايمر يخليها قويه وثابته ..

أيضا البرايمر يعطي خلفية بيضاء بحيث أي لون نحطه يصير واضح بالضبط مثل ما نبغاه مايكون شفاف ومبين من تحته عروق الخشب الغامقة ..

بعدها استخدمت لون اكريلك سماوي ، وقررت اترك داخل الصينية خشبي حبيته كذا بدون صبغة ..

DIY صينية خشبية متعدده الاستخدامات

آخر شي نصبغ داخل الصينية بطبقة حماية اسمها Polyurethane

DIY صينية خشبية متعدده الاستخدامات

هذي الطبقة تحمي الخشب من البقع ومن التأثر بالعوامل الجويه وتساعد في تنظيفه يصير مسحه سهل لذلك جدا مهمه الطبقة خاصة لو كان المشروع بيستخدم مع اشياء فيها رطوبه مثل أغراض المطبخ ..

فقرة اختيارية 

لصقت قطع دائرية مصنوعة من المطاط تحت الصينية حتى تكون شوي مرتفعه وماتخدش أسطح الطاولات وأيضا تعطي ثبات أكثر للصينية ..

والآن انتهت خطوات العمل وبقي أفكار للاستخدام

🌺🔨

للمطبخ

DIY صينية خشبية متعدده الاستخدامات

أحيانا المطبخ يكون نظيف ومرتب لكن بسبب كثرة الأغراض اللي نحتاجها على السطح يصير الشكل يبدو وكأنه حوسه دائما مهما رتبناه ،

لذلك أحب أحط أغراض المطبخ داخل صينية وأترك باقي الأسطح نظيفة ومافوقها أي شي قدر الإمكان، هذي الحركة تعطي شعور أن المكان مرتب أكثر ونظيف أكثر ، وتسهل علي مسح الاسطح واستخدام الأغراض ..

صينية للمكتب

نفس الهدف من فكرة المطبخ ان المكان يكون مرتب أكثر خاصة ان اغراض المكتب غالب تكون صغيرة ومتناثره سواء أقلام أو ورق أو فواصل وغيرها ، فأجمعها في مكان واحد أرتب وأسهل للإيجاد الاشياء بسرعة ..

DIY صينية خشبية متعدده الاستخدامات

طبعا أنا استخدمتها لهذا الغرض بهدف التصوير فقط لأني عندي منظم خاص بالمكتب كنت اشتريته قبل فتره لكن لو ماكان عندي أي نوع من المنظمات فهذا سيقوم بالمهمه بشكل جميل ..

زاوية القهوة أو الشاي

ممكن أيضا يستخدم في أي زاوية سواء للمطبخ أو لغرفة الضيف أو الصاله كركن لتحضير الشاي والقهوه مثل الموجودة في الفنادق ..

DIY صينية خشبية متعدده الاستخدامات

هذي الفكرة جميلة تجهزونها كهدية صغيرة في غرفة الوالدين غالبا يحبون يكون عندهم أغراض خاصه فيهم عن بقية البيت وسريعة للوصول بدل ما تنزل أمك للمطبخ لتحضير كوب شاي يكون عندها في الغرفة قسم جميل خاص فيها يحتوي على غلاية صغيرة وأكواب وبعض أنواع الشاي للاسترخاء..

على طاولة الصالة

 جربت أحطها على طاولة الصالة أمام الكنبه تجمع الأغراض مثل الريموتات أو المجلات وغيرها سهلت علي تنظيم المكان بشكل سريع ..

DIY صينية خشبية متعدده الاستخدامات

مجرد صينية للتقديم

وبالطبع يمكن استخدامها كمجرد صينية لطيفة للتقديم

DIY صينية خشبية متعدده الاستخدامات

🌺🔨

أتمنى أفادكم هذا الموضوع البسيط وطبعا ممكن تطبقون هالأفكار باستخدام صينية عادية جاهزة لكن تأكدوا أن أطرافها تكون زاوية قائمة حتى تكون أجمل ومايكون شكلها كأنها صينية طعام عادية ..

إذا تحبون هالنوع من الـ DIY عندي مشاريع كثيرة بأنفذها في الأيام القادمة بإذن الله باستخدام الخشب والإسمنت وغيرها فكونوا بالقرب وأستقبل اقتراحاتكم بكل سعادة ..

وأتمنى لكم يوماً ملوناً

DIY صينية خشبية متعدده الاستخدامات

...

تواصلوا معي عبر :

انستغرام وتويتر : arwa_alomrani@

يوتيوب : arwa karu

سناب : arwakaru



اترك تعليق

106 تعليق على "DIY صينية خشبية متعدده الاستخدامات"

avatar
فرز بواسطة:   الأحدث | الأقدم | الأكثر تصويتاً
رجوى
ضيف

جمييييل

سمر
ضيف

ماشاءالله عليك يااروى الجميله حبيت شغلك وابداعك وسأكون منتضره جديدك وابداعك بشغف

عضو

جميييييييل ماشاء الله عليك

بشرى
ضيف

مبدعه يااروى تعجبني افكارك ماشاء الله

Anfal
ضيف

تبارك الله .. ابداااع اروى بالشرح والتنفيذ ..
على فكرة كل شوي اطل بالمدونة اشوف الشي اليديد الي راح تنزلينه 💓

Ghadah
ضيف

عاشت يدك فكره حلوه

ام مجد
ضيف

مبارك اروى كسبتي التحدي 👍🏻. ودائما في انتظار جديدك على احر من الجمر .❤️

هجير الشمس
ضيف

وعليكم السلام ورحمة الله وبركاته
عجبتنى الصينية ماشاءالله عليك اروى مبدعة
واستفدنا من تدويناتك الجميلة كجمال روحك
العذبه فى انتظار المزيد من ابداعاتك

هاجر
ضيف

شكرا أروى لافكارك الحلوة . الك تحية كبييرة من المغرب

Noony
ضيف

جميل جدا أروى ماشاء الله عليك .. ربي يوفقك دائما وأبدا 💟

ام فيصل
ضيف

ياحلوك يا أروى فديتش

منمن
ضيف

مرحبا اروى
الف شكر على المدونة الرااائعة
ممكن موضوع جديد عن كيفيه ترتيب التسريحة ( ميز التواليت) اللي في الغرفة
ارتبة ويرجع يعتفس ابي طريقة سهله للترتيييب ماادري شسوي جربت كل الوسائل بس يرجع معفس وشكرا

Assar
ضيف

جميلة الصينية ما شا الله .. عشقتها من حطيتيها سناب 😍
وافكارها حلوة 💗

تسلم ايدج 💕

فاطمه
ضيف

افكارك.جدااا جميله الله يسعدك دنيا وآخره يارب

غِنى
ضيف

ما شاء الله عليك💕
جميلة جدًا الصينية انا من فترة افكر اسوي صينية بنفسي للعطور و صينية خشب للغلاية واكواب القهوة وللسكر وكذا وما لقيت شيء على ذوقي بالتصميم و الالوان ففكرت اسوي بس صراحة كنت متخوفه من سالفة المنشار 😓
لكن حمستيني للفكرة مرة ثانية بعد هذي التدوينة 😍
شكرًا لك مقدرين لك عطائك 🙏🏼
استمتعت بتدويناتك لهذا الاسبوع 💕

أم الأميرات
ضيف

ما شاء الله يا أروى ابداع
عندي هالهواية وقوية جدًا ولي محاولات كثيرة سابقة لكن ما عندي الادوات التي تساعدني وتسهل علي
يا ليت تدليني على الاشياء واكون شاكرة وممتنة لك
ودي بجهاز صنفرة ومناشير ومسدس المسامير والورنيش
هذولا أهم شي
لأني ناوية ان شاء الله اشتغل على طبليات البلاط بالاجازة واسوي منها اثاث للحديقة بس مشكلتي بالادوات
احيانا اشوف روابط تنزلينها لمنتجات من امازون بس مشكلتي ما افهم انجليزي ابد ابد

أروى لا اعرفك ولا تعرفيني لكن أفدتيني كثير كثير بأشياء كثيرهودايم ادعي لك بظهر الغيب وأترك جزاك على رب العالمين
فجزاك الله عني خيرًا 💕

Atekah
ضيف

فرحانه لك انه انجزتي هالتحدي💕👍🏻😭اللي كان اكثر من رائع اسمتعت معك في هالاسبوع🙊❤️وفعلا ابدعتي في كل تدوينه طرحتيها وكل الوصفات والافكار اللي طرحتيها كانت جميله ومختلفة💖💕واي صح طبقت وصفة المكرونة كانت حيييل لذيذة👌🏻😩🍝شيء شيء تبارك الرحمن ،وفي الاخير باحزن انه بكره ما راح يكون فيه تدوينه😭💔ان شاء الله تسعدينا بتدوينات قريب وتحديات جميلة مثل كذا👍🏻🙊دمتي في حفظ الله💕💕

تولا
ضيف

روووووعة ماشاءالله تبارك الرحمن …ابي زيادة اعمال يدوية ، شكلي راح ابدأ التنفيذ وأكسب مهارة بدل الهواجيس واحلام اليقظة🙃

Haneen Alhammad
ضيف

الحمدلله انك أنجزتي التحدي بنجاح ❤️❤️❤️
عطيتيني دفعه كبيره اسوي لي مشروع لمده معينه اشوف قدراتي 💜
بالنسبه للصينيه الخشب عجبتني كثيير إن شاء الله بسويها 💟💟

Thali
ضيف

ما شاء الله ..
دائماً متألقه بالذوق والإختيار 💗..

shama
ضيف

تدوينة روووعة و مفيدة ما شاء الله♥
كل مواضيع المدونة إبداع مرة♥

Shatha
ضيف

شفت العمل بالسناب واعجبتني فكره الصينيه واستخداماتها جداا
مبرووك لك اروى الانجاز لهذا الاسبوع
كان اسبوووع راااائع وتدويناات جميله ومرتبه مثلك

عضو

اولا .. مبرررررروك أروى 👏👏👏 كلنا واثقين كل الثقة انك قدها .. خلصتي التدوينات و بنجااااح كبييير 👏👏👏👏👏👏👍👍
ثانيا .. التدوييينة لططيييفة اكثر مما تتصورين 💓💓 راقت لي جدا جدا جدا .. اعماالك تجدبني و باطبقهاا دايما .. كثري من مشااريع ال DIY لاني لما بشوفها منك بطبقها مباشرة 😀😁 رح اطبق الصينية و بارسلك تطبيقي 😉
أروى .. ما تتصوري قد ايش انبسط لما يوصلني ايميل من مدونتك او منك شخصيا .. شعوري زي شعور يلي بينتظر رسالة من البريد زمان 💜💜 اححححبك اروى 😢

هاجر العجمي
ضيف

so beautiful، continue *_*

mimi
ضيف

شفت بالسناب عمل خطوات الصينية وماشاء الله عليك تعطين طاقة ايجابية وتحفزين الي يتابعك الله يحميك 😙😙

ساره
ضيف

حلوووه سلمت يداك 👏🏾

الاء العمراني
ضيف

ماشاءالله جميله حبيتها 🌵❤️❤️❤️❤️❤️.

ساره
ضيف

ياريت لو تقدري تتكلمي عن جهاز الليزر المنزلي ، سبق وان تكلمتي عنه في الانستقرام لكن ودي نعرف رايك فيه الان خصوصاً وان له فتره طويله معك ،،
وشكراً❤️

منة
ضيف

جميل جدا أروى البطلة 💓

مها
ضيف

مبرووووك اروى❤️انجزتي 👍🏼

مبدعه ماشاء الله تبارك الرحمن 😍😍

استمري🌸

Reem
ضيف

الله يسعدج 💙

FATIMH
ضيف

ماشاء الله عليك مبددععه كالعااده ♥♥

Walaa
ضيف

الله يسعدك دنيا وآخرة ويبارك لك ♡♡ وما يحرمنا من إبداعاتك وإنجازاتك

أم علي
ضيف

لطافة

عضو

احببت هذا النوع من الاعمال و النتيجة رائعة و استعمالاتها متعددة و لقد رايت سناباتك عندما كنت تنجزين العمل . ما شاء الله عليك ربي يوفقك و ييسر امورك.

Shereen
ضيف

رائع ماشاء الله
شغل نظيف ومتقن ومرتب

ربـا
ضيف

جميلة ماشاء الله تسلم يدينك اروى💗
الله يحفظك ويسعدك يارب

نون
ضيف

قدها و قدووود والله😍💪

ربي يسلم يدينك ويعطيك الف عافيه💘💘💘💘

وكثثرري من الDIY حييييل احبهااا من وانا صغييره ادور بالنت وأطبق ماشاءالله مع بنات الجيران😂

عضو

جميله حبيتها و كثري DIY بليز

منى العضياني
ضيف

مرحبا أروى
الصينيه جماااااااال
صورك تجيب السعاده 😍😍

سلطانة الشهري
ضيف

ماشاءالله لاحول ولاقوة إلا بالله. مبدعة دائما أسأل الله لك التوفيق والسداد والنجاح والسعادة في الدارين ياحي ياقيوم

Hanz
ضيف

جدا جميل💓
وحلو لما تسوي شي بيدك تحسّي بشعور لطيف وجميل لما تستخدميه وحتى لمّا تشوفيه تحسي بالإنجاز 😍
حبيت لونه لطيف ويريّح ❤️
ماننحرم من حماسك أروى 💖🌸

عضو

الف الف الف مبروك 🌹🌹اتممتي التحدي بنجاااح الله يوفقك ويسعدك
سعدة لإنجازك التحدي.. انتي رمز للأمل والاصرار على عمل شيء مفيد فيه منفعة لك ثم لانا..كانت ايام جميله بنسبة لي برفقة مدوناتك الجميله الرئعه…زادك الله علماً وتوفيقا 😘🌹

عضو

ماشاء الله تبارك الله، إنجاز جميل
وصينية رايقة وحبيت ألوانها 😍
منتظرة أعمال يدوية أكثر ، بالتوفيق 💜

بيان
ضيف

كنت اسولف انا وامي عن الصينيه بحسابك بالانستقرام بعد ساعه جاني تنبيه ع الايميل وصارت هذي التدوينه الجميله 💕😩،ماشاءالله ياجمالك يختي وجمال الاشياء اللي تسوينها 💕😘
شككككرا لك💌🌹

التواقة للمعــــالي •
ضيف
التواقة للمعــــالي •

🎉ختــــــــ تحـــ أروى ـــــدي ــــــام 🎉
ومسك الختام
شكر الله ماقدمت أناملكِ وأثابكِ على حرفكِ ووقتكِ
بذرتِ وأبدعتِ ونفعتِ
طيب الله غرسكِ.
الناس اللطيفة مثلكِ لانستطيع أن نجازيها الإ بالدعاء
دمتِ موفقة ومن إنجاز الى إنجاز 😘

ساره الثنيان
ضيف

ماشاء الله تبارك الله
موهوبه وفنانه الله يديم عليك

عضو

تهببببببببل ما شاء الله تبارك الرحمن 💛
إعادة تدوير بفكررة ذكية ..مرره أعجبني الشكل النهائي

و مبارك لك إنجازك المبهر و ما استغربت صراحة
كنت متوقعة انك قد التحدي و مو بس أي كلام تحدي + مثابرة + مصابرة = إنجاز 👏👏
الله يثيبك و يرزقك من حيث لا تحتسبين

عضو

حلوه الفكره ومتعدده الاستعمال يعطيكي الف عافيه أروتي بانتظار المزيد من اعمال الـDiy حبيت الاختصار 😍
ومبسوطه انو كل اسبوع رح يكون في مدونه 💃 قلبي يرقص فرحاً 😂

عضو

اتمنى انك تكملين دروس الرسم اللي باليوتيوب وبالتوفيق 3>

مريم الحزيم
ضيف

جميله جداً💙

💖
ضيف

جمييييل 👌🏻

عضو

رووووعه الفكرة وعجبتني مرره لما شفتك بسناب وقبل فتره شريت صياني خشب مضغوط وبصبغها مثل طريقتك والمدونه جت بوقتها تسلم يدينك جعلها محرمه عن النار 💕

‫wpDiscuz

أضف تعليق عبر الفيسبوك:





حمل