تركيب رشاش الماء (للمبتعثين)

السلام عليكم ورحمة الله وبركاته

اتوقع من العنوان بتقولون زودتها أروى بتدخلنا في السباكه ههههههه

بأتهور اليوم وأتكلم عن السباكة بس أوعدكم شي مره سهل ولا يحتاج أي معدات ولا خبره

من أكثر الأشياء اللي يعاني منها المبتعثين أو أي أحد يسكن في الخارج هو عدم وجود رشاش الماء الخاص بدورات المياة (أو بعبارة أخرى الشطاف) !

تركيب رشاش الماء (للمبتعثين)

وهذي من الأشياء الي تبين فرق النظافة بينا كمسلمين وبين باقي العالم ..

طبعاً ما كنا لنستسلم للأمر الواقع ونستخدم (جيك أو علبة مويه) طول مدة الإقامة،

لأنه شي مثل كذا من الأساسيات اليومية وبيكون جدا متعب ومزعج العيش بدون الرشاش .. فلازم حل

في البداية رحنا لمحل Home Depot محل معدات فروعه في كل أمريكا، تقريبا هو ساكو حقهم , سألتهم عن الرشاش وجلست أشرح لهم ساعه وشو هذا الاختراع اللي يرش جنب التويلت أبدا ما استوعبوا الفكرة هههههه

وأنا لليوم مو مستوعبه انهم عادي عايشين بدونه ..

ماعلينا .. مجرد اختلاف “ثقافات

حصلنا نوع واحد بس في المحل لكن ما اعجبني استخدامه صعب ،

وبعد بحث حصلنا في أمازون أشكال كثير ، ويلوموني في أمازون الحب..

صدق أمازون ماقد خذلني بغرض ، حتى الأندومي الأصفر لقيته عندهم ههههههه

المهم ..

ما نطولهاش وهي قصيرة

بأشرح طريقة التركيب ، لا تحسبون إني اكتشفت الطريقة بنفسي وطلعت السباكه اللي بداخلي فجأه ،

زوجي الي ركّب الرشاش وشرح لي بالخطوات وصورت شغله عشان أنقل لكم الطريقة 🙂 ..

أولا : تشترون الرشاش ، لازم من أمريكا لا تجيبون رشاش معكم لأن ممكن مايكون نفس مقاساتهم (أو حسب البلد اللي انتم فيه اطلبوا منه)..

جربنا ثلاث أنواع وهذا أفضل نوع منهم:

تركيب رشاش الماء (للمبتعثين)

اضغطوا ع الصورة وتطلع لكم الصفحة الي طلبت منها

هالرشاش صار لي استخدمه سنه ونص تقريبا ماعليه أي مشاكل ومازال كأنه جديد ومريح في الضغط..

جربت نوعين قبله اللي هم هذا و هذا ، كل الأثنين بعد فتره بسيطة ينفك اللي أضغطه ويخرب ..

إذا حابين تشوفون باقي الأشكال ابحثوا باسم Toilet Sprayer أو diaper sprayer أو اضغطوا هنا

هنا رقمت القطع حتى يكون الشرح أوضح

تركيب رشاش الماء (للمبتعثين)

أول خطوة في التركيب نشوف تحت التويلت الوصله اللي من التويلت للجدار لازم نقفلها بواسطة المثلث اللي تحت حتى توقف المويه تماما ..

تركيب رشاش الماء (للمبتعثين)

تجاهلوا الصدا بيتنا قديم شوي ، بس أهم شي الأخلاق 😬

ملاحظة : اللي ماعنده هالقطعة ممكن يقفل المنفذ الرئيسي للمويه وبعدها ممكن يشتري هالقطعة ويركبها ..  لكن الغالب انها موجوده الا في دورات المياه القديييمة جدا

هذا شكل القطعة وتحصلونها هنا

تركيب رشاش الماء (للمبتعثين)

بعد ما نوقف الماء نسحب السيفون كم مره لحد ماتتفرغ الموية من الصندوق ونتأكد ان مابقى أي موية الا لو كانت قليلة جدا ..

وبعدها نفك نهاية الأنبوب المتصلة بالتويلت

تركيب رشاش الماء (للمبتعثين)

بعد ذلك نمسك الجزء العلوي الظاهر في الصورة و نركب فيه القطعة المستطيلة ( رقم ١ )

ونركب القطعة المستطيلة من الجهه اللي فيها بلاستك أبيض على التويلت في نفس المكان اللي كانت مشبوكه فيه الوصله سابقا..

واضح شكلها جدأ كأنها تركيبه  .. ومن الجهه الأخرى نرجع نركب الوصلة الي للتو فكيناها ..

تركيب رشاش الماء (للمبتعثين)

يتبقى فتحه واحدة في القطعة رقم ١ ، نشبك في هذي الفتحه ( القطعة رقم ٢ ) من الجهه ذات النهايه السداسية

تركيب رشاش الماء (للمبتعثين)

ومن الجهه الدائرية نشبك الرشاش ( القطعة رقم ٣ )

تركيب رشاش الماء (للمبتعثين)

باقي القطعة رقم ٤ و هي المعلاق ، ممكن تركبونها على التويلت مباشره أو تثبتونها على الجدار أو أي حته تناسبكم ..

تركيب رشاش الماء (للمبتعثين)

جدا شي مريييح و التركيب ماياخذ وقت ولا جهد ..

طبعا ما يحتاج أذكركم ترجعون تفتحون المويه الي سكرناها أول خطوة ..

تركيب رشاش الماء (للمبتعثين)

وعلى طاري التويلت .. فيه ناس سألوني من وين أخذت الستاند الرمادي اللي خلف التويلت ..

أخذته من Target ، وفيه أشكال أكثر و أجمل هنا

بالعادة أحط سله على الرف فيها الأغراض الخاصة بالتويلت أو أغراض النظافة الشخصية .. وبعض النباتات على الرف الثاني ..

تركيب رشاش الماء (للمبتعثين)

وبما أني ما أتوقع أجيب لكم سيرة التويلت مره ثانيه فرصة أقولكم عن هالاختراع الرهيب 😬

تركيب رشاش الماء (للمبتعثين)

سبري ينبخ على الموية اللي في التويلت بحيث مايطلع اي ريحه بعد الاستخدام ، مره مهم و لطيف في حمام الضيوف منعا للإحراج لأن ملطفات الجو أحيانا ماتكون فعالة بشكل مُرضي .. خلاص ماله داعي ندخل في العميق هههههه

تحصلون البخاخات هنا .. التقييمات عليها خرافية ..

وبس أتمنى من كل قلبي يفيدكم هالموضوع

و بأكون سعيدة جدا لو شاركتوا هالتدوينة لكل المبتعثين اللي تعرفونهم 🙂

دمتم بخير وسعادة يارب

...

تواصلوا معي عبر :

انستغرام وتويتر : arwa_alomrani@

يوتيوب : arwa karu

سناب : arwakaru



اترك تعليق

126 تعليق على "تركيب رشاش الماء (للمبتعثين)"

avatar
فرز بواسطة:   الأحدث | الأقدم | الأكثر تصويتاً
عائشة
ضيف

شكرا لك اروى .. كالعادة مبدعة ف مدوناتك ❤️

Jojyreemy
ضيف

جميل جداً، سلمت يداكِ

memo
ضيف

الله يعافيك اروى شرح واضح

انا في ولاية أريزونا ويباع عندنا ب home depot
فعلا شيء اساسي ونحتاجه

رحيق
ضيف

نااايس الموضوع ومفيد ماكنت ادرس انهم عايشين بدونه …
بس عندي طلب😍
يليييييز نزلي درس ع الرسم الرقمي وتلوينه واهم شي ابغى اعرف شلون المخلوقات اللي رسمتيها ف رأس الصفحه تفتح عيونها وتقفلها نزلي شرح لها اكووون ممنونه لك💋💋💕

afaf salem
ضيف

الحاجه أم الاختراع ..ونحمدالله على نعمه الاسلام ..لازم تستخدمون أفكاركم ببلاد الغرب ..وفقكم الله وردكم سالمين ياالمبتعثين

sm00yz
ضيف

مرحبا .. الله يعطيك العافيه ياارب .. انا متابعه جيده لك ف كل كل مكان 😂.. بس كنت بضيف شي انه ممكن يركبون الرشاش ف ف البزبوز تبع المغسله عشان المويه الحاره للناس اللي عايشين ف اماكن بارده و مرره طريقته سهلله..

maha
ضيف

كيف انا ماقدرت اركبه بالبزبوز

afaf salem
ضيف

الأخت أروى سلمت يمينك

عضو

دائما كعادتك متالقة في طرح مواضيعك و تلامسين ازمات حساسة بصراحة هههه .. احسنت اروى ..

مها العزيزي
ضيف

مرحب💕💕
جزاج الله خير .. كنت اعاني من موضوع الغسيل ف السفرات .. موضوع مهم والشرح بسيط ..
ربي يسعدج دنيا واخره ويرزقج بالذريه الصالحه وكل خير يارب💕💕

ساره الزهرانيه
ضيف

هههههههه الله يسعدك تدوينه حلوه وغريبه 😁 بس من جد للحين ماني مصدقه ان في امريكا مايستخدمو مرشات المويه 😕

أم نواف
ضيف

في أغلب الدول الغربية حتى في شرق أسيا 🙁

nada_moments
ضيف

مش بس الاجانب .. انا رحت لمصر ولقيت مافيه رشاش 😥!!
اموت وافهم الفكرة و هل فعلا كل الناس عادي عندها !

حنين
ضيف

في مصر فيه رشاش مخفي داخل الكرسي! ما ينحب لكن أفضل من لا شيء

هديل
ضيف

جميل ماشاءالله عليك مبدعه

Noora
ضيف

Thank you so much

آروى
ضيف

الله موضوع شدني مع اني مو مبتعثة، بس احب السمكرة والسباكة 😂
تستغربون لو اقولكم: كل شيء في البيت اسويه، كهرباء، سمكرة، سباكة، زراعة البتاع كله 😂

يسعدك اروى على المعلومات المفيدة اللي تفيد فيها الآلاف ❣

عضو

شكراً شكراً أروىٰ المبدعة ✨
وفقكِ الله لما يحبه ويرضىٰ

❤️

aroyah
ضيف

يسعد يومك آروى .. جزاك الله خير على هالتدوينة 3>، قبل فترة فكرنا نركب بس استصعبنا الموضوع وكنسلنا الفكرة لعدة أسباب من ضمنها هذا اللي ودي أستفسر عنه وهو: كيف مستوى برودة الماء ؟ مزعج جدا لو كان بارد 🙁

عهود
ضيف

يعطيك العافية أروى 🌹🌹 موضوع مهم بالنسبة لنا المبتعثين.. بس عندي سؤال⁉ الماء 🚿يكون بارد الي طالع من الرشاش والا فيه امكانيه نتحكم بحرارة الماء ؟؟؟!

اسراء
ضيف

تمام عليك موضوع مهم جداً صراحه

Haneen
ضيف

يعطيك العافيه تسلم يدينك ()

فجر
ضيف

يعطيك العاافيه ماقصرتي ❤️

rasha
ضيف

اي والله ويلمونا في امازون اول شي اطلبه الرشاش في كل حمام 🙈🙊🙉 والبخاخ الريحه مااااره جميل وعجبني اكثر شي ريحته الي وردي واسود لونه 😍😍

عضو

انا مقيمة بالخارج وعن جد فادني الموضوع جزاك الله خير

هجير الشمس
ضيف

وعليكم السلام ورحمة الله وبركاته
كيفك ياحلوه 😍
فكرة طرح روعه علشان اللى مايعرف يستفيد
انا بحكم سنى وبحكم كان زوجى عسكرى ودائم منتدب
كنت اضطر😩 اسوى كل شئ بنفسي كهرباء سباكة تصليح الدواليب
ووو الى آخره ومو مدح فى نفسي بس احسن الواحد يعتمد على
نفسه😊 جزاك الله خير يالغلا ويسعدك ربى مثل ماتسعدين الناس
بس الغريب انهم مايستعملون الشطاف 😳صدق النظافه من الإيمان
والحمدلله على نعمة الإسلام واسعدتنى المشاركة فى موقعك

سارة
ضيف

جاء بوقته يا أروى👌🏻 كنت أدور بأمازون ومحتاره أي نوع آخذ.. شكرا الله يجزاك خير❤️

ضياء
ضيف

مبدعه ماشاءالله عليك ان شاءالله اذا ابتعثت استفيد منها ان شاءالله ههههه♥️♥️

دارين
ضيف

جزاك الله خير..
فعلا التدوينة مفيدة جدا
وعندي أيضا قطعة ممتاااازة ورائعة اشتريتها من أمازون للحمام للشطاف بعد استخدام عدة منتجات كلها فاشلة ..
بإذن الله أشارككم الفكرة أو أرسلها لك أروى بالطريقة التي تناسبك ؟؟ بلغيني

لودي
ضيف

الله يسعدك عطيني صوو للس استعملتيها وفشلت وصوره للي زبط معاك

Bee
ضيف

يازينك أروى … 💗 يعطيك العافية ماقصرتي …💗🌿

منيرة
ضيف

شكراً اروى
‏قال ﷺ
‏ومن مشى مع أخيه المسلم في حاجته حتى يثبتها له، أثبت الله تعالى قدمه يوم تزل الأقدام،

غادة
ضيف

فعلاً موضوع مهم … بالنسبة استخدمنا المغرف فترة من الزمن و لكن الان اولادي كبروا و احب انهم يعتمدون على انفسهم في النظافة الشخصية بدون ما يكون هناك اي فوضى في الحمام …. فطلبت من قريبتي المقيمة في الامارات ان ترسل لي شطاف المسافر …. و ان شاء الله سيصلني خلال يومين …. اتمنى ان يناسبنا هذا الحل … و اذا لم يناسب سأجهز عدة السباكة و نتبع خطواتك عزيزتي 🌹🌹 مشكورة مقدماً 👍🏻

أم نواف
ضيف

تدوينه رائعة كروعتك…

لي ملاحظة بسيطة… ” يجب التعامل مع الملطفات و أشباهها بحذر فهي في النهاية مواد كيميائية و ضررها على صحة الإنسان والبيئة ليس سهلاً، وتجنب استخدامها هو الأحرى”<<<< خوذي العلم مني ككيميائية 🙂

دمتي بود

عضو

تسلم يدك ومايحرمنا طلتك

Tooma jaffal
ضيف

الموضوع فعلا مهم لنا كمغتربين
ونعاني من هالموضوع جربنا انواع كثيره ماضبطت
يعطيك الف عافيه حبيبتي😍😍👏🏻👏🏻

سامية
ضيف

مشكورة حبيبتي أنت رووووعه

بشائر
ضيف

الله يسعدك اروى جد مريح الفكرة وجات بوقتها … جاري التطبيق باردة الله انا استخدم اللي ينشبك بالمغسلة جد متعب وشكله احس يشوه الحمام 😧😧

ام عمر
ضيف

مبدعة 💪🏻⭐️
وفقك الله اخيتي 💕😘

هديل
ضيف

الله يسعدك وينور عليك💕💕انا استخدم الرشاش الابيض مررره مبهذلني يعلق😬وشكرا ع المعلومات القيمة💕💕💕💕

Rawan
ضيف

فعلا جدا سهل وماياخد عشر دقايق
امس ركبته وكنت برضو جايبته من امازون..
يعطيكي العافيه اروى ماتقصري ..

بدي اسالك سوال اوف توبيك🙈..
الجو حاليا بنيويورك تلوج وبارد ونفسي اجيب زرع بالبلكونه بس خايفة يموت من البرد، تعرفي انواع تتحمل البروده؟؟

بالنسبه للداخلي،
ايش اسماء النباتات اللي سهل العنايه فيها وتعيش لفترة طويله؟

شكرا مررره مستفيده من مدونتك ومواضيعها👍🏼
You do a good job Arwa,
Rawan

نورة
ضيف

جزاك ربي كل خير

عضو

انا كنت ماخذه من ساكو حاجه تصلح للحمام وانتي بكرامه زي الجالون تعبيه مويه وفيه لي بس للامانة مب عملي ماكمل معاي شهرين 🙁 عاد الحين ان شاءالله بسوي طريقتك ..
الله يسعدك دنيا واخره

ابتهال
ضيف

صراحة جدا سهله و ما يبيلها ، جزاك الله خير ..
فيه كمان طشاش للماء من ساكو ( خاص بالمسافر ) بس فقط يحتاج تركيب .. واظن له انواع بالحجم ..

Eman
ضيف

يازينك
اليوم من وقت ماصحيت اقول لاختي اروى نزلت الموضوع يلا روحي شوفيه وسويه لنا بس ماش محد سمعني هههههه
طلبته والله يستر مااعرف اذا راح يجي نفس المقاس او لا ؟ مدري هي الانابيب كلها نفس الحجم او لا !
عاد بكرا ان شالله بيوصل وبنكتشف الحقيقة 🙂

سمية
ضيف

أروشه شرايك تفتحين محلك التجاري للشطافات 😂

أحب ابداعك ياجميلة 💛🍂

wafa
ضيف

مرررره جميل تبارك الله ….. شكراً أروى يعاطيك ألف عافية ❤️❤️❤️

Afnan
ضيف

اختك اروى تدوينه رائعه ومفيده
انا عندي الرشاش الأبيض له سنتين وزياده والحمد لله تمام ما خرب بس الصدق المويه بارده 😂 منطقتنا بارده في الشتاء متعبه شوي..
بخاخ الريحه ما جربته معتمده على الفواحات الكهربائية بس مدام عند امازون لازم نجربه ..
شكرًا على وقتك وجهدك ،،

عضو

مبدعه كالعاده اروتي 😘 يعطيكي العافيه

بدر
ضيف

السلام عليكم يعطيك العافيه اروى ربي يسعدك على وقتك و مجهودك الي تبذليه عشان تساعدي محبينك ومتابعينك ربي يجعله في موازين حسناتك 💜

فلوه
ضيف

الله يسعد قلبك ماقصرتي ذكرتيني بشهر العسل اخذت معي شطاف المسافر من ساكو مريييح جداً لان مثل ماقلتي ماعندهم شطافات حتى في اوروبا وقليل جداً تحصلين فندق موفرها

الهنوف
ضيف

موضوع جميل جداً ومفيد اخوي برا برسله له يمكن يفيده ويفيد أصدقائه ❤️ يعطيك العافية أروى

شكراً لطرحك النافع ☘

مهند
ضيف

شكرا

Anwar
ضيف

جميل جداً .. نحن بعد من وصولنا لامريكا واستقرينا ركبنا مثله .. لأن مستحيل نظل كم سنة على الجيك او غيره .. بيكون الوضع صعب وغير عملي على الدوام ..

جميله المدونة ومواضيعها ماشاء الله .. الله يوفقك ويرزقك من واسع فضله ..
بالتوفيق والى الأمام ان شاء الله ..

meosh
ضيف

شكراً على على التدوينه حبيبتي أروى 🌸
وانا جديده في تدوينتك واستفدت وايد منها 💕
شكــراً لكـ 🌼🍃

روان
ضيف

الله يسعدك ي أروى
جُزّيتي خيراً وجنة 🌸

‫wpDiscuz

أضف تعليق عبر الفيسبوك: