جهاز تفريغ الهواء + هدية لأصدقائي

السلام عليكم ورحمة الله وبركاته

أهلاً يا أصدقاء

اشتقت لكم وللتدوين ، عاد يقولون من طول الغيبات جاب الغنايم ، وأنا جايتكم بغنايم وهدايا آخر هالموضوع أتمنى تعجبكم..

في هالتدوينة بأتكلم عن بعض الأمور المتعلقة بحفظ الأكل مع ريفيو كامل عن جهاز تفريغ الهوا Foodsaver وكل شي متعلق به..

جهاز تفريغ الهواء + هدية لأصدقائي

أول ماتزوجت تقريبا قبل اربع سنوات ماكنت أعرف أي شي عن المطبخ ،

باستثناء قائمتي الشهيرة و الفاخره ، بيض ، أندومي ، وشاهي..

جهاز تفريغ الهواء + هدية لأصدقائي

تبون حاجه ثانيه، صلحوا لي معكم ههههه

ولذلك عملت أغلاط شنيعة في البداية وارتكبت بعض الجرائم المطبخية

أشياء خربت عندي ورميتها، وأشياء أكلناها وهي على حافة الانهيار، وفيه أشياء سويت لها حجب عن الذاكره

جهاز تفريغ الهواء + هدية لأصدقائي

لكن مع الوقت حسيت الوضع هذا مايصلح يستمر ، فقررت أعلق التاج حقي على جنب و ألبس مريلتي وأحاول أتعلم الطريقة الصحيحة لكل شي متعلق بالأكل والمطبخ..

جهاز تفريغ الهواء + هدية لأصدقائي

(وقفة صامته تقدير واحترام لقراري العظيم لو سمحتوا)

جهاز تفريغ الهواء + هدية لأصدقائي

بديت أبحث و أستفيد من المواقع الأجنبية و أقرأ عن المعلومات الصحية للأطعمة وطرق المحافظه على قيمتها الغذائية لأطول فتره ممكنه

ووجدت أن أفكار كثير ممكن نتخذها لتسهل علينا حفظ الطعام لأطول فتره بأفضل قيمة غذائية..

ولأني تمنيت أحد يعلمني هالأشياء من بدري أحب اني أبدأ أدون عنها

خصوصاً بعد ماجتني أسئلة كثيرة في هالمواضيع لأني أعرف أن البعض يمرون حالياً بنفس مرحلتي يوما ما..

(كل شي بأكتبه لكم من معلومات جبته من مصادر موثوقة حطيتها لكم آخر الموضوع)

جهاز تفريغ الهواء + هدية لأصدقائي

أولا بأكتب لكم نبذه بسيطة جدا عن سبب فساد الأطعمة كمقدمة للحديث عن الجهاز ،

القاعدة الرئيسية : أغلب المأكولات يفسدها الهواء

وبعض المأكولات تفسدها الرطوبة ،الحرارة، البرودة، الجفاف، وبعضها يفسد بالنور.

فبشكل عام المطلوب نعرف كل نوع متى و كيف يفسد حتى نتوصل لأفضل طريقة لحفظه..

لكن فيه أشياء تزيد من عمر الأكل الطبيعي

مثل التبريد، التجفيف، التمليح والتحليه ، والتخليل ، وأخيرا العزل عن الهواء..

في هالتدوينة بالذات بأركز على أكثر العوامل اللي تفسد أغلب أنواع الأطعمة اللي هو الهواء..

الهواء يعتبر العدو الأول للأطعمة لأنه يحتوي على الأكسجين

جهاز تفريغ الهواء + هدية لأصدقائي

كثير من أنواع البكتيريا تحتاج للاكسجين حتى تنمو،

أيضا عملية الأكسدة وتغير اللون تحتاج للأكسجين حتى تتفاعل،

وأشياء أخرى ماله داعي نفتح حصة كيمياء هنا حتى تحمست وقلبت بالفصحى هههه

الزبده انه الاكسجين مش كويس للأطعمة

~

وأنا أبحث عن طريقة أحتفظ فيها بالأكل المطبوخ وقعت على مقطع فيديو فيه جهاز تفريغ الهوا food vacuum sealing system،

جهاز تفريغ الهواء + هدية لأصدقائي

حسيت اني لقيت كنز، لقيت السر اللي المصانع يغلفون به أكلهم قبل مايروح للسوبرماركت،

باختصار بعد بعض الضغطات هنا وهناك حسيت اني لازم احصل على هالاختراع الرهيب..

foodsaver 2100

جهاز تفريغ الهواء + هدية لأصدقائي

هالجهاز يعزل الأكل عن الهواء بدرجة كبيرة جدا وبالتالي يطيل عمر الأكل خمس مرات عن وقت فسادها الأصلي..

يعني الشي اللي يخرب خلال يوم ممكن يجلس خمس أيام مثل ماهو ،

الأفوكادو والموز اللي يسود بسبب الأكسدة في ساعات، ممكن يجلس أيام بدون مايتغير..

جهاز تفريغ الهواء + هدية لأصدقائي

مو بس حلو للأشياء اللي داخل الثلاجة، حتى لبن القهوه أو المكسرات أو البسكوت أو الشيبس اللي يصير لين بعد فتح العلبة أو اللي يكتسب رائحة من الفريزر أو يتجمع حوله ثلج بسبب التفريز،

الجهاز يسحب الهواء بطريقة تخلي هالأشياء تحافظ على قوامها لشهور وسنوات ،

يعني المارشملو مايصير متعرفط وقاسي، والبسكوت و الشيبس مايصير ليّن ، يبقى مقرش كأنه جديد ..

هذا غير أن فرزنة اللحوم والخضار بدون شفط للهواء يعرضها لما يسمى ب (حرق الفريزر)

يعني اللحم يتغير لونه يصير فيه بقع رمادية مثل الحروق،

طبعا يأثر على طعمه ولا يصير قوامه طازج ونفس الشي الخضار..

جهاز تفريغ الهواء + هدية لأصدقائي

ما راح أتعمق كثير في حفظ الأنواع المختلفة من الأطعمة بإذن الله أخصص لها تدوينة مستقلة

هنابأركز على الجهاز نفسه وكيف يشتغل والنتائج والأسعار و وين تحصلونه وكل شي عن الجهاز..

جهاز تفريغ الهواء + هدية لأصدقائي

جهاز شفط الهواء متوفر من شركات مختلفة لكن أفضلها شركة foodsavor  ..

أجهزة الشركة لها خاصيتين مهمات :

الأولى : شفط الهواء من الكيس أو العلب.

الثانية : إحكام إغلاق الأكياس بالحرارة.

الأكياس المستخدمه سواء من نفس الشركه أو من شركات ثانيه ،

المهم يكون مكتوب عليها أنها مخصصه لأجهزة شفط الهواء..

أنا أخذت  هذا النوع

جهاز تفريغ الهواء + هدية لأصدقائي

رول طويل أقص منه وأستخدم حسب المقاس اللي يعجبني،

اخترته لأن تقييمه عالي وأرخص من أكياس الشركه نفسها تقريبا بنص السعر ..

شريته مره وحده وبيكفيني لأكثر من ١٥٠ كيس بالحجم اللي أستخدمه بالعاده..

~

في الحالة الطبيعية بنحتاج كل الخاصيتين بحيث نثبت طرف الكيس على فتحة الجهاز فيتم شفط الهواء من الكيس وبعدها الجهاز يحكم إغلاق طرف الكيس بالحرارة حتى ما يخرج ولا نقطة هوا..

طبعا بهالطريقة أغلف اللحوم والخضار وأحيانا بعض الفواكه المثلجه حسب الكميات اللي عندي..

جهاز تفريغ الهواء + هدية لأصدقائي

أحب أول ما أرجع من السوبرماركت أغسل صدور الدجاج أو اللحم واقطعها صغار

وممكن أتبلها أحيانا واحط في كل كيس مقدار وجبه، وبعدها أخلي الجهاز يعطينا لمسته السحرية ..

جهاز تفريغ الهواء + هدية لأصدقائي

بعدين أكتب على الكيس التاريخ بقلم شاربي ماينمسح

جهاز تفريغ الهواء + هدية لأصدقائي

أو أقص العلامة اللي على الغلاف وألصقها على الكيس

جهاز تفريغ الهواء + هدية لأصدقائي

وممكن بعد ما أسحب الهوا وأسكره اضغط الكيس لحد مايصير مسطح

عشان ماياخذ مساحه في الفريزر و بهالطريقة يذوب بسرعه إذا طلعته ..

جهاز تفريغ الهواء + هدية لأصدقائي

جهاز تفريغ الهواء + هدية لأصدقائي

سويت فيديو كامل عن طريقتي في تتبيل وحفظ الدجاج بينزل على قناتي في اليوتيوب بإذن الله

ونفس الشي مع أكياس الخضار المفرزن أحيانا الكمية اللي أشتريها تكون كبيره

فآخذ نصها اللي في الكيس واحطها في كيسه ثانيه واسحب منها الهوا والباقي اتركه في علبته للاستخدام في الفترة القريبة ..

بهالطريقة أحافظ على كمية كبيرة من المواد بشكلها وطزاجتها الأصليه

بدون مايجي حولها بلورات ثلج ولا تنشف ولا يتغير لونها أو شكلها وريحتها
ولا تطلع ريحه في الفريزر ويصير الدنيا حوسه وريحه..

وهذي مقارنه لقيتها في  هالمدونة

حفظوا بروكلي في أكياس محكمة الغلق (الزبر باق العادية) وخلوها ثلاث شهور في الفريزر ،

وحطوا بروكلي في كيس وسحبوا منه الهوا وتركوه خمس شهور في الفريزر ،

وهذي النتيجة:

جهاز تفريغ الهواء + هدية لأصدقائي

طبعا مو بس في أغراض الفريزر نستخدم الجهاز ،

ممكن نغلف فيه كميات التمر أو المكسرات أو البن اللي ماراح نستخدمها بسرعه..

مثلا أنا ما أقدر استخدم كل المرتديلا بفتره بسيطه فأطلع نصف الكميه وأغلفها

عشان إذا خلصت الكميه اللي عندي يصير الباقي طازج أكثر من لو كان مايزال في الكيس اللي كل شوي آخذ منه.،

جهاز تفريغ الهواء + هدية لأصدقائي

و أكتب عليه التاريخ واسم المنتج

وأتوقع يدوم أطول بأيام من تاريخ الانتهاء لو ماتم فتحه..

لقيت ناس مايكتفون باستخدام الجهاز للأطعمه ، بعضهم يغلف لصقات الجروح واللواصق حتى ما تخرب المادة اللاصقة مع الزمن..

يعني باختصار أي شي بنحتفظ فيه فتره طويله ومانحب الهوا أو الغبار يخربه نقدر نغلفه بهالطريقة..

~

في بعض الحالات نحتاج فقط للتفريغ الهواء بدون إغلاق حراري.

حالات استخدام هالخاصية على عدة أشكال :

أولا : أكياس الزيبر.. الي نفتحها ونغلقها بواسطة شريط

جهاز تفريغ الهواء + هدية لأصدقائي

وهذي مناسبه للمواد اللي نفتح غلافها باستمرار ثم نغلقها مثل شرائح الجبن والمرتديلا والمكسرات وغيرها..

الجهاز حقي نفسه يجي معه قطعه مخصصه لهالنوع من الأكياس ولكن مو أي كيس يصلح،

فقط اللي يكون مكتوب عليها انها تقبل جهاز الشفط يكون فيها فتحه صغيره فوق مخصصه للمكان اللي توضع فيه القطعة .. مثل الصورة اللي فوق ..

المربع اللي على اليمين هو المكان اللي نحط عليه انبوب الشفط ..

جهاز تفريغ الهواء + هدية لأصدقائي

القطعة الخاصة بهالنوع من الأكياس، نوصلها بالجهاز ونحطها على الدائرة اللي في الكيس..

وكل مره نفتحها بسهوله زي أي كيس عادي ، ونرجع نسحب منها الهوا في ثواني..

بعض الأجهزة الأصغر حجما من جهازي مايجي معها هالقطعة لازم تشترونها بشكل منفصل إذا حبيتوا هالخاصية ..

هذي القطعة صغيره اصغر من الكف وسعرها رخيص نسبياً وتستخدم بشكل مستقل بدون الجهاز

جهاز تفريغ الهواء + هدية لأصدقائي

~

ثانياً : العلب والبرطمانات.

جهاز تفريغ الهواء + هدية لأصدقائي

بصراحة ماكنت أتخيل اني بأحصل طريقة لإحكام إغلاق المعلبات بهالسهوله..

يعني بهالجهاز مع العلب كأن في بيتي مصنع احترافي للتعليب ، مثل برطمان المربى أو المخللات الي نفتحها وتطلع صوت ،

تخيلوا كم من الوقت بتحافظ على شكلها وطعمها بدون مايخربها الفتح..

العلب على عدة أشكال :

الأول: علب الميسون جار Mason Jar الزجاجية اللي نشوفها الآن بكل مكان،

يجي لها قطعة صغيرة كإكسسوار للجهاز،

جهاز تفريغ الهواء + هدية لأصدقائي

بمجر تركيب  هالقطعة نقدر نستخدم الجهاز مع الميسون جار

بواسطة توصيل انبوب من الجهاز للقطعة ، الانبوب يجي مع كل الأجهزة..

جهاز تفريغ الهواء + هدية لأصدقائي

إستخدامات الميسون جار :

كثير كتبوا تجاربهم مع هالعلب وتحضير الوجبات فيها،

لدرجة انه فيه كتب تباع في المكتبات متخصصه فقط بكيفية إعداد الوجبات مسبقا وحفظها في العلب،

بعضها يحضرون وجبات مجففة بحيث تجلس لهم سنوات ماتخرب وبس تحتاج اضافة مويه مغليه عليها وتكون جاهزه للأكل

وبعضهم يجهزون فيها سلطات تجلس بالأسبوع ماتخرب ..

جهاز تفريغ الهواء + هدية لأصدقائي جهاز تفريغ الهواء + هدية لأصدقائي جهاز تفريغ الهواء + هدية لأصدقائي

مثلا بالنسبه للسلطات، نقطع السلطة ونرتبها في العلبة بترتيب معين السوائل تحت والورقيات فوق ، تجلس اسبوع كامل ما تغير فيها شي!

يعني كثير أجانب أشوفهم يضبطون لهم ٧ علب سلطة في يوم واحد وبجلسه وحده ، وكل يوم تصحى تاخذلها علبه وهي طالعة للدوام ، أو تحطها على الغدا بكل بساطه .. ولا فيه أي طعم (بايت) يعني إذا أكلوها بعد ثلاث ايام كأنهم ماكلين سلطه جلست في الثلاجه ساعات بس لو كانوا مفرغين الهوا من العلبه ..

شي خرافي!!

بالنسبة لي، أحب أقطع بعض الخضار ليومين أو ثلاث أو اسبوع واحتفظ فيها في الثلاجة

واصير استخدمها مع الطبخ حتى تقل مدة تحضيري للوجبة..

وأحيانا أقطع فواكه وأحطها في العلب تكون جاهزة للأكل لأيام

بس الصراحة انها ماتكمل يومين الا واحنا مخلصين عليها بسبب سهولة أكلها متى ما اشتهيناها مو مثل لو كانت تحتاج تغسيل وتقطيع

جهاز تفريغ الهواء + هدية لأصدقائي

وهكذا كل شي نحتفظ فيه داخل العلبة ونفرغه من الهوا من أجبان أو مخللات أو صلصات وغيرها نضرب وقت صلاحيتها في ٥ ونستمتع بها على وقت رغبتنا..

*ملاحظه : بالنسبه للجزر اعبي العلبه مويه حتى يحافظ على شكله ومايجف، واستخدم المويه مع الشوربة ما أكبها لأن بعض القيمة الغذائية تتسرب لها من الجزر..

جهاز تفريغ الهواء + هدية لأصدقائي

وأما بالنسبه للبصل نشوحه على النار ونحط معه البهارات قبل مانفرزنه عشان مايصير شكله ذايب بعد مانطلعه من الفريزر ..

لكن إذا باحطه في الثلاجه مايحتاج أطبخه قبل..

( كم وحده قالوا لي البصل مايصلح يدخل الثلاجه بعد التقطيع لازم يستخدم مباشره أو بيصير سام و يتبكتر،

بحثت عن صحة المعلومة طلعت غير صحيحة ،طالما قوامه وريحته ولونه ممتازين مافيه مشكله يستخدم

وكاتبين في كثير من المواقع انه يحفظ بعد التقطيع في علبه محكمة الإغلاق لمدة من ٧-١٠ أيام .. للاستزادة هنا)

~

الثاني:  علب خاصة مصممه من شركة الجهاز نفسه

تجي على مقاسات مختلفه وتكون بهالشكل:

جهاز تفريغ الهواء + هدية لأصدقائي

مسطحه

طولية

طبعا ميزة العلب الثابته عن الأكياس انها ممتازه لحفظ المواد القابله (للهرس) يعني اللي ممكن تنضغط وتخرب أو تتكسر مثل الشيبس أو المارشملو ..

لو حطينا شيبس في كيس وفرغنا الهوا، الكيس بيضغط على الشيبس وبيتفتت في لحظات..

فالعلب هي الحل..

البسكويت وأشياء كثير تفقد قوامها بعد فتح العلبه وتكون إما لينه ومو مقرمشه أو تكون قاسيه وفقدت طراوتها اللي كانت محتفظه فيها لأسابيع وهي على أرفف المحلات

والسر كله بسبب الهواء اللي تعرضت له بعد فتح العلبه أو الكيس..

فأعتقد العلب حل جدا مناسب خصوصا بعد أيام الحفلات نكون فتحنا كميات كبيره من هالأشياء وتبقت بدون ما تؤكل وبعد أيام مانشتهيها ونرميها ..

~

الثالث: علبه خاصة بالتتبيل

جهاز تفريغ الهواء + هدية لأصدقائي

هالعلبة فكرتها جدا جميلة ،

تستخدم في تتبيل اللحوم أو أي شي نحب نخليه يتشرب المادة السائلة بسرعة..

بدل وضع اللحمه في كيس مع التوابل ونخليها ليله كامله في الثلاجة ، هالعلبة تسوي نفس المفعول خلال ١٠ – ١٥ دقيقة ..

طبعا المطلوب نحط اللحمه بداخل العلبه مع التوابل ونغلق عليها الغطا ثم نشبكها بالجهاز ونشغل الشفط

وبعد ماتنتهي من الشفط نخليها على جنب أو في الثلاجة لمدة ١٥ دقيقة وتصير اللحمه متبله وجاهزة وكأنها جلست يوم كامل ..

ملاحظه : حتى العلب الثانية ممكن تستخدم للتتبيل بنفس الطريقة بدل هالعلبة .. لكن هذي هم منتجينها خصصيصاً للتتبيل ومفعولها أسرع حسب ما قرأت..

..

الأسلوب الثالث

استخدام خاصية الإغلاق الحراري فقط بدون تفريغ الهواء..

التغليف الحراري مجال تبدعون فيه يعني نصمم أكياس بالطريقة اللي نحبها..

مثلا أحد الطرق اننا نسوي خطوط حرارية بالطول ، وبعدين نعبيها سموذي او عصير ونفرزنها وتصير ايس بوبز منزلية ..

جهاز تفريغ الهواء + هدية لأصدقائي

شفت ناس يسوون هالحركة مع الزبادي بالفواكه للأطفال،

وبعضهم يعبيها عصير ليمون ومتى ما حب كاس عصير طازج ياخذ وحده ويتركها تذوب ويصبها في الكاس بدون حوسه ..

أنا كنت أحب أصلح ايسكريمات في البيت لكن اذا صلحتها كنت اتورط بعلبه القوالب

لانها كبيره وتاخذ مساحه من الفريزر ولا اقدر اطلعها الا اذا خلصت اخر ايسكريم منها ..

لكن مع التغليف صرت أقدر أغلف كل وحده لحالها مباشره بعد ماتتجمد وبشكل يشهي ونظيف..

طبعا اقدر اشفط الهوا منها لكن مو ضروري، الفكرة هنا اني اصنع أكياس خاصه بمقاساتي اللي أحبها..

جهاز تفريغ الهواء + هدية لأصدقائي

طبعا الجهاز منه عدة أنواع وكلهم تقريبا نفس الغرض،

الإصدار اللي عندي أخذته بعد ماقارنت بين الأجهزة ومواصفاتها وأسعارها وهو من الأجهزة الجديدة

فأنصحكم به ، ويجي منه حجمين صغير وكبير ،

الكبير Foodsaver2100 .. الصغير Foodsaver2000

كل الأغراض اللي حطيتها اضغطوا على الصورة أو الاسم ويطلع لكم أسعارها ،

(ماحبيت أكتب السعر مباشره هنا لأن الأسعار تتغير كل فتره)

كل الجهازين يقومون بنفس الوظيفة بالضبط لكن فيه ثلاثة فروق :

الأول : الكبير فيه داخله مساحه للرول حق الأكياس البلاستيكية وشي يقطع الاكياس..

الثاني: الكبير فيه خاصية ال moist-dry وهي اللي نختار هل الأكل فيه سوائل أو جاف بحيث الجهاز يحاول مايسحب السوائل..

الفرق الثالث : الكبير يجي معه اكسسوار حق أكياس الزيبر وممكن يسحب الهوا منها، أما الصغير لازم تشترون القطعه منفصله اللي كتبت عنها فوق..اللي هي  هذي

لكن من بعد التجربه تمنيت اني أخذت الصغير أحسن من ناحية مساحة المطبخ،

والمكان اللي بالداخل حق الرول اقدر استغني عنه بالراحه،

وميزة ال moist/dry مو دقيقة ، احط انه رطب مع ذلك يسحب المويه يعني مو لذيك الدرجة الميزة واضحه..

وهالميزه مالها علاقه بالعلب بس مخصصه للأكياس..

يعني باختصار أي نوع من الفود سيفر بيسوي لكم نفس النتائج ..

أنا أخترت حقي لأنه إصدار جديد  وحصلته بسعر حلو ومميزاته كامله ومقاسه مناسب مو كبير بزياده..

ملاحظة: الجهاز على خط ١١٠

أجهزة ٢٢٠ تحصلونها في أمازون بريطانيا ،

والأنواع الي في بريطانيا تختلف في الشكل لكنها بالضبط نفس المواصفات ومن نفس الشركة

هذا الجهاز بديل الصغير 

جهاز تفريغ الهواء + هدية لأصدقائي

وهذا بديل الكبير 

جهاز تفريغ الهواء + هدية لأصدقائي

وفيه مميزات أكثر من اللي عندي واضحة في الفيديو اللي في صفحة المنتج

والميزة في أجهزة بريطانيا انها تنحفظ وهي واقفه يعني تحفظ مساحة لكم في المطبخ وقت اللي ماتستخدمونها

كل الأغراض اللي في هالتدوينة موجودة في أمازون اضغطوا على الصور أو الكلمات وتوديكم للصفحة 

~

وهالمرة عندي لكم مفاجأة لأول مرة على المدونة

.

.

.

جهاز تفريغ الهواء + هدية لأصدقائي

تراآاآاآ~

لأني أحب هالجهاز جدا وأحبكم جدا جدا بأهدي وحده من قائمة الأصدقاء جهاز يوصلها لبيتها ..

وبأهدي وحده ثانيه من متابعاتي على اليوتيوب جهاز ثاني يوصلها لبيتها ،

يعني جهازين  هدية ،

ما يحتاج تسوون أي شي إلا انكم تكونون من أصدقائي اللي مسجلين في قائمة الأصدقاء

“تأكدوا من تفعيل اشتراككم ،

إن لم تصلك رسالة التفعيل أتمنى البحث عنها في الجنك ميل (البريد المهمل)

وإن لم تكن هناك تفضلوا هنا

قائمة الأصدقاء
الاسم
البريد الالكتروني *

 أو من متابعيني على اليوتيوب بالضغط على ايقونة اليوتيوب

أو الدخول للقناة والاشتراك بالضغط على subscribe

اسم قناتي في اليوتيوب : arwa karu

بيتم الأختيار بعد ثلاث أيام بإذن الله ..

جهاز تفريغ الهواء + هدية لأصدقائي

وإن شاء الله بأحاول أكثر من الهدايا مع التدوينات الجاية ،

طبعا بيوصلكم خبر عن أي هدية مباشرة على بريد الصداقة..

جهاز تفريغ الهواء + هدية لأصدقائي

( ملاحظة : الهدايا تكون في وقت نزول التدوينة مباشرة ،
هدية هذه التدوينة تم تسليمها لأصحابها ،
والاختيار كان بشكل مباشر عبر السناب والانستغرام )

المراجع:

للاستزادة في موضوع فساد الأطعمة هذا مقال باللغة الانجليزية واضح ومفصل

 ماهو حرق الفريزر؟

وهذي بعض مقاطع الفيديو توضح بعض الأشياء في الجهاز

١- قوة الجهاز في سحب الهواء

٢- تغليف الوجبات كامله قبل التفريز 

٣- مقطع فيه تغليف لأشياء منوعة 

...

تواصلوا معي عبر :

انستغرام وتويتر : arwa_alomrani@

يوتيوب : arwa karu

سناب : arwakaru



اترك تعليق

288 تعليق على "جهاز تفريغ الهواء + هدية لأصدقائي"

avatar
فرز بواسطة:   الأحدث | الأقدم | الأكثر تصويتاً
عائشة
ضيف

أروى الجميلة ، اشتركت من قبل في بريد الأصدقاء واشتركت هذه المره ولم يصلني ايميل لقبول الاشتراك :/

Mai N
ضيف

صراحة موضوع رائع واتحمست للطبخ وللجهاز
لاني صراحة موظفة وارجع البيت متأخر واتورط في المطبخ واضيع وقت وجهد وتعب شديد

الله يجزاكي كل خير ????

دورا
ضيف

السلام عليكم أروى
التدوينة مفيدة جدا وفتحت لي آفاق كبيرة للاستفادة من الجهاز..
شكرا من القلب على مشاركتك لنا هذه المعلومات..
عندي سؤال مهم وما وجدت له إجابة واضحة في اليوتيوب ولا ريفيوهات الناس في أمازون مع اني بحثت كثير
االأجهزة الأكبر من جهازك والأغلى بعضها فيها زر pulse وهو للتحكم بشفط الهواء يدويا
سؤالي هو هل جهازك فيه امكانية لإيقاف شفط الهواء يدويا وبدء الاغلاق الحراري.. مثلا لو كنت أريد حفظ حبز صامولي في الأكياس فهل أستطيع إيقاف سحب الهواء عندما أرغب حتى لا يفسد شكل وحجم الصامولي؟؟؟

Balsam
ضيف
يعطيك العافية يا أروى الجميلة ?، كلامك وشرحك سهل وواضح جدا، ومشجع للطبخ وفرزنة الاكل الصحي.. فيه نقطة بالنسبة للأجهزة الكهربائية لازم نتبه لها، وهي التردد من شركة الكهرباء كل بلد له تردد معين ويرمز له hz، وتنكتب على الاجهزة الكهربائية زي كذا hz60، او كذا hz50-60، امريكا والسعودية التردد حقهم hz60، أما بريطانيا ترددهم hz50. المشكلة ان استعمال التردد المختلف يسبب تلف الجهاز وقصر لعمره الافتراضي، يعني اللي يشترون أجهزة من بريطانيا لازم يتأكدون من تردد الجهاز يكون مكتوب عليه hz50-60، أما إذا كان مكتوب عليه hz50 فما يصلح الجهاز يستخدم في السعودية. >> استفدتها من تجارب سابقة والحمد… قراءة المزيد ..
عائشة
ضيف

جمييييل جددداً التقرير ويحمس صراحة لاقتنااء الجهاز ماشاء الله عليك أروى✨
رب يبارك لك ويبارك فيك ?

أتمننننى أفوز بالجهاااااز ??

وفاء كاظم
ضيف

واخيرا تدوينة لاروى يس ??❤️️ حمد لله على سلامتك

ندى
ضيف

لو سمحتى ابى الجهاز كيف اتواصل معك

لين
ضيف

وأخيرا اروى من بعد غياب ?
مواضيعك كالعادة مميزة و مفيدة
سلمت اناملك ??

Muhra
ضيف

ماشاءلله تبارك الله نظاافه شغلك وشغله الله يزيدك ??

ان شاءلله اكون مَن مايصادفه الحظ ?❤️❤️

لبنى علان
عضو

أولا.. نوووورتي مجددا أروى ?
كنت انتظرك بشغف..
التدوييينة راااائعة و مثيرة للاهتمام.. احسنت اختيار الموضوع كالعادة.. شرح وافي و تفاصيل دقيقة
اعانك الله صديقتي ?
فكرة الهدية لططيفة جدا.. ?? شكرا للطفك

Sam.Siyabi
ضيف

?????
فعلاً تحمست للفكرة والتطبيق في القريب العاجل..
انتي انسانة رائعة أروى …

أنا اواجه نفس المشكلة..
انا في قائمة الأصدقاء في المدونة ولا يوصلني شيء ولا حتى في الجنگ ميل..

سارا
ضيف

شكرا اروى
موضوع مهم مفيد ونحتاجه بحياتنا

منى
ضيف

انا مسجله بالقائمه
هل اسجل مره ثانيه؟

Atekah
ضيف

??خقيت على الجهاز خصوصا جزء الايسكريم?? والفواكهه احسه مرررررة عملي??
يهبل يهبل تقريرك كافي ووافي?ما شاء الله ابدعتي أروى ، فعلا من طول الغيبات جاب الغنايم?اجمل تقرير واجمل الغنايم?
أتمنى لك يوم ملون ?

Ghadah
ضيف

عاشت يدك اروى ابدعتي والله جنت محتاجه هيجي معلومات لان حرامات الاكل الي ينحط بلفريزر راسا ينذب اكره الريحه الي اصير بيه ان شاء الله اجرب طريقتك وتسلم اناملك ولتكطعين علينه بمواضيعج الحلوه

ام ريماس
ضيف

مساء الخير أروى
كما عودتينا موضيعك ديم روعه ومتجدده
يعطيج العافيه
صداقتج بنسبه لي اكبر هديه

Mimo
ضيف

تقريرك جميل شكراً لك ??لكن حابه اعرف هل يعمل بالبطاريه او الكهرباء؟
?

arwa essary
عضو

رائعة كا عادتك ربي يجعل كل ما تقدميه لنا في ميزان حسناتك يا مبدعة

Enaas
ضيف

حبييت الجهاز .. و الشرحك جميل جدا و متكامل يعطيكي العافيه ?

Hala.f
ضيف

جمييييلة دايما .. ماشاء الله عليك

زينة :*
ضيف

اول مره ادخل مدونتك واول تدوينه اقراها
صراحه شي جمييييل تبارك الرحمن استفدت كثير ربي يسعد قلبك
عاد انا جتني فترة رهيبه ف الطبخ بس الحين :)؟ اندومي ويخب بعد ??
مدري سبحان الله كان عندي نفس ف الطبخ الحين راح ! قد صار لك كذا ??؟
*نفس ف الطبخ يعني اللمسه الخاصه لكل شخص هو نفس الشي الي يخليك تفرقي من اكل امك واكل اختك مثلا*

المهم التدوينة جميلة يعطيك
العافية وربي يسعد قلبك الجميل ??

هيفاء
ضيف

تدوينة مميزة ماشاءالله،
الله يبارك في وقتك وجهدك

هديل
ضيف

ماشاء الله تبارك الرحمن??أفكار جميلة ومعلومات قيمة❤️عوداً حميداً أروى

ديمه
ضيف

فعلا جهاز مفيد لازم لازم اشتريه ????

ديمه
ضيف

لا مارح اشتريه بشوف حظي اول?

رحاب حاتم
ضيف

جزاك الله خير يا اروى تقرير رائع ❤️
انضميت لقائمة الاصدقاء
ان شاء الله يكون الجهاز من نصيبي ??

pink.1988
عضو

حبيت الشرح والموضوع كثير مفيد والجهاز اكثر من رائع يعطيكي الف عافيه ابدعتي اروتي ❤

مهاوي
ضيف

مبدعه كعادتك

ام عثماني
ضيف

ماشالله مدونة رائعة ومفيدة
جزاك الله الف خير

miss maruko
عضو

لا عاد تغيبي كثير، فعلًا طول الغيبات جاب الغنايم ?
مدونة شيييقة ?
كل الود ??

Rawan akram
ضيف

بجنن الجهاز ولا أروع

Mona bokhari
ضيف

مررررة استمتعت وانا اقرأ❤️❤️
وان شاء الله افوز بالجهاز لاني جدا احتاجه مع الدوام والحياة الجديدة الي حاواجهها قريب ان شاءالله ?

سمر
ضيف

مبدعه كعادتك سلمتي وسلمت اناملك?❤️

Ghada
ضيف

كنت باشتري الجهاز قبل فترة بس ترددت ? حسيت انه اكسسوار و ليس اساسي …. و لكن بعد ما قرأت تدوينتك حبيته كثير و دخل دماغي ?
شكراً على التدوينة الرائعة ? احب الشرح الطويل و الاهتمام بالتفاصيل …. مجهود رائع عزيزتي ???

هجير الشمس
ضيف

روعه ماشاءالله تبارك الله ياعينى علينا كان الأكل يخرب بسرعه بس
فكرتك عجبتنى جداً الله يجزاك خير على مجهودك وتعبك يااحلى اروى
بصراحه احبك فى الله وافرح لما اشوف ايميلك يوصلنى اتمنى من الله العلى القدير ان يرزقك سعادة الدارين تحياتى لكى ولمتابعينك
هجير الشمس

ريف
ضيف

جميل جدا ماتوقعته كذا ،شكرا للشرح الوافي ?وعودا حميد??

مريم
ضيف

عودا حميدا غاليتي أروى ويا هلا وسهلا ..
الموضوع أكثر من رائع والهدية قيمة ومحظوظة اللي راح تحصله .. ونسأل الله من فضله ..
جزاك الله خيرا ع الحماس اللي تحمسينا وتفيدنا ودمت بكل خير

نوره
ضيف

مرحباً موضوع شيق جداً .. بس ياقلبي اشتركت وماوصلني?
حتى بالجنك ميل ماهي موحوده

هناء
ضيف

الله يسعدك ويكتب لك أجر كل شي تعمليه لمساعدة الغير والتسهيلات عليهم

هناء
ضيف

والتسهيل *

بيان
ضيف

أروى العمراني أتابعك من قبل سنوااااااااات لدرجة اني لا أذكر كيف عرفتك.. وأنا مش جيدة في التعبير عن مشاعري بالكلام لذلك هاي أول مرة بعلق!
بس حسيت انك لازم تعرفي انك انتي قدوتي في كل الأشياء المتعلقة بإدارة المنزل ولمسة المرأة المميزة ببيتها، بتعلم منك على طول وبحب أتابعك بكل شي بتكتبيه، شكراً لك لإني عمري ما قرأتلك موضوع وحسيت حالي ضيعت وقتي دايماً بستفيد وبستفيد وبستفيد 🙂

Um sajjad
ضيف

السلام عليكم
ماشاء الله شرح وافي
وجهاز يستحق الاقتناء

كانت توصلني ايميلاتك
لكن اخر موضوعين ما يجيني منك ايميل ??

hessa
ضيف

تقرير وافي وكافي
والمقارنة الاخيره جميلة تسهل عملية الاختيار

ان شاء الله اصير من اصدقاء المدونه واربح الجهاز
لان هذي اول مره اعرف فيها مدونتك

Sara
ضيف

ماشاء الله تقرير وافي و كافي ?? يعطيك ربي الف عافيه اروى ~
كنت انتظر هالتدوينه من زمان و سالتك كم مره عن الجهاز لاني املك نفس الماضي العريق لك بالمطبخ ? لكن كانت فعلا تستحق الانتظار ، ?

جواهر
ضيف

اهلين اروى مشكوره ع مواضيعك الجميله مسجله معاك من سنه اقريبا ماوصلتي الا ايميلين وبعدها مايرصل شيكت ع الجنك ميل مافي ?

أفنان
ضيف

زينك زينك زينك بسسس
وه ربي ما يحرمنا , تدوينة تجننن وتهبل ومفيدة

أنت وشو ؟ ?
كنت أتمنى أقابلك بمبتعات إثراء بس ما كتب ربي
أتمنى ذلك مستقبلا

وشكرا لك
وجزاك ربي كل خير

دارين
ضيف

جميييل الله يسعد قلبك ويزيدك من فضله ❤️❤️

السؤال هل فيه ٢٢٠؟ ? الكهرب الان غالبه ٢٢٠
ماعندي ١١٠

هناء
ضيف

يازينك اروى من طول الغيبات جاب الغنايم ?
مرره عاجبني الجهاز شرح مفصل ووافي
شكرا
والحمدلله على السلامه ❤️

ولايف
ضيف

مبدعه أروى???
كالعاده?

مناهل
ضيف

الجهاز بطل ماشاء الله واعجبتني طريقك تفكيرك وتنظيمك -استمري ياجميله

Nada.M
ضيف

عوداً حميداً أروى?
بانتظار عودتك لليوتيوب?
ربي يبارك لك بوقتك وانجازاتك???

كوثر محمد الكحيلي
ضيف

اروى ياجميلة اهلا بعودتك

شكراً ع المواضيع الحلوه

?

Rawiah Alzahrani
ضيف

مبددددددددعه كفيتي و وفيتي و يارب يكون من نصيبي نفسي فيه من زمان ?❤️❤️?
يسعدك اروى احبك والله??

Fatimah jaffal
ضيف

ابدعتي اروى ? يعطيك الف الف عافيه على هالمعلومات
صراحه معلومات رائعه وشيقه وتحمس الوحده بالتقسيم والتنظيم وكل ماتنظم المكان كل ماتنفتح النفسيه والشهيه اكثر
الله يسعدك دنيا واخره يارب

ام مجد
ضيف

ها قد عدتي والعود احمدُ… سعدت جدا بقراءة موسوعة المعلومات المرتبة والممتعة في موضوعك المميز كعادتك .

‫wpDiscuz

أضف تعليق عبر الفيسبوك:





حمل