من ايكيا إلى بوتري بارن

اهلاً يا أجمل أصدقاء

اليوم عندي مشروع من المشاريع الخفيفة اللطيفة

أتوقع أغلبكم عنده هالكرسي أو دايم يشوفه ، كرسي أو درَج BEKVÄM من ايكيا ،

من ايكيا إلى بوتري بارن

أحتاجه كثير في بيتي، احيانا استخدمه كسلم اصعد عليه حتى أوصل للأماكن البعيدة في مطبخي،

وأحيانا ككرسي اجلس عليه ، وأحيانا طاوله، استخداماته كثيره والجميل فيه انه سهل التنقل بسبب الفتحه الي فوق ..

المهم كان عندي من فتره وحبيت أعطيه شكل جديد بما انه متسخ وشكله ممل وتقليدي ومايناسب مطبخي..

قبل و بعد :

من ايكيا إلى بوتري بارن من ايكيا إلى بوتري بارن

الخطوات شاركتها أصدقائي في السناب في لحظتها وأحسها تجربه حلوه تشاركوني المشاريع القادمة بشكل مباشر،

حسابي في snapchat :
( arwakaru )

وهنا بأكتب الخطوات بالتفصيل للي حاب ينفذ العمل،

هالخطوات ممكن تستخدم على أي خشب سواء كان برواز، كرسي، طاولة، صينية، دولاب، أي خشب في العالم.

المهم ان يكون الخشب حقيقي مايكون جلده خشب او قشرة خشب..

أولاً: الصنفرة

الصنفرة بورقة تكون خشنه وهي مخصصة لحك الخشب حتى تزيل أي أوساخ أو صبغات على الخشب ..

الورقة يكون مكتوب عليها أرقام ، الأرقام تدل على خشونة أو نعومة الورقة..
كل ما قل الرقم صارت الورقة أخشن و اذا زاد الرقم تكون أنعم..
الأرقام من ٦٠ إلى ٢٠٠ تعتبر خشنه ، ٦٠ الأخشن ، ٢٠٠ الأنعم

استخدمت ورقة رقمها ١٥٠ وحكيت فيها الخشب لحد مازالت كل البقع والصبغات الي عليه من جميع الجهات،
هالمرحلة بتطلع لون الخشب الأصلي وغالباً بيكون باهت ..

من ايكيا إلى بوتري بارن

ثانياً: التنعيم

من ايكيا إلى بوتري بارن

ويكون باستخدام ورقة صنفرة ناعمه من ٢٠٠ إلى ٤٠٠

استخدمت ورقة رقمها ٢٢٠ ، ويفضل ماتتعدون رقم ٣٠٠ لأن رقم ٤٠٠ وفوق بيخلي الخشبه ناعمه جدا وكذا ماتمسك فيها الصبغات بسهوله، فمانحتاج كل هالنعومة الا في النهاية ..

حكيت الخشب بورقة ٢٢٠ من جميع الجهات..

بعد مرحلة الصنفرة مسحت الكرسي من الغبار زين باستخدام فوطه شبه مبلله (مو مبلله بس فيها نقطة مويه)

( ملاحظة )

اذا بيكون شغلكم على مساحات شاسعة مثلا طاولة كبيرة
أو دولاب فاقترح تاخذون جهاز الصنفرة لأن باليد بتاخذ وقت طويل وجهد..
هذا اللي عندي

ثالثاً: التحويل لشكل عتيق (فقرة اختيارية)

من ايكيا إلى بوتري بارن

بالنسبة لي احب الأثاث اللي يسمونه rustic ، تقريبا الأثاث العتيق ، وتفاصيل الخشب الحقيقي ،

يعطيني شعور ان الخشبه ثمينه ولها تاريخ ، تقريبا نفس اسلوب بوتري بارن في الاثاث ..

وعشان اوصل لهالشكل لازم احاكي شكل الخشب العتيق

ببعض الحفر والضربات و الرسومات على الكرسي،

استخدمت عدة أساليب ..

من ايكيا إلى بوتري بارن

١- بالمطرقه بقوة ضربت بعض الأطراف حتى يبين فيها عفطه بسيطة

من ايكيا إلى بوتري بارن

٢- بالمسمار والمفك سويت بعض الحفر والنقوط بعضها عميق وبعضها بسيط

٣- ببعض الادوات المختلفة ضربت ضربات عشوائية

من ايكيا إلى بوتري بارن

٤- بالمفك والمسمار وادوات مختلفة ضغطت على الخشب بالمسمار ومشيت به خطوط مستقيمة تمشي مع الخطوط الموجودة في الخشب نفسه ، يعني بنفس مسار خطوط الخشب الخفيفه اسوي خطوط بعضها عميق وبعضها خفيف..

٥- بالمسمار والمطرقه احط طرف المسمار على الخشب (بوضعية زاوية حادة) واطقه بالمطرقه لحد مايبدا يدخل في الخشب ويقشر شوي من الطبقة ، هذي بعد تكون على نفس مسار الخطوط الي في الخشب لتحاكي الفراغات الي في الخشب الحقيقي..

٦- على أرجل الكرسي أو زواياه نستخدم اي أداة قوية نقشر فيها أجزاء من الزوايا

من ايكيا إلى بوتري بارن

٧-مسحت الكرسي ب (خل) خل حق الأكل .. يقولون انه يعطي شكل عتيق بس مالاحظت فرق كبير لأني ماحطيت كثير ..

٨- اترك هذي لابداعكم وخيالكم تفرجوا صور خشب عتيق وحاولوا تقلدون بعض الحفر الموجوده..

هالفقرات طبعاً تحتاج فن مو بس تخبيط عشوائي بدون هدف والا ممكن يصير شكلها باين انها مقصودة ،

لا تستخدمون نفس الأداة كثير جنب بعض ولا بمسافات متساويه عن بعض .. ولا تركزون على الأسطح وتنسون الأرجل والأماكن الخفيه ، كلها مهمه ..

العشوائية المدروسة مطلوبه في هالفقرة ..

رابعاً: الصبغة

من ايكيا إلى بوتري بارن

قبل ما اشرح كيف صبغت بأكتب لكم مقدمة بسيطة في اختيار نوع الصبغة :

فيه نوعين من الصبغ :

الأول يسمى ب بينتpaint و الثاني ستينstain

الفرق ان البينت هو الي يجي بألوان مختلفه كثيره ويكون طبقه على الخشب أو أي سطح ..
بينما الستين هو صبغه خاصة فقط بالخشب اللي ماعليه أي صبغة أو طبقات.. يعني خشب نظيف..
وتكون هالصبغة خفيفة تنحط على الخشب ثم تمسح ويبين معها شكل الخشب الحقيقي
أما الصبغه البينت تغطي الخشب بالكامل..

وهذا خطأ كبير لو استخدمنا بينت بني بيكون شكله جدا سيء لانه ماراح يطلع جمال الخطوط الي في الخشب وبيخرب كل الشغل ..

فضروري نختار “ستين“..

الستين له نوعين نوع مائي ونوع زيتي ، ايا كان المتوفر مايفرق في النتيجه كثير ، الفرق ان المائي ينشف بسرعه في ساعه ساعتين أما الزيتي ياخذ وقت يوم يومين..

ما أطول عليكم أنا أحب أتعامل مع المائي لأنه أسرع..

لكن أيا كان الاختيار لا تنسون طبقة الحمايه لازم تكون من نفس نوع الستين يعني اخترناه مائي الحمايه بعد نختار مائي وهكذا..

نعود لمحور حديثنا ،

طريقة الصبغة

استخدمت لون dark walnut من شركة varathane

قبل ما أصبغ حبيت ألون بعض الأجزاء حتى تكون أغمق من غيرها ،

لأن كرسي ايكيا كله جاي لون واحد وغالبا الخشب العتيق والفخم يكون متدرج اللون وفيه عروق..

بنفس الصبغة صبغت بعض الأجزاء طبعا باتباع رسمة عروق الخشب الحقيقية الموجودة على الكرسي، مافيه مانع نخترع خطوط غير موجودة لكن الحذر مهم .. أخليه كم ثانيه بعدين أمسحه بفوطه شبه مبلله مباشرة ..

يروح الصبغ ويبقى اللون الجميل الي شربه الخشب بسرعة..

من ايكيا إلى بوتري بارن

بعدها بفرشة ناعمه صبغت كل الكرسي لكن على مرحلة مرحلة ،

المهم مانخلي الصبغة تجلس اكثر من دقيقة بدون مانمسحها ، اذا حابين لون افتح نمسح تقريبا مباشره، واذا حابين اغمق نخليها كم ثانيه زيادة ، بعد ثلاث دقائق تقريبا مافيه شيء بيكون قابل للمسح وبيكون الشكل دمار لو ماكنا ماسحين الصبغة،

فنشتغل بسرعه مع المسح وبطريقة مرتبه، اقترح تخلون أحد يساعدكم بالمسح يعني واحد يصبغ والثاني يمسح..

(أحس اني وترتكم بسالفة السرعة لكن ترا الموضوع جدا سهل بس حبيت أأكد على النقطة)

من ايكيا إلى بوتري بارن

المسح تقريبا يكون بطريقة الدعك على الجزئية المصبوغه كم مره لحد ماتطلع النتيجة المطلوبة حسب الرغبه في درجة اللون..

من ايكيا إلى بوتري بارن

ولا تنسون بفرشة صغيرة تصبغون الحفر اذا كانت ماوصلها صبغة..

كل الضربات والقشور والحفر بتاخذ لون أغمق من الباقي لأن الفوطه ماتوصل لها فماتمسح شي من الداخل ، وهذا اللي يعطي الخشب شكله الفاتن ..

من ايكيا إلى بوتري بارن

خامساً: طبقة الحماية ..

من ايكيا إلى بوتري بارن

وهذي مهمه جدا سواء صبغنا الكرسي او لا ،

مداخلة : كثير يقولون ان خشب ايكيا بسرعة يتوسخ ويبقع! ومايعرفون ان ايكيا ماتسوي حمايه لبعض القطع لأنها أساساً تبيعها بهدف انها قطعه خام يصبغها الي يشتريها حسب ذوقه، وبكذا تكون أرخص ومرغوبه أكثر للي يحبون يصبغون
لأن اللي تكون عليها طبقة حمايه تحتاج صنفره كثيييره لحد ماتروح الطبقه ..
بعض أثاث ايكيا فرصه مره حلوه لهالأشغال لأنها شبه جاهزه للصبغ والتعديل..

المهم ، نرجع لطبقة الحماية واللي هي اسمها polyethylene و أعتقد اسمها المتعارف عليه بالعربي (ورنيش)،

وزي ماقلت نختار شي مناسب لنوع الستين اللي استخدمناه ..

طبقة الحماية تجي بعدة أنواع لامع – شبه لامع – مطفي )

انا اخترت المطفي لانه الانسب للخشب العتيق..

لكن لو كانت القطعة بتستخدم في اماكن مثل الحديقه او استخدام ثقيل يخليها تتوسخ بسرعه يفضل شبه لامع او لامع يصير مسحه وتنظيفه أسهل مثل مسح اسطح الطاولات.

الحماية نحطها بعد ما تنشف صبغة الستين تماما ، كرسيي خليته ٤ ساعات مع انهم كاتبين ساعتين وينشف لكن احتياط..
(يعني اتبعوا تعليمات المواد اللي تستخدمونها تكون مكتوبه على العلبة)

بفرشه صبغت طبقة الحمايه بشكل طبيعي بنفس اتجاه خطوط الخشب.
(الطبقة في البداية تعطي لون شبه ابيض بعدين يختفي يصير شفاف)

وحطيت ثلاث مرات طبقة الحمايه بين كل طبقه وطبقه خليته ساعتين ينشف..
بعد طبقة الحماية ممكن نسوي صنفره على خفيف بورقة ناعمة فوق ٣٠٠ لو حبينا الملمس يكون ناعم..

اللمسة الأخيرة

من ايكيا إلى بوتري بارن

ركبت قطعة حديد فيها عبارة ملهمه حتى تعطي الكرسي منظر أفخم شوي..

بالدريل سويت فتحتين صغار وركبت القطعة بمسامير قديمة..

من ايكيا إلى بوتري بارن

من ايكيا إلى بوتري بارن

القطعة الحديد ممكن تحصلونها في أمازون هنا وتجي مجموعة قطع بعبارات مختلفة

النتيجة:

من ايكيا إلى بوتري بارن

من ايكيا إلى بوتري بارن

من ايكيا إلى بوتري بارن

من ايكيا إلى بوتري بارن

من ايكيا إلى بوتري بارن

من ايكيا إلى بوتري بارن

العبارة اللي على القطعة تقول Embrace imperfection وترجمتها الحرفية (احتضن عيوبك)

والمقصود منها أن أخطاءنا و عدم مثاليتنا هي اللي تميزنا وهي ليست شيء سيء فينا ، عيوبنا ليست بالضرورة عيوب ، بل هي بشكل أو بآخر تطورنا وتجعلنا أكثر تميز عن بقية العالم ..
واعتقد هالعبارة مناسبه لخشبه عتيقة عيوبها ميزتها وجعلتها فاتنه المنظر ومختلفة عن بقية الأخشاب المصطفه في مخازن ايكيا..

~

وأخيراً أختم ببعض الصور الملهمة لنفس الكرسي من إبداعات وجدتها في بنترست ..

من ايكيا إلى بوتري بارن من ايكيا إلى بوتري بارن من ايكيا إلى بوتري بارن

من ايكيا إلى بوتري بارن من ايكيا إلى بوتري بارن

أتمنى أنكم استفدتم و استمتعتم بالموضوع

ونلتقي في مشروع آخر على حب

من ايكيا إلى بوتري بارن

...

تواصلوا معي عبر :

انستغرام وتويتر : arwa_alomrani@

يوتيوب : arwa karu

سناب : arwakaru



As an Amazon Associate I earn from qualifying purchases

التعليقات ( 266 ) :

  1. يقول وداد الغامدي:

    بسم الله نبدأ..
    ماشاء الله الله يحميك ابداع بمعنى الكلمة ..
    مرررره انيق بس انا مالي طولة بال عالصبغ والصنفرة اتخيل لو اني قبل الزواج كان ابدعت بس مع كثرة المسووليات تخليت عن اهتماماتي .. مرررررره مدونتك تجننننن وحسابك بالإنستقرام راااائع .. باقي السناب ما ادخله كثير عشان كذا باقي ماشفت شي ..
    اسال الله العظيم ان يكتب لك الاجر في كل دقيقة من عمرك .. ويوفقك ‏ علے هالابداعات والروح المتفائلة ..
    دائماً أضعك في مقدمة أفكاري كل مانويت اسوي شي ارجع اشوف افكارك ..
    ياليت أتشرف بالتعرف عليك انا بدينتون عايشة لو سمحت ظروفك تزوريها بلغيني ..
    أختك أم عبدالله .. ???

  2. يقول Nada.M:

    نورتي المدونة بهالابداع ،،ماشاءالله جدا جدا تعطين حماس للعمل والانتاج ،، استمري بالتوفيييق لك يارب.

  3. يقول مروى:

    عودّا سعيد أروى , انبسطت بعودتك

  4. يقول مشاعل الغامدي:

    الله الله الله ???
    من جد يا أروى هاذي متعة الحياه ، ابتكار لمسه خاص فيك و في نفس الوقت حلو . عجبني مرحلة لما خليتيه زي الخشب العتيق ، احس يبغالها احد فنان ، عشان يطلع طبيعي ? ..
    والله أحييك يا اروى و احب فيك هاذي الروح الحلوه الخارجه عن المألوف ..
    ما شاء الله ما شاء الله ❤❤❤

  5. يقول زيون:

    الله يسعدك يا أروى ? جد مره ملهمة ححححبيت كرسيك الله يهنيك له ، و شكلي باخذ زيه بس بصبغه ب شي يشبه البيبي بنك اللي بالصورة ?

  6. يقول رويم:

    ججججججججميل ماشاءالله ،ربي يسعدك ):

  7. يقول Ftom:

    مبدعة ماشاء الله عليك ??
    بجد استفدت منك بمواضيع كثيره في مدونتك?
    عسى ربي يوفقك?

  8. يقول سمية:

    جميلة جداً ، والخطوات واضحة
    عندي طاولة طعام من ايكيا لونها خشبي شجعتيني اعيد صبغها ❤️
    وشكراً ?

  9. يقول لجين:

    احب الستايل الريفي الشيك ? ما شاء الله تبارك الله جدا جميل ومتقن

  10. يقول وعد:

    ملهمه يا أروى ، فعلا مره فرق عن قبل صار فاتن أكثر

  11. يقول هيفاء الربيعه:

    مبدعه كالعاده و معلوماتك قيّمه ومفيده ، مشروعك ذوق وجميل ولك لمساتك اللي تميزك عن غيرك .
    في انتظار الجاي❤️

  12. يقول ام الشيوخ:

    جميل جداً بارك الله في عملك و في نفسك ومن ابداع الى ابداع أسعدك الله كما نسعد وتسعدينا دائما فيما تقومين به تقبلي تقديري واحترامي وإعجابي وأتمنى لك المزيد?

  13. يقول ام الشيوخ:

    جميل جداً مبدعه وزادك تواضعك إبداعا ?

  14. يقول NaDuSh:

    ماشاء الله لا قوة إلا بالله
    قمة الإبدااع .. سلمت الأيادي أروى ❤

  15. يقول نوال السالم:

    مبدعة مثل العاده الله يحفظك من كل شر ?

  16. يقول Nourajaloud:

    كعادتك دائماً تبهرينا بأبداعاتك?✨

  17. يقول غنووو:

    روووعه بصرااحه أستفدت بس أبيك تنزلين طريقة صبغ الجبسيات أو التحف المصنوعه من الجبس أو الخزف لأني نقلت بيت جديد وعندي جبسيات وخزف وحاطتها في المستودع ماحبيت أطلعها إلا بعد ماأجددها وأغير ألوانها طبعاً عشان تناسب الأثاث الجديد
    وشكراً

  18. يقول mai h:

    عارفه اني مجنونه بس بفكر بجد اجربها على خشب مطبخي ..المشكله انو صار عليه طبقه دهنيه بشعه. .غير قابله للتنظيف.. وﻻن الي عمل المطبخ لي كان بدون ضمير ..لم يكن عليه طبقة حمايه. .فقد احزاء كبيره من المطبخ لونها .. وانا فقدت حماسي لتنضيفه .. بفكر اجربها والامر على الله ..

  19. يقول منار:

    وربي أبدعتي
    أهنيك على النتيجه الرائعه
    وفعلاً من العباره أحسست أن عيوبي شيء
    يميزنا ما دمت لا أضر الأخرين
    في إنتظار جديدگ دائماً?

  20. يقول Ghadah:

    عاشت يدك اروى تغير شكله جذريا روعه

    دمتي مبدعه

  21. يقول mona:

    حبيبتي أروى تعجبني إبداعتك ماشاءالله واستغلال موهبتك بالشئ الجميل
    الممتع لنا كمشاهدين لك أولاً ولكِ في اشغال الوقت بالعمل الممبدع
    استمري ياأنيقة

  22. يقول Reem:

    مرره جمييل ماشااءالله ان شاءالله اجرب واسويها وتطلع جميله مثل حقتك ????

  23. يقول عايدة العلي:

    شكرا لك على الموضوع الجميل والمفيد جدا ، وانا من مدة حابة اجرب اصبغ بعض الابواب في بيتي ودايم أسوّف ، والحين انتي حمّستيني اشتغل فيهم ،
    شكرا لك ?

  24. يقول نجلاء:

    ماشاء الله تبارك الله مبدعه
    اختي بسالك انتي دارسه هالتخصص ولا انتي علمتي نفسك ؟
    و كيف نشجع نفسنا بتعلم شي جديد !
    مع العلم انا اكبر منك بسنوات بس والله انتي ملهمه لي و استفيد كثير منك بارك الله فيك

    • يقول أروى العمراني:

      شكرا حبيبتي، لا والله مجرد هوايه اتعلمها من النت ، على حسب الشي اللي ودك تتعلمينه ، انصحك ببرنامج البنترست ، شوفي وش ميولك وابدي طوري نفسك في المجال اللي تحبين..
      بس نصيحه مني اذا عندك رغبه في تعلم شي جديد ابدي باللغة الانجليزية جدا بتفيدك في كل المجالات سواء فنيه او طبيه او تربويه .. الله يحفظك يارب ويسعدك

  25. يقول ام مجد:

    ماشاء الله عليك مبدعة وصاحبة ذوق الله يحميك وفي انتظار جديدك بفارغ الصبر .

  26. يقول هديل:

    ماشاء الله تبارك الله عليك يا أروى ?????

  27. يقول عهود:

    ما شاء الله تبارك الله، مبدعة كعادتك. ♡

  28. يقول جودي:

    الله يحفظك ويسعدك فعلا انتي انسانه راااااائعه، اسأل الله العظيم رب العرش العظيم أن يوفقك ويسعدك دنيا وآخره..

  29. يقول هدى:

    ما شاء الله رووووووووعه يهبل انا مصورة بورتريه احتاج مثل هالحركات يسلم ايدينك ♡♡♡

  30. يقول Elham:

    ماشاءالله تبارك الله اروى ?حبيت العمل تسلم اناملك ??ناويه ابدأ بكراسي طاولة مطبخي استفدت من تجربتك الرائعه شكرا بحجم السماء اروى ابدعتي ???

  31. يقول Rose:

    روووعه …دائما مبدعه لااله الا الله ..????

  32. يقول ro0ojy20:

    بسم الله عليك ? ماشاء الله تبارك الله مررره ابداع وجميل استمري يالغلا

  33. يقول منى الساعدي:

    ماشاء الله تبارك الله ابدعتي ، إنسانة ملهمة ربي يحفظك

  34. يقول Lolo778:

    رائعة
    جميلة
    مبدعة
    متألقة

    انت شي عجيب
    انت طاقة من اللطف تمنحني اشياء كثيرة لاتكتب?

  35. يقول أم عبدالله:

    ماشاء الله على الإبداع.. واشتركت في قائمة أصدقائي ولم يصلني الموضوع.. وحابة اسألك عن المدونة انتي صممتيها؟ واتعلمتي من النت كيف تسويها؟ شاكرة لكِ

    • يقول أروى العمراني:

      يمكن مافعلتي الحساب ، اول ما اشتركتي ارسلت رساله ممكن تحصلينها في الجنك ميل ..
      بالنسبه للمدونة خليت متخصص يصممها لكن اعطيته الرسوماات والالوان والافكار الي حابه تكون عليها المدونة .. الشكر لك حبيبتي

  36. يقول waad alorabi:

    عوداً حميداً أروى ? ، لطيفة جداً لمساتك ?
    حبيت دا الموضوع خصوصاً مافي كثير يحبو الشغل اليدوي
    عندي قطعة مشابهه اتمنى تجيني الشجاعة واطبق عليها ?

  37. يقول Hode17:

    ماشاء الله تبارك الله ، جداً جميل حبيته مره وشغل نظيف ومتقن تستهويني هذي الاعمال من صبغة وتغير وتجديد ? بجد رائعة ?? تقبلي هذي مني ?

  38. يقول Alhanoof abdulaziz:

    واو ما شاء الله عليك الحمد لله نزلتي الخطوات كاملة هنا ما لحقت عليها بالسناب إلا بالأخير حبيت نتيجتك جداً ومثل ما قلتي خشب ايكيا يساعد على الإبداع .. تحمست أسوي مثلك على أني أتردد و أتخوف من النتيجة بس لا مانع نجرب ونشوف يمكن يصير إدمان XD
    أجمل شي حبيته العبارة الملهمة واختيارك لها جداً جداً موفق مع الخشب العتيق ??

    يعطيك ألف عافية :*

  39. يقول نوره القحطاني:

    مبدددددددعه ماشاءالله سلمت يدينك والله يوفقك بحياتك يارب احب فيك الاصرار وحب الحياااه ودايم ارجع لمدونتكك وحسابك اذا احتجت شي الله يسدد خطاك ويكتب اجررك ❤️❤️

  40. يقول arwa:

    السلام عليكم … مرحبا بالسميه??
    مااا شاء الله تبارك الله ابداع شوية عليك بجمييييع اعمالك و افكارك … فعلا تمنيييييييت اني تربطني معك علاقه صداقه .. تعطين الشخص جرعات تفائل و ايجابيه … اعشق الاعمال و اهوى الرسم ..لكن بعد الزواج و الاطفال للأسف صرت من سنه لسنه اصلح شي?.. يالله ربي يسهل و يعين و يبارك لنا و لك بالجهد و الوقت … موفقه عزيزتي و اتشرف اكون من اصدقاء مدونتك الراااااائعه??

    • يقول أروى العمراني:

      وعليكم السلام ، يازينك .. أنا أعتبر هالمدونة أول خطوات الصداقة وأتمنى أتعرف على كل اصدقائي اللي هنا على أرض الواقع يوما ما ..
      لا تنسين تخلين لك لو ساعه يوميا خاصه بك وباهتماماتك عشان ماتفقدينها وتنسين من انت مع الوقت .. شي صعب لكن مع التعود اتوقع تقدرين تقتطعين لك قليل من الوقت لنفسك .. الله يحفظ لك الاحباب يارب

  41. يقول hala:

    جمال شغلك ياقمر احاول اقلدك بس ماعرفت انتي ملهمتي قدوتي مبدعه دائمآ

  42. يقول sarah:

    ماشاءالله شغل مضبوط ونظيف الله يعطيك العافيه

  43. يقول أم علي:

    يختي مبدعـة انتييين ???
    اني اغبضش على نعمة الابداع الله يحفظش من كل سوء يا عمري

  44. يقول توته.. ام القماري..:

    ماشاءالله لاقوة الا بالله.. طاقتك رهييييبه.. الله يحميك ويحفظك.. عندي طاقه كبيرة للاشغال هاذي..بس مع وجود الاطفال ماتلقي وقت للاعمال هاذي.. ابدعتي بشغلك وبشرحك..جزاك الله عنا كل خير..

    • يقول أروى العمراني:

      صحيح الأطفال ياخذون كل وقتك خصوصا عمر اقل من السنتين .. لكن حاولي تخلين لك ولو ساعه في اليوم تشتغلين على شي خاص فيك حتى ماتضيع منك أفكارك وهواياتك .. والله يخليهم لك يارب

  45. يقول kholod-1414:

    حبيت طلع شكلها جميل ???

  46. يقول ميمونة:

    جميل ابداع ماشاءالله

  47. يقول عبير:

    ماشاء الله مررررره جميل بجد كنت متحمسه له تابعتك ف سناب واعجبني جداً الله يهنيك فيه ? افكر اصبغ الي عندي ? حمستيني له جداً الله يسعدك ??

  48. يقول ام باسل:

    مساء الخير انا مره احبك ودايما اتابعك ادخل حسابك بشكل يومي لما ادخل حسابك واقرا تعطيني كمية تفائل كبيرة واكون مبسوطة الله يوفقك يارب ماشاء الله قريبه من القلب بطريقة كتابتك

  49. يقول FATI:

    تسلم ايدك اروى,
    بس كيف صار عمدك كل هالمعلومات بخصوص ادوات الصنفره وانواع الاخشاب و الأصباغ ؟
    دراسه ام اهتمام.
    بالتوفيق

  50. يقول 3noo:

    ماشاء الله مبدعة وملهمة يا أروى الله يحفظك
    أحب حسابك في الأنستقرام ومدونتك هي الاروع شخصيتك مشابهة لشخصيتي وميولنا تقريباً نفس الميول الفنية?

    أكثر موضوع أحببته هو الجدار الإنستقرامي ❤️ يذكرني كثيراً بجدران غرفتي أيام الكليه

    شخصيتك معطاءة لأبعد الحدود بالتوفيق عزيزتي والى مزيد من الابداع بلا حدود الله لا يحرمنا من أفكارك الجميلة

    كل يوم أطل على حسابك في الأنستقرام أشوف أخر أخبارك وأسعد بكل صورة تنزلينها أحس أنها تقول ( أنا أروى ،، أنا موجودة ) ??

  51. يقول Hanan:

    وااااو مررررة طلع جميييييل ماشالله
    ذووووووق ذوووووق

  52. يقول toty:

    بسم الله ماشاءالله . فكرة روعة
    توي ادري ان ايكيا هذا هدفهم

  53. يقول افنان:

    عوداً حميداً عزيزتي اروى
    كيف تعرف انك شخصيه ملهمه ومؤثره لما احد يفتح حسابك يشوف صورك او يقرا كلماتك ومن وقتها ينهض يكمل شغل ينتظره او هوايه مهملها ويطلع الفراغ اللي فيه بشي جميل
    كنتي من ضمن هالاشخاص اللي فعلا ادخل حساباتهم وتبدا افكاري تطلع والتفاؤل والحماس كمان يظهر
    اكمل شغلي المتراكم وانجز الكثير
    شكراً لك شكراً لك حبيبتي اروى ع هالمدونه الاكثر من رائعه وعلى مشاركتنا لحظاتك الحلوه
    ننتظر الجديد دائماً والى الافضل ي مبدعه ??

  54. يقول Zahra:

    دائماً اروى متميزه ومتألقه بأفكارك
    افتخر كوني احدى متابعيك ?

  55. يقول سوسو:

    ماشاء الله الله يبارك في جهدك ووقتك ?

  56. يقول رحاب:

    ماشاء الله تبارك الله
    جميل جدا
    رجعتيني لسنين ورا كان عندي موهبه وحماس للاشغال اليدويه لما كنت ف المتوسط والاجمل من كذا امي الله يحفظها كانت معطيتني جوي ابدعت وزينت حتى الحمام الله يكرمك زبطته وزينته هههه
    بس مع الزمن اندثرت الموهبه واتوقع انك حمستيني ارجع واحوس بيتي زي ماحست بيت اهلي
    ربي يسعدك يا أروى ^^

  57. يقول Manar Elashry:

    طال غيابك أروى جداً افتقدناكِ
    صراحه ليا هوايه اجمع أفكار جديده من النت لكن للأسف ما اطبقها ولا استفيد منها..
    عندك فكره كيف ممكن اتشجع واحاول تجربتها مو بس اخليها مجرد هويه؟

    • يقول أروى العمراني:

      ما تفقدين غالي يارب ..
      اتوقع زيارة المحلات اللي فيها اغراض تحمسك تطبقين بعض الافكار ، وحاولي تجربين لو مره وحده يمكن بعدها تنطلقين وتصيرين تنفذين الافكار لانك بتحسين انك تقدرين ..

  58. يقول ام ليان:

    ماشاء الله حبيبتي اروى ابدااااع ،?
    انا ودي اصبغ طاولة عندي من ايكيا بس كنت خايفه ان خشب ايكيا ماينفع لانه زي القشرة توقعت اذا تصنفرت بتنقشع كلها ?
    طيب انا لون طاولتي بني محروق ينفع اصبغها اوف وايت او خشبي فاتح ؟؟

  59. يقول ام عمر:

    بجد بجد فنانه بكل معاني الكلمة ماشاء الله جميل اصبح واللون مذهل وننتظر ابدعاتك

  60. يقول شريفة:

    ماشاءالله ابدعتي ???
    ألهمتيني بأفكار ☺️
    يعطيك العافية
    حب

  61. يقول غادة:

    فعلاً اصبح شكل الكرسي رائع و جميل ??????

  62. يقول ميرال:

    الله يسعدك يا أروى
    موضوعك جا في وقته لي فتره و أنا ابحث في اعاده تدوير الاثاث النتائج تحمس الشخص وتقولك انطلقي حبيت ابدأ بشيء خفيف مثل صينية خشب وبعد كذا انتقل و اصبغ مكتب اختي
    لغتي ضعيفه عشان كذا متردد في بعض المنتجات وبغيت اسألك و انا ابحث عن الورنيش لقيت منتج مش مكتوب عليه ورنيش مكتوب clear gloss
    هل عندك خلفيه عن المصطلح و الله يجزاك الفردوس الأعلى ??

  63. يقول نور " أم جود":

    شغوووفة جدا بنبش اغوارك، واستمتع واشعر بالكمال في كل ما تقدمينه..
    أنت طيف ملون وهالة من نور، هكذا يشعرني وجودك..
    اتمنى لك سعادة لا يسعها قلبك ?

    استودعتك ربي

  64. يقول atekah:

    بجد عمل جبااااااار :”””) يجنن بشكل،، سلمت اناملك الجميلة

    حمستيني اصبغ شيء صغير على قدي?

  65. يقول مروة الحربي:

    رووعة صراحة. انا عندي نفس ابكرسي للمطبخ ولونو مرة مو ماشي مع مطبخي مدرن ولنو راصيصي. ان شاء الله اطبقها وارسلك النتيجة.

  66. يقول 7essa7:

    صباح الخير
    ماشاءالله جدا جميل شغلك تحمسيني اشتغل ع طاولات بيتي عندي محاولات بسيطه بالشي المتوفر عندي بس انا اعشق جدا هذا النوع من الاعمال واتمنى الاقي دورات تفيدنا في ذالمجال
    يعطيك العافيه دائما تبعثين السعاده في قلبي باعمالك وكلامك وصور اتابعك في جميع برامج التواصل

  67. يقول shatha alhoqail:

    تبارك ربي جماااال الكرسي بسم الله ع قلبك اروى ابدعتي ..
    شوفي محل jo ann مره جميل وبتحبينه ان شاء الله فيه قطع خشب للاعمال ودروج
    ودورات عندهم مره رايق المحل يذكرني فيك 🙂

    متابعتك تعطينا آلهام 🙂
    يسعدك ربي ويزيدك جمال ..

  68. يقول ام زايد:

    التعليق اكبر من ان يكتب ?
    جماااااااااال ❤
    اتمنى اني اتعرف عليك اكثر

  69. يقول نوف:

    ماشاء الله يا أروى أبدعتي جداً بهالعمل!
    شي يثلج الصدر لما نشوف مدونات عربية ملهمة مثل مدونتك..
    موفقة حبيبتي وللأمام دوماً.

  70. يقول نوف:

    حبيبتي أروى.. عندي استفسار بسيط
    أنا سبق وسجلت بقائمة أصدقائك وكان يوصلني بريد عند تنزيلك للتدوينات، لكن هالمرة ما وصلني ايميل يخبرني عن هالتدوينة، فحاولت أسجل مره ثانية وكان الرد إن اسمي مسجل. أين المشكلة في توقعك؟

    • يقول أروى العمراني:

      اهلا نوف، ياحبيلك شكرا لاهتمامك اسعدتيني.. شيكت على ايميلك لقيته مفعل وكل شي تمام لكن شيكي على الجنك ميل عندك يمكن راحت الرساله لها .. اذا ماحصلتيها راسليني ممكن احذف اشتراكك واسجلك من جديد 🙂

  71. يقول فاتن:

    الفكره جيده لكن ما رأيت ان التغيير كان للاحسن للأسف كان اسوا

    نشكر لك نقلك للتجربه قد يستفاد منها ❤

  72. يقول wedad:

    تبارك الرحمن فنااانه وطول عمرك فناااااانه والله لو سويتي شي تاااافه يطلع من تحت يدك جميل
    الله يحميكي ويخليكي

  73. يقول خالد ال يحيى:

    لطيفه جدا وسلوبك بالشرح سلس
    لغتك في الطرح بسيطه وتصل الى القارئ
    اكره كثيرا من يتكلف في صياغه الجمل والالفاظ ويتصنع

    وافضل من يكون على طبيعته مثلك احببت مدونك واعجبت بالفكره سطبقها في الحال على طاولة طعام صغيره واشاركم بالصوره على الاستغرام.

  74. يقول ام ريماس:

    مساء الخير اختي اروى ادري مقصر بتواصلي معاك بسب مشاغلي وكانت مسافره لسعوديه عند الاهل وانت صراحه مبدعه صراحه غيرتي شكله وتسلم ايدينج وانا اتشرف اني اتواصل معاج

  75. يقول noha:

    ماشاءالله تبارك الرحمن يعطيكي العافيه ي جميله ??

  76. يقول Sarah:

    مبدعة كعادتك ، منحتي الكرسي جمالاً بلمساتك أستمري عزيزتي

  77. يقول نور:

    إبداع ماشاء الله تبارك اسمتعت بالتفاصيل عيشتينا جو العمل معك

  78. يقول ام غلا:

    اروى ماشاء الله عليك
    نفسي اطور نفسي مثلك واصير ملمه بالاشغال اليدويه رغم اني مشتركة في اليوتيوب باكثر من قناة بس ما شفت اللي يهمني ويلهمني
    اتمنى انك تفيديني
    شفتك مره تكلمتي عن البنترست بس ماعرفت استخدمه وماعرفت ابحث عن الاشغال اللي تهمني ??

  79. يقول Lady soso:

    روعه شرحك تبارك الله ماكد قريت أحد تكلم بالعربي عن هالمواضيع أنا مباشره أبحث بالإنجلش لأني عارفه بحصل مبتغاي بالمدونات واليوتيوب.. لي تجربه بالصبغ لكذا قطعه ببيتي وماتوقعت بطلع بهالنتايج لأني ماكد شفت أحد يعيد صبغ أثاث بصراحه عندنا نشتري القطعه زي ماهي وتبقى على حالته وإذا ملينا رحنا نشري جديد لكن من بديت أصبغ عرفت إن التجديد ممكن يكون فقط باللون وكذلك إعادة تدوير للقطعه بدل مانرميها?وجدا حابه هالمجال مشكوره أروى على هالتدوينه وعلى كل مدونتك وياليت نشوف لك شرح ل chalk paint جدا حابته هالنوع من الصبغ وجربته سهل وممتع وجزاك ربي خير

  80. يقول صوفيا:

    اروى
    احبببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببك

  81. يقول العنود:

    السلام عليكم

    أحييك على العمل الأكثر من رائع ??

    أحلا شيء بالدنيا شعور الانجاز ??

  82. يقول أفنان:

    ماشاءالله تبارك الرحمن أروتنا ..
    مُتعه الشغله اللي سويتيها بإذن الله بطبقه ياملهمتنا ???
    بنسميه كرسي أروى ??

  83. يقول سآره:

    تبارك الله يا أروى انتي انسانة مبدعة وكتلة من النشاط والإلهام ?أحب حسابك في الإنستجرام ومدونتك جدا جميلة واستفدت منها كثيير ،، شكرآ لكِ?
    بس أروى هالصبغ وورق الصنفرة تتوقعي ممكن نحصلة في محلات مواد البناء عندنا في دول الخليج? ؟ ولا لازم أطلبهم من أمازون ؟!?

  84. يقول حصه:

    مبدعة ماشاء الله عليك ?
    أروى حمستيني أنفض الغبار عن يديني و أحط بصماتي الجميلة بمملكتي❤️ فاتنة القطعة لما نهتم بأدق التفاصيل بحب ?❤️

  85. يقول حصة:

    ما شاء الله تبارك الله
    مرررره جميل واستمتعت بقراءة الموضوع شكرا من القلب على مدونتك الجميله وروحك المتفائلة. . اتمنى لك ايام سعيده و موفقه

  86. يقول دوولي:

    ماشاء الله أروى شكل الكرسي جمييييل الله يحميك يارب مبدعة في كل شي أهنييك????????????
    أسعدك الله

  87. يقول Nada:

    رائع أروى .. مبدعة وملهمة
    أتحمس لما أشوف تدويناتك
    وأتمنى أكون مثلك في المستقبل 🙂
    إذا طفشت تطلع لي أفكار كثيرة بس تعيقني الادوات ما تتوفر عندي بسهولة
    حاليا داخل مزاجي فن الديكوباج
    وقاعدة أخزن العلب والاغراض اللي تصلح للدكبجة لوول
    تحياتي وسلامي لك أروى ولوالدتك 3>

  88. يقول نوف الشريف:

    ماشاء الله ?جميل جدداً وإضافاتك بسيطة والنتجية جميله ، جداً استمتع بكل مواضيعك ، أفكارك ملهمه لكل موهوب او اي احد محب للتغيير وأنا شخصياً احب أستفيد منك ??، أتمنى لك دوام الصحة والعافية ، استمري ??? ، واحنا دايم ننظر إبداعاتك .

    نوف الشريف

  89. يقول May:

    جدا جدا انيق وجميل ومن جد زي ما قلتي اغراض ايكيا تحمس احد يغير فيها ويبدع وانت ابدعتي ما شاء الله

    سؤال :
    هل فيه الوان من هذا النوع من الصبغه المائيه ؟ او فقط بني

  90. يقول Manar Elashry:

    اروى ممكن تشرحيلنا اكثر عن برنامج البنترست؟ <3

  91. يقول آروى:

    اهلاً اهلاً ???
    انا صديقه جديده في مدونتك يا جميلة ?

    متابعه لك من ازمن زمان ? بس ما حصلي فرصة يوم ادخل مدونتك الأنيقة، لظروف دراسة وبعدها عمل، وبعدها وفاة جدتي ومرض أمي ?

    لكن اليوم قررت افضي نفسي، وادخل مدونتك لأني اعرف حجم الإبداع الموجود، اتمنى اني اكون صديقه لطيفه هُنا ??

    حابه اسألك سؤال:
    الأدوات المستخدمة ممكن القاها في جرير أو العبيكان في الرياض ؟
    وإلا فين ممكن أحصلها إذا تعرفين ??

    • يقول أروى العمراني:

      أهلا ياجميلة ، شكرا انك حصلتي الوقت لتصفح مدونتي الصغيرة ،
      الله يرحمها ويعظم أجركم ويشفي امك يارب ويسعدكم ..
      . .
      اتوقع تحصلينها في جرير لكن ما اظن في العبيكان لكن ممكن تتصلين وتسألين بدل ماتروحين تدورينها ، اتوقع تحصلينها في ساكو او محلات الاعمال الفنية

    • يقول فاطمه:

      مرحبا جدا رائع
      لا اجد مفرده تعبر عن مدى الابداع والترتيب
      استمتعت كثيرا بقراءة الموضوع

  92. يقول Haya:

    ماشاء الله ابداع ربنا يوفقك شكرًا ع المعلومات والشرح المفصل

  93. يقول SALWA:

    ماشاء الله تبارك الله مبدعه الله يحفظك وصراحه شغلك متقن

  94. يقول جوري:

    ماشاء الله ?
    فكره جميله اعادة تدوير الاغراض الموجودة بدل التخلص منها ..
    انا من عشاق الاعمال الفنيه والتزيين وألهمتني أعيد تجديد كثير اشياء موجوده فـي بيتي بنفسي منها اجدد بيتي واشغل نفسي فـي حاجه انا احبها ومفيدة فـي نفس الوقت ..
    تحية من لك أروى ?

  95. يقول ان زياد:

    يعطيكي العافيه على النتيجه الرائعه
    وحابه أسألك إذا عندك خلفيه لو أبى اجدد قطعه خشب ملبسه وأبى اشيل طبقه الخارجيه كيف

  96. يقول مريم الشهاب:

    ابدااع .. دائما هو مانرته من اروى في كل شي اللهم بارك .. ودي اصبغ طاولة بنتي هي بيضه وتقشرت بس بتاكد تنفع او لا .. موضوع مرتب ومفييد برجع له ان شا الله .. ومرحباً بعودتك في كل مكان???

  97. يقول sara:

    زز
    ما شاء الله تبارك الله
    سعيدة جدا اني تعرفت على هذه المدونة الجميلة ..
    عمل جميل جدا
    فكرة بسيطة للغاية لكن النتيجة ابداعية للغاية
    فكرة تصلح لتزيين اشياء كثيرة جدا .
    ننتظر جديدك دائما ..

  98. يقول ساره:

    ماشاء الله فعلا تغيير جذري بالكرسي و طلع جمميل ومميز اهم شي ??❤️❤️ .
    مدونتك شي ماينمل منه ماشاء الله صايره اتردد هنا كثير هاليومين ?❤️❤️

    امممم بالنسبه للالواح ف السناب لقيت شي ف برنترست وتذكرتك لما قلتي بتبحثين ، يمكن يفيدك

    https://www.pinterest.com/pin/196821446192549759/

  99. يقول BAYAN:

    جزاك الله الخير ?
    حلو فكرة تغيير المنظر ?
    لكني لست من هواة الأشغال اليدويه
    شاكره لك أروى
    انتي مبدعه

  100. يقول سلمى:

    ماشاء الله تبارك الله فن فن ????
    انا عندي سرير خشب وودي اصبغه ابيض من زمان وهالفكره براسي تتوقعين تضبط والا لا ??

  101. يقول هياء:

    تبارك الرحمن جدًا جميل و ملهم ،، زادك الله من فضله ?

  102. يقول نوال العتيبي:

    ماشاء الله تحفه تسلم الايادي

  103. يقول Nawal:

    كما عهدناك اروى مبدعه وكل يوم اكثرابداعاً ماشاء الله

  104. يقول حور:

    بإنتظار أجمل رسالة معلنة قبول الصداقة? لديكِ سحر أخآذ ياأروى متمكن في روحك اللطيفة التي تلامس القلب قبل العين لكل ماتعرضينه لاأعرف سر هذا السحر ولكن صوت خفي بداخلي رد على سؤالي الذي لم ألفظه أن الله تعالى إذا أحب عبدًا حبب عباده فيه?فهنيئًا لكِ كل هذا السحر الأخآذ? أُتابعكِ في حسابيكِ في الانستا وعلى سناب شات وفي المدونة ولايكفيني?عطائك يزيدني عطشًا ?????بوركتِ وبوركَ كل ماتقدمين من تألق?حماكِ الخالق عز وجل? يعلم الله تعالى كم أحبك في الله?

  105. يقول عهود:

    يازينك اروى مبددددعه حمستيني اجرب اصبغ الكرسي اشوف ام زوجي عندها نفسه و قدددديم رايح فيها ? بجرب عليه لو ما ضبط عادي من الاساس شكله شين ? اعششق لون الخشب القديم و ما عندي اي خبره بالصبغ مثلك بس ما يمنع اشوف ايش يطلع معاي ?
    بس حابه اسألك الاقي الصبغه و ورق التنعيم في جرير او محلات متخصصه بالخشب ؟

    • يقول أروى العمراني:

      ياحبيلك ^^ اتوقع باي مكان تحصلينها واذا ماحصلتيها تقدرين تصنعين هالنوع من الصبغة بنفسك ، حطي ليفه حديد في علبه وعبيها خل واتركيها ثلاث ايام الى اسبوع وتصير لك صبغة بنيه ، اذا صبغتيه وريني .. الصنفره اتوقع موجوده بساكو اكيد

  106. يقول غدير:

    مرة حلوة الفكرة و حبيتها
    استمري يامبدعة 3>

  107. يقول بدور:

    مرحبا ياجميله ? ابداع بكل ماتعنيه الكلمه من معنى ? بسألك طاولة ايكيا البيضاء الشهيره حقت التلفزيون اتبع فيها نفس خطواتك صنفره … آلخ ) وكمان حابه اسأل هي لونها ابيض وحابه اغيرها لبني نفس لون كرسيك بتضبط مع بويتك ؟

  108. يقول بدور:

    كيف اعرف انها قشره او لا ؟

  109. يقول مريم:

    أهلا أروى، مساؤك سعيد
    شجعني موضوعك جدا، وبدأت بتجربة بصبغ درج خشبي, لكن استخدمت صبغة بينت لأن ابيه يكون ابيض سادة بدون نقش لكن لاحظت حفر بسيطةفيها ولا اعجبني شكلها, فحبيت اسألك هل فيه مادة نضعها على الحفر ؟

  110. يقول أنفال:

    جميييل جمييل بسم الله عزى قلبك ?
    أحب الأعمال اليدويه والحرفيه والجميله مثل كذا
    ……
    عندي سؤال من زمااااان ابي اسألك:
    كيف أقدر أفتح لي مدونه في نفس الموقع هذا؟
    من زماان وانا اجرب واحوس ماعرفت
    ????

  111. يقول جمانة السوادي:

    يسعد صباحاتك يا أروى المُدهشة، الله يخليلنا هاليد الفنانة ??

    كنت أبغى أسألك، من ضمن الصور اللي جبتيها من البنتريست، صورة لخشب معتٌق وبنفس الوقت عليه خطوط حمراء .. كنت ابغى أسأل فرضاً صبغنا الخلفية اللي هي الخشب المعتق بنوع الستين، الخطوط الحمراء هاذي نسويها بالبينت ؟

  112. يقول ريم:

    ماشاءالله مبدعة أروى مررة ?? شجعتيني أعيد تدوير بعض قطع الأثاث، لكن حبيت أسألك أروى عن طاولة عندي من إيكيا لونها خشبي فاتح وهي طبقة على ما أظن يعني مو خشب حقيقي هل أقدر انو اصبغها صبغة خشب من دون صنفرة ؟ عشان مايتقشع شكل الخشب لأن ودي يكون لونها أغمق شوي فقط وأحط عليها بالأخير ورنيش .. وشكرا لك ?

    • يقول أروى العمراني:

      أهلا ريم .. شكرا لك ، لا للأسف اذا الطاولة عليها خشب (قشره) ومو خشب حقيقي فمايمكن صبغها بصبغة الخشب ، ممكن تصبغينها بالصبغة العادية اللي مايكون لها شكل الخشب .. لأن صبغة الخشب تدخل داخل الخشب يشربها عشان كذا نمسح بالفوطة وماتنمسح ولازم صنفرة قبل الصبغ .. اما غير الخشب موضوع اخر تماما

  113. يقول sumayya:

    رائعة و ملهمة يا أروى .. أتمنى أن يضاف هذا الابداع الى pinterest لإثراء المحتوى العربي و تكون انطلاقة للمدونات المبدعة
    أختك سمية

  114. يقول منيرة:

    أروى شفت باليوتيوب أجانب يصبغون البانيو وسيراميك الحمام الله يكرمك ممكن تعطينا نصايح بهالموضوع ونوع الدهانات المستخدمة؟

  115. يقول Batool_mtq:

    انتي فنااااانه يا اروى ❤️

    اتمنى تنورين انستقرامي ?
    Batool_mtq

  116. يقول salma:

    جميل ماشاء الله
    طيب اذا في قشرة مثل البلاستيك من أثاث ايكيا كيف أغير لونها

  117. يقول نورا:

    ما فكرتي تدرسين interior design؟ عندك لمسات حلوة

  118. يقول وسن آلمطيري:

    مررة جميل ?? ماشاءالله عليك مبدعة

  119. يقول اروى عبدالعزيز:

    السلام عليكم اروى
    حبيلك ودي اصبغ سرير بني غامق حق سيتي بلازا ابي احوله لابيض ايش استخدم صبغ

  120. يقول بسمه:

    اهنيك حبيبتي اروى على هالابداع والشغل الجميييل ماشاءالله تبارك الله ?
    اروى ياقلبي من خلال خبرتك كيف نعرف ان الخشب عليه طبقة حمايه او لا ؟ وهل كل خشب يحتاج صنفره اذا كنت ابغى عروق الخشب تكون باينه ؟

    + اذا كان عندي عباره وابي اطبعا على الخشب وش ” اسهل ” طريقه ؟

    وشكككرا من قلبي ❤️

    • يقول أروى العمراني:

      أهلا ياجميلة .. الخشب اللي عليه حمايه يكون واضح ان عليه طبقه خفيفه شفافه وغالبا اللون يكون كأنه عليه مويه
      بالنسبه للصنفره لازم صنفره لو فيه طبقه حمايه ، لو شاريه خشب جاهز من النجار مايحتاج صنفرة بس مثلا ايكيا يحطون طبقه خفييييفه حمايه فلازم صنفره لو بسيطه .. عروق الخشب اذا قصدك اللون المتموج هذا مايروح ابدا لانه جوا الخشب .. اذا قصدك الحفر اللي في الخشب ماتبينها تروح يكفي صنفره خفيفه..
      بالنسبه للكتابه على الخشب ممكن الحرق او الحفر بس ماسبق جربت الحفر اعرف بس للحرق بس من سنوات ما جربته فنسيت بالضبط هل هو ياخذ وقت اولا..
      شكرالك على المرور الجميل

  121. يقول Nehall112:

    عندي حساب اعرض فيه صور وافكار عن الفن زي طريقة موضوك هذا وراح اعرض موضوعة هذا بإذن الله بحسابي ???

    .
    حسابي nehall112

  122. يقول Noura:

    ماشاء الله تبارك الله ????

    قريبا راح اطبقه ع طاوله الحديقه بهتت من الشمس ..
    ومدونتك بتكون مرجع باذن الله ??

    شكرا اروى ?? منك نستلهم كل شيء جميل ?

  123. يقول Violet:

    حبيبتي اروى ?
    أي شيء تسوينه حلو
    و افكارج عجيبه??
    الله يوفقج في حياتج ??
    و اذا ممكن عادي تسوين عن اثاث البيت ?

  124. يقول نوال:

    الله يسعدك ويسلم يدك مره جميله طلعت..

  125. يقول عبدالرحمن التميمي:

    السلام عليكم .. اختي اروى

    شوفي الرابط لها الاثاث وقولي لي رايك فيه وهل ينفع عليه الي انتي سويتيه هنا

    http://www.ikea.com/us/en/catalog/categories/series/29867/

    • يقول أروى العمراني:

      مرحبا عبدالرحمن ، ايه هالنوع مكتوب انه solid wood يعني ينفع ، بس اعتقد انهم معالجينه بطبقه حمايه قويه ، فماراح يتفاعل الخشب مع ال stain لازم تسوي له صنفره لحد ماترح الطبقه الحاميه وبعدها تنفذ باقي الخطوات .. بالتوفيق

  126. يقول مصعب الغامدي:

    ما شاء الله مبدعة أخت أروى

    عندي سؤال ياليت تفيدني

    شريت من اسبوع تقريبا طاولات من Ikea من مجموعة Lack للاسف بدت توضح عليها خدوش خفيفة

    أحتاج أسوي لها طبقة حماية عشان تحافظ على لونها هي اظن مو خشب بس مغلفة بطبقة خفيفة خشب.

    طبعا ودي تكون مطفية تماما وش نصيحتك ايش النوع اللي يناسب (بخاخ- ولا فرشة) وهل فيه اسم معين ووين أحصله بالسعودية؟

    الله يذكر homedepot و Lowe’s بالخير نحصل كل شغلاتنا عندهم.

    • يقول أروى العمراني:

      مرحبا مصعب .. شكرا لك .. طاولة ايكيا اللي من هالمجموعة مو مغلفة بخشب للاسف مغلفه بطبقه ميلامين ، بلاستك .. فصعبه تنصبغ بطبقة حماية ، بحثت لك عن الموضوع وماحصلت حلول للمعالجة ، لكن فيه حلول لللحماية واغلبهم يقترحون وضع زجاج على السطح .. الا لو تحب تصبغها بالكامل بلون .. مافيه ولا احد اقترح صبغها بورنيش او طبقة حماية وانا شخصيا ماجربت بنفسي فما اقدر اضمن لك النتائج .. اما بالنسبه لطبقات الحماية للخشب فانا استخدمت في هالموضوع نوع مطفي وحطيت اسمه والبخاخات افضل ماتطلع علامات لكن يبغالها خبره شوي ويد خفيفة عشان ماتطلع شكل نقط على السطح ..
      كل هالاغراض والله اعلم موجوده في ساكو واحيانا في جرير يبيعون بعض الادوات للاعمال البسيطة .. فعلا هنا في امريكا سهل الحصول على الادوات لان الكل يشتغل بنفسه .. اتمنى تجد حل مناسب قريبا تمنيت افيدك اكثر ..

  127. يقول Maryam al hameli:

    السلام عليكم ورحمه الله

    حبيبتي اروى ..
    شكرًا على كل الجهود اللي تبذلينها من اجل توصيل الفكره .. وفعلا وصلت الفكره وتحمست كثير بناات ومنهم انا ،، متابعه لك قديمه لكن من بعيد انسانه فعلا تدخل القلب الله يسعدج ،،

    اختي اروى عندي كرسي حديقه لشخصين ،، الكرسي عباره عن الواح خشب مستطيله يعني بين كل لوح ولوح فراغ بسيط ،، الجوانب ومن تحت حديد وكنت صابغه الخشب قبل سنين بصبغ ابيض بس بدون اي صنفره ولا حمايه ههههه ماكان عندي درايه وحتى الحديد تقشر وحابه اصبغه مثل الدرج هذا ،، شو ممكن تكون عندج نصائح لي ،، ولون الحديد انصحيني فيه اختي اروى وحابه يكون مطفي لكن قلتي الأفضل شبه لامع للحديقه

    وشكرا من القلب اختي

    • يقول أروى العمراني:

      أهلا مريم الجميلة
      وعليكم السلام ورحمة الله وبركاته ..
      شكرا على كلماتك اللطيفة ومتابعتك ، اسعدتيني ..
      بالنسبة لكرسيك ، اولا اذا حابه تصبغينه صبغ (لون ) صنفريه صنفره خفيفه لحد ماتروح القشور ويصير الملمس مستقيم ، بعدها اصبغيه بطبقة اساس اسمها برايم prime coat بعدها اصبغي باللون اللي تحبين ..
      اما الحديد ، كيف تقشر؟ انت صبغتي الحديد بنفس الصبغ ؟ اذا كنت صابغته سوي له صنفرة قوية لحد مايروح كل الصبغ الي عليه وبعدها اذا حابه تصبغينه بنفس لون الكرسي اتبعي نفس الخطوات حطي البرايم وبعدها الصبغه ..
      اذا حابه لون ثاني احس الحديد حلو اسود ، او حسب الاتجاه الي انت حابه ..
      بالنسبه للمعه ، عادي مطفي ، لكن المطفي ماينمسح بسهوله ، فمثلا لو جا عليه غبار ، ممكن يصعب مسحه ويكون شوي مشهب وتحتاجين تمسحينه بفوطه خاصه ماتتقطع ، بينما الشبه لامع تقدرين تمسحينه بمندديل مبلل عادي ينظف بسرعه ..
      بالتوفيق ياقلبي ووريني النتائج على بريد الاصدقاء

  128. يقول MANAL:

    جميييل.. طيب انا عندي طاولات لونها ابيض من ايكيا وغيره .. جديده الصراحه ..مطفيه لكن ابيها بلمعه عشان يسهل اني امسحها لو انكب عليها شي اوماتتوسخ بسسرعه .. وش الحل ؟

  129. يقول ام نور:

    اختي انا عندي دولاب من ايكيا لونه اسود وحابه اغير لونه ابيض هل اقد اغيرة او متعب والله يعطيك العافيه على شغلك

  130. يقول اماني:

    السلام عليكم اروى
    انا صراحه ناوي اغير كذا قطعه بغرفتي من الون الاسود للابيض
    فحابه اجيب جهاز الصنفره بس ما حصلت الا نوع واحد في ساكو
    ابي اعرف اذا فيه مميزات مفروض انتبه لها ؟؟

  131. يقول Norah:

    ابي استشيرك بطاوله عندي الصراحه عجبني شغلك واحس عندك خبره ماشاءالله وارسلت لك قبل دايركت انستقرام مع صور بس ماجاوبتي فاكيف اراسلك

  132. يقول هدى:

    اروى عندي طاولات جاهزة عليها رسم وورنيش طبقة لامعة وابغى اغير لونها هل ينفع احط عليها بوية على طول والا لازم صنفرة ؟ هل تنفع الصنفرة باليد او بتكون متعبة لازم جهاز ؟ ردي ارجوك

  133. يقول رورو:

    ماشاء الله شغلك روعه حبيت اسألك حبيبتي انا ابغى اصبغ طاولة طعام اسود من ايكيا بلون ابيض هل اسوي نفس طريقتك
    دي طاولتي
    http://m.ar.ikea.com/sa/ar/BJURSTA-7'HD)-B'(D)-DD*E/J/-%0C-(FJ-#3H/-160nw/

  134. يقول Bashayer.:

    اسعد الله صباحك او مسائك ?
    عزيزتي أروى ،
    ممكن تقولين لي الأدوات اللي تستخدم لصنع كرسي خشبي؟ ،
    بحثت في قوقل بس مالقيت اي معلومه عنه.

    شاكره ومقدرة جهودك. ?

  135. يقول Bashayer.:

    اسعد الله صباحك أو مسائك بكل خير ?.

    عزيزتي أروى ،

    بغيت اسئل عن الأدوات اللي تستخدم في صنع كرسي خشبي ؟
    ،بحثت في قوقل لكن ماحصلت اي معلومه 🙁

    الشيء الثاني كيف نهتم في النبات ؟ انا قبل فترة شريت نبته وكنت بغير الأناء شلت النبته وصار فيه حشرات بالتربه حقتها ، صراحه مو عارفه كيف اهتم بالنبات :'( ،اتمنى تسوين موضوع عن هالشيء لنبات الكبير والصغير.

    شاكره ومقدره جهودك الجميلة.?

  136. يقول Rasha:

    مرحبا اروى. شغلك جميل جداً ماشاء الله حفزتيني اشتغل بأشياء عندي. حابة اسألك عن قطعة اثاث عندي صبغتها ناعمه مره وفيها لمعه خفيفه، كيف اقدر اصبغها؟ لان احس ماراح يطبع فيها وغير اني ابغا احولها لشكل فينتج اكثر، يعني ابغا سطحها يكون خشن شوي.

  137. يقول Lymachi:

    اهلا~☁?
    الله يسعدك دنيا واخره يا فتاة ???
    الله يسخر لك ويرزقك وييسر امرك ويرزقك بر الصغنونه ??? ويطول بعمرك وعمرها يا رب ويخليها لك ??

    تخيلي يا فتاة لقد انكِ فكيتي ازمه لي ???
    كنت ناويه اغير لون اثاث غرفتي #خشب
    واعرف بعض الخطوات من #غادةال_الشيخ ✨?
    بس مب بالتفصيل الرهيب زيك صراحه سهلتي علي وريحتين بشكل اخخ بس احس ودي الحين اقوم ادهر ?✋?

    — شكرا الف شعطشميهسبعين ??

  138. يقول بدوره:

    ماشاء الله شغل جمييييل وان شاء الله رح اطبق هذا الشغل ع طاوله التلفزيون وطاولت الخدمه لونها بني وحابه احولها للابيض العتيق هل استخدم نفس اسماء الصبغه اللي ذكرتيهاولا كيف ؟

  139. يقول ابرار:

    السلام عليكم كيفك اروى
    ممكن اعرف طريقه احمي بيها خشب ايكيا من المويه لانو لو جات مويه عليه يخرب من تخت بالزات الدولايب والادراج ممكن تقوليلي طريقه اعملها احمي من المويه

  140. يقول Eman:

    شكرا اروى
    عندي استفسار
    كيف اعرف اذا الخشب حقيقي او قشرة خشب؟
    عندي طاولة أكل وكراسي ومو عاجبني لونها
    فيه طريقة أقدر اتأكد انه خشب غير اني اشوف موقع الشراء لاني اشتريته مستعمل
    وشكرا مره ثانيه على التدوينة الرائعه

  141. يقول نهى:

    مرحبا أروى.. شكرا على المواضيع المميزة والافكار الجميلة.. انا من المعجبات بك جدا.. حبيت أستشيرك انا عندي دولاب ملابس صغير لونه بني غامق وبه خدوش شالت أجزاء من لونه والان ابي اصبغه أبيض بأقل التكاليف. سؤالي ما هو الاوفر ماديا بالنسبة لي اني اصبغه بنفسي او احضر رجل مختص يصبغه؟ علما اني مالي خبرة بالصبغ لكن ممكن أجرب

  142. يقول اشواق:

    ماشاءالله تبارك الرحمن مبدعه
    طيب سؤال افكر اشتري طاوله لونها بنيي فاتح زي الخشب العتيق وبدل مااشتري اللونها انا عندي طاوله بس االمشكله لونها اسود اخذتها من ايكيا قبل فتره هل ممكن اصبغها الى اللون البني ؟

  143. يقول Haifa Ahmad:

    السلام عليكم ..
    سعيدة جدا باضافتي كصديقة في مدونتك �
    ماتتخيلي كم سنة وانا ادور طريقة صبغ الخشب والتلوين �
    ااالف الف شكر حبيبتي عالابداع وروعة وسلاسة الطرح..

  144. يقول ميمي:

    ماشاءالله يااروى مبدعه الله يحفظك
    حبيت اسألك انا عندي طاولة من ايكيا سطحها خشب ولوح تقطيع كبير خشب كلها تحتاج حماية ورنيش ولمعه
    فماادري ايش اخذ نوع ارشيديني جزيتي خيراً❤️

  145. يقول Deena:

    كيفك اروى اتمنى تكوني بخير
    استمري هكذا الصراحه مبدعه ومتقنه الله يوفقك يارب

  146. يقول Deena:

    اروى حبيبتي ياليت تعطيني درجة اللون الأبيض للخشب عشان ابغى الون الخشب الفاتح الي لون ابيض ومني عارفه اطلع اللون من نفس الشركه الي انتي استخدمتيها

  147. يقول أمل:

    جميل ماشاء الله بارك الله جدا استفدت ، عندي سؤال ايش الاماكن اللي تبيع صبغ الخشب ؟ انا في السعودية

  148. يقول Hadeel:

    ما شاء الله ،. مررره جميل ،. تسلم ايدينك ،.

    حابه اجرب طريقتك ع اثاث غرفة ،. و بآخذ رأيك ..

    حابه اغير لون اثاث غرفة النوم لـ اوف وايت ..

    أفضل آخذ paint أو Stain ؟!

    واللمعه تكون شبه لمعه او مطفي ؟!

    ايهم افضل برأيك ،.

    انتظر ردك ،. وشكرا لك

  149. يقول خلود اللهيبي:

    اروى مطبخي المنيوم بني فاتح ومرا مضايقني و نفسي اصبغه.. انصحيني بأفضل بويه وهل تمسك بحكم انو الالمنيوم ناعم؟ وهل اقدر اصبغ الرخام حق الالمنيوم برضو بنفس البويه .. ردي ضروري

  150. يقول بيداء:

    مشاء الله ابداااع تسلم يدينك… ابسالك اروى انا شريت طاولة قهوة من ايكيا لونها عودي بدون لمعه .. واثناء التركيب جاها خدش كبير وسبب تشوه للطاولة.. متحسفه فيها وفي نفس الوقت ما احس تليق بباقي الاثاث .. غطيت الخدش بقطعه مفرش طاولة لكن حابه اغير .. هل اقدر اسوي نفس اللي سويتيه بالكرسي بالرغم من اللون الغامق؟

  151. يقول صفاء:

    ياليت تسوين تدوينة عن الارضية الخسب لاني ان شاء بسوي زيها انتي سويتيها ؟؟ وين القها في محلات السعودية تحديد مكه
    وشكا من كل قلبي

  152. يقول Nadia:

    مرحبا اروى ,

    ملهمة كعادتك , شكرا لجهودك استفدت منها كثيرا …

    حبيت اعمل طاولتي بنفس الستايل ولكن واجهتني مشكلة اللي هي الفينيير ( veneer and partical board ) مااعرفت اش ممكن يشيله بدون ما يأثر على خشب الطاوله . لو عندك خلفيه عنها ياريت تفيديني ..

    شكرا ..

  153. يقول KHOLOUD A:

    اسعد الله ايامك جميلتي ❤️.
    اسمحي لي اكتب لك عن ما بخاطري قبل اسألك واسترسل بموضوعي.
    الكلمة الوحيدة اللي تجي على بالي اذا شفت لك اي سناب او مدونة او صورة انستقرام (اروى المُلهمة)
    صراحة انتي شخصيه عظيمة وام اعظم والحمدلله الذي سخر لك حب الناس .
    وبما انك ملهمتي جتني فكره جريئة جداً من بعد خطوتك ب طلاء جدار صالتك .. اعجبتيني جداً ، وفكرت مع نفسي كثير وقررت اغير لونها مع ان مالها سنه .
    م اطول عليك سؤالي ان غرفتي مايلة للون البرتقالي وبصبغها ابيض ، هل يحتاج لطبقة اساس او يوضح لون الابيض بدون اضافات ؟ واذا عندك نصائح او احد من متابعينك لا تبخلون علي جُزيتم خير جزاء ❤️❤️❤️❤️

  154. يقول Asmaa Ali:

    اولاً أهنيج ع الابدااع ماشاءالله..
    أروى انا عندي طاولة من هوم سنتر خذتها.. وهي خشب لامع.. صار فيها كم وسخ وسويت اكبر غلطه اني استخدمت كلوركس الملابس يوم نظفتها.. وصار لونها اصفر باهت.. هل في مجال احصل منظفات تردها للونها الابيض؟ وهل اقدر أصبغها لو مانفعت المنظفات؟

  155. يقول amani:

    بالرغم من اني سبق وقرأت التدوينة بحماس وبكل تفاصيلها ، اليوم رجعت أدورها والمعلومات اللي فيها جدا قيمة بالنسبة لي رجعت لها عشان اعرف وش احتاج من ساكو اذا مريته بكرا باذن الله ، وإذا ربي أراد وتمت كل الأمور مثل ماخططت لها شاركتكم بالنتائج ? كل الحب لك اروى على إلهامك والطاقة الإيجابية اللي قاعده أستمدها منك، وكل ماانتفعت من شي عرفته منك دعيت لك من القلب ❤

  156. يقول روان:

    ماشاءالله اي شيء تسوية يطلع يجننن
    الله يسعدك ???

  157. يقول سارا:

    أروى الملهمة..
    كيف أعرف إذا طاولاتي مصنوعة من الخشب أو قشرة الخشب.. وإذا كانت من قشرة الخشب كيف أعيد صبغها بلون مختلف عن لونها الأصلي.. وفي حال إني ما صنفرت الطاولة فأي نوع طلاء ينفعني؟
    وهل ممكن تكون الطاولة مصنوعة من نوعين من الخشب، يعني سطحها نوع، وأرجلها نوع ثاني؟

  158. يقول ساره:

    اروئ الله يزيدك من فضله ويسعد قلبك ❤️❤️
    عندي استفسار اغئ اصبغ طاوله تي في وطاوله كوفي من ايكيا وشفت مقطع وحده حاطه صبغ تقول هذا مايحتاج صنفره اسمه فينوماستيك من ماركه jotun
    عندك خبره عن هالموضوع ياليت تفيديني وشاااكره لك ??

  159. يقول ام لينا:

    يعطيك العافيه علي الشرح الجميل بس عندي استفسار انا عندي كنبعليه ديكور خشبي وفيه بعض الاجزاء الصبغه متقشره ايش النوع المناسب اللي اصبغه فيه

  160. يقول مريم . م.ب:

    السلام عليكم
    روووعة ماشالله وشرح وافي

    عزيزتي عندي استفسار

    لو حبيت أصبغ نفس هذا الكرسي لون أبيض أو بنك هل أستخدم البينت أفضل من الستين إذا ماحبيت يبان عروق الخشب ؟ بمعنى أبغاه لون سادة كأنه ملبس …وشكراً

  161. يقول نبأ:

    مرره حلو ماشاء الله بسألك اروى اذا بصبغ تسريحه وهي خشب اصلي بني محروق بحولها لابيض معتق اكيف اختار اللون بحيث يصير ابيض معتق ؟

  162. يقول سماح:

    ماشاء الله تبارك الله ، الله يسعد قلبك يا أروى ..
    عندي طاولات لونها بني غامق سدت نفسي ابغا اصبغها أبيض واستفدت جدا من موضوعك الله يسعدك ❤

  163. يقول أم أرين:

    جمييل شغلك جدا مثل اللي يدروسن فنون وتصميم داخلي انا خريجة فنون وتصميم داخلي ودائم بشهادة الجميع شغلي ممميز والحمدلله اغلب موادي العمليه تقديري ممتاز بس نفسي افعله بس مو عارفه كيف

  164. يقول أشواق:

    ماشاء الله شغلك احترافي.. للمرة الثانية أصنفر وأتعب وأصبغ لكن تبقع الصبغة ولا تكون النتيجة مرضية .. يبدو أني أعيد على المنطقة قبل تنشف وهي تلصّق فتبقع

  165. يقول احلام:

    يازينك اروى ويازين اعمالك??
    بعد اذنك اروى انا اعمل ع صنفرة طاوله عندي. واول تجربه لي. ومالقيت بالمحلات الي حولي زيت معالج. انا بقريه صغيره. فممكن استبدله بزيت الزيتون؟! مدري طرت فكرة زيت الزيتون. ! ودي اخلصها واصبغها وتنشف قبل رمضان ??

  166. يقول احلام:

    اروى الله يسعدك. ردي باقرب وقت.
    العمل ينتظر رائيك??

  167. يقول Nora:

    طيب كيف اعرف اذا الطاوله الي عندي ممكن اصبغها او لا يعني بالاصح خشب طبيعي او لا .. هي كمينه من ايكيا لونها اسود وانا حابه اصبغ غرفتي كامله ابيض بس الاشياء الصغيره بسويها بنفسي ..

    ياليت توضحين كيف اعرف الخشب اصلي او قشرة

  168. يقول فوفو:

    لو سمحتي اخذت سرير نوم امن ايكيا ابيض واعطوني ادراج التخزين لون بني ابي اغيرها لابيض من حيث ماتبين لون ثاني لو تعرفي طريقه اكون ممنونه لك ?

  169. يقول خولة .:

    من أروع المواضيع واللي تمّ تنفيذها بصالتي كاملة ?
    حوّلتها من الخشب الأبيض الى الخشب البني الراقي على قولتك من ايكيا لبوتري بارن واستخدمت طريقتك في الصنفرة ?? صحيح كانت متعبببببببة جداً جداً والوقت اخذ مني فترة طويلة . لصغر حجم آلة الصنفرة + والطاولات تم فكّها ( طاولة التلفزيون + الجانبية + اللي بالنص مستطيلة + والدولاب اللي للكتب جانب طاولة التلفزيون ) لكن النتيجة جداً مُرضية الحمدلله ?????♥️

    شكراً أروى على إبداعك شكراً لك على كل شي ?♥️

    أتمنى تنزلين موضوع عن صور وتشكيلات ورسومات تخص
    ( البراويز ) بحيث تكون رسمة او صورة راايقة كَ أروى ?

  170. يقول ماجده:

    اتحمست منك كثيييير و اليوم قررت اعدل طاولة الطعام حقتي ان شاء الله اخذت جميع الاغراض ولاكن اتعسرت في معرفة اسم الصبغه الي اصبغ فيها الطاوله لاني لما رحت اشتري ماعرفت ايش اقلهم ف الاخير اعطوني ورنيش وتنر و ماقدرو يفهموني اني ابغا اللون الخشبي الي انتي صابغه الطاوله فيه موعارفه اسمو

  171. يقول Fadwa:

    السلام عليكم ورحمة الله
    كيفك أستاذة أروى ؟?
    من وين اقدر أحصل على الصبغات ؟ من اي محلات بالسعوديه تقريباً

  172. يقول آثار:

    السلام عليكم

    اولا ما شاد الله شغل رائع ومتقن أحيكي صراحه.
    ثانيا عندي سوال على صبغ الخشب:
    أنا مره حابه أصبغ كراسي الصالون حقتي بدهان الطباشير المعروف باسم Chalk paint ولكن بلون بني وعزله بالشمع الشفاف وتعتيقه بالشمع الغامق مع درجات الذهبي باستخدان ال Gilding wax. كنت استخدم هذي الطريقه في أمريكا لتوفر هذه المنتجات سؤالي بما إنك ماشاء الله تبارك الرحمن خبيره في الصبغ مره ودي أعرف من وين ألاقي هذي المنتجات بالرياض مره حست. يا ريت الله يسعدك تدليني. أنا حابة طريقة الدهان هذه عشان أطفي لون خشب الكراسي اللي عندي

  173. يقول Asma:

    مرحبا
    عندي طاولة لونها ذهبي وحابه اغير لونها للابيض ي ليت تنزلين عن هالموضوع

  174. يقول loook:

    ماشاء الله شيء جميل.. ينفع استخدم هالطريقه لخشب ايكيا الابيض؟
    ولا في طريقه ثانيه بوضع الورنيش فقط..

  175. يقول Ms. alhajri406:

    كل شي ممتاز ✨ الا ضرب الكرسي واسوي فيه حفر احسه ما له داعي 😅

  176. يقول فآطمة 💘:

    أروىٰ عزيزتي .. أنتي ملهمة كالعادة 💜 ، و عندي إستفسار بخصوص شي و محتاجة نصيحتك .. انا سطح و حابة استغله و اخليه حديقة جمميلة جداً ، حابة اركب حشيش صناعي و هكذا ، لكن ودي أسوي جلسة خارجية خشبية و مو حابة اشتريها جاهزه ، حابة أسويها بيدي ، بس مو عارفة من وين احصل على الأشياء .. حابة اشتري سلات خشبيه مكعبة الشكل لكن بحجم كبير و اركبها مع بعضها و اصبغها بعدين و احط مخدات مسطحة للجلوس على الكراسي الخشبيه اللي انا صنعتها .. شرايك ؟ و كيف احصل على السلات الخشبية و هذي الأشياء ؟ ( زوديني بمعلوماتك الملهمة عزيزتي 💘💘 )

    • يقول أروى العمراني:

      اعتقد تحصلينها من الصناعية قطع الخشب وتحتاجين ادوات نجاره من ساكو ، انصحك تجيبين نجار يعملها أو يقصها لك اذا كان هذا مشروعك الوحيد ، اما لو حابه تدخلين هالمجال فمثل ماذكرت لك وايضا اظن النجارين يبيعون خشب جاهز

  177. يقول Atheer:

    مرحبا اروى كيفك ان شاءالله تمام
    ماشاءالله تبارك الرحمن افكارك ابداعيه وفنانه في كل شي تسوينه
    ممكن استفسر عن اشياء بسيطه عن اعادة التدوير والصبغ
    انا بالعاده اصبغ اشياء خفيفه وبسيطه
    بس هذي المره حابه اصبغ غرفتي كامله بس متردده لان غرفتي لونها بني غامق وحابه اصبغها ابيض واحسها شيء كبير واخاف اخربها ابي نصيحتك اذا ممكن 🤭

  178. يقول zainab:

    الله يسعدك اروى قد ماكانت مدونتك مره مفيييده ♥️♥️.. بسوي طاوله طبليه وابي اصبغها بس بتكون تستخدم للاكل وكذا واحترت اي نوع ورنيش اختار اصبغه مطفي او شبه لامع لانه بحث ومالقيت ورنيش شبه لامع وماني عارفه كيف ينكتب بالانجليزي

  179. يقول شيخه:

    شكرا اروى الجميله استفدت مره بطبق ان شاء الله. يجنن الكرسي ما شاء الله

  180. يقول Rawan:

    واوو ما شاءالله عليك اروى مبدعه 😍
    عندي سؤال حبيبتي غرفه عيالي من بوتري بارن لونها بني غامق كئيب ودي اغيرها للون الابيض او العاجي جبت نجار قال ماينفع البويه بعد كم شهر بتتقشر بس ماش مادخلت في مخي ابي اغير اللون اذا عندك حل اتمنى تكتبين لي اكون شاكره وممتنه ❤️❤️🙏🏻

  181. يقول zozo:

    اروى يا مبدعة ♥️♥️ ممكن سؤال الفراغات بين اعمدة الخشب كيف يمكن نغطيها هل فيه لها مادة معينة

  182. يقول بسمه:

    طيب لو كان الخشب مصبوغ وفيه نقشات ينفع هذي الطريقه ؟

  183. يقول Olfat alameer:

    ماشاء الله لا قوة الا بالله الله يقويك 👍🏻 شغل فنان

  184. يقول فاطمة:

    ياليت عرفتك من قبل ..ياخسارة اثاثي اللي اطلعه واتخلص منه كل فترة ..
    سعيدة جدا باكتشاف مدونتك ..وياليت كل اللي بالسناب يكون هنا ..علشان السناب عادة مانلحق عليه ..
    الله يسعدك ويبارك فيك يارب

  185. يقول Hdo:

    ارى يسعد اوقاتك كنت بسالك ابي اصبغ طاولة القهوة بنفس اللون بس اصبغ الخدوش وش استخدم من فضلك

  186. يقول ملاك:

    يعطيك العافيه اروى 💕 مره مغرمه بشغلك ومعجبه فيه، احب سناباتك اللي خلتني افكر بتجديد بعض الاشياء في بيتي، عندي سؤال اتمنى تجاوبيني عليه ، انا حابه اجدد طاوله عندي لغرفة الجلوس هي مصبوغه وراح اغير صبغها ، اشتريت صنفره وصبغ (سبراي) خاص للخشب، وايضا اشتريت اساس عشان قبل الصبغ مره شفته بسنابك فهل راح ينفعني الاساس بما ان الطاوله مصبوغه من قبل وهل يحتاج اطير طبقة الصبغ القديمه كامله ولا اكتفي بالتنعيم واذا عندك نصيحه بليز لاتترددي

  187. يقول Om jone:

    عندي طاولة تلفزيون من ايكيا لونها اسود اقدر اسنفرها واشتغل عليها

  188. يقول ايمان:

    الله يسعدك سعادة مالها نهايه هذا الي كنت ادور عليه وقلت مالي الا اروى العمراني هههههههه مرره حابه طاوله تكون بهذا اللون والشكل العتيق وماابي اتكلف لاني ابيها للتصوير بس ماعندي خبره بأمور الصبغ وجا ظني بمحله ؛)

    الف شكر لك

اترك رداً على خلود اللهيبي إلغاء الرد


أضف تعليق عبر الفيسبوك: